[لامارا]

الفصل السابع 000


وصل حامد عند بيت عمه 00000فتح ابو حامد بينزل000بس حصله مقفل
حامد :- يبه استنى ابيك في موضوع
ابو حامد :- (مستغرب ) توه يطلع الموضوع وش عندك ؟؟؟؟؟
زيد استغرب الوضع بس ما تكلم
حامد :- يبه احنا ليش جاين هنا
ابو حامد :- (علامات استفهام تزداد على وجهه) فيك شي 00جاين نخطب نوف
حامد :- نخطبها لمين ؟
ابو حامد :-(يناظر يحاول يستوعب حالة ولده) نخطبها لك ليش عندك مانع
حامد :- لا بس ابيك تخطبها لزيد
ابو حامد وزيد مو فاهمين شي ما صدقوا اللي يسمعونه
ابو حامد :- ليش زيد مو انت
حامد :- زيد يبي نوف وانا مابي ابني حياتي على تعاسة اخوي وبعدين نوف طول عمري اشوفها مثل اختي 00ولا عمري فكرت فيها كزوجه 00لاني عارف ان زيد من صغرته وهو يحبها ويبيها وفيه الف بنت اقدر اتزوجها...........
ابو حامد مصدوم من الكلام اللي يسمعه
اما زيد فكان مره يصدق ومره يكذب اللي سمعه
ابو حامد :- ليش توك تتكلم انت وجهك
حامد :- خلاص انتهى الموضوع ما صار شي اهم شي عندك زيد توصى فيه
زيد طاير من فرحته ما يدري وش يسوي من الفرحه ماقدر حتى يتكلم نزل ابو حامد من السياره وتقدم عند الباب بيدخل نزل زيد وحامد وقف يقفل السياره
زيد:- حرام عليك ليش ما قلتلي من زمان على اللي في بالك وخليني اتضايق واعيش حياتي في حزن وكآبه يا ظالم
حامد :- (وهو يبتسم ) ابي اشوف وش كثر تحبها 00
زيد :- يالله تاخرنا
حامد :- الحين تاخرنا ومستعجل يالله تتحرك 000 في شي بقوله الأيام اللي طافت والتأخير تدري ليش انا اخرت الموضوع
زيد :- ليش
حامد :- ابيك تحس وترح تدافع عن حبك يا جبان 00شفت مافيه فايده منك وتكلمت زيد :- طيب تفضل ادخل قدامي
دخلوا وسلموا وجلسوا يسولفون
عند الحريم
ام عبد الله :- شوق بتروحين تسلمين على عمك نادي اختك خليها تدخل معك
راحت شوق لغرفة نوف فتحت الباب حصلتها جالسه على الكرسي ومنزله راسها على المكتب

شوق :- نوف عمي وصل امي تقول لازم تروحون تسلمون عليه
نوف رفعت راسها ثم قامت غسلت وجهها وراحت بتطلع
شوق :- تعالي وين رايحه
نوف :- مو انتو طلبتو اروح اسلم خلاص بروح
شوق :- بتنزلين كذا
نوف كانت لابسه تنوره لونها اسود وبلوزه سودا وفيها رسمه صغيره بالرمادي والابيض ماكانت حاطه في وجها أي شي من انواع المكياج
شوق :- تعالي حطي على الاقل روج
نوف دخلت خذت قلوس زهر فاتح وحطت منه خفيف
شوق :- تعالي (خذت الكحل بتحط لها )
نوف :- خلاص ما أبي
نوف ما كانت تبي تشوف احد لا عمها ولا حامد ولا زيد 00
اول ما دخلت تفاجات بوجود زيد لا وكان يضحك مبينه عليه السعاده
نوف وقفت تناظر مو مصدقه (بسهوله يا زيد نسيت جاي وجالس تضحك بعد )
زيد اول ماشاف نوف (ياعمري كلها دقايق وتسمعين الخبر ما راح اشوف الحزن اللي في عيونك ولا نبرة الصوت هذي [كان صوتها مبحوح من كثرما صاحت ] وترجع لك ضحكتك اللي فقدتها) سلمت نوف على عمها واستاذنت وطلعت توها طالعه من الباب تفاجات بضحكه قويه كان مصدرها زيد
نوف ( كذا يازيد هذا وانا ذابحه عمري على شانك صدق ما تستاهل)
شوق جلست مع عمها واخوانها تسولف وكانت على وجهها علامات استفهام من زيد اللي كان يضحك ويسالف مع نايف وحامد ولا كانه صار شي 000000

ابو حامد :- عبدالله يا ولدي انا اليوم جايك ابخطب نوف لولدي 00000زيد
الكل تفاجا لأنهم متوقعين حامد
عبدالله :- عمي نوف مثل بنتك
ابو حامد :- انا نخطبها لما يخلص دراسته ويتوظف وبعده يتزوج وقتها قد جا حامد من سفرته وخطبنا له وزوجناه بعد


