[درة الاحساء]

البارت الجديدصباح الخير .

مشاعل " بنعاس وملامح اللي قدامي مو قادرة احددها بسبب الصداع" : صباح النور ..

شيخه : صحيح اللي سمعته ؟؟؟

مشاعل " يعني اللي شفته كان حلم " بوعيها مع صداع خفيف .

شيخه "بجديه" : ماجاوبتيني ..

مشاعل " ماسكه راسي .. احس بصداعي يزيد " : ايش اللي سمعتووه؟؟

دانه : اليوم ملكتك وبكرا بتسافري مع زوجك ..

مشاعل " رفعت نظري .. طالعتهم .. ونقلت نظي لرواء اللي واقفه عند الباب اول ماللتقت عيوننا نزلت راسها " طنشتهم وتوجهت للدولاب وخرجت

منشفه وروب حمام واخذت كريماتي وانا بطريقي للحمام

مشاعل : راسي مصدع باخذ لي دش و ياليت تقولو لماريني تسوي لي كافيه لاتيه و ترتب الغرفه ..

بعدها بنتناقش .. تركتهم ..

خرجت من الحمام ومثل العاده دهنت كريم بجسمي ولبست بنطلون بيجي من الجلد .. بدي طرازان فيروزي وعليه تموجات بنيه .. حطيت غلوس

لحمي .. تعطرت .. نزلت الدرجات ورحت الحديقه .. كانت شيخه ودانه و شهد ورواء بالحديقه طالعتهم شفت الحزن التوتر والقلق على ملامحهم

.. ابتسمت في نفسي .. ادري محد بيفتقدني غيرهم .. الحمد لله في ناس يحبوني .. ماابغى ابين لهم ضيقي لهالموضوع ابغى ابين لهم اني مبسوطه

ولو عرفوا بالعكس بيقومو الدنيا حريقه .. حرام اعيشهم بهم .. لازم اقنعهم ..

مشاعل : بوووووووووووووووو ... ههههههههههههههههههههه

شيخه : هبله فجعتينا الله لا يفجع مسلم ...

دانه : مبسوطه ؟؟ ..

رواء " تطالعني باستغراب "

مشاعل " الابتسامه على شفاتي " : ايش رايك ؟؟؟

مشاعل " بفرحه مصطنعه " : يعني محد بارك لي ,, واننا كنت احسب انكم بتفرحوا لي ,, اول وحده فيكم بتزوج .. امممم .. ايش رايكم اجرب الزواج

واذا حلو اتزوجوا ..

دانه : انتي مو مغصوبه صح ؟؟

مشاعل : دانه قلبي انا كبيره وبالغه وعاقله محد يقدر يغصبني .. " باخر كلمه قلتها كنت اطالع شيخه .. انا متأكده انها مستحيل بتصدق .. بس بحاول

اقنعهم "

رواء : حرام عليكي لا تجنينيني .. انتي حلوووة والف واحد يتمناكي وكل بعد يومين يجيكي خطيب .. ايش معنى هذا اللي وافقوا عليه وانتي ساكته ..

ماعندك رأي ,, مشاعل كل البنات لما ينخطبوا يروحوا يدبشوا ويتسوقوا ويحسوا بمعنى الملكه من عربيت الزواج والحلاوة وغيره .. غير فستان

الملكه .. وفترة الخطوبه اللي بين الزواج والملكه .. لا تسوي نفسك مطيعة والدين وتهدمي حياتك .. ترى محد يستاهل ..

مشاعل " باابتسامه جذابه " : رواء ياقلبي مهما سوينا لماما وبابا مانوفي حقهم .. اللي يسمعك مايقول هذي عمرها 15 سنه .. وانا لما اسافر برتاح

لان عندي اخت عن مية رجال وبتنتبه على حالها وعلى ماجد انتم اكتر ناس قلقانه عليهم بس دحين مطمنه دام دانه وشيخه موجودين ...

شيخه : احنا موجودين مع بعض ندراي بعض .. بس انتي مين بيكون معاكي ويداريكي ..

مشاعل : معاي واحد احد يحميني ويداريني من كل شر..بعدين ربي انعم علي بزوج وان شاء الله يكون لي ظهر ..

.. سكتوا.. وشربت الكافي تبعي .. ناظرت الحديقه لانها اكثر شئ بيوحشني كانت معايا دايماا وحسستني بسعاده و رضا ...

دانه : ورد .. اليوم ملكتك واحنا بنحتفل ..

" ابتسمت " وقلت : ماله داعي خليكم معايا وانا مبسوطه ..

