[لامارا]

( البارت الاول )

التعريف بالشخصيات :
الجد ابو عبدالعزيز/ كون نفسه بنفسه له شركه كبيره عياله وبعض الشباب يشتغلون فيها حنون وطيب يحب احفاده ويدور رضاهم ولايرفض لهم طلب
وخاصه البنات له قصر بالرياض ومزرعه كبيره فيها مسبح وخيول ودبابات....
الجده ام عبدالعزيز/ مع زوجها من كان عمرها 16 سنه على الحلوه والمره تحب لمة عيالها واحفادها ماتفرق احد عن احد بالغلا.
لهم 4 اولاد و3 بنات وهم بالترتيب :

1/ عبدالعزيز وزوجته منيره ولهم 3 اولاد و3 بنات :
فهد/ 31سنه يشتغل بشركة ارامكوا عايش بالشرقيه بيتوتي (يحب جلسة البيت) متزوج من هيفاء بنت عمته نوره جميله وجسمها ريان طيبه ولهم بنت
اسمها فجر تجنن بسم الله عليها عمرها 9شهور .
خالد/ 28 سنه يشتغل بالشركه يحب الاطفال حنون مرره وسيم طويل وخشمه سلة سيف له غمازات زايده في وسامته مهتم بشكله ولياقته ويحب الكشخه
ويحب شخصيه من الطفوله.
نور/ 25 سنه مدرسة متزوجه وعايشه بجده لها ولد اسمه حمودي عمره 3 سنوات .
فرح/ 22سنه بالجامعه اسم على مسمى تحب المقالب مملوحه لها غمازات وهي تتكلم مبينه شعرها كيرلي وصوتها فيه بحه حلوه.
نوف/ 19سنه بالجامعه تحب الوناسه .
مشاري/ 14سنه هادي.

2/ عبد الرحمن وزوجته ساره ولهم ولدين و3 بنات :
محمد/ 29 سنه يشتغل طبيب اسنان في عيادة عمه نايف جذاب رزه وثقيل بس موغرورملامحه حاده متوسط الطول يعشق الخيول وله خيل خاص بالمزرعه .
فيصل/ 26 سنه يشتغل بالشركه جسمه رياضي سر وسامته في عيونه رايق ويحب المزح.
ريم/ 22سنه بالجامعه هاديه وخجوله بجد جمالها احلى من الوصف شعرها بني فاتح وكثيف وعيونها عسليه تحب الرسم وتخاف من الحيوانات.
رغد/ 19سنه بالجامعه مع بنات عمها في تنفيذ المقالب.
رند/ 13 سنه تشبه اختها ريم ومتعلقه فيها .

3/ العمه نوره زوجها متوفي من زمان ولها بنتين بس :
هيفاء/ 25سنه زوجة فهد.
غاده/ 23 سنه بالجامعه نعومه مررره (بيبي فيس) حساسه شوي ترتاح لتركي وخالها نايف وصديقتها حلا.


4/ العم عبدالله وزوجته هدى(عندها مشكله صحيه بالقلب) ولهم ولد وبنت بس :
تركي/ 23 سنه موظف جديد بالشركه يتحمل المسئوليه تعبت امه في الولاده ورضعته عمته نوره مع غاده(يعني اخو غاده بالرضاعه)
ولاجابت غيره الابعد مده وبعلاج يحب خواته غاده عنده عين وغلا العين الثانيه ولايرفض لهم طلب.
غلا/ 10 سنه دلوعة الكل وتحبهم كلهم بس اخوها غيررررر.

5/ العمه الجوهره ماعندها اولاد زوجها سعود يشتغل بالسفاره السعوديه في لبنان ورافض فكرة الزواج علشان العيال عنده زوجته بالدنيا حنونه وعسل
تحب عيال العائله وهم يحترمونها وأملها بالله كبيرررر.


