البارت الرابع
لورين طنشتها وقامت عنهم وراحت المطبخ وهناك ما قدرت تسكر فمها من الفجعة
كانت كل المواعين الي في الدولاب برا ووسخة هذا غير باب الثلاجة الي تاركينه مفتوح ولا مسكرينه وجاك العصير مكبوب في الأرض وعادم الأرضية (حشا ذول جن مو بأوادم) راحت غرفتها حطت جوالها على الهزاز وحطته فجيبها وجابت الاي بود ورجعت المطبخ بعد ماقفلت الباب بالمفتاح وشغلت اغنية
تجي نعشق بعض اكثر واكثر وننسى الكون باللي فيه
احبك يالغلا قد ما اقدر وتعشق قلبي وتغليه
اقدم قلبي وروحي هديه انا كلي بعد عمري حلالك
وقدرني واللي لك عليه اريح قلبك ويرتاح بالك
تجي نعشق بعض بلا ذل ومهانه ولا للهم والاحزان
لا للمفارق لا للخيانه ولا للدمع والحرمان
ابي حبك يغيرلي حياتي وتخلص لي وتعطيني حنانك
ابي دايم تحسسني بغلاتي وفي قلبك تعيشيني بامانك
تجي نحيا حبيبي مع بعضنا ونبقى للابد عشاق
نعلم كل من يعشق بعدنا اصول الحب والاشواق
وانا بوعدك ما اخيب ضنونك اببقى ياحياتي عند ضنك
عسى المولى يخليلي عيونك ولا يبعدني لو لحظات عنك
وصارت تسمع الأغنية وتشتغل ومرات ياخذها الحماس وترقص وبعدين تستوعب وترجع تكمل شغلها وهي تدعي ربها انه يفكها من هالعيشة الي تجيب الهم وتتزوج فارس وتشرد من هالشقى
&&&&&&&&&&&&&
(فمستفى الـ ..... فجدة)
كان يقوم بأصعب عملية له اربع ساعات وهو فغرفة العمليات
الممرضة الي بجنبه كانت تمسح العرق من جبينه كل لحظة والثانية واهتمامه وتركيزه كلة منصب على المريض الي فيده
الممرضة سمر : دكتور النبض مرة ضعيف بدينا نفقد المريض
فارس : لا ان شا الله ما نفقده كان منهمك فشغله
الممرضة سمر بخوف : دكتور القلب وقف
فارس بسرعة : وائل جهاز الصعق
صعقه المرة الأولى ما ستجاب والثانية ماستجاب والثالثة
سمر : دكتور النبض رجع
فارس تنفس وحس بارتياح وكمل شغله
فارس كان يوجه اوامره لممرضة نجلاء :
المقص
^
^
لاقط
^
^
قطن
وبعد نص ساعة تنفس الصعداء وخرج من غرفة العمليات وهو تعبان ومنهك لقى اهل المريض برا ينتظرون باعصاب مشدودة ومن يوم ما شافوه جو لعنده بسرعة
ابو سعود بخوف :ها يادكتور بشر ؟؟
فارس وهو يبتسم ابتسامته المطمنه: الحمد لله العمليه نجحت
وتطمن يا ابو سعود سعود بخير وبعد كم يوم ان شاء الله يقوم لكم بالسلامة
سمع الفرحة والراحة فـ صوت ناصر ابو سعود و هو يقول : الحمد لله الحمد لله يا رب مشكور مشكور يا دكتور الله يسعدك ويوفقك
وصار يضحك ويبكي فنفس الوقت وكمل: والله ماني عارف اش اقول من الفرحة
فارس والابتسامة باقي مرسومة فملامح وجهه: لا تقول شي انا ماسويت الا الواجب
وتركه عشان يروح يطمن زوجته وباقي عياله
(فارس 34 سنة مملوح جسمه مايل للسمنه عيونه سودا وشعره اسود شخصيته انسان هادئ جداً يحب الكمال فكل شي وتهمه كثير المظاهر في حالات يكون فيها مرح بس مو مع أي احد دايم مغرور وأناني ومع هذا الدكتورات منهبلات عليه بس نادراً ما يعطيهم وجه ^ـ~ الا اذا كانت كاملة في الجمال والاخلاق والصفات وكل شي لكن للأسف بعد مدة من تعارفهم يكتشف فيها شي مو حلو وانه هالجمال ناقص مثلا ان يطلع كلامها كثير فيتركها اكيد لأن ما استوفت الشروط الي يبيها او ان دلعها يكون مصطنع وهو يبي دلع رباني او تكون مايلة للقصر أو مليانه شوي من الورك أو صدرها كبير او يكتشف انها تلبس نظاره اجل هذي انسانه غير كاملة لكنه كان واثق واكيد انه فيوم حيلاقي الانسانه الكاملة )
مداخلة : لا يوجد انسان في العالم كله كامل الكمال الله سبحانه وتعالى و من يبحث عن الكمال فإنه عابث لأنه يبحث عن المستحيل!.
