[درة الاحساء]

((البارت الثامن عشر ))
&&&&
&&
&
((قبــل أبتـدي معــك القصيــد ... آسمع ..هذآ المثل :
{ الخيـــر فيمـا آختآرهـ الله } .. وآنــا مـانـي جحـود
حـاولت .. لكن - قــدَّر الله ومــاشــاء فعــل
أرضــي حيآتــي في ( بعادك ) و لوعشــت الشــرود))

بجده ...
جالسه بغرفتها ودموعها على خدها ...قاطعها صوت جوالها ...بدون ماتناظر الرقم
ملاك ببحه : الووووووووووو
ولاء: الوووووووووووووو
ملاك استغربت الصوت مو غريب عليها : ميييييييين
ولاء: انا ولاء يا ملاك ...........هنا انصدمت ملاك
ملاك ((ولك عين يا وقحه )):نعم خير ويش تبين داقه علي ...
ولاء بندم: ملاك ... ابي اجي واكلمك
ملاك: سوري ماعندي وقت ....الاختبارات جايه ..وابي اذاكر ..وبعدين تعالي ويش تبين فيني ...انا ما ابي اشوفك خير شر ولا اسمع صوتك ...ولك عين داقه وتقولين ابي اجي واكلمك ... صدق اللي استحوا ماتوا
ولا: قولي كذا .. بس انا ابي ..افهمك كل شيء ...وترى فيصل ماله ذنب
ملاك: لا له ذنب ... وذنبه وذنبك انكم خنتوني
ولاء: بس انا السبب ...انــــ قاطعتها
ملاك: لا تجلسين تبررين لي ..واسمعي لاعاد اشوف رقمك ..وان شاء الله تلاقينها بنفسك ..وما تتهنين مع أي انسان تحبينه ...وقفلت الخط بوجهها .....جلست تبكي ...
ملاك: ليش ما ارتاح حتى اذا رحلوا وتركوني ...ما يخلوني بحالي ...رد عليها صوت بداخلها
((ملاك ...بتتخلين عن حلمك عشانه ....الامتحانات قريبه وانتي كل فكرك فيه ..انسيه شوي ...وحققي طموحك ))
ملاك: لازم اشد حيلي واتناساه ...
بدت تذاكربجد واجتهاد ..تحدت نفسها ...على تحقيق طموحها ...
جات اسابيع الامتحانات ....وعدت على خير ..ونفسيتها تحسنت شوي ...رغم ان هم الاختبارات والنسبه ضاغطين عليها بس قدرت تتجاوزها ....انتهت الامتحانات ...
شذى : كلووووووووووووووووش
جود: زغرطي لبكره ..حبيبتي اليوم عيد
ملاك: جد رايقات ..الواحد يفكر الحين ..يناااااااااااااااااااااا اااااااااام يوم كامل
لوجين: معك حق ماعرفنا طعم النوم ..طول الاسبوعين اللي فاتت
شذى: بروح البيت ..واشغل النت وحشننننننننننننننني ..وبعدها بنااااااااااااااااااااااا ااااااااااااااااااااااااا اااااااااااااام
ملاك: ببببببببببببببببببببس
شذى ببراءه : ايه بس
لوجين: نفسي ارمي نفسي ..اصارخ واقول ..ارتحنا من الدراسه خلاااااااااااااااااااااص
ملاك: اقول عطيتكم وجه انتي وهي ....يالله بكره نتقابل ...بروح انام ...برتاح ..
جود: اوي صبايا سيو ...
الكل.: سيو
بعد يومين
صحت ..على صوت زوجه ابوها
مضاوي: ملاك ...ملااك يالله اصحي .. كلنا تحت نستناك
ملاك: ابي انام خليني حرام عليك
مضاوي: ابوك : يبيك
ملاك: طييييييييييييييييييييب خلااص جايه
غسلت وصلت ..ونزلت للصاله ...بعد ما افطرت
ابوها: هاه ملوكه كيف مع بدايه الاجازة
ملاك: زينه يبه
فارس: ماتلاحظون انها صارت تقول يبه
عبدالله: ايه والله انك صادق
ثامر: الحمدلله تعدلت ...اخيرا
الاب : ياعيال ..تراني ...نقلت للمدينه ..
عبدالله: المدييييييييييييييينه
الاب: ايه ..وشريت لنا بيت هناك ...يعني بنرجع لاهلنا ..ونستقر فيها
ملاك: بس يايبه
الاب: خلال هالاسبوع بنرجع ...رتبوا اموركم ...واغراضكم ..وننقلها بالشحن
الكل: طيب
مضاوي حست ان ملاك متضايقه ...طلعت ملاك لغرفتها ...وقامت تتاملها