6/ العم نايف /33 سنه يشتغل طبيب أسنان وله عياده خاصه جنتل وجذاب طويل واكتافه عريضه الكل يحبه ويحترمه وشخصيته حلوه مع الكبير كبير
ومع الصغير ينزل نفسه له , مطلق زوجته ومايحب يتكلم بموضوع الزواج غاده بنت اخته لها غلا خاص في قلبه.

7/ العمه العنود/ 29 سنه حلوه ونعومه اللي يشوفها يعطيها اصغر من عمرها بياضها على وردي متزوجه من وليد حامل ولهم بنت كأنها امها جسمها
صغيرتهبل كلامها اكبر من سنها اسمها الجوري 4 سنوات .

بالقصر اللي جنبهم جارهم ابو فارس صديق للعم عبدالرحمن كان متزوج من لبنانيه الاصل متوفيه وعنده منها ولد وبنت بس :
فارس/ 28سنه صديق محمد من االمتوسط وسيم حنطي وجسمه رياضي وطيب ويحب اخته يشتغل بشركة ابوه.
حلا / 23 سنه بالجامعه شبه امها بشرتها بيضاء وصافيه خشمها صغنون بس حلو وشفايفها مثل التوت وعيونها كبيره ولونها غريب شعرها طويل واشقر .
بعد كم سنه تزوج ابو فارس وزوجته تحب عياله وهم يحترمونها وله منها ولد وبنت :
فهد/ 9سنوات.
حنان/ 4سنوات حلوه اللي يشوفها يحبها .

في قصر الجد يوم الاربعاء الساعه الثامنه صباحاً:
الجد والجده جالسين على الفطور نزل لهم نايف وحب راس امه وابوه .
نايف/ صبحكم الله بالخير.
الجد والجده مع بعض/ صبحك الله بالرضا والكرامه.
نايف / كيف اصبحت يالغالي ؟
الجد/ الحمدلله بخير دام انت واخوانك بخير.
نايف/ الله يخليك لنا. وانتِ يالغاليه كيف اصبحتي؟
الجده/ بخير دام اشوف هالوجه . افطر ياوليدي.
نايف/ والله مااقدر متأخر بس قلت اصبح عليكم قبل لا امشي.
الجده / الله معك وانتبه لنفسك وانا امك.
نايف/ لاتوصين يالغاليه.
الجد/ الولد ابو 33 وانت للحين انتبه لنفسك.
الجده/ والله لو يصير ابو 50 لازم اوصيه لين تجيه اللي في بالي.
نايف تضايق من الموضوع بس ماحب يبين لامه/ انتِ الكل بالكل حتى لو بتجي.
الجده/ بس متى ؟؟
نايف/ الله يسهل اذا عزمت قلت لك يله الحين استأذن اشوفكم على خير.
الجد والجده مع بعض/ في حفظ الرحمن.
بعد ماطلع نايف منهم قال الجد/ الله يهديك انتِ تدرين انه مايحب هالطاري ولا يحب يزعلك.
الجده/ ودي ارتاح واشوف عياله من يضمن عمره ياابو عبدالعزيز.
الجد/ الله يطول بعمرك وتشوفينهم ان شاء الله.
الجده/ امين بس الله يهديه ويختار امهم قبل .
الجد/الله يوفقه ويرزقه بالصالحه من خلقه .
الجده/ ااااامين.

**ملاحظه/ بيت العمه نوره جنب اهلها وبينهم باب.
نايف وهو طالع من المدخل على طلعة غاده للجامعه نواف/ غدو
وفتح لها يدينه غاده رجعت له وضمته وهو حب راسها .
غاده/ هلا خالي غريبه اليوم متأخر.
نايف يمزح معها/ كم مره قلت لك اذا صار مافيه احد لاتقولين لي خالي.
غاده / ههههههه تصدق عاد انسى وبعدين مااقدر.
نايف/ امزح معك وبعدين لو قلتي لي ابوي ماراح ازعل منك.
غاده تضايقت شوي/ الله يخليك .
نايف حس فيها وبيروقها مع انه متأخر / ابي ضحكه حلوه مع بوسه محترمه.
غاده / ههههههههه ابشر ماطلبت بس انا اخاف اتعود وتجي المدام وتغار.
نايف وهو مبتسم/ ليش بتجلسين لي طول العمر بيجيك ان شاء الله اللي يغار عليك انتِ مني .
استحت غاده من كلام خالها ونفذت الطلب ومشوا مع بعض نايف ركب سيارته وغاده طلعت لحلا تنتظرها.

