[لامارا]

لو ادري بسوايا الحب فيني تخليني ضرير البال مشغول
كان شلت الحب من حياتي ولو ادري ان الحياة صعبة بلا محبوب ..
كان شلت قلبي وحطيته امانه عند بنك الفرنسي اسألة يابنك عندك مكان لقليبي ..
ان قال ياهلا به اخلية مطمئن الفؤاد ماهوب مشغول وان قال لا ودةه لي صندوق الزكاتي
في يتاما يحتاجون الحب مدفون تبرع شوي تكسب ثوابي ورب البيت مالو جرح
في قلبي يخليني اهاجي .. بس ياقلب اوعدني قبل تروح ماتهمل الحب
متروك في قاموسك تهجره خله على جنب متروك وان شفت منهو يستحق الحبابي
حبة وحطه تاج على الراس مثبووت ...

البـــــــــــــــــــــا رت السادس
في مجلس الرجال .. بعد مااخذت الملفات اللي ابغيهم واللي رح استثمر فيهم من مشاريعه ..
قلت بتردد وانا جالس اشرب من الشاي اللي حرق اللساني من كثر ماشربته وانا مرتبك ..
غسان قالها وهو خايف انه مايكون عنده بنت ويكون احرج نفسه :اقول ياعم لي طلب عندك واتمنى ماتردني ..
بوراكان برحابت صدر :ان كنت اقدر على طلبك لك اللي تبيه ..
فهد يطالع غسان بنظرات تشجعه ((قولها ولاترتبك ))
غسان :والله يعمي اني بغيت اتزوج وقلت مارح القى احسن من بنتك زوجة لي ..
بوراكان عقد حواجبة :تتزوج ومنو بنتي ..
غسان بحرج :ايه يعم ..
بوراكان مومستوعب :انت متأكد بنتي انا ..
غسان :ايه يعمي ليه فيه شي ..
بوراكان ناظره :لا بس ..
غسان /بس وشو يعم قول
فهد حس انه يبي يقوله شي بس بدون وجودة :اقول يعم وين دورات المياه ..
بوراكان وقف واشر له على الباب الخارجي ...
فهدابتسم :عن اذنكم وخذو راحتكم .. وطلع ..
غسان ابتسم له براحة :تقدر تقول يعمي .. بس وشووو ..
ابو راكان :اول شي البنت تراها صغيرة عمرها 15 سنة ..
غسان :معليه يعمي البنت تكبر .. وانا ابيها صغيرة ..
ابوراكان :طيب البنت شكلها ...
غسان يقاطعه بحترام :يعمي ماله داعي تقول شي عنها انا مدامها بنتك مارح الاقي احسن من
انك تكون ابو زوجتي وجد عيالي وبس .. وماهمني شكلها اهم شي اخلاقها وانت تعرفني يعم ..
ابتسم له بوراكان بفخر :وهذا عشمي فيك .. ياغسان ..
غسان :بس يعمي تراني مستعجل وابي املك عليها هالأسبوع ورح تكون حفله بسيطة
ولم ترجع الوالدة من السفر للعلاج نسوي الزواج ..
بوراكان :ايه بس موكأن بكير على الملكة يعني البنت مايمديها تجهز نفسها ..
غسان :يعمي ماله داعي تجهز نفسها وتتعب عمرها في الأسواق انا اقول لخواتي اليوم
يشترون لها كل شي ويجهزونه بغرفتها وهذي تعتبر عرووس .. وتكفى ياعم ماتردني ..
بوراكان :لا مايصير انت تجهزها اهي بنتي الوحيدة ولازم اجهزها ..
غسان :وانا حلفت عليك يعمي غير فستان زواجها واشيائها الضرورية ماتجيب ..
بوراكان حاول وحاول لكن مافيه حد يسلم من غسان وفعايلة ..
وابوي من دون ماياخذ رايي قال :موافق وعلى بركة الله بس لحظة البنت لازم اشاورها مايصير ..
غسان بسرعه :لك ولها الحق يعمي وان ماوافقت لاتجبرها يعمي وعلى اني عارف انك ماتجبر حد
بوراكان :وهذا اللي رح يصير بأذن الله ..
غسان وقف ومد يده وسلم على بوراكان :تسلم والحين انا ابمشي .. تامرني على شي ..
بوراكان وهو يمد يده ويسلم عليه :الله يسلمك لاعاد ماتطلع الا وانت متعشي ...
غسان ابتسم له :معليه يعم لكن انت تدري الوالدة بتسافر ولازم اجهز الأوراق وعندي موعد مع
الدكتور لازم اخلص اوراقها منه اسمح لي الجايات اكثر ..
بوراكان :طيب ابخليك عشان مواعيد امك لكن المرة الجاية لاتفكر تطلع الا وانت متعشي ..
غسان :اكيد بس تكفى ياعم تعجل في ردك علي لأن الوالدة مستعجلة ..
بوراكان :أنشاء الله خير