ملاك: كيف بروح من هنا ..كيف بروح عن هالمكان اللي عشت فيه احلى ايام حياتي ...احلى لحظاتي ..عشتها هنا ...اخ بس ....سكتت شوي
ملاك: وليش زعلانه مابقى لي شيء هنا ...يمكن لو ارجع للمدينه ..انساه لان هنا كل الاماكن تذكرني فيه ..ايه صح لو اررجع راح انساه انا متاكده ..
دخلت عليها مضاوي
مضاوي: ملاك
ملاك: هلا مضاوي
مضاوي: انتي زعلانه ..انا بنرجع للمدينه
ملاك: لا ...بس صعب اترك هالبيت
مضاوي: انشائ الله بتتاقلمين هنا احسن ولا تنسين كل اهلك هناك
ملاك: صح ...اكيد بتأقلم .....
بعد اسبوع :..... البيت صار فاضي ...ما بقى الا انهم يخرجون منه
ملاك((فضى البيت ...زي مافضى قلبي ...وزي ماكانت حياتي فاضيه قبله وبعده ....آآآه ))
عبداللله: ملاك ...يالله مشينا
ملا: يالله ...طلعوا وركبوا السياره ...وسافروا ....
بالرياض ....
دفت الباب بكل قوتها ..وعادتها
فاديا : فيصلووووووووووووووووووه وصمخ
فيصل : وجع يوجعك ..متى ببتعلمين الادب ...طيرتي عقلي
فاديا: ليش هو بقى فيك عقل ....الله يخلف ...هو كله حبه وطارت
فيصل: هاتي من الاخر ..ليش داخله كانك عاصفه هائجه
فاديا: من ساعه نناديك تحت ...امش انزل ..ياخو الغفله ابوي يبي يشاورك
فيصل: بويش
فاديا: بالعزيمه اللي بيسويها بمناسبه رجوعك من جده
فيصل: ياحبكم للعزايم وعوار راس ..ويش هوله ما ابي
فاديا: ناسي ان هذا عادتنا ...قم بس شف ابوي
فيصل: بقوووم ...نزل عند ابوه ....طبع بعد ماسمع قرار ابوه ماقدر يقول لا
الاب: كل شيء راح يكون زي ماحنا متعودين ...بس انتم اشرفوا على العزيمه وحطو بحسابكم اننا بنجلس ثلاث ايام بالمزرعه او اربع لان الاجواء مناسبه
ام فادي: ابشر يابو فادي ...
فريده: واعمامي بيكونون معانا
الاب: اكيد وبيجلسون معانا ....فاديا وفريده يناظرون بعض باستسلام
فيصل ((والله هذي النكبه ..راح تتلزق فيني هذيك اللي ما ادانيها ....يارب ..ساعدني اتحملها اوووووف )
اليوم اللي بعده ...وصلوا ملاك للمدينه ..وطبعا استقبلوهم خوالها واعمامها احسن استقبال
وبدت العزايم من بيت فلان لبيت فلان ...بمناسبه نقل ابو محمد واستقراره بالمدينه
ملاك: يووووة تعبت من العزايم ...خلاص روحي انتي مضاوي ..ما ابي اروح
مضاوي: يا ملوكه هالعزيمه لكم ...يعني لازم تروحين عيب ماتروحين
ملاك: انا صغيره ماحد بيقول ملاك بنت فهد وينها
مضاوي: ملاكوه انا ماعرفهم لازم تروحين معي
ملاك: يعني انا اللي اعرفهم الله يهديك
مضاوي: من وين جايبه هالعناد ...انا مدري
ملاك ضحكت عليها وعلى شكلها المعصب : خلاص بروح معك امري لله ...
بالعزيمه تعرفت على اقرب جدد شافتهم ....وضحككت معاهم واستانست ...طبعا كانوا البنات بسنها ...وحبتهم ..ودخلوا بالسوالف ..والاخبار ..والقيل والقال ..
رجعت دايخه من الازعاج لانهم شغلوا اغاني ورقصوا وفلوها على الاخر ...دخلت غرفتها وقامت تتاملها ..ماينقصها شيء ومستواها مثل مستوى غرفتها الاولى وارق بعد ...والبيت كله راقي ..وفخم ..ابتداء من ديكوره الخارجي الى الرخام ..والدرج ..والاثاث ..والغرف ..وكل شيء احلى من الثاني
جلست على سريرها ...وبدون ماتحس غاصت في عالم احلامها
بعد يومين
بالرياض
فاديا : يافريده ...استعجلي امي بالسياره والخدم
فريده : جايه ..جااااااااااااايه ...دخل فيصل
