[لامارا]

البــــــــــــارت السادس

في يوم جديد صحت رغد و راحت للمدرسة بكل نشاط و حيوية و كان اخر الايام دوام في المدرسة و من بعدها تبتدي الامتحانات النهائية و طبعا سارة بازعاجها اليووومي كانت تاخذ المحاية و تقطعها صغار و تقطهم على المعلمة
المعلمة : من قلييييلة الادب هذي الي تقط المحايات
سارة بكل براءة : محد استاذة احنا قاعدين مؤدبين لي هالدرجة قمتي تهلوسييين
المعلمة : عنننننن قلة الادب شنو اهللوووس تكلمي عدل مع معلمتج
سارة : ياربي ماقلت شي انزين فديييتج انا بس
لفت المعلمة تبي تكسر الشر و قامت تكمل شرح
سارة : اقول رغود مو جنه ملل
رغد : ايييي حده
سارة : نطري عيل جوفي الفلم
كان جدام سارة كوب تشرب فيه المعلمة ماي بحركة جي سريعة دزته و طاح في الارض و قامت سااارة تصارخ و جنه وحدة فيها صرع و ترتجف و تاخذ الجزاز و تمثل ان بتقص عروقها
سارة : واااااااااااي يمممممممة يمممممة بنتتتتتتتحر
رجاء و اهي تكمل التمثيل : لاااااااااااااااااااا رفيجتي خسااااارة عليييج لا تموتييييييين ابييييج صدقيني ابيج لا تخليييني بحسرتي من بعدج
و رغد مييييتة ضحك و خاشة ويهها هههههههههههههه
المعلمة ماتت من الخوووف و طردت الثلاثي المرح كلهم بره
ساااارة : احسسسسن فكة يلا امشو بنات
و طلعو البنااات كلهم بره يتمشون في ارجاء المدرسة و يتنقرشون في البنات و فجاة ياااات اسيييل تركض و اهي تصييييح و قطت روحها بحضن رغد
اسييييل : ااااااااااااااه يرغد ااااه و الله بمووووووت
رغد بخووف : شفيييييييج اسووولتي ليش تصيييحين
اسيل ماتتكلم بس تصيييييح في حضن رغد
رغد : اسييييل حبيبتي تكلمي شفييييج
اسيل مابين شهقاااتها : رغد انا حـ حـ حـ ا مل
رغد بصدمة : شنووووو
اسيل : مااااادري شلووون و الله مادري مادري شسوووووي و اهليييي دروو
رغد و اهي تهديييها : اهدي اهدي حبييييبتي خليني افهم شسالفة بالضبط
و تمت رغد تقرا عليييها لين ماهدت
رغد : يلا فهميييني شصار بالضبط
اسيل : رغد انا حااامل حااااااااااامل داخلي بيبي
رغد متفاجئة : امبيييييييه
اسيل رجعت تصييييييح بحرقة قلب : و الله اني امس ماقدددر اناااااااام من التعب و الله تعبانة تعبااااااااانة مو متحملة نظرات اهلي لي
رغد : خلااااااااااص يحبيبتي خلااااص و ثانيا انتي مخطوووبة يعني عيسى زوجج شررررررعا و محد يقدر يتكلم
اسييييل و اهي تصيح و تضرب نفسها : انتييييي ماجفتي نظرات خوااااته لي و الله نظراتهم تقتلني ياليييتني مانخطبت يالييييييتني
رغد : هدددددددي يعمري هدددددي لا تطقين رووووحج جي بيتأذى البيبي
اسيل : خليييييييه يتأذى مابييييييييييه مابييييه
رغد : استتغفر الله استغفري ربج بس مايجووز هالكلام هاي ولدج و انتي يايبته بالحلاااااال ليش مسوية كل هذي في نفسج
اسيييل بنظرة حزن و عيونها مليانة دموووع : رغد لمييني لحضنج ازيييد و الله خايفة الكل يتشمت فييييني
رغد : تعاااااالي يحبيبتي تعالي و من يقدر يتشمت فييج اصلا
