[لامارا]

البآرت الخامس
بعد مرور فترة من الزمن ( سنة )

ام ابراهيم : اهم شيء انت تعرفه زين يا ولدي ؟
ابراهيم : يمه هذي المرة المليون اللي اقول لك فيها ايوا اخلاق الولد زينة !
ام ابراهيم : طيب هدي شوي , على العموم انا موافقة و ابوك بعد موافق ناقص بس راي سمر !
سمر توها داخلة
سمر : رايي في وشو ؟!
ام ابراهيم : عبدالعزيز الـ.......... طالبك له ؟!
سمر متفاجاة : عبدالعزيز خوي ابراهيم ؟!
ام ابراهيم : ايوا هو و اخوكي يمدح فيه و بأخلاقه !
سمر : مدري والله بس افكر و ارد لك خبر
ام ابراهيم : خذي راحتك

و هي راجعة البيت مع سواقها اللي زوجها كان جايبه لها اعترضتهم سيارة ووقف السواق على جنب نزلو من السيارة اللي اعترضتهم بودي قارد و بينهم رجال لابس بدلة سموكن سوداء
ريم طالعت فيه عرفت انه زوجها
جراح : ريم إنزلي من السيارة و تعالي معي بوصلك انا !
ريم قفلت دريشتها و اشرت للسواق يركب
ريم : امشي على البيت
و راحت و خلت جراح مكانه و شياطين الدنيا كلها براسه !
جرآح ( عمره 45 سنة كان صديق ابو ريم بعد وفاة ابو ريم تزوج ريم , رجل اعمال )

وافقو اهل سمر و سمر وافقت على بالها انه سامحها و كان ما احد يدري بزواجه من طرف عبدالعزيز غير اهله
يوم زوآج عبدالعزيز و سمر
كانت فرحآنة بيوم زواجها على حبيبها نست كل شيء صآر
خلصت الليلة و راحو الفيلا و كان له جناح خاص فيه عبدالعزيز دخل و قفل الباب لقاها منزلة راسها
عبدالعزيز بخبث : نورتي والله نورتي ي برنسيسة جناحي !
سمر محرجة و تطالع بالارض
حط عبدالعزيز يده على راسها و شدها من شعرها
عبدالعزيز : مو عاجبك تطالعي فيني ولا ما يعجبك غير بدر !
سمر بالم : عبدالعزيز شعري فكني !!
عبدالعزيز : ي حقيرة اسمي استاذ عبدالعزيز مو عبدالعزيز ي رخيصة !
سمر تبكي : عبدالعزيز وش فيـ..
قطع كلامها بكف طيحها على الارض
جلس عبدالعزيز و حط رجل على رجل : كلمتي و ما احب اكررها , ولا تحسبي اني تزوجتك حبا فيكي لا لا انسي انا تزوجتك لاجل اذلك بس !
سمر : اسمعني انت ظالمني !
عبدالعزيز : والله و طالع لك صوت , شوفي انا ما راح المس منك شعرة و بتنامي هنا و اشر على الكنبة و انا بنام بالغرفة ما تنامي معي فاهمة ؟!
سمر مصدومة من اللي يصير ما تعرف ترد ولا وش تقول !!
قام عبدالعزيز و شدها من شعرها : وش قلت انا ما احب اعيد كلمتي فاهمة ؟!
سمر ببكا : فاهمة والله فاهمة !
دخل الغرفة و بدل ملابسه
جلست تبكي سمر الين نامت على الكنبة بفستانها !

نورة : كان زوآجها خيالي و قسم , لا و بعد يهبل هالعزيز !
ريم : اخيرا عجبك رجال , المشكلة متزوج خويتك , ما لقيتي غير زوج خويتك مالت على هالخشة
نورة : هههههههههههه وش فيني بالله مو بنوتة و اخقق بعد
ريم : هههههههههههه الا تهبلين ي حلوة

نورة ( فستان ذهبي طويل فيه كرستالات من النص ولابسة كعب اسود و مسوية شعرها كيرلي و ميك صارخ )
ريم ( فستان احمر فوق الركبة ولابسة كعب احمر و ميك اب هادي و فآردة شعرها )

نورة : يالله يالله خلينا من الكلام مشينا اخوي جا
ريم : نورة دايم تحرجيني كذا , كان قلتي من اول ترا ثاني مرة تسويها فيني كان كلمت السواق
نورة : مناك بس اخوي و يخاف علي
ريم : كش عليكي هالمرة اخر مرة اسمع كلامك فيها
اخذو شنطهم و طلعو لسالم
ركبت نورة و ريم كانت واقفة
نورة : سالموه يالله عشان بوصل خويتي معي
سالم : كل شوي طالعة لي بواحدة انتي ؟!
نورة : سلوم بليز
سالم : خليها تتفضل
نورة : ريييم الى متى بتوقفي برا السيارة
سالم سمع اسم ريم ارتبك و حس قلبه دقاته تزيد و بنفس الوقت ضاق صدره
نورة : سالم يالله امش لنا 5 دقايق راكبين و انت ما تحركت
سالم : طيب طيب مشينا يالله
نورة : تصدقين ي ريم زواجهم عاجبني مرة ان شاء الله بسوي نفس كوشتهم كان فكرتها خيال
شفتي البنت اللي كانت لابسة فستان رمادي اليوم شكلها كان بايخ
ريم : تصدقي عاد ان هالبنت لوعت تشبدي ما غير ترقص لاجل تلفت انباه الحريم
سالم كان ساكت و ما كان معهم بالحوار هذا كله الين وصل ريم الين بيتها