فيصل معصب: هذي ويش تسوي لو تحج كان اخلصت
فاديا: اطلع شدها من شعرها ...كانت فريده نازله
فريده: نزلت ..نزلتت ...اعوذ بالله ماتخلون الواحد يتزبط
فيصل : امشي بس خوياي ..اللي عزمهم ابوي اسبقونا ..وانا انتظر حضرت جنابك ...
فاديا: اجلوها بالسياره ..يالله نمشي ...وراحوا
بالمدينه ..
دقت لمياء على ملاك
لمياء : ويش رايك تروحين معي عند ابتهال
ملاك : اوكي ..بمرك ونروح عندها ....
العشاء مرت ...لمياء ..وراحوا عند ابتهال ...واندمجوا بالسوالف
ابتهال: لمياء ..مادريتي
لمياء لا ..
ابتهال : تتذكرين ...نوره ..
لمياء: نوره اللي كانت معانا باول ثانوي
ابتهال: ايييييييييييه هي
لميا ء تحمست : ويش بها
ابتهال: اوووووووه انخطبت ...
لمياء انصدمت انخطبت ...انتي متاكده نورة انخطبت
ابتهال: ايه متاكده هي قالت لي ...قلت لها نورة ويش فيك لك كم يوم الضحكه مشققه حلقك
قالت لي : مادريتي يا ابتهال ...قلت لا ...قالت انخطبت
لمياء: والله وقاحه ولها عين بعد ...تقول انخطبت
ابتهال: ماخلت احد ماقالت له ...
لمياء: من حلاتها عاد ..
ابتهال: تخيلي بنات فصلي يقولون سبحان الله الشينه هالزمان هي اللي تنخطب
لمياء: أي والله معك حق
ملاك: حرام عليكم هذا نصيبها
ابتهال: بس شوفي اكبر دليل احنا ...مزيونات والكل يشهد بهالشي ...
لمياء كملت : ولا احد دق بابنا وقال نبي فلانه
ملاك: وهذا دليل على انه نصيب
ابتهال حنا ماقلنا شيء ...بس مجرد نقاش
ملاك: يعني اللي افهمه انكم تبون تتزوجون
لمياء وابتهال: ايه ..
لمياء :وانتي
ملاك: انا مافكرت بالزواج ...بعدين انا مستغربه من تفكيركم ...لسى احنا صغار ..حرام نفكر كذا
ابتهال: لا والله انا اللي مستغربه كيف تفكرين انتي
ملاك: انا احب اعيش حياتي ...بكل لحظة فيها مو افكر بتفكير ماله داعي شيء يجيب الكابه ..زواج ومسؤليه
لمياء تنرفزت: الظاهر انك تحبين الشي الغريب ....تحبين الحرام ...
ملاك: حررررررااااااااااااااام
لمياء: ايه حرام ..ماحد يفكر مثل تفكيرك غير اللي ما يبون شيء الا بالحرام
وقفت ملاك: لمياء ... ما اسمح لك انا متربيه عدل ...وانتي تعرفين هالشيء زين
لمياء : لا ...انتي كل شيء فيك غريب ..ويش ما تبين تتزوجين ..كل بنت مصيرها لبيت زوجها ..الا اذا كانت تحب واحد وتتمناه
ابتهال: مايصير كذا هذا مجرد نقاش يسوي بينكم كذا
ملاك: مشكوره يا لمياء ويجي منك اكثر ...اخر وحده توقعت اسمع منها هالكلام
لمياء: انتي جبرتيني يا ملاك ..انا خايفه عليك ...انتي تسمعين كلام قلبك ماتسمعين عقلك ويش يقولك
ابتهال ...صايره مثل الاطرش بالزفه ...بس لقطت شيء وكانها فهمت كلام لمياء
اخذت ملا عبايتها بتطلع بس وقفتها لمياء
لمياء: انا اسفه ..بس هذا كله من خوفي عليك ...لا تطلعين وانتي زعلانه
ملاك: كلام جرحني يا لمياء جررحني ...ونزلت دمعتها .....ضمتها لمياء
لمياء: انا ما ابيك تتعذبين يا ملاك ....ابيك تفكرين بعقلك ..
ابتهال : اقول ..لموش ...خلينا نروح نسوي ..كابتشينو ..ونخلي ملاك ..تريح شوي
لمياء: طيب ياله ...وراحوا للمطبخ وتركوا ملا ..لوحدها بغرفة ابتهال ...
اتجهت للمسجل وشافت سيدي لراشد ...وشغلته على اغنيه ساعات ...ووقفت عند الشباك ورفعت الستاره ..وتناظر وتمد نظرها لشيء لا محدود ...لمات الاغنيه تحسها تعبر عنها بهذي اللحظة
ملاك((
ما بقـى صبر ٍ في صدري..

