[لامارا]

البـارت الثـاني والثـلاثـون

/
\
/

((ابـتـديـت احـب ...*_^...))



قمت بسرعه من مكاني ...قالت : شحالك سلطان ؟؟

قلت وانا مضااايج من جوفتها : بخيير

صوتها يرتجف : ليش سويت فيني جيه ابا افهم

طالعتها منصدم : انا والا انتي ؟؟؟

شهقت: انا...انا شو سويت !!!!!

قلت: خنتيني ويا ولد عمي ....الي كان بمعزه اخوي ...ليش ابا افهم انا من

يوم جفتج وياه واانا حالتي حاله ...اذيت بنات الناس مافي بنت الا وقصيت

عليها ...اذيت ولد عمي ...وبنت عمي ...اذيت كل الي حولي ...وانتي

السبب ...صرت وحش ...ابا اجتل اي شي حلو ...ليش سويتي جيه ...وانا

ناوي اخطبج ...بس الله كشفج جدامي فاخر لحضه ...صح تعبت بس .......


قاطعتني وهيه تصيــــــــح : انته شو تخربط ؟؟؟

قلت : لا تحاولين الريم انا كاشفنج

قالت وهي تمسك ايدي : فهمني دخيلك قبل لا يرجع خالد

قلت : شو افهمج وانا جايفنج وياه ...وبعيوني ...لو تذكرين انا كنت كل يوم

اروح واوقف عند باب مدرستج ...واجوفج ...وفيوم كنت غايب عن مدرستي

بس فوقت ظهورج من المدرسه رحت صوب مدرستج ...وجفتج واقفه

تسولفيين وياه ...وانا سنه كامــــــــــــله اجوفج وتجوفييني تكتفيين

بالابتسامه من بعييد ...شو تبيني افهم من الي جفته ...شو تبيني احس وانا

اجوف البنت الي اتمناها ...واتريا اللحضه الي تعبرني فيها ...واقفه ويا ولد

عمي الي كان ايي وياي...اه شو تبيني اسوي

قالت وهي تصييح : انته ظالمني ...حراام عليك انا يوم ما جفتك بغيت اتخبل

ورحت وسالت ولد عمك الي توقف دوم وياه ...ابا اسئله عنك ...خفت عليييك

صرخت : جذابه ...شو بييب علي عند مدرستكم وانا محد ...شو بيبه اه

...ردي ...انا الي كنت ايبه دوم وياي

قالت وهي تصييح : ياي عند سلمى اختك ....

...وقفت وانا مصدوم...شو يخص سلمى بعلي ....معقوله انا ظالمنها ..معقوله

...تنفست بقو

قلت : وشو الي يثبت كلامج ؟؟؟

ماردت عليه...بس كشفت عن نحرها ...فيه عقد هديه مني مطرشنه عند

سلموه لها ...وصاحت وظهرت...تميت واقف ...مصدوووم...تحبني...وانا

شكيت فيها ويا ولد عمي ....وهدمت علاقته بجمانه ....شو الي سويته

فحياتي ...يت فبالي نوره ...سكرت عيوني بقو ...شو الي سويته ...رفعت

راسي وانا اسمع صوت

: هاه شو النتيجه ؟؟

قلت : انا تعبان بروح ...

سمعته وهو يصارخ ويقول تعال....بس ودرته وركبت سيارتي ورحت بيتنا وانا

مضايج ...صوره نوره والريم فبالي ....شو اسوي الحييين كانت ليله طويله

فحياتي...شو علاقه سلمى بعلي ...وليش ياي للمدرسه عندها ..وليش ما

قالي ان الريم سالت عني ....ليش .......ما قدرت ارقد للفير ...حسيت

جسمي منهد كليت حبتين منوم ...ونسيت كل شي حولي





سـهيل




وعيت من الرقاد ...ما جفتها عدالي....قمت بسرعه وين راحت ..طول الليل

تصيـــــــــــح وقلبي انا يتقطع عليهـــــــــا ...ابا اقولها اني اعرف كل شي

...بس اخافها تفهمني غلط ...وتقول اني خذتها بس عشان سمعه العايله

....ما ابي اجرح مشاعرها ...ما اباها تتألم ...يكفي الي عانته ...ما ابي اجوف

الحزن فعيونهااا ...نزلت اركض على الدري ...لقيت امايه فصاله الطعام

قلت : وين سلمى ؟؟

قالت: فالمكتب عند ابوك

رحت صوب المكتب وانا حاس انها بتسوي مصيــــــبه...وقفت عند الباب وانا

اسمع صوتها وهيه تصييح وتقول : ما ابيه خله يطلقني عمي دخيلك

تخبلت يوم سمعتها تقول جيه ...ما قدرت استحمل ...فتحت الباب ...شهقت

يوم جافتني وقفت وراحت صوب ابويه ...تباه يحميها

ابويه : سهيل بلاك جيه داش علينا ؟!!!

قلت وانا اطالعها : ابا ايلس ويا سلمى شوي .......

سمعت ابويه يقول : انزين......انا بظهر

سلمى مسكت فيه : عمي لا تودرني وياه دخيلك

ابويه : سلمى سهيل ريلج وما بيسوي فيج شي ...واذا ضايقج قوليلي

صرخت : اباه يطلقني وبس

صاحت ...تحطمت انا ...ما ابي اجوف دموعها ...امس بغيت اتخبل يوم رمت

نفسها فحضني ...احس انها تحبني بس خايفه ...امس حسيت انه في امل

...بس اليوم...انهدم...شكلي بنيت قصور من رمال

طلع ابويه ...رحت صوبها وهي ترتجف : لازم تحرجييني ...لازم تقوليين لابويه

طاحت دموعها ...نزلت على الارض وهيه منهاره ...ركضت صوبها ...مسكتها

من ايدها

: قومي ...حبيبتي قومي ما ابا اجوفج جيه

يلست اطالعني ..مسكتها اساعدها انها توقف ..نزلت راسها مستحيه مني

...مسحت دموعها

: انته تستاهل وحده احسن مني سهيــــــــل

طالعتها ...وابتسمت : وانا ما ابا غيرج

ودرتني وطلعت ...ااه ...تعبت ...رن تلفوني ...

رديت : الو

ابويه : تحل مشاكلك ويا بنت عمك ما ابا اسمع كلمه الطلاق فبيتي مره ثانيه

طوط ....طوط ...طوط

سكر فويهي ..تنهدت ...رجعت الغرفه ....لقيتها واقفه على البلكونه

قلت : جهزي اوراقج بسجلج فالجامعه

طالعتني منصدمه : صدق ؟؟

تقربت منها : ليش تتحسبيني اخدعج يوم قلت اباج تكمليين دراسه

قالت : الي تسويه واااايد ...انا خيفانه

رحت صوبها ...قلت : ليش؟؟

قالت وهي ترتجف : اخاف اني صرت احبك

طالعتها منصدم : وليش الخوف ؟؟

قالت : انته هب فاهم شي

مسكت ايدها ...وهذي اول مره ما تبتعد عني : فهميني ؟؟

طالعتني وقالت : ياليت اقدر .....
جمانه




فتحت عيوني بالغصب ...احس بتعب ...تقلبت على السرير ...وين علي

...حسيت فيه امس يوم دش وخليت عمري راقده ...شكله ظهر ما حسيت

فيه ...قمت من السرير ...دخلت الحمام ((عزكم الله )) وخذ ت شور ...طلعت

وانا لافه روب الحمام على جسمي ...يلست انشف شعري ...يلست اتلمس

شعري وانا اتذكره وهو يقول ام كشه صفرا ...مشتاقه لعلي

....لعلي الاولي ...انفتح الباب بدفاشه ...التفت جفته ...دق قلبي ...

قال من غير لا يطالعني : طلعي فوق ابويه يتريانا على الريوق

وسكر الباب ....سكرت عيني بقو ....ومسحت الدمعه الي طاحت ....فتحت

الكبت طلعت لي فستان احمر ناعم لفوق الركبه ..ماسك على الجسم

...يوم الصباحيه ...البنات غير ...وانا غير عن البنات ....تنهدت ...خذته ولبسته

...فتحت شعري ...تمكيجت .....تعطرت ...طلعت بعد ما لبست صندل ناااعم

....فيه اكسسوار احمر نفس لون الفستان...تنفست بقو وانا اطلع

الاصنصير.....انفتح باب الاصنصير ...وجفتهم جدامي ..قام عمي ولوى عليه

: مبروووك فديتج

قلت : الله يبارك فيك عمي ...

ما ادري كيف خطرت فبالي هالفكره المينونه ...يمكن لاني متاكده انه يحبني

بس يكابر ...مسك عمي ايدي وانا اجوف علي يالس على الكنبه ويراقبنا

...هب مرتب شعره ...ااه يا شعره ...عيونه تراقبني ....حبيت عمي على

راسه

قال : البيت نور بوجودج يا جمانه

ضحكت بدلع: هههه الله يخليك لي ياعمي

قال : يلا بنتريق وياج ...((قال وهو يطالع علي )): يلا قوم .....

قام علي وهو متملل ....كنت ارتجف من داخلي ...احس عمي بيشك

....طلعنا ورحنا صاله الطعام

تعمدت ايلس عدال علي وما اروح الصوب الثاني الي مجابلنه ....بدينا نتريق

والكل هادي ما يتكلم

قلت : مره ثانييه انا بسوي الريوق

طالعني علي ....عمي : هههههههههه وانا بكون وياكم والا اروحكم

ضحكت : فديتك يا عمي انته اول واحد

غمزلي عمي وقال : وعلي ؟؟

تنهدت ولفيت صوبه....وقلت وانا امسك ايده واجوفه وهو مصدوم من حركتي :

علي الي يبيه بيصير

طالعني بنظره ...ولف ويهه عني ...سكت ...يلست اكل ما عدا اني مالي

نفس

التف وانا اسمع عمي : علي ما حجزت تذكار ...ما تبون تسافرون ؟؟

رد : لا عندي شغل

..عافانا الله ...حتى وهو معرس مشغول ...انا متاكده انه يبا يتهرب بس ...قام

علي وانا وعمي نطالعه ...نزل تحت ..

