مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام ? العضوٌ???
» 216 | ? التسِجيلٌ
» Dec 2007 | ? مشَارَ?اتْي » 87,659 | ?
نُقآطِيْ
» | | البارت 14 " 2 " للبحر ....!!! . . . عبدالله وعيت الصبح .. عندي دوآم ,, خذت شور سريع ولبست البس العسكري ونزلت للصاله , حصلتهم كلهم ، تجنبت اشوف ويه احمـد , خصوصاً بعد ما وصلني منه مسج آمس في الليل ، يقول فيه " ابعد عن حياتي انا وندى " آكيد لآحظ اهتمامي , او ندى غلطت في كلمه وطلع قهره كله فيني , قعدت بعد ما صبحت عليهم ، رفعت نظري لِ عليا الي ويها متغير ومبين عليها التعب , لولا ان الكل بيلاحظ اهتمامي ، كنت بسأل , بس خفت احرجها بِ سؤالي , كآنت بينا ابتسآمات طفيفه , آحمد متوتر صوت امايه : أحمد ، اعتقد انك بترجع على المغرب ,, اوووالله ، كل هالوقت في الشغل ما عقب , بس قال للخدآمه : وين لمار ؟ ردت : She already leave the house yesterday with madam nada لحظه صمت ندى تركت البيت وقف احمد وقال : انتي شو تخربطييييييييييييين ...! صوت امايه : افتكينا منها ، عطها ورقتها وبختار لك احسن منها بِ الف مره احمد قال بغضب : امـآيه ندى مالها غيييييييييييييري هنييه وين رآحت ..! قآم بسـرعه يبا يروح غرفته بس صوت امايه وقفه : أحمــــــــــد عندك ربع ساعه توصل لِ مكان الشغل ، حسيت بقسوه الموقف على أحمد كنت بدخل بس ما قدرت ، التزمت الصمت ، أحمد كآن شاد على ايده بقوه يحبس غضبه لف لِ امايه : على هالخشم وطلع قمت بسرعه وحاولت اتصل لِ ندى بس يطلع مغلق وين راحت وكيف تتصرف بدون لا تقول لي ما اعرف ..!!!!!!! كآيد فتحت عيني وانا احس بتعب ، وان جسمي كله مكسر , ابغي انزل من السرير ومب قآدر ’ ما حسيت بنفسي الا طايح على الارض استويعت ، انفتح الباب وشفت وآحد من الشباب الي يتعالجون : صار لي ساعه اوعيك ماشي فآيده , عنبوه ما كنت اتحسب رقآدك ثجيل لِهدرجـه طآلعته وانا احس دقات قلبي تزداد ، وجسمي يتصبب عرق ، اول ما طلع من الغرفه ركضت للحمام " عزكم الله " ررفعت القميص بشوف ايدي أثر الابره يعني ما كنت احلم , ابره شوووه ,!! ومنو له مصلحه آني ارد للآدمآن ، مسكت راسي طلعت لِ غرفه الرياضه , اراقب الوجوه , يمكن البعض هنيه يتعرض لِ الي اتعرض له ، ومب قآدريين يتكلمون , ممكن بو الهنوف كآن بيفضحهم , بس كييييـف , اذا حمد الي كلمني , و اكيد الي ينفذون هالجرآيم يعرفون بِ معرفته بِ الي قاعد يصير , خلوه يطلع ، كيييييـف ؟؟!! . . حسيت بصداع التفت وشفت هذا الي اسمه حسين منعزل بزاويه بروحـه ويقرا الجرآيد , وفي ايده كوب قهوه ، طآلعني بنظره غريبه تجآهلته .. وبديت اشل الاثقآل وانا اتنفس بصعوبه ، لِ اللحظه الي شفته فيها عدالي , وقف وقال : اقرا الجريده , ورآح بسرعه , دش الصاله الدكتور محمد توجهت للجريده المرميه على الطاوله ، مسكتها , انصدمت من الي شفته ..!! غيث فتحت عيني بتعب ، رفعت راسي , كآنت نآيمه عدالي وشآده بِ ايدها على طرف بجآمتي كآنها خايفه اني اروح واتركها , حقير , حسيت اني صدق حقير , مررت ايدي على بشرتها النآعمه آمس ، بكل جوآرحي كـ رجل , كنت