مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام ? العضوٌ???
» 216 | ? التسِجيلٌ
» Dec 2007 | ? مشَارَ?اتْي » 87,659 | ?
نُقآطِيْ
» | | البارت 15 " 1 " . . . . كنا صغار معظم الوقت العب وياها ، كآنت ما تحب تلعب الا وياي انا ماعدا ان عبدالله كل ساعه يزقرها تلعب وياه , صح الفرق بينهم شاسع وحتى الالعاب الي يلعبها غير عنا ، بس هو كآن وآيد يتقرب منها كنت صغير واغار بس هي كآنت تمسك بِ قميصي ، وتكره اسلوب عبدالله وياها ، كنت استآنس , في يوم ، يا صوبها بعد ما كنا انا وهي نلعب عند المسبح قال لها : تعالي وياي ، بنلعب على الكمبيوتر وبعلمج عليه ردت : لا مابا ابا مروآن . . أبتعد اندمجنا بِ اللعب ، بس صوت هادف واحمد خلاني التفت واشوفهم ما ادري شو كآن سبب المشكله بس الي اعرفه ان احمد و هادف ، دفعوا بِ طيف لِ المسبح , كآنت تصارخ وانا وقفت اطالعها تغرق , ما عرفت شو اسوي صوت صريخها ملى المكآن وكآنت تصرخ بِ اسمي , بين ضحكات احمد وهادف السآخره كنت انا بس اطآلع ، مب عارف اتصرف لحظتها ، محد ساعدها الا عبدالله من يومها ، وكل ما تتعرض لِ اي شي تلجأ له ، ما تلجىء لي واعتقد من يومها , رسمت في ذهنها , صوره لِ عبدالله ، على انه غير وانا الي كل وقتها وياي طلعت ولاشي ، الذكرى بالنسبه لي مؤلمه هل هي تتذكر ؟! هذا السؤال الي يخطر في بالي / اكيد تتذكر وانا في نظرها شوو .!! جبان ، أكيد جبآن ، التفت اشوفها ، حسيت ان الموج بدا يكون قوي , تقربت منها, مسكتها من ايدها بلطف بس هي خآفت , الظآهر كآنت تعيش لحظه تآمل قلت : بس خلينا نروح ، الساعه وصلت 2 شدتني من ايدي وقعدتني عدالها : مابا ارد البيت , خلنا اليوم هنييه ، لا نروح دخيلك اول مره تترجآآني يلست اطالعها ونسيت كل كلمآتها , مديت ايدي ادخل بعض خصلات شعرها الي طلعت من طرف الشيله , ابتسمت ورجعت اطآلع الموج ، بس انا بعدني اطآلعها ، للحظه الي حسيت فيها بِ خطر ، التفت وشفت كلب " عزكم الله " ياي يركض صوبنا وبالاحرى طيف مجآبلتنه , شديتها لي بقو وهمست في اذنها لا تتحركييييييييييييييييين حسيت ان جسمي يعرق من التوتر ، جبآن انا دايماً جبآن جدآمها ،، كآن مسرع واشوف صآحبه يركض وراااااه ويأشر لي بأنفعال عسب نهرب شليت طيف من خصرها وخليتها ورآآآي تمآماً , كآنت مآسكتني بخووف بس ما تتكلم ، وكأنها تتريا قدرهاا , مب وآثقه في الشخص الي وياها كتمت اه قووويه من انها تطلع مني وانا احسسس بِ انياب الكلب تخترق ذراعي ، أكتفيت بِ اني شديتها اكثر ل حضني , كآن عطرها يخفف الألم للحظه الي انشد فيها الكلب " عزكم الله " بقوووه ، رفعت راسي وشفت ريال يلهث من التعب : أسف والله أسف , السموحه منكم , ادرب كلب الحرآسه مالي ، وقلت محد عند البحر الحييين ، لازم اوديك المستشفى نزلت نظري لِ ذراعي , كآن لبسي متلطخ بالدم سمعت صرخت طيف : مروآآآآآآآآآآآآآآآآآآآآآآ آن ، تعووورت مروووآن طلع منك دم ,, طآلعتها وانا ملتزم