[درة الاحساء]

((البارت السادس عشر ))
((ذلـيـــت نـفــســي فـيــك
وسـويـت كل الـي يرضيـك
بــعــد مـونـاقـص الا امــوت
ويـاريــت هـذا يـرضـيـك ..
))
اليوم الاثنين .....راحت للمدرسه ....وكانت طالعه برى الفصل لان ماعندهم ابله ....لما رجعت لقت ولاء جالسه على الطاوله ..تضحك وتسولف ...((تبي تقهرها ))....وقفت تطالع البنات هي وجود
ولاء بسخريه : بنات ..عندي لكم قصه حب ...حزييييييييييننننننننننن� �ه
البنات ويش ؟؟؟!!!....اما ملاك عرفت انها تقصدها
ملاك ((وربي اللي خلقني ..لاوريك يا ولاء ...))
ولاء تناظر ملاك باحتقار وتقلب عيونه : يقولكم كان في واحد يحب وحده ...لدرجه الجنون ....وهي بعد تموت عليه ....بس سوت تصرف ندمت عليه اشد الندم ...مسكينه ما تهنت مع اللي تحبه ...على العموم .. الحكايه انتهت لما الولد تركها ..بعد ما مل منها ..ولقى غيرها تلبي له طلباته
ملاك تبي توهقها : طيب ليش خربتي الحكايه ...قولي لهم ...لييش.. تركت حبيبها ...والا ماتقدرين
ولاء ماتت من القهر وتبي تصرف الموضوع : ماقلتوا لي
ملاك تقاطعها : ليش ما كملتي لهم السالفه ....التفت للبنات ..تبوني اكمل لكم انا الحكايه
الكل: ياااااااااااااااااالييييي يت
ملاك: البنت اللي لبت طلبت الولد ...بنت شوارع ...وناظرت ولاء باحتقار ...وسوت اكبر جريمه بحق نفسها ....و...اكمل يا ولاء ..او اخليك انتي تكملينها ..حرام تحمسوا البنات ...قولي لهم ..
ولاء وقفت معصبه : سلاف ....امشي معي
جود تضحك: لما ماتكون قد شيء ...لا تدعي قدرتك عليه ...ولعت ولاء من القهر وطلعت برى الفصل ..وملاك جود ميتين ضحك على شكلها اللي راح 6×7
بالصرفه ......
لوجين : ههههههههههههه احسن تستاهل ..كل يوم دقيها بالهرج الحيوانه
شذى: الحقيررررة ...انتي كذا يا ملوكه ..تعجبيني ..لا تسكتين لها
ملاك: انا حالفه اني ادفعها الثمن غالي ...((قالت بالم وحسره)) ..خلتني ..اخسر فيصل ...بس والله لاخليه مثل الحشره مالها قيمه
جود: ما عليك منها ..ياله مشينا تاخرنا
الكل: ياااااالللللللللللللللله
((بسياره فيصل ))
ابراهيم: لسى ما طلعت يا فيصل
فيصل : ليش مستعجل ...خل الكل يدري ...ويعرف ...هذا اول شيء تتحداني فيه ...وفي غيره ...
ماجد: بس بشوف شكلها لما تشوفك ....
فيصل : اصبروا ..الصبر مفتاح الفرج ....
طلعت ..وانصدمت باللي تشوفه ...ما قدرت تتحمل ....المنظر ..تحس كل العيون عليها ...تمنت انها ماتت ولا عدى عليها مثل هاليوم ....كان فيصل كاتب على زجاج السياره ...
((.يا ملاك فهد .... روحي هالمره وخلاص لاتردين هذا الفراق وروحه دون ردة الكذب خيبه ماعرفتي تحبين ماانتي من يستحق المودة))...ما قدرت تستحمل ....وعلى طول راحت للسياره ....وانهارت بالبكاء
ملاك ((آآآآه منك يافيصل ....آآآخ ..لو اذبح نفسي ...قليل ...حرام عليك تسوي فيني كذا وانا ما اذيتك حراااااااااااااام ))
خان: ماما ..هزا فيصل قول اعطي ماما ملاك هذا ورقه ....سحبت الورقه ..وفتحت بسرعه ومحتواها
((هذا ابسط شيء اسويه ..ودامك تحديتني ...راح تشوفين فيصل واحد ثاني ))وتعمد هلاسلوب ..اللي استخدمته معاه ...
ملاك تصارخ : حقيرررررررررر ...واطييييييي ....اكرهك يافيصل ..اكرهك
رجعت للبيت في حاله شبه هستيريا ....من البكاء ..دخلت غرفتها وقفلت الباب ...رمت عبايتها على السرير الشي الوحيد اللي تسويه هو البكاء والدموع ...انتفخت عيونها من كثر البكا ...واحمرت خدودها ...كل ما تتذكر ويش سوى عند المدرسه يزيد قهرها ..وحقدها عليه ...اكثر ..جلست على سريرها ...ضامه رجولها لصدرها ..ومخبيه وجهها بينها ...وتبكي ..مانامت ...مرت عليها الساعات ..وهي على ذا الحال
بالليل ....بالشاليه
ماجد : ويش تتوقع ردة فعلها
فيصل : اللي هي ....بس خلها تعرف مع مين تتكلم ...والحين المدرسه كلها ..دروا مين احب ...تتذكر لما نسمع التعليقات ...
