انا عدت بالسلامة الحمدلله من الامتحانات
يعطيكي العافية يا ملكة الفصول الثلاثة رائعة جدا جدا جدا .. طبعا مابتحتاجي اقلك في كل رواية ئديش بحب كل شي بتكتبيه وبستمتع فيه جدا
هيثم هﻷ انا قلت انو مابدي احكم عليه من البداية وبدي اتعلم ما احكم على الشخص قبل ما اعرف اسبابه
اللي فهمتو انو ظروف زواجه هو و شهرزاد كانت بسبب العائلة والعمل
بس مع هيك شهرزاد بتحبه ..
مابدي اقول عنها هبلة لأنو الواحد مابيقدر يتحكم بقلبه
بس بصراحة مابعرف شو اللي حببها فيه انسان لايطاق مستفز مغرور بارد ومتحجر
واللي لايطاق أكثر منه هيي نورا *في حكي كتير بيوصفها بس خليني ساكتة احسنلي*
فعلا تصرفاتها هيي و هيثم واللي بيعملوه بهالمسكينة شهرزاد شي مقرف
شعور انو الواحد المي عم تمشي من تحتو وهو موحاسس شعور بشع كتير
ههههههه قال كل هاد ومابدي احكم عليه بس والله ماقدرت
شاهين وبكلمتين *طفل كبير* يا الله انسان قمة بالمشاعر والاحاسيس وخصوصي بالفصل التاني لما حكيتي عن مشاعره اتجاه النساء
ونظرتو العميقة ل شهرزاد كإنسانة
نادر جدا ياشاهين خلص انت صرت بطلي ♥
حبيت علاقته ب سمارا حسيتها امو واختو وصديقتو تمثل العائلة بالنسبة لشاهين وهاد نادرا مايصير كعلاقة صااافية بين شب وبنت *من وجهة نظري الشخصية *
يعطيكي العافية يا ملكة بتجنني وكل شي بتكتبه قمة بالابداع
وسامحينا عالتقصير
ربي يسعدك ويوفقك ♥
|