الصمت ، وآحاول اخلي ملامحي طبيعيه ، . . . . . شهد دخلت الغرفه فريت الاغراض على الارض ، ليش جيه يعاملني ، ليش ؟! انا شو سويت ، أحسسسه عصبي , اخاف منه , مب حآسه بِ الامان وياه ، هذا غير اني ما افهمه , ولا افهم تصرفاته وكل سآعه يتكلم عن زوجته الاولى , انا في شوى مقصـره يحسسني اني اقل منها , وقفت جدآم المرأيا اطالع نفسي امايه كآنت تقول لي اني جَميله الظآهر جوآهر اجمل في عينه , بس انا يهمني رضاه ، أمايه قالت لي ، ان الرسول صلى الله عليه وسلم قايل ان المرأه اذا ادت فرضها , وصآمت شهرها وحفظت نفسها وطآعت زوجها دخلت الجنه انا ,, قطع حبل افكاري دخوله لِ الغرفه , سكر الباب بقو وقال : شهد ، يُفضل نقدم الرده للبلاد , شو رايج ؟! طآلعته وابتسمت : الي يريحك ، . . . دخلت خذت شور سريع , ولبست قميص نوم , هو شراه لي ، كآن جريء , بس انا بلبس الي هو يباه ، طلعت وانا ابتسم له , بس هو كآن منسدح على السرير وسرحآن طآلعني ويا صوبي ، حضنته وايد قلت : شكراً على الاغراض الي خذتها لي رد وقال : هذا وآجبي ، مررت ايدي على لحيته ، وقلت : خفف لحيتك ، تراها تضآيجني ونزلت راسي بخجل ، قال بسرعه : بس جوآهر تحبها جييه , كآن هالموقف ثاني موقف يهمشني فيه جدآم جوآهر ابا التقيها واشوفها , شو فيها زود عني ..!! عليا التفت لِ روضه الي اطالعني ومستغربه قلت : انتي تعرفين اني ويا امج وآيد يا روضه ، هذا الي سمعته ، ها الكلام دار بينها هي وخالتج ام هـآدف ، يبون يزوجونكم لبعض ، حتى قرروا ان هالشي يصير خلال زوآجي انا وعبدالله ، كآن عادي اسكت , واقولج انتظري فيصل خليه يرتب اموره ـ بس مافي وقت ، انتوا لازم تتصرفون ، طآلعت ملامحها الي توترت , وفيصل الي ضرب على الطآوله بغضب ، وقال : شو الحل الحييين .! التفت على صوتها وهي شبه تبكي وقالت : بس خالتي قالت لي , , ان في هالحفله ممكن وحده تشوفني وتخطبني , لو كآنت تباني لِ ولدها ، ليش قالت ..! قآطعتها بخبث وقلت : كآنت تجس نبضج , تشوفج اذا متقبله الزوآج من غير هـآدف , وأنتي لاحظتي كيف هو وقف ويآج قرب المسبح .,,! قآطعني فيصل وهو يقووول : شوووووووه , وآٌقفه ويآآآه ,,, رووووضه ,,, التفت عليها وهي تقول : بسسسسسسس انتوا الاثنين , خلوني في حـآلي مسكت شنطتها ونزلت , قلت له : تصرف ، لا تضيعون حبكم , انا اقولك هالشي , ممكن فتره قصيره وتضيع هي من ايدك سحبت شنطتي وركضت وراها , وين راحت بعد هـآي ,, وييييين ..!!!! . . . . التفت لِ ورآي شفت فيصل طآلع هو الثاني وقفت في نص المول لفت انتباهي شآب يمشي ورا فيصل , وفي ايده كآميـر , يحآول يخفيها ، مشيت صوووبه وانا مب عارفه , هل الي اسويه صح والا غلط ..!!!! . . . آسمرآني طويل القامه ، لابس ملابس عصريه جداً , شعره يكآد يلامس كتفيه ، مع اثار لِ صبغه شعر شقراء قاربت على الزوآل ,,! تبدوا على ملامحه لمحه ليست بِ خليجه ، سببها والدته الاسبانيه الاصـل , حآمد من شفتها وملامحها شدتني جسمها