السلام عليكم ورحمة الله وبركاته
الكاتبه حاطه البارت السادس اعتقد هي متلخبطه في الاعدادا دورت الصفحات مالقيت الخامس فبكون ملخبطه
البارت السادس
فبيت رفا
صحيت من النوم وهي حاسة بكسل مو طبيعي طالعت الساعة لقتها 12 الظهر
رفاوهي تتمدد بكسل على سريرها البنفسجي الواسع أخذت نفس عميق وطالعت في الجوال الي كانت حاطتة سايلنت ولقت مكالمتين من امها و3 من بنت عمها حلا اخت خالد طليقها الي لها مطلقة منه الحين 6شهور ابتسمت بحزن ودقت على امها
شيخة أم رفا: الو حبيبتي
رفابصوت فيه شوية نوم :ايوا ماما
أم رفا: توك صاحية
رفا: امممم
أم رفا: اوكي حياتي انا دقيت عليكي كنت بقولك انه وابوك برا البيت خرجنا نتغدى وشوي جايين طيب
رفا: اوكي ماما
أم رفا: توصي شي حياتي
رفا: انتبهو لنفسكم
أم رفا: هههه اوكي يالله حبيبي باي
رفا: باي
قامت من السرير وراحت دورة المياه (الله يكرمكم ) تاخذ لها شاور
بعد ما طلعت تأملت غرفتها الي باللونين البنفسجي والأبيض كانت غرفة ناعمة تدل على شخصيتها
تذكرت خالد لما كانت تقوله انا ابغ غرفة نومنا بنفسجي
خالد : نو وي انا ما احب هاللون
رفا: ليه ؟؟ والله ياخذ العقل وتراه لوني المفضل
خالد : يعني لو انتي تحبينه لازم انا احبه
رفاسكتت وما حبت تعابطه اكثر من كذا لأنه كانوا دايم يختلفوا فأذواقهم حتى في الأشياء الصغيرة وكانت هي
دايم تسلم له وتسكت او تقول خلاص الي تشوفوا حبيبي ابتسمت بحزن على هالذكرى وهي تحاول قد ما تقدر تطردها من راسها
هذا هو خالد كانت فحضوره تنعدم شخصيتها ويصير هو الي يقودها قالت فنفسها خالد خلاص يارفالازم تنسيه صار ماضي وصفحة سودا لازم تطويها من حياتك للأبد
لبست بجامة بيضاء بدون أكمام وحطتلها كريم مرطب ورفعت شعرها الأسود الليلي ذيل حصان طالعت فنفسها بالمراية وابتسمت كان كل من يشوفها يقول انه فيها عرق هندي من جمالها وجمال شعرها الي نابت من قدام
(رفاالي يشوفها ما يقول عنها الا سنو وايت من شدة بياضها وعيونها كانت سود ووساع ومكحلة خلقة اما شعرها اسود ناعم وكثيف بشكل مو طبيعي طويل لنص ظهرها قاصته شلال على طوله وراح اختصر جمالها واقول انها تشبه فجمالها جمال ممثلات بوليوود الهنديات لكنها بيضاء )
خذت جوالها وراحت علـ المطبخ وهناك لقت الشغالة سمياتي
رفا: سمياتي سوي لي فطور
سمياتي : مدام لفا انت اش ابغى
رفا: مدري سوي أي شي
سمياتي : سوي بان كيك وعصير نأناع وليمون
رفا: يس
سمياتي : اوكي
راحت رفاالصالة وحطت mbc1 على صباح الخير يا عرب
وطت الصوت ودقت على حلا
حلا : هلا والله برفو الحلوة وينك من الصبح عن الجوال
رفا: ههههههههه والله كنت نايمة
حلا : ههههههههه الله يقطع ابليسك كل ذا نوم
رفا: شفتي كيف
حلا : المهم متى بتجون اليوم بيت جدي راشد
رفا: أمممممممم اعتقد بعد العشا مباشرة
حلا : خلاص اجل قبل لا توصلي بشوي دقي علي
رفا: نو بربلم
&& رفا &&
فالليل وبعد صلاة العشاء مباشرة كانت تلبس وتتجهز عشان تروح بيت جدها خذتلها شاور بالزيوت العطرية وشغلت الاستشوار لحتى تستشور شعرها بس مارضي يشتغل
( ياربي وشفيه هالاستشوار الزفت اروح عندهم وانا شعري كذا مبلول اوووووووف والمشكله انه ما يتجلجل بسهولة ولا يتلف ربع ساعة ولا ثلث ساعة ويرجع يسيح من نعومته) قامت صلت العشاء وخذت جوالها ودقت على لورين صحبتها
رفا: هاي
لورين : هاي وشفيك بدال ما تتكشخي تدقي عليا لهدرجة واحشتك
رفا: هههههههههه بلا كلام زايد استشواري خربان وابي استشوارك
لورين : ههههههههههه والله انك تحفة وتوك تدري انه استشوارك خربان
رفا: وانا وش يدريني امس كان شغال حلاوة بس اليوم مدري وشفيه
لورين بمزح: شكله زعلان
رفا: هههههههههه شكله
لورين : خلاص ثواني وارسلك عزوز بالاستشوار
رفا: بليييز نونه لاتتأخري
