[الكريستال]

السلام عليكم ورحمة الله وبركاته




مسساكم نرجس ودهن عود ..


ماشاء الله وش هالردود ألي تشرح الصدر .. فيه كم تعليق أبصراااحه بطل وصاحبته أتقنت التحليل بشكل


أثار أعجابي فيها .. بكثر ماكان الرد واضح أنها تكتبه وهي منقهره بس هالقهر طلع كلام وتحليل ماشاء الله تبارك الله ..

أمممم ..


محتاجين واقعيه فالتحليل وصدقوني بتعرفون كل هالغموض ألي يلفكم .. لأن الروايه تستند على أرض الواقع ولا لمست

الخيال ألا قليل جدا .. أذا ماكان نادر ..

طبعا الكل أبدع ووجودكم فوق راسي الله .. نورتوا الكريستال والمتصفح كله ..


لا أنسى أعقب على نقد المبدعه ( rayadeeb ) .. أقتبست من ردك النقد ألي طرحتيه

ابتعادك المتعمد عن الوضوح في الحوار بين الشخوص مثل ما جرى بين لافي واخته وبين لافي وضاري وكثير من المواقف على مدى الروايه والتي تكررت كثيرا يدور بها حوار مشترك لموضوع معين مختلف في بال المتحدثين كل منهما يعتقد ان الشخص الاخر يتكلم عن نفس الموضوع او على الاقل يعلم بحقيقة الموضوع ومن ثم يكتشف انه لم يعلم الا بعد موقف اخر ومشهد اخر وعدم اتضاح المعلومه تسهم في اضعاف صياغة الروايه ان تكررت هذه الحاله لان روايتك متزنه قويه الفكره جزلة التعبير ذات اساس متين فارجو منك ان تأخذي ملاحظتي بعين الاعتبار والف شكر لك

بالأول .. النقد البناء يالغاليه مايزعل .. وبيتسع له صدري وزود بعد .. كيف لو كان من كتبته متابعه لي لها وزنها وحضورها
من بدايه خطوات الحلم ...
الغموض له متعته الخاصه فالروايه وأذا تبين الحقيقه أنا أفضل وجوده في الروايه من ناحيه أنه القارئ

بيحط أكثر من علامات أستفهام ويبدى يحلل ويستنتج ويتفاجأ ويخطي فالتحليل ...

ومن وجهة نظري فكرة الغموض أكثر رسوخ .. لمجر مالقارئ يحلل ويصير يفكر وتظهر له الفكره ألي تعب في تحليلها

وخلاصتها على طول بترسخ فالذاكره ^ ^

النقد هذا تم طرحه علي

من قبل وأنقال أنه الغموض الزايد يفسد الروايه ... بس هالشي يالغاليه ماينحط في كفة الكاتب .. لأنها أحداث

وبتسير في خط معين ولاهي منتهيه ألا بعد ماتنكشف كل الحقايق .. هو يعتمد ويكون نصيبه الأكبر للقارئ نفسه ..

أحيان القارئ يحب القصص والروايات الرومنسيه ألي فكرتها واضحه وصافيه ولاهي محتاجه ذاك العمق في الفكره ...

وبتلقين فيه قراء يعشق الغموض ويلقى فيه الحماس بمعرفه الأحداث وبتجذبه فصل ورا الثاني .. .

وفيه من القراء من ينقد الأفكار الواضحه ألي تكشف كل مكنونات الكاتب بمجرد مالفكره وضحت في أول حوار بين الشخصيات
أو بمنتصف تسلسل الأحداث ..

عن لافي وليليان أنتي أعتقدتي أنه مايعرف بكامل الحقيقه ويمكن من منطلق هالشي بنيتي النقد عليه

أنا بقولك أن لافي يعرف بكامل التفاصيل ألي صارت ولهالشي رد على أخته بهالرد .. ضيفي على هالشي أساسا

هو كان بحاله ماتسمح له يبرر ويثور ويدافع ... موت الشارد .. وجود ضاري .. الدمار بالفله .. خلت تقبل ألي صار

لي ليليان يواجه بهالبرود ..

نجي لضاري ولافي .. ضاري تعرفين يالغاليه الشخصيه ألي ماتعمدت أظهرها في بدايه الروايه وتشوفون ظهورها

فالبدايات كان ظهوره نادر ممكن يشوف بعضكم أن هالشخصيه ماخذت حقها فالبدايه لكن ضاري الحلقه ألي أندفنت

فالماضي وأنطوت وهو يحاول يلملم موت صديق روحه في ظروف هالحين بدى يكتشف أنها ماهي طبيعيه ...

هو صندوق الأسرار وقد ذكرت هالشي ألي بيفجره شخص فالأحداث القادمه من الروايه ..

أنا لو أظهرت أوراقي لك يالغاليه كقارئه بكون خسرت أوراق رابحه أشوف أنها قادره تخلق بينكم أجواء من الحماس
بتمدد لنهايه ..

أعتمادي في البعد عن الوضوح أشوفها واقعيه بحد ذاتها .. مثلا لو أنا بحتك بشخصيه لو أمتدت لشهور بتظل في
هالشخصيه

أشياء غامضه مستحيل بيظهرها لي ممكن عدم راحه .. ممكن يكون هالشخص يشوفني مو من حقي أطلع عليها ..

وهذا هم عيالي .. لكل شخصيه شي بيصعب عليك فهمها ... وبتحاولين تفهمينها وتفسرين وتحللين .. ومع الوقت

بتظهر لك مع الأحداث .. العشره مابين شخصيات الروايه وبينكم بيخلق نوع من الأنسجام .. ومن توصلون

لهالنقطه صدقيني بتلقين تحليل الشخصيه المقربه لك واضح .. ولو تتابعين الردود كلها في المنتديات الثلاث

ألي تنزل فيها ترا البنات بدوا يكشفون تعقيد لافي وشخصيته المركبه .. والغموض بهالشخصيه بدا يبان

وراح يتبعه ضاري وغيره ^ ^

أتمنى يكون ردي لك وافي وكافي يالغاليه ..


عن الفصل .. طبعا كتبت تقريبا 30 صفحه .. وأنا صاحيه من فجر الله أكتب بهالفصل لين وصلت لهالعدد من الصفحات

وأعرف زين أنه لو نزل بتقولون قصييير .. وأساسا باقي لي جزئيه ماختمتها وعلى أساس بختمها ع المغرب بس

أمي ملزمه علي أروح معها لعزومه وحده من صديقاتها ووالله تعبانه أبي النوم .. لهالشي الفصل بينزل الصبح


أو الظهر الأحد .. عشان لارجعت بعد صلاة العشا

أنام وأقوم الفجر وأكمل الباقي وأنزله لكم .. فصل طويل لاهو قصير ولا طووويل حيل .. بيرضيكم يالغاليات


كريستالتكم ..