ضحك عمي : روحي له ...

ابتسمت ...قمت ونزلت ...

دخلت الغرفه جفته واقف عند التسريحه....رحت صوبه ...خليت ايدي على

جتفه ...بس هو بحركه سريعه نزل ايدي

وتقرب مني وقال : حركاتج هذي ودريها فاااهمه

قلت: علي خلنا نتفاهم ...خلني اكلمك

قال: ماابي اسمع منج شي ..

قلت: بس.........

فر عليه تلفونه ...مسكت التلفون ...قال: اقري سواد ويهج

مسكت التلفون وانا ارتجف ...قريت المسج ...صحت ...كنت امسك دموعي

بس احييين ما قدرت ....قلت : والله انه يجذب

مسك ايدي بقو ...: لا تحلفييين الي مثلج محد يصدقهم

قلت وانا منهاره : علي والله انه يجذب .........

صرخ : شو مصلحته يجذب ؟؟؟ اه فهميني !!!!

صحت...ما اعرف شو اقول ...بس والله الكلاام الي كاتبنه ما صار

...ومستحييل يصير ....

قلت : انا جدامك تقدر تتاكد اذا الكلام صح والا غلط ...بس لا تظلمني

ضحك بسخريه : سمعي هب علي الـ....الي يتقرب من بنت لمسها غيره

...فااااااهمه

قلت وانا اصارخ : والله ما صااااااار انته ما تفهم

ودرني وظهر ....الله ينتقم منك يا سلطان ...الله ياخذ بحقي ....صحت

وانا على الارض ياالسه ...الله ينتقم منك....قريب ...والله اني ما عطيته شي

...والله ما تقرب مني ...ااااه ....



نوره


رتبت شنطتي ...لبست عباتي بسرعه بعد ما دقيت على ندى ....لبست

نظارتي الشمسيه وطلعت وطريجي مجهول ...ما اعرف شي ...ما عرف شو

بيصير احس بخوف ..


مانع


مشتاق لها ...كل شي حولي يرجعني لذكرياتي وياها ...طلعت من بيتنا

ورحت صوب الشقه ...فتحت الباب ..من يوم ما ظهرت منها هذاك اليوم

المشؤم ما رجعت ...دخلت ورحت صوب المطبخ..تذكرت خبالنا كل يوم ونحن

على الريوق ..اهتمامها فيني وبادق التفاصيل عشان ترضيني..ياترى تكرهني

..صدقت الكلام الي قلته والا لا ...كل يوم هيه على بالي...طلعت من المطبخ

...جفت ورقه طايحه ((مانع انا رحت اقابل جمانه فمطعم ......ساامحني لازم

اجوفها ...احبــــــــــك...))

ااه يا حبيبه مانع وقلبه...ياليتج ما رحتي ...ياليتج ما طلعتي من البيت

...ياليتني اقدر اوفي بوعدي واحميج ...حسيت اني بختنق اذا يلست اكثر

...شليت بعمري وطلعت ...قفلت باب الشقه ...سمعت صوت ورايه ..التفت

وجفت ناصر ولولو ...شكلهم ياين من برع..اول ما جافتني لولو صرخت :

ماااااااااااااااااااااايع

ابتسمت غصبا عني ...تذكرني بميره ...احس فيها ريحه ميره ...شليتها..لوت

عليه وباستني على خدي

قلت : شحالج لولو ؟؟

قالت : ذعلانه وين ميموه.....ابا اثوفها ..ابا اكل وياها اثكريم

خلت ايدها فحلجها ..ضحكت وانا ابا اصيييح ..ااخ يا ميره حتى قلب الياهل

ملكتيه ..سرحت وانا اتخييل ميره جدامي ..ما حسيتا لا بايدها على ويهي :

مااايع وينها ميموه ؟؟

قلت : مسافره وبترجع

طالعتني بحزن : ماماتي ما رجعت

سحبها ناصر من ايدي : اسفيين على الازعاج

قلت : لا لا ازعاج ولا شي ...

طلعت بسرعه ..شميت ريحه ايدي ...ريحه لولو ...ريحه ميره ...هذيلا الاطفال

الي ما يعرفون عن حياه الظلام ...حياه الذئاب الي مثل ابو سهييل ...ركبت

سيارتي ..ابا اجوفها ما اقدر اصبر اكثر عن جيه ..ما اقدر ..تولهت عليها

..سرعت بالسياره..




احرموني منك جازوني جفاك
وبالخنجر فظهري سوو طعون
يعلهم في دربهم علهم هلاك
كل هالعذال والي يحسدوني
قلبي المشتاق متولع يباك
يا وله يا شوق قلبي والعيون




نوره






طلعت ورحت صوب الصاله ...جفت ميسون وهزاع

طالعوني مستغربين ...قلت : انا بسافر

هزاع عقد حواجبه ...قلت : انا قلت لثاني و وافق وما عنده مانع

طالعني هزاع وقال : وين ؟؟

قلت وانا اكمل الجذبه : قطر ...

طالعوني مستغربين ..قلت :بروح ويا ربايعي الي فالجامعه ...

هزاع : دام ثاني طااع فانا ما عندي مانع

سحبت الشنطه وسلمت على ميسون وطلعت للمجهول ...ركبت سيارتي

...وانا اتذكر كيف اتصلت لندى ...ويلست اصييح وخبرتها كل شي ...وهيه

اقترحت عليه اني اسوي عمليه..وخلاص ينتهي الامر ...احس بخوف ...خليت

ايدي على بطني ...طول الليل هب راقده ...على الفير اتصلت لسلطان احاول

لاخر مره ...بس ما رد عليه ...صحت اكثر ...اكرهه ...ما اطيقه ...حركت

السياره ورحت صوب بيت ندى ..وقفت ودقيت لها تلفون

: الو

ردت : هلا ..

قلت : اترياج تحت

نزلت تركض شاله شنطتها...ركبت السياره ...وحضنتني ....انهرت

قالت : خلاص نوره ...كم مره نصحتج ما فادج ...هذا حقيير

قلت : والله ما كنت اتوقع يصير جيه

قالت : خلاص لا نضييع الوقت نروح العياده الي قلتلج عنها

دق قلبي بقو ....هذي جريمه ...طالعتها ....حست اني متردده ..قالت : نوره

ماشي وقت لازم تسوين العمليه ....والا....

قاطعتها وانا احس بخوف : لا لا يلا نروح

طول الطريج انا ساكته ...شو اقول ...دخلنا العياده ...حسيت بخوف فظيع

...قلبي بيوقف ...ما اقدر ...ارتجف ...ندى مسكت ايدي ....

: نوره لا تفكرين ان شاء الله العمليه بسيطه

قلت : بس ........

تقربت مني ممرضه شكلها بشع : نوره

هزيت راسي ...قالت : يلا

مسكت ايد ندى اباها وياي ....دمعتي نزلت صرخت الممرضه : لا ...بس

وحده

هزيت راسي بالنفي ...لا ما ابا ..شو بيسوي ...كرهت سلطان ...هو متاكد

اني ما طلعت الا وياه ...بس حسبي الله ونعم الوكيل ....

رحت ويا الممرضه لازم اتحمل نتيجه اعمالي ....لازم ...دخلت على الدكتور

وانا ارتجف ...تروعت اكثر وانا اجوفه..

قال : اي شهر ؟؟

قلت : ما اعرف

قال : هههههههه خلاص على العموم نحن الحيين حنعمل الفحوصات ....وبعد

ساعتين العمليه

شهقت : عمليه ؟؟

ضحك : اكيد عمليه ....لا تخافيين ما في خطر

صحت ...وطلعت مع الممرضه الي بتسوي لي الفحوصات

جسمي يرتعش ...شو نهايه الي انا فيه .....ندى تتبعني ...وانا خلاص احس

بخوف...




سهيل



رحت صوب غرفه ميره ...دقيت الباب ...سمعتها وهيه تقول ادخل ...دخلت

...ميره من بعد ما اطلقت واااايد تغيرت ...صارت منعزله

قلت : شخبارج ؟؟

ردت : بخير الحمد الله ...صح مبروك نجاح سلمى

رحت صوبها : الله يبارك فييج ..ميروه

قالت : هلا

قلت : ابا اسوي حفله لها اليوم ...اباج ترتبين كل شي

عادي اخلي الخدم يرتبون بس انا بغيتها تطلع من غرفتها ...تسوي شي ....

قالت : ان شاء الله من عيوني

ضحكت : الله يخليج لي ...اي شي تبينه طرشي السواق والا خبريني

اناا...هيه وعزمي الكل ..جمانه وعلي ....وميسون وهزاع ...ونوره ...والكل

هزت راسها بالايجاب : خلاص انته روح ولا تحاتي

طلعت من عندها....ورحت صوب غرفتنا...فتحت الباب ودخلت ...لقيتها يالسه

اطالع التلفزيون




علي


من بعد ما صااار الخلاف بينا صرت اتجنب القعده وياها ....بس مالي الا غرفتي

..دخلت الغرفه..جفتها على السرير تصييح ..سفهتها .....كملت دربي فتحت

الكبت بطلع لي ملابس ...سمعت شهقاتها وهيه واقفه ورايه ..شليت

الملابس وخطفت ...مسكت ايدي ...دزيتها

قالت : والله ما صار شي علي

قلت وانا اتقرب منها : تعرفيين ما عاد يهمني صار شي والا ما صار ...

قالت : علي اذا ما واثق فيني ردني بيت اهلي

قلت بستهزء: خاااطري والله ...

لفت اطالعني مصدومه ...قلت : بس انا واااعد سهييل اني ما ااذيج ..ولا...

