البارت التاسع
شوق : يلا انزلوا انا بدور مصفط وجايتكم
هيفا: اوكي راح تلقينا عند المراجيح
ريم : يوه من زمان ماركبت المراجيح
خلود : اي والله مشتاقه حيل الركب المرجيحه واجلس اطير بالسما
ريم تبتسم : الحمدالله والشكر قال ايش قال اطير اقول ممكن تسكتين (:
هيفا: اقول انزلوا بس وانتوا ساكتين لحد يسوي لنا فضايح
نزلنا للحديقه وهـ وهـ وهـ شحلاتها وش زينها
الثيل الاخضر وريحة الطبيعه الي تجيب العافيهـ
الجوا الي ماهو فطيس ولاهو جمده
الورد الي تلقاه بكل مكان حتى بالشجر
الالوان تحسها متناسقه الاحمر مع الاخضر والاصفر والازرق
لوحهـ مرسومه قدامك واشكال هالاجانب الي تفتح النفس
رغم إنا دوم نجيها الا اني ابد ماامل منها
مشينا لين شفت خلود الي تركض وريم ويتسابقون منو يجلس على المرجيحه
صرت اضحك على اشكالهم الحمدالله ان خلود تعافت ظنينا انها بطول بالعرجه
بس الحمدالله عدت على خير
ريم وهي تبعد خلود: انا قبلج انا قومي عنها يلا
خلود وهي متمسكه بالمرجوحه وجالسه عليها بأحكام : مافي يلا انقلعي انا قبلك
ريم : هين يالخايسه لك عشر دقايق تلعبين فيهم واجلس بعدج
خلود: اقول يلا روحي العبي غيرها انا ماحب بالمراجيح غير هذي احب العبها
وانا احبها بعد ومابقى غير الحصان والزحليقه والتسلق والصحن الدوار وكلها حقت وراعين هذي
المرجيحه الوحيده الي حقت كبار انتي راكبتها يلا خليده
خلود وهي تتمرجح رايحه جايه وشعرها يطير مع نسمات الهوا البارد: لااااااا والله وناسه يلا دوري مناك بتلقين مرجيحه زيها
هيفا: يوه بسكم ازعاج كنكم وراعين خلاص بعد شوي تمل منها وتلعبينها ياريموه طلبتك اسكتي
ريم بتأفف: اففف بقوم اقوم ابلع احسن لي
خلود : جيبيلي معك
ريم : اجيب لك وتقومين
خلود وهي تضحك : نو نو نو ههههههههههههاي
ريم وهي تكش : مالت عليك ابلع احسن لي
هيفا: وش بتاكلين
ريم : هوت دوق مشتهيتها
خلود : خلاص بقوم اشوف وين شواقه طولت علينا
ريم : اوكي بينا اتصال
كنت بعالم ثاني مغمضه عيوني واطير بالسماء
وقفت وصرت احرك المرجيحه بهدؤ واسمع صوت العصافير والعيال الصغار
ابتسمت وانا احس اني اعيش بين زوج وعيال
ابني عائله ماتحتاج لاحد عائله انحرمت منها
عائله ماتحتاج احد ابداً حسيت بدمعه حاره مسحتها بسرعهـ
فتحت عيوني وانا اسمع صوته العذب: مساء الخير ياروحي
دفني بهدؤ بالمرجيحه ابتسمت وحسيت اني بحلمي
همس لي صوب اذني : شخبارج ؟
رديت وانا مازلت مغمضه عيوني واهو مازال يدفني بالمرجيحه: بخير ياعمري انت طمني عنك
شفته يشد ايديه على خصري ووقفت من الطيران بالسماء وبحراره شقت اذني : بخير دامني اشوفج
التفت صوب الصوت وطالعته مصدومه كنت اظن اني بحلم ومادريت انه حقيقهـ حسيت بقرب انفاسه
تلعثمت ولاعرفت شقول حطيت ايدي على ايدينه وحاولت ابعدهم عن خصري
وبصوت متقطع: ممكن تبعد
ضحك وبثقه: ماطلبتي شي عمري
هدني بس مازال ماسك ايدي حسيت اني الهث وياه انفاسي مضطربه معااه
وقلبي يتراقص صار يمشي وهو ماسك ايدي وانا وراه بكل خطوه