طلع غسان وفهد في ذاك اليوم ..وانا كنت نايمة بحلامي ... واحلم بفستان ابيض يغطي جسمي وتاج
وروود على راسي وامشي واتمخطر بأحلى جسم ملائكي لكن وين لأني صحيت على طق الباب المزعج
طااااااااااخ طااااااااااااااااااخ طاااااااااااااااااااااااا ااااااخ طق طق طق طاااااااااااااااااااااااا ااااااااااااااااااااااااا خ







رديت على الأتصال اللي كان من زيااد :هلا
زياد :هلا بك وينك ... فيه ؟؟
تولين :انا بالشقة توني مصلي .. وانت وينك ..
زياد :انا تحت في الكوفي بتجي ولا امشي ..
تولين :لا بجي طبعا ..
زياد :اوكيه بس يرحم ابوك لاتتأخر ..
تولين :طيب 10 دقايق وبجيك ..
زياد :الله كل هذا ومنت متأخر اقول اخلص بسرعة ..
تولين :طيب طيب ركضت للدولاب ولأن مافيه وقت لبست قميص نيلي اكمامة طويلة وواسع
عشان مايبين جسمي منه ولبست بنطلون جينز ازرق ولبست شال احمروقبعه حمرا واسعه وفيها كركوشة من فوق
مالي خلق البس الباروكه قامت تعور شعري ..
خفت انه تطيح خصلات من شعري ..بدون مااحس فرفعته عند وسط راسي ولفيته بحيث انه مايبان
ونزلت قذلتي على وجهي مثل مايسوي لي مين هو خخخخخ وكالعادة تعطرت من عطر رجالي ريحتة قوية
تفقع الراس ولبست جزمة اهو شاري مثلها ...
اخذت جوالي وجازداني وكرت الشقة حطيته بالجازدان عشان ماانساه وطلعت ..
تجربة حلوة ومخيفه بنفس الوقت .. تنهدت وركبت المصعد ونزلت عنده ...

ناظرته ببتسامه كان شكله يجنن خصوصا وهو مندمج بجوالة ويشرب اسبريسوو ..
رفع راسه وناظرني وابتسم ورحت له وانا منحرجة من موقف امس وقلت احسن شي اسوي نفسي
نسيت ..
سلمت عليه وسألته عن حاله وجلست ..
ناظرني تبي تفطر ولا نمشي ..
سحبت المنيو:ايه اباكل شي جوعانه وراسي مصدع حيل ..
ابتسم وكأنه تذكر شي .. وقال :طيب ..
طلبت ميلك تشيك بالتوفي وكوروسان بالزبدة ..
وكلت وبعدها مشينا وكان محور حديثنا هدووووووووووووووووووووووو ووء ..




قمت مفزوعه من الصوت وعرفت منو يطق الباب قبل لا اسأل منوو ..
ركضت بسرعه وفتحت الباب وانا خايفة ليكون شاف الحلا وقرر يعاقبني ..اوووه والله اني خبله ..
فتحت الباب :هلا يبا ..
ابوي :نايمه ..
تبلمت :هااا ا لا كنت في الحمام ..
ناظرني اها طيب تعالي ابكلمك شوي ...
هزيت راسي بمعنى طيب سكرت باب غرفتي ولحقته وانا اتخيل وشو يبغى يقولي ..
تخيلي يقولي انخطبتي اليوم وش رايك لاالا لا تخيلي يقولي انخطبتي لواحد جميل وصغير مو شايب
امممم وااااي رح اطير من الفرح او لا رح يقول لي خلاص فكيت عنك العقاب ... وروحي وين ماتبين
ولااا لااالا لا بيقول بيزوج راكان ويبيني ادور له وحدة والله رح اختار له وحدة مجنونة تطلع روحة وتعلمه ..
ههههههههههه يوه شفيني جلست اتخيل اشياء لاانجن بس جلست جنب ابوي وقلت :سم يبا ..
رفع راسه ابوي وبعد تفكير عميق وهو يناظرني ...