صرخت : حراااااام عليك ....((خلت ايدها على اذنها)) بس والله ...تعبتتت

...خلاااااص

يلست اطالعها ...هب قادر اسامحها ...طالعتني وهييه تصييح ...التفت على

تلفونها الي يرن ...رحت صوب التلفون ...شليته ابا اتاكد منو داق لها ...((

ميره)) رفعت راسي جفتها اطالعني بنظرات عتب ..قلتلها : ردي على اختج

مسكت التلفون ومسحت دموعها ..: الو

يلست اطالعها ..ليش قلبي يدق بقو كل ما اجوفها...حتى بعد الي صااار

..جفتها وهيه تلعب بشعرها ...رحت صوبها وانا هب حاس بعمري ...وقفت

وراها بالضبط.....خليت ايدي على شعرها ...مررت ايدي علييه .....جفتها

وهيه ثابته مكانها ....

سمعتها تقول : ان شاء الله وباركي لسلمى...بااي

لفيتها صوبي ...طالعت عيونها واللمعه ...البريق الي فيهن يغريني اكثر ..

قلت بالم : ياليتني اقدر انسى حبج

فريتها على الكرفايه وطلعت قبل لا اضعف ....فريت قميصي وعفدت فالمسبح

...سبحت ..ابا انساها ..بس كل مره احبها اكثر ..بس ما اقدر اتقرب منها

..وسلطااان ..ولد عمي ...متقرب منها...يلست تحت الماي وااايد وانا افكر

...حسيت اني بختنق ...طلعت بسرعه وانا اشاهق بقو ..وشهقت اكثر وانا

اجوفها جدامي ....طالعتها ...حاولت اتجاهل ..لفيت

قالت : علي .....

مارديت عليها ...خليت عمري مااسمعها ....صوتها يرتجف .: علي ابا اكلمك

سفهت ...التف بسرعه وانا اسمع صوت قوي ...جفتها وهي تفر عمرها

فالمسبح ....شهقت هذي ما تعرف تسبح ...سبحت بسرعه صوبها ...وهيه

بتغرق ...شعرها الاصفر متناثر بين الماي ...مسكتها بقو وطلعتها وهيه

تشهق

مسكتها من خصرها : تبين تذبحيين عمرج ..

قالت وهي ترتجف بين ايديه : عشان ترد عليه

سبحت وانا اسحبها ...طلعتها من المسبح ..طلعت وسحبت فوطه ...خليتها

عليها : روحي الغرفه ولا تطلعيين فااهمه

قالت : سهييل يتريانا اليوم ...مسوين حفله بنجاح سلمى

قلت : ومنو بيحضر؟؟

طالعتني بفرحه ...: كلهم

تقربت منها وانا احس بغيظ : تبين تجوفيين سلطان ؟؟

صرخت : انته ما تفهم ...((ضربتني على صدري )) ما احبك..ماااااحبك


ما قالت شي يديد...طول عمرها ما تحبني ....طول عمري وانا الي اباج وانتي

ما تبيني ...طول عمري وانا حلمي انتي ..ويوم تحقق الحلم ....اكتشفت انه

كااابوس بشع ...بشع ما اقدر استحمله .....ما اقدر ...مسحت على شعري

الي كله مااي ...





جمانه






ليش يصير لي جيه ...ليش ...انا متاكده انه يحبني بس الشك ذابحنه

...حسيت اني بتخبل وانا ااحسه جريب مني ...يلمس شعري ....بس كلامه

جااارح ....قلبي ما يستحمل الكلام الي يقوله...خلاص انا ما بسير

الحفله...اذا سرت بيشك اكثر ...وسلطان لازم يحضر ...سلمى اخته ...صحت

...حسبي الله عليك يا سلطاااان الله ينتقم منك





نوره



مستعده للعمليه ...لابسه اللبس الابيض ...قلبي يدق بقو ...بطني يالمني

...خليت ايدي على بطني : سامحني...ابوك نذل ....ابوك تخلى عني وعنك

...ابوك خدعني وخلاني وحيييده اواجه الدنيا كلها...سامحني ابوك طلع غير

الي اعرفه..وغير الي توقعته ......شهقت


سامحني ...ربي سامحني اغفر لي..مالي غيرك ..ربي ارحمني ...انا اعرف

ان الي يالسه اسويه غلط فغلط ..بس ماشي الا هذا الدرب ..هب قادره

اسامح نفسي ...ربي يا ارحم الراحميين غفرانك



نزلت دموعي بس مسحتها وانا ااجوف ندى يايه صوبي ...

قالت وهي تمسك ايدي : لا تخااافيين ..

هزيت راسي ...عطيتها تلفوني ...واغراضي ...انسحب السرير صوب غرفه

العمليات ...كنت كل ما ابتعد امسك ايدها بقوه اكبر ...بس فاخر لحضه

تركتني ...وحيده .الغرفه مظلمه...جفت الاجهزه ..لفيت راسي جفت

صينيه عليهاا ادوات حاده ...خفت ..شو بيسوون فيني ....تقرب مني ممرض

...وجفته وهو ماسك ابره كبيره ...قربها من ايدي ..ابا اصررخ اقوله لا ...لا

تقتلون روح بريئه ...ما ابا ...بس ويهه سلطااان وهو يضحك عليه ويتبرا من

الولد خلاني اسكت ....غمضت عيني بقو وانا احس الابره فذراعي ....وبعدها

ما حسيت بشي ...انتهي كل شي ....



سلمى




نزلت الصاله ...كلهم مجتمعيين ..سهيل مسويلي مفاجاءه حفله ...كل يوم

احس اني صغيره جدامه وجدام الي يسويه...نزلت وسلمت على ميسون

وجمانه ..اشتغلت الاغاني ...يلسنا نرقص ...كنت فرحاانه احس بالراحه

...رحت صوب امايه

: عيل وينه سلطان ؟؟

امايه : راااقد....ما رمته يوعى ...شكله تعبان

خفت عليه ...: من متى راقد ؟؟

امايه : ما اعرفه متى رجع البيت بس طول اليوم راقد

امااايه حراااام عليج اهتمي فعيالج ...حراااام ...رحت صوب التلفون ودقيت له

..ما يرد ..خفت ..التفت وجفت سهيل عدالي ...

قالي : عقبال الجامعه

ضحكت : ان شاء الله

يلس يطالعني بنظرات احرجتني ...ارتبكت من نظراته......تقرب مني ..مسك

ايدي ...تلخبطت ...باسني بنعومه على خدي ...ما بعدته عني ...ليش

..معقوله حبيته ..ارتبكت..رفعت عيني بخجل وجفته يبتسم ...ابتسامته تذبح



والله احتاجك أنا ......خلك بجنبي قريب

و إن حصل شيء بيننا..عن حياتي لا تغيب

أنا من بعدك اتوه.......عالمي بعدك يضيع

تختلط عندي الوجوه.....العدو يصبح حبيب

لو تهب بالدنيا ريح......و ينتهي كل الزمان

و يصبح العالم جريح.........أنا بيديك بأمان

قلبك البيت الكبير.......اللي ظللني بوروده

و اصبح الحلم الأخير..صعب أبعد عن حدوده




فريت عمري فحضنه ...قلت : سهيل انا محتايتنك لا تتخلى عني

قال وهو يطوقني بايده : امووت ولا اتخلى عنج ...

قلت : ابا اخبرك كل الي فخااطري ابا حد يحس فيني

قال وهو يمسح على شعري ...رفع راسي وخلاني اجوفه : انا حاس فيــــج

من زمااان

انحرجت منه ..بغيت اهرب من الموقف ..

قلت : بروح اجوف البنات

يلس يطالعني وقال : خذي رااااحتج

ابتسمت وطلعت ...رحت صوب ميره وجمانه الي من يلسن وهن يسولفن

بصوت خفيف ...اما امايه وعمتي ام سهيل ...وميسون ...يسولفن عن الحمل

والولاده

قلت : جماانه حبيتبي اخبااارج؟؟

ابتسمت : بخيير يا عمري ..الف مبرووووك من قدج

ابتسمت ...: الله يبارك فييج ...شخباره علي من زمان ما جفته؟؟

قالت : بخيير

ودرتهم...سمعت ميره تقول : سلموه رقصي

رحت ارقص...فرحااانه ...ما ادري ...لاني ناجحه ولا لاني احس بعواطف غريبه

على قلبي ..احس اني مشتاقه لسهيل ما عدا انه توه عدالي ...يلست

ارقص بكل فررح ...




علي



يلست فالميلس ويا سهييل والشواب ...الحمد الله سلطان ما حظر ...بس

غريبه...ما سالت عنه ما يهمني ...يلست اتذكر

(( قالت وهيه تصرخ : ما اباااا اروح انته ما تفهم

قلت : بنروح غصبا عنج ..عشان خاااطر سهيييل

قالت وهي تصارخ : ليش ما تخاف اني اروح اجوف سلطاان والا اقابله والا.....

ما قدرت استحمل ما حسيت الا وانا اضربها كف على ويها ...طاحت على

الارض قلت : بعد نص سااعه تكونيين جاهزه ))

: وين سرحان ؟؟

التفت لسهييل ...قلت : لا وياك

مستحي اطالع سهيييل وانا مديت ايدي على اخته ...كيف امد ايدي على

جمااانه...كيف ..يلست اطالع ايدي ...بس هيه استفزتني ..خلتني اطلع من

طووررري ...ما قدر اتخيلها وياه ...احس دمي يفور ...ما اقدر ...



نوف



ملجتي باااجر ...وبعدها بسافر امريكا ويا عمر ....تنهدت ...بيكمل دراسته وانا

بروح وياااه ..احس براحه خصوصا اليوم بعد ما يلست وياه ...تكلمنا ورتحت له

...انفتح الباب جفت امايه

لويت علييها : بشتاقلج ماماتي

ضحكت : وانا بعد

سبحان الله الواحد ما يعرف نصيبه وين ...من انخلقت وانا لسهييل ...بس الله

ما كتب هو خذ بنت عمه ...وانا خذيت وااحد هب من العايله ...يمكن جيه

احســـــــــن ...ما اقدر افارج ماانع ...مااانع ابويه ...