اباها , بس حسيت بخوفها ، احتويتها ، وفعلاً ، كآنت جداً مطيعه , وخجوله ، هآي هي اول النسآء في عالمي ، بعد جوآهـر جوآهر , الي حبيتها للجنون وكنت اتحسبها تحبني للجنون همست : شهد , قلبي فتحت عينها ، وردت غمضتها ضحكت وقلت : قومي ننزل السوووق , يلاااا , وبالمره بنتغدى برا , يلا حيآتـــــي ،بخذ شور وانتي قومي وصحصحي . . . . مسكت ايدها ونحن نازلين السوق كآنت تخآف شوي من بعض الوجوه ، وما استغرب , طول حياتها في بيت امها , ما تطلع , حتى تعليمها ، ما كملته , قالت : انا عندي ملابس , ليش تآخذ لي , انت ما تحب ملابسي ؟ طآلعتها وما عرفت شو ارد ,, بعدها قلت : اباج تلبسين على ذوقي , انتي تبيني اكون مبسوط صح .! ابتسمت وقالت :هييه اكييد قلت : خلاص عيل , دشي وقيسي الملابس . . يلست اتعبث بالتلفون ، لحد ما طلعت ترويني الفستان الي خذته لها , كآن نآعم توقعتها تطلع حلوه فيه ، بس الصدمه انها واقفه والفستان في ايدها , قالت : لعوزني ما عرفت البسه , حسييت ب احرآج وشويه غضب , صآحب المحل يطآلعني , قلت لها : اتوقع يكون على قياسج خذته بسرعه من ايدها , وخذت اكثر من لبس ثآني , وهي اطالعني , بس , ما تكلمت بِ اي كلمه , ما تعرف تختار ولا تعرف تتعامل مع اي شخص غيري ، خذت الاغراض وطلعنا ، لآزم تعتمد على عمرها قلت لها : شهد ما اباج جييه , اباج تعرفين في كل شي ، جوآهـر تعرف في كل هالامور ومشيت بسرعه ,, لحظآت وانتبهت انها هب عدالي ، لفيت وشفتها وآقفه بعيد و ويها صاير احمر واطالعني بغضب كبييييييييير ..!!!! فيصل آسمع صوت انفآسها وهي نآيمه ، هذا الي صار طول الليل بس قلت لها كلمه , " لا تسكرين في ويهي , خليني اسمع صوت انفآسج بس " وما حسيت بنفسي الا نآيم , وعيت رفعت السماعه ، قلت : الو بس محد رد علي الا خيبه الامل سكرت ، ارسلت لها مسج " نلتقي اليوم في مطعم ##### على الساعه 2 الظهر , ما حصلت رد منها ، بس متآكد بتكون موجوده الي خلاهـآ ترد علي امس وما تسكر في ويهي طول الليل هو نفسه الي بخليها اتكون موجوده اليوم في موعدنا خذت شور سريع , ولبست ,’ وتعطرت ، طلعت لِ مكتبي , ما شفت رغد الصبح ، او يمكن تجنبت هالشي دشيت المكتب , و صوت السكرتيره تخبرني بِ اسماء الاشخآص الي اتصلوا فيني اليوم , ومن بينهم ام رغد , شليت السماعه بسـرعه ودقيت لها وكل مشآعر الكراهيه تسيطر علي .... ردت بمياعه : الو قلت بجديه : شو تبين ؟! قالت : ابا اشوف بنتي , وهالشي من حقـي ,, قلت : وشو المناسبه ؟! قالت : بنتي وابا اشووفهـآ , مب لازم تكون في اي منآسبه ،، . . زياراتها ثقيله على قلبي وفي نفس الوقت , ما اقدر اخليها تنفرد بِ رغد اتوتر لِ مجرد التفكير بهالشي , بتزورنا اليوم ، المسـآ الله يستر , ما ادري ليش احس ان وراها مصيبه .... . . . جواهر أحس بضيجه , شو يسوي الحييين .! ومعقوله يعاملها كـ زوجته ويعطيها حقوقها ، وتكون في حضنه بعد ما كآن هو لي انا بس , معقوله ، تميت رايحه راده في الغرفه بتوتر , انفتح الباب وشفت خالتي قالت : روحي لعذاري شوفيها , مب طآيعه تطلع من غرفتها ـ رحت لها ، دقيت الباب وما ياني