احمد: بس كاسره خاطري ....هي ما تستاهل اللي تسويه فيها
فيصل بعصبيه حاده: اجل ...ليش تتحتقرني ...وتتحداني ..ماعاش اللي يتحداني ..لا هي ..ولا ميه مثلها
فاهد: طيب طيب بس روق اعصابك ....اما ابراهيم بجنب ثاني من الشاليه ..يكلمها بالجوال
شذى ((طيب يا ابراهيم ....انت الوسيله اللي بنستخدمها ضد فيصل )): ويش سويت ..اليوم
ابراهيم : ولا شيء ...جالس بالبيت
شذى : لك فتره غايب عني
ابراهيم : كنت مشغول حيل ....ما فضيت حبيبتي ..
شذى ((واي ...هالكلمه معفنه منك ..وجع ...كرهتك ..كرهتك )): اهاااا ..طيب سولف علي ..<<تحاول تسحبه بالكلام ..
ابراهيم: والله ما عندي غير الطفش
اما بالمدينه ...
كانت جالسه على سريرها تتصفح اميلها ...وتشوف الاخبار ..دخل عليها
سلطان : سلااااااااااااااااااااااا اام
عبير : وعليكم السلام ...قفلت الاب توب .....هلا سلطان
سلطان : بغيت اسولف معك شوي
عبير : تفضل
سلطان: عبير ..بصراحه ..انا ..كلمت دكتور ...غصت عبير ...وماردت عليه
سلطان يبتسم: وشرحت له حالتك .واكد لي انها سهله مره بس لازم تسوين اشعه ..وتحاليل ..وبعدين لنا كلام ثاني
عبير: متى تبي اسوي التحاليل والاشعه
سلطان: ويش رايك ...بكررررره
عبير : اوكي ....طلع وخلاها لحالها ....(ماني مصدقه اللي يصير اخيرا باتحرر ....الحمدلله الحمدلله ..))
بالنسبه لملاك
ملاك تبكي ودموعها ما كفت ابدا اخذت دفترها ..وكتبت بانكسار ..وتعب ...
((ضيعوني ...عذبوني
حسبي الله عليه ..حسبي الله
ولعوني وارحلوا ..وعن شعوري ما اسالوا ..
ما يخافون من الله .....حسبي الله ...
حسبي الله عليهم ...حسبي الله
افهموني ..وعلقوني ..حسبي الله عليهم .
حسبي الله ...
شافوا بعيوني الوله ..حب بادي باوله ...
صعبولي ..المساله ...حسبي الله
ضيعوني ..عذبوني ...حسبي الله عليهم
حسبي الله ......
حسبي الله عليهم ...حسبي الله
ريحوني ..واتعبوني ...حسبي الله عليهم
حسبي الله ....
ويش بقى فيني ويش بقى ..والزمن ما فرقه
ليت ما صار اللقى ...حسبي الله ..حسبي الله ))...شوي دقت جود وكانت مقفله جوالها ..ودقت على البيت وقالوا لها نايمه ..الساعه 10 دقت شذى
شذى : راح تداومي بكره
ملاك: اكيد ..ما ابي احد يقول فضحها ...وغابت عن المدرسه
شذى : اوكي ..سيو
ملاك: سيو ......اما شذى دقت على لوجين ..تقول لها ان ملاك بتداوم
بعد مرور ليلها ...اشرق صباحها ..لكن ما تحس ..باي شيء حولها ...هلكت نفسها بالبكا ....كان عبدالله بيروح دوامه ..سمع صوت بكاها ...
عبدالله((الصباح تبكي ..غريبه ..انا لازم اعرف ويش فيها اختي بتموت وانا ما ني قادر اسوي لها أي شيء)
دخل الغرفه ..وشافها متجهزة للمدرسه ...ومنسدحه على سريرها وضامه مخدتها ...قامت غسلت وجهها ...
عبدالله: حبيبتي ..ويش رايك اوصلك اليوم للمدرسه
ملاك ابتسمت ابسامه ذبلانه : اوكي ...ياله لبست عبايتها ....وطلعت معاه ..بالسياره
ملاك: عبدالله ...
عبدالله: امري حبيبتي ...
ملاك: بالله مر على ستار بوكس .وجيب لي قهوه ..راسي مصدع
عبدالله: من عيوني .....بعد ما جاب لها الطلب ...تاخرت على المدرسه ....وصلت ..وقربت من الفصل ..لان الحصص كانت باديه ..دقت الباب ..ودخلت
سلاف : اهلين ..بليلي العامريه...اعطتها ملاك نظره سكتتها
ولاء : الا وين قيس ابن الملوح ....
المعلمه بحده : ولاء ...وبعدين معاك عن الكلام اللي ماله داعي الامور هذي مو مكانها المدرسه
سلاف : اجل ...العشاق ..يوقفون برى على الاطلال ينتظرون الحبايب
المعلمه : بلا قلت ادب انتي وهي ........طلعت الكتاب واغراضها ..وهي متوتر مره
ملاك ((كافي اللي فيني ..وانتم تزيدون جروحي ((
روان : منت فاهم يا اغلي من مر بعيوني ...عاشقك سلم امره للغرام ..شفت فيك العمر يالقلب الحنون ..من عرفتك وانا عايش في هيام ..ترددت هالجمله ..باذن ملاك ...تذكرت فيصل لما رددها لها ..حست ان دموعها راح تخونها ...قدام اعدائها ..طلعت بسرعه برى الفصل ...
