البآرت الثالث :
في القآعة
أم إبراهيم : هلا برغودة هلا بحبيبة قلبي ما شاء الله طالعة حلوة اليوم احلى البنات والله !!
رغد : الله يسلمك خآلتي . !!
و لفت تسلم على سمر
لاحظت على سمر حزنها بس ما سالت قالت بتعرف بعدين بس مو الحين . .
قالو الرجال بيدخلو الحين موعد الزفة الحريم تغطو دخل عبدالعزيز
و عيونه تدور في القاعة يدور سمر شاف سمر عرفها من عيونها
عبدالعزيز ( ليتك مكانها قسم بالله باكون اسعد انسان , والله مو بيدي يَ سمر ابيكي تصدقيني كان ودي يكون يوم زواجي عليكي بس قضاء ربي و قدره )
سمر تطالع فيها و نزلت دمعتها ( كآشخ و مرسم ما شاء الله عيني عليك باردة بس مو لي كآشخ لها هي ليتك نصيبي و ليتني حلالك و ليت كآنو يبدؤو اسمي بحرم عبدالعزيز )
دخل عبدالعزيز و زفوهم على اغنية
I want to spend my life time loving you
و رآحو الفندق و صار عبدالعزيز و هالا الحالهم
عبدالعزيز : مبروك , الله يقدرني اني اريحك و اسعدك !!
هالا بعفوية : دام إني معك والله اني حيل فرحانة و مرتآحة . .
عبدالعزيز مستغرب من جرأتها : طيب يالله بروح اصلي ركعتين و اجي لك !!
و صلى الركعتين
و رجع لها ....
سمر ( الحين معاها و انا الحالي , لا خلاص الحين صار لواحدة ثانية خلاص انسي عبدالعزيز ي سمر لو يحبك كان اختارك انتي ما اختارها الله يوفقه بحياته )
و نامت
يوم الجمعة
صحت سمر الساعة 1 الظهر
ام ابراهيم : سمر ترا ريماس دقت تبي تكلمك ضروري . .
سمر : افطر و اكلمها !!
خلاص فطور و دقت على ريمآس
ريمآس ( جآرة سمر بس ريماس من النوع اللي رايحة فيها تطلع مع شباب و تروح و تجي ما تحب سمر , تبي سمر تكون زيها )
ريمآس : بس حبيبتي والله حفلة بنات و رقص و ضحك و سوالف !!
سمر : طيب ان شاء الله , متى الحفلة ذي ؟!
ريمآس : الاربعآء الجآي ..
سمر : على خير إن شاء الله , سلام !!
ريمآس : سلام . .
ريمآس ( والله و طحتي يَ سمر ) !
ريمآس : هلا حبيبي !!
بدر : هلا بعيونه !!
ريمآس : بعدي والله , اقول لك ترا فيه حفلة يوم الاربعاء الجاي و فيه ضيفة جديدة من اللي يحبها قلبك !!
بدر : قولي والله ؟!
ريمآس : ههههههه والله جد
بدر : متى ؟!
ريمآس : بدروه قلت لك الاربعاء الجاي و باستراحتي و سلام لان امي جاية !!
بدر : سلام ي روحي !!
عبدالعزيز كان مع هالا بالفندق
عبدالعزيز : تجهزتي ولا لسا ؟!
فتحت هالا باب الغرفة !!
فهى عبدالعزيز معها
هالا ( كانت لابسة فستان برتقالي قصير ولا بسة كعب اسود طويل و حاطة قلوس برتقالي و اي شادو برتقالي متداخل مع اسود )
هالا باحراج : وش رايك ؟!
عبدالعزيز : لا كذا ما اقدر على البرتقالي !!
هالا : هههههههههه يالله مشينا لاجل لا نتاخر على اهلك
عبدالعزيز : يالله مشينا !!
نزل عبدالعزيز و معه هالا !!
دق جواله كان بدر اللي يتصل
بدر : عزيز من غير سلام ولا كلام فيه حفلة يوم الربوع الجاي باستراحة الـ....... ولازم تجي احتفال بمناسبة زواجك
عبدالعزيز : بسم الله الرحمن الرحيم , هدي شوي توني متزوج من اولها حفلة
هالا تسمع لعبدالعزيز
بدر : ما فيه اعتذارات عزيز الوعد يوم الربوع !!