دخل غرفته عشان يرتاح من تعب العملية شرب مويه وجلس على مكتبه يسترخي بعد ما شغل جواله وحطه عام بعد ما كان سايلنت شاف المكالمات التي لم يرد عليها شاف 15 مكالمة من بينها مكالمتين من امه و4من رجه مجرد ما شاف الاسم ابتسم ابتسامة واسعه وحس بانتعاش وكأن التعب الي قبل شوي راح وصار هواء
لماذا انت وحدك ؟؟
من دون جميع النساء
تغيرين هندسة حياتي
وايقاع ايامي
وتتسللين حافية
الى عالم شؤوني الصغيرة
وتقفين وراءك الباب
ولا اعترض
راح للأسم واتصل
&&&&&&&
بعد ساعتين ونص كانت خلاص مخلصة وهي تنزل المريلة من وسطها حست بجوالها يدق طلعت الجوال وشافت فارس احلامي يتصل بك شقت الابتسامة ثغرها وضغطت الزر الأخضر وقالت بصوتها الحلو المبحوح الوو
لورين : اسعد الله مساك
فارس : اسعد الله ايامك يالحلوة
لورين : كيفك....من زمان عنك
فارس : هههههههه والله يانونة مشغول ولاني قادر احك راسي من كثر الشغل
لورين : الله يعينك
فارس : الحمد لله على كل حال ...المهم انتي كيفك
لورين :عايشة في الدنيا
فارس : ما سمعتي بآخر الأخبار
لورين : لا
فارس :اول شي هاتي البشارة بسرعة
لورين تحمست تبي تعرف وش عنده اكيد شي حلو : خير وش فيه
فارس بغرور: نويت اخطب بنت عمي شهد وش رايك فيها
لورين وكأن احد طاش عليها موية باااااااااردة ..انصدمت بقوة ...الرجال الوحيد الي حبته من يوم وهي صغيرة ...الرجال الي بنت عليه احلام كثير ...الرجال الي ما كانت فيوم تتخيل انه يكون لأحد غيرها او هي تكون لأحد غيره ....مستحيل يكون هالكلام صح ...مستحيل ...أكيد هي ما سمعت كلامه مضبوط ...اكيد فيه غلط وقالت وبحتها واضحة كثير : نعم
فارس : نعم ...اقولك بخطب شهد.. وانت تقولي بس نعم ...بدل ما تقولي لي مبروك
لورين وهي مستثقلة الكلمة ودموعها بدت تتساقط :مبروك
فارس تفاجأ وما توقع يكون كذا ردها بارد وحس انه في صوتها شي موعاجبه : لورين انتي فيك شي
لورين وهي تمسح دموعها بقفا يدها وتخفي اثر الدموع من صوتها : لا ...بس انصدمت شوي
فارس ارتاح شوي ومالامها لأنه حقيقي محد توقع انه بعد كل هالسنين بيتزوج بعد ما الكل فقد الأمل فيه وفزواجه
وبعد كذا أنهت لورين منه المكالمة بطريقة لبقة وهي مخفيه السكاكين الي كانت تنغرس فصدرها وأول ما قفلت الجوال فقدت توازنها وطاحت على ركبها في أرض غرفتها وانهالت دموعها بغزارة على خدودها وصارت تبكي بصمت وهي تتأمل جدران غرفتها الليمونية
إنه فعلا عذاب .. بل إنه أقسى أنواع العذاب أن تحب من لايحبك وأن تعشق من لا يهتم لأمرك ..
يقال إن القلوب عند بعضها ولكني أظن أن هذه المقوله غير
صحيحه تماما ..فلو كانت القلوب عند بعضها لما وجد مايسمى بالحب من طرف واحد أبدا ..