ماقدرت اعترض انه يبتعد عني ابد كل الي ابيه اني اكون يمه وبس
::
::
سفطت السيارهـ ونزلت لقيت واحد يبيع عصاير ونفياش وبجنبه بعد حق الهوت دوق
قلت خلني اشتري للبنات عصاير وشوية اكل
جلست اشتري واحاول اطالع ان مايكون بالشراب خمور او اي شي ممنوع
نزلت بوكي على الطاوله حقته وجلست اشيل الاغراض ومشيت ونسيت البوك
سمعت صوت خشن : لوسمحتي
التفت صوبه وشفت ملامح هاديه : هلا
: نسيتي بوكج
ضربت على راسي بخفه وببتسامه: يوه اسمحلي من العجله طولت على البنات
ابتسم لي : بس الأاهم البوك لاتنسين إنا وين
هزيت راسي وبهمس وانا ابتعد : ربي يعطيك العافيه
حاولت ابعد نظري عنه وماقويت كل مامشيت خطوه التفت وراي
النور بوجه مرسوم حسيت براحه وانا اطالعه
وذكرت الماضي وهلت دموعي رحت صوب الكراسي وجلست امسح دموعي
الي راح راح ياشوق والماضي انتهى بسج دموع بسج لاتفتحين باب الماضي سديه وارتاحي منه
ارتاحي منه كنت احاول اواساي روحي ماحسيت اني اكذب على عمري ماقدرت مااوقف عن الدموع
الالم مخلوق مني لاانا مخلوقه من الالم
اه يادنيا كل ماقلت هانت القاه تستعسر اكثر وكل ماقلت نسيت تنفتح ابواب
تقولي مستحيل تنسين اه اه اه
ياااه..كل هذا الموت فيك وانت حي؟..
ليه ساكت؟ياخي قل لي اي شي..
قبل تتقفل في صوتك كل ابواب الكلام..
وينفتح جرح في قلبك يستفزك للسلام..
السلام اللي يودي ومايجيب..
غير نفس كل مااشرق همها..عيا يغيب!!
::
::
:
ما نسيتك بس تعمدت نسيانك بأشوفك .. تسأل علي !! أو ما يهمك غيابي
دق جوالي اكثر من مره هذا الي اسمه كويد ماييأس
ابي اعلمه اني جايه مو بكيفي جايه غصب عني وهو داري
بس لحظه هيفا ليه تخربين على روحج احلى الحظات
ليه ماتخلين عنادج بعيد وتخلين قلبج يعيش الحظات الي تمناها
مافيها شي اهو يحبج وانتي تحبينه عادي لو الكل يعرف انكم تحبون بعض
هذا شي مايستحي منه
لالا ماهي هيفا الي تسوي كذا
اجل ليه تحبين ياهيفا دامك ماتسوين اي شي تبينه اهوشاريك
اهو مايقصر وانتي الي ترفضين كل شي
هيفا ترا عنادك مارح ينفعك
مسكت راسي بقوه : اففففففففففففففف تعبت
حسيت بيده على كتفي: اسم عليك من التعب
التفت صوبه وحسيت عيوني غرقانه بالدمع: اسفه
مسك يدي وجلسنا تحت الشجر : احبك وكل شي فيك يعجبني ادري انك متقلبه وادري انك تسوين اشيا غصب عنك
بس لكل شي وله حد ياهيفا
حاولت اتكلم بس حط ايده على فمي: اشششششش خليني اكمل
طالعني بيعون مليانه حنان وطيبه: انا احبك وشاريك وترا نيتي ماهي لعب ولاشي نيتي اتزوجك مستعد احارب العالم عشانك مايصيير انا بروحي ادافع وانتي مادافعين هيفا اذا تحبيني خلي الحب الي بينا يكبر
تونا بالبدايه واحسك تحطين عقبات كبيره بينا والسبه عنادك وراسك اليابس
وضربني من عند راسي بخفه
طالعته وانا فاتحه عيوني لاخر حد : هيه انت شنو شايفني عشان تضربني
وجيت اضربه زي ماضربني ماحسيته الا ماسك يدي ويبوسها: ادري الكلام معاك ضايع بس مستعد اضيع عمري معك لين هالراس يلين
