[لامارا]

البـــــــــــــــارت الرابع

محمد من جافها تفاجئ و نزل على ركبته : الجووووهرة شفييييج حبيبتي
الجوهرة من جافت اخوها رمت بنفسها في حضنه : ياخووووي يقولي خاينة و الله مادري شصااااير و الله
محمد : لااااااااا مصخت صراحة مرة يطلعوووونج حرامية و مرة خاينة
كلشي و لا كرااااامتج و شرفج يتهموونج فييهم صدقييني مالج قعدة ف بيته و مع اهله راعييين المشاكل ذيلة و لا نسيتي الي سوووه لج في عرسج
الجوهرة : لا تكفى ياخوي خلني مابي بنتي تضيع
محمد : مهي ضايعة يا الجوهرة انا مستعد اكو لها كلشي ابو و خال و عم و كل اهلها و انا زوجج هاي انا راح اتفاهم معاه
نرجع للي صار في عرس الجوهرة
كااااانت حفلة من احلى الحفلات في المملكة و على مستوى رفيع من التنسيق و الاتقان و كانت ملاك درجة اولى لدرجة ان الكل استغرب من جمالها و طلتها و كانت كل العيون عليها في ليلة عمرها و الكل كان منعجب فيييها الا عيوون كانت مخططة تخرب الحفل و انسجااامه
سهير بنت خال فهد الي اتفقت مع وحدة من صديقاتها ان تقعد في الطاولات القريبة من طريق العرسان و تحاول العرقلة للجوهرة و طبعا هاي الي صارعرقلت للجوهرة و كانت تحمل في يدها عصير الي كتته على فستان الجوهرة بحركة تمثيلية و الي يجوفها يقول مب قاصدة ابد و الجوهرة ملت عييينها الدمووع و خنقتها العبرة و حست ان بيغمى عليها لكن بطريقة تمثيلية شال فهد الجوهرة و حملها للمسرح لدرجة ان الكل كان يصفق و يصففففففر و ملى المكان الحماس و نظفو لها فستانها و سارت الحفلة تمام التمام لكن كانت هالحركة من المعرس مو حب فيها و لكن حركة عشان يغطي فشيلة عايلتهم لان كانت العروس من اختيار امه و كان يضنها الكل انها بنت فقر و مو قد المقام
صحت من ذكرياتها في ليلة العرس و دموعها تسيل
واهي و رنيم مع محمد في السيارة و راحو لبيت ابوها و قطت روحها بحضن امها و اهي تصيييح و شوي شوي هدت و نامت
( ام محمد : اسمها اسماء و اهي رفيجة ابتسام ام رغد من عمر و طيبة و حنونة بس ماتشتغل و قاعدة في البيت )
اتصل محمد على فهد
محمد : سلام
فهد بكل غرور : عليكم السلام
محمد : ماتقولي انت شسالفتك مع اختي كل يوم و متهمها بشي
فهد بكل برود و اهو يولع الجقارة و قاعد ع المكتب : ماطلعت شي من عندي
اختي مريم جافتها بعييينها و اهي مع صبي في احد المجمعات
محمد باستهزاء : اها السالفة فيها خواااااتك الحياية
فهد : احترررررم نفسك
محمد : مو قبل ما انت تحترم نفسك يا قليل الادب
فهد : هه وااايد ماخذ مقلب في اختك الشريفة العفيفة
محمد بعصبييية : جبببببببب و قص بلسااااانك اي كلمة ثانية و الله لذبحك وورقة اختي توصلها باجر سااااامع
فهد : هاااااااي الساعة المباركة
سكر فهد من محمد و اتصل على مريم
مريم : هلا ياخوي
فهد : اممم اختي انا بصرااااحة قررت اطللللق الجوهرة
مريم بفررررررح : صج ؟
فهد بأستغراب : اييي صج , شكلج مستانسة
مريم : هااا , لا مو مستااانسة بس فكة يعني لا تشوه سمعتنا هذي القذرة