المعلمه : انتم ما تحسون ..مهما كان هي صديقتكم
ولاء: مايشرفني ..تكون هالاشكال صديقاتي
جود عصبت وصرخت على ولاء: ولاء التزمي حدودك ملاك تسواك وتسوى عشرة متلك ...بس انتي الطيب ما يمشي معاك ..بس لا تضني انني راح اغفر لك ..لا ...حق ملاك انا اللي باخذه منك ..يا حقيره
وقفت المعلمه المهزله ...وملاك برى ...سندت راسها على الجدار ..انهمرت دموعها ..مثل النهر الجارف
كتمت في نفسها ..ما حبت تشكي لاحد ...وبداخلها ...ثارت الثورة ...وتفجرت براكين غضبها ..وتزلزلت ارض حبها ...وامطرت سماء قلبها ...قطرات مطر ..تحتوي على الالم والعذاب ...اصبح قلبها مدينه مدمره ...ومزرعه ذبل ما فيها ...قلباً رحلت عنه الروح ..وجسدا غادرته الحياه ...وبلده جف بعد فقدان الماء
ملاك((الجسد موجود والروح أرحلت !!
والزمن غدار لكني صبور ..
عيني الي من عنا الوقت ادمعت ..
حزنها ياخوي شيد له جسور ..
وحدي بدنيا بها روحي اطلعت .. فاقد الاحساس ماعنده شعور !
الهوى مابيه انا روحي اشبعت ..
وش يفيد الجرح لو كلي كسور ؟))....
اما فيصل كان جالس على مكتبه ...يحاسب نفسه ...
فيصل ((توني حسبت حساب بعدي وفرقاك
توني دريت اني بدونك ولا شي
خليتني..مابين طيفك وذكراك
عذبت حالي ليه ماترفق شوي
برجع ولو تامر على الروح تفداك
برجع تراني شفت موتي وانا حي))..
فيصل ((آآآه ياملاك جبرتيني على هالشيء ..والله اني احبك ...بس انتي قهرتيني ...لازم ...نتحاسب ..اما ولاء ..هين يا ولاء ..اذا ما تركت الا وانتي متحطمه ماني فيصل ..بعدتيني عن ملاك ...غدرتي في وفيها ..نزلتي دموعها ...كرهتيها فيني ..بس والله موتك على يدي انا ....فيصل ..فيصل ولد راشد ))
ملاك لسى برى الفصل ..((ليش سمحت لهم يستهترون بحبنا ....ليش ؟؟ الله يسامحك ..اذيتني ..يا فيصل زدت جروح قلبي آآآآآآه آآآآه )) رجعت للفصل ..وتحس انها راح تقتل أي احد يرمي عليها كلمه ...دخلت ..شافت الكل يناظرها ....وهالنظرات متنوعه ما بين نظرات تعجب ..استغراب ..احتقار ..حقد ...عطف ..ومواساه جلست مكانها ....وناظرت ولاء من فوق لتحت
ملاك: لا تتوقعين بعديها لك ...والزمن بيننا ..وان سمعت كلمه نتطقتي فيها تجاهي ...ترحمي على حالك ..سمعتي ...ترحمي على حاااااااااااااااالك ..
بالفسحه كلهم يمشون بالحوش ....وطبعا التعليقات زايده عليها هاليوم
((شوفي هذي ملاك اللي يحبها الولد اللي بالهمر ,. معذور حبيبتي ..يموت فيها ..ملكه جمال .., ويش مسويه له عشان يموت فيها .., بس تصدقين عرف يختار ..المزيون يبيله مزيونه ))
ملاك : سمعتم ...؟؟!!
شذى : طنشيهم كلهم مقهورين وحاسدينك
ملاك: يحسدوني ؟!! على وش على العذاب ..والقهر
لوجين : ارميهم ورى ظهرك
جود: خلك واثقه من نفسك ..ولا يهمونك ..
ملاك((انا مايهموني ...انا اللي يهمني قلبي اللي للحين ..يحبه ..ويموت فيه): غيروا السالفه
بالشركه ..
ماجد: بتروح اليوم لها عند المدرسه
فيصل : ايه ..
ماجد: حرام عليك يا فيصل ...خلاص ..اتركها ...ويش فيك صاير عنيد
فيصل يترك الاوراق ..من يده: احبها يا ماجد ..احبها ويش اسوي ..
ماجد: طيب كلمها ياخي ..مو تاذيها بسواياك ...
فيصل : اجل ...بلحقها واكلمها
ماجد: وبروح معك عشان اساعدك اذا توهقت ...جاء موعد الانصراف
ملاك : اكيد زي دايم ينتظر برى .
جود: ما اتوقع ....
لوجين : الحين نطلع ونشوف ..مشينا
الكل: يااالله ...طلعوا
شذى بفرح: الحمد لله اليوم ما جاء
لوجين : اخيرا ..ما بغى يفك
جود: هاه يا ميمي ..ارتحتي ....كانت راميه الطرح على وجهها وتحمد ربها ..لان دموعها من تحت الطرحه تذرفها ..شافته بسيارته الفراري الفضي ...تذكرت اليوم اللي طلعت معاه بالسياره ..
ملاك ((ناوي على موتي ...)) تذكرت لما اعطاها الورد ...كان واقف ورى سيارتها ..
ملاك : باي ....راحت بدون ماتتكلم ...قلب عليها المواجع ..ذكريات تتمنى ترجع تعيشها وهي تمشي تذكرت كلمته ((اهديك روحي ))..قبل ما تدخل السياره طاحت عيونها عليه ...نزلت دموعها ..وركبت السياره
فيصل : الحين الحقها واكلمها
ماجد: أي خلك كذا ......بالسياره حطت راسها بين يديها ..تبكي بصمت ...ماتحس باي شيء حولها ...بعد ما بعدوا عن المدرسه بكثير ...وقف خان على جنب الطريق ....ما حست ابدا ....بعد فتره ...ما رفعت راسها ..