أعتقد أن هناك كثير من الناس يركضون خلف السراب ..ويحبون من لا يشعر بحبهم ولا يقدره ..
وحتى لو علم بحبهم ربما لايقدره ولا يهتم به أبدا .. اااااااااااه >>>الله يكون في عونك يا لورين
(خلونا نتكلم عن علاقة فارس ولورين فارس يصير ولدخالهاو لورين ما خذه عليه وبقوووووة هو مشاعره تجاهها مشاعر اخوه وصداقة لا اكثر ولا اقل لكن هي مشاعرها ناحيته غير تحبه وتموت فيه وهو ما يدري عنها تعشق كل شي يخصة تموت على التراب الي يمشي عليه محتفظة بصورو وبكل هداياه حبها له من ايام الطفولة
لورين تنهدت من قلب وقالت فنفسها ياربي شسوي والله ماعرف اش اللي يصير فيني ..وليه يصير فيني
ليه انا حظي كذا لي متى بقعد احبه
وافكر فيه وهو حتى مو بداري بهوا دراي
...قبل كنت اقول لنفسي يله مع الوقت
يمكن يصير بيحبني ويحس فيني
يمكن يشوف الحب فنظرة عيني
يمكن يفهم سبب لهفتي عليه وشوقي
يالله شكثر احبه وهو من قرادة حظي وعماه
يعتبرني مجرد طفله يالله ليه احبه وافديه بروحي ومايحس فيني
مسحت دمعة نزلت من عينها بقفا يدها وعضت شفتها بقهر وهي تقول
وان فكر يحب مستحيل يطالعلي طيب ليه يعني انا مو بحلوة مثلا
قامت من سريرها وناظرت بحيرة على صورتها المنعكسة في المراية كان شعرها الكستنائي المموج مرفوع بشباصه سودا باهمال نزلت الشباصه وتركت شعرها ينساب بحرية حتى وصل لتحت خصرها
ناظرت فشعرها الناعم بتموجاته الكثيفة وبشرتها الصافية القشدية وانفها الدقيق وشفايها التوتية وعيونها الزرق الوساع برموشها الكثيفة كانت تدري انها من النوع اللى لمى تكون فجمعه او أي مكان العيون كلهـا تلف حوليهـا ادري انه فيني عيوب كثير وأدري اني دفشة شوي وماني ناعمة ورومنسية زي رفا وادري اني مو كشخة وانيقة زي شموخ لكن برضوا يمكن تكون في اشياء تشفع لي
كشرت بوجهها وتنهدت بضيق وبعد كذا شغلت الاب وقعد تسمع اغنية اليسا الي تحبها وتحس انها فعلاً تحكي حالها مع فارس
لو بصيت قدامك تعرف لو بصيت قدامك
تعرف مين بتحبك مين اللي شايفها في أحلامك
ليه منتتاش عارفني ليه منتاش شافني
لو فكرت فيا شوية حتحس بهوايا
بيبان من سلامي بيبان من كلامي
بشتاق لك و كل ما في بيشتاق لك معايا
الايام يا حبيبي بتجري و لسه انا مستنية
خايفة لا يخلص جنبك عمري و منتاش حاسس بيا
آآآآه يا فارس ليتك تحس فيني بس ليتك
&&&&&&&&&&&&&
في الجامعة وقت البريك
رفا بقلق : والله مدري عنها ليش ما جات اليوم بجد قلقانه عليها من أمس وانا تصل عليها وما ترد واليوم شفت رسالتها في الجوال تقول لا تعدوا عليا
شموخ وهي تبعد خصله من شعرها عن وجهها :والله حتى انا امس حرقت الجوال من كثر اتصالاتي عليها ولا ردت علي آخر شي اتصلت على امها وقالت لي انها تعبانة شوي
رفا : ويش رايك نروح لها اليوم بعد الجامعة
شموخ: خلاص حلو انتي روحي لها بعد الجامعة وانا بلحق عليك في العصر لأن عندي كم شغلة كذا بسويها ضروري واجيكم اوكي
رفا : اوكي