انتبهت لمايه : نوف عن تنسين شي من اغراضج

قلت : لا لا تخااافين رتبت كل شي

طلعت من الغرفه ورحت صوب غرفه ماانع الي حابس عمره فيهـــــــــا ..دقيت

الباب ...انفتح ...فريت عمري فحضنه ..كيف افارجك ...وانته الي ادلعني

...تكلمني...تفهمني ...ادافع عني

لوى عليه بقو ...قلت : بشتاقلك

قال : وانا بعد

قلت : ابا اقولك شي قبل لا تسافر

قالت : تامريني انتي .

قلت : ميره بعدها فقلبك ...وهالشي مبين علييك ...رجعها ...

تنهد : ان شاء الله

حضنته : بشرني اول ما ترجعها سامع

ضحك : ههههههه ادعيلي يا نوف انا متعذب

قلت : ان شاء الله كل شي بيكون اوكيه ....بس لا تتخلى عنها

قال : ما اقدر اتخلى عنها ...ميره قطعه مني

قلت: انا كنت متاكده اصلا





سهيل

التفت وانا اسمع علي : سهييل روح ازقر جمانه ادق علييها ما ترد ..

قلت : ان شاء الله

طلعت ورحت الصاله ..فتحت الباب وجفت ميسون ...سلمت علييها

...وتخبرتها عن هزاع ...هالايام ما ينجاف ....جفت ميروه يالسه ..رحت صوبها

قلت :وين جمانه علي بيروح ؟؟

ارتبكت ...قالت : جمانه تعبانه طلعت غرفتها تنام

عقدت حياتي ...غريبه ...بعد نسيت انا هذا اول يوم لهم ويا بعض ...اكيد

تعبانيين من امس وربشه العرس ...طلعت اركض صوب غرفتها ..دقيت الباب

...فتحته ودشيت ...لقيتها نايمه على السرير

رحت صوب السرير ويلست على الحافه...اجذب اذا اقول ما اشتقت

لها...البيت ما يسوى بدون خواتي ...مسحت على شعرها الي متناثر على

ويها ...فتحت عيونها بتعب ....


قلت : شو فيهاا العروس نايمه ؟؟

ابتسمت بتعب : هلا سهييل

قامت ولوت عليه ...ضحكت علييها : اشتقتلج

سمعتها تصيييح...دق قلبي بقو ...قلت : جمانوه ...بلاج ؟

قالت : مشتاقتلك

ضحكت : عن الجذب يلا علوه يترياج تحت ...

لمت شعرها ...قلت : يلا لا تتاخرين

قالت : ان شاء الله

طلعت ورحت صوب الميلس ..دخلت ..قلت له : شو مسوي باختي؟

طالعني مستغرب ...منصدم ...ضحكت ..: البنيه راقده ...شكلها تعبانه

ابتسم علي وطلع صوب سيارته




جمانه




ما قدرت ايلس فجو الاغاني وهالاشياء ....بعد ما خبرت ميره كل الي صار

...ما قدرت استحمل ...دشيت غرفتي ...صحت وانا اتذكر احلى الذكريات

واسوئها ...طالعت عمري فالمرايا...الله يخلي المكياج ...غطى على الكف

الي معلم فويهي ...شهقت وانا امرر ايدي على ويهي مكان الكف ...بنت اول

ايام عرسها تنضرب ...فريت عمري على الكرفايه...وحاولت انام وانا اتذكر كلام

ميره واني احاول ما اهتم واتجاهل وجوده ...ما كنت متوقعه انه فيوم من

الايام بيضربني ...يمد ايده عليه ...نمت وما حسيت الا بسهييل

عدالي..لميته فحضني مشتاقتله ...كنت ابا اقوله ما ابا اروح ويا علي

.....بس ما قدرت ...رتبت شكلي ونزلت ...جفته فالسياره.....مشيت وانا

احس انه يطالعني...دق قلبي بقو ...ركبت السياره ما سلمت عليه .....الجو

متكهرب ...اول ما وقف السياره نزلت بسرعه وانا اجوف سياره عمي موقفه

فالكراج ...نزلت بسرعه غرفتي ...خذت شور...لبس بجامه حرير ...ورحت

صوب غرفه عمي ...دقيت الباب ...






سلطان





خليت ايدي على راسي وانا احس براسي بينفجر من الالم ...هذا كله

بسبب المنوم ...تقلبت على السرير ...المكان ظلام ...معقوله نمت يوم

كامل ...شليت جسمي وانا احس انه متكسر ...سحبت التلفون من الطاوله

الي عدالي ....جفت الساعه وصلت 10 فالليل...اوف ...مسكت تلفوني

الثاني ...نوره متصله اكثر من مره ....يا عمري ....مشتاق لها واااايد ....اااه يا

قلبي ...ان شو سويت فيهااا ....البنت حامل وانا متاكد انها حامل مني

...البنت ما وثقت الا فيني وكنت نذل وياها...مسكت التلفون وانا ناوي اصلح

غلطتي وياها .. الي سويته كله غلط ...ببدا اصلح الي اقدر اصلحه ...والله

الي فقلبي لها غيييير ...مسكت التلفون...رن ...تاخرت ما ردت ...دق قلبي

...ليش ما ترد

فجأه ياني صوت بنت وهي تصيييح ومنهاره ...وقف قلبي : الو ...نوره يا عمريِ

اسمع صوت شهقات ..فقدت اعصابي : نوووووره

ردت : الو

الصوت غريب ...قلت : منو وياي ؟؟

قالت : سلطاان انا ندى ...نوره بتموت الحق عليييها ...نوره بتروح من بين

ايدي وانته السبب

وقفت مصدوم ...حسيت بدمعه تنزل على ويهي من الصدمه ...نوره بتموت

...بتروح من ايدي ...

صرخت : انتي شو تقولييين ؟؟؟ما اصدق

قالت : هيه صدق ..كله منك ...نوره فمستشفى ((.......)) ..فالغرفه ((..))

سكرت فويهي ......شليت سويجي والف فكره فبالي ...انا شو سويت

...ركبت السياره وسرعت بتهور ...افكر فيها ...ضربت ايدي بقو على السكااان

...نذل ...هالذي الصفه الي تناسبني ...وصلت المستشفى بعد ساااعه لانه

بعيييد عن المنطقه الي اسكن فيها ...دخلت وانا اركض ...دعمت بريال

: انته ما تجوف؟؟؟

تميت اطالعه واتذكر كيف دعمتها ومن ذاك اليوم هيه فقلبي ...غمضت عيوني

...بتروح من بين ايديه ...ركضت وانا اسمع الريال يتشاتم ...وقفت عند

الاصنصير ....تميت رايح راد ...بغيت اتخبل ...ركضت صوب الدري ..وانا شرات

المينون ..وصلت باب الغرفه واانا اتنفس بقو...خليت ايدي على الباب وانا

ادعي ربي ...يارب يكون يومي قبل يومها ...يارب ثبتني وقويني ...ياارب انا

محتاي لرحمتك ...ياررب ارحمني...ما اقدر اعيش بلاها ...ما اقدر ...ياارب

ساعدني اني اكفر عن غلطتي ...يارب اذا حد لازم يموت تراه انا هب هيييه

....فتحت الباب وانا احس قلبي بيظهر ...وجفتها على السرير الابيض ...لونها

باهت ..شعرها متناثر باهمال ...عدالها الاجهزه فكل مكان ...وندى ماسكه

ايدها ...التف لي

قلت: شو صااااير ؟؟

قالت وهيه معصبه : شو صاااير ...وهذا سؤال تساله ..حراااام عليييك

قلت : ندى تكلمي وقولي ما اقدر استحمل اكثر

قالت وهي تصييح : شو تباني اقول ...اقولك انها تعبت فالعمليه وكانت بتموت

وفقدت دم وااااايد ...خلااااص حسيت عمري انا الي بموت من الخوف حراااام

عليك ما لقيت الا نوره تقص عليييها ...ما لقيت الانوره

قلت : خلاااص انا بصلح غلطتي

طالعتني منصدمه ...قلت : والله اني احبها

قالت : والي يحب يسوي جيه ..!!!!!!!!!

اشرت على نوره وهي طااايحه على السرير ...رحت صوب نوره ...طحت على

ركبتي وصحت ....انهرت...وانا اقول : ساامحيني دخيلج ...نوره قومي .....نوره

والله اني احبببج

طالعتني ندى بشفقه ...قالت : قوم...قوم من على الارض

قمت ويلست على الكرسي ...تقربت منها ...مررت ايدي على

شعرها..مسكت ايدها الضعيفه الي صايرا صفره ...حبيتها ...





سلمى





دخلت الغرفه بعد الحفله ...اليوم احلى ايام عمري...دخلت وخذت شور سريع

..طلعت وجفت سهييل منسدح على السرير ...رحت صوبه...شكله نااايم

...يلست اتأمله ...حياتي اختلفت بوجوده ...غير كل شي فيني ......تقربت

منه وحبيته على يبهته ...فتح عينه ..شهقت ..

: خوووووفتني!!!!!!!!!

طالعني وابتسم ....انحرجت من نظراته ..نسيت كل شي ...نسيت اني ما

بسمح له يقترب مني ...ثقتي فيه كبيره ...ابا اهرب من اني غير عن البنات

...نسيت او تناسيت هالشي .....



ميره



متسنده على السرير وانا احس اني مشتاقه لايام الشقه ...مانع ...لولو

...غبيه كيف اشتاق له ...كيف اشتاق لشخص خدعني ...ما رمت امسك

دموعي ...صحت ...تلحفت بالبطانيييه ...مااابا افكر فيه ابد ..تذكرت

جمانه..الله يعينها ...كله من سلطان ...وما اقدر الوم علي بعد ..الله يعينها

...مسحت دموعي ...كرامتي فوق كل شي .....




