البارت الثامن
حسيت بعيون طالعني بحقد عرفت من صاحبة هالنظرات ماكو غيرها فاضيه
ولا مالقت الا انا ماعطيتها اي نظره خلاها تستفز مشيت وفتحت الدرج وماحسيت الا الكوتيكس ( الي خبركم)
تطلع علي من درجي سمعت ضحكتها الرنانه وماحسيت الا الكل يضحك علي
طالعتها وشفتها تغمز لي رحت صوبها ابي اعلمها مع منو تلعب ماحسيت الا اثنين عمالقه قبالي
همست لي وهي تبتعد مو قلت لك ماارح اخليك ياتركي وهذي بس هديه صغيره الباقي جايك بالطريق
اما خليتك تعوف هالسنه مااكون انا سوسن
حسيت بالشرر يطلع من عيوني كيف وليه وش تبي
ماحسيت الا بيد كايد على كتفي : ماعليك منها هذي جالسه تلعب بالنار
التفت صوبه : هذي النار الي حنا نجلس نلعب فيها
كايد : خايف منها ياتركي
حسيت بالقهر من كلمة كايد وطالعت فيه: مو منها خايف من شي ثاني
كايد بستغراب: شنهو
تركي: من حياتي الجديده ويا خلود خايف لاتفرق بينا خايف لاتبتلي خلود بنفسها
خلود حياتها كلها صعبه واجي انا ازيدها صعوبه والم لا ياكايد انا وعدتها اخلي حياتها
سعيده كيف الحين اقولها كيف
كايد: لاتخاف ولاشي هي اصلاً ماهي قادره ابد انها تفرق بينكم بس انت لاتقولها ولاتخليها تشوف خلود
عشان لاتصيرلك مشاكل من وراها وان زادت قسم ماتشوف الا رقبتها معقله عند باب الجامعه
ابتسمت لكلام كايد وبراحه: اتمنى هالشي ياكايد
/
/
/
عشنا كثير وشفنا كثير واللي حصل ماله جواب
إنقاسي الوان العذاب وحياتنا وهم وسراب
هم وأنين طول السنين إنعيش في غربه غياب
هذي حياة العاشقين
أصعب حياة أصعب حياة
هذا يحب وهذا تعب وهذا نقول الله معاه
من حب احد أبد أبد ماينسي لو هو نساه
دنيا الهوى ماتقبل انصاف الحلول
هذي حياة العاشقين
اصعب حياة اصعب حياة
ملح الحياة التعب ماحس أبد بطعم الحياة من لاتعب
حلا الحياة الحب يتعب كثير ويبكي كثير من لايحب
دنيا الهوى ماتقبل انصاف الحلول
هذي حياة العاشقين
اصعب حياة اصعب حياة
على هالظهريه ريم ترقص
وجالسه تهز بخصرها ونافشه الكشه ولابسه شورت وبدي كت
وتهز كل ذره بجسمها مع كل دقه بالاغنيه مندمجه حيل ويا الاغنيه ورايحه بعالم ثاني
كنت جالسه اتغدا واشوفها وهي ترقص حسيت ان البنت عندها سالفه بس ماهي يمي
ماحسينا الا بشوق الي تضحك على ريم وكشتها
شوق: ريم تبيني اشتري لك استشوار تفردين الكشه
ريم كانت تضحك وجلست تهز كتوفها صوب شوق وبهمس: الحين الموضه شعر مريام وش ورانا خلينا نفك الكشه ماهي احسن منا خخخخخخخخ
خلود: اوما تبطين تصيرين مثل ميريام
ريم : وه بس مالت عليكم ماتعرفون للزين
شوق : امشي بقولج شي و قصري على الصوت
ريم : هاه شتبين
شوق : الحين تونا رداين من الجامعه وتعبانين نبي نرتاح كيف تجيج الطاقه وترقصين ابي افهم بالله
ريم وهي تحرك ايدينها لشوق : شوفي ياست شوق الطاقه تجي من اعماق القلب الفاضي الي يحوي فراغ العاطفه ويخليج بحاله هستيريه لين ماتلقين هذا الي يسد هالفراغ عاد هنا اطفى انا واهدا لان كل طاقتي