شوق اول ما سمعت الخبر طارت عند نوف تفرحها
دخلت الغرفه لقت نوف جالسه في زاويه وحاضنه دبدوب وتصيح
شوق :- (ماسكه ضحكتها ) الحمد لله وحده اليوم خطبتها وتصيح كذا
نوف :- 0000000000000
شوق :- على العموم الف مبرررررررررروك
نوف :- (رفعت راسهاتناظر تناظر شوق ) وش تباركين انتي فرحانه لهدرجه عزيني احسن
شوق ما قدت تتحمل اكثر وانفجرت من الضحك
نوف ماهمها كل همها زيد ابو حامد وحامد وكيف انظلمت معاهم
شوق :- قومي خطيبك يبيك يبارك لك
نوف :- (ما ردت والغضب يشتعل فيها من شوق وكلامها وضحكها )
شوق :-خطيبك رميو اوه اسفه زيد ينتظرك
نوف :- وش تقولين 000رايقه هذا وقت مزحك البايخ
شوق :- والله ما امزح عمي خطبك لزيد
نوف من فرحتها خذت الدبدوب تبوس فيه 00شوي رمته وقامت حضنت شوق
شوق :- هي انتي خلاص بموت ذبحتيني
نوف :- تكفين اضربيني عشان اشوف انا احلم ولاصاحيه
شوق :- تعالي ولا يهمك 000000000هههههههههههه
نوف :- هذا اللي انتي تتمنينه
شوق :- خلينا ننزل
نوف :- لا وين استحي
شوق :- طلع الحيا الحين 000تعالي بس
نوف :- استني 000راحت طلعت ملابس وغيرت وحطت ميك اب خفيف
شوق :- الحين صرنا نتعدل
----------------------
بعد ما رجع ابو حامد للبيت دخل مع أولاده :- السلام عليكم
ام حامد :- اقول مبروك
ابو حامد :- قوليها لزيد
ام حامد :- (تحاول تستوعب ) وش السالفه
ابو حامد :- رحنا بنخطب لحامد ورجعنا واحنا خاطبين لزيد
ام حامد :- احد يفهمني
الكل يضحك
حامد :- يمه زيد يبي نوف وخطبناها له وانا اذا رجعت بتخطبين لي
ام حامد :- الحين فهمت على العموم الف مبروك [راح زيد لمه وحب راسها ]
زيد :- الله يبارك فيك يالغاليه
ام حامد :-هذا اللي كان مكدر خلقك اثرك منت سهل يا ولد ابو حامد
زيد استحى وما عرف يرد
فيصل وماجد نازلين من الدرج [فيصل كان متضايق عشان زيد ونوف وما رضى يروح ]
فيصل :- رجعتوا
حامد :- ايه رجعنا 000طيب مافيه مبروك [يرفع ضغطه ]
فيصل :- [من غير نفس ] مبروك
حامد :- مو لي هناك [يأشر على زيد ]
فيصل :- صدق زيد أنت بتتزوجها
زيد :- ايه
فيصل راح يركض من الفرحه وطب على اخوه
ام حامد :- شوي شوي الولد بيموت
ماجد :- وش السالفه
حامد :- خلك في البلاي ستيشن احسن لك 000ماتدري وين ربي حاطك فيه ساكن عند الجيران والحين تقول فهموني
ماجد :- ذكرتني مواعد عادل [عادل ولد الجيران في نفس الصف ] طلع يركض
ابو حامد :- لا تتاخر
فيصل :- انسى يجي قبل الساعه عشر 00صح وين التلفون بكلم نوف ابارك لها ولا اقول اكلمها في غرفتي احسن [يناظر زيد يحاول يقهره ]
الكل يطالعهم ويبتسم عارفين قصده
زيد مسوي ثقيل يعني انه ما اهتم من السالفه 00طلع الجوال وكتب لها رساله
(الف مبروك يا قلبي اخيراً تحقق حلمنا 000اخيراً بتصيرين لي وبس 00ليت اشوف الضحكه اللي فقدتها من زمان ودي اشوفها )