وبعد الجامعة راحت رفا بيت لورين ودقت الباب وفتحت لها الشغالة
رفا بعد ما دخلت لقت ام لورين وجدتها جالسين في الصالة يتقهوا
رفا بنعومة : هاااي
أم لورين : هلا والله يابنتي ..الله يحيك تفضلي
رفا سلمت عليهم وجلست وبعد تبادل الرسميات سألت رفا عن لورين وقالت لها أم لورين : والله يابنتي من امس وهي فغرفتها حابسة نفسها وماتبي تتطلع منها حتى الأكل ما قرب فمها
رفا بخوف : وليه ياخالة هي ويش فيها
الجدة بلا مبالاة : والله هذا ما اغير دلع بنات
رفا : طيب اقدر اروح اشوف لها
ام لورين : ياريت والله يابنتي الله يرضا عليك ..خليها تخرج وتاكلها لقمتين لا يصير فيها شي
وراحت تدق عليها الباب ولكن ما ردت عليها وبعد ما يأست انه الباب ينفتح راحت عند أم لورين وطلبت منها المفتاح الاحتياطي للغرفة واعطتها اياه
&&&&&&&&&&&&&&
&&عند لورين&&
رغم ان الدنيا كانت نهـار الا ان الغرفة كان الظلام فيها دامس الأنوار طافيه و الستاير مقفلة باحكام والتكيف كان عااااااااااالي زي الثلج وهي فوق سريرها جالسة متربعة وتاكل اظافيرها والدموع متحجرة فعيونها كان حالها يصعب على الكافر والي يشوفها يقول عنها اتجننت خلاص
دقات متفرقة كانت على الباب لكن لا حياة لمن تنادي ماكانت ترد وانفتح الباب لتمتلي الغرفة بالنور الي كان مزعج لها
رفا وهي تحط يدها على صدرها وهي تشوف منظر لورين.تيشريت البيجاما طايح من على كتفها..شعرها مبعثر على وجهها بطريقة غير مرتبة عيونها صايرة حمر بشكل مو طبيعي وجهها اصفر
: بسم الله الرحمن الرحيم ....لورين اش فيك
لورين >>لا رد
رفا قربت منها بعد ما فتحت النوار والستاير وجلست مقابلها في السرير وقالت بنعومة وهي تبعد الخصل المبعثره عن وجه صديقتها : نونه حبيبتي وش صاير ياقلبي
لورين رفعت عيونها المورمة لرفا وقالت بألم وصوت حيل مبحوح : راح
رفا وهي مو فاهمه : مين الي راح
لورين بصوت متحشرج : فارس ....راح وتركني ...ضاع مني ....معد هو لي
رفا قلبها عورها بقووووووة على صديقتها ودموعها نزلت معها غصب وضمتها لصدرها وصارت تمسح على ظهرها وتقرا عليها لورين غمضت عينها وصارت تشاهق فحضن صديقتها وبعد ربع ساعة تقريبا لورين قالت بصوت واطي ومبحوح : انا الحين كيف اعيش من دونه
رفا : بسسسسسس حبيبتي خلاص يكفي كذا
لورين : احس اني بموت
رفا بسرعة : بسم الله عليكي ياقلبي ....بليييز لاعد تقولي هالكلام ...ان شاء الله عدوينك مو انتي
لورين وهي تمسح دموعها وترجع تنزل : امس كلمني ....وقال انه خلاص بيتزوج بنت خالي أمجاد
رفا غمضت عينها بألم كان قلبها قاعد يتقطع على لورين وقالت وهي تحاول تواسيها : خلاص يا قلبي ..لا تسوي فنفسك كذا ...عسى ان تكرهوا شيئا وهو خير لكم وعسى أن تحبوا شيئا وهو شر لكم ..قولي الحمد لله على كل شي ...وقومي يا الله خذيلك شاور سريع واتوضي وصلي ركعتين عشان نفسيتك تتحسن شوي وأنا انتظرك برا اوكي
لورين : ما ابغى