ملاك بهدوء وصوت مبحوح : ليش وقفت خان ..........رد عليها صوت اشتاقت تسمعه
فيصل : انا قلت له ....بدون شعور بسرعه رفعت راسها وطاحت طرحتها عن وجهها ..شافته واقف ومتكي على سيارتها ...والزجاج مفتوح ...مرت ((لحظة سكوت ))
فيصل : حبيبتي ..انا عارف اني غلطان ..واستاهل العقاب بس ماهو عقاب انك تتركيني ..
ملاك تصد عنه ...للجهه الثانيه: خلاص عافك الخاطر ...كانت هالكلمه مثل السكين اللي طعنته
ملاك: انساني ..ولا تلاحقني ..اعتبرني حلم عابر في حياتك
فيصل بحده: هذا اخر كلام ...عندك .....طلت فيه ..والدموع تنزل من عيونها بدون شعور
ملاك((اشبعي من هالوجه يا ملاك احفظي ملامحه اكثر ...ماعاد بنلقاه غير بالاحلام )): هذا اللي عندي..انت فضحتني وجرحتني ..والادهي انك ذبحتني ....نزلت دموعها اكثر تلاحق بعضها ...رفعت صوتها
ملاك : خليتها تتشمت فيني ....وعرفت انها انتصرت علي ...تدري ويش معناة هالكلام ...انت ما يهمك غير نفسك مافكرت فيني ..مافكرت ويش بيصير فيني ...بس احب اقولك ...مبروك ...الف مبروك على نجاحك ..بجرحي ...اهنيك ..على كل شيء سويته ....انت وهي ...حس فيصل انها وحيده ..ماحد يساعدها ..واضطرت تبلع سم القهر والخيانه ...كلامها ودموعها ..وصدقها تاثر به فيصل
ملاك : انت هدفها ...وقدرت تكسبك بصفها حتى تصرفاتك العفويه ..تكون في مصلحتها ..تدري ويش اصعب شيء شفته بحياتي..غلطات غيري تنحسب من رصيدي ....طلت بخان ..ومسحت دموعها
ملاك : امشي يا خان .....تحركت السياره ..وهو ما نطق بحرف ...كلامه سكته ..حسسه بذنبه اللي كل يوم يحس انه يكبر اكثر ...رجع لسيارته وما تكلم ..وطبعا ماجد ما ساله ..لان حس انه ..قريب الانهيار ..وملامح وجهه متغيره ...وصلت للبيت ..ورجعت لحالة البكاء ...والالم ....انحفر مكان دموعها على وسادتها ...لو كانت وسادتها لصرخت ..وباحت باسرار ...صاحبتها ..والالمها اللي تزداد كل يوم اكثر من اليوم اللي قبله
ملاك : انا اللي فيني كافيني
هي احلام مذبوحه.. هي احلام مجروحه
وإلا دموع ماجفت ..تتذكر ألم قد كان
غدر به الوقت
حلا منه لعبه بيد القهر والخوف
وما بين الياس والاحباط ....
دمعة قلب مفضوحه
انا اللي فيني كافيني
وقلبي لو يساعدني ..يسامح على اللي صار
ولكنه رفض يغفر
هي زله ولكنها تحسب الف على الشطار
انا اللي فيني كافيني
اموت بالساعه ... قهر جروح تشدني للاسفل
ومن فوقي تتلذذ تجريح الامل سكين
وانا اللي فيني كافيني
بقايا انسان .. من الصدمه عظيم احزان
لا احلام في باكر
وغير الاسود بيومه ابد مايحس بألالوان
تحس اشلون
لما تكون انت انسان
تعيش الجرح من راسك الى الاقدامك
وين ما تروح تلاقي احزان قدامك
وألم اكبر ... من انك عليه تصبر ..او تتعشم
..فرح احظه بأيامك تحس اشلون
لما تكون وانت بقمة احساسك
فجأة ينتثر كاسك .. تبرد .. تجمد .. اطرافك
شلل و السبه سيف الغدر ... نصل مجنون
يتوسط قهر ما بين اكتافك
احس بالجرح .. الى آخر رمق فيني
اكبر من صبر عمري
اوسع من مدى سنيني
وهذا اللي فيني كافيني....
ماداومت يومين ..من كثر تعبها وارهاقها ..استغرب اخوها عبدالله ...دخل عليها بالغرفه وشافها على السرير وواضح التعب عليها جلس بجنبها ....
عبدالله: ملوكه ..ويش بك ؟؟؟!!
ملاك: تعبانه حيل ...احس بحراره ....لمس جبينها ...ولقى حرارتها مرتفعه
عبدالله: قومي ..خليني اوديك ...المستشفى ..
ملاك: لا ما يحتاج ..اصر عليها واخذها للمستشفى ...واعطوها ادويه
بالمدينه ...
ساره ((وصلت
حد التعب
وآخر عناويني
شخص(ن) عليل (ن)
غريب الوجد والطاري
قلب(ن) وحيد(ن)
من الخلان متوااااري))....
اما لمياء ((ياترى ويش ورى سطام .....احس ان وراه سالفه ))
بالرياض
ابو فادي: اقول يا ام فادي ...ما كلمكم فيصل
فاديا : له اسبوع ما كلمنا ..
