(الجزء الخامس)
كل صيف متعودين كل عائله تروح على راحتها وبعدين يرجعون لبيت الجد في لبنان في منطقة (بحمدون) بس هالصيف قال لهم الجد انه ماعاد يتحمل الطياره
مسافه بعيده وعلشان مايجلس كلهم بيروحون لبنان الا العم عبدالله بيسافر لندن يشوف حالة ام تركي وعلشان كشفها السنوي..
اليوم رحلة لبنان من مطار الملك خالد لمطار رفيق الحريري في بيروت وصلت اول دفعه وبكره فيه رحله ثانيه..
كانوا حاجزين في فندق (مركزيه مونروسويتس) بشارع السوليدير قريب من كل شي وبعد كم يوم يروحون لبيت ابو عبدالعزيز ابرد لهم..
طبعا عارفين اماكن لبنان بحكم ان للجد بيت فيها ومهما راحوا لازم يختمونها فيها..
بعد مارتاحوا البنات يوم اتفقوا يروحون abc الأشرفيه ومعاهم ام محمد والعمه نوره ..
بعد التسوق توجهوا للفندق وطلعت ام محمد والعمه نوره على طول فوق والبنات دخلوا على طلعة عمهم نايف من الفندق..
فرح/عمي وين رايح؟؟
نايف بمزح/بجلس في مقهى فيه مانع ست فرح.
فرح ابتسمت/ لاوالله عمي خذ راحتك.
غاده/خالي عادي نجلس معك.
نايف /اكيد عادي. وشاف ريم وكمل/بس خالد شوي وينزل.
ريم/اصلا انا بروح للفندق.
الكل/هههههههه.
نايف مبتسم/ امزح اصلا طالعين.
نوف ورند اخذوا الاغراض من البنات بعد ماسئلوا عمهم اي مقهي بيروحون علشان يرجعون لهم وقال لهم البتي كافيه..
جلسوا في المقهى ونايف هبل في البنات خليجيات وغيرهم وصاروا رايحين راجعين لانهم شايفين لهم وسيم و كاشخ لابس بنطلون جينز وقميص Burbery .
غاده مبتسمه/خالي شوف كيف يطالعون 6 بنات معك.
فرح بمزح/ على بالك يناظرونا لا حياتي شايفين عمي الكاشخ.
نايف ابتسم/ وش رايك فرح انزل بالبجامه يعني.
نوف/ لاعمي بس حرام عليك تعذب الصبايا كذا.
رغد/اوووه عمي بعد لو باقي الشباب معك عذبتوهم صح.
فرح بمزح/ الكل عادي الا اخوي خلاص راحت عليه صح ريم؟؟
ريم مبتسمه/ انا واثقه فيه ياخذ راحته.
نايف/ كفو والله وانا عمك.
نوف/ اوووه من قده لازم ننقله الخبر.
ريم/ مايحتاج يدري.
نايف حب يجس النبض هل ممكن يكون فيه احد مثل زوجته الاولى حتى مايحب يقول اسمها الكل يقول صغيره هذي ريم بنفس عمرها..
نايف/ ريم يعني لو تجي بنت ترمي على خالد كلام عادي.
ريم استحت/ لاعمي عااد بس انا واثقه بخالد .
نايف سرح شوي والبنات كملوا سوالف ويشربون اللي طلبوه ماكملوا ساعه وطلعوا البنات لان الشباب كلموا نايف يشوفون وينه لانهم راجعين.
البنات ماخذين لهم سويتين والشباب نفس الشي طلعوا البنات فوق وكل وحده مطلعه اغراضها اللي شرتهم يتفرجون عليها جلسوا شوي سوالف وضحك
ولبسوا البجامات استعداد للنوم لانهم من الصباح صاحين وتفرقوا ريم منسدحه وجوالها بيدها كان على السايلنت وصل لها( حياتي اقدر اكلمك )
ابتسمت ريم وردت عليه(خالد اسفه الوقت متأخر والكل نايم )
خالد رد عليها(ادري تأخرت تحت وقلت ارسل قبل لاني اقدر اطلع انا برا عن الشباب اكلمك)
ابتسمت ريم لذوقه وردت عليه(كيف المشوار اليوم )
خالد(ماعليه انبسطنا ورجعنا لعمي وكلمني عن الثقه الزايده فيني ووصاني اني اكون قدها)
ريم ابتسمت وردت(وانت قدها ان شاء الله)
خالد مبتسم ورد(الود ودي اطول معك بس ابيك تنامين تصبحين على خير قلبي) ردت عليه ريم وحطت الجوال ونامت..