ماجد :- وين عادل
فاتن اخت عادل الكبيره عمرها 21 سنه في الكليه
فاتن :- راح مع ولد عمي والحين جاي تعال ادخل
ماجد :- لا لا بجلس انتظره هنا
فاتن :- (تحب تجلس تسولف مع ماجد ) وش صار على اخوك خطب بنت عمك (ماجد مايقصر كل سوالف البيت عندهم يقولها )
ماجد :- تخيلي راح ابوي يخطب لحامد 00بس يوم رجعوا صارو خاطبين لزيد
فاتن :- يعني حامد ما خطبها
ماجد :- زيد هو اللي خطب نوف
وصل عادل وقطع السالفه
---------------------------
فيصل :- نوف من قدك انتي و زيود اخيرا
نوف :- لو سمحت اسمه زيد
فيصل :- ياهووووه بدينا حركات
نوف هههههههه
فيصل :- وشلون السالفه صارت
نوف :- والله مدري اسأل اهلك [دخل زيد عند فيصل ]
فيصل :- هذا زيود دخل عندي
زيد :- خير ان شاء الله وش زيود اصغر عيالك
نوف :- [تسمع زيد ] احسن تستاهل ثاني مره ما تتعدى حدودك
زيد :- فيصل عطني الجوال 0000من دون ما ينتظر خذ الجوال من يد
وفيصل يناظر
زيد :- هلا والله وغلا
نوف :- [بنعومه ودلع ] هلا فيك
زيد :- لحظه [يناظر فيصل ] اطلع شوي برا
فيصل :- الحين انا اطلع نسينا يا عمي تراك انت في غرفتي واللي معاك جوالي ولا الصوت نساك
زيد :- خلاص عرفنا 000نوف دقيقه بقفل واروح لغرفتي وادق عليك على شان ما اجلس على منت احد
نوف تضحك عليهم وكلامهم
فيصل :- لا تقفل بقولها شي
زيد :- وش عندك
فيصل :- نسينا معليش اعمل معروف وارمه في البحر
زيد :- رحمتك باسمحلك
خذ فيصل الجوال وزيد واقف يناظره
فيصل :- رح للغرفه الحين يعني بتجلس
زيد :- ما ابي ابي اسمع وش تقول مو هي خطيبتي
فيصل :- تراك ازعجتنا انت وخطيبتك
نوف :- خلاص لا تتذابحوان انا اللي بروح
فيصل :- انا بقفل وبعدين اكلمك
قفل فيصل وزيد طلع من الغرفه مسك جواله ودق على نوف
نوف :- هلا
زيد :- استني الحين انا افتح الباب هذا النور وفتحناه والحين تفضلي انا كلي تحت امرك
نوف :- تسلم
زيد :- بصراحه وش رأيك في المفاجاه اليوم
نوف :- حلوه تجنن بس اول شي اسفه ظنيت فيك وظني خاب الحمد لله
زيد :- وين ودتك افكارك
نوف :- اول ما دخلت وشفتك تضحك انجنيت وانقهرت 00000000وكملت االسالفه
جلسو يسولفون ماقفلو الا عند اذان الفجر



اليوم الثاني الظهر
حامد :- اليوم رحت وحجزت بسافر بعد يومين
ام حامد :- ما تهون وتجلس احسن لك وشل فكرت السفر وريح راسك
حامد :- فرصه جتني يمكن ما تتعوض
ابو حامد :- تروح وترجع بالسلامه 00بتصل بخواني واعزمهم بكره على العشا
زيد :- مو مفروض تكون لما يرجع
ابو حامد :- اذا رجع عزمناهم ثانيه
ام حامد :- كم حامد عندنا
زيد :- بدينا حركات يام حامد
فيصل :- لنا الله ترا انا اغار
ماجد :- وانا وين رحت نسيتوني
ام حامد :- بسم الله علي قمتو مره وحده0000كلكم غلاكم واحد
ابو حامد :- الله يعينك وش يفكك منهم


العصر دخل عبد الله ونوف جالسه عند التلفزيون وامه تكلم
عبد الله :-السلام عليكم
نوف :- وعليكم السلام 000وين ساره
عبدالله :- راحت ترتاح 000امي من تكلم
نوف :- مدري بس اتوقع انها مرت عمي
سكرت ام عبد الله :- هذي ام حامد متصله تعزمنا عندهم بكره عشان حامد بيسافر
عبدالله :- خلاص عزم يروح
ام عبدالله :- ايه الله يصبر امه على فرقاه ويرجعه بالسلامه
نوف :- ما قلتي لها اذا تبي مساعده
ام عبدالله :- قلتلها بس تقول ابي تجون بدري من العصر
نوف :- ان شاء لله نروح بدري
دخل نايف :- وين تروحون
ام عبد الله :- بيت عمك بكره عازمينكم عشان حامد بيسافر
نايف :- اعرف
ام عبدالله :- كل شي تعرفه انت بس ما تقول
نايف :- وش تبيني اقولك 00اسوالف مثل الحريم كل الاخبار اقولها
نوف :- ليش الرجال ما يتكلمون
عبدالله :- يمه فيه قهوه
نوف :- بروح اجيبلك00طلعت نوف وهم يتناقشون في سفرة حامد
0000000000000
اليوم الثاني 000راحت نوف وامها العصر عند ام حامد يساعدونها
ام حامد :- نوف الله يعافيك روحي فوق المكتبة فيه بخور روحي بخري المجالس
نوف قامت للمجلس وهي جالسه تبخره دخل فيصل
فيصل :- الله القمر عندنا زايرنا بدري
حس بضربه قويه على راسه غير معروف مصدرها00نوف تضحك
زيد :- لو سمحت ألزم حدك
فيصل :- يمه من وين طلعت انت وبعدين انا وش قلت عشان تضربني كذا
زيد :- هذي خطيبتي 000بروح لابوي يناديني وراجع لك اتفاهم معك
فيصل :- الله يعين
نوف :- اسمع فصول ترى دخلت غرفتك وحطيت اغراضي و ملابسي فيها بعد صلاة المغرب بطلع اغير ملابسي
فيصل [يلتفت يمين ويسار يتكلم بصوت واطي ] الغرفه وصاحبها تحت امرك
نوف :- ليش تتكلم كذا
فيصل :- اخاف زيد يجي واتورط مو ناقص انا
نوف :- [تضحك ] مسوي لك رعب
دخل ماجد وجلسوا كملوا سوالفهم مع بعض