قامنت من النوم قبل عبدالعزيز اخذت شاور و بدلت فستانها لبست فستان بنفسجي و حطت كحل بس و ربطت شعرها ذيل حصان جات تفتح التلفزيون لقت ورقة مكتوب فيها
( صحيني الساعة 10 اذا صحيتي قبلي نومة اهل الكهف يا رب )

معلومة : عبدالعزيز كان يدري ان سمر تصحى بدري من اول نومها قليل

طالعت لقت الساعة 9 و نص
جلست تشوف التلفزيون مر الوقت و نامت و هي جالسة قدام التلفزيون صحى عبدالعزيز و لقاها نايمة كان حلو البنفسجي على بشرتها
عبدالعزيز ( ليتك ما صرتي كذا يا سمر ليتك كنتي مثل ما انتي ليتني ما رحت ولا شفتك )
عبدالعزيز و هو يتاملها صحت سمر
عبدالعزيز : بدري مو شايفة اقول لك صحيني الساعة 10 ؟!
سمر : اسفة استاذ عبدالعزيز نمت وانا جالسة
عبدالعزيز : اخر مرة ما تسمعي كلامي , روحي رتبي الغرفة و طلعي لي ملابس
سمر : حآضر استاذ عبدالعزيز
جات تدخل سمر الغرفة عبدالعزيز مسكها من يدها : لا تحسبي باللي تسوينه و ملابسك فيه اغراء نو نو نو شيلي يا حلوة هالفكرة من راسك .
سمر بعصبية : وخر يدك عني اذا هذا تفكيرك فصدق انت متخلف !
عبدالعزيز : ترفعين صوتك اجل انا اوريكي من المتخلف
و نزل فيها ضرب

تالا : من جدك و ليدوه تزوج ؟!
ام وليد : اي والله , توقعي من ؟!
تالا : يمه اخلصي علي من هي ؟!
ام وليد : تزوج رغد بنت خالك !
تالا : من متى تزوج ؟!
ام وليد : من شهرين او 3 شهور بعد و رغد حامل !
رغد كانت توها صاحية جات تدخل الصالة سمعت ام وليد تتكلم
تالا : طيب وانتي ما لقيتي غير رغد ذي صدق ما ادانيها هالبنت
ام وليد : و انتي تحسبيني احبها لا يا تالا ترا عشان مالها و ابوها و انتي متى بتجي ؟!
تالا : اها قولي كذا , ان شاءالله بعد بكرا !
ام وليد : الموهيم الحين بقفل معك وليد شوي و يوصل من شعله !
تالا : للحين ما يبي يكلمني هو ؟!
ام وليد : لا بيكلمك هو لما يرجع و يفضى
تالا : طيب نشوفك على خير
ام وليد : الله يحفظك

تالا ( عمرها 23 سنة تحب عبدالعزيز و كانت تبي تتزوجه بس هو ما كان يحبها ولا يعطيها وجه سمراء و عيونها صغار و شعرها اسود الين رقبتها , باختصار ما هي حلوة )

وليد كان ما يكلم تالا لانها راحت تدرس برا من غير موافقته
رغد من الصدمة سوت نفسها عادي و تدري من اول ان ام وليد ما تحبها و تعاملها معاملة شينة
رغد : مساء الخير
ام وليد من غير نفس : توك تصحين ي حلوة ؟!
رغد : توني اقول مساء الخير وش السالفة ؟!
ام وليد : بنت عدلي اسلوبك وياي و ترا تالا بتجي بعد بكرا بتجلس معنا هنا
رغد : و ليه ان شاء الله تجي ببيتي عندها بيت ابوها تجلس فيه
ام وليد : و انتي وش دخلك بيت ابوها و هي بتجي بتجي
رغد : ياربي تراه بيتي انا كيف تفهمي
دخل وليد على صوتهم العالي
وليد : اعوذ بالله من الشيطان الرجيم , وش صاير اليوم بعد ؟!
ام وليد : زوجتك المصون ما تبي اختك تجي هنا
وليد : و هي متى جات ؟!
ام وليد : لسا بتجي بعد بكرا !!
رغد : وليد انا مو رايقة اختك تجلس تستهزئ فيني بالرايحة و الجاية
وليد : حبيبتي هدي شوي ترا الدنيا ما تسوى زعلك و هذا كله
رغد : بس انا يا وليد مو قادرة على مشاكلها
وليد : طيب اهدي عشاني و عشان البيبي اللي ببطنك
رغد دخلت غرفتها
و ليد جلس يكلم امه و يهدي فيها و يراضيها

تبكي على حالها ( من ثاني يوم زواج يضرب فيني يا ربي والله مظلومة مو ذنبي اني رحت هاليوم حسبي الله عليكي ي ريماس )
قامت بدلت ملابسها و لبست فستان سماوي مخصر على جسمها له فتحة الين اخر ظهرها و لبست عقد ابيض و حطت قلوس وردي هادي و اي شادو سماوي بلمعة كانت طالعة ملاك وقفت قدام المراية ( يا ربي ما في استر من ذا علشان لا يفكر بتفكيره التخلف ذا )
نزلت تحت !
لقت ام عبدالعزيز جالسة بالصالة
سمر : هلا بخالتي ام عبدالعزيز !
ام عبدالعزيز : هلا والله بالغالية !
سمر : اخبارك ؟!
ام عبدالعزيز : الاخبار عندك !!
سمر باحراج : ههههههههههه لا والله ولا شيء
ام عبدالعزيز : ههههههههههههههه علينا ي سمور
دخل عبدالعزيز على صوت ضحك امه

نهاية البارت الخامس