بتكون عليه يعني اجي واكفخه واصكه بالنعله ولا اسوي نفسي معصبه واكب الشاهي بوجهه
ولا اتدلع بالسوق واقوله شيلني قدام العالم ولا اقوله قوم احبي على الارض واتبعني
ولا اقوله اصرخ بأكبر مجمع بكندا وقول احبك ياريم يالي خليتيني مجنونج
ولا يطلب ايدي قدام العالم وقدام البرنامج التلفزيوني المفضل اوبرا واجلس ابكي واقول انا موافقه
ياحنفي موفقه واخيراً جيتني وينك عني منذ مبطي
شوق وانا : هههههههههههههههههههههههها ي والله ياكثر خبالك بس
حاولت امسك نفسي من الضحك بس كل ماذكرت كلامها اتأكد ااكثر ان ريم ماهي صاحيه ابد
: من جدج تتكلمين هذا حيوان ماهو انسان يسوي كل شي ولايقول لا
شوق : مسكينه ياحلاة احلام اليقضه اموت فيها
ريم وهي تتخصر: بتشوفون هين هين بكرا تجوني وتقولون ياحظج ياريموه برجلج وكيف جبتي راسه
شوق: اه يابطني تكفين ريم بس مالي خلق اضحك الحين انتي وكشتج تبين واحد يموت فيج حنا الي احلى منج مالقينا وجالسين ننتظر حبيب الغفله
ريم وهي تقرب صوب شوق : شفتي شفتي حظي وحظج حيل خايس موب زي بعض الناس وجلست طالعني وترفع حواجبها
ابتسمت بسحى : وجع ريموه ماصار شي عشان تحسديني
شوق بستغراب: شفيكم شلي يصير من وراي
طبعاً ريموه هذا الشي المقدس عندها نشر الخبريااات السعيده والتعيسه
ماحسيتها الا بوسط حظن شوق وجلست تقول : شوفي ياطويلة العمر خوخه البطه جاها واحد يطيح الطير من السما يموت فيها حيل حيل لدرجه يعشق الارض الي تاطها
حطيت ايدي على راسي وببتسامه: ياكبر شرهتك بس وش دراك عنه انه ميت فيني هاه لايكون انتي تعلمين الغيب بس هههههههههههاي
ريم وهي تغمز : الكتاب مبين من عنوانه ياحلوه وهـ بس ياهو زين ياهو يشق العين بس مشكلته يبيله قص لسان
وهذا ان شالله راح يكون بيدي
شوق : الحين كل هذا يصير من وراي انا وين كنت
ريم بلقافه: انتي كنتي بالحمام ولااخوات فالينها ضحك ومغازل عيني عينك صدق من قال لاراح الفار العب ياقط
شوق وانا: هههههههههههههههههههاي يعلن خيرج خربتي ام المثل
ريم : وش سويت بعد
ضربتها على راسها وقلت : كيف جتج البعثه لكندا وانتي حيل حيل مفهيه
ريم : لان هذا الشي الوحيد الحلو الي غير لي حياتي
شوق: بالله بنات اتكلم وياكم بجد الحين خوخه تحب
ريم وهي طالعني : موبس تحب الا طايحه على وجهها بعد خخخخ
وقفت بعصبيه: مالت عليكم بس الحين ماتشوفون الا انا شوفوا الاخت هيوف رايحه بجو حتى ماجلست ويانا
شوق: وبعد هيووووووووووف لاريم تكفين دبريلي انا وانتي رجال خلينا نملي فراغ العاطفه الي فينا
ريم بضحك: هههههههههههههاي خليني بالاول القى بعدين اعطيج ولااقولج فيه الحارس والسباك تحت
وش رايج انا الحارس وانتي السباك
شوق بضحك: مالت عليج طاح حظي اذا بسمع كلامج