اليوم الصباح مشوار مشترك لان الجد يحبه وهو مغارة جعيتا وهناك فيه تلفريك انبسطوا وتغدوا في مطعم اسمه (منير)في برمانا الجلسه فيه ترد الرووح
وقبل المغرب وهم في الفندق و البنات اللي يبدل ملابسه واللي يغسل لانهم بينزلون يتمشون في محلات السوليدير..
اليوم اللي بعده صحوا البنات ونزلواتحت في الفندق يفطرون وكانوا الشباب يفطرون على طاوله ..
وصل لجوال ريم(احلى صباح في حياتي يوم شفتك في بدايه يومي صباح الخير يادلوعتي).
ردت ريم(تسلم لي صباح النور).
خالد( وين العزم اليوم)
ريم(متفقين نروح للهوليدي إن ديونز).
خالد(اوكي حياتي حلو لان الشباب بيشوفون فلم في سينما المجمع اللي بترحون له وباخذ الاذن من عمي ابي اتمشى معك هناك..
بعد المغرب في المجمع تمشوا الشباب وبعدين دخلوا السينما والبنات قالوا لنايف انهم بيدخلون معاهم وخالد التقى مع ريم عند السينما واخذها ..
خالد وهو ماسك يد ريم / اخبار دلوعتي؟؟
ريم مبتسمه/ تمام الحمدلله. انت اخبارك؟؟
خالد/ انا بشوفتك بأحسن حال.
ريم وهي مستحيه/ دوووم يااارب.
خالد/ تعالي لفت نظري في هالمحل وانا اتمشى مع الشباب فستان روعه ابي اشوفه معك.
ريم/ اوكي.
دخلوا المحل وخالد سئل عن الفستان وقالوا له انها اخر قطعه وراح.
ريم/ خالد لايكون تقصد الفستان المعروض.
خالد/ شايفته كان حلو مرره صح؟؟
ريم مبتسمه/تدري شريته.
خالد/ جد سبحان الله نفس الذوق.
ريم/ والله اعجبني واخذته حتى قالي اخر قطعه المعروضه قلت ماعليه ابيها.
خالد/ مقاسك S صح.
ريم/ صح كيف عرفت.
خالد بمزح/ مايبي لها شطاره ياحلوه الكتاب مبين من عنوانه.
ابتسمت ريم وكملوا يتمشون بالمحلات ولا ارتاح خالد لحد ماشرى لريم فستان من ذوقه اعجب ريم مرررره ..
راح خالد لمطعم بنفس المجمع وطلبوا لهم عشاء كان مع ريم كيس فيه هديه لخالد اخذها خالد من ريم وفكها وكان قلم Cartier رهيب .
خالد انبسط مهما كانت الهديه تفرح وخاصه اذا من احد غالي على قلبك قال الرسول عليه الصلاة والسلام "تهادوا تحابوا"
طلعوا الشباب والبنات من السينما ورجعوا للفندق.
رند/ خساره ريم فاتك الفلم كان حلو.
فرح بمزح/ حبيبتي رند اختك كانت في مشوار احلى من الفلم بكثييييير.
ريم مبتسمه/ ماعليه بس أن شاء الله بشوف الفلم.
نوف/ جد ريم وين رحتوا.
ريم/ نوف اصابتك عدوى من فرح.
غاده/ ههههه يله استلموا زوجة اخوكم انا رايحه انام تصبحون على خير.
رغد/ وانا بعد راسي مصدع تصبحون على خير.
الكل/ وانتم من اهله.
نص ساعه والكل على فراشه نايم لان بكره اكيد فيه مشوار جديد..