مر الوقت و اهي مع اسيل و تخفف عليها
خلص الدوام و يه وقت الرجعة للبيت
رغد : اسيييييل تكفين تعالي معاي البيت ماقدر اخليج جذي
اسيل: لالا مايحتاي انتي روحي خلاص انا برد البيت
رغد : اووووك اول ماتوصلين طمنيني علييج و العصر تكونين عندي و اليوم تنامين عندي سامعة
اسيل : ان شاء الله
رجعت رغد البيت و اول ماردت مسكت فونها و استغربت ان فييييه 9 مسكولات من رقم غريب بس تجاهلته و بدلت و قطت روحها على السرير ترتاح و في بالها تدور اشياء وااااااايد اسيل , محمد, ولاء و حبهاا ليوسف و صلاح و حبه لولاء تضاربت الافكار في راسها لين ماحست بالنعاس و نامت
ماصحت الا و اسيل فوق راسها تقومها من النوووم
اسيل : رغد حبيبتي قومي
رغد : امممم يمة ابي انام
اسييل ابتسمت : انا اسييل
رغد بطلت عيووونها : اسسييل ؟ من متى انتي اهني ؟
اسيل : من شوووي
رغد : اووك ثواااني انا الحين راح اقوم و اغسل و ايييج
دخلت رغد الحمام و غسلت و طلعت قعدت مع اسيل لقت اسيل متسندة على السرير و تفكر و دموعها تسيل
رغد و اهي تقعد على السرير و تمسح دموع اسيل : بس يحبيبتي و الله بس لا تصيحين اسوولتي الدنيه ماتسوى و الله
اسيل : انا افكر في الياهل الي بيجي شلوون اقدر اتحمل مسؤلييته شلون بقدر اربييه
رغد و اهي مبتسمة : لا تخاافييين راح تكونين احللللى و احن ام بالدنيه و راح يفتخر فيييج ضناج يقلبي
اسيل و دموعها ع خدها : شبتقول الناس عني و انا بهالوضع كلها جم شهر و بطني راح يكبر اخ يرغد اااااااخ و الله تعبااااانة
رغد : محد يقدر يلوووومج هاي الله محلله يقدرون خلقه يحرموونه ؟؟ خلااااص الي صار صار و اهتمي لنفسج الحين لان الحين انتي مب وااحد انتي اثنين
اسيل يدق تلفونها جافته ( عيسى )
اسيل بصووت واطي : هلا
عيسى : هلا حبيبتي , شلوونج الحين
اسيل صاحت و سمع عيسى شهقاتها
عيسى بندم : و الله اني اسف مو قصدي و الله خلاص حبيبتي لا تصيييحين و تزيديني هم فوق همني
اسيل : عيييسى انا حامل عييييييييييسى افهمني
عيسى و اهم يغمض عينه : و الله اني ادري بس اوووعدج يأسيل اعوضج عن كلشي و صدقيني ولدنه ماراح يضيع ما دام انا حي و مع الايام بتجوفين صدق كلاامي و الله اني احبببببج يا اسييل انتي مررررتي و ام ولدي ان شاء الله مايهون عليي اجوفج تصيحين جذي
اسيل بأبتسامة و اهي تمسح دموعها : امم اووك خلاص ماصار الا الخير بس اليوم راح ابات في بيت رغد
عيسى : لا تكفين خليني امر باخذج احس اني بحاجة ان اقعد معاج ونتفاهم
اسيل و اهي تطالع رغد : امممم اووك متى تجي
عيسى : ربع ساعة و اكون عندج ان شاء الله
اسيل : اوووك تحمل بروحك , مع السلامة
سكرته اسيل و اهي تطالع رغد
اسيل : سامحيني اسيل بس راح يمرني عيسى الحين و راح اروح معاه
رغد بأبتسامة : اووك حبيبتي سوي الي يريحج وكفاية صياح
اسيل : ان شاء الله
بعد ربع ساعة وصل عيسى و نزلت له تحت اسيل من جافته و جافت ويهه شلووون ذابل قطت روحها بحضنه و لمته