شيخه : اذا انتي ماتبغي احنا نبغى ..

رواء: مو بكيفيك .. كفايه انك بتتركينا ماتبغينا ننبسط ..

مشاعل : براحتكم ..

طلعت شيخه جوالها من شنطتها .. وبدءت اتصالاتها وابتعدت .. شوي و دانه نفس الشئ ماسكة جوالها وبعدت .. ورواء وراهم .. ورجعت وحيدة مثل

ماكنت ..بيني وبين نفسي " لا تكوني مأساويه مشاعل ترى الرب واحد والعمر واحد والحب واحد والزواج واحد ... باذن الله .. " .. وقفت اسقي

الزرع واخذت وقتي وانا املي عيني من شوفتها .. واستنشق عبيرها .. وانا اكلمها .. بشتقلك .. وبوست ورودي بكل حنان ورقه ..

دخلت البيت من باب المطبخ الخارجي المؤدي للحديقه .. واشوف ربشه .. شغالات خالاتي وحريم اخوالي وعماتي بالبيت .. معقول بس ساعه

ونص بالحديقه وهالجماعه كلهم بالبيت .. دخلت الصاله الداخليه .. كللللللللللللللللللللللوو وووووووووووووووووووووووش. .اشتغلت الزغاريط

والتهاني " بابتسامه خجوله " بصراحه دوبني (توني) حسيت اني انخطبت .. سلمت عالجماعه .. ماكان الكل موجود بس نصهم والباقي بعد الظهر

وبعضهم اللي عنده التزامات بعد المغرب يوصلوا .. دورت بنظري على دانه وشيخه مالقيتهم وانتبهت لرواء .. اشرت لها .. جاتني ..

مشاعل : رواء فين البنات ؟؟

رواء : دحين كل الموجودين بنات ..

قاطعتها : رواء واللي يرحم امك بلا عباطه .. فين دانه وشيخه ؟؟

رواء : مادري عنهم بس قالوا بعد صلاة العصر تكوني جاهزة بيمـروا عليكي .. مشيت رواء بدون ماتسمع كلامي

" انقهرت من حركة رواء .. وانقهرت اكتر من حركة دانه وشيخه .. بكرا الصباح بسافر والحلوين بدل مايقعدوا معايا تركوني .. لكني ماالومهم اذا

اهلي ماشالوا همبي هما بيشيلووه .. ماكذبت ماما لما قالت " رواء اعقل مني" .. بدءت اشك بنفسي ..

: كلللللللللللللللللللووووو ووووووووشي .. مبروووووووووك ياقمر..

مشاعل " بابتسامه" : الله يبارك فيكي ياحلى من القمر ..

رهف : الحين انتي قمر وانا احلى منك ,, تضحكين علي ..

مشاعل : ماعاش اللي يضحك عليكيكي ..

رهف " بفرح": والله فرحت لكي بقلبي ..

مشاعل : تسلمي ياعمري الله يخليكي لي..

رهف : تدري بغلاتك عندي , محد وقف جنبي مثل ماوقفتي معي يوم تطلقت .. كلهم تشمتوا فيني . وانتي كنتي سند الله يوفقك ويريح بالك ..

مشاعل : امين .. احلى دعوه .. ادعيلي يارهف .. دعوة المسلم لاخيه المسلم في ظهر الغيب مستجابه .

رهف: الانسان الطيب الدعوه تكون له بالسر والعلانيه .. الله يوفقك .

مشاعل : أمــــــــــين .

ام رهف " عمة مشاعل ": أمــــــــين.

ام رهف : مبروك .. منه المال ومنك العيال ..

مشاعل : عمتي للان ماصار شــ...

قاطعتنا رواء : مبروووك ورد ,, وصرتي متزوجه يااختي ..

فهمت ان رواء بتنقذني من الموقف المحرج اللي صار لي .. الناس اللي بالشرقيه وبمكه عرفوا اني تزوجت وانا دوبني ( توني – الان ) عرفت اني

متزوجه .. صحيح ان اليوم ملكتي .. بس ضنيت بعد المغرب بيملكوا ..

مشاعل : الله يبارك فيكي ..

قلت لرواء اني بستريح شوي بالغرفه وياليت محد يطلع لي الا هي وبس ..

اذن الظهر .. توضيت وصليت ... وقرأت قرآن .. دعيت الله انه يوفقني ويكتب لي السعاده .. ويرضيني باللي عندي .. وانا راضيه بالقليل ولا اطمع

بالكثير .. قفلت القرأن .. فتحت دولابي طلعت ملابسي الجديدة للي مالبستها مع بعض والقديمه اللي تنفع حطيتها بجنب .. اخذت البناطيل ,

البرمودا,,البديهات والقمصان والبلايز والبجايم .. والتنانير الطويله والقصيرة ... والملابس الداخليه وكل شئ حسيته ينفع ..

