البارت السادس:-
وقف سيارته وهو مرتبك مو عارف وش يسوي
نزل من سيارته وبإيده اكياس
دور بعيونه على الجرس مالقى ابتسم بربكه
ونزل كيسه على الارض وطق الباب
وطلع له محمد
فهد : السلام عليكم يابطل
محمد فرحان وهو يشوف اللي بإيده : وعليكم السلام
فهد : وين اختك ر....
محمد : افنان افناااااااااااااان تعالي
افنان برجه ومن غير غطا: مين اللي على الباب اذا الاولاد يطقون وينحاشون ماعليك خلهم يولون
.. وهي تقرب جنب الباب وشافت فهد وانصدمت من وجوده
وارتبكت من الربكه مارجعت دخلت ظلت واقفه وترمش
وفهد مو افضل من حالها هو الثاني ارتبك منها ومن شكلها العفوي وطالعه تجنن بالبجامه اللي راسمه جسمها رسم وشعرها اللي منكوش واضح انه مو ممشط
وغير شكلها المصدوم ورموشها الكثيفه كل هذا انرسم بخيال فهد ومستحيل ينساه
ماحسو الا على محمد : افنان هذا فهد يبغاك
افنان برجه : ايه ادري
فهد مصدوم وعيونه لاشعوري توجهت له : تدرين عن ايش
افنان حست عمرها بدت تخبص : عن ايش ادري يووووه تفضل
وهي دخلت داخل ركض وقالت لمحمد يدخله المجلس
افنان : انا وش فيني على البقاره لايكون جاي يخطبني او يمكن مضيع بين بيتنا وبيت حبيبته لااااا اكيد انه جاي لي يوووووه وش هالثقه اقول اشوف محمد وش يقول
ومن الحظ ان ابوهم ماكان موجود بشغله
جهزت افنان ماتبقى من القهوه والشاي وجهزت العصير والماي وتحمد ربها ان ابوها امس معبي الثلاجه وقدرت ترقع
شوي الا اختها تربشها وتخرعها
: افناااانووووووووه
افنان بخرعه : يمااااا بسم الله الرحمن الرحيم خرعتيني ياحماره
اصغر عيالك افنانوه
: هههههههه عادي اصغر عيالي واخواني وكل شي
افنان : ريم تسنعي لابدله على راسك
ريم : طيب وش قاعده تسوين
افنان : عندنا ضيف
ريم وهي تتذكر الموعد : لاتقولين فهد
افنان بإستغراب : شلون عرفتي
ريم : ياغبيه هو قايل اسبوع الجاي بيجي لك ويختبرني
افنان وهي تتذكر : اهااااااا انا اقول ليه راز الفيس
ريم : تيس هو تيس بروح اقوله .. وركضت
افنان : تعالي والله لأذبحك ان صدتك قسم بالله لاأدفنك تعالي
سبقتها ريم ودخلت المجلس ومسكت عمرها افنان لاتدخل المجلس هي الثانيه وهي خلاص ودها تكسر البيت من اختها الفضيحه
ريم : هلا فهوووود
فهد بإستغراب : هلا فيك ريموووه
ريم بعصبيه : لو سمحت عمتك ريم
فهد بهمس : مادري من وين تجيب الكلام
ريم : ايش تقول
فهد : لااقول ذاكرتي تراني جايب كل هذا لك ولمحمد
ريم وهي منجنه على اللي بالكيس : ايه ذاكرت تخيل مانمت من يوم الخميس اللي فات بس اذاكر
فهد بيمشيها لها : لا لازم تنامين وليه جايه تركضين
قربت ريم منه وقالت: لحظه شوي
حمود اطلع برى كلام مايصلح لك
محمد : مو على كيفك انا الرجال
ريم : بتطلع ولااكفخ قدام فهوووود
فهد بإستغراب من هالبنت : عيب عليك خليه
ريم : لاتتدخل بين الاخوان
يلا قووووم اشوف وفصخت جزمتها ناويه ترميها عليه
لاكنه خاف وطلع ركض من المجلس بيروح يشتكي لأفنان
ريم : تدري اختي الغبيه الملسونه الحماره افنان وش تقول
فهد بعصبيه : عاد احترمي نفسك تراك مصختيها عيب تتكلمين على اختك كذا
