[لامارا]

.. آلبآرت آلثآنـــي ..


شمس بحماس:من رفيقتك بالسكن..

زينه:مدري بس شكلها وحدة فوضوية مرة...

شمس:هههههههههه مدري ليه حظك كذا انتي...أما أنا فالبنت نظيفة مرة وعندها وسواس نظافة بعد ..

زينه باندفاع:من جدك ..

شمس:لا أنا أقصد أنها نظيفة مررة مرة...

زينه:خلف الله علي وعلى حظي...ما يجون رفقــى سكن ألا الوسخات..

شمس:هههههه ما تدرين القدر وش يخبئ لك مع هالوسخة..

زينه:الله العالم أني بكرف كرف بالغرفة وهي زي الاميرة .. وعندها شنط كثيرة تقولين بتهاجر على هالملابس..

شمس با أبتسامه:ما تدرين انتي ..

زينه تنهدت:سدي الموضوع الله يهديك ..

شمس:طيب ..

زينه بحماس:بعد المحاضرة ..على طول المقهى...

شمس بنفس حماسها:طيب..

في الفيلا ..

جانب المرآيه وبرفض تام:انســى لو تحلم تشيلها ..

سلطان بقهر:ألي يسمعك يقول أنها مهيب مستويه من جديد ..

محمد:حتى ولو أنا منيب شآيلها .. عاجبتني يا أبن الحلال ..

سلطان بصوت عالي:عزاام..فاررس..تعالوو ..

عزام وفارس ألي جالسين على التلفزيون جاو له:خيرر ..

سلطان بحده:مسكوه ولا الرئيس بيذبحكم ..

عزام وفارس مسكوه بقوة ..

محمد يقاومهم بس مقدر عليهم ..

سلطان بتهديد:أن تحركت كثير صدقني بتجرح وجهك ومراح أحدد السكسوكه ترى..بيصير عفسه..

.
.
.

بعد المحاضرة..

في المقــهى..

شمس بهمس:القبيحات هنا ..
زينه بدون أهتمام:سيبك منهم ..
شمس تشرب الكوفي:شوفي لبسهم بس .. والله ووع ..
زينه تناظرهم بنصف عين:فشلونا والله قالوا سعوديات قالوو ..شوفي لبسهم بس..حتى بدون عباية ولاحاجة ..
شمس بهمس:جاء المغرم الهاوي ..
زينه نزلت الشال على عيونها وهي تناظرهم وهم مايشوفونها بسبب الشال على عيونها ..
شمس:ووجع يبوسها وهي عادي عندها ..

بطاولة فرقة (Girls angel) ..

ساري باس خدها:يسعد لي صباحك يا ورد ..

العنود بدلع:هلا والله..وصباحك ياقلبي ..

ساري جلس قبالها وقاموا البنات ألي معها ومسك يدها:وحشتيني ياقلبي ..

العنود حطت رجل على رجل وبا ابتسامه:وانا اكثر ..

ساري بحب:فديت من تبسم لي ..

شمس بقهر:من وين ذا ؟؟

زينه ببرود:ذا جداوي ..

شمس:اها .. باين آنه سخيف ..

زينه ناظرتها:روقي يا قلبي .. وماعليك منهم..من راقب الناس مات هما ..

شمس بكره:وربي أكرها..تذكرين وش سوت لك ..

زينه:أنا منسيت ولا راح آنسى الفشيلة ألي سببتها لي حسبي الله عليها بس أنا ما أبا أفكر فيها ..

شمس عضت شفاتها:أشوف فيها يوم ..

العنود تناظرهم بطرف عين وبدلع:لو صدق تحبني أباك تذل ألي قدامي ..

ساري ألتفت لهم:ألي مغطيه وجها ولا ألي متحجبه ..

العنود:لا ألي مغطيه وجها ..

ساري غمز لها:أبشري ما طلبتي حاجة ..

مسك كأس العصير ومشى صوبها وكب الكأس عليها ..

زينه شهقت والعنود ابتسمت ..

زينه بقهر ناظرته:أنت ما تشوف ..