ڪْل مـآ فيـني [حـطـآم]..
شـف بـقـآيـآ قلب حبڪْ ,,
وآلله آلمنظـر قـبـيـح ..
آحتـرمـنـي ڪْـــآن بـآقــي لـلـغـلآ فــيــڪْ [آحــتــرآآآآآآم]
وآن بغيـت تغيـب ڪْيـفـڪْ
مـلّـت آلبيـبـآن ريــح !!
آنــآ آدري بـحآل قـلبـي : إنـفصآم بـإنـفـصآم
بترڪْڪْ
وآشـتآق ,,
وآرجع آلقى قلبي بـڪْ جريـح
بــس آنآ قررت آسآفـر يآ حبـيـبـي : إنتقآم !!
صرت آصدق مـن يسآفـر عـن ديآره \ يستريـح..!! ))
كان داخل للبيت ...سمع صوت الاغاني العالي شوي ...اتجه للغرفه يحسبها اخته ...وقف على الباب وهو يتامل وحده ...اطلق عليها ملاك ...كانت لابسه بنطلون اسود برمودا ..وبلوزة حفر احمر وحزام اسود ...وشعرها رافعته ذيل حصان ...يتامل ملامح ..بريئه ...وباين عليها الشرود ...
فراس((معقوله تكون هذي بنت خالتي ...)) طلع بسرعه ورجع غرفته ..متملكه الاعجاب ..فيها ..وبجمالها وبجسمها وقوامه الرشيق وبشرتها اللي كانها بشرة طفل بنعومتها وبريقها ...

