[Fatma nour]

المشاركة الأصلية كتبت بواسطة god love you

شكرااااا ليكم جميعا على نصائحكم ليااا انتوا بجد اديتونى امل من جديد ...بس انا مش بقدر اروح لدكتورة لانى صغيرة ومعرفش مكان الدكتورة وكماان مش معايا فلوس ومعرفش اقول لاهلى دول ممكن يقتلونى ...بس انا فعلا لما بعدت عن اللى حواليا وروحت مدرسة داخلية و عدت لا ارجع لمنزلى الا كل اسبوعين ارتحت من المشكلة دى ونسيتها ونسيبت ولاد عمى دول لكن لما رجعت البيت بعد انتهاء الامتحاانااات تذكرت كل المشاكل والضغوطااات ...انا ممكن اكون مش برد علطول لكن انا بدخل كل يوم اشوف كلامكم لانه هو اللى بيصبرنى من بعد ربنا ... ياريت متبطلوش تنصحونى ... وبتمنى تكونوا محقين واطلع بكر ..وانا فعلا كل لما بشوف اللى اغتصبونى بحس بالحقد وعمرى ما هنساهم بس مش هعرف افتح فمى واكلم لان للاسف فى مجتمعنا مفيش حد بيسمع ... بس انا هفضل طولحياتى محافظة على نفسى حتى لو مش طلعت بكر .. حتى لو اهلى موتونى مفيش مشكلة عندى المهم انا بريئة ومغلطتش

يا حبيبتى متقلقيش انا كان ليا واحده صاحبتى من الطفوله زى حالتك كده ومقلتليش الموضوع ده غير بعد سنين كتر مقدرش اقولك حاجة غير ان ربنا كبير لان انا نفسى مقدرش انصحك انك تروحى لدكتور لان فى حاله زى دى لازم حد بتثقى فية جدا لازم يروح معاكى علشان كده اصبرى وقربى من ربنا وهو اللى هيساعدك وادعى من كل قلبك علبهم واحنا اكيد هندعى معاكى ان ربنا ينتقملك ويوريكى فيهم يوم ((يمهل ولا يهمل))واهم حاجة تبعدى عنهم نهائى وتتجنبى الاحتكاك بيهم خالص واو حصل اى تواصل يكون بشكل طبيعى ولا كأنك عارفة حاجة وإن شاء الله ربنا هيرزقك بابن الحلال وهتعيشى معاه بعيد عنهم والزمن كفيل بإنه يريحك