لحظة اذا كنت انخطبت موالمفروض ان امي تجي وتقووولي وش حقة ابوي يقولي اجل ابشرك
ماهيب خطبة اووووف ..
ابوي :اليوم جاني ولد صديقي القديم .. واخطبك مني وش رايك ..

وكأن الدنيا بدت تفتح ابوابها وتبتسم يعني بقدر انسى جهاد وحبة يعني رح اقدر انسى جروحي
يعني انا فيني شي يميزني عن غيري اللي خلاه يخطبني ايه يعني انا مثلي مثل باقي البنات موناقصني ..
لحظة انا شلون اتزوج وانا دبة كيذا لازم اشوووف حل ..ناظرته وانا مومستوعبه يعني كلمتي تحققت
يعني كل شي رح يتغير بس لااكيد انه فيه عيب اعمى اويمكن اصم او لا يمكن كبير في السن
ناظرته بخووف :يبه والي خطبني وش عيبة اعمى ولا اصم ولا كبير في السن .. هااا
عقد حواجبه :شلون يعني ..
تكلمت وانا ارجف :يبا انت شايف شكلي انا ادري اني سمينة وشينه وللي بيخطبني اكيد فيه شي ..
ابوي بعصبية :ليه وانتي وش ناقصك يعني بس لنك سمينة وش فيها يعني هااا وبعدين تحمدي ربك على
النعمة وش فيه الأعمى ماهو ادمي والأصم مهوب ادمي ويكون في علمك لو انه خاطبك اعمى او اصم
زوجتك اياه وانتي ساكته ومالك كلمة .. وفكري بالي خطبك وعرفي انها فرصة وحدة بحياتك مارح تجيك
غيرها فهمتي .. ويلا ذلفي لغرفتك ..
رحت لغرفتي وانا مومستوعبه ابوي كلامة عدل وش فيه الأصم والأعمى انا وش قلت استغفر الله
الحمد الله ياربي جلست واول وحدة طرت على بالي نوير لازم ازف لها الخبر السعيد كلمتها وانا
طايرة من الفرح ..
ردت نوير :هلا يدبة وينك امك جات وانتي .. لا
تكلمت بصراخ :بعدين نتفاااااااااااهم تعالي جنبي بسرعه ..
نور :وين اجي جنبك انتي نسيتي ان امي اليوم توها جاية اليوم وشوو ..
كشرت :لا تكفين اجل خلاص لم تفضين وتجين عندي ابقولك ..
نوربحماس :لا عاااد قولي تكفين ..
ضحكت :هههههه اوكي انخطبت بس مارح اقول اكثر ...
نور بصراخ :وااااااااااااااااااااااا� �اااااااااااااااااااااااا ااااااااااااااااااه كذابه احلفي ..
........:والله بكيفك لاتصدقين امي رح ترجع البيت الحين تعالي معها تكفين ..
نور :لااالا .انا جاية جاية .. باي باي






كنا نمشي في اسواق شعبيه وكنت مفتحه عيوني عدل يمكن اشوف احد مشهور متخبي هناااك ...
اوف من جد والله حاله صج يوم قالت لي رشا مارح تلاقين ظفر ممثل اووووووف ...
لفت انتباهي شكل الملابس الداخلية كيف معروضة وعلى طول تذكرت موقف في مسلسل ماي قيرل ..
ابتسمت ومشيت جنبه شفته وقف عند اكسسوارات كانت معروضة .. وطرت على بالي رشا على طول
وقلت :ايه صح ..
لف طالعني: وشو ايه صح ...
تبلمت وقلت :هاا اقصد ايه نسيت اقولك ترى واحد من الأهل بيجي اليوم وبروح اخذه من المطار
وبطلع معه بكرة يعني اعذرني منها بس بكرة ..
تكلم وهو يبتسم لي ويحط يده على كتفي :لا عادي خذ راحتك ابطلع بكرة ابتمشى واشتري اغراض
للأهل .. يعني لاتشغل بالك بي ..
ارتبكت من حركته وسويت نفسي وكأن عجبني شي وباخذه وقلت :خلصت ولا .. انا باخذ هالأسوراة ..
وطلعت الجازدان ودفعت قيمة الأسوار وقيمة الأكسسوارات اللي شراهم لزم علي ماادفع لكني تجاهلته
ومشيت ... تمشينا وتمشينا .. وكنت احاول مااوقف قريب منه لأني احس ان قلبي بينفجر من كثر مايدق ..
كان يناظرني في كل لحظة .. احسه يشك فيني ... وييه وانا شلي بهالأفكار الخايسة لايشك فيني ولا شي
مشيت قدامة للمحل كان يبيع المارشيميلوو وشي مثل خدود البنات او شعر البنات مدري شسمة ..