بعد صلاة المغرب نوف في غرفة فيصل تلبس 00يدق جوالها
نوف :- الو مرحبا
زيد :- اشتقتتتتتتتتلك
نوف :- العصر متقابلين
زيد :- انا كل لحظه اشتاق لك 00ليش انتي ما تشتاقين لي
نوف :-[استحت ما عرفت ترد]
زيد :- بعدين اتفاهم على هذا الموضوع 000الحين انا دقيت ابي منك طلب 00الحين انا ماقدر اصعد فوق انتي عارفه كلهم مجتمعين تحت 00ابي اوراق ضرووري يا ليت تجيبينها 00في غرفتي تلاقينها على المكتب 00نزليها وانا باخذها
نوف :- خلاص دقيقتين وانزلها لك
طلعت نوف تسرع لغرفة زيد فتحت الباب بكل حماس 000وقفت متفاجاه
نوف :-(حاطه ايدها على فمها ) واااااااااااو
الغرفه كانت مقفله انوارها ومشعل فيها شموع والمسجل كان حاط ميوزك رمنسي هادي 0000وكان حاط على المكتب دبدوب ماسك دفتر وبجنبه هديه
خذت نوف الدفتر وفتحت اول صفحه كان كاتب فيها



0000000000000000000000000000000000
نوف مصدومة من اللي تشوفه
خذت الدفتر والدبدوب والهديه وطلعت ماكانت تبي احد يشوفها في غرفة زيد
توها بتلف وتطلع شافت ورقه وقلم خذتها وكتبت وهي مستعجله



وطلعت لغرفة فيصل اول ما دخلت قفلت الباب ومسكت الدفتر تشوف اللي فيه بعدها ضمته على صدرها 000وهي تقول احبك والله احبك