ريم : لايكون تحبها تدافع عنها لو تسمع شتقول لي مساع
تقول انك تيس
فهد بصدمه وبربكه : ايييييييش انا تيس
افنان : كذابه يالغبيه قلت فيس مو تيس
فهد انصدم من دخول افنان بالعبايه عليه ومغطيه كلها
افنان: وبعدين ليه تقولين حق محمد : بكفخك هااااه تبغيني اعلمك الادب والتربيه
فهد : خلاص يوووووه ماعليك منها بزر
افنان : بهمس فشلتينا كذا قدام الرجال
وهي ماسكه صنيت القهوه والعصير لأن لامحمد ولا ريم يعرفون يشيلونها قربت من جنبه وحطتها على الارض
واللي ماانتبهت له ان نحرها بين من تحت النقاب يوم نزلت
وانتبه له فهد وجن جنونه
افنان ابتعدت بإرتباك : انا طالعه انا ومحمد اذا ناقصك أي شي قول لريم وتقولي يلا سلام
فهد : ياليتك تقعدين جنبنا ولاتروحين انا ابغاك انتي ماابغى لاريم ولامحمد ماسويت كل هذا الالك تكفين جلسي معي .. كان وده ينطقها بس لسانه انربط وسكت
ريم :يلا وش راح تختبرني
فهد صحى من خياله على صوت ريم : يلا انا جبت ورقه
وفيها ضرب وبعطيك دقايق على 10 مسائل ضرب
اذا حلتيهم لك جائزه
ريم : طيب يلا عطني
وبدى معاها وكل الهدف انها راح تعطل منها يفرحها هي ومحمد ومنها يشجعها ويعودها عليه لان اقرب طريق لقلب الطفل الالعاب والهدايا والحلوياااااات
انتهى معاها عليها بعض الأخطاء لاكنها روعه
وزع المسابقه مابين املاء ورياضايت وكلمات صعبه
وحروف وارقام بالانجليزي والحمد لله فازت
فهد : مشاءالله ممتازه
ريم : وناسه كل يوم سو لي اختبار
فهد : هههههههه لاصعبه كل يوم انا وراي شغل
ريم : طيب زورنا كل يوم
فهد : ههههه لا كل يوم بصير قثه .. اذا تفهمين
بس ان شاءالله بالإسبوع مره راح ازوركم
ريم راحت لعنده وحضنته : تدري من زمان ماحد جاب لي هديه
واول مره احس انها مو تبرع من احد لي
فهد حضنها وباس راسها : قومي نادي محمد بعطيه هديته
ومره ثانيه لاتقولين تبرع انتي نفس اختي في احد يتبرع لأخته
ريم : مشكور وراحت تركض تنادي محمد
ابتسم فهد على براءة تفكيرها على طولة لسانها الا انها تكون طفله وماتقول الا اللي تسمعه
دخلت ريم وجنبها محمد : تعال خذ هديتك
فهد : تعال اجلس هنا ... ويأشر على حضنه
شوف هذي الكيسه كلها لك لاتقول لا او استحي
محمد : مشكور بس افنان ماترضى تقول لاتاخذون صدقات من احد
فهد متعجب من هالافنان : ماعليك انا بقول لها يلا روح نادها
وخذ الكيسه محمد وريم خذت هداياها وباقي هديه
محمد : افنااااان افنان
افنان : نعم .. وبصدمه من وين لكم كل هذا
ريم : فزت بالمسابقه وعطاني جائزه انا ومحمد
محمد خاف من افنان وقال : هو يبغاك هناك
افنان : مين
محمد : فهد
افنان : وش يبغى طيب طيب لبست حجابها وراحت
من ورى الباب
افنان : آمر بغيت شي ناقصك شي سامحنا على القصور
فهد : مابدر منكم قصور افى والله قمتو بالواجب واكثر
افنان ماعرفت وش ترد وسكتت
فهد : احم اييييه انا طالعه وطلبتك لاتهاوشين العيال خليهم يفرحون وانا ماحبيت اجيبهم كذا اخاف تقولين مانقبل صدقات
خليتها تدرس ريم وجبتها وان شاءالله تفرحين فيها بالتخرج مشاءالله ذكيه وتحفظ بسرعه يلا انا طالع تامرون بشي