دورت بالدولاب اذا عندي شنطه كبيرة تكفي كل اللبس .. بصراحه ماابغى اخذ شنط كثيرة .. مالقيت شنطه كبيرة .. اكبر شنطي ولا تكفي لاقل من ربع

لبسي .. اتصلت على رواء : رواء تعالي فوق ابغاكي بسررعه ..

رواء : والله مشغوله ورد .. شويا ويجوا شيخه ودانه .. يالله باي.

مشاعل " تنرفزت من رواء " .

اكرمكم الله رحت لدولاب الجزم .. واخذت لي صنادل وجزم رياضيه وجزم عاديه والابوات .. قعدت امسحهم والمعهم ..

طق طق .. طق طق..طق طق .. " افففففففف شكلها رواء اوريها "

فتحت الباب : نعم .. كانت شغالة خالتي ام دانه ومعاها اكياس و وراها اكياس ,,

شيخه " تخاطب الشغاله ": ماري انزلي بسرعه تحت وجيبي الباقي ياويليك لو ضاع شئ ..

ماري : طيب مزمزيل (موتمزيل) .

شيخه " تدخل الاكياس وانا ابتعدت اناظرها باستغراب " :شيخه .. ايش هالاكياس .. وليش بغرفتي ؟؟ لا يكون سارقه بنك ..

شيخه " تطالعني بنص عين ": بدال كلامك البايخ تعالي ساعدي .. ظهري انكسر ورجلي توجعني ..

ساعدتها بالاكياس والكراتين دوبني بسكر الباب الا انفتح ..

دانه : ورد حبيبي ساعديني ..

مشاعل " ابتسمت على شكل دانه معرقه وحالتها حاله ".. ساعدتها وجات الشغاله وشيخه يساعدونا ..

مشاعل : دحين ممكن اعرف ايش حكاية الاكياس ؟؟

دانه : احنا بنسألك " وهي تأشر على الملابس للي طلعتهم " ايش هالملابس ؟؟

مشاعل : لا تضيعوا السالفه .. عموما هذا لبسي برتبه بشنطه عشان السفر .. بس انتم شكلكم نسيتوني ماالومكم ..

دانه : ورد احنا كل اللي ســ ......

قاطعتها شيخه : صحيح كلامك مو فاضين لكي ولا انتي فاضيه لنا يالله اشوووف البسي العبايه بسرعه ورانا مشوار وبلا حكي زايد ..

مشاعل "ببرود" : على فين ان شاء الله لايكون خدامتك وانا مادري ..

شيخه :شوفي يااانسه مشاعل تراني مو دانه ادلعك .. امشي بالطيب لا انادي امك تعرف شغلك .. مايسكتك غيرها .. ترى ظهري بينكسر .. بسرررعه .

مشاعل " بتردد" : ماما تدري اني بطلع اخاف تخاصم ..

دانه : وليش ان شاء الله تخاصم .. كلمناها ووافقت ..

مشاعل" بفرحه" : اوكي ثواني البس العبايه ..

ونزلنا الثلاثه من لباب الخارجي كأننا حراميا ..

بسيارة خالتي ام دانه وسوقهم مشينا ..

مشاعل " بحالميه" ايش رأيكم نروح البحر؟؟

شيخه "تقلدها" : ايش رايكم نروح البحر ؟؟... انتي هبله قال بحر قال .. مشاااعلوووه لا ترفعي ضغطي .. بالله عليكي انتي عروووسه .. عمرك

شفتي عروسه بيوم زواجها بنروح البحر والناس اللي بالبيت ايش نقولهم لو تأخرنا ..

دانه " ببراءه " : نقولهم العروسه نفسها تشوف البحر قبل ماتسافر .. اايزي ( سهل ) ..

مشاعل : على فين رايحين ..

شيخه ودانه : اووووووص..

شيخه : لو وصلنا بتعرفي .

مشاعل : لا يكون عملية اختطاف .. شيخوووه ترى ماااحب المغامرات ... وانتي يادانه انعديتي من شيخه ..