بالرياض ...وتحديدا بمزرعه ابو فادي

ماجد: ويش مسوي ..الحين
فيصل : نص ونص
ماجد: افااااااااااا ليه
فيصل : مو وقته ..خله بوقت ثاني اقولك ..
ماجد: طيب بروح السياره اجيب لك .الاوراق اللي قلت لي جيبها ...
فيصل: لا تطول
ماجد: لا تخاف ماني متاخر

ساميه : يوووووووووووه نسينا السيديات على الطاوله
فريده: خلاص انا اجيبها ...بروح اشرب مويه ..واجيب جوالي ..
دانا : لا تطولين فريده
فريده: لالا ماني متاخره دقايق واجي ..
طلعت تمشى وطرحتها على كتوفها وشعرها يتطاير بالهواء ..وجالسه تدندن ..وتمشي وكلها حيويه ...
كان راجع من سيارته ..ويتاكد من الاوراق ..وانها كامله مو ناقصها شيء ...فجاءه
تصادموا ..وطاحت فريده على الارض ..وماجد ..طاحت منه الاوراق ...
فريده: آآآآآآآآآآآآآآآآآآآآآآآآآ آآآآي ....راسي
ماجد.. تجمد بمكانه ...بس بسرعه مد يده لها : عسى ماصر بك شيء
فريده استغربت الصوت ..مو صوت عيال عمها .. رفعت نظرها وشافته ..خافت ...
فريد ه : مين انت ..وباين على صوتها انها خايفه ...حرامي ... وكانت بتصرخ
ماجد: لااااااااا انا ماني بحرامي ...انا ماجد صديق فيصل
فريده قامت بسرعه ..وحطت الطرحه على راسها ....
ماجد: اسف ما شفتك .....ولم الاوراق وراح
فريده( صديق فيصل... اه اقول شكله غريب )
ماجد( اكيد اخت فيصل تشبه له ..يؤيؤيؤ يا زينها ..اخص يا فيصل عندك خوات مزاويين وما تقول ...))
كملت طريقها ونفضت عبايتها عن الغبار وجابت الاغراض ..
اما ماجد كان بعالم ثاني كان فيصل يسولف معه عن الشغل بس الله العالم ان فيصل بوادي وماجد بوادي ثاني

فيصل ياهووووووه وين وصلت ..
ماجد:................
فيصل: مجوووووووووووووووووووود
ماجد: اسمعك قالولك اطرش
فيصل: ويش فيك مو على بعضك
ماجد: سلامتك ....
فيصل : قوم نمشي شوي الجلسه هنا تقصر العمر
ماجد :قم يالله
..قاموا يتمشون شوي ....وكان في ثلاث من بنات عم فيصل ((دانا , ساميه ..وامال ))
دانا: شوفوا شوفوا ...ياناس يهبل ...يسحر
ساميه : من هالناحيه فهو وسيم حييل
امال: يا بختك فيه والله
دانا: خلاص لحد هنا وبس راح اقوله اني احبه
ساميه: مايحتاج الكل داري انك تحبينه بس هو ماهو معبرك
دانا بانكسار: أي والله ... بس ويش السوات
كان ساااكت
ماجد: ويش في ساكت ما تكلم ...جايبني معك ديكور
فيصل : مشتاق لها
ماجد: ردينا لطير ياللي
فيصل : ولهان عليها يا ماجد ..ودي اعرف اخبارها لي كم شهر ما ادري عنها
ماجد: والله مدري عنك يا فيصل ...عجزت افهمك
فيصل : خلاص اسكت ..ماني ناقصك ..

بالمدينه ...كانت جالسه لحالها بغرفتها ..
ملاك: ياترى ويش اخبارك يا فيصل .. ويش مسوي ..ناسيني او لسى ببالك ..
تنهدت ..تنهيده طويله ....دخل عليها فارس
ملاك: هلا وغلا بفروسي ..اقلط اقلط حياك ..يا حي الله هالوجه
فارس: علامك اليوم ...تهلين وترحبين فيني
ملاك: مشتاقه لسواليفك
فارس : ميمي ... بسولف معك ..بشي خاص فيني
ملاك: قول ...فضفض
فارس: ملاك انا كنت على علاقه مع بنات
ملاك: طيب وبعدين
فارس: بصراحه انا تبت ..وابي اخطب واصون نفسي ..
ملاك: اممممممممممممم طيب يعني في ببالك وحده معينه
فارس: ايه ويش رايك ببنت خالتي ابتهال
ابتسمت ملاك: والله تعرف تنقي ماعليها كلام ...من ناحيه الاخلاق والجمال ..ما لها منافس
فارس: ويش رايك ..اخلي ابوي يخطبها ...
ملاك: اجل خلاص قول لابوي
فارس: طيب هذا الموضوع الاول ...
ملاك: خير في بعد ثاني
فارس: ايه موضوع يخصك ..
ملاك: اللي هو
فارس: انتي ليش منعزله عنا ..
ملاك: لا منعزله ولا شيء .. بس احب اجلس لحالي
فارس: احسك مخبيه شيء
ملاك: لا تطمن لاني مخبيه ولا شيء
فارس: انا ما اغصبك ... تقولين هذي خصوصياتك ..
سمعت صوت مضاوي تناديها
ملاك: بروح اشوفها وراجعه