علي


دخلت البيت على الساعه 1 فالليل ...ما قادره اجوفها بعد ما ضربتها ...هب

علي الي يضرب حرمه ...هب انا ...الله يلعن ابليس ..صح انا مضااايج منها

..بس هب جيه ...رفعت شعري بتوتر ...ونزلت بالاصنصير ...المكان مظلم

...مريت من عدال المسبح ورحت صوب الغرفه ...فتحت الباب ..المكان هادي

..تقربت من السرير وانا احاول اكون طبيعي ...فتحت عيوني على الاخر

وانصدمت يوم ما جفتها ...رحت صوب الحمام (( عزكم الله )) ما لقيتها

...توترت ...معقوله خبرت سهييل ..معقوله راحت بيت اهلها ...حسيت بالنار

فقلبي ...وين راحت ....طلعت من الغرفه وانا اركض ...جمااانه ...وين راحت

...نص الليل ...



/
\
/
\
/


((2))






(( انتهيت ولم تنتهي غربتي ))



طلعت ورحت صوب غرفه ابويه ...سمعت صوتها وهيه تضحك ...تنفست براحه

..الحمد الله ...سمعت صوت الباب وهو ينفتح ...اانخشيت عنها ...سمعتها

وهي تقول : تصبح على خير عمي ..

طلعت وركبت الاصنصير...يلست اراقبها

تنهدت وانا اتذكر المسج الي من عند سلطاان ...نزلت راسي ...نزلت بالدري

وانا افكر فيهاا ...دخلت الغرفه ..جفتها يالسه على الكرسي ومخليه ريل

على ريل ....وقفت يوم جافتني

قلت : وين كنتي .؟؟؟

قالت بستهزاء : ليش يهمك ؟؟

طالعتها بتهديد : جمااااانه

قالت وهي تعطيني ظهرها ..: عند عمي عندك ماانع

تنهدت ...انا عارف وين كانت بس كنت اباا اتكلم وياها ...كنت ابا اتاكد انها

هب زعلااانه...انا اخدع على عمري ...اكيييد ما خذه على خاااطرها

....جفتها وهيه تتغطى بالبطااانيه ..يلست على الكرسي ...افكر ...وين بوصل

؟؟ وشو مصيري وياها ........





سلطان




سمعت صوت الاذان ...صلاه الفير ...من زماان ما صليت ..احس يتانيب الضمير

...طالعت نوره ...جفتها تتقلب ...انفتح الباب وجفت ندى داشه شاله كوبين

كوفي ..

التفت وانا اسمع نوره تان .....فتحت عينها..ركضت صوبها مسكت ايدها

قلت : حمد الله على السلامه

امتلت عينها بالدموع ...قلت : خلاص يا عمري لا تحاتيين اول ما تظهرين من

هنيه بخطبج..........

سكت لان نوره صرخت صرخه هزت المكان كااامل : بررررع ماابي اجوفك

اكرررهك ...

قلت :نوره .......

قالت وهيه تصييح : ندى خليه يطلع ...بررررع

طالعتها ماكنت مصدق الي اسمعه ...نوره تطردني انا ..قلت : نوره والله......

صاحت: خلاص سلطان ما ابيك ...ما ابيك اكرهك...واكره عمري لاني فيوم من

الايام حبيتك...خلاص انساني

طالعتها وانا هب مصدق ..كملت : انته قتلت كل ذره حب فقلبي لك

...كرهتني فيك وباسمك وبكل شي يعنيك..شهقت ..ما ابي اجوفك ..اطلللع

بررررع ..اطلع

طالعتها منصدم ..تقربت منها : نوره

سكرت على اذنها بايدها ....طالعتها ..طالعتني ...عيونها تذبحني ..قالت :

طلعووه برع..طلعووه هذا وحش حقييير ..خاااين اكرهه ...جذاب ..خدعني

ودمرني بس الله بينتقم منه ..الله بيرد لي حقي

ما قدرت اسمع الكلام الي تقوله ...كنت بظهر سمعتها وهي تصرخ : انته

مجررم خليتني اقتل روح بريئه ...شهقت وصااحت

طلعت من الغرفه ...حسيت عمري بختنق اذا يلست اكثر ...

طلعت وانا اركض ...خلاااص ...ركبت سيارتي ...سمعت اقااامه الصلاه ...رحت

صوب المسيد ...دخلت وصليت ...صحت...كيف اوقف حدام ربي وكيف اجابله

...صحت بصوت عالي ...صحت وانا احس اني مقصر فحق كل من حولي

...فحق ربي ...اهلي ..الناس الي يحبوني ...انا شوه ..انا ولا شي ..سجدت

لربي وانا اصييح ...ابا اكون طااهر من ذنوبي ...ابا اصحح كل الي سويته ...ابا

انام كل يوم مرتاح ..ابا احس بحب الناس ...وبحب ربي قبل كل شي ...ابا

احس بالراحه ...تعبت وتعبت الي حولي .....طلعت من المسيد وانا احس

براحه ...غريبه ...ماادري ليش ...يمكن لاني خشعت فالصلاه ..يمكن لاني

دعيت من خاااطري ...يمكن لاني اخلصت النيه .....ركبت سيارتي ..ونويت

اني ارجع للبيت ....





علي





تقلبت على السرير وانا اسمع صوت جمانه وهي قايمه تصلي ....رن تلفوني

...التفت ..غريبه ..شو صااير ...قمت بسرعه وشليت التلفون

سلطان ولد العم (( يتصل بك ))

هذا اكيد متخبل حد يدق الساعه 4 الفيير ..ما ادري شو الي خلاني ارد عليه

...وانا اجوف جمانه وهي تراقب الموقف ..

رديت : الو

قال: صباح الخيير

قلت : اخلص شو تبا ..؟؟

قال : علي انا الصراااحه متصل اعتذر منك

عقدت حواجبي : تعتذر مني ؟؟؟

قال : هيه ...ترا ..جمانه ..طااهره ..وشريفه وانا مالمستها ابدا ..وهيه شراات

سلمى بالنسبه لي ..وكل الكلام الي قلته لك من قبل جذب ..وخداع ...

قاطعته : انته شو يالس تقول ..وليش تقول هالكلام الحيين ؟؟

سكت ...قلت: الو سلطان ..سلطان

رفعت راسي وانا اجوفه جمانه وهي منصدمه اطالعني ...سمعت صوت

سلطاان وهو يصيح ...قلبي عورني ...

صرخت : سلطاان شو صااير ؟؟!!!

ما سمعت صوته ...سمعت صوت بريك السياره ...وصرخه وقف قلبي...فريت

التلفون من ايدي وطااح وانكسر ...ركضت صوبي جمانه ..مسكتني من

جتفي : شو صااير ؟؟

طالعتها وكلامه يتردد ..ما رديت...قلت : سوى حادث

طالعتي وهيه هب فاهمه شي : منو تقصد ..منو سوى حادث ؟؟





سهيل





تاملتها وهيه فحضني...هذا الحاجز الي كان بينا ..تتوقعيين اني ما اعرف انج

تعرضتي لاغتصاب ...بس هالشي ما يهمني ...محد قدر ينسيني نوف غيرج

انتي ..سلمى انا احبج .يمكن فالبدايه عانيت وانتي عانيتي ...بس الحين

خلاص ...انتبهت على تلفوني الي يهتز على الطاوله ...عمي بو سلطاان

..ابتعدت عن سلمى ..

رديت : مرحبا

صوت عمي وهو مرتبك : سهييل سلطان مسوي حادث تعال

مستشفى((.....))

وقف قلبي...التفت وجفت سلمى الي نااايمه براحه ..دخلت الحمام خذت

شور سريع ...وطلعت بسرعه صوب المستشفى وقلبي يقولي ان مصيبه

صااايره




مانع




ودعت نوف وعمر فالمطار ...رجعت البيت ...مريت على حاادث فظيع ..الله

يكفينا شر الحوادث ...سياره وشاحنه...والشرطه والناس متجمعيين...الشارع

ملطخ بالدم ...صوت الاسعاف معبي المكان ...الله يستر ...مريت وقلبي يدق

بقو ...السياره هب غريبه ...احس اني جايفنها ...انتبهت على تلفوني الي

يرن رديت :الو

امايه : هلا ماانع وصلتهم ؟؟

قلت : هيه

سمعت امايه وهي تدعى لنوف ...والله البيت فااضي بدونها ..

قلت بالم : امايه ادعيلي

امايه : الله يوفجك الغالي وينولك الي فبالك ....وان شاء الله اجوف ميره وياك

جريب ...الله يعوضكم

تنهدت : آمييييييييييييين

انا الحييين مطمن على نوف ...محد يقدر يلمسها ...امايه تدري بالموضوع

كاامل ما قدرت اخبي علييها ...وهيه نصحتني بعد ما تسافر نوف ..اروح

لسهييل وارجع ميره ...تنهدت...يا خوفي يطلع سهييل شرات ابوه ...بس لو

كان شرات ابوه ما يا عندي البيت وتهازب وياي بسبب الطلاق ...انا بتوكل

على الله ...اااه يا ميره ...ياترى بتسامحني



نوره





اكثر من ساااعه وانا منهاره ....اصييح ...احيين يا سلطان ...احيين حسيت

فيني...ما قدرت اسامحه ...ما اقدر ...والله احبه...بس ما اقدر اسامحه

بسهوله ..يمكن عقب فتره ...بس الحيين جرحي بعده ينزف

التفت على ندى : ندى قولي للدكتور اني ابا اظهر

شهقت : بس انتي بعدج تعبانه

طالعتها وقلت : ابا اظهر ....

طلعت ندى...دخلت عليه الممرضه وقامت ابراه المغذي ...قمت من على

السرير وانا ااتالم ...مسحت دموعي ...لبست العباه....وندى تساعدني

...لبست شيلتي ونظاره شمسيه كبيره تغطي معالم الحزن الي على ويهي

والي ما تتغطى ....طلعنا وانا اتذكر دموع سلطان ....هزتني دموعه ..معقوله

يجذب ..حسيت بالتعب ..وغفيت وانا فالسياره ....