زيد كان جالس ينتظر رد نوف على نار وده انه شايف كيف ردة فعلها 00طلع فيصل يناديه :- ليش واقف هنا
زيد :- وش تبي
فيصل :- تبي شاهي
زيد :- ما ابي شي اتركني لحالي
دخل فيصل وهو مستغرب من زيد
زيد ما اقدر يستحمل دق على نوف :- الو
نوف :- مشكوووووووووووووووووووور مشكور ياقلبي تجنن روعه
زيد :- [يتبسم من فرحته ] اعجبتك
نوف :- بصراحه صدق مفاجاه 00تعرف تكذب
زيد [يضحك ] تدرين كنت خايف انها ما تعدي عليك او تكونين سامعه اصوات وانا في الغرفه000بصراحه اكتشفت انه ينلعب عليك 00كان ودي اشوفك وانتي داخله
نوف :- الحمد لله انك ماشفتني كان تجلس تضحك علي سنه كامله وانا داخله مصدقه ادور اوراق
زيد :0ههههههههههه 000وش تسوين
نوف :- البس
زيد :- ابي اطلب طلب
نوف :- لايكون اوراق ثانيه
زيد :-ههههههه لالا ابي اشوفك اول ماتخلصين ابي اشوفك اول واحد
نوف :- ليش
زيد :- ماتبين
نوف :- 000000000
زيد :-[حس انه احرجها بطلبه ] على العموم انا ما ابي احرجك بس تأكدي اني راح اشوفك سواء اول واحد او اخر واحد مايهم
نوف :- انا باقفل الحين لأني بكمل لبس وانزل ممكن
زيد :- تفضلي –قفل وراح عند ابوه واخوانه بعكس الصوره اللي شافها فيصل كان داخل وهو مبتسم
ابو حامد :- وينك
حامد :- اكيد يكلم برا هذا ما يطلع الا يكلم او عنده مشوار
فيصل :- [كان جالس جنبه ويهمس له ] وش السالفه
زيد فاهم فيصل وقصده :- سلامتك
فيصل :- انا بروح اغير ملابسي
زيد :- تعال اجلس
فيصل :- وش عندك
زيد :-[بصوت واطي ] نوف في الغرفه تلبس
فيصل :-[يضحك بصوت عالي ] عادي هذي مو اول مره وبعدين دقيت وقالت اني خلصت والحين بتنزل
قام فيصل وقام معاه زيد كل واحد يسرع يبي يوصل اول
زيد :- [عند باب الغرفه ماسك فيصل يكلمه بصوت واطي] اسمعني اذا نوف كانت لابسه مخلصه علمني بسوي لها مفاجاه
فيصل :-والله انك فاضي
توه لاف بيدخل شاف نوف واقفه تسمعهم وهي مبتسمه
نوف:- فيصل وش رايك بالمفاجاه حلوه
فيصل :-[ يضحك على زيد اللي استحى ومشى وصل عند نوف
زيد :- احلى مفاجاه شافتها عيوني 00وراح لغرفته اول مافتح الباب كان عطر نوف منتشر في الغرفه راح للورقه قراها وضحك
نوف نزلت عند امها ومرت عمها 00وبدو المعزيم يجتمعون كانت العزيمه للعمان والعمات اللي ما ينشافون الا في العزايم الرسميه 00تعشو كل راح لبيته
ام حامد :- الله يعافيك يا نوف تعبتك اليوم معي
نوف :- عادي تعبك راحه
ام عبدالله :- من حظك ان ساره وشوق كل وحده حامل وانتي الضحيه
نوف :- شكلهم قاصدينها
ساره :- حرام عليك دايم ظالمتني 000احمدي ربك بعد كم شهر بتصيرين عمه وخاله في نفس الوقت
نوف :-مشكورين مستغنيه كذا عاجبني وضعي
دخل ماجد :- ساره عبد الله يقول يالله
ساره :- وين جوالي اكيد دق وانا مدري وين حطيته
نوف:- في الغرفه الثانيه مع شنطتك
ساره :- خالتي تروحون معنا
ام عبد الله :- لا فيه نايف
ساره :- وانتي يا شوق
شوق :- دقيت على محمد وجاي في الطريق
ام حامد :- تونا بدري
ساره :- عبد الله صاحي بدري والى الان مانام
بعد ما راحو ساره وشوق
ام عبد الله :- نوف دقي على نايف خلينا نروح
ام حامد :- ليش مستعجلين
نوف :- بروح اجمع اغراضي واذا خلصت دقيت
راحت نوف لغرفة فيصل ودخل ابو حامد
ابو حامد :- وش اخباركم
ام عبد الله :- بخير الله يسلمك
ام حامد :- وين العيال مادخلوا
ابو حامد :- مجتمعين يسولفون
ام حامد :- [تلتفت على ام عبدالله ] اجلسي هذا نايف مستانس خليه على راحته
ابو حامد :- ليش تروحون بدري
ام عبدالله:- الله يكثر خيرك ويغنيك على هذي العزيمه ان شاء الله تعودونها برجعته لكم سالم .. ..من العصر واحنا هنا
ابو حامد :- هذا بيتكم الثاني وش دعوه
ام عبد االله :- الله يسلمك يارب
ابو حامد :- وين نوف
ام عبد الله :- هذي هي جت راحت تجيب اغراضها
نزلت نوف وجلست مع عمها يسولفون ماطلعوا الا الساعه 2 الفجر

اليوم الثاني الكل منشغل في نفسه وخصوصا حامد اللي يجهز لسفرته

بعد صلاة المغرب راح حامد بيودع اصدقاه لان رحلته الفجر ويمكن ما يشوفهم خرج من البيت توه راكب السيارة دق جواله حامد :- (من هذا رقمه أول مره أشوفه )
حامد :- الو
المتصله :- الو 00حامد
حامد :- [مستغرب ]ايه من معي
المتصله :- مو مهم بعدين تعرف 00بس ما هان علي انك تسافر من غير ما اودعك
حامد :- تعرفيني 000بعدين من وين عرفتي اني مسافر
المتصله :- اللي اقدر اقوله لك تروح وترجع باسلامه
حامد :- ان شاء الله 00ابي اعرف من تكونين على الاقل اسمك
المتصله :- اذا رجعت للبيت ارفع راسك للقمر تشوفني
حامد :- يا هوه القمر متصل
المتصله :- لا تقدر تقول جارته احفظ الاسم اذا رجعت تعرف باي
قفلت والدهشه مرسومه على وجه حامد 00مايدري من هذي البنت اللي تعرف كل هذي التفاصيل 00وصل مسج لحامد فتحه من نفس الرقم (انتبه على نفسك 00تذكر في انسانه تحبك وتتمنى رجعتك بالسلامه 00تحياتي جارة القمر )
حامد :- يالله من هاذي و وش تبي ما اذكر اني اعرف احد من اقاربنا بنفس الصوت 000غريب
وصل عند اصدقاه وجلس معاهم ونسى السالفه