طلعت وخلت فارس ...
ملاك: هلا مضاوي
مضاوي : يالله تعالي ونادي اخوانك .. عشان العشاء
ملاك: اجل بروح اناديهم
مضاوي : لا تتاخرون
طلعت تنادي اخوانها مرت عليهم كلهم ....وتذكرت ان فارس بغرفتها ..دخلت عليه لقته يقراء بدفتر اشعارها
صرخت : ويييييييييييش تسووووووووووووووي
فارس : اقراء اشعارك
ملاك: ومن سمح لك ....
فارس رفع صوته: ليش ماتبيني اقراه ..والا ......
ملاك: لانه من خصوصياتي
فارس: كل الاشعار ... تدل على شيء واااااااااااااحد ..وهذا اللي انا فهمته
ملاك: لا يافهيم .. اللي فهمته غلط بغلط
فارس: ويش معنى هالكلام اجل ...والكلمات اللي كاتبتها تحت كل شعر ...
سحبت من يده الدفتر
ملاك: مالك خص ... شيء راجع لي اكتب اللي ابيه
فارس: بتقولين لي غصب عنك
ملاك بعناد: ماني قايله اقول شيء ماهو صحيح ......مسكها من شعرها
فارس: لا تخليني اتهور وامد يدي عليك .....قامت تصرخ ...
ملاك: اتررررررررررركني مالك خص فيني ... اكذب عليك يعني
فارس: ملاك اعترفي احسلك
ملاك: ماني معترفه ...اعترف بشي ماسويته
فارس : يعني مصره على الانكار ...
ملاك: يووووووووووه ...قلت لك مافي شيء من اللي يدور ببالك هذي مجرد خواطر
فارس تركها : بنشوف اخرت الخواطر ذي بس قسما بالله لو عرفت شيء ياويلك مني
ملاك: سوا اللي تبي ما يهمني ....طلع وتركها
ملاك( ياويلي لو درى عن فيصل والله غير يذبحني ...بس خلاص فيصل راح انتهى من حياتي ...ماعاد له وجود ....) نزلت تاكل وكان شيء ماصار ..

ببيت ابو سلطان
ريم: هاه عبوره كيف بعد الخطوبه
عبير: والله مستانسه احس نفسي ..مرتاحه ومبسوطه
سارة: دوووووووم يارب
عبير : امييييييييين
ريم: والهي اني مشتاقه لملاكوه القاطعه
ساره: أي والله ..وانا بعد
عبير: امممم ويش رايكم ...نروح لها
ريم: فكرررررره
ساره استانست : ايه ايه نروح لها ليش لا
عبير بخبث: من قدك بتضربين عصفورين بحجر واحد
ساره: قولي مشاء الله لا تحسديني
ريم: ياربي لك الحمد تحسدك على ويش
ساره: تصدقون احس اني غبيه ومتخلفه بالساعه اللي اجلسها معاكم ...اقوم ابرك لي
قامت وراحت تتابع مسلسلها المفضل ...