ام فادي: خير عسى ما به شيء
ابو فادي: لا الحمدلله بس ..قريب يخلص شغله بجده ..ويرجع لنا
ام فادي بفرح: صدق ...يارب لك الحمد يعني قريب يرجع
ابو فادي: ايه قريب مررره احتمال بعد اسبوعين بالكثير شهر
فريده: ان شاء الله يرجع لنا سالم غانم ...
فاديا : يبه اذا رجع لازم نسوي له عزيمه كبيره
ابو فادي يبتسم: يا حبك يا فدوي ...للعزايم
فاديا: اخوي وفرحانه برجعته
فريده: مره ...روقينا بس
..بجده
كان جالس بغرفته ما يبي يشوف احد او يسمع احد ....
فيصل : انا غبي ...كلامها كله صح ...شلون اسوي بها كذا ....بس انا عندي امل ..1%
آآآآه يا ملاك ويش سويتي فيني ....ادور رضاك وماني بلاقيه ...
تنهد ..ونزل بحديقت الفيلا ..جالس على الكرسي الخشبي ..يتامل السماء ..ويتمنى انها تشاركه هالحظات
فيصل: تعـال .. آعلمـك كيـف القصايـد
تحـتـري .. لقـيـاك
تعـال .. انسولـف بقصـة هـواك ..
و رحلـة التشويـق
كتبت الشعر لجل ارضي ..
شعور ٍ داخلـي.. مـا جـاك
و جاك ..!! و ما كسبت الا الولَه ..
غمّض و اركب احلامك ..
و شفنـي محتريـك .. هنـاك
لعـل الحلـم يجمعنـا ..
و اضمّـك مـن قبـل.. لاتفيـق ..!
جالسه على سريرها ...دخل عليها ثامر
ثامر: كيفك ملوكه ..انشاء الله انخفضت الحراره
ملاك: الحمدلله احسن ..
ثامر: كيف استعدادك لزواج ابوي بكره
ملاك: عادي ..مالي خلق شيء
ثامر: ليش ..مالك خلق ...
ملا: تعبانه يا ثامر ..حراره وزكام
ثامر: تحملي بس لجل خاطر ابوي
ملاك: اكيد بروح ..اجل ما احضر زواجه ..المهم ..اذا تاخرت بالنوم صحيني الساعه 3 العصر
ثامر: طيب ..يالله نامي عشان تصحين وتكوني رايقه ...تصبحين على خير
ملاك: وانت من اهله ...طلع وقفل الباب ...اسندت راسها على المخده ...زفرت آآآآآه طوييييييله
ملاك: الى متى ياملاك وهذا حالك ...لازم ترجعين مثل اول ..وفيصل انسيه ..انسيه ..ولا تهتمي فيه ..الى متى بظل كذا مثل التايه ...غمضت عيونها ...وراحت بعالم الاحلام ...
اليوم اللي بعده ....العشاء
دخل عليها ابوها ...ولاقاها جاهزة
الاب: هاه ملاك مبسوطه
ملاك: المهم انت مبسوط
الاب: دامكم معي ...انا مبسوط
ملاك: والله طالع امير بالبشت والكشخه يا يبه
الاب: يعني بعجب العروس
ملاك اكيد ...
الاب : يالله اجل تاخرنا
ملاك: يالله .....راحت للاستراحه اللي فيها الحفله البسيطه .....وتحس انها ضايعه بين الناس ..ماتعرف احد كلهم بالنسبه لها اغراب ...جالسه بالكوشه لحالها ...وبالها وقبلها بعيد عن هالناس وجو الفرحه ..تتامل كل شيء ..بعد مارجعت للبيت ..نزلت ملابسها ولبست بجامتها ...مسحت مكياجها البسيط ...كانت واقفه قبال التسريحه ....دخل عليها عبدالله وثامر
عبدالله: هاه ملوكه ..كيف الحفله




ملاك: حلوة
ثامر: تعرفتي على اهل زوجه ابوي
ملاك: ايه تعرفت على خواتها وبنات خواتها ..وبنات اعمامها
ثامر: بس
عبدالله: مشاء الله العايله كلها تعرفتي عليها ...لفت عليهم
ملاك: لا ياشيخ انت وياه تتطنزون علي
ثامر: حشاك يا ختي
عبدالله: لا انتي خطيره ...عجبتيني بصراحه ..ماخليتي احد ما عرفتيه
ثامر يغمز لها: كيف في صواريخ ..
ملاك: لا بالله ..اقول ..تعبانه بنام
عبدالله: افاااااااااااا .....
ثامر: يعني نعتبرها طرده
ملاك: الحمدلله انكم فهمتوها ...يالهب مع السلامه بنام
عبدالله: بنطلع ...بس بكره وخير ...
ثامر: ماخذين العلوم منك ...يمكن اخطب ..واودع حياة العزوبيه
ملاك: الله يقويك ...بس ادوشتوني ...وصرخت بنااااااااااااااااام
عبدالله وثامر: حشى ...هذا كله عشان بتنام
عبدالله: امش ثامر ...
ثامر: ياله ..الخبل مو هي الخبول حنا اللي جايين ...ندردش معاها .....
ضحكت على اخوانها ..وتركوها عشان بتنام ....طبعا هي ...تصرفهم تبي تجلس لحالها ..قفلت باب الغرفه ...وجلست على سريرها ..وخلت جو الغرفه ..مظلم بس اضاءة الابجورة الصغيره ....شغلت اغنيه كلاسيك ...تخيلت انها تتزوج فيصل ...وتعيش معه حياه حلوه كلها حب ...وفرح ..تنام على صوته وتصحى على وجوده جنبها ..وتسمع منه احلى الكلمات ...تحمل وتجيب له اطفال ...وتكون هي زوجته وحبيبته وكل حياته ...وتكون توجت حبها بالزواج ....