الرشيق المتنآسق ، شعرها العجري , تنفع أكيد بتلفت الانتباه ، أكيد تنفع لمثل هالامور ، وانا محتاي هالفتره , لبنت مثلها ، كان صوتها يدآعب سمعي هي والي وياها ، ركزت في ملامحها مره ثانيه شفايفها ناعمه ، خصرهـآ , ابا اشوف خصرها ، لازم تقوم , يالله , وقفت ، يآيه تمشي وقربي بعد وقته ادقق في تفآصيل جسدها ,, ما حسيت الا بِ ايدها الي تضرب على الطاوله وانا مركز على اناقتها , والاسواره النآعمه الي تحيط بِ رسغها الابيض ، قالت بنعومه مع غضب مصطنع : ممكن اتريق رديت : اكيييد ، عذريني لِ تطفلي , بس حديثج انتي والي وياج كآن وآصل عندي وما قدرت امنع نفسي من الانصات ... حاولت تبعد , مسكت ايدها ، اووف , نظرتها لي بعصبيه تخليني ابتعد الله يغربل العدو , قلت وانا استدرك الموقف : اسف ـ بس عندي لج عرض تركتني ورآحت مغروره , وقفت جدآم طاولتها هي والي وياها ، مديت ايدي وصآفحتها ، ابتسمت , وقلت : خلج عمليه , انا بستفيد وانتي بعد سحبت الكرسي بدون لا اكترث لِ نظرات غضبها قلت : انا حآمـد ال##### , مصمم ازياء , طآلعتني وقالت : تشـرفنا قلت : من بعيد كنت اراقب ملامحج , ما شاء الله ، جسمج جداً متنآسق , بشرتج , وشعرج كل شي فيج ملفت طآلعتني بِ استغراب وقالت : لو سمحت انا ,, قآطعتها : انا اباج تشتغلين وياي , ومثل ما سمعت من كلآمج مع " أشرت على الي قاعده عدالها " قالت : لمآر قلت : الانسه لمار ان عندكم ضائقة مادية ... قالت لمار : وشو عرضك لِ ندى ، شو الوظيفه ؟! قلت بِ اعجآب : مع هالجسم وهـا الملامح ، اكيد عارضه ازياء ..! , ما كملت كلمتي الا وصوت لمار يعلى : انت اكيييييييييييد انجنيت ,, قلت لها : عفواً , خليني اكمل كلامي , ردت : اي كلام الي بدك تكملووو ، ندى يلا قومي نرووووح ندى طالعتني وهي تبتسم بِ ابتسآمه خبيثه قالت : كم بتعطيني ؟! ابتسمت وانا اشوف لمار منصدمه ، قلت : الي تبينه ، .!! , , , كآيد دزيته بقو على اليدار طآلعني وقال : اهدى , وخلنى نتكلم ، طآلعته بعصبيه وقلت : شو تبا ..! خلصني ...!!! قال : الكلام جيه ما ينفع ، اسمعني ، خلك هادي , مابا صوتنا يطلع , ترا اليدار لها اذان قلت : تفضل رد وقال بصوت خفيف : تستوي عمليه تهريب لِ المركز ، مرآت في الورد ، يخلون " الافيون " ,, يعني لمرضى معينين , مرضى ما يبون العلاج , دآشين رغماً عنهم , بسبب الاهل ،، قلت له : هالكلام تخدع فيه غيري , بو الهنوف لا يمكن يكون ,,! قآطعني : انت ما تفهم ، خلني اكمل كلامي ، انا ما قلت ان ابو الهنوف هو الي ... دزيته بقو وقلت : لا تيب اسمه على لسآآآآآآآآآآآآآآآآآآآآآآن ك كنت ابا اطلع أحس اني مكتوم , مابا اسمع اي شي , انا شو الي خلاني ادش هالزوبعه , شووووه .!! مسكني من ايدي قبل لا اطلع : اندفع لهم عشآن يذبحونه ، بجرعه زآيده , والموضوع غطوا عليه ،، قلت : كيف ؟ رد وقال : اخوه ، رجعت لِ ذاكرتي كلمات بو الهنوف عن اخوه ، " عند اخوآن اثنين ، ابو ندى هج برع البلاد ، بعد ما سلمه ابويه كل املاكه والثاني اخوي ابو سيف ... ، رديت وقلت: وانت مشكلتك ويا منوه ؟! قال : بو سيف , بعد ما توفى الوالد ، ترك لنا الفتات , خصوصاً ان اغلب املاكه سجلها بِ اسم بو ندى الي من بعد وفاه الوالد ما شفناه ، الي بآقـي تقآسمناه انا واخوي بو سيـف , بس هو طمآع , يحسسني دايماً ان الدنيا معركه ’ لنيل الماده لا اكثر , قلت : وشو صار ؟! كمل : ماشي , انا حبيت وحده من الاهل الي هي ام الهنوف ,, ما كنت ادري انه يحبها ، خلافاتنا انا وهو كآنت دايمه ، بشكل يومي , لِ اليوم الي اكتشفت فيه انها يختلس من شركتنا , يومها صار بينا خلاف كبير , وبعد فتره , سآمحته وتحسبت ان كل شي انتهي , ورجعت له , مالي غيره في الدنيا , كنت ادش سهراته وجلساته , شـرب , وخمر , وامور ثآنيه ، لِ اليوم الي تم استدرآجي فيه للمخدرات , احساسي يقول لي انه هو ورى كل شي , بس الاخوه الي في دآخلي تنكر انه هو الي سوى هالشي فيني ,,! ام الهنوف يابتني هنيه , وبعد علاج دكتور محمد والدكتوره عذاري, اقتنعت ان الي كنت فيه دمـآر يا كآيد ,, الحمد الله , الحمد الله اني رجعت لِ صوآبي ,, " قلت له بخوف : ابو سيف ؟ قال : ما ادري , بس الي اعرفه انه اندفع لِ محمد عشآن يوقف قلب بو الهنوف هنيه وما يطلع للحياه ..! كسـرت المرايا الي جدآمي بغضب , فتحت باب الحمآم " عزكم الله " كنت امشي في الممر بدون لا احس وين رآيح ,, قعدت على اقرب كرسي , مرت لحظآت وحسيت بِ ايد تتخلى على جتفي , كآن وآحد من المرضى الي وياي قلت : شهاب ..! طآلعني وقال : اذن الفيـر خلنى نصلي جمآعه يلا عن نتآخر كنت امشي وياه وانا سرحآن دخلنا مسيد المركز ,, كنت اشوف الويوه ، من صديقي ومن عدوي ..! ما صار شي مفهوم بالنسبه لي ولا في اي شي وآضح ,, بديت اصلي مع امامنا ، احد المرضى الي انتهت رحلتهم مع الادمآن وتدين وصار مشهود له بِ الخلق الحسسن صلينا ، واول ما سلمت ورفعت راسي ، شفت حسين يصلي في الصف الأمآمي تقرب مني شهاب وقال : تعرف ان حسين أخو الدكتور محمد .!! فتحت عيوني بصدمه وقلت : حسسسسسسسسسسين اخو الدكتور محمد ..!!!!!!!!!!!!!!!!!!!!!!!!! ندى رميت نفسي على السرير وانا اسمع صراخ لمار وهي تقول : انتي اكيد انجنيتي , عارضه ازياء , شو فرقت عن الرقاصه ..انا راح كلم احمد ، يجي ويآخذك من هالمصيبه طآلعتها وقلت : لا تخليني اهرب منج انتي بعد , سكتي وخلينى نتفاهم .. كملت تحرطيم وانا سرحت ، انا بنت ال### اعرض ازياء ..! بس ما عندي فلوووس , ولا ابا انذل ل احمد ولا غيره ، كنت عايشه بعز ونعيم ، ما اقدر اخذ ورثي ، لان هالامر يخليني لابد اني التقي بِ اعمامي الي حذرني منهم ابويه , ولمار رافضه رفض قآطـع اني احاول بس استرجع ورثي من لبنان لاني للآن تحت السن القآنوني , بالتالي كل شي بيسيطرون عليه هم ، شو اسوي , ما جدآمي حل ، فتحت تلفوني وصلني مسجات وآيد الاغلب من احمد يترجآني ارد عليه وفيه مسجين من عبدالله ، يسآلني وين