في بدايه اليوم الجديد كلم ابو فارس ابو محمد يبلغه انه في لبنان واتفق معاهم على محل يلتقون فيه وصل لهم خبر ان حلا ماوافقت على اللي خطبها
وانبسط ابو محمد بالخبر وكلم محمد وقال له اذا للحين يبي البنت خطبناها مره ثانيه أكد محمد لابوه انه على طول يكلم ابو فارس قبل لاتروح عليه مره ثانيه
رد ابو محمد على طول المكالمه لابو فارس وجوابه ان نسبهم يشرف بس الرأي الاول والاخير للبنت وان شاء الله خير..
ابو فارس متعود يجيب عياله لخوالهم يسلمون عليهم في لبنان وحب يغير جو لعياله الصغار بعد الدراسه ..
سكنوا في فينسيا وكلمت حلا البنات تشوف اليوم وين بيرحون لانها بكره بتروح لبيت جدتها..
حلا / اهلين غاده.
غاده / هلا والله صوتك في لبنان.
حلا مبتسمه/ على بالك عرفتي من صوتي ماقلت لك انا. المهم اخبارك؟؟
غاده /هههههه تمام الحمدلله اخبارك انت ومتى وصلتوا؟؟؟
حلا /ههههه شوي شوي علي وصلنا اليوم واخباري تمام.
غاده/ حلو لازم نشوفك اليوم ان شاء الله.
حلا/ انا مكلمه بشوف اليوم وين بتروحون اجيكم هناك ان شاء الله.
غاده/ اظن الحمراء.
حلا/ اوكي واذا خلصنا بعزمكم على العشاء.
غاه/ حياتي اول شي انا بعزمكم اليوم وبعدين يصير خير.
حلا/اوكي.
طلعوا البنات للحمراء وهناك شافوا حلا مع فارس تنتظرهم من شافتهم قالت لفارس وقال لها قبل لايمشي اذا خلصتي كلميني..
بعد سلام البنات على حلا.
رغد/ حلا اعترفي من المزيون اللي معك؟؟
حلا تستهبل/ بالله رغد مو جنتل صديقي؟
غاده مبتسمه/ حلا ترا بتصدق اخوها رغوده.
رغد/ وش دعوى غاده ادري شايفه صورته بجوال حلا بس استهبل عليها.
بعد ماخلصوا البنات تسوق راحوا لمطعم (البلد) بالسوليدير زحمه وبعد ماتعشوا كان الوقت متأخر كلمت حلا اخوها فارس ..
وغاده كلمت خالها نايف وقالها انه جاي مع فارس لانه معهم ..
خالد بمزح/ عمي ماتبي معك مرافق.
فيصل/ اذا يبي نروح معه كلنا ماعندنا مانع.
نايف ابتسم/ لا شكرًا معي فارس.
خالد يحاول/ فارس بياخذ اخته ويخليك مع 6 بنات.
نايف/ ماعليه اتحملهم مالك شغل.
محمد/ عمي روح والله ماتخلص منهم.
خالد/ براحتك عرض.
نايف مبتسم/ ماتقصرون استريحوا بس .
طبعا من بكره حلا وفارس راحوا لأهل امهم يسلمون عليهم وراحت كم مره مع البنات وكل بين فتره وفتره تزور جدتها مع فارس..
حلا والبنات ماتركوا شي بخاطرهم في7 ايام السوليدير حفظوا كل شي فيه من مقاهي ومطاعم والافلام شافوا لهم كم فلم في السينما..
بعد ماانبسطوا في بيروت المكان الصاخب بالناس لازم يرتاحون بالجو الحلو وراحو لبيت الجد في (بحمدون) البيت مكانه روعه والجو والطبيعه وهذا الشي
اللي يوسع صدر الجد والجده والكبار اول يوم وصول لهم كان متأخر جابوا لهم عشاء وتعشوا وجلسوا يتعشون وبعدين الكل توجه للنوم..
بعده بيوم اهل سعود زوج العمه الجوهره كانوا موجودين وهم الابو والام وبنتهم ..
عبير/ 25 سنه كانت متملكه وتوفي زوجها بحادث وللحين متخوفه من فكرة الارتباط حلوه وذوق مرره جسمها مناسب مع طولها ومعطيها فخامه وعيونها
ناعسه وشعرها روعه..
الجد لزم على سعود ان اهله يتعشون معهم اليوم وقال ان شاء الله بقولهم طبعا ابو سعود مارفض لان لأبو عبدالعزيز عنده معزه خاصه والكل استعد لزيارتهم..