ابتسمت بهدؤ: اي تكلم الحين وبكرا ياكويد <<من قلتها وانا احط ايدي على فمي وعيوني مبققه فيه
شفته يضحك بصوت عالي: ههههههههههههههاي كويد امحق هذا اسم الدلع حقي
ابتسمت وانا اطالعه: لايق عليك
تدرين اهو ماهو حلو بس لااحلى انه من فمج
ضربته بخفه: كويد ماكلمتني عن نفسك
كايد : مستعده تسمعين
حطيت ايدي على فمي : ومارح افتح فمي بعد بس انت تكلم
كايد : اوكي اسمعي ياخانوم هيوف
::
::
::
::
لقيت صاحب الهوت دوق بعربيته بيغير مكانه وجلست اركض صوبه ماحسيت بروحي الا طايحه
اخ اخ حسبي عليج من نعله ياربي انقطعت يعني ماانقطعت الا من يوم طلعنا لج اكثر من سنه
عايشه مانقطعتي الا الحين ياقرادة حظج ياريم وبس
شليت نعلتي وانا التفت يمين ويسار ان محد شافني وانا طايحه والحمدالله محد شافني
وصرت ااشر لراعي الهوت دوق يوقف وهو يمشي بعربيته ولاهو معبرني
جلست اصايح عليه التفت صوبي وصار يسرع ماحسيت لاابغبرته على وجهي
مالت عليك بس وش فيه هذا صار يركض بسرعه
سمعت صوت من وراي يضحك : هههههههههههههههاي يقول وش هالارهابيه الي تلحق وراه لايكون بتفجره
طالعته وانا ارفع حواجبي: لاه لاه بالله عليك تبيني اضحك ولاابكي
: الي يريحج
رميت النعله على صدره: اقول احترم نفسك تفهم ولاتجلس تغلط علي على طول طيحت الكلفه
ماتوقعته بيرد لي الضربه ماحسيت الا النعله صاقعه بين حواجبي: ماني اصغر عيال ابوج عشان تضربيني
جلست امسح مكان الضربه : حسبي عليك هذا الي فالح فيه تحط حيلك بمره
ابتسم : مره انتي تسمين روحج مره انتي عفريت
طالعته بنص عين: عفريت يركبك ان شالله اذلف زين اذلف
ماحسيت الا بواوا الي له ساعه ينابح وانا ماكنت صوبه نزلت عيوني لتحت وشفته
ياحبيله ياعمري عليه ويامحلاه وربي له وحشه جلست على الارض بليا شعور وجلست ابوسه وابوسه
وقسم اني احبك والله احبك شفت كيف واوا يبادلني التبويس وجلست اضحك عليه
لقيت على اذن واوا حلق وبعد من ذهب طالعت فيه
: منو اذن لك انك تشوه واوا بهالطريقه
جلس على الكرسي الخشبي وقابلني من قده لابس حلق من ذهب موب طوق من فضه مضروب جنبه
طالعته وانا العب بحواجبي: والله هذا الشي راجعلي انت مالك خص فيه ياشين اللقافه بس
همس لي وهو يطالع بالي رايح والي جاي: اللقافه الي عندي نقطه من بحر اللقافه الي عندج
مارديت عليه وجلست اطالع فيه وسيم هالولد شعره وبياضه
عيونه المدعجه خشمه المسلول فمه الصغير وروحه الحلوه رغم بعض الانعطافات فيها
الا انه مع ذالك يجنن
قطعت الصمت : تدري رشود
التفت صوبي مستغرب: شنو
تردتت كثير وانا اطالع بعيونه: نسيت اقولك مشكور
ابتسم لي : مابينا شكر وماسويت شي لواوا
ضحكت بصوت عالي : هههههههههههههههااي
طالعني وهو عاقد حواجبه: شفيج
حاولت اوقف عن الضحك وبصوت مستهزيئ: ابشكرك على ضربتك لي بالنعله
تصدق كنت مصدعه وانت ريحتني من الصداع
وفجأه انفجرنا انا وياه بضحك هستيري
حسيت إنا محششين وبقوه
واوا كان بينا زي الاطرش بالزفه (:
::
::
خلود : بتقولي انك ماتحبها
تركي: ولافكرت اني احبها حتى
خلود : من شنو خايف
تركي : انها تزعجج انا علمتج عشان يكون عندج خبر
اهي باتكس وراي بكل مكان القاها
خلود: اذا مابينكم شي ليش تلحق وراك طيب فهمني لاتجلس تلعب علي
تركي وهو يشد على يدي : والله اني ماادري وش فيها البنت مهووسه فيني
خلود : اذا اهي تضايقك من اول مادشيت الجامعه ليه مااشتكيت عليها
تركي: اهي بنت ناس هاي هاي فوقنا يعني لو بسوي شي راح اروح فيها
خلود : وانت بعد ولد ناس هاي هاي
تركي: اي انا ولد طبقه عاديه بالنسبه لها
خلود بخوف: تركي انا خايفه
تركي : لاتخافين بس ابيج توثقين فيني يا خلود
خلود : واثقه فيك ياتركي ثقه عمياء
تركي : الله يخليج لي وانا وكايد راح نفتك من شر الي اسمها سوسن قريب انشالله
خلود : كيف
تركي: كل شي بوقته حلو ياخوخه
خلود :: اتمنى هالشي ياتركي ماابي بدايتنا تكون مضطربه
تركي ووهو يوقف ويقومني معه: يلا ماجعتي امشي ناكل
خلود : اوكي بس وين البنات خلهم ويانا
تركي: اوكي بدق على كيود عشان نجتمع بالكوفي
::
::
::
هيفا: ماعندك خوات
كايد :الا راح تعرفينهم بالوقت المناسب مااحب اتكلم بهالموضوع
هيفا بشك: اها ماشي
كايد : ماتبين تسألين عن حالتنا الماديه
هيفا ببتسامه: مو مهم عندي
كايد : ترا مو اهل هاي هاي حنا ولاهم يحزنون ناس على قدنا
هيفا: وكيف حصلت على البعثه
كايد: البعثه بالوسطه جتني لان وجهي موب وجه دراسه بكندا
هيفا ببتسامه: تبي الصدق من شفتك قلت هذا ابد شكله جاي زياره هههههههههااي
كايد وهو يمد بوزه: اي اي بس انتي ماسالتي شاطر ولا كسلان ):
هيفا ببتسامه: اوما شاطر تحلم شكلك
كايد يضحك : هههههههههههاي شكلك ماصدقتي علي شي على طول شبيتي
هيفا: ههههههههههههاي تبي الصدق اي ماصدقت
كايد : يانذلج بس لا لو موب شاطر ماوصلت لاخر سنه
هيفا وهي تصفق: شاطر شاطر برافوا عليك كويد هههههههههههههااي
كايد : يالله لك الحمد اخرتي احب مجنونه
هيفا وكايد : ههههههههههههههههههههههاي
قطع عليهم صوت جوال كايد :كايد وهو يطالع هيفا
يوه لايكون خلود ماجت
هيفا: الاجت
كايد: طيب وش يبي داق بس كذا يخرب الجو
هيفا وهي تضربه: خلاص رد
كايد ببتسامه ويرد : هلا تروك شعندك
تركي : والله الجوع ذبحنا والبنت تبي ربعها معها
كايد يضحك : يحول مايصير بروحكم
تركي ببتسامه: الود ودي بس مانقدر نعصي الاوامر خخخخ
كايد : اوكي وين تبونا نتقابل
تركي : بالكوفي ماغيره
كايد : وه بس ياحبني هالكوفي الي جمعنا خلاص جاينكم
::
::
ريم : يلا الجلسه معك ماتنمل رشود بس عاد تعرف لزوم نلحق البنات
راشد : قومي ماكواحد ماسكج
ريم ببتسامه: ادري بس تعرف لزوم البرستيج مايخرب
راشد يضحك: اموت على البرستيج الي تعرفينه هههههههههه
ريم : والله مشكله انت شكلك موب وجه برستيج سي يو
ابتعدت عني وهي تأشر بيدها مودعه
كنت اطالعها وهي تبتعد الحجاب لاابيض والبنطولون الابيض ومنقط باحمر
البالطو الاحمر وشنطتها على الجنب البيضا حيل حيل ذوق
