[درة الاحساء]

في غرفة مشاعل اللي كانت توهـا طالعه من الحمام ولبست تنــورهـ وبـلوزهـ
كانــوا جنــان عليهـا ومشطت شعرهـا ولفتــه بطريقه عشوائيــه بس حلوهـ عليــه ونزلت تحت بسرعه تبي تلحق على شيخه
بس عيسى اللي كان قاعد بالصالـه حطمهـا لما قال لهـا أأنهــا رااحــت
مشاعل وهي تتخصــر : هـذا وأنــا قاعدهـ أأسبح بسرعه بسرعه ..
عيسى : راحـــت عليــج
مشاعل وهي تقعد جنب عيسى : طبعـا خليتهـا تروح وهي زعلانــه
عيسى :لاااااااااا خبرج عتييج ... راضينـاهــا ..
مشاعل بفرحه : صج ..؟؟ شقلت لهـااا
عيسى : أأسف وماأسف ومن هالكلام ... وبعديـن اصلا شيخووهـ ماكانت زعلانه .. تتغــلـى الاخت

طلعـت لهم أم فيصل اللي كانت لابسـه عبايتهـا
عيسى لأمه : على ويــن يالغاليــه
أم فيصل : بروح لأختك المستشفـى ويمكن أنــام عندهـا اليــوم ...
مشاعل : أأخذيني يمه معــاج ....
أم فيصل : روحي لبسي عبايتج ...
مشاعل راحت بسرعه غرفتهـا علشـان تلبس عبايتهــا
أم فيصل لعيسى : وأنت ؟ ماراح تجي المستشفــى ؟
عيسى بغشمرهـ : مايمديني أأشتــاق لهــا
أم فيصل ( مامنك فايدهـ ) : زيــن قوووم
عيسى : لـيــش ؟؟
أم فيصل : قوم وصلنــا المستشفــى
عيسى : زيــن خلي عـ... ( تذكر أنه عبدالله بالنادي قام وقال ) آآآآآآآآآآآآآآآآآآآآآآآآآ خ ... أأمري لله
أم فيصل : بس أول شي أأبيك ترد الصحوون مالت الجيران عليهم
عيسى رد بسرعه : ولا يمكن .... بيـت فيــه جليل الذوق ماأأطبــه .. خلي عبووود يردهم هذي شغلته
أم فيصل عقدت ملامحهـا دلاله على أنهـا عصبت وطلعـت
عيسى وهو يطلع وراهـا : الله يستر اللحيـن بتم تزف فيني ليـن أأوصلهم المستشفـى
طلــع عيسى وركب سيارته وركبت أمه وتموا ينطرون مشاعل اللي بعد 5 دقايق نزلت
وركبت ورى
عيسى : لا بعد ليش جيتي بسرعه جان تأخرتــي
مشاعل : ضيعت شيلتي كنت أأدورهــا
عيسى : زيــن ماتضيعيـــن عقلج أأنـتـــي ....

وراحــووا المستشفــى
نزلــوا أم فيصل ومشاعل بينمـا عيسـى نزلهم ورااح على أنه بيرجع ياخذ مشاعـل
مشــوا أم فيصل ومشاعل لحد غرفة جواهــر
ومشاعل من تذكرت الموقف اللي صادهـا مع طلال أبتــدى قلبهـا يرجف
ودخلــوا على جواهــر اللي كانت نايمــه
أم فيصل أبتســمت لمنظر جواهـر الملائكي وقعــدت على الكرسي ومشـاعل قعدت جنب أمهـا
ورجعت تفكــر بطــلال والغموض اللي يلف هالانســان رغم انها نسـتــه ولا جا على بالهـا هاليوم كلـــه
حطت يدهـا على قلبهـا بطريقـه غير مباشرهـ علشـان لا تثير تساؤلات أمهــا وكأنـه تبي تمسك قلبهـأ لا يطلع من صدرهـا