زياد ياربي ياربي ليش احس انه مش ولد احس انه بنت صح ان تصرفاته شوي رجوليه لكنه
مش ولد احس انه من جد مش ولد ... ياربي يخوفي اني صرت شاذ وانا مدري اعوذ بالله من الشيطان الرجيم ..
اخذت قطعة المارشي ملوو اللي مدها لي ورميتها في فمي بدون اهتمام حسيت فيه يتكلم لكني ماانتبهت وش يقوول ..



بعد يومنا اللممتع وبعد ماصارت الساعه 6 المغرب ولأن كنا بمنطقة يسكنون فيها مسلمين ..
سمعنا صوت اذان لف علي وقال .. :تعال نروح نصلي .. اول مدام هنا في مسجد ..
يووووه شلون اصلي وانا ماعلي حجاب .. :هااا اي طيب يلا
تعال نتوضا هناا .. قلت اوكي يلا ..
ودخلنا الحمامات الله يكرمكم .. رفع اكمامه وجلس يتوضاا لف علي مارح تتوضى ..
قلت ايه يلا يلا رفعت اكمامي كان فيها شوية شعر قليل حيل كنت مخليته عشان لاسافرنا ولاشي ..
لف يناظرني وانا ارتجف مدري خوف او توتر مدري ..
انصدمت من اللي اشوفه رسمت يدينها وبياضها كانت تدل على انها لبنت ناظرته :مارح تشل قبعتك
قلت :يووه نسيت وقف وهو يسكر الماي خلاص انا اشيلها لك .. وقف وفي اللحظة اللي كان بيسحب فيها القبعة ...




كنت واقفه قبال مراية غرفتي واتأمل في عمري حطيت لي روج احمر صارخ مع بلشر خمري فاتح وكنت
فاتحة شعري الطويل كان شكلي مقبول فتحت دولاب ملابسي وانا اناظر الملابس لبست بدي تركوازي مخطط بأبيض
مع بنتطلون جينز كان وسيع علي لكن الحين ضيق بالمرة .. اووووف ... تعطرت وانطق الباب
.. :: طق طق طق
ابتسمت :اكيد نوير ادخلي الباب مفتوح ...
وكان توقعي صحيح دخلت نوير وحظنتني وهي منصدمة من شكلي
طالعه تهبلين .. ناظرتها تمزحين صح ادري اني موحلوة ماله داعي تجاملين
نوير وهي تحظني اقوى :لا والله انك تهبلين بس لوتضعفين وتسمعين الكلام والا وقسم انك تهبلين ..
بعدت عني وسحبتني وجلسنا على الصوفات :: يلا يلا قولي لي منو ولدة وشسمة حلو ولا شين ..
ابتسمت بحيا ينقالي مصدقة عمري :اولا ولد صديق ابوي واسمه مدري والله واذا اهو حلو او شين هم مدري ..
نور مومصدقة :امانه عااااد مالت علي اللي جيت لك .. شلون ماتدرين ..
غسق :اقولك ابوي توه مكلمني وجيت قلت لك .. بس مدري اوافق ولا لا ..
نور :شوفي ان كان وسيم وموناقصة شي وافقي ولا من وين بتحصلين على واحد مثله ..
غسق :وهذا اللي بيصير بس تتوقعين لا شافني بيوافق مارح يخترع ..
نور :ليه وش فيك انتي بس لأنك دبدوبة .. لاحبيبتي موناقصك شي .. بعدين
لو الله كاتب لك تاخذينه بتاخذينه حتى لو غصبن عليه .. فاهمتني ..
غسق :انشاء الله خير




وانتهى البارت وسووري من جد لأني تأخرت عليكم في تنزيل البارت بس ترى
انا داخله السنه اول ثنوي وداخله نظام المقررات يعني معليش
تحملووو شوي .. والوقت اللي افضى فيه على طول رح انزل بارت ..
واتمنى الاقي توقعاتكم ..
انيوو تحياتي /كحيلة بكاها