الساعه 5 الفجر
حامد يسلم على امه :- ها يمه تامرين شي
ام حامد :- [دموعها بدت تنزل ] سلامتك بس انتبه على نفسك ابيك ترجع سالم
حامد :- يمه الله يخليك لا تبكين ابي اروح انا متطمن ما ابي اشوف دموع في عيونك
ام حامد :- [تمسح دموعها وتبتسم ] الله يوقفك والله اني بفقدك
زيد يراقب الموقف من بعيد :- احم احم نحن هنا
فيصل واقف جنبه :- [بسخريه بيطري الجو] لاطلعت امك على حقيقتها تحب حامد واحنا صرنا عيال البطه السودا محد فكر فينا 000لنا الله يا زيد
ام حامد :- كلكم واحد
زيد :- نمزح معك يالغاليه
ماجد :- حامد لا تنسى الهديه
فيصل :- كم مره قلت له
حامد :- وش تبي اجيبلك
ماجد :- اول شي واهم شي اشرطه لسوني والباقي على راحتك أي شي ينفع جبه معاك
فيصل :- بس كذا ما قصرت

زيد دق جواله :- الو
نايف :- هلا وين اخوك
زيد :- هنا
نايف :- انا عند الباب لا يتاخر ويورطنا
زيد :- بيخليك تضرب مشوار بسيارتك اذا فاتته الرحله هههههههه
نايف :- يسويها
زيد :- خلاص قفل بطلع لك000حامد نايف عند الباب انا بروح عنده تعال
راح زيد عند نايف بعدها طلع حامد وراحوا يوصلونه للمطار
وام حامد في البيت تبكي وتدعي ربها انه يرجعه لها بالسلامه

بعد تسعه شهور 000حامد رجع من سفرته 00عبد الله صار عنده ولد وسماه على ابوه 00سعود 000شوق جابت بنت سمتها 00شروق
الكل مجتمعين يهنون حامد بالوصول
زيد :- يا جماعه اسمعوني 000حامد والحمد لله رجع بالسلامه وتطمنتوا عليه والحين انا اقولكم ابي اتملك 00لين متى؟
ابو حامد :- ههههههههه ليش مستعجل
نايف :- كلها كم شهر وتزوج مره وحده
زيد :- [معصب ويهدد ] تملكوني ولا ترى باقول بتزوج
عبدالله :- الله وش التهديد
زيد :- لين متى مليت افهم
الكل يضحك على زيد وهو ماخذ الموضوع جد ومعصب
محمد :- طيب ليش ما تملكت لحد الان
زيد :- كانو يقولون اذا رجع حامد
محمد :- مالك حق يا بو حامد حدد موعد الملكه والزواج لاحقين عليه
زيد :- والله ما في احد فاهمني غيرك يالنسيب
عبد الله :- طيب متى تبي
زيد :-[ فرحان ] لو تبي الحين ما عندي مانع
حامد :- صدق ماعندك وقت
بعد المشاوره حددوا الملكه الخميس بعد اسبوع من اليوم
زيد الارض ما تشيله من فرحته اول شي سواه ارسل لنوف رساله خبرها اللي فرحتها ما تقل عن زيد
بعد العشا استاذن حامد وراح يرتاح 00دخل غرفته وجلس يناظرها رمى نفسه على السرير يبي نام من التعب دق جواله شاف الرقم استغرب ما يعرفه
حامد :- الو
000:- هلا حمد الله على السلامه
حامد :- من معي
000 :- ما تذكر صوتي
حامد :- [ جلس يقلب الصوت في راسه]اسف اختي ما اتذكر
000:- اوكي انا بقولك ما تذكر وحده دقت عليك قبل سفرتك
حامد :- اااها تذكرت
000:- الحمد لله انا الحين داقه اسلم واقولك حمد لله على السلامه
حامد :- لحد الان مصممه انك ما تقولين من انتي
000 :- انا بقولك القصه وبعدين اقولك من انا 000انا وحده حبت واحد من بعيد من طرف واحد توصلها بعض اخباره ومرات تشوفه وكثير لا000ولاني مليت من الحاله هذي قررت اني اعترف له بالحب اللي شايلته له بقلبي 000لا تفهمني غلط اذا ما اعجبك الكلام وعد مني انك ما تسمع صوتي واخر مره تشوف فيها الرقم
حامد :- [مصدوم من اللي يسمعه ما كان متوقع الموضوع كذا ] ممكن اعرف اسمك
000 :- انا 000ولا اقولك 00خلاص مو ضروري تعرف خلني كذا احسن 00وانا مثل ما صبرت الفتره اللي راحت اقدر اصبر و احاول انسى 00احسن لي ولك
حامد :- واذا قلتلك اني ابي اعرف هذي الانسانه اللي حبتني
000:- وش تستفيد اذا عرفت
حامد :- ما تدرين 00وش يصير
000:- خلها مع الوقت تعرف 0000[قفلت من غير ماتسمع رد حامد ]
(يالله ليش انا سويت كذا 00الحين حامد وش بيقول عني اكيد بيفكر اني العب واتسلى 0000ليش كذا ليش انا ضعفت وقلت له اني احبه لو كنت ساكته احسن )
حامد طار النوم من عيونه جلس يفكر في البنت والكلام اللي سمعه منها قطع تفكيره صوت رساله جايته فتحها لقها من نفس الرقم ( اسفه على الازعاج اتمنى انك تنسى كل الكلام اللي سمعته 000ويروح فكرك بعيد اقصد لا تفكر فيني تفكير غلط 000كل اللي حصل كان في لحظة ضعف لاني ماقدرت اوصلك اللي في قلبي واقولك انه فيه انسانه تحبك00وانا الحين ندمت على اللي قلته أتمنى تسامحني وتنسى )
حامد ارسل رساله يرد على رسالتها (لا تتاسفين عادي دقي في أي ووقت بس بصراحه اقولك انك صدمتيني بكلامك ماكنت اتوقع في يوم اني اكون في هذا الموقف000صدقيني ما راح انسى كل كلمه قلتيها ولازم اعرفك الحين او بعدين لانك ما تدرين كلامك وش سوا فيني لازم اعرفك ضرووووري )
بعد ما ارسل لها بدقايق وصلته رساله ترد فيها على رسالته (لا تحاول تفكر وتتعب تفكيرك صدقني ما راح تعرف )
حامد ازدادت حيرته في هذي البنت ومن تكون 0000000؟؟؟