كلهـا دقايق معدودهـ وفتحت جواهـر عينهــا بتعــب وأول شخص طاحت عينهـا عليــه هي أمهــا
أبتسمت وهي تبعد قذلتهـا عن ويهــا وقالت بصوت مبحوح : يمــه ..؟؟ من متى أنتـي هنــي !
أم فيصل : تونــــي من شوي ... شفتج نايمه ماحبيـت أأقعــدج
جواهـر :لا شدعوهـ يمه قاعدهـ أنطرج من الساعه 2 ونص .... ( تطالع مشاعل ) .. شعول شعندج جيتـي معاهـا
مشاعل انتبهت على جواهـر وقالت ببتسامه : هـااا ...؟؟؟ أأيـــه...!!! قلت أأجي أأقعــد معــاج شوي
أم فيصل لجواهـر : بنــام عندج اليـــوم
جواهـر : لا يمه والله مايحتــاي تناميـن على الكرسي ... بتتعبيـــن
أم فيصل : أنـتـي ماعليج منــي أأنــا قلت بنام عندج يعنـي بنــام
جواهـر وهي تطالع مشاعل : زيــن خلي شعوول تنام عنــدي
مشاعل على طول ردت وقالت : لاااااااا ....... ( انتبهت على نفسهـا وقالت ) قصدي .. مايحتـاي أأنــام أنــا عندج .. أأمي تبي تكون جنبج
أنــا مو متعودهـ على المستشفــيــات وماعرف شي فيهــا
جواهـر أقتنعـت بكلام مشاعل ( 87 % ) .. وأبتسمت لهــا
مشاعل بادلتهـا الابتسامه وهي تحمد ربهـا انهـا ماانكشفـت ماتدري ليش حاسـه أنهـا ضروري ماتقول لهم عن طلال
اللي يسكن الغرفه المجاورهـ لهم ....
مع انهـا ودهـ تتكلم وتقول لحد .. بس شي بداخلهـا يمنعهـا أنهـا تجيب طـاري طلال لأي أحــــد وخااصـــه جواهـر
تمــوا قاعديـن وسالفـه تجر سالفــه لحد ماصــار الوضع كلــه سوالف وضحك ساعـات .. وجديـه ساعـات
ومشاعل تجاهد روحهـا وتحاول أنهـا تبعد طلال عن بالهـا وتسمع سوالفهم
بس مـافي أمـــل
.
.
مــرتـ سـاعــه

والجــو نفس مـاكـان لحد مادخلــوا الغرفه ثلاث حريم
جواهـر أأستغــربــت من دخولهم .. بس قالت يمكن مغلطيــن بالغرفــه
ومشاعل ألتفتت عليـهم وهي مستغربــه
بينمـا أم فيصل بعد مادققـت بوي المرهـ اللي كانت متنغبـه قالت بعد ماأرتسمت أبتسامه على شافتــها : حيــا الله أم أحمد ... ( قامت تسلم عليهم )
أم أحمد وهي تسلم على أم فيصل بحرارهـ : هـــلا ياأختــي شلونج
أم فيصل : الحمدلله فديتج .... تفضلي حبيبتــي ( وتوسع لهـا علشـان تقعد بمكانها )
أم أحمد وهي تقعد : داام فضلج
مشاعل خذت سلة الورد اللي كانت شهد شايلتهـا وحطتهـا على الطاولـه
أم فيصل سلمت على البنــات ومشاعل نفس الشي
وقعدت شهد جنب أمهـا بينمــا مسك ومشاعل قعدوا على طرف سرير جواهـر اللي بدورهـا أستعدلت بقعدتهـا علشان تسوي مكان لمشاعل ومسك
جواهـر ببتسامه لأم أحمد : من زمــان ودي أأشوفج خالتــي
أم أحمد : ووي ياقلبي ...أأنـــا اليوم فضيت روحي علشــان أأشوفج وأتطمن عليج
جواهـر بخجل : تسلميــن خالتـي ماتقصريـــن .. كلفنـا عليج
أم أحمد : ووووويــه مافيها كلافه ولا شي .. أنتي مثل بنـتــي
شهد وهي تشيل الغشوهـ : ماتشوفيــن شر حيـاتـي
جواهـر : الشــر مايجي أن شاللـه
مسك شالت غشوتهـا هي بعد
وأندمجوا البنــات مع بعض بســرعه رهيبــه
ألا أنه جواهــر كانت تحس بلمحة غرور في شهــد ( وهذا طبعـا من شكلهـا الخارجي ) .. بس بعد حبتهـا
وصــار الجو خليط بيـن سوالف أم أحمد وأم فيصل
وجواهــر وشهد
ومشاعل ومسك