طلعت من عندهم وانا ميته ضحك على ريموه العوبا ابد ماتعرف تسكت هالبنت كل شي تقطه حتى لو مهم اصلًاً اشك
ان هالبنت عندها اشيا مهمه
::
:::
زي كل ليلهـ نروح للبار بس هالمره كايد قالي ماهو طالع استغربت من كلمته
التفت صوبه: من الحين قدرت تمنعك خخخخ
كايد : لا بهذي ماهي قادره ابد انها تبعدني عن البار بس انا ابي اكلمها
تركي: اها اجل بخاويك انا مااحب اروح البار الا وياك
كايد: اوكي بعد نص ساعه نروح
طالعنا برشود الي متكدر وحالته حالهـ
خذيت المخده وقطيتها بوجهه : وش فيك ضايق
راشد: مافي شي مهم
تركي : لاعاد تكلم راشد موب زين السكوت تراك ساكت حيل تكلم فض فض
راشد بتردد: تقدر تحب من غير ماتسمع ولاتشوف
استغربت من كلامه ولافهمت : وضح اكثر راشد
راشد: خلاص انسى اانا قلت لك مارح تفهم
اول مره اشوف راشد حيل متكدر حسيت ان في شي: تكفى وضح ولاتجلس تقط خيط و خيط
راشد بتردد: انا احب عن طريق النت
تركي : اي ومن متى
راشد: من اكثر من ثلاث سنين بس ماعمري شفتها ولاسمعت صوتها وكل يوم يزيد حبي لها
تركي: خايف من شنو راشد
حسيت بالخوف بعيونه وهو يطالعني: خايف خايف من انها تلعب بمشاعري او انها ماهي بنت او او تعرف انت هالسوالف كلها
كملت كلامه: او انها مطلقه او مره كبيره او بزر تلعب او وحده شينه او وهم تعيشه صح رشود
هز راسه راشد لي وبحيره: تكفى تركي ماابي اتألم انا تعلقت وخلاص مااقدر اقول مارح اتعلق او بلعب
انا حسيت ان هالبنت تجذبني هي خلتني اموت فيها وبنفس الوقت هي بعد تموت فيني
بس فيها شي غريب احسها ماتحب تبين مشاعرها ساعات اقول انها ماتحبني وساعات اقول انها تموت فيني
تركي : تدري عاد راشد يمكن اهي تصير البنت الي تناسبك انسى النت و بلاويه يمكن بالنت شي حلو مانعرفه
انت نيتك صافيه وهي يمكن مثلك اذا تحبك اطلب انك تشوفها او تسمع صوتها عشان ترتاح وتريح
راشد: ان قلت لها راح تتركني
تركي: اذا تحبك مارح تقدر وانت بهالحظه بتعرف اذا تحبك ولا
راشد بخوف: اخاف اخسرها
تركي: مارح تخسرها وان خسرتها راح تعرف انها ماتستاهل قلبك
ماحسيت الا ابتسامه ترتسم بوجه راشد : الله يسعدك ياتركي والله ريحتني كنت مشتت حيل
تركي : ولو حنا بالخدمه بعدين الحياه حلوه لما نعيشها مع ناس نحبهم
راشد : تدري صرت احب اجلس بالمسن ساعات طويله عشانها
تركي: وهي تبادلك نفس الشعور
راشد : اهي دوم القاها قبلي بس زي ماقلت لك ماتبين لي
تركي: اجل تأكد انها خايفه انك لو عرفت انها تموت فيك انك تتخلى عنها
راشد : والله شاريها ولدرجه اني راضي اني اتزوجها مو مهم كيف المهم اني حبيتها
تركي: مجتمعنا يرفض هالشي
راشد : كل الطرق وحده بس النهايات تختلف شنو فرق الجوال عن النت ولاشنو فرق الخطابه ولاشنو فرق الزواج التقليدي موب النهايه وحده تركي خلاص هذا الي نبيه
تركي : هذي اشيا مستحيل تغيرها رشود خلاص انزرع من الاساس فينا
راشد : انا بغير هالشي يا تركي