شيخه " طفرت من الاثنين وغبائهم" : اللهم طولك ياروح .. اليوم بتنوم بالمستشفى .. اتصبحت على وجه مين اليوم.. وهي تتذكر . اها اتصبحت على

صوت النحس اختك " قاصده رواء" .. مشاعل ودانه يضحكوا عليهااا هههههههههههههههههههههه

شيخه : لو مانكتمتوا بسوي جريمه .. سكتوا لانهم يعرفوا شيخه تسويها ..

وصلنا محل كوافير معروف عندنا بجدة : دخلنا وقلت لهم مايحتاج بس هما اصروا لانهم دفعوا عربون .. سألتني الكوافير ايش لون الفستان .. طبعا

مارديت عليها لان الاخت دانه سحبتها على جنب ومدري ايش خرجت لها من الشنطه وشافته الكوافير .. ابتسمت ..

الكوافير: ماشاء الله عليكي هلأ انتي حلوووة وبتصيري احلى .. يخزي العين شو حلووة .. بنستشور شعرك بالبدايه بعدها بنلفوا اوكي ونبدء بالميك

اب .. شو رأيك ياحلووو " بإبتسامه"؟؟

مشاعل "رديت الابتسامه": سوي اللي يعجبك ..

الكوافير : لا ولو رأيك مهم ..

مشاعل : سلمتك نفسي سوي اللي يرضيكي.

الكوافير : اوكي .. بتنخطبي اليوم على ايدي .

مشاعل " ابتسمت " ماتدري اني متزوجه وملكتي اليوم.

جاتني شيخه وهي مخلصه ميك اب ولافه شعرها .. وقعدت تتكلم معايا وبعدها راحت عشان تفك شعرها .. وجات دانه مخلصه ميك اب وكان ناعم

وحلو ابرز عيونها الواسعه ومسويه تسريحه بسيطه لافه شعرها من تحت وجايباه على جنب .. وكان شكلها دلوووع وحلوو..

شيخه شكلها يهببببل عيونها كبيرة ماشاء الله اخذه نص وجهها ,, وتسريحتهتا مرفوعه ..

كنتت اخر وحده اخلص عشان شعري مرررة طويل .. خلصنا ودانه وشيخه ماخلوني اشووف شكلي وصاروا يسمو باله علي ويقرؤا اذكار .. بصراحه

حركاتهم هبله بس مشيتها حبيت اسوي لهم اللي يبغووه ابغى اترك ذكرى حلووة .. ادري فيهم يبغوا يفرحوني ...

شوي اللي السواق غير الطريق وكنا بالقرب من البحر .. انبسطت اساريري وفرحت .. طالعتهم بامتنان .. ونزلت واجهت بحري بحر جده .. عروس

البحر الاحمر احب واقرب شئ لي في جده كلها .. ياما كان ملاذ لي ولغيري .. يشيل سري وسر غيري .. همي وهم غيري ...رغم اللي قالته الكاتبه

سامية المقام .. لا تعشقي البحر ترا البحر غدار .. بصوت مسموع "بتغدر فيني يابحر" .. ابتسمت اخذت نفس بكل قوة ..

انا اليوم ولدت من جدي مشاعل زوجة .... تذكرت انا مااعرف ايش اسم زوجي ... ضحكت بصوت عالي ..

شيخه : مشاعل اتجننتي ؟؟

مشاعل : ههههههههههههههههههههه ههههههههه ...

دانه : مشاعل تعبانه فيكي شئ ..

مشاعل : هههههههههههههههههههه هههههههههه هههههههههه

شيخه : مشاعل انا ضنيتك من زمان اتهبلتي .. بس شكله اليوم بنطيرك مستشفى المهابيل ..

مشاعل : ههههههههههههههههه ..

دانه " بقلق" : مشاعل حبيبتي تعبانه ؟؟

مشاعل " ماقدرت اشوف دانه بهالحاله" : سلامتك قلبي بس بضحك على شيخه .. انا اسمع مستشفى المجانين ما عمري سمعت مستشفى المهابيل ..

شيخه " باستهزاء" : لا ياشيخه .. انا ودانه كنا بالسيارة وانتي لوحدك ضحكتي ..

مشاعل : من قال اني شيخه انا مشاعل وانتي شيخه .. اما عن ضحكتي قبل ماتجوا .. ههههههههههههههههه ههههههههه ..

شيخه : خلاص مانبغى نعرف .. ترى اتأخرنا اذن العشاء وخلص .. صليتم ؟

دانه : ايوه .. وانتي " تأشر علي"..

مشاعل : صليت ..

وركبنا السيارة نص ساعه الا احنا قدام البيت ..

طبعا طلعنا غرفتي مثل مانزلنا ولا من شاف ولا من دري هذا بعد تمهيد رواء الطريق ..