مسـك اللي كانت قاعدهـ جنب مشاعل مثل ماتدرون سألتهـا : ألا ماقلتي لي كم عمرج ..؟!!
مشاعل : عمري 20 سنـــه ..
مسك بذهول : واللـــه ؟؟!!
مشاعل ببتســامه ساحرهـ : أأيــه والله.. شفيج مو مصدقــه
مسك : شكلج أأصغــر من عمــرج .. على بالي كبري
مشاعل بتسأل وهي مازالت مبتسمه : أنتــي كم عمرج ؟؟!!
مسك تلعب بطرف شيلتهـا : 17 سنه ..
مشاعل : ووي صغنونه يعني
مسك ضحكت بالخفيف : شفتـي ... بس هــا مو تقوليـن لحد .. ترى كل مسألنـي حد كم عمرج قلت لهم 20
مشاعل ضحكت

شوي ألا صوت جوال أم فيصل يقطع الـجو الحلــو
أم فيصل وهي ترد : أألــووو ... هــلا يمه ...... آآيــه للحيـن عند جواهــر .. آآهــااا .... يعني بترووح اللحيـن..؟!! .... زيــن أنت ويــنك فيــه
؟؟؟ ... يعني قريب !!.... آآهــااا زيــن بقول لأختك تجهز روحهــا ..... ( بنفاذ صبر قالت ) زيــــــن ووويــه .. شنو ربعك بيطيرون ... ( سكتت شوي وأرتسمت أبتسامه على ويهــا وقالت ) مع ويهــك ..المهم المهم أسمع .. أول ماتوصل المستشفـى دق لي رنه
يلا زيــن بس لا تتأخر ... مـعـ .. مع السلامه .. ( وسكـــرت )
أم فيصل لمشاعل : تــرى أأخوج بيجي ياخذج اللحيـــن
مشاعل بتحطم : لــيــــش ... أأبي أأقعد معاكم شوي
أم فيصل : يقول يبي يروح لربعــه .. متواعد معاهم .... يعني ماتعرفيــن أأخوج .. ( تكلم أم أحمد ) .. تقولين متزووج ربعه !!
ضحكت أم أحمد وشهد على تعلييييق أم فيصل
جواهــر : ووويــه عاد اللحيــن داامــه طالع مع ربـعــه بيحكرنــا بريحة عطرهـ هههههه
وأشتعل المكــان بالضحك
مشاعل بقلبهـا ( آآآآآف منك ياعيســوهـ ياهادم الونــاسـه .. لما أستانســت جاااي بتاخذنــي )
بعد دقــايق ألا جوال أم فيصل رنه وسكـــر
أم فيصل بعد ماشافت الرقم : كــاهــو أأخوج وصــــل
مشاعل وهي تلبس شيلتهــا بينمـا عبايتهـا مافصختهــا كلش من دخلت ليـن هاللحظه
لفت شيلتهـا عدل ورجعت قعــدت جنب مســك وقـالت لهــا : عندج جوال ؟؟!!
مسـك : آآكيـــد .. في حد بهلـ زمن ماعندهـ جوال
مشاعل ضحكت وقالت : عيـــل سجلي رقمي عندج ...
مسك طلعت جوالهــا وسجلت رقم مشاعل
مشاعل بطريقه تشبه التهديد بس بروح حلوهـ : مو ماتتصليــــن .. أأذبــحج تــرى هههههه
مسك وهي ترد تدخل جوالهـا بشنطتهـا : وأأنــا أأقــدر هههههههه
مشاعل طالعت ساعة يدهـا وقالت وهي تتكتف : آآف ... بــرجع البيــت مبجر ..
مسـك أكتفت بالابتسامه