اي رد اضطريت افتح الباب , شفتها نايمه في سريرها ، طآلعتني وقالت : سكري الباب وطلعي قلت : ما صارت , انتي على حالتج هذي من سمعتي خبر وفاه احد مرضآج , الي اعرفه انج دكتوره نفسيه ولازم تفصلين مشآعرج عن العمل ، ردت : ادري , بس قآطعتها : قومي ننزل تحت خالوه تتريانا , اذا هب عشاني عشانها , خلينا نقعد وياها , قالت : بخذ شور وبنزل , سبقيني نزلت خالتي كآنت متضايجه من الوضع الي في البيت كآنت تشكي لي : غيث خذ له وحده خبله / لطيفه قطعت اخبارها , و ولهت على عبود وصار لي فتره ما شفته , عذاري حالتها صعبه , وآنتي قآطعتها : انا ما فيني شي .!. صرخت : متى بتحسين , غيث عرس , في حرمه ثانيه في حياته سواء كآنت خبله والا صاحيه ، هي حرمـه , حسي وآبدي تحركي ، انا للحين مب عارفه كيف انتي راضيه بِ هالشي ـ بس بتندمين كآن كلامها مثل الصفعه ,’ طلعت لِ غرفتي بسرعه , مسكت تلفوني وبديت ادق له , كآن يرن بس هو ما يرد حسيت بتوتر اكثر شو الي قاعد يسويه الحيييييييييييييين , رد رد , غيث رد على تلفووووووووووونك فريت التلفون بكل غضب , ما عليه , ما عليه يا شهد الخبله , اما خليتج تطفشين من هالبيت , ما اكون جوآهر غيث لي انا بس , وبسترجعه , وبنشوف بمعركتنا هـآي من بيفوز . . . . ندى وعيت الصبح على صوت لمار ، : يلا خلينا نفطر بالفندق تحت طآلعتها وقلت : انتي اكيد مينونه انج طلعتي وياي من البيت طآلعتني وقالت : اكيد ، يلا خدي شووور وخلصيني ، ضحكت عليها ، من يوم انا ياهل مافارقتني ، خذت شور ونزلت برواق اتريق , لمار بعصبيه : ندى صيري عاقله , خلينى نتصل ب عبدالله يدفع للفندق وهو بيتصرف قلت لها بغضب : مابا ، مابا لا احمد ولا عبدالله , ما بعتمد على حد فيهم , بعتمد على نفسي , صرخت : لا يكون راح تنفذي كلامك وتشتغلي رقآصه ؟! ضحكت وما قدرت اسكت : هههههههههههههههههههههههه ، لالا , شو رقاصه , تخيلي , التفت وشفت شآب ثلاثيني يرآقبني من بعيد , ابعدت نظري وطآلعت لمار , وقلت : انتي شو فيج مستعيله , ان شاء الله خير ما قدرت اتريق من نظراته , اخر شي قمت ورحت له وقلت بغضب : ممكن اتريق ، طآلعني وابتسم وقال : اكيييد ، عذريني لِ تطفلي , بس حديثج انتي والي وياج كآن وآصل عندي وما قدرت امنع نفسي من الانصات اووف , شو هالنفسيات , نآقصه قرف انا , التفت برجع لِ طاولتي وانا اشوف لمار اطالعني بستغراب , بس حسيت ب ايده تمسكني التفت بغضب , سحب ايده وقال : اسف ـ بس عندي لج عرض اووف , تركته ومشيت بس هو لحقني للطآوله , مد ايده وصآفح لمار , وقال لي : خلج عمليه , انا بستفيد وانتي بعد طآلعته وقلت : عندك عشر دقآيق , . , ما خلصت العشر دقايق الا ولمار وقفت وهي تصرخ : انت اكيييييييييييد انجنيت ,, وانا اطالع بستغراب ..! . . . . كآيد الكلمات المتقآطعه , كآن محدد على حروف معينه , دققت فيها وكانت النتيجه " نلتقي في الحمامات الساعه 2 " . . . اصدقه اثق فيه ، والا بيورطني .. كنت متردد , اروح او لا ، بس على الساعه 2 , ما قدرت اسيطر على نفسي ابا اعرف كل الي يصير هنيه وحسين هو المفتاح ,,! سواء كآن هالمفتاح جزء من اللعبه