طالعته : واهلك بيرضون
راشد : اذا يبوون سعادتي راح يرضون
تركي : انت تخطط ولاشفت راي البنت شكلك
راشد : خلني اعيش بحلمي ولاتذكرني لان
تركي : بعد فيها لان شنو تكلم
راشد : البنت مخطوبه وراح تتزوج
تركي وهو يوقف: من جدك انت تتكلم ومعلق روحك وياها وهي بتعرس
شنو هالكلام راشد
راشد : خلاص تركي تكفى الي فيني مكفيني
تركي: لا لازم ماتعلق روحك اكثر وياها خلاص اتركها من الحين قبل لاتنصدم بليلة زواجها
انت تبي تخرب حياتها اذا تحبها اتركها
راشد : بس اهي ماتبي اهي تحبني انا وبس
تركي : اهي تلعب عليك وبس وماخذتك تقزيره وبس
طلعت من عند راشد وانا بقمة العصبيه خايف عليه لاينصدم خايف عليه لااشوفه منهار عندنا والسبه شنو
والسبه الي حبها
لاياراشد كل شي بالمعقول ماتوقعت تفكيرك سطحي حيل ماتوقعت تحب بدون تفكير
تبي تعيش اليوم معها ولاتفكر بكرا
انا اتكلم ولااشوف نفسي ويا خلود
اه ياخلود ذبحتيني وحنا تونا على البر
صوتها يرن بأذني ملامح وجهها البريئه تذبحني
ياخوفي اخسرج ياخلود
::
::
::
ماادري شلي سويته ماتوقعت اني اطيح بهالطريقه بس ماقدرت امسك نفسي
احبه خلاص الى متى اقول هو لازم يجي
ماحسيت بروحي الا ادق على رقمه من سمعت صوته وانا ذايبه
كنه متاكد اني بدق على طول همس لي:هيفا
ترددت وماحسيت بروحي الا مسكره بوجهه
دق علي اكثر من مره اخر شي رديت كنت معصبه من نفسي
لاني دقيت عليه انا الي اقول خله يدق ادق عليه بهالسرعه
رديت بتردد: الو
كايد : هلا والله بهالصوت واخيراً تنازلت الملكه
هيفا: خلاص امسح الرقم لو سمحت مجرد غلطه مارح تتكرر
كايد : اسف حبيبتي مارح امسحه عندج مانع
هيفا : شنو حبيبتك هيه استح على وجهك
كايد : وهـ بس يازينك وانتي معصبه
مادري مع كل كلمه كان جسمي يبرد علي واحس بقلبي يدق حيل : كايد
كايد: عيونه
هيفا: ممكن تفكني من شرك
مادري كيف قلتها بس سمعت صوته المتنرفز : شوفي تبين تفتكين مارح تفتكين واعلى مابراسك سويه انا احبك وشاريك وادري انتي تحبيني بس خايفه
حسيت بعيوني طلعت قدام : شنو شنو على كيفك تحكم منو قالك احبك هاه اقول يلا يلا باي
سكرت بوجهه وانا ابتسم عليه ماحسيت الا يدز مسج
فتحته وجلست اضحك بدون شعور
مو انا الي تسدين بوجهه التلفون شغلك عندي
دزيت له بدلع
وش بتسوي بالله اقول لايكثر حكيك وامسح الرقم
دز لي وحسيت انه بيطلع لي ويشدني من شعري
وش فيك انتي مانتي صاحيه اليوم شكلك والله ثم والله مااتركك تفهمين والوعد بكرا
دزيت له
اي هين وش بكرا الوعد ماوعدت احد انا اقول بقوم انوم احسن من مقابل خشتك
رد علي
الوعد بتشوفينه غصب عنك ونوم العوافي ماغصبتك تجلسين وياي
جلست انط على السرير احبه والله احبه
طحت على السرير وانا اضحك مدري وش بيسوي ولاادري وش راح اسوي بحياتي الجديده
طلعت من الغرفه الا واشوف ريموه منبطحه بالصاله وجالسه على الاب توب