لورين : ماعليكي انتي البسي وانا بجيبه حطي فبطنك بطيخة صيفي يالله باي
رفا: باي
وفعلاً ربع ساعة والا لورين ارسلت الاستشوار أما رفاكانت قد لبست فستانها الأحمر القصير للفخذ والي اشترته من عزيز مول طلع عليها الفستان مع بياض بشرتها الناصع ياخذ العقل استشورت ..وسوت بف خفيف من قدآم ونزلت خصلتين على جنب والباقي رفعته بشبآصه صغيره حتى بعدين تتركته مفرود بعشوآئيه ... حطتلها بلاشر وردي وكحلت عيونها باللون الأسود ولبست عدسات زرقا وحطت ماسكرا زرقا وبلاشر وردي وقللوس أحمر بلمعة وكان جداً صارخ والنتيجة النهائية طلعت ملكة جمال بكل ما تحملة الكلمة من معنى كان جمالها فتان
لبست صندلها الأحمر الي كعبه عالي وخذت شنطتها البيضا الي اشترتها من bonia أخذت العطر ورشت على نفسها رشتين وبخت على يدهآ اليسار ومسحت شوي على رقبتهآ قرت علـ نفسها
وخرجت من الغرفة شافت امها لابسه عبايتها وخالصه
أم رفايوم شافت بنتها : بسم الله مشاءالله ...الله يحفظك يابنتي من العين قريتي على نفسك
رفاوهي تبتسم لأمها : يس
أم رفا: معليه حبيبتي تعالي اقرى عليك مره ثانية وقرت عليها
ابو رفا: ها خلاصتو
ام رفا: ايوا حبيبي خلاص جاهزين
ابو رفاوهو يبتسم بفرح : اكيد الناس اليوم كلها بتحسدني
ام رفا: ليه
ابو رفا: لأنه معايا احلا حوريتين
رفاوشيخة : ههههههههه
فبيت جدها أول ما دخلت رفاوبدون أي مبالغة كان المكان كله هرج ومرج وازعاج وصياح بس من يوم ما دخلت رفاهدوء وسكون غريب حل عليهم لفتت الانظار لها بطولها المتناسق مع تفاصيل جسمها .واناقتها .
لها طريقة في الدخول تخلي الكل مجبور يطالع فيها وصارت تتميع في مشيتها مثل الحلم وعبايتها تنفتح مع كل خطوة مميزة مثل خطوات عارضات الازياء
عمتها الكبيرة فدوى : هلا وغلا برفاتو مانور البيت
رفابنعومة : ههه البيت منور بأهله
فدوى : حياك حبيبتي فصخي عبايتك ترى البيت بيتك
رفاوهي تفصخ العباية : يسلمو
عمتها بدرية : مشا الله يا رفاكل يوم احلى من الثاني
رفا: عيونك الحلوة
وشوية كذا جات مرت عمها أم خالد رفاسلمت عليها وعلى بناتها
حلا : واااااااو اليوم الحلوين زايد حلاهم
رفابتواضع : اكيد مو احلى منكم
سمر : هههههههه والله لو ربي معطيني ربع جمالك كان لقيتي الغرور مقطعني تقطيع
حلا : اجل الحمد الله انك ما انتي مثلها
رفا: ههههههه الا وين جدتي نهى ما اشوفها
فدوى : جدتك حبيبتي فغرفتها اذا بغيتي اطلعي فوق سلمي عليها
رفا: اوكي بنات تجون معايا
سمر : لا لا انتي روحي احنا سلمنا عليها اول ما دخلنا
رفا: اجل اشوفكم بعدين
رفاراحت عند جدتها ودقت الباب
نهى جدة رفا: ادخل الباب مفتوح
رفادخلت وهي تبتسم : السلام عليكم
جدتها : هلا والله ببنيتي رفاكيفك يا بنتي وش اخبارك
رفاوهي تضحك بنعومة لجدتها: الحمد لله ياجدة انا بخير
جدتها : دوم يابنتيتي هالضحكة مو يوم
رفا: تسلمي يا جدة انتي كيفك
الجدة : دام شفتك انا بخير يابنتي
وجلست تسولف وتضحك مع جدتها الي قعدت تعطيها نصايح وحكم وتحكيها بأيام زمان
ورفاتسمع لجدتها الكلام الي يعجبها تدخله فراسها والي ما يعجبها تدخله من اذن وتطلعه من الثانية >>>خخخخخخ
وبعد حوالي ربع ساعه استئذنت رفامن جدتها عشان ترتاح ونزلت تحت عند الحريم
وشوية كدا دق جوالها
ذبحني الشوق في غيابك ليالي الشوق في غيابك خذتني
نسيت الناس باسبابك وكل الناس بغيابك نستني
رفعت الجوال وشافت شوشو يتصل بك ابتسمت وهي ترد : هلا والله بشموخ
شموخ : هلا بيك كيفك
رفاوحست انه صحبتها مو على بعضها وفيها شي : شموخ وشفيه صوتك كذا في شي مزعلك حياتي
شموخ بكذب : لا
رفاعرفت انها تكذب عليها : شموخ حياتي لو حاصل شي قوليلي
كانت تكلمها وهي تخرج علـ حوش عشان تقدر تكلم براحتها بعيد عن الازعاج
شموخ بقهر: مرت بابا الجديدة
رفا: وشفيها!!