و قفل مع عبدالعزيز
هالا : من هو ذا ؟!
عبدالعزيز : هذا بدر صديقي يقول فيه حفلة مسويها لي عشان زواجي !!
هالا زعلت
عبدالعزيز : ليه القمر زعل لا مو حفلة بنات كلنا شباب
هالا : اكييد ي عبدالعزيز ؟!
عبدالعزيز : بدينا نغار هههههههه بالله احد يكون معه مثل هالقمر و يجلس يطالع بالنجوم ؟!
هالا : فديتك
و وصلو لبيت اهله
رغد : هلا هلا بزوجة اخوي !!
هالا : هلا بك رغد !!
ام عبدالعزيز : رغد اعقلي لا تاكلي البنت
رغد بدلع و استهبال : مامي هذي زوجة اخوي انا حرة و كيفي !!
ام عبدالعزيز و هالا ضحكو على هبالة رغد
عبدالعزيز : افا ي رغد نسيتيني و بعتيني
رغد : يا ربي طفشت منك لنا مع بعض فوق الـ 19 سنة كفاية خلاص !!
عبدالعزيز : يرضيكي يمه هالكلام ؟!
ام عبدالعزيز : رغد كلش ولا عزوز
رغد : مامي دايم انتي كذا
عبدالعزيز : اقول يمه وين ابوي ؟!
ام عبدالعزيز : بإجتماع بالشركة !!
عبدالعزيز : اها الله يعينه . .
و جلسو يتغدو و ضحك و سوالف الين راحو عبدالعزيز و هالا بيتهم
مرت الايام و جا يوم الاربعاء
سمر ( لابسة فستان احمر قصير الين تحت الركبة و فاردة شعرها و حاطة ميك اب صارخ احمر )
و رآحت الاستراحة
ريم : هلا سمور !!
سمر : هلا ريم ي القاطعة !!
ريم : والله انتي القاطعة ما جيتي بيتي و انتي تدلينه !!
سمر : يووه على اساس انك ما تدلين وين بيتي ي حلوة !!
ريم ضحكت : تدرين اخوي ماهو فاضي كلش اشغال في اشغال و السواق مسافر بالله ما اكسر الخاطر
نورة : وخري شوي خلينا نشوف هالبنت وينك ما تسالين عني ها
سمر : هههههههههههههههه ترا مالي يومين عنك وش فيكي ؟!
نورة ( عمرها 22 سنة تكون بنت خال سمر تكون قريبة لسمر و بقوة من النوع اللي مثل الاولاد بس هي بنت مو بوية , قاصة شعرها بوي , ولابسة بنطلون جينز سكيني على تي شيرت علاقي وردي )
ريم ( لابسة فستان اسود فوق الركبة و فيه شريط وردي من النص صديقة سمر من يوم كانو بالابتدائية )
نورة و ريم ما يدرون شيء عن نية ريمآس بس جابتهم لاجل تجي سمر و جابت بنات ثانيات
جلسو يتكلمون الين جات الساعة 10
نورة : استأذن انا مع ان القعدة ما تنمل منكم والله !!
ريم : بنت بنت وين رايحة اذا بتروحي خذيني معك !!
سمر : بنات خلوكم شوي انا بمشي بعد ساعة خليكم
ريمآس سمعت انها بعد ساعة بتمشي دقت على بدر و قالت له يجي
ريمآس : يمكن وراهم ظروف ي سمور , نجلس انا وانتي نسولف و نحش مثل ما نبي
سمر : هههههههههههههه , يالله روحو انتو مو لازم ما ابيكم
ريم : افا افا باعتنا ي نورة !!
نورة : انا اراويكي يالله نطلع و لنا حساب ثاني لما نتقابل
و سلمو عليهم و طلعت صارت ريماس و سمر الحالها بالاستراحة
و جلسو يسولفون و بنص السوالف
ريمآس : لا والله انا اقول لك انا مو هينة !!
سمر : ههههههههه جننتي السواق الله يهديكي
دق جوال ريمآس من بدر و قفل
ريمآس : عن اذنك بسوي مكالمة
سمر : تفضلي خذي راحتك !!