افنان: مايامر عليك ظالم
فهد : وعليك يلا فمان الله
وخل الكيس مكانه وطلع
يوم سمعت افنان صوت السياره دخلت المجلس
وهي مبتسمه : واااه وش فيني ماعرفت وش اقول
وهي بتشيل الصينيه الا انتبهت للكيس قالت يوم اكيد ناسيه
طبعا فضولها ماحب يترك الكيس من غير مايشوف شنو فيه وخاصه انه فخمه الكيسه
افنان : وش وراي خلينا نشوف وش فيها
فتحت الكيس وشافت كرت مكتوب فيه
ومسكت الكرت وفتحته وقرت المكتوب
.......
افنان هذي لك انا داري لو عطيتك ماراح تاخذينها وانا تركتها هنا
علشان تاخذينها واتمنى ماترديني وادري مو قد المقام
وسامحيني يوم اني ازعلك الاسبوع اللي فات وشدي حيلك بالاختبارات وبالتوفيق لك
فهــــــــــد
.....
افنان حالها يتغير مع كل كلمه مكتوبه بالكرت
كبر حبه بقلبها وتغير بعينها وحبته وتعلن حبها للملاء
مو بس حب الا تعشقه الله يحفقظه ويخليه لاهله
وشدت على كلمة لأهله اكيد فكرني فيني كأخت
ونزلت دمعه من عيونها
وشلون بقاوم اشوفك مع غيري يومها اكيد اني بموت
مسحت دموعها وطلعت من المجلس ووصلت الصاله وشافت
ابوها توه داخل سلمت عليه وريم ومحمد فرحانين بالالعاب
بو محمد : من وين لكم كل هالالعاب
ريم : من فهد
افنان : يبا تعرف فهد ال....
بو محمد : والنعم والله انه رجال الى الان فضله هو واهله على راسي وش فيه
افنان : هو اللي شاري هذول
لانه يطلع اخو صديقتي وهو تحدى ريم و......... الخ
بو محمد : والله والنعم عسى ضيفتيه
افنان : يبا يعني تتوقعني بخلي ضيف من غير ضيافه
بو محمد : هذا العشم فيك وانا ابوك يلا خليهم يفروحون انا بروح اتوضأ لان المسج يقيم الصلاه
قام بو محمد وبعدها قامت افنان وراحت غرفتها
قفلت الباب وقرت الكلام مره ثانيه وهي دموعها تسيل
افنان : الله يهنيك
وفتحت العلبه المخمليه الحمرا اللي يبين ان اللي داخلها غالي
فتحت العلبه وانصدمت افنان من اللي بداخلها
.........................................
وهي تضحك على رسايل نواف اللي ماتخلص
وعلى حبه المجنون لها
: هههههه والله مجنون يقول لي ذاكري ويرسل لي كيف اذاكر والله ماعرف افتح الكتاب عقلي يامعك يامع المذاكره
نواف : ههههههههه لبى هالصوت والله اشتقت لك متى يارب يعدون هلاختبارات واجي اخطبك واقسم مافيني صبر
انصبغ لون وجه الجوري من كلامه : طيب انا بذاكر تامرني بشي
نواف : هههههه لاتخليني اجي جنب بيتكم اللحين وانجن واخطبك رسمي وليه التصريفات هاااه ههههه
الجوري:نواااااف
نواف : عيونه وقلبه وروحه آمري
الجوري: مايامر عليك ظالم يلا بذاكر
نواف : مع اني عارف انك ماراح تفتحينه بس علشاني اذا كنتي تحبيني ابغاك تذاكرين جد مو لعب اوكي وانا بسكر منك تامرين على شي
الجوري بحيا : سلامتك
نواف : الله يسلمك وانتي بعد يلا سلام
الجوري: سلام
سكر نواف من الجوري
الله لايحرمني منه مايدري بهالكلام بيخليني انسى ابو الاختبارات
وتطالع بالكتاب .. وانت قثه على القلب ماتخلي الواحد ياذخ راحته يوووووه تذكرت في مسأله ماني فاهمتها واكيد لجووون تعرفها بتصل عليها اشوف
.........................................