او حزء من الغلابه الموجوديين توجهت للحمامات " عزكم الله " الممرات مظلمه , كنت اذكر الله في دآخلي , لازم اكون قوي , عشان البقيه ، دخلت , وحسيت بصوت الباب يتسكر وراي , سآعتها كرهت نفسي اني غامرت أحمد وقفت جدآم البحر , وانا اشوف الباخـره الي فيها الشحنه الي يترياها الوالد اليوم ، لازم اجيك على كل شي ، الشغل خذ كثير من يومي واهتماماتي , كنت طول اليوم هايت في المولات الحين مب محصل وقت للنوم , طآلعت البحر , وانا افكر , ليش مغلق تلفونها , وين باتت , يمكن ردت بيني وبيتها ، اول ما اخلص شغل بروح لِ البيت وبدورها , مالها حد غيري قلبي صاير مثل النار , وآحس بتخبل التفت على صوت مديري بدر : أحمــــــــــــــــد يلا اشوف دش الباخره وجيك على البضاعه ، لازم توآفق الموآصفات ، وخذ وياك المهندس دخلت ، و كآن الامر بِ النسبه لي متعب , متعب جداً ما حسيت ب الوقت , , ماعدا اني مجهد وآيد , بس تحركت بسيارتي بسرعه كبيره للبيت ، دخلت , من طلعنا منه , ماشي تغير , مب موجوده ..!! يلست في السياره والباب مفتوح وانا افكر , خليت راسي على السكآن وين راحت , ويييين ..!! ضربت براسي اكثر من مره عليه , قالت لي مره ندى , بعض الاشياء , لا تعود كما كآنت مهما حاولنا , معقوله ننتهي , وما نعود شرات قبل ,, مستحيل استسلم بسهوله , رديت البيت ، وطلعت لغرفه امايه , وانا بملابس الشغل , دقيت الباب ودشيت , طآلعتني وابتسمت : قالوا لي اليوم اشتغلت بذمه وضمير تجآهلت كلامها وقلت بغضب : ندى زوجتي وكرآمتها من كرآمتي , هي طلعت من هالبيت ولا اعرف مكآنها وانا بعد مالي مكآن لا كآني ولدج , اعتقد اني اعني لج بس موظف , انا طآلع من البيت , . . . في هآي اللحظه حست ام كآيد انها بتخسر ولدها , الي بدا يتغير ويثبت لها انه قد المسئوليه , تبعته ومسكته من ايده وهو في حاله غضب وقالت : لا تطلع من البيت , أخوك عبدالله بيتولى مهمه البحث عنها ، خلك هنيييه ,,! اكتفى بِ انه اعطآها نظره , تبين لها مقدار المه وطلـع , . . . . . روضه كنت متردده ، اروح له ، او لا بس ما قدرت , بعطي نفسي وبعطيه فرصه ـ أخيره ، تآنقت وكنت بطلع ، بس تذكرت ان سيارتي للحين ما صلحوها ، رحت لِ عليا ، الي مبين عليها التوتر وآيد , كل هذا بسبب الملجه الي بتم بآجر ،، قلت لها : فيصل يبا يشوفني ... طآلعتني وقالت : ويين , وليش , وكيف رجعتي تكلمينه ؟! مسكتني من ايدي ودخلتني دآخل غرفتها حسيت بخوفها علي ، ابتسمت اول مره احس بِ هالشي , طيف من عرست , مشغوله عني , وآحسها صايره كتومه , , مالي الا عليا ، حكيت لها الي صار بخجل , طآلعتني وقالت ، بس انا اخاف عليج , خليني اروح ويآج مسكتها من ايدها وقلت لها : تعالي .. بعد يكون احسسسن , ! . . . . اول ما نزلنا صوب السياره , كآن عبدالله نازل من سيارته , قال بصوت مسموع : وين رآيحآت ؟ ارتبكت , بس عليا انقذت الموقف : محتايه اغراض من السووق .. ابتسم ابتسآمه عذبه , أحسسسه وايد يحبها ، . . . . قعدت بتوتر , وقلت : هاي عليا , بنت عمـي و بتكون زوجه اخوي عبدالله قريب طآلعها فيصل وابتسم , وقال : تشـرفنا ابتسمت هي بدورها له ، قـآل : في كلام وآيد , بقوله ، اباج تستوعبينه , وتقدرين ظروفي قلت له بخوف : تفضل .. . . . يلست اطالعه وقلت بخيبه امل : يعني شوووه ..!! شو الحل ,, وشو النهايه ؟؟! تنهد وقال : ليتنى اقدر اخذج بِ السـر .. , ليتني , وليت كآيد موجود كآن بيكون لنا تصرف ثآني ,,! طآلعته ونزلت دموعي : لا تكلمني ، يوم تحل مشآكلك , تعرف بيت اهلي بس كلآم عليا خلاني اوقف , الا انصدم ..!! شمسه دخلت الشقه ، شفته في ويهي , حضني بقووو وقال : وينج انتي ..! جييه تطلعيييين وتخليني احآتيج ,,,! كنت هب ويآه , كنت سرحآنه بمخططي ، وتذكرت موقفي مع طآرق وهو يوعدني انه يخليني ارد البلاد , بس اهم شي , اعطيه جوازي الحين الجوآز عند جآبر لازم اخذه بِ اي طريقه , السفاره ما بتنفعني , جآبر له معارف في كل مكآن وله كلمه عند كل حد , يعني ماشي فآيده من السفاره ، خصوصاً انه معروف , زوج امـه كآن سفير , مسكني من ايدي وسحبني للكنبه , وقال : لا تطلعين جييه مره ثآنيه , فآهمه هزيت راسي بِ الايجآب لازم اكون طيبه وياه هالفتره و آكسبه لحد ما احقق هدفي , قلت : بخذ شور سـريع وبطلع بجهز لك اكل تآكله قبل لا تروح الجآمعه , طآلعني وقال : اوكيييه , خذي رآحتج " مسكني من ايدي وسحبني على طرف قلت بخوف : طآآآآرق قآل : هييه , مابا حد يشوفنا ويا بعض , تعالي وياي , تبعيني تبعته , لحد ما وصلت شقته , بِ الاول رفضت ادخل , بس انا وآثقه فيه , دخلت وانا متوتره , ريحتني نظرآته وهو يقول : تراهم دبروا لي مصيبه والا ما تركتج يا شمسه , انا مرآقب وضعج من بعيد , كنت بس ابا اتآكد انج بخييـر , ويوم اكتشفت العكس , قلت مالي الا اترياج وانتي بروحج , صحت , ما قدرت اسكتت , هدآني , ما حسيت الا وهو يالس عدالي قال : اعتبريني مسؤل عنج , لحد ما تردين البلاد , بس سآعديني وساعدي نفسج عسب تطلعين من هالوضع " طلعت وانا لافه الروب على جسمي , شفته في الصاله , ابتسم وقال : طلبت بيتزا , تعالي نآكل يالس اترياج قعدت عداله بعد ما لبست لبس خفيف , كنت سرحآنه قال : كنت قآسي اليوم الصبح , اسف انصدمت فيه , رد وقال : مابا اخسرج , انا خسرت امي ، باسلوبي وعنجهيتي , كنت احاسبها لانها تركت ابوي وتزوجت ريال ثآني يربيني , كنت اتعذب وآيد اول مره يكلمني عن نفسه لالا , مابا اتعاطف وياه ، بعد شوي بيرجع الوحش الي اعرفه ، قال : اختي بتي عندنـآ , اسبوعين بس ، لانها يايه تسوي فحوصات ، مرآجعه , سبق وسوت عمليه هنيه , طآلعته بخيبه امل , أخته موجوده هنيه في البيت , يعني ما بقدر اخذ رآحتي , افتش على الاوراق ,, طآلعني وقال : وبالمرهب تتسلين وياها ، هي بتوصل بآجـر ,, للحين ما اعرف شي عن اهله ولا ابا اعرف , خلاص انا عزمت ارحل , واتركه من تسنح لي الفرصه , بودره , , . . . طيف مسك القلم بغضب , : المعادله سهل وايييد بس انتي ركزي وياي , تآففت وانا ابا اصيح : مروآآآآن ، قال : جب طآلعته بصدمه بدا يشرح مره ثآنيه ، وبديت افهم اكثر ، رفع شعره وهو يعدل النظآره ، كآن يشرح بذمه وضمير , قلت له : لا اتعب عمرك , انا اليوم مضآيجه قمت , ماعدا اني فهمت بس ما اقدر