ملاك : ياااا حلو الاحلام ......اخذت دفترها ...
(((( مـن طلب الغــلا .. سهـــر الليــالي .. ))
ياهــو مثل بيـن الحبايب ..و اللي يرد الـ (غين) (عين) ..
أكيــــــــــــد….غــــــ ـــــــايب
ما حضـــر درس الحنين
و ما فهم ملـح السنين
ما حفظ بوس اليدين
و كيف الغرام ســوى العجايب ..؟
و كيف المــلام شرهـــة حبايب ..؟
و كيـف الكــلام مـــذنب و تــايب ..؟
نامت ......وصحت مفجووعه ...من كابوس شافته ..قلبها بداخلها يرجف ..ويدها ترتعش ..وانفاسها ضاقت عليها ..اخذت لها كاسه مويه وشربت ...وكل ما تتذكر كابوسها يوقف قلبها من الخوف ....
((شافت نفسها عند درج طويل مره ....طلعت هالدرج ..ولما وصلت لنصه طاحت ...ورجعت عند اول درجه...وشافت نفسها تتالم ..وتحس ظهرها انكسر من الطيحه ..وبعدين تشوف ..فيصل يحاول يساعدها ..وهي ترفض مساعدته ...وتصد عنه ..شوي ..حست نفسها احسن ...وقفت واتغير عليها المكان ...مكان مزحوم من الناس ..ناس رايحه وناس جايه ..وهي ماشيه بطريقها .قابلت رجال غريب عنها يناظرها نظرات خافت منها ...وقفت وشافت فيصل واقف بعيد عنها ..شكله متغير ..صاير نحيف ..وله لحيه وشعره طويل ...وجالس لحاله على كرسي ودموعه على خده ...كملت طريقها ومارجعت له والرجال الغريب يتبعها بكل مكان ...جلست بمكان هادي ...وهي هاديه جدا ...تشوف ابوها واخوانها حواليها ..وكل اهلها ...وعايشه حياتها وهالرجال ..جالس بجنبها ..لكن ما اعطت لوجوده اهميه ...فجاءة تغيم السماء ..وتسمع صوت رعد يخوف ..لكن هي ما خافت منه سمعت صوت يناديها صوت غريب ..جدا ..راحت وراه ...تحس ان الصوت هو دليلها ...تسير باتجاه الصوت وهذا الرجال يتبعها وماتركها ابدا ...تشوف وحده تشبها لدرجه كبيره ..تشوف نفسها تبكي ..على حضن لمياء ...ولمياء تواسيها مستغربه من اللي تشوفه لابسه فستان حلو ومكياج ..وهي في كامل اناقتها ...تبكي ..وتبكي ..لكن فجاءة تشوف فيصل جاء واخذها معاه والرجال اللي يتبعها راح وراها هي وفيصل ..كانه يراقبهم او يبي شيء منهم ...تحول بكاها الى ضحك والفرح يشع من عيناها ..ماحد معاها الا فيصل ...وبعد فتره ...شافت طفلين بجنبها ..حاولت تمسكهم لكن الرجال الغريب مسكها ..وفيصل كان اسرع واخذهم ....استغربت من الرجال كيف يمسكها وهي راضيه ..وفيصل بعد راضي ابيتسمت ..لفيصل ..حاولت تقرب ..لكن ماقدرت من قوه هذا الرجل اللي يمنعها ....حاولت تتحرر منه لكنه زاد قوته عليها وسحبها معاه ...وهي تناظر فيصل وتبكي ..تحاول ترجع له ..لكن كل شوي تبتعد عنه اكثر واكثر ..اللين اختفى من قدام عيونها ..وتشوف هذا الرجال يخنقها ..وانفاسها كل ثانيه تضيق اكثر ))... وقامت من نومها وهي ترجف ..
ملاك: اعوذ بالهه ..كابوس يفجع ...نزلت للصاله وشغلت التلفزيون ...وجلست تتفرج على البرامج ..
بعد مرور اسبوعين ....اتحسنت حالة ملاك كثير ..ورجعت زي ماكانت نست فيصل او تناسته عشان ترجع الحياه والفرحه لها ...الكل لاحظ التغير الكبير فيها ....
بالمدرسه ...
ولاء: شوفي سلاف ...رجعت احسن من اول
سلاف : طيب كويس انها قدرت تتجاوز العتبه
ولاء عصبت على سلاف : غبيه انتي انا ابيها تعيش بعذاب ..واهانه ....ما ابيها تفرح ابد
سلاف تفاجئت ..تدري ان ولاء ما تحب ملاك بس مو لهدرجه : حرام عليك اتركي البنت بحالها
ولاء: لا ماني تركتها لحالها ....ابدا انا وراها والزمن طويل زي ماقدرت عليها مره راح اقدر مره ثانيه
سلاف : على راحتك ..بس ترى ملاك مو سهله ...مو عشانها سكتت لك اول مره راح تنسى وما تنتقم ...لا حبيبتي حطيها على بالك حقها بتاخذه منك طال الزمن او قصر ....
ولاء اعطتها نظرة احتقار: يعين انا مو قدها
سلاف : مو كل مره تسلم الجره
ولاء: لا بتسلم ...انا ولاء ...ولاء اللي يتحداني يخسر سامعه
سلاف : بكيفك ...بس انا سويت اللي علي وحذرتك ....