كانت جالسه بين اوراقها وكتبها ماكانت تذاكر لمادة السبت لا كانت تذاكر للمواد اللي راح تكون بوسط الاسبوع وصعبه عليها
رن جوالها وشافت اسم الجوري ابتسمت وردت
لجين : الووو
الجوري: هلا والله
لجين : هلا بك
الجوري: كيفك وكيف الزفت معك
لجين : ههههه اوما زفت والله الحمد لله
الجوري: لجون حبيبتي عمري انتي ممكن اطلبك
لجين : بدينا بالتمييلح اوكي طلبي
الجوري: عندي مسأله بالكيمياء والله مو عارفه لها
تساعديني معليش
لجين : انتي غبيه ماتستوعبين بسرعه
خافت الجوري من لهجة لجين : بعد وش اسوي من سنع المعلمه هااااه بتشرحين ولالا لاتذلينا
لجين : ههههههه امزح معك خلاص تعالي انتظرك طيب
الجوري: ياعمري انتي والله تهبلين ووو..........
الجوري: لازم هالحركه كل مااكلمها تسكر بوجهي
على قولتها كله مجاملات ههههه انا اجامل حسبي الله على عدوينك
....... قامت الجوري تجهز لبست بنطلون جينز وتي شيرت بالاصفر بكحله سودا تعطرت خذت اغراضها اللي تحتاجها هناك من كتب واوراق واقلام اخذت عبايتها ونزلت تقول لأمها
وامها أي شي فيه مصلتحها ماراح تعارض
وركبت وراحت للجين
.................
ايه والله جالسه اذاكر ليه تبغين شي
شذى: ايه عندي لك سالفه معليش اجي بيتكم اقولها لك
ساره وهي مستحيه تردها وتخاف امها تفشلها : حياك بأي وقت
شذى بفرحه: اوكي دقايق واكون عندك تراني ماراح اطول يعني لاتسوين شي دقايق واطلع
ساره والسالفه شاغلتها : طيب انتي تعالي لانك بجد شغلتيني
شذى: ههههههه لا ان شاءالله دقايق واكون عندك
يلا باي
ساره بقرف من هالانسانه : باي
وش تبغى فيني هذي اقول لأفنان عنها لااا اخاف تتهاوش معاها خليني اشوف وش عندها وبعدها بقول لأفنان
......................
مصدومه من اللي تشوف
خااااتم الماس....!!