استوعب اكثر , فريت عمري على السرير , حسيته يطآلعني وبعدها بدا يحل بروحه مسآئـل , حسيت بدموعي تنزل بصمت , مسحتها بسرعه وانا اسمعه وهو يقول : طيف ,, شو رايج نطلع نتعشى برا ..! قمت بصدمه , ابعد نظره عني وقال بتردد : يعني تغيرين جووو , وبالمره نطلع من البيت , ومن جو الدراسه , لا تنسين جدآم الكل نحن معاريس يداد ..! ابتسمت , انا صدق محتايه اطلع , قلت له : انزين بشرط رد بتهكم : بعد تتشرطييين , ,, شو بعد .. شو شرطج ؟! رديت وانا اضحك : ابا البحر , خلنى نطلب من برا , ونآخذه للبحر , نتعشى هنآك ,,! قـآل: اوك , يلا قومي تجهزي .. . لبست بنطلون جيز , وقميص اخضر , اغلب ازراره مفتوحـه ومبين تفآصيل جسمي تعدلت , خليت مكيآج على ويهي , وتعطرت كآن هو يتجهز , بس قعد يترياني ويراقبني شو اخلي على ويهي , تقرب مني وقال : انتي حلوه , ما يحتاي كل هالمكيآج يلا الساعه 11 الحيين ,, ابتسمت : يلا انزين لبست العباه , المفتوحـه ,, انا جيه متعوده والكل متعود على ستايل لبسي ,قميص طويل وجينز , وعباه مفتوحـه , تقرب مني وملامحه متغيره , اول مره يكون قريب مني لهدرجـه ارتجفت وانا احس بِ ايده على قميصي , رفعت نظري له وهو يسكر كل الازرار , حسيت اني بختنق , قال : جييه احسسسن حسيت بحراره في جسمي كآمـل , وبشعور غريب , ما عرفت افسره , بس خلال هاليومين , عرفت اشياء كثيره عن مروان , ما كنت اعرفها عنه من قبل , نزلنا ,, . . . . خذ سويج سياره كآيد يلست اطالعه : متى بطلع الليسن قال : قريب , خليني اخلص امتحانات ,, ابتسمت , طلعنا , ما خفت لاني متآكده انه يعرف يسوق طآلعني وقال : من وين تبين ؟! رديت : فآست فووووود طآلعني بتهكم وقال : يا الغبيه , كل هذا يأثر على صحتج , بنآخذ لنا مشآوي وهالامور احسسسن , قلت : مابا , ابا فآست فوووود طآلعني وقال بحده : طييييييييف , قلت بتأفف : ردني البيت اذا بتآخذ لي الاكل الي انت تباه ,, اووووف قال : الا بتروحيين وبتآكلين من الاكل الي انا اطلببببببببببه ,! أحسه يعايضني , فيني , رحت قلت : عنييييييييييييييييد طآلعني وقال : وانتي اكثر , وكلمه الريال تمشي ضحكت بِ استهزاء , وبعدها نزل هو يشتري عشا , شفت الساعه 12 , تآخرنا ، قبل كنت ما اقدر اتآخر برا اكثر من الساعه 8 , الحين اطلع الساعه 11 والله زمن عاد الحين محد يتحكم فيني , تذكرت هادف ، بكلمه فون باجر الصبح بطمن عليه / لحظآت وطلع مروان عطآني الاكياس وهو حرك السياره , كنت متلعوزه بس لاحظت انه طآلب لي فاست فووود , ضحكت وطآلعته , بس هو كآن مركز على الطريق , نزلنا على البحر , وقعدنا نتعشى , كآن الجو وآيد حلووو ركضت على الرمل وهو يطآلعني , كنت شرآت اليهال ، مابا شي , ابا اكون حـــره , المكآن شبه خالي , وهالشي خلاني اخذ راحتي , مروآن قعد يراقبني من بعيد , نسيته ، وبديت العب بِ المآي , انا اعشق البحر بشكل كبيـر ، رفعت عباتي وخليت ريولي في المآي , أنسدحت على الرمل وانا احس بِ الموج يقترب منـي , يوصلني لِ خصري ويرجع , الله , شعور وآيد حلوووو , غمضت عيني ،، و .............................!!! نهايه البارت |