رفا وهي تقومها غصب عنها : قومي يالله بلا دلع هو الموضوع بكيفك
&&&&&&&&&&&&&&
[color="rgb(255, 0, 255)"]&&لورين&& [/color]
بعد ما اخذتلها شاور سريع وصلت لها ركعتين حست براحة كبيرة لكن الألم موجود خرجت من الغرفة وشافت رفا جالسة مع جدتها و أمها الي فرحت كثير بشوفتها سلمت عليهم وأمها حلفت عليها انها تاكل معاهم واكلت لقمتين بس عشان تسكت أمها وما تضايقها أكثر من كذا وفي العصر جات شموخ واجتمعوا الاثنين على لورين وخلوها تخرج معاهم غصب وراحوا شاطئ لاكوستا عشان يغيرون مود لورين وفعلا هذا الي صار مع الضحك والتريقة وجو الوناسة قدرت لورين تنسى فارس وتدخل معاهم جو
&& في صالة القيم &&
شموخ :ههههههههههههه اتحداك
لورين : هاي يا قلبي لا يكبر راسك عشان غلبتيني في البلياردوا الحين انا أغلبك وأهزمك شر هزيمة في البولينج
شموخ وهي تضحك وتمد لها لسانها بطفولية : اتحداااااكي
شموخ مسكت الكورة ودحرجتها بأقوى ما عندها وطيحت اثنين بس من الأوتاد
لورين ضحكت بشاماته واخذت الكورة ومن اول رمية طيحت كل الأوتاد وبفرحة نقزت تغني وتهز خصرها وتدق رقبه بلعانة تقهر شموخ : حيووووووووووه حيو حيو حيووه هههههههههههههههههه
رفا جاتهم وهي تدخل الجوال في شنطتها بعد ما خلصت مكالمتها واتسع ثغرها بابتسامة واااسعة ما لبثت ان تحولت هالابتسامة الى ضحكة عالية وهي تشوف لورين تترقص وتستهبل على شموخ الي باين انه عرق فيها بيطق >>خخخخخ
وعلى الساعة 10 رجعوا بيوتهم تعبانين ومرهقين وناموا على طول بدون تفكير
في صباح يوم جديد
فغرفة صغيرة أي احد يدخلها يحس بقشعريرة بسبب الهوا البارد من التكييف كانت نايمة فسريرها الوردي كانت غرفتها كلها لونها وردي وداخل معاه شوي من اللون الأخضر الفاتح (التفاحي) الي يدخل غرفتها يحس انه صاحبه هالغرفة انسانة ناااااااااعمة ورقيقة وفعلاً هي كذا ورغم انه غرفتها مو ذاك الكبر الا انها كانت ذوق فكل شي حتى اللوحات الزيتية الي راسمتها وماليةفيها الغرفة كانت رايقة وناعمة مثلهامن تحت البطانيه الوردية الي شكلها تحوي بالدفا وتجذب اي شخص للنوم تحتها حركت شموخ عيونها بشويش وتمددت بكسل طالعت في الساعة التفاحيه الي على الكومدينو جنبها لقتها 8 الصبح قامت من السرير بكسل وراحت دورة المياه (الله يكرمكم) وخذتلها شاور صحصحها مضبوط لبست شورت رمادي وبدي وردي
طالعت نفسها بالمراية وحطتلها كريم مرطب لوجهها الأبيض وبشرتها وتعطرت بعطرها الصباحي الناعم Boss
خذتلها شباصة رفعت بيها شعرها الأشقر لفوق
شموخ ( 23سنة بنت نعووووومة ومررة بريئة ملامحها كانت بين الملامح الخليجية والغربية عشان أمها الفرنسية الأصل وعيونها خضر يهبلووو وجسمها كان ابيض بلون الثلج وشفايفها وردية خلقة وعليها غمازات لاضحكت تذبححححححححح
شعرها اشقر كثيف يوصل لكتوفها قاصته مدرجات على طوله مغرورة وشايفة نفسها بقوة وماتعطي لأي أحد وجه الا القريبين منها وماهم كثير فيها شوية تهور ومع احداث الرواية حتعرفوا انه تهورها ذا حيوديها فداهية >>> بس خلونا نقول الله يستر )