انا , وبعدها ارسل يقول لي انه بيسآعدني اذا محتايه اي شي , غلقته وفريته بغضب بعد ما ارسلت لِ احمد مسج " الي بينا انتهى " صرخت لمار , : الي راح تعمليه ، راح يهدم اي فرصه بينك انتي واحمـــد ، انا حذرتك وهلق ما صار لي مكآن معك , انا رايحه ..!! جآبر عدلت جآكيتي , وانا نازل , من الشقه خآطري امحي الملامح الشـرقيه الي تطغى على ملامح شمسه قبل لا ايي هالمكآن ، سمعت كثير عن حوآدث , واضطهادات يتعرضون لها العرب ، قبل كنت لما ايي هالمكآن ويا اهلي ، كآنن البنات ما يتغطن , وهالشي يخليني ما اخليها تتغطى ,, خوف , مع اني اغار بس في نفس الوقت خوفي عليها هو الي يخليني اسحب الحجآب عن راسها ، والا لو ودي , ما تطلع منها شعره , يمكن تهورت , وانا متاكد اذا خبرتها سببي بترفض وبتلبس الحجآب على كثر ماهي ضعيفه الا انها عنيده جداً متعبتني وياها ، مب قآدره تتآقلم مع الوضع اليديد ’’ مع الغربه , وان نحن هب في بلادنـآ , نزلت في المطآر , حنان بتكون عندي ’ ابويه او زوج والدتي ارسلها هنيه لانها تعبانه وتبا ترتاآح يمكن هي الاقـرب لي من بين العايله ، وهي سبب تحرري من وايد اشياء , وقفت اترياها وانا مشتآق لها حنآن اسم على مسمى , حنونه وآيد اول ما شفتها صرخت بِ اسمها : حنآآآآآآآآآآن التفت لي ..كآنت ذآبله , ويها صاير اصفر , شعرها منسدل بِ اهمال على اكتافها , لبسها يغلب عليه اللون الاسود , بعد ما كآن الكل يشهد بِ اناقتها ، وجمآلها , وحبها لِ الالوآن والضحك والفرفشه ما كنت متوقع ان حالتها سيئه لهدرجه , ضميتها لِ صدري , : يا قلب جآبر شو فيج جيييـه .. ما احيدج ضعيفه ؟! شهقت وقالت : وحشتني , وحشتني واااااااااايد ,, حبيتها على راسها , : لازم ترتاحيين ، يلا خلينا نروح الشقه البرد شديد , خصوصاً بعد مرور عاصفه ثلجييه علينا ، كآنت ترتجف ، غطيتها بجآكيتي , ابتسمت لي : جآبـــر ، ما اعرف كيف مدبر عمرك بروحك في الغربه ، منو يطبخ لك , ويهتم فيك ,, سكت , اهلي ما يدرون اني عرست للحين كآن لازم اخبرها او على الاقل اخبر شمسه , الله يستر تحرك التآكسي وهي مشغوله ب ِ المناظر الخارجيـه وبعدها التفت وقالت : امايه تسـلم عليك وآيد , كآنت بتي وياي .! فتحت عيني على وسعها , لو عرفت امايه بتقلب الدنيا على راسي قلت : ااااه كملت : بس تعرف الظروف .. هي تعتذر لك قلت لها بسرعه : آكييد أكيييد بتصل لها اول ما نوصل الشقه ، , حنآن بقولج شي ، انا ,,, انا ... متزوج ..! . . . . شمسه اول ما طلع ركضت للغرفه فتحت الكبت وبديت انبش فيه , وين ممكن يكون خلى جوآزي , ويييين ..! فريت كل الاغراض , لفتني صندوق صغير , فتحته , كآن كله صووورجديمه ، اغلبها لِ ريال يشبه جآبر , وفي ايده طفل صغير , اكيد ابوه , يلست اشوف الصور , ونسيت امر الجوآز , كآن ملامح جآبر جداً ودوده ,, على عكس الوآقع الي اشوفه انا ,,, رميت الاغراض بسرعه وبديت ادور مره ثآنيه لحد ما تعبت , شهقت بخوف , بيوصل وبيشوف المكآن