وبعد المغرب كان ابو سعود واهله موجودين انبسطوا البنات مررره وارتاحو لعبير.
غاده/ عمتي حرام عليك ليش ماقلتي لنا عن عبير من زمان وعرفتينا عليها.
العمه الجوهره ابتسمت/ مالها الايومين جايه وهي ماتحب الطلعات كثير والحين عرفتوها عليكم فيها.
نوف/ لاتوصين عمتي افااا عليك.
فرح بمزح/ يمكن تخاف عليها غاده انت وريم النعومات وصرتوا عندها ولاشي مع احترامي لكم.
ريم/ لاعادي اول مره يكون معك حق علشان كذا خوذي راحتك.
الكل/ هههههههه.
رغد/ عبير انت بالجامعه؟؟
عبير/ ايه بالجامعه بس معيده.
البنات/ ماشاء الله.
عبير مبتسمه/ كلكم بالجامعه؟؟
نوف/ كلنا الا رند بالمتوسط.
عبير/ ماشاء الله لو قلتي ريم بالثانوي صدقت.
فرح بمزح/ لا ابشرك باقي لها كم ماده بس ماندري تكملها ولالا.
ريم ابتسمت/ وش دعوى فرح لا ان شاء الله بكملها.
عبير/ فرح ليش تقولين ماتدرين تكمل ولالا.
فرح ابتسمت/ لاامزح معها واحب انرفزها.
عبير سرحت شوي وفي قلبها(الله يوفقك ياريم ولاتشوفين اللي شفته).
تعشوا وطلعت عبير قدام المرايه تعدل شعرها ونايف كان جاي ياخذ الشاهي نايف من شاف انها غريبه وهو راجع وبعدين كلم وقال طلعوا الشاهي برا.
نايف من شافها وهو يفكر بالجمال والنعومه ويتسأل بينه وبين نفسه(هل باقي لنص العالم شي من الجمال).
رد له عقله وقال(الجمال مو كل شي واذا جواها فارغ حالها حال اللي قبلها).
تعب نايف من التفكير وطردها من باله مع انها كل شوي راجعه وهي كلها لمحه ولكن فيها سحر مو طبيعي هي وشعرها الكثيف.
لانها كانت عاكسه كل شعرها ورجعته مره ثانيه علشان ترجع له كثافته حاول ينساها او يتناساها على الاقل لحد مايروحون لانه حس حاله يسرح كثير..
المهم تعشوا وانبسطوا وطلع سعود واهله والشباب بعد نص ساعه طلعوا لهم مشوار الا نايف ماله خلق يطلع..
طلعوا الحريم والبنات للرجال بما انه مافيه احد غريب..
الجد/هلا والله بشروا بناتي ان شاء الله مبسوطين؟؟
البنات/ الحمدلله جدي.
رغد/ وبعد احلى يوم اليوم مع ام سعود وبنتها.
غاده/صادقه رغد جدي بالرياض مانشوفهم الا بالمناسبات واليوم غير.
ريم/وتعرفنا عليها جد اول مره نجلس معهم بدون رسميات.
الجد/ اهم شي بناتي مبسوطات.
نوف بمزح/ جدي لاتغار جدتي.
الجد ابتسم/ هي اول البنات.
الكل/ههههههههه.
ابو فهد/ هو باقي لابو سعود بنات يالغاليه؟؟
نايف ركز يبي يسمع امه لانه تعب من التفكير فيها..
الجده/ايه وانا امك هذي الله يخلف عليها اللي كانت متملكه وتوفى زوجها بحادث وهو جاي من الشرقيه.
تذكر ابو محمد/ هذي هي للحين ماتزوجت؟؟
الجده/والله تقول الجوهره مافيه احد مايخطبها بس هي رافضه للحين.
الجد/ الله يعوضها ان شاء الله.
نايف قام يتمشى مع البنات على مزرعه البيت المتواضعه ..
ريم/ عمي ليش مارحت مع الشباب.
نايف مبتسم/ ماشاء الله اخبارهم عندك.
ريم انحرجت والكل/ههههههه.