ونعلتها الحمرا الي بيدها ماادري ليش مارمتهم
ابتسمت وانا اشوفها تمر من بين الناس بثقه وهي حافيه
قمت من الكرسي الااشوف هيف ياشر لي رحت صوبه وقالي ان العيال يبون ياكلون بالكوفي
رحت وياه وانا ادري ان ريموه راح تكون هناك
ريم وهي تصارخ: يمااااااااااي شواقه شفيج جالسه هني
رفعت راسي صوبها : شفيج تعبت وانا احوس عليكم قلت اجلس اهني اوانطركم
ريم: ياقلبي عليج ماتدرين انتي كل وحده راحت مع رفيجها وانتي هني ضيعتي عليج فرصة التمشيه
شوق بغصه: اها خلاص وينهم هم الحين
ريم : دقت علي خلود وقالت لي انهم راح يكونون بالكوفي
شوق وهي تهز راسها : اوكي امشي وخذي هالكيس لج
ريم : واااااااااو وانا احوس عشان اشتري لي هوت دوق واثاريج شاريه هوت دوق وكل شي
نطت بحلقي وصارت تبوسني مشكوره ياقلبي
شوق بحزن : تستاهلين ريوم يلا خلينا نروح ابي ارد للبيت
ريم : اوب اوب نعلتي منقطعه وش الحل
شوق :عادي بنطلونج طويل محد راح يشوف ريولج
ريم : على قولتج عادي مافي احد يتساهل اني اخاف على برستيجي
شوق ببتسامه صفرا : لازم يكون في احد عشان تهتمين .؟!
ريم وهي تهز راسها وتاكل: اكيييييييييد
شوق : ابي اشوف ذاك اليوم ريموه طلبتج ان صار شي علميني موب زي خلود وهيفا ساكتين
ريم : ان شالله انا وانتي سوا بعد (:
شوق : ياحبيلج اصعدي السياره
::
فتحت باب الكوفي زي عادتي بأقوى ماعندي وبصوت عالي: السلام عليكم
شفت عيون خلود وهيفا الي طلعت وكنهم تفشلو من طريقتي كانت شواقه وراي تضحك
: دشي دشي لازم الفضايح انتي
نسيت اني مازلت متمسكه بالنعله بكل قوتي وش سالفتي انا وهالنعله
طاحت عيني بعين رشود وهو مبتسم نزلت النعله وحطيتها تحت الطاوله الي جالسين عليها
همست للبنات: غريبه ماجلستوا وياهم
شوق وهي تغمزلي: ولامايبونا نشوفهم جالسين مع الاحباب
خلود : لاوالله شدعوا عاد شواقه بس كل الامور صارت وانتي منتي ويانا
شوق : اهم شي تنتبهون على روحكم وبس
هيفا: عقبالج ان شالله
ريم: وانا محد قالي مالت عليكم ولامعجبكم وضعي المحزن
هيفا : انتي ماينخاف عليج مضبطه روحج من ورانا
طاحت عيني بعينه اه ياحلاته ويااني احس الماضي بدا يفتح ابوابه
الحزن وسط عيونه مرسومه حاولت ابعد النظر بس ماقدرت
من الحين اقولج ياشوق باب الماضي انفتح ومارح تقدرين تسدينه
تحدتني بك الدنيا خذتك بعيد و بكتني ،،
و لكن ما قوت تنزع غلاك من داخل ضلوعي
طلبنا وجلسنا ناكل ونسولف وخلود وهيفا مره بالجوال ومره ويانا
واوا مره يروح لرشود ومره يجي صوبي
حل الضحك بجوا هادي وحلو
::
خذلتج واسمحيلي انتي علمتيني الحب
وانا الي ضيعته غصب عني
مااستحمل اشوف الهم بعيونج
حاولت اتناسى ولاقدرت كل ماشفتج
ينعاد شريط حياتي
اسف حبيبتي بس لازم المواجهه
تعبتج بحياتج كثير ياعمري ..
إنت مثل الدمعة بعيني أخاف تنزل أفقدها
،، و إذا إنزلت غصب عني أحط إيدي و أحضنها
::
::
انتهى البارت التاسع
ارائكم حبايب روحي..
وانتظرو البارت العاشر ^_*