ولاء: اكرمينا بسكوت رجاء
عند شله ملاك
شذى : متحسن حالك ميمي
ملاك: الحمدلله
جود: شو الجديد
ملاك: ولا شيء فكرت وقلت ...الى متى بظل كذا هو مو سائل عني ابد ...
لوجين : ويش قررتي
ملاك: هذي هي الحياه ولازم نسايرها ..عشان نعيش فيها ...
جود: ياقلبوو انتي ...
شذى: هذا الكلام اللي يفرح ...
لوجين: ان شاء الله دوم ميمي
ملاك: تعيشي حبيبتي ....
بالمدينه ...
راحت عبير وسوت كل التحاليل اللازمه ...والاشعه ..وطلب الدكتور منها انها تسوي عمليه ...باسرع وقت ..وان قال ان حالتها ...موجوده كثير ...بس تحتاج عمليه تصحيح ....
سلطان بفرح: الحمدلله ..ياعبير .....عبير تاثرت ونزلت دموعها من الفرح
عبير: ما تتصور قد ويش ...احلوت الدنيا بعيني ....
سلطان : الحياه حلوة حبيبتي
عبير: الله يخليك لنا ولا يحرمنا منك
سلطان: ولا يحرمني منكم يا اغلى اخوات
عبير : تعال ...كيف اسوي العمليه ..وايش اقول ..اذا احد سالني
سلطان: لاتخافين ...انا مرتب كل شيء ...ماحد بيدري ...العمليه اقل من 5 ساعات ..هذا اذا طولت ...بتدخلين المستشفى وبنقول ...حراره ..مرارة أي شيء
عبير ابتسمت : اخص والله وتعرف تخطط يا سليطين
سلطان يكره هالاسم: سلطان لو سمحتي سلللللللللللللطاااااااااا ان
عبير تضحك: ولا تزعل سلطان
رجعت للبيت وقالت كل شيء لريم اللي ما صدقت وطارت من الفرحه ...
ريم تضم عبير: يعني خلاص ..انحلت مشكلتك
عبير : ما بعد الصبر الا الفرج ...
ريم تبوسها : الف حمد وشكر لك يارب .
بجده ....
احمد : يعني خلاص يا فيصل
فيصل : خلاص يا احمد ماعاد لي شيء ... هنا ...خلصت كل شيء جيت عشانه
فاهد: بتروح للرياض
فيصل: أي والله برجع لاهلي ..وديرتي ...
ابراهيم فرحان: من يصدق اننا بنرجع بعد سنه كامله
ماجد: أي والله ....مشتاق حيل للرياض
فيصل : كلنا والله
احمد: ماعاد بترجعون هنا
ماجد: لا تخاف بنزوركم
فاهد: تعودنا على وجودكم ....وصرتم لنا اصحاب
ابراهيم: لاتظن سهل علينا اننا نتركم بعد ما صرنا اخوان
فيصل : خلصت تقريبا كل شيء ...بس باقي شيء واحد.. بودعه
الكل:؟؟؟؟؟؟؟؟؟؟؟؟؟؟؟؟!!!!!!!!! !!!!!
ماجد بشك: ملاك .....صح ؟؟!!
فيصل ابتسم: مشكلتي انك ...فاهمني
ابراهيم: وليش العنا
احمد: اتركها ....
فيصل بخبث : بدق عليها ..واذا ما كلمتني ...ذيك الساعه لي تصرف ثاني معاها ...بتركها بس بطريقتي
كانت جالسه ...لحالها .....اخذت دفترها اللي اشتاقت تسطر به بعض مشاعرها واحاسيس ....اشتاقت ...تنقش على سطوره بعضا من حروف كلماتها
((وحشتني سواليفك ..ووحشه شوفتك اكثر
كل ليله مع طيفك ...حبيب الروح انا اتحسر
وحشتني سواليفك
طاير من عيوني النوم ...على هذا الحال انا كل يوم
سمعني حبيبي الصوت ...سيرني على كيفك ...
كلامك فيه نشوة روح ....يحرك فيني الوجدان
يعطيني ..امل مفتوح ..في لقياك مهما كان
ساعه يختفي صوتك .,....اعيش بعالم النسيان
لا تقطع علي الصوت ...انا ما اقدر على الحرمان
وحشتني سواليفك ..ووحشه شوفتك اكثر
كل ليله مع طيفك ...حبيب الروح انا اتحسر
وحشتني سواليفك))......
ملاك: خسرتني ... بفعلتك ... بس لسى القلب ما عافك ...ويش اسوي بقلبي ...وكيف اتنازل عن كرامتي ...ما اقدر ما اقدر ..
بعد دقايق ....رن جوالها بنغمه ...فقدتها كثير ....شافت رقمه ...
ملاك بصدمه: فيييصل داق علي ...ترددت كثير ترد عليه او لا
ملاك: خلوني ارد ...واجرحهه ببرود ...وبلادت احساس
ملاك: الووووووووووو
فيصل : سلا م..
ملاك: وعليكم السلام ...خير ويش تبي
فيصل : بغيت ....اقول ....وسكت
ملاك: ليش سكت....كمل ..ويش تبي
فيصل : ابي اقابلك ..ولاخر مره ...
ملاك بسخريه: ولك عين بعد ..تبي تقابلني ....حلووووو ...