فرح بمزح/ اكيد عمي اول بأول الاخبار عندها انتبه تسوي شي وانت معه.
نايف ابتسم وكمل المزحه/ الخوف منه مو مني.
رند/ والله صادق عمي الخوف منه يطلع هو واللي معه متكشخين.
ريم ابتسمت/ انا واثقه وانتم قولوا اللي تبون.
نايف/ اووووه من قده الله يوفقكم ويرزقنا ان شاء الله احد يغار وهو واثق.
رغد/ ااااامين عمي بس برد لو ندخل يكون احسن.
قاموا البنات ونايف قال لغاده تجلس يبيها شوي وقالت لرند ترمي شالها من فوق لانها بردانه..
فرح بمزح/ عمي لانكون مثقلين عليك كل هالوقت وماصدقت رغد تقول برد.
نايف ابتسم/ ماشاء الله تفهمينها وهي طايره.
فرح مبتسمه/ الكل يقول عني كذا مو شي جديد.
الكل/هههههههه.
نايف/ وانت مصدقه طبعاً.
فرح /اكييييييد.
راحوا البنات ورند رمت لغاده شالها من فوق وتنتظرخالها يتكلم..
نايف وهو يفكر/ غدو وش اسمها؟؟
غاده وهي مستغربه /من هي خالي؟؟
نايف ابتسم/اخت سعود.
غاده ردت له الابتسامه/ وليش تسئل عن اسمها.
نايف/ اول مره ادري عن قصتها من امي على بالي متزوجه.
غاده/ لا ماتزوجت الله يوفقها تستاهل كل خير عبير.
نايف ابتسم/ اسمها عبير. وش رايك فيها غدو؟؟
غاده وهي مبسوطه اذا عمها يفكر بنفس تفكيرها/ اذا جد تتكلم عمي لاتفوتك.
نايف/ مدري بس هي ليش رافضه الزواج.
غاده/ خالي اللي مرت فيه اكيد صعب بعد ماتعودت عليه راح الله يرحمه.
نايف يفكر كل هالنعومه مرت في هالظروف الصعبه وهي صغيره الله يعينها ..
نايف ابتسم/ مابي احد يدري بالموضوع لحد ماافكر بالموضوع واكلم الوالد.
غاده وهي مبسوطه لعمها/ بس تضمن البنت ماتروح؟؟
نايف عقد حواجبه للفكره وقال/ يعني طول هالفتره ترفض ويوم فكرت فيها تروح لغيري.
غاده / لا ان شاء الله ماتكون الا من نصيبك بس كلم جدي اذا رجعنا على طول.
نايف ابتسم للإنسانه اللي تفهمه وتريحه على صغر سنها وعطاها بوسه وقال/ان شاء الله توافق .
غاده مبتسمه/ ماعليك خالي عندنا خالتي الجوهره واسطه.
نايف/ ان شاء الله يله ندخل برد عليك.
وانتهى اليوم ونايف يفكر في عبير وهل اذا تقدم لها بتوافق عليه ولا بترفضه مثل اللي قبله..
يوم جديد ابو سعود عازمهم في مطعم اسمه(جنه)في بحمدون روعه واكلهم لذيذ والجو خياااااااال ..
الجده/ ام سعود ياكافي خلونا بالرياض نشوفكم.
ام سعود/ ان شاء الله حتى عبير مبسوطه مع البنات مع انها ماتحب تطلع الا للجامعه.
ام محمد/ حتى البنات امس يقولون ارتحنا لعبير .
العمه الجوهره بمزح/ انا الرابط بينكم لازم اكون موجوده علشان تشوفون بعض.
ريم مبتسمه/ لاعمتي راحت عليك خلاص عبير صارت وحده منا .
الكل/ههههههههه.
غاده/ صادقه ريم .
مجموعه من البنات راجعين كانوا يغسلون يدينهم.
فرح/نوف ليش ماقلتوا لي كان اروح اغسل يديني معاكم.
عبير/ انا بعد ابي تعالي نروح.
غاده /وانا معاكم.
راحوا البنات وهم راجعين كان نايف ومحمد وخالد يتمشون وشافتهم فرح من بعيد.
فرح/ غاده شوفي الشباب عبير هذا اخوي زوج ريم المستقبلي ان شاء الله.