بالرياض ...
كانوا الشباب والبنات مجتمعين ....سوالف وضحك ولعب
فاديا : يابنات ويش رايكم نلعب لعبه التحدي
سوسن : ايه نغيير جو شوي
هزاع : وراعين انتن ماتملن من اللعب ..متى بتعقلن
امال: مافيش امل نعقل .....
ساميه: عن نفسي عقلت ...
فريده : اكيد بعد ما انخطبتي
ساميه: تبين الصراحه ايه ... خلاص لمتى الهبال
راكان: واخيرا ... وحده اعقلت عقبال الكل
فاديا: عن نفسي ابي اكون طول عمري مهستره ...
دانا: افاااااااا ليش
فاديا : كذا مزاج .. احب الهستره ...
فريده: ماعليكم فيها هذي مروحه ...
هزاع : .. اقول بنات ويش رايكم تسوون لنا شيء .. جوعاااااان
سوسن: ههههههههههههه تنت انت وجه ..كلم الخدم يطبخون لك ...
راكان: ناسي ان هذول ..ما يعرفون المطبخ ...بنات اخر زمن
دانا (( غريبه فيصل ليش ما يسولف ...)): فيييييييييييصل ....فيصل
وطبعا كان بعالم ثاني ....شارد باله ..وقلبها بمكان غير مكانه ..
ساميه: فيصلووووووووووووه ..
لف عليهم ...
فيصل وواضح انه ماهو رايق لاحد: نعم
امال: وين وصلت شاركنا حديثنا
فيصل: من زين سواليفكم ... تجيب المرض ...
عبدالكريم: افاااااا سوالفنا تجيب المرض
هزاع: اجل انت سولف علينا اذا سوالفنا ما تعجبك ...اعطهم نظرات احتقار ... ولف على الجهه الثانيه
ساميه: اقول فريده ..فيصل علامه ...
فريده: مدري عنه ...اخلاقه صايره زفت ...
قام فيصل حس بضيقه فضيعه ...شافته فاديا ...ولاحظت ..تضايقه ...لحقته ..وشافته راح لاسطبل الخيل
وقف يتامل الخيول ..ومرتكزعلى حواف الاسطبل
فاديا : فيصل
فيصل: نعم
فاديا: فيصل ويش فيك ...ليش دايم متعكر مزاجك ...في شيء مضايقك او مشله متعبتك
فيصل: لا
فاديا: ماهي معقوله ...انا متاكده اني فيك شيء
فيصل : فاديا لا تظغطين علي تكفين
فاديا: انا ابي اشاركك همومك ... اذا بك شيء قول يمكن اساعدك
فيصل رفع عيونه للسماء : آآآآآآآآآآآآآآآآآآآآآآآآآ آآآآآآآآآه يا فادياا
فاديا: سلامة قلبك من الآه ..
فيصل : مدري كيف اقولك ..او اشرحلك ...
فاديا: اكيد السالفه عن البنت اللي تحبها
فيصل: أي والله يا فاديا
فاديا : قول ويش فيك .. ويش اللي معكر كيانك
بدى فيصل يشكي لها ..ويحاول يدور عندها على حل ...

اما ملاك .. كانت بغرفتها
يمر شريط ذرياتها ..ومعاناتها ..واجمل واتعس لحظاتها ..
ملاك ((لاتسألو وش جرى في حياتي........خلو همومي بالحشا مستقره

الصمت ثوبي والمواجع عباتي.......والحزن كله وسط قلبي مقره

لو أستعين بواقعي ذكرياتي.......أحيا وأموت في الثانيه ألف مره

همي يجيني من جميع الجهاتي......تجاوز حدود الفلك والمجره))
----------------------------------------------------

ويش تتوقعون يصير بالاحداث الجايه ...

فارس .. بيدري عن ملاك .. او بيظل امرها مستور ؟؟؟
ملاك راح تسمع كلام ... يعذبها ...لكن بخصوص ايييييش ؟؟؟
وفيصل بيتحدى الكل ... لكن كيف ... وابوها ويش بيكون موقفه ؟؟
اما امه راح تسوي شيء لكن ياترى بيدري عنه فيصل او ... ما راح تقوله ..؟؟؟
ساره وريم بتبدى قصه ..لكن باي شيء بتبتدي ؟؟

وفاديا ... ايه فاديا معقوله تحب او تظل البنت الفرفوشه اللي الكل يحبها لروحها المرحه ؟؟
لكن معقوله تتحول لانسانه ما تراعي مشاعر الاخرين ...وتسير على نهج التجريح ؟؟

ماجد وفريده ...ويش بيصير بينهم ؟؟

هذا اللي بتعرف عليه باحداثنا الجايه

اتمنى ان البارت نال على اعجابكم

لا تبخلوا علي بالاراء
((جلى من لا يخطى ))

خالص حبي ومودتي لكم

((بقااااااايا حطام ))