شموخ : تصدقي يا رفاشكلها مرة مو بهينه
رفا: ليه ياقلبي تقولي كذا
شموخ : هذا لأنك ما شفتيها تقولي كذا
رفا: بليز شموخ تراك فجعتيني قولي وش صار
شموخ : تخيلي مافي غرفة في البيت عجبتها الا غرفتي
رفا: تيب
شموخ : تقول ودها بغرفتي وبابا موافق تخيلي يقول من بكرة وانا لازم أكون مفضيتها واخذ الغرفه الثانية الي اصغر منها تخيلي يطردني من غرفتي عشانها
رفابصدمة : نعم!! خير احنا وين عايشين
شموخ بضيقة : بجد حاسة اني متضايقة
رفاوهي تحاول تواسيها : ادري ياقلبي والله ادري وحاسة فيكي
شموخ : انا ابغى اعرف هي وش قصدها بحركتها ذي اصلا من يوم ما جات وهي تطالعني من فوق لتحت كاني مو عاجبتها ولا قاتله لها احد من عيالها مدري وش بها حاطه نقرها من نقري مع اني ما سويت لها شي
رفا: اكيد غيرانه منك مع انه هي اكبر من ذي الحركات يعني وحده فسنها المفروض ما تكون حركاتها كدا
شموخ : شكلي ما قلتلك ترا مرت بابا الجديدة اصغر مني بسنتين
رفابصدمة : نعم يعني عمرها21 سنه !!
شموخ : يب والظاهر من الي شفته اليوم انها ماهي بسهلة ومخليه بابا زي الخاتم فصباعها
رفا>> لاتعليق
شموخ: والله قهرررر
رفا: معليه حبيبتي انتي اهدي الحين وقومي صلي لك ركعتين وان ما حسيتي براحة اخرجي مع لورين أي مكان وغيري جو
شموخ : ماني بقادرة حاسة اني مكتومة وفي شي مضيق على صدري
رفا: لا ياقلبي ان شالله بتقدري ويالله قومي صلي ركعتين وانا ساعتين وبرجع اتصل اطمن عليكي
شموخ : اوكي يالله باي
رفا: باي
قفلت رفاوهي مرررررررررررة متضايقة عشان صحبتها والله شموخ طيبة وما تستاهل الي قاعد يصير لها حبت انها تغير مود الحزن وتغني اغنية تفرحها
وقعدت تغني بصوتها العذب الشجي اغنيتها الي تموت فيها
عيونك آخر آمالي وليلي اطول من اليم
كيف ألقى كلامٍ عذب يوصف دافي احساسي
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت اقداري في دربك وصرتي في عروقي الدم
احبك كثر ماسالت دموع وما نسى ناسي
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
انا من كثر ما احبك ابيك كثر رمل اليم
وابيك فوق الناس وابي ماينحني راسي
كان خارج من مجلس الرجال عشان يجيب جواله الي نسيه في السيارة وسمع صوت يعرفه اكثر من أي شي في الدنيا صوت وحشه من زمان صوت عشقه اكثر من الهوا الي يتنفسه حس انه يتخيل زي العادة يتخيل صورة وجهها يتخيل صوت ضحكتها الناعمة يتخيل طيفها لكن هالمرة لا مو خيال زي المرات الي فاتت هو متأكد من كذا قرب من مكان مصدر الصوت وشافها هي نفسها يالله قد ايه هي محلوة سبحان الي خلقها واحسن فصورتها كان نفسه يقرب منها كان وده يلعب بخصل شعرها اللي مرميه على كتفها الفستان كان خيال عليها .. قلبه انتعش وهو يشوفها
حس بالندم الي قد شعر راسه يقطعه تقطيع ندم لكل لحظة عذبها فيها ندم لخيانته لها ندم وياليت ينفع الندم بفعايله الغبية ضيعها من يده كانت ساكته وصابره عليه وعلى سكره وعربدته وعصبيته ولا قيد اشتكت عليه أو طلعت فضايحه لبرا
أنا اصلا انسان غبي متخلف ضيعت من ايدي جوهرة لو اقعد العمر كله ادور ماراح الاقي ربعها
قرب منها بشوي وهمس باسمها : رفا
|