فهد : اها , يلا الحين انا بسكره عندي شغل
مريم : اووك باي
مريييم راحت ركيض لعهد
مريم : عهههههههد خبر بمليون
عهد : شنووو شنووو
مريم : شلي اول
عهد : انتي قوووولي و اعطيج الي تبين
مريم : اخووووووي فهد راح يطلق الجوووهرة
عهد : هاااااااا من صجج انتي ؟
مريم : و هاي ينمزح فيها ؟
عهد بفرررح : واااااااااااي واااااااي ماصدق صج صج عجيييب
مريم : عجييييب الا اووف و اخيييرا راح نفتك من بنت هالفقر

عند محمد
اتصل فيه صديقه منصور
منصور : هلا هلا محمد
محمد : هلا
منصور : افا افا الخووووي اليوم شكله مزاجك مب شي
محمد : اييي و الله جان تقدر تجيني البيت
منصور : اووك عشر دقايق و انا عندك
ماعرفناكم على منصور
( منصور : صديق محمد الروح بالروح و معاه في الجامعة و اعز من اخووو و انسان مستقيم و اخلاق و دايما مع محمد )
نزل محمد تحت الصالة جاف اخته فجر قاعدة
محمد : فجرررر لو سمحتي سويلي قهوة و جهزي القدوع الحين بيجيني منصور
فجر : ان شاء الله من عيووني ياخوووي
محمد : اييي و قبل لا انسى بعد بخري المجلس قبل لا ايييي الصبي
فجر : اوووك
( فجر : فجر اخت محمد و صديقة رغد في المدرسة وتعرفو رغد و محمد عن طريقها و وايد طيبة و شعرها طويييل و شقرة وعيونها عسلية و واسعة و شفايفها صغيرة و ممتلية و كانت صغيرة و ضعيفة كانت بشكل عام حلوة و تلفت النظر )
راحت فجر مثل ماقالها محمد تبخر المجلس و تعدل المكان و طبعا منصور مثل ما اهو متعود من يجي يدخل المجلس مباشرة لان مايكون فيه احد
بس هالمرة كانت فجر داخل و كانت لابسة جينز و تيشيرت نص يد و شعرها مفلول بشكل حلو
منصور : يا الله
يوووم جاف ان في بنت داخل طلللللع بسرعة و صك الباب
فجر انتبهت و ارتبكت و بسرعة شردت بره
بعد 10 دقايق دخل المجلس جافها مشت و قعد يفكر فييها
منصور في قلبه : لا صج جميييلة توني ادري يا محمد ان عندك اخت بهالجمال , استغفر الله شفيك الله يهداك يمنصور هاي اخت رفيجك و اخوك , لا بس صج انا ماقلت شي بس و الله انها مملووحة و ماعليها كلام
والا بدخلة محمد
محمد : هلاااااا هلااااا انت وصلت
منصور سرحان و مارد عليييييه و لا يدري بهوا داااره
محمد : هوووووووووووو الاخوووو
منصور : ها ها شفيييك ماتعرف تتكلم شوي شوي
محمد : ويين بالك انت
منصور بتفهي : عن اختك
محمد : خييييييييييييييير اي اخت تكلم وين جفتها وين جافتك
منصور : يا محمممممممممد الله يهدييييك انا قلت اختك الحين انت شكله الضيقة مأثرة علييك يلا قولي شصار << يضيع الموضوع
محمد : اييي و الله ياخوووك حدي ضايق
منصور : ليييش شفيييك
محمد : الجوهرة اختي و مشاكل مع زوجها و اليوم وصلت لها ورقة طلاقها تخيل يتهمونها بتهم و مطلعين روحها
منصور و اهو اعلم بالحال : ايييي و الله , الله يساعدها مسكينة
شوووووي و جان تيييي رنييم و تدز الباب
رنيم : خاااااااااالي العزيز انا احببببببك
محمد : هههههههههه يا عمر خالي انتي , ماسلمتي على عمي منصور