ام عبد الله :- الحين ليش ماتنامون ماتشوفون الساعه
نايف :- بدري شوي وبانام
نوف :- اول مايخلص الفلم بنام
ام عبد الله :- ما عندكم دوامات بكره كل يوم تقومون ونصكم نوم
نايف :- خلاص ان شاء الله بانام
قامت ام عبد الله وتركتهم سهرانين لحد ما خلص الفلم كل واحد راح لغرفته بينام نوف جلست تجهز ملابسها للجامعه بكره
الصباح ام عبد الله وعبد الله جالسين يفطرون
عبد الله :- وين الباقين
ام عبد الله :- اكيد نايمين صحيتهم ما قامو امس سهرانين متى ناموا
شوي نزلو من الدرج نايف يتثاوب يالله يشيل نفسه فيه النوم و نوف عادي
ام عبد الله :- شرفوا
نوف :- صباح الخير
ام عبد الله: صباح النور بدري صاحين
نايف :- يالله تعبان ما قدر اشيل نفسي ابي انوووم مالي خلق
ام عبدالله :- خل السهر الفلم اللي تطالعه ينفعك الحين
نايف ياخذ جواله يتصل :- الو
زيد :- هلا والله صباح الخير
نايف :- واالله انك فاضي 00طلعت من البيت ولا لا
زيد :- انا عند السياره توني باطلع
نايف :- مالي خلق اسوق وش رايك تمرني توديني للدوام
زيد :- كم نايف عندي انا جايك في الطريق [الاخ فرحان لان نوف راح تجي معاه ويوصلها ]
ام عبد الله :- الحمد لله رب العالمين ا00لله يصبره عليك
نايف :- انا وياه متفاهمين عادي
بعد دقايق وصل زيد وركب معاه نايف ونوف بعد السلام
زيد :- الحين ليش أخلاقك زفت
نايف :- فيني النووووووم
زيد :- خلاص فهمت 00متى نمت امس
نايف :- خلص الفلم الساعه 3 على ما طلعت الغرفه و انسدحت على السرير متى جاني النوم
زيد :- [ بخبث ] في مين تفكر
نايف :- اقوال ناظر الطريق زين
زيد :هههههههه


الساعه 11 دق نايف على نوف في الجامعه
نوف :-0 الو
نايف :- خلصتي
نوف :- لا الساعه وحده اخلص
نايف :- انا بنام اذا خلصتي دقي على زيد يجي ياخذك انا قلتله
نوف :- تعال انت وين وش السالفه
نايف :- خلاص مالي نفس اتكلم اذا خلصتي دقي على زيد باي قفل الخط
نوف ما ودها بالسالفه تستحي تركب معاه لوحدهم
الساعه وحده نوف متردده تدق او لا بس مافي خيار اخر
دقت نوف :- [بصوت واطي ونعومه ] الو
زيد :- هلا والله بهالصوت 00خلصتي يا قلبي
نوف الوجه طلع احممرررر من الحياء
زيد :- نوفي وينك ؟
نوف :- معاك
زيد :- اقول خلصتي
نوف :- ايه
زيد :- دقايق وانا عندك
نوف :- زيد لا تسرع
زيد :- من عيوني

وصل زيد راحت نوف لسياره وشافت فيصل واطمئنت فتحت الباب اللي خلف فيصل لقت كتب زيد واغراضه اضطرت اناه تروح للباب الثاني
فيصل ناظر زيد وابتسم [الاخ حاط الاغراض عشان نوف تركب خلفه ويقدر يشوفها في المرايه )
نوف :- السلام عليكم
زيد وفيصل :- وعليكم السلام
فيصل :- كيف الحال
نوف :- بخير000وش اخبارك
فيصل :- الحمد لله
زيد : وانا محد يسال وش اخباري
فيصل يضحك على نوف لانها انحرجت
نوف :- عارفتها
زيد :- ماتعرفين شي
نوف :- طيب قولها
زيد :- بصراحه مشتاااااقلك
نوف انقلب وجها ألوان ما عرفت ترد عليه
فيصل :- الله يعينك من يفكك منه
زيد :- انا ماقلت شي غلط 00تعالي
نوف خافت لانه كان يقولها بجديه
زيد :- خذي000
نوف تحس قلبها بيوقف لان زيد يكلمها وهو كانه معصب
زيد مد يده وكان ماسك ورده يعطيها نوف