سهيل



دخلت المستشفى وانا اركض ...ممر طويل فاضي ...في اخره جفت عمي بو

سلطان ...عمي بو علي وعلي واقفين عند غرفه العملييات ....ركضت وانا

ادعي ان ما يصير له شي ...مهما كانت خلافاتنا وياه هذا ولد عمنا ...رحت

صوبهم

: السلام علييكم

التفتوا صوبي ...وردوا السلام ...تقربت من علي وانا اجوف ويه عمي الي ما

يتفسر ..

قلت : شو صاير...؟؟سلطان شو فيه؟؟

طالعني علي وهو مبين عليه الارتباك : الله يستر ...الحيين فالعمليات الضربه

فالراس ...والعمليه خطيره

ما قدرت اصدق ...وقفت مبهت فيهم ...يلسنا نتريا برع ...تاخر

الدكتور...طالعت عمي بو علي وهو يهدي ابو سلطان ...التفت صوب علي وانا

اجوفه وهو يصيح..مسكته من جتفه بقو: تماسك لا تصيير ضعيف علي ..ان

شاء الله ما علييه شر

طالعني وقال :سمعته وهو يسوي الحادث ...سمعت صرخته ...صرخته تتردد

فاذني

طالعته وانا روحي احس عمري هب قادر اتماسك ...رحت صوب عمي بو

سلطان ...وقفت عداله وانا اسمعه وهو يدعي الله ان يخليله ولده الوحيد ...

طلع الدكتور ...ركضنا كلنا صوبه ...ما حسيت بمعزه سلطان الا فهالموقف

...حسيت ان الثواني صااارت ساعات ....ساله عمي بو سلطان

: شو دكتور خبرنا نحن اهله ؟؟؟





جمانه








يالسه على الكنبه جدام المسبح وانا احاتي ...علي قالي انه مسوي حادث

بس انا هديته ...وقلت يمكن انقطع الخط ...بس بعد نص ساااعه اندق باب

الغرفه ..طلعت وجفت عمي فويهي : علي ولد عمك فالمستشفى

شهقت ..يعني صدق ...قام علي بسرعه وهو متوتر ...وطلع ...مسكته من

ايده وانا ارتجف : طمني ...لا تخلوني جيه

طالعني ...هز راسه وظهر ...ليش سلطاان اتصل لعلي وشو قاله هب

عارررفه ...تااخروا صار لهم اكثر من نص سااعه ...مسكت تلفوني وانا ارتجف

...تذكرت اني دعييت عليه ...استغفر الله ان فشو افكر ...دقيت لعلي بس

مغلق ...دقات قلبي تضرب بقو...اللهم لا اسالك رد القضاء ولكن اسالك اللطف

فيه ...يااارب ...ما قدرت امسك نفسي ...نزلت دموعي ...الله يستر ...ياااارب

احفظه ...مهما الي صار ومهما اذاني بس يظل ولد عمي ...حضنت نفسي

وانا يالسه على الكنبه اتريا علي يرد عليييه ...





سلمى






فتحت عيني بتعب ...التفت وانا متروعه ...ما جفت سهيل ...معقوله سهيل

ما يباني لانه اكتشف اني ....معقوله بيودرني ...قلبي دق بقو ...بس انا

حبيته ...قمت وخذت شور وانا افكر ...وكل مره اجذب عمري ...قلبي يعورني

...ما اقدر استحمل ...ما اقدر استحمل صدمه ثااانيه ...طالعت الساعه ...10

...يمكن راح الشغل ...لا هو ما خذ شهر اجازه ...وقفت عند الدريشه وانا

اصيييح ...خلاااص ..انا الغلطانه كيف وثقت فيه ...كيف ...بس ...غطيت على

ويهي ...انسدحت على الكنبه ويلست اصييح ...سمعت صوت الباب ينفتح

...وجفته جدامي دق قلبي بقو ...وقفت وانا اجوف ويهه متغيير ..اكيد لاني ...

قلت : سهييل ......

تقرب مني ...الدموع على ويهه ...معقوله كل هذا بسببي ...قلت : والله انا ما

سويت شي ..والله ..واذا ما تباني ردني بيت اهلي ...بس انا احبـ...ـــك

((صحت ))

تقرب مني ...مسكني من جتوفي ....خفت ...رفعت راسي وطالعته ...

قال : سلمى حبيبتي ممكن تيلسين

يلست وانا منصدمه ...يلس على الارض ...تحت ...

قال : سلمى

ما كمل لانه صاااح ...ما قدرت استحمل وانا اجوف دموعه ...نزلت على الارض

قال : سلطان ..

شو الي ياب طاااري سلطان الحييين ...قلت وانا احس قلبي بيوقف : شو فيه

.؟!!!!!!!!

قال بعد ما انهار : مااااات

طالعته وانا احس ان قلبي بيوقف ...هذا اكيد يجذب ...هزيت ايدي جدامه وانا

اقول لا

ضحكت : سلطان راقد ...انا متصلتله امس وما رد عليه انته .....

قاطعني وقال : سلطاان سوى حادث اليوم سلمى

قمت بسرعه وانا اصااارخ : انته جذاب ...شو تقول ...سلطاان اخوي ...عزوتي

ماات ...نزلن دموعي غصبا عني ...صحت يصوت عالي ...لا سلطااان ما يموت

...سلطان ما بيودرنا ...لا سلطان اخوي ...ما يموت

لمني فحضنه ...ضربته ...: لا تجذب عليه سهييل حرااااام عليك

انهار هو وياي ...صحت بصوت عالي ...جفت عموه فويهي ...ركضت صوبها

قلبي ما يستحمل هذا كله ..صارخت : عمو سهييل يقول سلطاان مات

...قوليله لا يمزح..قوليله لا يقص عليه ..

طالعت سهيل الي قعد يمسح دموعه بالغتره ...التفت صوب عموه وانا اسمعها

تصيييح ...رجعت على ورى ...قلت : لا لا تخدعون عليييه ..سلطااان مات

...مااات

ما جفت شي جدامي ...خلااااص قلبي ما يستحمل هذا كله ...خلاااص ...







علي



انهرت وانا اسمع كلام الدكتور : للاسف ما قدرنا نسوي شي ...شدو حيلكم

طاااح عمي على الارض وهو يصيييح ...وقفت مصدوم ...التفت وجفت سهيل

وهو يصييح ...طلع يركض من المستشفى ...تميت واقف ...التفت وانا اسمع

ابويه وهو يهدي عمي الي انهار كليا

: ولدي الوحييد راح ....راااح ...يابو علي ...راح الي شايل اسمي ..راح عزوتنا

...راااح شو اقول لامه الحييين ...

ابويه وهو منهار : اذكر الله يا بو سلطاان اذكر الله ...

ما قدرت استحمل تسندت على الايدار ...(( ترا ..جمانه ..طااهره ..وشريفه

وانا مالمستها ابدا ..وهيه شراات سلمى بالنسبه لي ..وكل الكلام الي قلته

لك من قبل جذب ..وخداع ...)) سكرت على اذني ...ما اقدر استحمل

...سلطااان راح ...راااح ...

سمعت ابويه وهو يقول : علي اكراام الميت دفنه ....

فهمت من ابويه ان لازم اسوي اجرائات الدفن ...وقفت مكاني ..مصدووم

...بيدفنونه خلاااص ما بنجوفه مره ثاانيه ..مسكت راسي وانا اجوف الدنييا

سودا جدامي ..



جمانه






لابسين اسود ...الكل مجتمع فبيت عموه ام سلطاان ...دموعي ما نشفت

...طالعت امايه وهي تهدي ام سلطاان ...المكان متروس حريم ..قمت وانا

اصييح ورحت صوب ميسون الي يالسه عدال امها منصدمه ...مسكتها من

جتفها : وين سلمى ؟؟

قالت : فوق ...فغرفه ســ...لط.....

ما قدرت تكمل اسمه ...صاحت ...لويت علييها وطلعت لسلمى الي من

سمعه الخبر وهيه تصييح ومنهاره ...دقيت الباب ودشيت لقيتها يالسه على

الارض ..وماسكه صورته ...رحت صوبها : ذكري الله سلمى

دموعها على ويها الشاحب : لا آله الا الله

سحبت الصوره من بين ايديها ...وقلت : قومي تحت على الاقل تسمعيين

القران بتهدين

قامت وياي وانا احسها هب وياي ...تفكيرها بعيييد ...لفيت الشيله على

راسها ...ونزلنا ...وكل ما تسمع القرآن تصيييح اكثر

ما قدرت استحمل ...طلعت فوق ...جفت غرفه سلطان مفتوحه ...رحت

صوبها وانا ارتجف ...بسكرها ...مسكت المقبض ...بس طاحت عيني على

دفتر مخلاي على الطاوله ...شد انتباهي ...لونه اســــــــــــــود ...رحت

ومسكته ...مكتوبه عليه بالفضي ....(( غربــــــــــــــــه روح )) ...فتحته

....يلست اقلب الاوراق ....خواااااطر ...من كتاباته ...مسحت دموعي

...وجفت فورقه صوره بنت ...بلبس الثانويه ....كاتب تحتها ...(( احببتها ...ولم

تبادلني الحب ....فدمرتني ....)) استغربت ...يلست اقلب فالاوراق ...بعدها

لقيت صورتي ...شهقت ..كان كاتب ...(( وسيله لدمار من احب )) يعني

استخدمني وسيله عشان يدمر ...علي ...يعني هو يحب علي ...يلست

اقلب االاوراق ...جفت صوره نوره ...هنيه فتحت عيني على الاخر ...وكان

كاتب ...(( احببتها ...فاحبتني ...فدمرتها ...ولازلت احبها ...))