فيصل : ويش خسرانه انتي
ملاك بكبرياء قالت : لا ... خلني على بالك ..وافهمني زين ....داعيه عليه امه ...اللي يجرحني مرتين ....انا ماني من بنات هاليومين .....دمعه ..دمعتين ..وبظنك ارضى مرتين
قفلت الجوال بوجهه ..وما خلت له فرصه يرد ...بكلمه ارسل لها مسج .....
(( يامسـٍـٍكَرْ الـ جَوّآلْ فـ وَجْهً مَغْـٍـٍليْكَـ
خَلّ الـ تْغّلـٍـٍـٍيْ لـَ عْنّبَـٍـٍوآ والًديْنه ..
خَلّـٍـٍـٍكـْ عّلْى خَبْـٍـٍريْ ياعَسْى اللّـٍـٍـه يَخّليْكـَ
ياقّـٍـٍرْهَ قَلّيبيْ وَمهجْهَ ضْنينّـٍـٍـٍه ~

حَرامْ بـ أفَعّـٍـٍالِكـَ تَغّيْر مماشيـٍـٍـٍكـَ
وشْ غّيْركـَ يا نُورَ قّلْبَيّ وعينْهَ
منَ أولَ قَلّبْيَ يّحْبِكـَ و يَغْليْـٍـٍـكـَ
و الْيّومَ عافَكـّ وأنتْـٍـٍه سبّة أنْينَهٌ))
ملاك ..نزلت دموعها ..وضمت وسادتها الورديه ...
ملاك: صَرْت مآ أحْسَ بـٍـٍـٍ عيْوني ..
مِنْ كَثٍر مآ أنَا بكَيْت !!

ومِنْ كَثّرَ مآدَسْتِ شَوكِكَ
صرْتَ مآ أحِسْ بـ ألَمْ
رجع عند اصحابه ....وباين من وجهه انه متضايق حيل
ابراهيم: ويش قالت
فيصل : سكرت الجوال بوجهي ....
ماجد: الحين انا اللي بوقف بوجهك لو تحاول انك تراضيها ......او ...قاطعه نغمه رسايل جوال فيصل ...فتحها بسرعه ..ولقها راسله له شيء افقده الامل
((ٍَمآعُآدُ يًرٍضَيًنٍيً وَفٍآ...ولآيًزٍعُلنٍيً جََفٍآ..
مٍَتِسِآويًهُـ َفٍيً خٍآطَرٍيً ..ظِلمٍَـ آلبُشُرٍ وآنٍصِآَفٍهُمٍَـ..
ولو تِوقٍَِفٍ آلدُنٍيًآ عُلىٍ شُمٍَعُ آلغٌَرٍآمٍَـ آلليً طََفٍآ..
بُعُضَ آلشُمٍَوعُ..أنٍآ أتِعُمٍَدُ گسِرٍهُآ وآتِلآَفٍهُآ))..جلس على الكنبه ..ورمى الجوال وتنهد تنهيده طويله
ابراهيم: خلاص يا فيصل ..مايصير تذل نفسك اكثر
فاهد: قلنا لك انساها
فيصل باصرار : وهذا اللي بيصير بس مو قبل ..ما اسوي لها شيء اخليها تتمنى انها ترجع لي ...وبذيك اللحظة انا اللي راح اتركها ...وبدى يخطط .... لشيء يقهرها فيه ...ويرفع ضغطها ...
--------------------------------------
الان ....بدت الحرب البارده ...تعلن عن ابتعادها ورحيلها ..وسيذهب الاخرون ...كلا في اتجاه دربه
سفينتنا بدات ترتطم بامواج البحر الهائجه ...واحداثنا ستزداد تشويقا ....ستلعب الصدف ..والاقدار لعبتها ...
سيذهب كل واحد الى حياته التي اختارها برضاه ...سوف تضيق بابطالنا الحياه ..وتخنقهم ..اللوعه والاهات ...ويتعرضون الى ضغوطات ...
قد ينحرف مسار سفينة ابطالنا الى اتجاه اخر ...اتجاه لا نعلم الى اين سيوصلهم ...اتجاه سيواجهون به ...المجتمع ...والاهل ...والاصدقاء ....
وتبداء رحله عذاب من نوع اخر ....عذاب ...يتساوى مع عذاب الحب ....وناره تشابه نار الحب ...
اخيرا وليس اخرا :
ياترى ..ويش بيصير ...بين ملاك وفيصل ؟؟
فيصل لمايرجع للرياض ...هل راح تتغير حياته ...او ....؟؟؟!!!
ملاك..كيف راح تودع فيصل ...؟؟؟!!
عبدالله...راح يسوي شيء بس يا ترى يريح فيه ملاك ..او يزيد عذابها وحرقتها ؟؟!!
عبير ...معقوله تنخطب ...ولمين .....؟؟؟!! وبنفس الوقت ..ريم كيف راح تتغير حياتها ؟؟!!
ولاء... راح يتركونها للقدر ...او ..ينتقمون منها ؟؟!!
عايلة ملاك ...ويش بيطري عليها ...؟؟؟!!
والمدينه والرياض ....كيف راح تستقبل روايتنا ....ومعقوله ...نعيش بقيت احداثها هناك ؟؟!
هذا اللي راح نعرف في الاجزاء الجايه من روايتنا
تقبلو مني كل الود والوداد ...
ولاتحرموني من ارائكم وتوقعاتكم ..

ملاحظة :اي انتقاد او استفسار استقبله بصدر رحب على الرسائل الخاصه ..^_^

((حطوووووووووووووووووومه))