ساري ببرود:ظنيتك زبالة سودة ..

زينه بقيت عيني:صدق قمه بالقلة الأدب ..

ساري رفع حاجبه:زيك ..

شمس جات بتتكلم إلا بيد زينه تمنعها ..

سحبت شنطتها وقاموا من الطاولة ..

العنود بفرحة قامت وضمته:فديتك بس ..

ساري شد عليها:لأجل عنونك تكرم مدينة ..

العنود بابتسامة:تستاهل التبن .. أكرها وأكره فلسفتها الزايدة ..

ساري:ما عليك منها حبيبتي ..

العنود:طيب قلبي .. وش رآيك نتمشى طالمة أن ما عندنا محاظرات..؟؟

ساري:أي مابه خلاف ..

ساري ( يبلغ من عمره 24 سنه , رسب سنه وهو بنفس آلقآعة ألي بيها زينه والعنود , وسيم لأبعد درجة , مهتم بحآلة وآنيق , آسمر وطويل وصآبغ شعره بني فاتح , نتعرف عليه بالبارتات الجايه )

.
.
.

بالتواليت..

شمس تبلى عبايتي بالمويا:وليه سكتيني ..؟؟

زينه:ألي لابسته مسكتني ..

شمس تناظر نفسها:لابسه عباية أنا آيش فيها ؟؟ مالبست حاجة غلط ..

زينه بابتسامه:وهذا ألي أقصد عبايتها هي ألي خلتنا حاشمين غيرنا .. والله لو ما كان رجال كان قمت عليه وعليت صوتي عليه أكثر ..

شمس تنهدت:صادقه والله ..

زينه:يلا خلينا ننبسط ما أبا افكر با أحد ..

شمس با ابتسامه:طيب ..

وبعد ما جففت عبايتي بالهواء .. طلعنآ ..

وأخذنا تصريح من الوكيلة بالطلوع برا الجامعة السكينة ..

وسلمنا التصريح لحارس الجامعة ..

وأنا وشمس عندنا هوس بالشوبينغ ..

شمس:نفسي أشوف عليك ملابس رسمي ..

زينه وهي تناظر بالجاكيت:مدري شمس..ما آتوقع بيصير حلو ..

شمس:وليه وش دراك أنتي .. أسمعي شوري وأنا بشتري لك ملابس تخليك خبال ..

زينه با ابتسامه:طيب ..

وخذت شمس جاكيت بلاك جلد وحزام وبدي وبنطلون 3 جنز وبلوزة رسمية بلاك وابيض مختلف عن الثاني..وصندل عالي 2 وشنطة 4 واكسسوارات..

زينه بذهول:مو كنك كثرتي شمس .. واجد مرة ..

شمس با ابتسامه:ولا كثير ولا حاجة ..ولا تقلقي على الدفع ..أنا بدفع عنك ..

زينه باندفاع:لا والله ..

شمس قاطعتها:لا تحلفين .. وبعدين مستحيل عندك هالأغراض كلها وأنا الحمدلله مقتدرة .. أنا وياك عادي صح ولا لا ..

زينه:صحيح بس ..

شمس قاطعتها مرة ثانية:أجل خلاص ..

وبعد الدفع ..

وقت الغداء..

زينه:خاطري بمطعم إيطالي .. بيتزا باستا واااو وش رآيك ..؟؟

شمس:أي بالله ..

زينه با أبتسامه:والدفع علي أنا هالمرة .. ومن دون اعتراض لو سمحتي ..

شمس بضحكه:منيب معترضه ..

.
.
.

سحبه لين غرفة الرئيس وبالموت:ترررا هاه وش رايك يا زعيم ..

عبد الكريم ناظر محمد وبذهول:ما شاء الله من ذا ..!!؟؟

سلطان بآابتسامه: ابدعت صح ..

عبدالكريم قام يتفحص محمد:مو باين أنه بالثلاثين أبعدت يا جويل أقصد يا سلطان ..

سلطان :هههههه.. أعجبك أنا ..