كيف مبهدل ركضت ارتب الاغراض بسسسسرعه بخوف , ودخلت المطبخ اسوي سووويت , وين ممكن يكون مخلي الجوآزت , معقوله تكون فيه خزنه وانا ما اعرف عنها شي ,,!! معقووووله ,,!! سمعت صوت الباب ينفتح , وجآبر يقول : تفضلي حنان ... . . . . أحمد رميت بنفسي على السرير , رجعت لِ بيتي الي مآخذنه لِ ندى ما حسيت بنفسي بعد تعب اليوم , الا وانا غافي على السرير وما انتبهت الا على صوت تلفوني قمت بخوف وشفت المسج الي من ندى , رميت التلفون بغضب ,, وين بتروح مني , وين بتشرد , مردها لي ,, شليت تلفوني الثاني , واتصلت لِ عبدالله اعرف ان امايه بتكلمه يدبر مووضوع ندى , بس انا مابا منه شي بعد ثالث رنه رد : هلآآآآآآآآآآآ قلت : ابا رقم منصور , قال : امايه كلمتني .. قآطعته : قلت لك ابا رقم منصور , مابا منك انت شي .! رد وقال : احمد نحن اخوآن , تبا رقم منصور برسله ، بس ما يصير جيه نتعامـل ، انا اخوك الي اكبر عنك , انا فوت لك الي صار في الشيشه مب لاني غلطآن في شي , لا ، من غلاتك بس .! قآطعته : ارسل الرقم سكرت التلفون ,بعدم مبالاة مب فآضي لِ عوآطفه , لحظآت و وصلني رقم منصور كـ مسج اتصلت له ، قلت له ابا اعرف مكآنها هم تحريات وبيدبرون عمارهم , يعرفون كيف ايبونها ,, المهم اوصل لها ، ومنصور قال لي فالك طيب وهالامر طمني , على الاقل للوقت الرآهن , ما نسيت ابداً ارسل لها مسج " لا تلعبين بِ النار , ورقه طلاقج بتوصلج اذا ما رديتي علي ، وخبرتيني بمكآنج " , , , , عذاري رفعت شعري بسرعه ، رتبت شكلي , وطلعت لِ امايه ، ما كنت اعرف شكثر انا محتاجه اجازه الا بعد ما صار الي صار ، كل انسان بحاجه الى انه يطلع من جو العمل , خصوصاً شغل مثل شغلي في اجهاد وتعب ، وفيه مسئوليه كبيره ، محتايه نقاهه ، رن تلفوني , " الدكتور محمد " يتصل ، غريبة , رديت وقلت : السلام عليكم ياني صوته ومبين عليه الانبساط : زين رديتي وعليج السلام شحالج دكتوره؟! رديت بهدوء : الحمد الله اخبارك ، وآخبار المرضى و الاوضاع في المركز ؟ قال : كل شي بدونج ما يسوى , سكت لاني انصدمت برده قال بسرعه : متصل اقولج خذي راحتج في الاجازه ، انا مقدر ظروفج قلت : لا هو الا اسبوع ورآح ارجع ... قال : على خير ان شاء الله ، سلمي لي على غيث , والوالده .. وبلغي غيث اني ابا اشوفه .. . سكرت التلفون وسط استغرابي من طلبه معقوله يكون يبا يتقدم رسمي ؟!!! سرحت بِ افكاري لحد ما حسيت بعبود وهو يفر عمره في حضني ضحكت وحضنته : وين انت ... مشتآقه لك قال : حالووووه ابا حواوووووه ضحكت : انت ما تشبع من هالوسسسخ ، شوف ضروسك شو صاير فيهن طآلعني بِ نظره عبيطه , ضحكت وضميته بلهفه , من بعده البيت ما يسوى ابتسمت وانا اشوف لطيفه يايه صوبنا , بس ويها متغير وهالشي خلاني اتآكد ان فيها شي ..!! بس شو ما اعرف ..!!!! , , , بعد العشا اجتمعنا كلنا في الصاله انا ولطيفه و امايه وجوآهر نسولف ، بس استغليت لحظه هدوء وخذت لطيفه لِ غرفتي قلت لها : شو فيج ؟ ابتسمت : شو فيني بعد ,, ماشي , عادييية ؟! قلت لها : على الكل تكذبين الا علي انا ، ويهج واضح عليه الزعل والتفكير ..! في شي صاير بينج انتي ومنصور ؟! ردت بسرعه : لالالا , قآطعتها : رده فعلج تآكد العكس ، يلست على السرير بضجر : متغير , مب هو الاولي ،صاير عصبي وايد ، وينتقد تصرفاتي وايد ..! رديت : ممكن عنده ضعط في الشغل ,, قالت : ما اعرف يلست عدالها ومسكت ايدها : خلج هاديه وان شاء الله يكون السبب شي عادي ، بس طمنيني , ابتسمت : ان شاء الله والحين خلينا نرجع لِ جوآهر وامايه ،أحس جواهر بتجتل غيث اول ما يرجع ,, ضحكت : ههههههههههههه من حقها اخوج اكيد تخبل ردت : الله يستر . . . . طيف التفت لِ مروان بغضب : قلت للريال يروووح وانت مب قآدر تسوق ..! طآلعني بنظره عابره وقال : انا بخير صرخت : روح المستشفى يلا ، قال : بوصلج قبل تضآيقت , حسيت ان الي صار بسببي ، قلت له : مب رآيحه , بروح وياك المستشفى رد بغضب : انا مب يآهل اسحبج وياي المستشفى رديت بعنآد : وانا مب نآزله من السياره ، أستسلم لِ عنآدي , والا لِ الالم ما اعرف بس وقف عند اقرب مستشفى ، وكآن حكومي , وانا ما اثق في المستشفيآت الحكوميه , قلت له : انت وآثق ..! وقبل لا اكمل كلامي هو مشى عني , ركضت وراه شرات اليهال ومن غير لا اقصد مسكت ايده استويع .. قلت له : اسفه والله اسفه ما اقصد , دخلنا المستشفى , ومرت نص سآعه ونحن نتريا في الطواري حسيت اني مب قآدره اساعده , خصوصاً انه سآند راسه على الكرسي ومغمض وشكله تعبان , ويهه كل عرق , مررت ايدي على ويهه وانا امسح قطرات العرق ، وقلت : تحمل اكييد الحين بيدخلونا , طآلعني ورد غمض عينه ، ما عرفت شو اسوي , جسمه صار حآر ,, خفت , خفت وايد عليه قمت و قفت عند موظف الاستقبال وقلت : لو سمحت اخوي نحن صار لنا ساعه ..! قآطعني : عند حوآدث وحالات اخطر الحيين تفضلي وبنآديكم هنيه ما قدرت استحملت صرخت عليه : زووووووووجي تعباااااااان واذا ما بدخلونه الحييين نحن بنروووح , الحييين ادخله فآآآآآآآآآآآآآآآآآآآآآآهم ما اعرف اهزب حد , ولا مره في حياتي سويتها بس شو الي خلاني انفجر ما ادري كل الي كنت اعرفه , اني اباه على الاقل يحصل سرير ينسدح عليه ، وفعلاً , لحظآت وكآن على سرير مريح , قال لي الدكتور : بنظف الجرح , لازم تطلعين قلت له بتوتر : انا زوجته , عادي اوقف قال : بس يا مدآم ما يصير , ممكن .. قطع نقاشنا صوت مروان وهو يقول : طيف طلعي براااا , يلست على الكرسي ، الممر شبه فآضـي ، الا من صوت ونآت بعض المرضى , واصوت عمال النظآفه ، وهم يتبادلون النغمات الهندية مسكت راسي ، لحظآت وطلع الدكتور وقال لي : خلاص , راح يكون بخير , عطيته ابره ، ونظفت الجرح يالليت تهتمين فيه , رآح وانا ركضت للغرفه ، شفته وهو يآخذ السويج واغراضه : يلا بنروح البيت كآن مبين التعب على ويهه , قلت : انا اسفه طآلعني وابتسم : ليش تعتذرين هالكثر , صآر خير ..! قلت : كآن