دقايق ألا ذاك اللي أقتحم غرفه جواهـر لا أحم ولا دستــور وصوته وهو يغنـي داااش قبلــه
عبدالله :الله لما أتكلم كنك تغنـي أترنـم والورد مـ........ ( لما شاف انه في ناس بالغرفه غير أمه وخواته طلع من الغرفه وهــو منحرج )
شهد اللي تخرعت من طريقه دخولــه : بسم الله .. منو ذي
أم فيصل اللي أنحرجت منه : هــذا عبدالله ولدي ... مايدري أنكم هنــي
أم أحمد اللي أبتسمت أبتسامه عريضه : الله يهداهـ جذي النــاس يفتحوون البــاب ؟؟!!
جواهــر اللي أنتفض قلبهــا من طريقة فتحته للباب قالت : هــذااا دوومــه دفش جذي .. مايعرف لا ذوق ولا أتكيـت .. ولا بعد دااش مستطرب الاخ
( تكلم أمهـا ) يمه أنتـي ماقلتي عيسى اللي بيجي لمشاعل
أم فيصل : متــى قلت ؟؟!! اللي كان يكلمني من شوي عبدالله مو عيســى
جواهـر : وانـا على بالي عيســى
رن جوال أم فيصل وردت بعد ماقالت : كاهو أتصل .. ( ترد على عبدالله ) ... أألــوووو .. جذي النــاس يفتحوون البــاب ؟؟؟

عبدالله بفشييلــه : وأنــا شدرانــي أنه في حرييم دااخـــل .. ماقلتي لي
أم أحمد لأم فيصل : خليــه يدخل ... بسلم عليــه
أم فيصل لعبدالله : تعــال دش ... بتسلم عليك المرهـ ...
عبدالله اللي منقطع ويهــا : لا يمه ويــن أأدش المكان كله حريم.... خلي مشاعل تطلع لي ..
أم فيصل حكرت لـه : أأيــه تعال سلم كاهي المرهـ تنطــرك يلا مع السلامه .... ( وسكرت من عندهـ )

عبدالله وهو يطالع جوالـه قال وهو يدخل جوالـه بمخبــاهـ : الله يساااااااااااااامـــج يايمــه على هالحركه
عدل غترته وتأكد أنه ثوبـه مرتب
وحط يدهـ على انه بيدخــل وسمى بسم الله جنه دااش حرب وبعد طول عذاب فتح البــاب بطريقه مؤدبــه وقال : الـســلام عليكم
اللي بالغرفه كلهم : وعليكم الســلام
عبدالله قرب صوب أم أحمد وسلم عليهـا باليد
قالت له أم أحمد : شلــونك يبــه ؟؟!!
عبدالله بصوته الرجولي المبحوح وهو مازال منحرج : والله تمام خالتـي ... شلونج انتـي
أم أحمد : أنــا بخيــر يامك
عبدالله أبتسم لهـا وطالع مشاعل اللي كانت قاعدهـ جنب بنت ( اللي هي مسك ) وقال : يــلا مشــاعل مشينــا ...
الا جواهـر اللي تدري أنه يبي يطلع بسرعه قالت : شدعوووهـ ... مافي ماتشوفيــن شـــر ...
عبدالله قال جملتــه لمشاعل وطلــع من الغرفــه
جواهـر ضحكت : بـــــل يبي يطلع بسرعه ... ( تكلم مشاعل ) .. قومي طلعي لــه لا يغمى عليـه برى
شهد اللي تغشت هي ومسك لما دخل عبدالله نزلت الغشوهـ وقالت : أأخوج شكله يستحي هههه
جواهـر : ماعليج منه ... يتصنع الحيـــا ...
مشاعل قامت وقالت وهي تسلم على ام أحمد وبعدهـا على البنــات : خلـ نشوفكم ...
أم أحمد : أأن شالـلـه يمه ...
أم فيصل : تحملي بروووحج مشاعل
مشاعل هزت راسهـا بالايجاب وطلعت
لقــت عبدالله واقف ينطرهـا
مشاعل مشت جنب عبدالله اللي مانطق بـ ولا حرف وقالت : لهدرجه تستحــي ...
عبدالله وهو ينفخ بأرتيـــاح شديد : الله يسامح الوالدهـ بس ...... حسيــت روووحي .. ( سكـت بعدهـا قالـ ) مافي كلمه توصف لج حالي لما دخلـت
مشاعل : علشـان تتأدب وتعرف شلون تفتح البــاب مرهـ ثانــي
عبدالله : أأنــا هذا اللي حارجنــي ولا بعد داااش أأنشــز أنا وصوتي جنه فحيح حيــهـ ....
مشاعل ضحكت على عبدالله اللي بايـنــه انه منحرج حيــــــــل

.
.