طاحت دمعتي ....قلبت الورقه ...وجفت ابيات قصيده ....



ابي ارحل عن الدنيا وانا ساكت
ابي ارحل عن الدنيا وانا ساكت
لان حزني الغاني واشواقي بعد ماتت
لان مابقى فيني سوى جرحي
شوي من الالم مدفون في صرحي
ابي ارحل عن الدنيا
اودع ناس وتبكي ناس
وذيك عيون بعض الناس ماتبكي
الم بيني وبين نفسي
يقل لي عطني آملك وخذ بأسي

وبسوي من بقايا الحزن في ليلك قصايد تصبح وتمسي
وودعهم بعد هالناس تراهم مايحبونك
ترى ماعاد يبونك لانك تختلف عنهم
وتلبس ثوبك الاسود
مطرز بالحزن والخوف
لانك تنتظر لابعد من حدود النظره والشوق
واقول احسن
اودع ناس وتبكي ناس لان عيون بعض الناس ماتبكي




عيونج يا نوره ....ما بتبكي ....
ســــــــــــــــــــــــ ـامحيني ......سلطاااان

موقع تحت بتاريخ ...قبل الحادث بيوم ...سكرت الدفتر ....شليته ويااااي

....لازم اعطيه نوره ....لازم ...لانه يعنيها هيه ....صورها معبيه الدفتر ...دمعت

عيني ....ونزلت تحت بسرعه ...جفت سلمى على حالها .... ...خليتها

فحضني اباها تهدى ...جفت تلفوني يهتز ...لاحظت ان المكان فضى

..ما بقى فيه الا عايلتنا ...جفت الساعه 11 فالليل ...علي يتصل

رديت : الو

قال وصوته متغيير : طلعي اترياج برع

انتبهت على سلمى الي نااايمه فحضني ...مسكت التلفون ودقيت لسهييل

...وقلتله عن سلمى ...واصر انه ياخذها بيت اهلي لانها اذا باتت هنييه

بتتعب...دخل عليينا الصاله ...شكله متغيير 180 درجه ...راح صوب عموه

وعزاها وهيه ما ترد على احد بس ساكته شكلها مصدومه ما الومها ...انتبهت

على سلمى الي تحركت ...التفت صوبها ...قامت وفرت عمرها فحضنه وهي

تصاارخ وتقول : سلطااان رااااح خلاااص

قال : بس سلمى انتي تعذبينه فقبره

طلعت بعد ما لفيت عباتي على جسمي .ما اقدر استحمل هالدموع ....جفت

السياره ..ركبت كل واااحد عنده هم ...ما نقدر نتكلم ويا بعض

قال : شخبارهم داااخل ؟؟

قلت وصوتي يرتجف : سلمى وااايد تعبانه هيه وعموه ...وميسون ما كلت

شي من الصبح ...خيفانه علييها حامل

التفت صوبي ...جفت عيونه متغييره...صااايح ...ارتبكت ...قال وصوته متغير :

سلطااان الله يرحمه يوم اتصل لي الصبح ......سكت

يلست اتريا...شو قال سلطان ...رد وقال : ان المسج الي مطرشنه جذب

وانج ....وانه عمره ما تقرب منج

سكت...يلست اطالعه منصدمه ...سلطاان سوى جيه.....دق قلبي

بقو...صحت ..صحت على سلطااان ...حسيت اني طول اليوم حاولت اكون

متماسكه بس انهرت على اخر اليوووم

نزلت من السياره اركض ...دخلت غرفتي ...فريت عمري على السرير اصيييح

وادعي له بالرحمه ...دخل علي ...يلس عدالي ..

قال : بس جمانه...قلبي يعورني ما اقدر اجوف حد يصيييح ...يكفي ربيع

سلطاان اليوم خالد ...الي فالعزا كلهم يجوفونه كيف منهار

طالعت علي ..وقف يحاول يتماسك ..رحت صوبه ..تميت اطالعه وانا اشاهق

..انهار وهو يقول : اعتذر مني ...كان يكلمني وسوى الحادث جمانه ...صوته

يتردد فاذني ...تعبت تعبت

طااح على الارض ...نزلت له ولويت عليه ...انا منهاره وهو على نفس الحااال

.....



نوره




فتحت عيني بالغصب احس جسمي كله تشنجات والم ..تذكرت اني دشيت

البيت وما لقيت اي حد لا هزاااع ولا ميسون ...شليت جسمي بالغصب ...ابا

اتصل لندى ...ما عيبتني فالسياره ...

(( فتحت عيني وانا فالسياره واحس بألم فبطني ..التف لها وقلت : ابا

اشرب شي حااار

قالت : انزين احيين بوقف عند الكوفي

جفتها متغييره ....قلت : شو فيييج ؟؟

قالت : لا ماشي ..

حسيتها مرتبكه ...قلت : لا شو صاااير قولي ؟

قالت : حادث فالطريج ..وااايد قوي ..تروعت يوم جفته

غمضت عيوني ...ما اروم ارمس وااايد ...))

قمت من على السرير وانا اسحب عمري ...فتحت الغرفه وطلعت ...المكان

كله مظلــــــــــم ..استغربت ...وينهم هاذيلا ...رحت صوب الصاله فتحت

الاضاءه ...واالتفت وانا اجوف هزاااع داش ومخلي الغتره على جتفه ...شو

صاااير ...

قلت بتعب : وينكم انتوا؟؟؟؟

فر عمره على الكنبه وهو يتنهد ...تروعت خفت ان ميسون يكون صااار لها

شي ...رحت صوبه : شو صاااير لا تروعني هزااع

قام من عدالي وراح صوب الدري وقف وقال : اخو ميسون توفى.....حادث

سياره اليوم الصبح ...وهيه عند اهلها

طلع وانا واقفه مكاني وارتجف ....اخو ميسون ...سلطااان ...لا مستحييل

....سلطاان ماات ...مستحيل ما اصدق ....حسيت بدموعي على ويهي

..هذيلا اكيد يجذبون عليه ..اليوم الصبح كان عندي لا ما اصدق ...رحت اربع

غرفتي ..فريت عمري على السرير وانا احس بالالم فجسمي ...شهقت

...راح الانسان الي حبيته ...رااااح ...ما بجوفه مره ثااانيه...كله مني انا ...كله

مني ..مسكت تلفوني وانااا اشهق دقيت لندى

ردت : الو نوره

ما قدرت اتكلم صحت : مااات ...سلطاان مات يا ندى

صاحت ندى وقالت : ادري ...اادري

شهقت وقلت : بس انا احبه ندى ...احبه

فريت التلفون وقعدت اصييح وانا حاضنه المخده ...ابا اجوفه ...ابا اجوف

سلطااان ....طول الليل وانا اصيح ...جسمي يرتجف هب رايمه اقوم

من على السرير ..احس بدموعي تنزل على خدي ...كل دمعه اكبر من

الثااانيه ...ليش اعيش بعد ما راح ..ليش ..شو حياتي بلاه ...هو الي خلاني

احب العيشه هنيه ...هو الشخص الي تعلقت فيه ...ليش ياا سلطان سويت

فيني جيه ...ليش ...ليش ودرتني عقب ما تحسبت انا خلاص بنرجع لبعض

...ما اقدر اتحمل كل هالهم ..والله صغيره على الهم ...واللـــــــــــــــــه ...منو

بيحس فيني الحين ...راح ...راح الي يحس فيني ....ااااااااااااااه



ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي


ياليتنـي ..كنـت الكفـن يـوم تمشـون
أبـقـى مـعـه بالـقـبـر ثـــم تدفـنـونـي

أو ليتني .. من خلفكم كنت مجنون
أتـبـع خطـاكـم والـعـذر هــو : جنـونـي


تكفـون هاكـم عمـري اليـوم تكفـون
بـرخـص حيـاتـي دام خـابــت ظـنـونـي

مـا فادنـي صبـري ولا فـادنـي عــون
ولا فادني دمع(ن) .. حرق لي جفوني

يـا مـا بكيتـه والبكـي يحـرق عيـون
ميت أو انه حي .. دمعي بعيونـي!!

العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون
فوق الثرى .. واليوم موته سجونـي


ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني

وياليتكـم .. عـن همّـي اليـوم تــدرون
منه انحرمت ومن عزاه .. احرموني

حتى بوفاته يـوم أنـا طحـت مطعـون
أخفيت طعناتـي .. قبـل لا يفضحونـي

بكـيـت لـكـن .. ماتظـاهـرت بالـهـون
أبكي وأقول : الموت هو سبة طعوني

و إن كان في حبّـي أنـا ..ماتحسّـون ..؟!
دلوني لقبـره .. وهنـاك .. اتركونـي ..!



سهيل


يلست اطالعها طول الليل خيفان لاتقوم تصااارخ مثل ما صار اول ما غفت

((...صرختها انسمعت فالبيت كاامل ...ما عرفت شو اسوي ...زقرت ميره الي

تمت طول الليل تقرا علييها لحد ما نامت ...

قمت وشكرت ميره : مشكوره ميره

قالت وهي تمسح دموعه : سلمى اختي ...سلمى محتاجتنك فهالوقت

...اوقف وياااها ..ما اوصيك

التفت وطالعت سلمى الي نااايمه وشكلها تعبانه ...تنهدت ))

سمعت صوت الاذان ....ما قدرت اودرها بروحها ...دخلت الحمام عزكم الله

...توضييت وصليت ..

التفت عليها ..تقربت منها حبيتها على راسها ....المصيبه كبيره عليييها

...بس قدر الله وماشاء فعل ..



مرت الايام وبدت سلمى تتحسن ...وفيوم وانا كنت نازل من غرفتي يتني

الشغاله

: بابا فيه ريال برع يبا انته

استغربت ..طلعت وجفت ماانع فويهي ...قلت : شو يابك ؟؟

قال : ممكن اتكلم وياااك

قلت : ما بينا كلام

قال : دخيللك سهييل

يلست اطالعه ...ما ادري شو الي خلاني اقوله : تفضل

كنت ابا اعرف شو وراه ....حسيت انه فيه شي ...الفضول خلاني اقوله يدخل

...بس ...هب طايقنه ..