لازم اطيعك يوم قلت لي نروووح ، مابا شي يآثر على دراستك , اذا انا انسانه فاشله , مب لازم ااذيك تقرب مني وضم ويهي بين يدينه الثنتين , انتفضت بخوف قال وهو يهمس : انتي مب فآشله , انت احلى شي صآر لي خلال اليومين الماضيات ومشى وانا واقفه اطالعه وهو يغادر الغرفه ، التفت وقال : يلاااا مشيت وراه وفكري هب وياي ، أحس بتوتر , توتر من مروان , هب من اي شخص ثآني فيصل رديت البيت وانا منفعل , افكاري كلها متلخبطه , شفت رغد يالسه في الصاله تترياني , قآلت : أمايه بتي ..! اوه نسيت حضور ست الحسن والدلال , قلت وانا مابا ابين لها ضيقي من زياره امها : مرحبا بها فديتج , ابتسمت وقالت : فيصـل ، انا ابا اروح وياها حسيت بغضب يتملكني , كيف تقدر تقول هالكلام في ويهي , كيييف , ومنو دخل هالفكـره في راسها ـ قلت : بنشوفها ويصير خير أتجهت لِ غرفتي , سكرت الباب وانسدحت على الكنبه وانا ارمي بِ غترتي على السرير بضجر , رووضه ، شو الي بتقرره ـ انا بايعنها خلاص ، وعادي عندي اسوي اي شي , وينك يا كآيد ..!! وينك , لو موجود بيكون الوضع غير , صوت الجرس يعلن وصول ضيفه غير مرغوب فيها ـ أم رغد وصلت نزلت بسرعه ، شفتها وانا على الدري وهي تحضن رغد , وتصيح دموع التمآسيح وقفت وقلت : مرحبا بج ابتسمت وقالت : هلا فيصل ، شحآلك ؟ رديت : بخير الحمد الله بدت تحرك كرسي رغد وهي تكلمها ,, لحقتهن , حسيت انها تبا تنفرد فيها بس هالشي ما بيصير وانا موجود ، قعدت قربهن , تمت اطالعني بتأفف , وبعدين قالت : انا يايه اخذ رغد ... أعتقد ان هذا حقي , طآلعتها وقلت : أكيد بس ممكن نتكلم على انفراد قبـل , . . خذتها لِ مكتب الوآلد خليت الباب مفتوح ،، قالت لي : شو .! تخاف على عمرك .! ضحكت وقلت : الناس الوسخه نتوقع منها اي شي ردت وقالت : مب اوسخ عنك قمت من ورى المكتب وقلت بصوت وآطي ، بس يستفزها : تخسين ..! ردت وقالت : نسينا ما كلينا .... ضحكت وقلت : ربج غفور ورحيم طآلعتني وقالت : بخذ رغد وياي . قلت لها : على جثتي .. اعرفهن حركآتج , كم تبين ؟! ضحكت وخلت ريل على ريل وبين انها لابسه لبس فآصخ تحت العباه ، غضيت نظري , وهي تحاول تعدل شيلتها الي اساساً مب مغطيه شي من شعرها : والله انت كريم وانا استآهـل طلعت دفتر جيكآتـي , وكتبت فيه مبلغ محترم رميت الشيك عليها وقلت : فآرجي , وقولي لها انج بتسآفـرين الحين , قالت : اوك فديتك عطيتها ظهري , لحظآت وردت وقالت : هييه صح نسيت اعطيك شي فرت جدآمي ظرف وتوكـلت قذره ، فوق ما تتصورن , وهالاشكآل ينخاف منها مب لانها تخوف , لا , لانها ما تخآف من شي , لا على سمعه , ولا علي اي شي , جربت اوآجها اكثر من مره ، وخسرت ، سحبت الظرف وفتحته , وتسآقطت من ايدي الصور وانا مفجووع في ورقه , فتحتها " عادي توصل للصحآفه ...! توقع رده الفعل , الشاعر ، ولد ### ، مغرم بفتاه ويلاقيها في المطآعم .. و يمكن الفنآدق ..! خخخخخ ، فيصل العب على قدك ..! " . . . . نهاية البارت |