بالليــل الساعه 8 وربــع
في بيــت بو عبدالعزيز وخصيصـ(ن) غرفة عبدالعزيز


اللي اليـــوم ناوي ينام مبجر علشــان يـروح الشركه باجر من وقت .. وهذي عوايــدهـ
كــان تفكيــرهـ عنــد طــلال...
وشلــون راح يقـــدر يسـاعدهـ علشــان يوقف على ريلــه من يــديــــد ...
وهم يفكــر بأمــه اللي من طلـع طلال من البيــت وحالهـا كل يوم يتدهــور ...
تبيــن للكــل أنهـا مرتاحه .. لكــن محد فاهم اللي يدور براســها غير عبدالعــزيز
معقــولـه يعني بترتاح وواحد من عيالهـا ماتعــــرف أرضــه من سمــاهـ
وخاصـه بعد ماقــطــع عبدالعزيز أخبار طلال عن أأمـــه ... وترجاهـا أأنــهـا ماتضغط عليـــه
وأنه كل هذا علشـان مصلحة طلال ... صحتهـا قامت تدهور كلـ يوم أأكثــر عن اللي قبلــه

كـــان شايــل حمــل كبيــــر على ظهــره ...
مو كفــايــه عليـــه حمــل ســارهـ اللي زعلـــت من كم يـــوم ولا رضـت تكلمه ولا حتى تشوفــه
قام قعد لما طرت سارهـ على بالـــه ...
عبدالعزيز اللي نسـى يتصل لهـا بعد ماحاول يشوفهـا بلا فايدهـ قال وهو يلوم نفسـه : شفيني أنــا أأذكــر كل شي ألا هــي ...
أأخذ جوالـه ودق رقم ســارهـ
اللي طــول بالرنيــن وبعدهـا جاهـ صوتهـا : أألــووووو
عبدالعزيز أبتسم : أأدري أنج زعلانــه ..؟!!
سـارهـ بدون نفس : نــعــم عبدالعزيز .. فيــه شي ؟؟
عبدالعزيز : آآفـاااا .. شكلج للحيـن شايلـه بقلبج
سـارهـ بنفس اللهجه : عبدالعزيز شوف .... أنــا ماأحس أنــي مخطــوبـــه ... وماأحس بعد انه في حد ينقال له خطيبي يشتاق لي كل يوم وكل ساعه
أنــت زيــن منك أأذا دقيت من شهـر لشهر وأحيـان يمر شهريــن بالعافيـه تذكر رقمي...أأبي أأعرف أأنــا شموقعـي بحيـاتـك ..؟؟
عبدالعزيز اللي حس بالذنب تجـاهـا : ســارهـ شوفي ... أأنــاا من صجي مشغول ومو فاضــــي ..... وماعندي وقت أأطل بوي امــي حتــى ..
أرجوج قدري ظروفــي
سـارهـ بتنرفز : أيـ ظروف اللي أنت تتكلم عنهــا ... كل يوم ظروفي وظروفي ..... يعني أنــا ماعندي ظروف ..؟ على بالك انا طول وقتي فاضيــه
أنــا دراستــي ماقمت أأهتم فيهــا بأسبابك ... وزيـن أأذا جبت نسبه عدله هالسنــه .. قبل كنت تتصل وتشجعنــي على الدراســه واللحيــن ولا تذكرني
ماتقول لي شسالفتك أنت ؟؟!
عبدالعزيز اللي أسلوبهـا معاه قهـرهـ .. بس مازال مقدر موقفهـا : حبيبـتـي .. صدقيني أنــا أأسف .... وأدري بعد انـي مقصر واايد بحقج
مــن جذي أتصلت لج اليـــوم
ســارهـ من طرف خشمهـا : مشكــور .. تعبتك معاي ..؟! .. عسى بس رصيدك مايخلص على هالكم كلمه اللي بتقولهـا اللحيــن
عبدالعزيز بجديــه : ســارهـ ... شفيج تكلميني بهلـ طريــقــه
سـارهـ بغضب : عبدالعزيز أأنـــا تعبــت .... تعرف يعني شنو تعــبـــت ... كل رفيجاتــي يسولفون عن خطاطيبهم .. وشسووا لهم .. وويـن ودوهم
