[رمله]

السلام عليكم
روجى روجى روجى
ياربنا على روعة حروفك وابداعك فى تسلسل الاحداث
ملكيش حل بصراحه بدءاً من المشهد الارهابى بين الرباعى
ديا وليز ودراكو ونيوس
ايه دا ملوش حق نيوس يزعل بصراحه هو كان عارف انه هايسيبها وهايتجوز
سواء بقى كان ناوى يخليها عنده شويه طالت ولا قصرت هو قالها بلسانه انه مش هايغير خططه المغفل عشانها
ييجى يزعل ليه دلوقت ديا هى المظلومه فى الموضوع مش قوى برده هى كمان طلعت هبله وضيعت على نفسها سعاده كانت فى الامكان هى صحيح مشكوك فيها بسبب امه وابوه الى اصلا مش راضيين عنها زى ما اتضح لنا من سياق الاحداث
بس ولا يهمك ديا انتى من نصيب نيوس الجبار من الاول وطبعا الجبابره التانيينمن نصيب بعض فلور ودراكو يا قلبى على القلوب المكسوره الى ماليه الروايه ياروجى يا محطمة قلوب الابطال انتى
بس ايه الجبروت الى فيه دراكو دا انا نفسى حد يرزعه قلم من الى عمال يوزعهم على بنات الروايه بالشكل المقرف دا
ازاى يبقى راجل ويمد ايده على بنت انا عندى الموضوع دا بجد مؤذى نفسياوخصوصا بعد الى شفته النهارده
فى قلب الشارع خناقه وفجاه الولد رفع ايده وهبد البنت قلم انا قلبى كان هايتخلع منى مع ضربة القلم دى
عارفه القرايه غير المشاهده رغم انك بتبهرينى مع كل كلمه بتكتبيها مش جمله بس لما كنت بقرأ حكاية الضرب دى كنت بعديها انا اول مره اشوفه لايف بجد مش قادره اصدق ان ممكن يكون الموضوع قد ايه بيبقى مذل
بس الى شفى غليلى ان البنت ثبتته وخدت حقها بعدها بعشر دقايق وزى ما ضربها ردتله القلم ومش بس قلم قلم فى شلوت فى مقص تشكيله منوعه يعنى صحيح انا مكنتش مستمتعهبالى بشوفه بس اسعدنى انها خدت حقها بغض النظر بقى عن انى مش عارفه مين الى غلط فى مين المهم طولت عليكى ههههههههههه قولى طولى ازاى فاتنى اصور فيديو كان معايا الآى باد
بس الصدمه شلتنى فى المرتين ههههههههههههههههههههه
مش عارفه الموقف معلق معايا من الصبح بشكل فظيع ومش عرفه اتخلص منه قلت لو كتبته جايز اتجاوزه
نرجع لديا الى منبهاش الا انها كلت علقه الله ياخدك يا دراكو ولا بلاش علشان فلور والولد الى جاى فى السكه
ههههههههه شوفتى انا طيبه عنك ازاى بفكر فى البيبى الى جاى
ادواردو يا ادواردو يخليلى العاقل والحكيم والله انت الى فيهم ياجدو حتى فى عز عصبية مارك تفهم موقفه
وكمان اخد على عاتقه حل مشكلة دراكو عاوز يحلها بالقانون هو دراكو محتاج قانون دا محتاج بكس فى مناخبره تتكسر علشان يفوق
ويعرف انه عامل رعب للناس ويتعامل بآدميه شويه دا هايطلعله قرون قريب يخربيت الغباء ياخواتى
على العموم لو صدق فلور هاتبرد نارها بعد 3 اسابيع لما تعرف بطلاقه من ديا
كله كوم بقى والكس وبيلا كوم تانى خالص والله الكس على غير العاده يعنى صعب عليا
تعرفى هو مكبر الموضوع انا اعرف اتنين معرفه شخصيه عندهم المرض دا ومتزوجين ومخلفين منهم واحد مراته اصلا مكنتش تعرف حاجه عن مرضه الا لما شافته فى احدى نوباته وعايشين تمام وزى الفل ابعتيلى الولد دا وانا اعدله دماغه الى عاوزه الضرب
اهم حاجه بيلا شاطره وقدرت تسيطر على نفسها واخيرا حد فش غلى فى الروايه دى وكات ادته قلم فى التمام
انا عاوزه اقلك انى ضحكت ضحك السنين على القلم دا وانا متخيله انه واقف زى التلميذ الخايب قدام مامته يانهار ضحك
بس لسانه عاوزالقطع والله شاطره يا بيلا خليه يتأدب على الله بس متجريش اول ماتعرفى بإنه هايعمل العمليه وتصالحيه سيبيه لما يعملها ويجيلك راكع بما ان حتى تمثيلية الخطوبه فشلت قبل ما تبدأ بعودة مارك للين
ولا انت عندك قول تانى روجى اوعى تشحططى مارك اكتر من كدا بالله عليكى
الى زعلنى قوى فى الفصل ان مارك مجروح مجروح قوى قوى من الكل بدليل الكلام الى قاله لوالده ياربى اد بجد انت رائع انك تفهمت حالة ابنك بس دايما فى ىساعة غضبنا بنقول الكلام الى بنبقى نفسنا نقوله للى قدامنا وبيمنعنا الذوق او احترام الى قدامنا او حبنا ليهم قواعد تقاليد اى حاجه الغضب بيمحى كل الى الموانع دى وبنقول كل حاجه حتى ولو مش قاصدنها
انا عندى شخص كدا على فكره وبزعله كتير ورغم ذلك بيتفهمنى لدرجة مش بوصلها انا احيانا مع نفسى
جوش بدأ يشعر بأنجيلا حتى لو بيحارب الشعور دا ويشك فى اقرب الناس ليه هانشوف هاتوصل لايه جوش روجى
انا بكتب وانا مش شايفه الحروف كويس من الارهاق بس صممت انى اقرأ الفصل وارد عليه
اذا لقيتى أى كلام مش راكب على بعضه ابقى عديه واسترى عليا يا شابه ههههههههههههههه
بجد انا استمتعت بقراية كل كلمه كتبتيها فى فصلك النهارده لدرجة انى مكنتش عاوزاه يخلص
تسلمى روجى تسلمى تسلمى تسلمى
ومشتاقه جدا جدا للفصل القادم
تصبحى على خير