ومو أي خاتم روعه ويجنن طيب كيف عرف مقاسي
اكيد شافه يوووووه طيب ليه عطاني خاتم بذات
ياربي سترك والله مو فاهمه شي
... هذا حال افنان من فتحت الهديه اللي من فهد
شوي الا ينفتح الباب بسرعه :افنان افنان بابا نايم على الارض بجنب الحمام
افنان بصدمه : ايييييييييش وش فيه شنو تقولين
ريم : بسرعه قومي صحيه هو قال بيروح يصلي توضأ وابتسم لي ونام
افنان رمت الهديه بسريرها وبسرعه ركضت تشوف ابوها
وصلت لعنده والحمد لله كان فيه روح
بو محمد : يابنتي انا احس نفسي مو قادر اتحرك
ورحي احسها بتفارقني
افنان بدموع : لايبا انت سندنا وسند هالبيت
بو محمد مسح على وجه بنته: خلاص يايبا اذا جى ملك الموت ماحدن يرده كل اللي ابغاه منك اخوانك يابنتي حطي بالك عليهم
ربيهم احسن تربيه ابغاهم يقولون والنعم منهم
افنان ماقدرت تتحمل وطاحت بحضن ابوها : يباااااا تكفى لاتروح
بو محمد : شدي حيلك بالدراسه وجيبي الشهاده واشتغلي ووفري لخوانك كل شي يحتاجونه لاتخلينهم يحتاجون لأحد وانا ابوك
افنان : تاااااامر انت لحظه بدق على الاسعاف يبا تماسك
ريم ومحمد يصيحون ومو عارفين وش يسوون
بومحمد : تعــعـ ااالو جنب ابوكم
ريم ومحمد يجلسون جنب ابوهم
بو محمد : عيالي خلكم شطار ولاتطولون لسانكم وانتي ياريم لاتطولين لسانك ترى الناس ماتحب اللي يطولون لسانهم وقليلين ادب ابغاك تكونين ممتازه وتعلمين محمد الصح من الخطأ
هو الباقي لكم طيب
ريم : وانت يابابا وين بتروح
محمد : بيرح حق الله صح بابا
بو محمد بصعوبه : صص حح ياووولددددي
اشهد ان لاإله الاالله واشهد ان مححححمد رسسسسسسسول الله
تعلق عيونه بالسما وودع الحياه
ريم ومحمد يطالعون ابوهم
افنان تركض لجهة ابوها
افنان : يبااااااااااااااااااااااا تكفى لاتروح الاسعاف جاي والله يبا ماعرف وش اسوي من دونك
ريم : بابا بيروح عند الله
محمد : هو قال لنا
افنان : يباااااااااا ارجوك لاتروح لاتحملني فوق طاقتي
تكفى والله اموت من بعدك تعبت والله تعبت اتحمل مسئولايات مو قدها الله يخليك لاتتركنا نضيييع من دونك
لاكن ماتسمع من ابوها رد يشفي غليلها
طاحت بحضنه هي و اخوانها يبكون على اخر سند لهم
بعد ربع ساعه وصل الاسعاف طبعا الجيران ماقصرو
عيالهم ساعدو الاسعاف في الدخول للبيت وبناتهم
جلسو يواسون افنان اللي صراخها شايل البيت ودموعها ماوقفت
وهي تسمع صدى صوت ابوها
بو محمد : شدي حيلك بالدراسه وجيبي الشهاده واشتغلي ووفري لخوانك كل شي يحتاجونه لاتخلينهم يحتاجون لأحد وانا ابوك
افنان : اااااااااااه ياابوي والله ماعرف وش اسوي بغيبتك
وقفت شوي وطالعت باللكل اللي عندها
ليه تطالعوني ابوي مامات قال بيروح يصلي مامات
كان فرحنا بألعاب ريم ومحمد ماماااااات قال بيصلي وبيرجع
ليه تسووون عزا برى برىآآآآآآآآآآآآآآآآآآ
انتي يلا قومي برى ليه جالسه جنبي كلكم برى مابغى اشوف احد برىآآآآآآآآآآآآآآآآآآآآآآ آآآآآآآآآ
طلع الكل من عندها على طول طاحت على سريرها تبكي ااااااااه ياابوي ياسندي رحت ومارتحت انا سبب عذابك
انا اللي ماريحتك ليتني اشتغلت وتركت الدراسه
ليتني طعتك بالايام اللي فاتت ولازعلتك
سامحني يبا سامحني
..............................................