علىطاري الاب توب هذا معمر معها مو معها مع العايله كلها
كان حق اخوها وتوراث لين جاها ويوم جاها خذته كندا وجلس وياها ثلاث سنين
نموت ضحك لاشفناه حالته حاله بس مع ذالك مازال يشتغل وسريع بعد
واحلى مافيه انه يعلق يعني نطيح عليها ونشوف وش تسوي خخخ
مشيت بخفه عشان اشوف وش قاعده تسوي
جلست احك عيوني ابي اشوف وش هذا قسم فاضيه هالبنت
كل الشاشه حمرا
ماخلت شي موب فاتحه عليه
صكيتها على راسها : وش هذا يابنت
ردت علي بخوف وهي تحاول تسد الشاشه : بسم الله الواحد يسلم لادش قومي انقلعي يلا
جلست ابعد ايدينها عن الشاشه: يؤ يؤ يؤ يعلن خيرج كم مسن فاتحه اربعه شنو هذا بالله
شوفي هذا معطيج اشارة تنبيه
التفت علي وببتسامه: الحين ليه ماقلتي هذي ليه صغتي بصيغة الذكر
رفعت حاجبي: لان اعرف حركات البنات خخخخ
طالعتني وهي تبوس يدها : الحمداله والشكر بس على نعمة العقل هذا التفكير موجين ياماما
ابتسمت لها : اجل شنهو التفكير الجين يابابا وليه تجلسين تسدين ماتبيني اشوف
ريم : لان الماما تقول الي يتلقف على ريموهـ الدكتور بيعطيه ابره
ضحكت عليها : ههههههههههههههههههاي وانا خدامتنا تقول الي يغازل نكنسل اقامته
ريم :ههههههههههههههههههههاي احب هالخدامه حيل
هيفا: يلا عاد خلينا نجلس معج ترا طفشانين
ريم : مو انتي من رديتي من الجامعه ساده عليج غرفتج ولابعد ماقمتي الامتاخر سهرانه اليل مع حبيب القلب
يلا ذلفي عني اخرتيني على شغلي
هيفا: يلعن خيرج فاتحه اربع مسنات وثلاث صفحات نت وفوق هذا اخرتج بالله المسنات لشنو
ريم بتأفف : بقولج ياطويلة العمر مسن رفيجاتي الي بقطر ومسن لرفيجاتي بكندا ومسن للاهل ومسن مالج خص بوه
هيفا : ههههههههههههههههههاي خلاص خلاص خلاص عرفنا ياام المغازل
ريم : وش الي عرفتيه
هيفا : مسن لشباب الشات ومسن لشباب المنتدى ومسن لاهلك ومسن لشباب كندا خخخخخخخ
ريم ببتسامه: كلن يرا الناس بعين طبعه ذلفي يلا وانا احسب عندج سالفه اثر ماوراج غير الدجه
قمت وانا اضحك على كلام ريموهـ : هههههههههههههاي اي متعلمه الدجه منك
::
::
::
::
كايد : ياليل هالكلب قسم نشبه كل مامر احد لحق وراه ترا على يوم بشوته كل شوي ناشب لي والمشكله كل ماجاني
احاول ابعد رجولي عنه بغيت اطيح على وجهي
راشد: ياخي على راسك هو خله
تركي: الله الله مااستحمل انا هالشياكه وش عندك سيد كيود
كايد : احم احم تعرف الموعد الي رايح له وانت ناوي تخاويني
تركي وهو يضرب راسه: يوه نسيت لحظه ابدل واجيك بسرعه
كايد : يحول مو قايلك بعد نص ساعه وين رحت
تركي : وش اسوي جلست مع الاخ راشد وبعدها رحت عند جورج وتوي راد منه
كايد : عشر دقايق اما جيت ولا بروح واخليك
راشد : وين بتروحون
كايد : اممممممممم مكان وبس
راشد وهو يطالع تركي: وين
تركي: عند حبايبنا
راشد: اها اجل بتلاقوني هونيك
كايد: يحول لاتقول بعد تحب منهن
راشد : ووووويع من زينهن عاد
