البارت التاسع
عندما تحب من ليس لك
يشل لسانك عن الكلام
تبكي وحيدا في الظلام
تبحث اسباب الجفاء وانت وحدك الملام
احببت طيفا تراه ولا يراك
تسمعه ولا يعرف الكلام
يمشي وكأنه لا يرى
وتبعث له بألف رساله مع الهوا والمعارف والاغراب
لكنه امي لا يعرف القراءه
ولا يفهم الرموز المخفيه في الكلام
انها مجرد سطور يقرأها كغيرها
ولا يعيرها اي اهتمام
وتبقى انت المحب الحزين الوحيد
تبكي وتضحك وترسم مع السراب اكبر الاوهام
وتجمع الاحلام كلها وتنتظر واقفا بالباب وما فائده الانتظار
ابكي او اضحك
فأنت وحدك في عزله تمارس الانتظار
تعايش الحب والانكسار
لكنك تستحق ما يحصل لك
لانك تحب من ليس لك
كانت فمكان مثل السيب لكنه طويل طويل و مظلم تركض وتركض وتركض و تصيــــــح تحاول تدور لها مخرج من هالمكان
لكن ما في مهرب أصوات غريبة زي صوت صفير الريح وأصوات ثانية ما تدري وشهي بالضبط زادت من خوفها وصياحها وذيابة كثير تجري وراها تبي تنهش فلحمها وفجأة من العدم طلعت لها فجوه مظلمة تتسسسع وتتسع
ومن وسط هالفجوة شافت وجه مو بغريب عليها وجه حافظته حافظه كل تقاسيمه نادت بصوت عالي باسمه (فاااارس ) كان هو بالنسبة لها مثل طوق النجاة وجات تركض له بس الطريق له كان كله شوك وقفت مكانها وصارت تنادي عليه لكنه كان مايرد رغم انه سامع صوتها وهي تستنجد به لكنه كان لامبالي اعطاها ظهره وراح وهو ماسك يد وحده ماتدري من هي وحدة غريبة عنها ملامحها غير واضحة ..... وماحست بنفسها الا وهي طايحة من فوق جبل عاااااااالي صاحت بصوت عالي :لاااااااااااااااااا
وقامت من نومها وهي مفجوعة جلست على سريرها وهي تشهق والعرق يتصبب منها وصارت تقول : بسم الله الرحمن الرحيم بسم الله الرحمن الرحيم
رجعت شعرها على وراء وناظرت في الساعة المعلقة على الجدر وشافتها 5 ونص رمشت بعيونها اكثر من مرة وقالت : أعوذ بالله من الشيطان الرجيم وش هالكابوس المرعب بعدت الحاف عنها وقامت من سريرها تبي تشرب مويه حاسة انها حيل عطشانه دخلت المطبخ وشربتلها موية وصلت الفجر ولأن النوم خلاص طار ومستحيل يرجع لها ثاني مرة راحت خذتلها شاور سريع ... ولما لبست ملابسها قالت (خليني اروح الصالة افرفر في القنوات يمكن الاقي شي صاحي واتفرجه )وهي خارجة من الغرفة بدى بالها يشتغل بفارس .... وبدون ماتحس رجعت الغرفة وقفلت الباب ومدت يدها لدرج الكومدينة وطلعت دفترها الأحمر وفتحته .... كان مليان ورد مجفف ويفوح منه ريحة عطرها (فلانتينو) فتحت أول صفحة والي كانت ملصقة صورته فيها... طلعتها وجلست تتأملها ...مررت اصابع يدينها على معالم وجهه في الصورة بحب وشوق
ياربي شسوي .... افكر فيك ليل ونهار .... وقلبي كل ماله يتولع اكثر واكثر ... والبلا اني دري انك منت بحاس فيني.... آآآآآآخ ياقلبي .... شلون ارتاح شلون ؟!! مسكت القلم وبدت تكتب في الدفتر
فقط هو ..
كان موجودا معي دائما ..
فقط هو ..
أراه حتى لو أغلقت عيناي ..
مع أنه لم يقل لي بعد أنه يشتاق إلي ..
لم يقل لي بعد بأنه يحبني ..
لكن
هو الذي علَّم قلبي كل شيء عن الحب ..
هو الذي ظل معي من بداية الدرب ..
دائما ما تمنيت أن تكون لي ..
و على هذا الأمل انتظرتك ..
أنت من أرسلته لي السماء ..
لأكون معه للأبد ..
سأحبك ..
حتى لو تساقطت دموعي ..
سأحبك ..