محمد بعدم أقتناع:مو عاجبني اللوك الغبي .. كني مراهق ..

عبدالكريم باندفاع:وهذا المطلوب .. أنت بتكون مراهق وستايل .. وذا الشيء بيجذب العصابة .. وخصوصا البنآت وبيكون لهم دور ..

سلطان ومحمد جلسوا قبال مكتبة ..

عبدالكريم:أول هدف توصل له هــي آلعنود ..

محمد بستغرآب:بنت .. !!
عبدالكريم:ذي البنت مابقى رجال بآلجآمعة متعرفه ..وكآد تعرف أحد ويمكن تتعامل مع آلعصآبة نفسهآ .. وأنت تدري آلبنات وأنت رجال وتعرف تلعب على البنات بجمالك وذكآئك وتسيبهآ تقع بحبكـ ..

محمد بنظرات حادة:كمل ..

عبد الكريم:بعد البحوث .. عرفت وش تحب ووش تبغى نوعها..(وحذف ملفها على الطاولة) هي من عائله غنية هو أمها وابوها ما يدرون عنها .. أنت تقدر تمسك نقطة ضعفها .. وأنت ذكي زي ماعرفتك يا محمد..وأتوقع أنك بتعرف نقطة ضعفها بسرعة ..

سلطان:طيب يا الرئيس وش دوري أنا..

عبد الكريم:كل حاجة بالطريق .. وبتوصل لك ودورك بيجي لا تستعجل..وراح أعطيك الاشارة ..

سلطان:إن شاء الله يا طويل العمر ..

عبد الكريم:ما نريد أي خطأ .. لأن أي خطأ يمكن يسبب وفاة شخص ما ..!!!

.
.
.

على الساعه 6 المغرب رجعنا لسكن الجامعي..

وآفترقنا وكل واحد لغرفته..

وغرفتي مع شمس بعيدة تقريبا..

وقابلت البويات..

شعرهم قصير وملابسم رجالي وسلاسل وعطر رجالي ..

مشاعل ناظرتني من فوق لتحت وهمست لصاحبتها:نفسي أشوفها بدون عباية ..

امل بنفس همسها:مدري كيف بيكون شكلها .. بس وش عليك منها ..؟؟

تهاني:أي والله ما عليك منها..

مشاعل عضت على شفاتها:يقولون المستور وراه حاجة حلوةة ..

امل بحماس:حمستني والله ..

تهاني بتفكير:كيف بنشوفها يا أبو الشباب..

مشاعل با ابتسامه خبيثه:أنا أقول لكم ..

زينه خفت من نظراتهم ودخلت للغرفه بسرعة ..

شلحت عبايتي ولبست بجامة ناعمة وتعطرت..

وانسدحت بالسرير ..

جلست أفكر بيومي..

وكل يوم أسأل نفسي .. وش خلاني أقبل أني أدخل جامعة داخليةة ..آآآه بسس .. الله يرحمك يا بوي .. أحس برعب هنا ..مآبه حد عاجبني كل واحد وله عادات وتقاليد غريبة مرة ..!!

الحمدلله على كل حال ..
وجلست تتكلم وتفكر لما غالبها النعاس ..

.
.
.

على الساعة 2:54 ص

كانت تتقلب بسريرها لمآ سمعت صوت ..

بمياعه:خلاص وبعدين معك ..

:قولي أحبك ..

بضحكه: أحبك يلا روح يا مجنون لا يكشفونك المعلمات وتصير مشكلة ..

:لا مافي عطيني بوسه وأروح ..

اقتربت منه وباست خده:رضيت ..؟؟

غمزلها:هالمرة رضيت بس بالمرة الثانية تحلمين ..

بمياعه شديدة:هههه يعني مكفاك ألي صار لنا من شويات ..

قرب منها بعدته بيدها:لا والله ما كفاني أنتي عذاب والله ..

** ظنت نفسها أنها تحلم وشدت على مقدمة اللحاف وغمضت عيونها بقوة ..



آنتهــــى آلبآرتــ ,,


توقعآتكم لآهنتو =)) ,,