وهي خارجة من الغرفة سمعت صوت التلفزيون في الصالة وعرفت انه في احد صاحي في البيت غيرها
دخلت الصالة بهدوء ولقت اختها أنهار
شموخ : السلام
أنهار : وعليكم السلام
شموخ وهي تبتسم : وش مصحيك من بدري
أنهار : مدري
شموخ : فطرتي
أنهار:لا والله باقي ما فطرت
شموخ : وين اسكوما
انهار : نايمة ..أصحيها
شموخ : لا لاتصحيها امس مانامت بدري خليها تنام لها شوي لأنه اليوم في شغل كثير
أنهار : وليه ؟
شموخ بلا مبالاة : بابا اليوم بيجي من ماليزيا هو ومرته الجديدة
أنهار بصدمة : وش عرفك؟
شموخ : محمد قلي أمس
أنهار بتريقة : يعني خلاص خلص شهر العسل
شموخ : يب
أنهار : شوشو تتوقعيها حلوة
شموخ : مدري ما قد شفتها والظاهر انها صغيرة
أنهار : ليه هو كم عمرها لاتقولي في الثلاثين
شموخ وهي تضحك : لا في العشرين
أنهار فتحت فمها بجد من الصدمة : نعم؟
شموخ: وازيدك من الشعر بيت اصغر مني بسنتين
أنهار ما علقت الصدمة شلت لسانها
شموخ وهي تضحك جلست جنب اختها وضمتها تحاول تخفف عنها : لا تنصدمي حياتي خلي الموضوع يمر ايزي اوكي بعدين هذي مو أول مره بابا يتزوج فيها صح ولا انا غلطانة
أنهار وتوها بدت تطلع من الصدمة : صح بس هالمرة غير هالمرة الي تزوجها مررررررة صغيرة يعني ما بيني وبينها الاخمس سنوات او ماي قاد
شموخ وهي تمسح على شعر اختها : لا غير ولا يحزنون احنا اذا شفناها كويسة وطيبة راح نكون اطيب واحسن منها اما اذا كانت مش كويسه وبطالة
قاطعتها اختها وقالت :ر ا ح نكون اسوأ منها
شموخ وهي ترفع حاجبها : لا مراح نكون اسوأ منها راح نتجنبها قد ما نقدر ونبعد عن المشاكل سامعتني ولا لا
أنهار : بس
شموخ وهي تقوم وتسحب اختها : يالله عالمطبخ خلينا نسوي لنا فطور
عائلة أبو محمد رغم انه كان يتزوج كثير الا انه حالته المادية ماكانت ذاك الزود لا كانت عااااااااادية
أول حرمة اتزوجها كانت عائشة وجاب منها ولد اسمه محمد أكبر عياله والحين متزوج وعنده ولدين وبعدها معد قدرت تجيب فتزوج عليها نورة وجاب منها عزام
وكان مسكن حريمه الثنتين مع بعض فنفس البيت وكل وحده لها غرفة وبعد 5 سنين ماتت عائشة أم محمد وبعد شهرين من موتها سافر فرنسا وتزوج هناك وحدة فرنسية اسمها (سيسيل ) وجاب منها بنت الا هي شموخ ما طول معاها لأنه بعد ما صار عمر شموخ سنة طلقها وأخذ بنته معاه لأنه الأم ما تبغاها تبغا تعيش حياتها ووداها عند نورة اللي خذتها وربتها ولما صار عمر شموخ سنتين جابت نورة بنت وسمتها انهار وماتت وهي تولدها وبعد كذا تزوج ابو محمد 3 مرات ومن زواجاته الثلاثة ما عنده الا ولد وبنت من نوال الي تزوجت وتركت عيالها فبيت ابو محمد
سمر 7 سنين وسامر 12سنة
وحالياً سمر وسامر عند امهم نوال
يعني عايشة أم محمد وسيسيل ام شموخ ونورة أم عزام وأنهار ونوال تصير أم سامر وسمر >>شغلتهم شفلة صح !!