هلا والله بالجوري تو مانور البيت
الجوري: منور فيك هاه عندكم احد
لجين : لابس عمتي وجدتي
الجوري : يووووه كان قلتيلي كشخت لبسي مبهذل
لجين لاتفصخين عبايتك خليها سلمي وصعدي معي فوق
الجوري: طيب
دخلو لجين والجوري على العمه والجده
سلمت عليهم الجوري وصعدت فوق
مع لجين
في الغرفه لجين :حياك جلسي ترى البيت بيتك مو غريبه تراك
الجوري بثقه : ادري ههههههههه لاتخافين باخذ راحتي وزود
شوي الا جوال الجوري يعلن عن صوت مسج
لجين : بدينا هنا للدراسه فقط
الجوري : طيب هههههه بس حاب يتطمن وصلت ولالا
لجين : بعد ههههههه عشنا وشفنا اوكي يلا قوليلي وش تحبين تشربين
الجوري: عصير برتقال بالببسي ههههههه
بعد ايش اشرب كالعاده عصير فراوله
لجين : هههه قلت يمكن غيرتي طيب ثواني وانا اجيك
نزلت لجين تحت والجوري جلست تشوف غرفت لجين وتتعبث بأغراضها
...........................
يما خالد تعال شوف لجين
خالد : طيب اذا وصلت البيت بقولك
ام خالد : اوكي عطني رنه طيب
خالد : ان شاءالله
ام خالد : يلا نتبه لعمرك فمان الله
خالد : ان شاءالله فمان الكريم
وش فيك مين تكلم
خالد : امي بتخليني اشوف بنت خالي
: يوووووه امك بعد مطاوعتك ليه تشوفها اخطبها وبس
خالد : هههههه يانواف حاب اتأكد
نواف: براحتك بس حبيت اعطيك رايي
خالد : هههههه وش فيك عصبت خلاص لاتزعل يلا اانا رايح تامرني بشي
نواف : هههههه سلامتك بس حبيت اقولك لاتطول بشوفه
خالد : هههه طيب طيب يلا اشوفك على خير سلام
مايدري ليه حس بنغزه بقلبه من روحة خالد
وتمنى لو انه يمنعه من شوفت البنت
نواف : وش فيني على راحته هو واهله
وانا وش مجلسني هنا خلني اقوم اصرف لي
شغل سيارته ومشى
.....................................
ليه بس دقايق وراجعه
: قلت لا يعني لا فتحي كتبك وذاكري
يماااااا ابغى اروح ضروري
: شذى وبعدين قلت لايعني لا
شذى: وانا وش اللي يخليني اسمع كلامك
انا رايحه غصب عليك
ام شذى : تعالي اكلمك شـــــــذىآ
طلعت شذى ولاهتمت لأمها
ام شذى : روحي جعل الله لايردك من بنت شقيتيني وتعبتيني
تروحين وترجعين في سيارات اول مره اشوفها الله لايردك قولي آمين
طلعت شذى مع سعود
شذى:هااااااااي
سعود : تأخرتي
شذى:الملعونه مو راضيه اطلع
سعود عرف انها تقصد امها لانها دايم تسميها كذا
: هههههههه ملعونه مره وحده
شذى : تولي عن وجهي
سعود : يلا مشينا ولاتنسين اللي قلت لك طيب
شذى من عيوني تامر
وهم بالطريق ماقدر يسيطر سعود على عقله اللي تلف من كثر المخدارت وحس بدوخه ولانه توه متعاطي ابره
شذى : سعود وش فيك كنا بنصدم
سعود : لا بس راسي اللحين احسن
وهو كان يسولف مع شذى مانتبه لـ الشاحنه اللي مرت بوجهه
وهو صدم فيها وتقلبت السياره والتمت الناس على السياره
ووصلت الاسعاف والكل تجمع بيحاول ينقذ حياة الموجودين فيها
.........................
يوه تأخرت هذي انا الغبيه اللي عطيتها مجال
مرام : وش فيك تحاتين
ساره : والله جالسه انتظر بنت بتمرني
مرام : مين .؟!!