في بيت العم عبدالعزيز الكل طالع لدوامه باقي فرح ونوف...
فرح تحت تنتظر نوف علشان يروحون للجامعه ونوف متأخره راحت فرح وطلبت غرفة نوف وبعد الرنه الثانيه ردت عليها.
فرح/ صاحيه يله تأخرنا.
نوف/ دقايق ونازله.
فرح/ شوفي قدامك 4 دقايق لو تكمل 5 مشيت وخليتك.
نوف/ يله يله انت بكذا تأخريني باي.
فرح/باي.
خلصت نوف قبل المده المحدده هههههه خوفا من تنفيذ فرح لوعدها لانها خبله وتسويها نزلت ولقتها زهقانه من الانتظار شافت فرح نوف واخذت شنطتها
وطلعوا مع بعض.

في بيت العم عبدالرحمن :
راحت رغد لغرفة ريم لقتها لسى نايمه خافت لان ريم ماتخلي الجامعه الا اذا فيها شي وخاصه ان الامتحانات على الابواب.
رغد جلست على السرير جنب ريم بتصحيها لمستها لقتها حاره شوي.
رغد/ ريم.
ريم صحت وهي منهبله/ هلا رغوده.
رغد/ سلامات وش فيك.
ريم/ مدري بس امس مانمت من العطاس وارتفعت حرارتي شوي والحين احسن الحمدلله بس احس جسمي مكسر.
رغد/ امي تدري؟
ريم/ ايه تدري رند مرت علي قبلك وقالت لها وجابت لي عصير ليمون .
رغد/ يله اجل باي وماتشوفين شر .
ريم/ الله معك.

الظهر في بيت العم عبدالله غلا راجعه من المدرسه طبعا مع تركي لانه مايبيها تركب مع السواق بروحها .
غلا دخلت البيت وهي تصوت/ لوسي... لوسي...
جت تركض ونطت في حظنها وبعدها جت الشغاله واخذت شنطتها وطلعتها فوق لغرفتها.
طلعت ام تركي من المطبخ وراحت لها غلا وباستها وتركي حب راسها وجلس يتفرج على مسلسل امه وغلا ويضحك هههههه.
ام تركي/ هلا غلاي ماتقولين ماما على طول لوسي
غلا/ ماما تغارين من لوسي.
ام تركي/ لا ماما بس سلمي وبعدين العبي مع لوسي والحين قومي غسلي يدينك وبدلي ملابسك وتعالي نتغداء.
غلا/ ان شاء الله ماما.
ام تركي/ اخبارك مع الدوام في الشركه.
تركي/ لا الحمدلله كل شي تمام يالغاليه بس اشوفك تغارين من لوسي.
ام تركي/ من جدك انت بس مابيها تتعلق فيها كثير واذا ماتت الله يعين على الصياح.
تركي/ ولايهمك يالغاليه بدال الوحده ثنتين لعيون غلا.
ام تركي/ الله يخليك لها ويستر عليها من هالدلال مايخربها علينا.
تركي/ الله يخليكم لنا انتم بدونكم مانسوى شي ولاتخافين لايق عليها الدلال توصين شي قبل ماانام لي شوي.
ام تركي/ لا ابوي نوم العوافي بس اليوم العشاء في بيت جدك وتعرف جدتك ماتحب احد يغيب .
تركي/ لاتوصين ان شاء الله.