حتى لو ذهبت و تركتني ..
فأنت الوحيد ..
الذي سأبقى معه للأبد ..
قفلت بعد كذا الدفتر ورجعته مكان ما خذته فدرج الكمودينة الي جنب راسها وبلا شعور صارت تبكي
فكم هو صعب ومر أن تعشق شخصا وتحبه إلى درجة الجنون .. وهو
لايعلم بهذه المشاعر التي تمتلكها تجاهه ..
كم هو مؤلم أن تبني أحلامك على هذا الشخص .. وهو لايعلم عن حبك
ولا عن أحلامك شيئا ..
&&شموخ&&
يوم الابعاء الساعة 4 ونص العصر
نزلت الآيبود من اذنها وقفلت جهاز السير وشربت جرعة موية تطفي فيها عطشها مسحت حبات العرق الملامسة جبهاتها وقطبت جبينها متضايقة من حال لورين البارحة ما قدرت تنام والنوم كان مجافيها لورين ورفا اقرب لها من نفسها ويحز عليها تشوف لورين في هاذي الحالة وماتسوي شي ( بالله مو الدنيا حلوة من غير رجال أصلا كل المشاكل ما تجي الا من تحت روسهم .. يقولون الحريم ساس البلا وحقون مشاكل وما يشوفون نفسهم من جد يوم قالو شين وقوي عين ...وعاد من زينه فارس الأبله هذا اللي تموت فيه لورين ....ودها تعرف وش محبب هالهبله فيه صح انه دكتور لكن برضه في اشياء الواحد ما يقدر يتغاضى عنها مغرور على ولا شيء!! أفكاره ومبادئه مو صاحية إنسان أناني وكله عيوب هي صحيح ما تعرفه ولا قعدت معه لكنها شافته أكثر من مرة وكلام لورين الكثير عنه وضح لها أشياء لورين لأنها تحبه وعين الحب أعمى زي ما يقول المثل ما تشوفها مثلا لما يكلم لورين يكون كل الكلام عنه ولما لورين تتكلم ما يعجبه الكلام ويرجع لموضوعه هو ... كلامه كله فاضي وغبي وماله أي معنى .......ثقيل طينة وبقووة ... ما يهمه احد أهم شيء نفسه ثم نفسه ثم نفسه ثم الطوفان عاداته صعبة ومو أي احد يقدر يتعامل معه فيها لأنه طبعا يحب الكمال وكأنه هو كامل ما شاء الله عليه ....ما كأنه من جنبها لا جمال ولا شي صح انه مملوح لكن مو مرة شكله كان جداً عادي وفوق ذا كله كان انسان فاضي من جوه ..وهي متأكدة انه هذا الإنسان ما يصلح للورين واللي كانت متأكدة أنه ما يشوفها أنثى من أصله وطيبتة وحنيته الزايدة اللي تقول عنها لورين يوم كانت صغيرة كانت عادية بس لورين مصورتها اكبر من حجمها لأنها كانت فذاك الوقت فاقدة حنان ومحتاجته ولقت من هذا الحنان شوي عند فارس ومشاعرها ناحيته الحين هي مشاعر بنت لأخ أكبر منها أو حنان أب انحرمت منه يوم إنها صغيرة ...ولو أتزوجته متأكدة إنها ما راح تقدر تستمر معاه لأنهم وببساطة ما يصلحون حق بعض لورين تحتاج لرجال حقيقي يحبها بجد ويقدر يعوضها عن الحنان اللي فقدته فصغرها لرجال يقدر يحميها ويحسسها بلأمان اللي فاقدته من وفاة ابوها الله يرحمه رجال يرجع ثقتها لنفسها مو يسلبها منها زي فارس واللي ما تدري ليه لورين مو بعاجبته صحيح انه لبسها جاي من المريخ وما تهتم بشكلها ولا بنفسها لكن جمالها كان واضح وصارخ كانت بجد ملفته للنظر ولا أي مخلوق يقدر يقول عنها شي غير هذا هي بس لو تلبس زي الناس الصاحية وتتصرف مع الناس بطبيعتها زي ما تتصرف معاها هي ورفا أكيد الكل بينهبلوا عليها أكثر )ابتسمت واتسعت ابتسامتها وهي تتخيل شكل لورين وهي لابسة بنطلون وبلوزة بألوان متناسقة أو فستان ناعم وحاطة مكياج جدا بسيط كيف راح يطلع شكلها صح !! ليه لأ ...خليني أكلم رفا عشان نقدر نتفق عليها لأني أعرف انها مارح توافق
|