عبير وهي تناظر واحد منهم حست بشعور مرت فيه قبل / ماشاء الله .
غاده مبتسمه/ اعرفك عليهم هو بالوسط ويمينه خالي نايف ويساره محمد ولد خالي اخو ريم.
رجعوا وسوالف لحد ماجاء العشاء وتعشوا بالجو الحلو والساعه 11 الكل في بيته..
اليوم اللي بعده البنات كانوا بيطلعون للفردان لانهم من زمان عن المجمعات(من زمان مالهم 3 ايام) ههههههه..
المهم اتفقوا مع عبير وحلا يروحون معاهم علشان يتعرفون على بعض واستمر التسوق 3 ساعات الكل تعب وبعدها راحوا لمطعم ..
وهم راجعين للبيت الكل كان يسولف وريم كانت تناظر مع الشباك لمحت خالد كان يتمشى مامعه احد جنب البيت وكان يدخن تضايقت لانه يضر صحته..
في البيت جالسين البنات اللي يلعب مونوبولي واللي يلعب اونو ومبسوطين شوي ويسمعون نغمة جوال ريم استئذنت منهم وطلعت فوق تكلم..
ريم/ الوو.
خالد/ هلا قلبي.
ريم/ هلا بك.
خالد /اخبارك وكيف مشوار اليوم؟؟
ريم/ تمام الحمدلله انت اخبارك؟
خالد مبتسم/ بسماع صوتك تمام واذا شفتك اكون بأفضل حال .
ريم/ دووم ياااارب خالد عادي لو اقولك شي يمكن يضايقك؟؟
خالد استغرب/ قلبي وش فيك ؟؟
ريم/ مافيني شي . بس وين كنت قبل شوي؟
خالد ارتاح / وهذا شي يضايق حياتي كنت اتمشى.
ريم/ ادري شفتك بس ضايقني شي كان معاك انت تدري انه يضر بالصحه.
خالد عرف قصد ريم وابتسم لخوفها عليه وقال/ تدرين لي شهرين وانا احاول اتركه واذا مو واثقه اسئلي عمي نايف.
ريم ارتاحت وابتسمت وحبت تعطيه دفعه/ واثقه حياتي بس خايفه عليك .
خالد صحيح يدخن بس عمره مادخن عند احد ولا احد يدري عنه الا الشباب والحين في محاوله علشان يوقفه..
خالد مبتسم/ ان شاء الله مانتزوج الا وانا تاركه واذا خايفه علي مثل ماتقولين تعالي عندي.
ريم /هههههههههه اعتبره وعد.
خالد/ دوووم يارب هالضحكه ان شاء الله وعد خوفتيني عليك قلت فيك شي.
ريم/ وتشوف ان هذا الشي عادي.
خالد مبتسم/ كل هذا خوف علي.
ريم وهي مستحيه/ ليش مايحق لي اخاف عليك؟؟
خالد راح فيها/ يحق لك ونص حياتي وبعدين ليش مااسمع هالكلام اذا شفتك بس انا اللي اتكلم آآآآآآآه بس لو كنت عندي.
ريم استحت وكملوا سوالفهم وبعدها الكل نام استعداد ليوم جديد..
بعد قضاء اسبوعين في لبنان في الجو الحلو والمناظر الاحلى رجعوا للرياض لان الجده ماحبت تترك العنود اكثر من كذا ..
انبسطت العنود برجعتهم بدري لانها ماتوقعت رجوعهم بالوقت هذا ورجع العم عبدالله بعدهم بثلاثه اياااام..
وبعد كم يوم ابو فارس كلم ابو عبدالعزيز يبي منهم يردون الزياره وراحوا له في مزرعته وانبسطوا..
للحين حلا ماردت على ابوها بس بعد زيارتهم في المزرعه ارتاحت لكل العائله وبعد اسبوع ردت بالموافقه على ابوها..
رد ابو فارس على ابو محمد بالموافقه ومن فرحته بشر محمد وانبسطوا وانتشر الخبر بين العائله بس الزواج بعد ماتخلص حلا الجامعه لان مابقى شي كثير..
انتهى الجزء الخامس والكل ينتظر شهر المغفره والرحمه الشهر الذي انزل فيه القرااان..