وشنو أأخر كلمه قالوهـا حقهم ..وشنهـي أأخر هديـه جابوهـا لهم ... كل وحدهـ فيهم تحس بحب خطيبهـا لهــا وتحلم باليـوم اللي تجتمع فيـه معاهـ .. وليـن سألونـي عنك قلت لهم وووويــه أنـا جوالي مايسكت كلش .. أربعه وعشريـن ساعه يتصل عـلــي ...
وكل يوم موديني مكــان .. ولـه جايب لي هديـــه
وأنــا مالت على حظي ... ماشفتك صار لي فوق الـثــلاث شهـــووور ..... ( سكتت شوي وكان بايـن أنهـا صاحت بس تحاول تخفي البكاء بكلامهـا )
عبدالعزيز تكفــى ... سو خير بحياتك وقولي .. أأنــت جابريـنك علي ؟؟ ماخذنـــي مغصوووب ؟؟!!!
عبدالعزيز بذهول : نـعــم ؟؟
ســارهـ : اللي سمعته ..؟ أأنت ماخذنــي برضاك ولــه مغصووب علي .... رغم أنه بايــن أأنك مغصوب يعني مايحتاي تتعب روحك وتجاوب...
عبدالعزيز بـحـدهـ لسارهـ : ليش شايفتنـي بنت علشـان يغصبوني عليج .. لو ماأبيج جان قلت من البدايـه ماأأبيـــج
سـارهـ بأنفعـال : وأأنــاا أأقولك أيـاهـا اللحيــن .. ماااااأأبيـــك .. ( أنصعق عبدالعزيز من كلامهـا ) .. أأذاااا أنت مو مهتم لوجودي بحياتك
ترى توهم جاينـا خطاطيب وأنــا قلت حق أأمـــي تقول لهم أأنــي بفــكــــر ...
عبدالعزيز بصدمـه كبيــرهـ : شتخربطيــن أنتــي ...؟؟؟ أنـتــي مخطوووبــــه .. شلون تنطريــن النــاس وأنتــي لي
سـارهـ بعصبيه : مـانــي ملك أحد .. ولا تقول أنــتــي لي .... ماني سيارهـ شريتهــا وحطيتهـا على جنب .. علشـان لا تمللت تستخدمهـا
وماتبي حد يقرب صوبهـا ولا يجيسهــا ..... شووفـ .. أنــت بايــن انك ماتبي هالزواج من الاســاس .. خلاص ياأخي أفصخ الخطووبــه وريح روحك مني
وفكنـــي أنــا من هالعذاب اللي أنــا فيـــه
عبدالعزيز يحاول يستوعب الكلام اللي قالتــه : لحظه لحظه ... أنـتي فاهمه معنـى كلامج .. ولــه قاعدهـ تقوليـن كلام ماتقصديــن
سارهـ : ليش هبلــه ؟؟!! أنــا فاهمه كل حرف قلـتـه .. ومو مستعدهـ أبقــى مع وااحد مايبينــي
عبدالعزيز بغضب وصوت رجولي لأول مرهـ يستعمله مع سارهـ : شوفي سارووهـ .... أأنــا بسوي روحي ماسمعت ولا حرف من الي قلتيــه
حطي عقلج برااسج وفكــري عدل .. والحبيب اللي خليتيـه ينطر هو وأهلــه .. صرفيهم .. قولي لهم أنج مخطووبــه لأنج ماراح تاخذينه داامج على ذمتي .........
سـارهـ بغضب عارم : يعني السالفه عنــاد
عبدالعزيز : أأعتبريهـا اللي تعتبريــن .... شوفي لا تخليني أتصرف معــاج تصــرف أنــا مو حاابـــــه ... شكلج ماعرفتيني لا عصبت شسوي
سارهـ : وأنت شكلك ماعرفتنـي لا عنــادت شراح أأسوي
عبدالعزيز قال علشـان لا يتهور : مع السلامه باجر بتصل عليج ... وأأحســن لج أأنج ترديـــن علي وماتطنشيــن ... ( سكــــر )

حذف جوالـه جنبــه بقوهـ وهو يقول : شهلـ مصايب اللي تتنـاثــر علي من كل صـــوووووب ..


.
.
.
نهـايــه الجزء الثاني عشــر