دخلنا الميلس ...قلت : شو عندك ؟؟

قال : ابا ارجع ميره

ضحكت : تتحسب ميره لعبه عندك شوه ؟؟

قال : سهيل انا اباها احبها

قمت واقف : سمعني شل بعمرك واظهر من البيت قبل لا ارتكب فيييك

جريمه بررررع




مانع



طالعت سهيل مصدوم ...كنت متوقع رده فعله ...بس هب لهاي الدرجه

صرخت : حرمتي وبخذها

طالعني ..تقرب مني وشد كندورتي يبا يظربني ...قلت : والله احبها وابوك هو

الي جبرني اطلقها

طالعني مبهت ..مصدوم قال : لا تجذب تراني هب يااهل جدامك

طالعته وقلت : ابوك هددني اذا ما طلقتها بيخطفون نوف ..وبيعذبونها ..

ضحك : ليش مافيا نحن ؟؟شو يثبت لي كلامك ؟؟؟

قلت : لان ميره تملك نص شركتكم ...وابوك خااف اني اطالب بحقها

طالعني وهو شبه مقتنع ...قلت وانا مشتاق لها .....مشتاق لميره : هب

مااانع الي ياذي بنت دخلت قلبي و وثقت فيني ...انا تعبان ...فاهم يعني شو

تعبان يا سهييل ...افهمني ...لا تحرموني منها

طالعني وقال : انا ..........

سكتنا انا وهو يوم دشت ميره الميلس وهي تبتسم : سهيل .....

وقفت فمكانها يوم جافتني ...امتلت عيونها دموع ....صااحت : سهييل خله

يطللع برع ما ابا اجوفه

طالعت سهيل وهو يقول: اذا قنعتها انا ما عندي ماانع

طلع سهيل وهيه اطاالعه مصدومه رحت صوبها جفتها بتطلع بس مسكتها من

ايدها ...صاااحت : ودرني ...شو تبا مني؟؟

قلت : ميره دخيلج خلينا نتفاهم

صرخت : على شو نتفاهم ؟؟!!!

قلت وانا اآشر على عمري : عايبنج حالي

يلست اطالعني ..الكل يوم يجوفني ما يعرفني ...تعبت من بعدها : ميره والله

اني طلقتج غصبا عني

صرخت : شو غصبا عنك...؟؟؟ ..انته كنت تبا تنتقم من اهلي

قلت : هذا كله جذب ...ميره ابوج هو الي جبرني اطلقج وهددني

قالت : وليش ما قلت من قبل ...؟؟ والا الحيين اخترعت هالسالفه ..؟؟

قلت : هددني بنوف ..ويوم اطمنت ان نوف برع البلاد ...كنت بيي بس ولد

عمج توفي ...وما رمت اصبر اكثر

طالعتني وهيه هب مصدقه ...تقربت منها ...: والله احبج ...واغلييج ...واتنفس

هواج ..اتريااليوم الي بترجعيين فيه لي ...

طالعتني وهيه منصدمه ...قلت : تعبت وااايد ميره ...فديتج لا تذبحيني ...لا

ترديني



سهيل




طلعت من الميلس...رحت صوب غرفه ابويه ...من توفى سلطان ابويه متغير

...معقوله الكلام الي يقوله مانع صح ..ما اصدق ..دقيت الباب ودخلت ...جفت

ابويه يالس على الكرسي ومجابل الدريشه

رحت صوبه يلست على الارض وخليت ايدي على ركبته : ابويه ..مانع برع

ما صد صوبي ....قلت : يبا يرجع ميره ...ويقول .......

قاطعني : خلهم يردون لبعض

طالعته منصدم ...يعني الكلام صح ..ابويه هو الي فرق من بينهم ...

قال : وقوله يسامحني

طلعت منصدم ...ورحت صوب الميلس




ميره





معقوله ابويه سوى جيييه ..ما اصدق ...طلعت من عند مانع من غير لا ارد

علييه ...صحت يوم جفت سهيل فويهي ...رحت صوبه

قال: شو قررتي ؟؟

قلت : ما اعرف ...قولي شو اسوي ؟؟

قال : انا واجهت ابويه ...وهو اكد كلام مااانع

شهقت : يعني صدق ؟؟

قال : هييييه

قلت : لا تجذب عليييه

مسكني من جتفي : ميره ماانع يترياج ..

التفت وجفت ماانع يطالعني ...وهو مرتبك ...طالعته ..تذكرت حياتي وياه...

ابتسم سهييل : مبرروووووك بسنا من الحزن والدموع




((!!! بعد مرور فتره!!! ))





الكل مجتمع فبيت بوسهييل ....سهيل وسلمى يالسيين يسولفون

...والبسمه مرتسمه على ويوهم ...خصوصاا ان سلمى حاامل وعلاقتها

ولا اروع مع سهييل ...

سهييل :علي باجر اداوم ...من شهر ما داومت

ضحك وهو يمسك ايد جمانه : لا حبيبي انا حاجز على سويسرا بسافر انته

ناسي اني ما سافرت شهر عسل...استحت جمانه يوم علي حب ايدها

جدام الكل ...ضحكوا علييهم

التفت جمانه لسلمى : عيل وين ميسون ؟؟

ردت سلمى : الحيين بتوصل ..هيه وهزاااع

ابو سلطاان : وسلطان مابيي وياهم ؟؟؟

التفتوا كلهم على مانع وهو داش وماسك ايد ميره بتملك ..: السلام علييكم

الكل قاموا وسلمو ...ويلسوا يسولفون ....بوسهييل عرف غلطته واعتذر من

مانع وميره...وميره وسهيل اتفقوا ان محد يعرف بالسالفه الا هم ... الكل كان

فرحااان ومبسوط ...جمانه خلاااص علي عرف انها غيير ...سامحها

...وسلمى ما تقدر تعيش من غير سهييل الي صار محور حياتها




** فمكان ثاني ...بروحي فالبيت ...يالسه على الكنبه بعد ما نام شرات

الملاك ...طالعته ...تقربت منه وبسته على خده ...ومسحت دمعتي...فتحت

الدفتر ..صح هو اسود ...بس كلامه الي داخل ...يعنيني ...تاكد اني بكيت

..وبكيت ...لحد ما نشفن دموعي ...قريت كل ورقه فيه ...كل يوم على نفس

الحال ...سكرته وخليته فالدرج .... ...ورحت صوب القرآن وبديت اقرا ثالث

ختمه لي السنه...هالختمه عن روح سلطااان ....سكرت المصحف وانا اسمع

صوت الباب وهو ينفتح

التفت وجفت ميسون : هلا نوره

صدق الله العظيم ...سكرت القرآن ...وقلت : هلا رديتوا من بيت عمج

قالت : هيييه ...سمحيلي اكييد اذاج سلطااان

طالعته وهو نااايم ...يشبه خاله ...قلت وانا اخفي دموعي : لا ...بالعكس

ضحكت : من امس وهو نااايم عندج

ضحكت ..ورحت صوبه ودعيت فخاطري ... الله يخلييك ...وجوده خلاني اصبر

...خلاني استحمل فرااق سلطاان ..سلطاان الصغير مالى حياتي ..كل يوم

ماينام الا فحضني ...وانااام مرتاحه .الله يرحمك يا سلطاان محد بياخذ مكانك

فقلبي ..طلعت ميسون ورحت صوب المصحف ...وكملت قرايه وانا احس

براااحه ....






اكذب عليك لو قلت بعدك شي عادي

اضحك وانا من جور الايام مجروح

جرح توسط في حنايا فؤادي

وليت الجروح ضيوف يومين وتروح

.بعثر جروحي هالزمن الرمادي

واصعب شي على الانسان هي غربة الروح







النهـــــــــــــــــــــ ــــايه



*_^



فالنهايه ما اقدر اقول الا اني اشكر كل شخص دعمني وشجعني ...اشكر كل

الاعضاء الي ردوا عليه فالقصه والي بسبهم طلعت القصه بهذا الشكـــــــــــل

...اعتذر منكم اذا النهااايه حزييينه ...وقبل لا تحزنون حزنت انا ...وقبل لا تدمع

عيونكم ...بكيت انا....من خلاال كل القصص الموجوده فيه عبره ...ابطالنا

كلهم كانوا يعيشون غربه الروح...

نوره : غريبه فبلادها ما تعرف عاداتها ..ما تعرف دينها ...

ميره : غريبه بين اهلها ...تحس بالغربه وباليتم لكن غربتها انتهت بظهور مانع

فحياتها ...الي كان يعيش غربه بفقدانه ابوه...بس ميره ظهرته من هالشي

جمانه : تعيش غربه مشاااعر ...حبت شخص ما حبها ...وبعدها ارتاحت بوجود

علي الي كان يحس بالغربه لانه يحب انسانه تحب غيررره

سلمى : غريبه ...لانها غير عن الكل ...تعرضت لشي صعب ..والتقت

بسهييل الي يعيش حاله الغربه بعد فقدان حبه الاول ....

ميسون وهزاااع كل واااحد لابس قناع يكابر ...بس وهم بعاد عن بعض حسوا

بالغربه ...بس رجعوا لبعض والله رزقهم سلطـــــــان الي نور حياتهم وحياه

نوره .....


كل ابطالنا انتهت غربتهم ...االا سلطااان الي انتهي هو قبل لا تنتهي غربته..

لكل بطل وبطله من ابطالنا معزه عندي انا قبلكم ...من احب الشخصيات الي

امتعتني وانا اكتب القصه شخصييه سلطااان ...هالشخصيه من احب

الشخصيات على قلبي مع سلبياته ...

اما بالنسبه للبنات ...فميره و سلمى من احلى الشخصياات ...واحبها على قلبي







تمت بحمد الله