22-07-13, 12:15 PM
|
#3 |
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام ? العضوٌ???
» 216 | ? التسِجيلٌ
» Dec 2007 | ? مشَارَ?اتْي » 87,659 | ?
نُقآطِيْ
» | | البــــــــــــــارت الثاني الصبح ساعة 10 يوم الجمعة رن التلفوووون شااااااااااالته رغد و اهي شبه نايمة جافت الاسم ( تونزي ) رفعت التلفون و جاها الصوت من الطرف الثاني رجاء : رغوووووووود يحبيبتي صبااااااااااح الخيييير ياويه الخير رغد و يادوب تتكلم : هلا هلا رجاء : رغووود صحصحي بلييييز بقووولج سالفة رغد : رجوووي تكفييين بناااااااااام رجاء و اهي مكشرة : اففف انزيييييين يلا رقدي رقدت علييج طوووفة طبعا مافي رد رغد قطعته و عطتها قطاار ( رجاء : صديقة رغد الروح بالروح و معاها بالمدرسة شخصية حكيييمة و حلوة و اجتماعية ) بعد نص ساعة صحت من النوووم قامت دخلت الحمام الله يكرمكم و صلت ونزلت تفطرت مع اهلها و قعدت ع المسنجر تكلم ربعها اسيل و رجاء و فجر و مها و طلبت منهم ان ييوون بييتهم و يطالعون الافلام اليدد الي اهي شاريتهم و طبعا كلهم وافقو دخلت منتدى من المنديات الي كانت تعرض فيه رسماتها و ردت على التعليقات و دخلت قيمزر تلعب شوي جافت نكنيم بأسم امير قلبها قالت خل ادخل و بدت تلعب و جذي و كان نكنميها غرور انثى امير قلبها : هلاا هلا رغد في قلبها : اففف مالي بارض للسوالف امير قلبها : عطييينه ويه عاد غرور انثى : هلا امير قلبها : شخبارج اختي غرور انثى بدون نفس : الحمدلله تمام امير قلبها : امم بصراحة انا بغيت اسألج عن هدية بغيت اهديها حق اختي بس ماعرف شنو اخذ لها و ياليت تساعديني لان انا ماعرف بسوالف البنات غرور انثى : ايي اكيد ممكن تقدر تاخذ لها ساعة او عطر او تعطيها اي مبلغ و اهي تروح تاخذ لها الي تبي امير قلبها : اها اووك شكرا اختي غرور انثى : العفوو حاضرين امير قلبها : تسلمين و الله غرور انثى : لو سمحت اخوي يلا انا بامشي الحين مع السلامة امير قلبها : مع السلامة طلعت من قيمزر و شالت تلفونها جافت فيه مسكول من محمد اتصلت له اول مارن شاله رغد بنعومة : محمد محمد : يعيووووون محمد يرووح محمد رغد : شلوونك حبيبي محمد : اسأل عننننج ها عمري صحيييتي ؟؟ رغد : اي من زمان , فطرت حموود؟؟ محمد : بووووه اي من زمان رغد : عوااافي , ها شنووو برنامجك اليوم محمد : يعااافيج حبيبتي , امم و لا شي و الله بس بروح الشاليييييه مع الربع و يمكن ابات اهناااك لي يومين ثلاثة رغد : اووووك انتبه لنفسك , و انا بعد راح يجوووني ربعي البيت و راح نقعد محمد : ههههههههه شلة الانس مالتج ؟؟ رغد : ههههههههه مساكين ربعي محمد : ههههههههه شسمها الي قلتي عنها مخطوووبة ؟؟ رغد : اسيل محمد : ايييي صح نسيييت , عقبااااااالنه ياحلووو رغد : ههههههه شفيك مستعيل انتظر و الله مب طايرة محمد : وييي كييييييفي خلييينيي احلم الحلم ببلااااااش رغد و اهي منحرجة : لا مب حلم ان شاء الله يصير صج محمد : واااااااااية عليييييج حبيبتي , احبببببج رغوتي و الله احببببج رغد : ههههههه وانا بعد محمد : انزين بس انا احبج صدقيني يعني لما انا احبج المفروض انتي تحبيني و احنا اثنينا نحب بعض و اذا حبينه بعض يزيد الحب حب و مثل ما انا احبج و انتي تحبيني ووو رغد قاطعته : ههههههه بيييه بيييه بيييه لا حموودتي خرفت بس يحبي و انا اموووت فيييك يادكتوور حبنه محمد : و الله محد مينني الا انتي يلبببببى قلبج و الله رغد و اهي تطالع فوونها : حموود رجووي تتصل علي اعتقد انهم وصلو بسكره الحين اووك محمد : يااااااااه اخترب جوونه الروومانسي , معليييش حبيبتي اكلمج بعدين رغد : هههههههههه فدييييتك يامهبوولي انت معليش بكلمك في الليل يلا سي يووو , تحمل بروحك سكرته و طلعت لرجاء بره لان خبرتها انها وصلت و من بعدها وصلو كل البنات و قعدوو يطالعوووون الفلم و كان رومانسي على كوميدي اسيل: واااااااااي يحليييله الجمييييييييل ذوووبني البنات : ههههههههههههههه رجاء : يحلييييله هااا الحين اتصل لعيسى و اقوله عننننج اسيل : لا تكفيييييييين شنو تتصلين لخطيبي تبييين تخربين بيينه رغد : نطري نطري انا بتغزل فيييه , اوووييييه عليييييييه الي يشبه ريييلي الله يعطيييني واحد مثله رجاء بخبث : رغد ترى انا سجلللللت صوووتج و راح اطرشه لمحمد رغد : هااااااااااا رجاء و اهي فيها الضحكة : ايييي و لما يوصل له اكيييد بيهدج لانج تتغزلين في غيره و اهو مب عاجبج رغد : امبيييييييه انتي ياعبيييطة ان سوييتيها دست في بطننننج و شنووو يتركني مايتركني تفي من بؤؤؤك يا وله رجاء : هههههههههههه ياخوااافة ماسجلت صووتج و لا شي امزح رغد : وه تعاااااااااااالي انتي بطييييح فيج طق طيحتي قلبي ببطني رجاء : هاهاها ذي كله خوف من مومو رغد : مومو في عييييينج اسمه الشيخ محمد و يلا جبي و في مكان ثاني الجوهرة كانت تجهز اغراضها و تلبس بنتها الصغيرة و اهي حدها مطنقرة لان بتروح بيت عمها و بيكونون حمواتها موجودات اهناك و بيتمون يتنقرشون فيها الجوهرة : رنييييييييييم ماما رنيم : نعم ماما حبييييبتي الجوهرة : ياحبيبة ماما انتي تعالي نبدل بنروح بيت يدج رنيم : وع وع بنروووح حق ذي الي اثمها عمتي مريم ؟؟ الجوهرة و اهي تبي تضحك و تقول في قلبها تستاهل الجوهرة : لالا ماما عيييب هالكلام هذي عمتج لازم تحبينها رنيم : ماما لو ثمحتي هذي جنها عيووذ النار انا ماحبها الجوهرة ضحكت على كلامها : انزين يلا تعالي بدلي لان البابا ينتظرنا تحت ( الجوهرة : اخت محمد الكبيرة و عمرها 27 متزوجة و عندها بنت اسمها رنيم و عمرها 5 سنوات و وايد تعاني من خوات زوجها و من غرورهم و تنغيزاتهم لها معنه شكلها تقدرون تقولون حلو بس هم كانو يبون اخوهم حق بنت خالتهم الي اسمها سهير ) دشت بيت اهل زوجها و سلمت مريم بحقد : هلا هلا شرفتي ؟ الجوهرة و اهي تحقرها و تسلم على ام زوجها ام فهد : هلا عمتي ام فهد : هلا ببنيتي شلووونج يمة و شلوون رنيم رنيم و اهي ياية ركيض : يدتتتتتتتتتي انا منييييي و نطت على يدتها و اهي تبوسها لان رنيم وايد تحب يدتها بعكس عماتها ام فهد : هلا ببنت ولدي هلا برنوووومتي تحبين الكعبة يايمة رنيم وويهها احمر : يدددتي انا احبببث وايد وايد وايد ام فهد : هههههههههههه شووراج اعترفي رنيم : ممكن حلاوة حق رنوومة حبيبتث ام فهد : اخ يالعياااااارة قولي هلون من البداية مطولة السالفة و تحبيني اشله و عطتها الحلاوة و استانست رنيم وطلللعت بره جافت عماتها جدامها مريم : تعااااااااالي رنيم انا عمتج اشله ماتسلمين علي رنيم : وع وع ماحببببث انا لا تكلميييني انا بروح العب مب فاضية الحين بعدين الجوهرة : ماما عييييب تعالي سلمي مريم و اهي تنغز اختها عهد : هااا جوفيها بنت اخوي صاير لسانها شطوله عهد : اي مب منها من امها هالغبرة الي ماتعرف تربي , لو احنا عاطين اخونه لسهير جان مستانسين الحين ام فهد حست ان الكلام على الجوهرة و تضايقت من حركات بنتها المستمرة لمرت اخوهم و سالفة خطوبتها الي فات عليها الحين 6 سنين و اهم بعدهم يتأملون ان اخوهم يكون لبنت خالتهم ام فهد : شتقوليين انتي وياها , ماتحجووون بصووت عالي اجوف مريم و عهد : لالا يمكن مانقول شي سلامتج ( مريم : 25 سنة بس منفصلة و ماعندها عيال ) (عهد : متزوجة و عمرها 23 و عندها ولد عمرها شهرين ) و بنتعرف عليهم اكثر مع احداث القصة في الشاليه يوسف : لو سمحتو بس شوي شباب بنروح نجوف لنه وحدة حلوة نكلمها الشباب : هههههههههه تيسر راح يوووسف يتمشى على البحر يوسف : هلا بعممممري كله ولاء : هلا بحيااااااااتي هلا بووي يوسف : شلوون قلبي اليوووم ولاء: على نار تنتظرك , وينك جم يوم ماتتصل و لا تسأل يوسف : يلبى قلبج و الله سوري بس كنت مشغول تصدقين انج وحشتيني << حركات شلخ ولاء و اهي هايمة : و انت بعد وايد وايد سكتت شوي و قالت ولاء : امممم يويو يوسف : يعيوون يويو ولاء : امم انت تحبني ؟؟ يوووسف : سكتييي سكتييي لحد يسمممعج و يصدق انا احببببج ؟؟ من قال ولاء بصدمة : صج ماتحبني ؟ يوسف ببرود : لا ولاء بدا صوتها يهتز بتصيح : اووك باي يوسف : ههههههههههه تعالي تعالي وين بتروحين , بس انا كنت بقوولج ترى انا ماحبج انا امووووووت فيج ولاء تنهدت براحة : اشووووة يوسف : شفيييج خفتي ؟ ولاء : افففف اني خفت الا قول مت يوسف و اهو يجووف الفون يرن بأسم ( الحب 2 ) : امممم ولوي الوالدة تتصل انا بصكه الحين اوووك ولاء و اهي مب دارية شصاير : اووووك حبيبي تحمل بروحك يوسف : و انتي بعد , ضحك يوم صكاه و هو يقول يمسكينة رد على الحب الثانية و تم يسوولف و يهذر و يجذب عليها لان كانت اناسة عنده ان يقص ع البنات و يسوي رووحه ساحر قلوب العذارى و كان محمد وايد يتضايق من حركاته و ينصحه بس بدون اي فايدة من صووب ثاني سكرت ولاء من عند يوسف و اتصلت لرغد الي اهي تصير بنت خالتها و ع فكرة عمر ولاء 19 سنة ولاء : رغغغغغغغغد رغد بترحيب : هلا هلا ببنت خالتي العزيزة ولاء : هلااا فييييييييج باركيييلي رغد : مبرووووووك بس على شنو ولاء : يسااااافي اتصل , وي عليه ضلمنااااه كان مشغول طول هاليومين رغد بأبتسامة على خبال بنت خالتها : ههههههه و اخيرا اتصل ولاء : اييي و اخيرا و اخيرا ماتدرين شكثر كنت احاتييييه المهم بخليج انا الحين برقد صارت الساعة 12 رغد : اووك حبيبتي تحملي بروحج ولاء : و انتي بعد و بجذي انتهى البارت الثاني |
| |