محمد 28 سنه موظف فشركة ارامكوا طيب وحنون لكن مشغول مع مرته وعياله ولا يحب يجي عندهم لأنه يكره ابوه ولا يحب يطب له بيت عشان كذا اخوانه لا حبوا يشوفونه يروحوله البيت
عزام 26 سنه
مغزلجي درجة أولى ولا في بنت تركها فحالها ولا غازلها
والشي الوحيد الي حلو فيهم انهم يحبوا بعض >> اقصد الأخوان
يدرس برا فامريكا ادارة اعمال ويجيهم في العطل لكن هاليومين ما خذ له اجازه
في المطبخ
شموخ وهي تدهن التوست بالمربى : ههههههههه والله انك تحفة وبعدين وش صار
أنهار : هههههه ولا شي عادي سويت نفسي بريئة مدري عن شي
شموخ : هههههههههه الله يقطع ابليسك انا ما ادري بس متى بتعقلي
فجأة دخل عزام : وش الطاري اليوم الحلوين قايمين بدري ولاااا ويسوون فطور بعد
أنهار :أبد والله بس كذا من الطفش
شموخ : ايوه صح عزام وش اخبار يارا
عزام : يارا مين
أنهار وهي تغمز : علينا
عزام: هههههههههههههههه
والله بجد مدري يارا مين
شموخ : الله يخلف الشرهة مو بعليك الا من كثرة البنات الي تكلمهم
عزام وكأنه اتذكر : اها يارا هذيك
أنهار : ايوا يارا هذيك ماغيرها الي شفنها معاك فردسي مول
عزام : أوووه هذيك سحبت عليها من زمان
شموخ وهي تقفل علبة المربى : ما اقول غير الله يخلف على ام جابتك
عزام : ههههههه
أنهار : عزامووو سمعت بأخر الأخبار
عزام : لا قولي وش عندك
أنهار : ابوي ومرته الجديدة جاين اليوم
عزام : وان جو خير ياطير
أنهار : تصدق عروسته صغيرة عمرها 21 سنه تخيل
عزام وهو يصفر : والله هالشايب مو سهل وانا اقول وراه مسافر ماليزيا فشهر عسل
شموخ : عزام تتوقع هالزواجه حتطول معاه ولا لا
عزام : ههههههههه والله اشك يمكن ما تتحمل طبع ابوك الصعب وتطفش مثل غيرها
أنهار : هههههههههه الله يسمع منك يارب ياالله ياحلوين انا طالعة غرفتي اذاكر
عزام : الله معك وانا بعد طالع انام من امس ما نمت
شموخ : هو انت فاضي لغير الدشرة
عزام مارد عيها وقال تصبحو على خير
وطلع لغرفته وانسدح ونام لأنه سهر لوقت متأخر
فغرفة أنهار
اول ما دخلت الغرفة بسرعة عالجوال ودقت على فواز حبيبها
أنهار : صباح الخير
فواز : صباح النور ..عمري متى صحيتي؟
أنهار : أنا صاحية من بدري دقيت عليك ومارديت
فواز :أمس كنت سهران وما نمت الا متأخر
أنهار : ليه يا قلبي
فواز : نسيتي امس كان عرس واحد من الشباب
أنهار: يييو نسيت,عموما قوله مبروك
فواز : هههه قلتله امس كم مره اقوله؟
أنهار:هههه لا هاذي مني
فواز:وليه انا اوصله شرايك اعطيك رقمه وتدقين تقوليله مباشره احسن
أنهار وهي تمزح:ولله عادي؟
فواز يعنني معصب:حلفي زين يلا مناك
أنهار :ههههههههههه فديت الي يغار انا,شدعوه فوفو عصبت
فواز:لا زعلت ولاشي اصلا انا ما اقدر ازعل منك
أنهار:اكيد
فواز:اكيدين بعد
أنهار:طيب حبيبي انت ارجع نام وانا بعدين اكلمك,اوكي
فواز :اوكي,بس لا زم اليوم اشوفك
أنهار:لا فوفو اليوم مره صعب
فواز : ليه صعب حياتي ما اعتقد انه في احد بيمنعك وكمل : أصلاً ما حد داري عنك>>وكان هالكلام للأسف حقيقة فهالبيت محد يدري عن أحد وكل واحد فيهم عايش حياته
أنهار : صح كلامك حياتي بس اليوم بابا بيجي من ماليزيا هو ومرته الجديدة ولازم كلنا نكون موجودين
فواز : ما يهمني ابوك بيجي اليوم ولا لا المهم اني لازم اشوفك واقعد معاك ولو حتى شوي
أنهار وهي تفكر : خلاص اشوف
فواز : لا مو تشوفي لو كنتي تحبيني كان جيتي
أنهار : فواز انت تدري اني انا احبك وكم مرة اثبتلك ذا الشي
فواز(لأنك وحده غبية) : ادري حياتي بس اليوم متى اشوفك
أنهار :امممم خلاص العصر ساعة ونرجع اوكي
فواز : اوكي يالله تصبحي على خير
أنهار : وانت من اهله حياتي
قفلت منه وباست الجوال وهي سرحانه وتقول احبه يناس والله احبه
|