بصي انا عمري ما كتبت ردين لرواية هنا و ما اعرفش هتشوفي الرد ده و لا لا
بس كان لازم اكتب رد بعد ما خلصت الرواية
اولا حابه اقولك انه من جمالها انا خلصتها في يوم و نص كلها على بعضها و عايزة اقولك اني قريتلك كل قصصك و كلهم حبيتهم بس القصة دي المرادي بجد بجد تفوقتي على نفسك يعني كمية الغموض و السحر في الاول و كل فصل تبقى متلهفة انك تقري الي بعديه عشان تفهمي الي بيحصل و الاحداث الكتيرة في كل فل و عدم الرتابه في الاحداث
طبعا مش عايزة اقولك انا كنت كارهه نديم ده قد ايه في الاول و ما كنتش قابله خالص كقارئة اني اسامحه على الي عملوا فيها ابدا بس بعد كده بالعكس حبيته جدا و صعب عليا كمان بس كان نفسي تعذبه اكتر من كده اربع شهور مش كفايه و خصوصا انه ما كانش بيلعب فيهم بعدل
الغريب في القصة دي كمان ان كل الرجاله فيها مجانين سواءا نديم او نضال او ساري (اه كان نفسي اسما تشعوط ساري ده شويه و تخليه يتجنن شويه عشان كان قليل الادب و فاكرها سايبه و كان عايزة قلم كبير يفوقه شويه اكتر من كده )
عاجبني كمان بارغم ان ده جزء تالت من سلسلة انه منفصل بحد ذاته يعني معظم قصص السلاسل الي في المنتدى بتبقى جيل بعد جيل او كل الابطال بتوع الاجزاء الاولانية بيبقوا موجودي في كل الاجزاء هنا المختلف ان ده ما حصلش حتى وجود صلاح و لندا وباقي ابطال الاجزاء الاولى ما كانش بارز اوي وغير كمان ان اصلا جو القصه دي مختلف تمام كله غموض كده و سحر و سواد بعديه نور
بس كده تسلم ايدك بجد و من تقدم لتقدم و مش هنتنازل ان القصه الجاية تبقى في مستوى احسن من دي كمان لان دي بجد لحد دلوقت احلى قصه قريتهالك تكوينا و روحا و تعمق في الشخصيات و احداثا كمان
كل سنة و انت طيبة و كل رواية و انت طيبة ....اسفه لو كنت طولت