راحت فتحت لبدر الباب !!
بدر : ترا تاخرت وينك انت ؟!
عبدالعزيز : جاي بالطريق ي خوي , ما عرفت استاذن من اهل هالا الا الحين ؟!
بدر : يالله انتظرك ولا وصلت عطني خبر
عبدالعزيز : ان شاء الله !!
فتحت ريمآس باب الاستراحة لبدر
بدر : وينها الفريسة ؟! و غمز لريمآس
ريمآس : تنتظرك على صحن من ذهب !!
بدر : فديت الذهب انا
دخل بدر
سمر كانت معطية ظهرها للباب و تتفرج على التلفزيون
سمر : وينها ذي تاخرت ؟!
بدر : اذا هي تاخرت احنا موجودين !!
لفت سمر
بدر ( والله و عرفتي تجيبي ي ريمآس ) : وش فيكي تطالعيني كذا ترا ما اكل بشر انا !!
سمر بخوف و لصقت بالجدار : و اللي يعافيك خلني اطلع من هنا !!
بدر : اوما عاد اخليكي تطلعي تونا ما جلسنا ..
ريم ارسلت لنورة رسالة و هم بالسيارة
ريم بالرسالة ( ي غبية ليه ما قلتي ان اخوكي هو اللي بيجي ياخذك ؟! )
نورة ردت عليها ( وش فيكي يعني خايفة ؟! , ترا سلوم مؤدب و اليف ما يعض ههههههههه )
سالم ( عمره 24 سنة , اخو نورة هادي و ماهو راعي طلعات , يحب ريم من زمان بس ما احد يدري ولا حتى ريم تدري عنه , لون بشرته حنطي و شعره اسود طويل , و عيونه سوداء )
ريم ردت عليها ( انا اوريكي والله لادبك على هالحركة )
نورة ( هههههههههههههههه )
و وصلو ريم بيتها !!
عبدالعزيز كان توه يوصل الاستراحة دق على بدر راحت ريمآس فتحت , استغرب عبدالعزيز من البنت بس يحسبها الشغالة لانها كانت لابسة العباية ما اهتم
و شاف من القزاز بدر قريب من واحدة قرب شوي لقاها سمر انصدم
لان اللي كان يشوف سمر و بدر يحس ان سمر جاية مع بدر بكيفها !!
دق على بدر
عبدالعزيز : وين اروح بالضبط ؟!
بدر : تعال باول مجلس على يمينك !!
عبدالعزيز : جايك
و راح عبدالعزيز
فتح عبدالعزيز لبدر
سمر راحت تركض و تجمدت مكانها يوم شافت عبدالعزيز !!
عبدالعزيز : بدر ما شاء الله عليك والله و تعرف تختار بنات صح ؟!
بدر : وش رايك بس ؟!
عبدالعزيز : والله انها رووعة , خلها لي
بدر : تفداك ي رجال
و طلع بدر و عبدالعزيز قفل الباب
سمر بكت : عبدالعزيز واللي يعافيك لا تقول لابرا.....
جاها كف سكتها
سالم راح لغرفة اخته نورة
سالم : احم احم ممكن ادخل ؟!
نورة : من متى هالادب و هالذوق ؟!
سالم : ليه حبيبتي تراكي دلوعة اخوكي
نورة : مناك بس وش دلوعته انت الثاني , اخلص وش تبي ؟!
سالم : ابي سلامتك , بس نورة حبيبتي , ريم هذي خويتك مخطوبة ؟!
نورة : لا , و انت ليه تسأل ؟!
سالم : يعني ما فيه احد يملكها ؟!
نورة : وش تحس فيه كانك تتكلم عن سيارة الله يهديك !!
سالم : ي السخيفة وخري مناك !!
نورة : اخذت مصلحتك و مشيت ها
سالم : اي مصلحة ؟!
نورة : اي مصلحة بالله ما تحب ريم ؟!
سالم : بنت وش احب ريم انتي ؟! لا ولا احبها ولا شيء بس سؤال لاني شفتها مرتبكة و هي نازلة بيتها !!
نورة : صدقتك
نهآية البآرت الثالث