في بيت العم عبدالعزيز جو البنات من الجامعه وسلموا على اهلهم وفرح معصبه على نوف .
فرح/ يبه الله يخليك شوف لي حل مع بنتك البطيئه.
الابو يمزح/ وش الحل اركب لها حجر جديد يعني.
ضحكت فرح وراح التعصيب وقالت وهي تناظر نوف/ تشوفين الليله.
نوف/ ماتقدرين اصلا انا المنفذ.
فرح/ لا اقدر اذا معي رغد .
وهم طالعين على الدرج ويكملون سوالفهم
نوف/ هههههههههه اصلا رغد ماتقدر تخون الصداقه علشانك.
فرح/ نشوف الا على طاري رغد ماشفت ريم بالجامعه .
نوف/ ايه تقول تعبانه.
فرح/ يوووووه الله يعينها جسمها مايتحمل تعب انتِ تشوفينها اذا شرفت الحلوه ثاني يوم لازم تتعب.
نوف/ ايه ادري انا على بالي هي بس تقول لا حراره وعطاس.
وكل هالسوالف قبل كل وحده تدخل غرفتها وكان فيه احد بينزل وسمع سوالفهم بالصدفه وسرح شوي .

**ملاحظه/ فهد عنده اجازه اسبوع وجاي عند اهله.
تحت الكل موجود الا البنات سلم على الكل واخذ فجر من ابوها وجلسها بحضنه وعطاها بوسه ومعها شوي عضه من غلاها
وهي مبسوطه وتضحك قال لها ابوها فجر عطي عمو بوسه من سمعت بوسه وهي ملزقه خشتها الحلوه بخد عمها ..
خالد/ حلوووو تسمي هذي بوسه بنتك يبي لها عوامه .
فهد/ يحصل لك فجر تبوسك.
خالد / بكذا توقفني عند حدي لا والله مايحصل لي.
جاء بيمدها لابوها علشان يطلع يخلص له شغل تعلقت فيه ورفضت وصارت تبكي ضمها وقال تلوموني ليش احبها وصار يبوسها من كل مكان
ورجعت تضحك وجلس شوي علشانها بعدين طلع .

في بيت العم عبدالرحمن رند رجعت من المدرسه وسلمت على اهلها وطلعت لغرفة ريم اختها تتطمن عليها .
ريم/ تعالي رند.
رند وهي مبتسمه/ السلام وبعدين كيف عرفتي انه انا اللي عند الباب؟؟
ريم/ وعليكم السلام اعرف كل شي فيك حتى طقتك للباب.
رند مبتسمه / شكلك الحين احسن من الصباح صح؟
ريم/ايه بكثير الحمدلله.
دخلت عليهم رغد لان الباب كان مفتوح وكانت طفشانه من الحر بعد رجعتها من الجامعه.
رغد/ ايه وش عليك غايبه ومبسوطه.
رند بدفاع عن ريم / حرام عليك تعبانه وشلون تكون مبسوطه.
ريم / الناس تسلم اول.
رغد بطفش/ السلام عليكم ورحمة الله وبركاته فيه شي ثاني.
رند وريم مبتسمين على شكلها / وعليكم السلام ورحمة الله وبركاته.
رغد/ اخبارك الحين؟
ريم/ الحمدلله.
رغد بنظره لرند/ غريبه رحتي المدرسه وريم تعبانه.
رند/ امي ماراح ترضى اني اغيب ورحت بكرامتي.
رغد / اووووه ونعرف الكرامه بعد.
ريم/ ليش وش قالوا لك هذي رند.
رغد/ اقول بروح انام لي شوي كل وحده تدافع عن الثانيه.
رند/ وانا بعد ريم تبين شي .
ريم مبتسمه لاختها / لاحياتي باخذ لي دش ينشطني وانزل تحت .

هنا نتوقف عند نهاية هذا الجزء على امل اللقاء في الجزء الثاني..