نوف :- [تتنهد من المفاجاه ] مشكوور
زيد :- [يضحك ] ليش تتكلمين كذا لهدرجه خايفه
نوف :- انت تتكلم بجد كان في شي كبير صاير أسلوبك حلو مرررره
فيصل :- انا قايلك الله يعينك
نوف ماسكه الورده تطالع فيها كانت جوري حمرا
زيد :- وين تبين تروحين
نوف :- [مستغربه ] بيتنا
فيصل :- متاكده
نوف :- ليش في حل ثاني
زيد يوقف عند سوبر ماركت :- نوف تبين شي
نوف :- لا
فيصل :- انا ابي
زيد :- خذ جبلي مويه واشترلك اللي تبي خذ راحتك
فيصل ابتسم لانه فاهم ان زيد يبي يصرفه
أول ما نزل فيصل زيد التفت لنوف :- حيا لله بنت العم
نوف :-[ منحرجه ] االله يحيك
زيد :- وش اخبارك
نوف :- تمام بخير
زيد :- [من غير أي مقدمات ] تحبيني
نوف :- [ تناظره مستغربه من السؤال ]
زيد :- ليش ما تردين
نوف :-ما ادري
زيد:- طيب قولي انك تحبيني قولي لي احبك عادي
نوف :- كل شي وقته حلو
زيد :- انا قريته في عيونك
نوف نزلت عيونها مستحيه
زيد :- طيب انا احبك
فتح فيصل الباب أنقذ نوف من زيد واحراجاته
فيصل :-طولت
زيد :- لا
فيصل:- الحمد لله [يبتسم لزيد ]
زيد :- مبسوط حضرتك [شبه معصب ]
فيصل يضحك على زيد
نوف ساكته ما تكلمت تتمنى توصل البيت بأسرع وقت تخاف زيد يحرجها بكلامه
فيصل :- [يلتفت لنوف ] جبت لك شي
نوف تناظر [وش اللي معاك ] فيصل يطلع من الكيس شوكلاته ام اند امز
نوف :- مشكور كنك عارف اني نفسي فيها من زمان ما كلته
زيد يحاول يلتفت يبي يشوف اللي معاهم بس ماقدر
زيد :- ابي
فيصل :- ما جبت الا واحد لنوف
زيد :- عادي انا ونوف واحد
نوف :- تفضل خذ
زيد خذ من نوف الكيس
فيصل :- [يناظر مستغرب ] ما تستحي انت حق البنت
زيد :- مالك دخل –[ فتح الكيس خذ منه بياكل ]
فيصل :- [مو مصدق يناظر ]صدق ما تستحي
زيد :- نوف خذي بقيتلك
نوف:- لا مشكور عليك بالعافيه
زيد :- نفسك فيه اخاف يصير لي شي
نوف :- تضحك ] لا تطمن ما راح يصير شي
زيد :- ما راح ارضى الا لما تاخذين منه خذي شوي وعطيني الباقي
فيصل :-[ سحب الكيس من يد زيد ] شين وقوي عين 00[عطاه نوف بس رفضت تاخذه ] عشان خاطري
نوف خذته
زيد :- ايه عشان خاطر فصيل بتاخذين وانا توا ما فكرتي فيني 00الحمد لله اني قربت عند بيتكم 00بس لا تنسين تبقيلي
نوف ما ردت علي
فيصل :- يالله مع السلامه نشوفك الاربعاء
نوف :- انزل اجلس معاي
فيصل :- عندي امتحان وبذاكر يوم ثاني
زيد :- ماتبيني انزل
نوف :- اجلس ذاكر مع اخوك احسن لك 000[عطته كيس ام اند امز ]
زيد :- مع السلامه انتبهي لنفسك ان شاء الله الخميس الملكه السبت ارجعك من الجامعه لوحدي من دون ما اخذ معاي ناس يتلقفون
فيصل :- [يضحك ] انجنيت انت
دخلت نوف البيت وهي تضحك على كلام زيد وحركاته اللي ما كانت متوقعتها
دخلت نوف وراحت عند امها
ام عبد الله :- وصلتي
نوف :- ايه دايخه ابي انوم
ام عبد الله :- روحي نامي العصر اصحيك عشان نروح السوق
نوف :- دقي على شوق عشان يمكن تبي تروح
راحت نوف لغرفتها تنام


الاسبوع كله مر سريع والعايله منشغله في التجهيز للملكه