ساره : شذى مادري وش تبي
مرام : متى تعرفتي عليها ولهدرجه تمون عليك
تجي تزورك
ساره : مادري عنها استحيت اردها قالت تبغاني بشي ضروري وماجات
مرام : ان شاءالله ماتجي هههههه مادري ليه قلبي ناغزني منها
ام سلمان : وش جايبه معك مصيبه ثانيه
مرام : يما ايش تقولين انتي
ام سلمان : إسأليها هي اللي مايجي منها الا المصايب
ساره طلعت من الصاله وراحت غرفتها وهي الدمعه بعيونها
مرام : يماااا ليه تقسين عليها والله انها تكسر الخاطر
ام سلمان : تركيها عنك تسوي حركات تبغانا نسامحها لاكن مو مسامحتها مادام راسي يشم الهوى ولاني راضيه عليها فشلتنا ووطت روسنا وهدمت مستقبلك شوفي حالتك من غير زوج ولااحد طق بابك
مرام تحسست من الموضوع : اللي مايبغاني منشان اختي انا ماابغييييييه وسكري هالموضوع
تركت مرام امها وراحت لعند اختها تواسيها وتخفف عنها
وهي مو عارفه كيف تخفف عن اللي بصدرها
..............................
هلا يما وصلت
ام خالد : شوف بخليها تنزل بالمجلس بقول لها تجيب شي وانتن من النافذه شوفها طيب اذا قلت لك شوفها شوفها طيب
خالد : ههههههه طيب ماتحسين ان احنا مجرمين
ام خالد : عن الملاقه ويلا برن لك رنه رح لها طيب بش شوفها لاتدخل
خالد :طيب طيب
سكرت ام خالد من خالد
ودقت على جوال لجين
رن جوال لجين بجنب الجوري ويوم شافت ان المتصل عمتي
ردت بعفويه
الجوري : هلا
ام خالد : لجين حبيبتي روحي المجلس شوفي نظارتي هناك مضيعتها مادري وين
الجوري حبت تساعدها : طيب ثواني واشوفها تامرين
ام خالد مالاحظت الصوت : ياعمري عليك يلا انتظرك
نزلت الجوري تحت وشافت الخدامه قالت لها وين المجلس قالت لها هنا وكملت مشي وشغلت الانوار
الا ام خالد في هالوقت كانت رنت لولدها يوم سمعت صوت باب المجلس ينفتح
خالد كان على النافذه يشوف
وانبهر بعفوية وجمال اللي قدامه
كانت بعينه مو بس روعه الملاك بعينه
ومن انبهاره مو قادر يتحرك جلس يوشفها وهي تمشي بالمجلس وكأنها تدور علي شي
وبعدها لقتيه وطفت الانوار وطلعت
هو ماكان حاس بحاله الا يوم عم الظلام وماصار يشوف شي
طلع من البيت وهو مستانس
دق على امه وقال من اللحين خطبيها لي ولاتطلعين الا ماخذه الموافقه طيب
ام خالد : ههههههه انجنيت ياولدي اترك البنت تكمل دراستها وتخلص الثانويه ويصير خير
خالد : وش يصبرني انا الى بعد الاختبارات
ام خالد : علامك ياولدي لهدرجه عجبتك
خالد : فوق ماتتصورين والله
ام خالد : الله يسخرها لك يارب
يلا اخليك ياولدي ومرني بعد ساعه طيب
خالد: تامرين يلا سلام
سكر من هنا الا رن جوال خالد برقم غريب من هنا
خالد بإستغراب : الو
: السلام عليكم
خالد : وعليكم السلام مين معي
: معك الدكتور وليد من مستشفى .....
خالد : عسى ماشر اخوي
وليد : اخوك سعود سوى حادث وكان بالحادث معه بنت
البنت ماتت اما اخوك الحمد لله انقذناااه
خالد : ايييييييييييييش اخوي اللحين انا جايكم مع السلامه
....................................
انتهى البارت توقعاتكم
1\ افنان ووفات ابوها كيف بتتحملها
2\ خالد + سعود + الجوري ...!!
3\ فهد وش كان المقصد من هديته
4\ وش راح تكون ردة فعل الكل بموت ابو افنان
ان شاءالله راح انزل البارت السابع هدية اعتذار عن تأخري
بحفظ الرحمن