رنيم و اهي تسلم على منصور : هلااااا عمي منثوووور
منصور : هلا بالحلوة
رنيم : هلا ببو الثباب
منصور : هلا بأم الشباب
رنيم : هلا بالقمر
منصور : هههههه هلا بالعسل
محمد : هوووووووووووووو ليييي متى بعد ههههههه رنيييييم و الله و طلعتي مغازلجيييية درجة اولى
رنيم و اهي تطالعه ببراءة : ثنووو خالي ماثوييييت ثي و الله
محمد : انا بعد اقول ماثويتي ثي يلا رووحي للماما و قوليلها بدليني لان بطلع مع خالي و صديقه
رنيم بفرح : الاااااااااااه و بتذي معاااانه خالتي فذر بعد ؟
منصور في قلبه : هاااا طلع اسمها فجر
محمد : لا ويييين تجي عييييب
رنيم و دموعها بتسيل : لاااااااااااااااااا مابي مابي ابي خالو فذر
منصور : معليييش خلييها تجي و انا ماراح اجي برجع البيت
محمد بملل : اووك قولي حق فجر تجهز بس انتو تقعدووون بعيد عنه ماشي؟
رنيم بفرح : مااااااااااثي
رنيم و اهي تطالع منصور الي باين عليه مستانس و يبيها من الله : كففففففففك يالحبيب
منصور : هههههههههه
رااااااااااحت لرنيم حق فجر
رنيم : فذذذذذر فذذذر يقولج خالي قومي بدلي بنطلع
فجر : وين بنروح
رنيم : بنطللللللللللع ويه عمي منثور و خالي محمد
فجر : مع منو مع منو
رنيم ببراءة : مع عمي منثور و خالي محمد
فجر : لا و الله حلفي
رنيم : يلا يلاااااا بدلي بثرعة و نذلي قولي حق خالي اي كلام تبين تقولينه انا ماعرف ثتقولين
فجر جهزت و نزلت تحت قالها محمد ان تجي عشان تيوود رنيم و تنتبه لها و اهو و صديقه بيفترون
فجر وافقت على الطلعة و راحت تلبس عباتها الملياااانة كرستال و مصممة بشكل حلو
نزلت تحت و كانو يتظرونها بالسيارة
ركبت السيارة و اهي ساكتة و حدها متوترة من الموقف السخيف الي صادها مع منصور قبل شوي
سلمت بصوووت هادي و ردو عليها السلام
منصور و اهو قاعد جدام من دشت شم عطررررها الراقي الي ذووووبه بس اهو يحاول ان مايحط باله لان هذي حسبة اخته الي اهي اخت محمد رفيجه الروح بالروح
محمد : ها شباااااااب شرايكم وين نروح
رنيم : العاااااااب خالي العاااااااب
محمد : وي احنا يهاااال بتودينه الالعاب ؟
رنيم : بليييييز خالي تكفى
محمد : اممممم اوك خل نروح ستي سنتر احنا بنقعد و انتي روحي مع فجر تلعبج
رنيم : الاااااااااااه اووووك
و مشووو رنيم و فجر يلعبون و تم محمد و منصور على الطاولة يسولفون و طلبو لهم قهوة و تقريبا تمو ساعة و نص
محمد : مو شكلهم تأخرو
منصور : شكله
محمد : اووك بتصل لهم , اووووه شت مافيييه كردت
تسمح خووك بس تعطيني فوونك اتصل لفجر اختي
منصور بوناااسة : اييي افا علييييك من عيووني
و عطاااااه الفون و اتصل حق فجر , فجر جافت الرقم غريب ترددت ترد بس في النهاية ردت
محمد : هلا فجر
فجر : هلا محمد , من وين متصل انت
محمد : من منصور رفيجي
فجر : وي وين تلفونك
محمد : مافيييه رصيد , ماعلييينه انتو وين تأخرتو
فجر : اوووك الحين راجعين
محمد : اووك باي
.
.
.
.
نهاية البارت الرابع