كايد : اي على بالي بعد
تركي : والله انهن حلوات وكل وحده احلى من الثانيه
كايد : انت تسوي لهن عرض خلاص قوم بدل اخلص علي
راشد : اجل خذو الكلب وياكم
كايد : ماراح اخذه اسمحلي خله يولي انت شايف خشته قسم يقطع الرزق نفس صاحبته
راشد ببتسامه: ههههههههههههاي عاد تصدق امس يوم انه نايم وياي اطالعه اقول حيل يشبهلها
كايد : اها تفكر فيها اجل تحب يارشود
راشد : هههههههههههههاي اوما احب ولابعد منو رييموه الملسونه
كايد وهو يغمز : عادي لسانها ينقص لاحبتك
راشد : من جدك تحكي انت
كايد : اي البنت وش حلاتها وش زينها عيبها بس لسانها ولا الباقي وش زينه يكفي قلبها ابيض
راشد بتسغراب: لايكون عايش وياها بس
كايد : لي نظره انا ونظرتي لها ماتخيب انت من تشوف البنت وابتسامتها الي ماتفارقها تعرف انها حيل حبوبه
راشد : هيه انت وش فيك شبكتني بالبنت الله يستر علي وعليها انت صار بعقلك شي شكلك من حبك لهيفا
صار ودك تخلي كل صديقاتها سعيدات
كايد ببتسامه: وهـ بس لو اقدر مارح اقصر ابد معها ولامعهم
راشد : ياااااااااهوه يالعاشق تصدق مايليق عليك ابد
قطع كلامنا تركي الي يضحك: ههههههههههاي لايطوفكم هيف يبي يجي ويانا
كايد وهو يعض على شفته: من جدك
تركي : مدري عنه يقول بجي وياكم ضايق خلقه
كايد بتردد : يوه اصلاً انا قلت انت مايخالف بس اهو وين بنحطه
تركي : خلنا نطلع للحديقه احسن منها نوسع خلق هيف انت ماشفته كيف ضايق اكيد اهله فيهم شي
راشد : اذا بتطلعون كلكم انا وياكم ^_^
كايد : اوكي لحظه اشوف
طلع جواله وطلع برا الشقه
::
جالسه احوس بالمطبخ حيل جوعانه فتحت الثلاجه ومالقيت غير تفاحه
خذيتها وجلست اكلها ماحسيت الا بجوالي يهتز طلعته ولقيته كويد
يوه وش يبي ذا سديت بوجهه
ودق مره ثانيه
وثلاثه
ونفس الطريقه اسد بوجهه
اخر شي دز لي رساله
قومي بدلي ملابسج واطلعي انتي والبنات للحديقهـ ولاتناقشيني وان ماشفتك
راح يصير شي مايرضيج
وهـ وهـ وش قصة امه ذا من البدايه تهديد مسوي روحه عصبي هين هين ياكويد
دزيت له
اقول اها بس اها ولاتجلس تهدد ماهو انا الي تهددها تفهم
دز لي
هيفا بالطيب خلينا نتقابل بالحديقه
دزيت له
مووووووووبي ماراح اروح وش بتسوي
دز لي
راح تجين يابعد حيي (:
تنرفزت من كلامه وكنه يحس بقلبي الي يتراقص من الفرح وياه
طلعت للصالهـ الا واشوف البنات مجتمعين
خلود : فديتج هيوف بنطلع ترانا
هيفا: وين انشالله
خلود : للحديقه نغير جو
ريم : اي انا حيل طفشاااااانه ابي اغير جو ياحلاتك يا واوا كان موسع صدري
شوق : انا وياكم اذا بتطلعون نطلع وش وارنا مابقى شي على امتحانات الكورس الاول
هيفا : هاه اوكي خلاص ماني جالسه بروحي بالبيت
ضربت الارض من الحرهـ يعني يعرف اني مااحب اجلس بروحي بالبيت
اكيد تركي مكلم خلود
هين ياكويد اما طلعت قرونك مااكون هيفا
::
انتهى البارت الثامن
اتمنى يعجبكم
تحياتي