اسيل : ماعاش من يسوي فيييك جذي
عيسى : يحبيبتي انتي يلا خل نروح البيت
اسيل : يلاااا
و مشو و رغد تطالعهم من الدريشة و اهي متأثرة بمنظرهم و الله انهم صغار و حرام من الحين يحملون مسؤلية طفل
دخلت داخل و اهي تجوف اخوها جاسم جاهز بيطلع بكل كشخته
جاسم : زعلاااااااان منه انا و انا الي راضيييته عاشوو عاشووو يمين يساار
رغد : اووه اووه شطاري عليييه الاخ اليوووم على وين ان شاء الله
جاسم و اهو يقلدها : على ويين ان شاء الله , مو شغلج يلا
رغد و اهي مكشرة : وييييي كليتني ماقلت شي
جاسم : بعدي بعدي اقول خليني اطلع
وطللللللع و صفق بالباب و اهو يرقص
رغد و اهي تأشر : الحمدلله و الشكر , شهالاخو المينون
رجع جاسم : خيييير قلتي شي
رغد : ول ول ول اذوون فار تسمع عن بعد مييل ماقلنه شي
جاسم و اهو يضحك : على بالي بعد
رغد بتركب
ام جاسم : رغغغغغد حبيبتي تجهزي اليوم راح ييوووون لي حريم العصر
رغد : و انا شلي خص يايمة ياييين حقج مب حقي
ام جاسم : عن الحجي الزايد يلا و نزلي سلمي على ام محمد و ام خالد و باقي الجماعة
رغد و اهي فرحانة ان ام محمد راح تييي : ان شاء الله يمة
ركبت فوق و اتصلت لمحمد تكلمه
رغد : حبيييييييبي
محمد : قللللللللبي
رغد : دنتا وحشتييني اوي يا اشطة
محمد : و انتي كماااان ياضنااايا
رغد : ايييه اييييه ضنااااك دي ايييه ماتحاولش تخبي على عمايلك السوودة يا وله و لا حشتكيك لأمك و حخلييها تسود عيشتك
محمد : اولتي ايييييييه شتشكيني للماما بتاعتي لييه ان شاء الله انتي امتى حتشوفيها ده اارب وئت يوم عرسنه ياحلوو
رغد : نتا نسيييت ان امك صاحبة ماماتي و لا ايه
محمد : ههههههه اي يالشيطانة والله و طلعتي مب هينة فلته حدج و انتي تحجين مصري
رغد : عشووون عيل
محمد : صج اليووووم امي بتييي حقكم ؟؟
رغد : ايي اكيييد صج
محمد : انننننه عيل بوصلها
رغد : يمه يمه منك تبييها من الله ها
محمد : هههههههه عاد ضروري اجوفج لو من بعييييد
رغد : ههههههههه اوووك
يوم صارت لمت الحريم شرفت ام محمد و راحت رغد تبطل لها الباب و سلمت عليها و توها بتصك الباب بس طلت جافت محمد في السيارة و مطول ع الستيريو عدل و كان حاط اغنية متى متى ضحكت رغد و اهي تقول صج مينووون و صكت الباب و دشت داخل قبل لا تنتبه لها ام محمد
رجعت رغد غرفتها وقعدت على النت كالعادة تتصفح و تسولف مع ربعها و شوي و قامت تدرس لان ماباقي شي ع الامتحانات بعد يومين تبتدي امتحاناتها
فتحت كتبها و قعدت تدرس و اهي تحس بتعب خفيف تحس فيه مابين فترة و فترة و دورة راس لان دمها ناقص
ماهتمت حق التعب و واصلت دراسة للمغرب و طبعا ماتحلى الدراسة و الا البلعة على السرير معاها و اهي تدرس شوي و الا اتصلت لها رجاء
رجاء : رغووود كممممرتي
رغد : رجوووووي يافرييييم قلبي انتي
رجاء : وااااي واااي انني في شدة الحرج لقد اخجلتي تواضعي
رغد : هههههههههههههه ارجوووكي امسكي السقف ياهذا
رجاء : هااا درستي ولا بعدج
رغد : اكاااني ادرس , اففف ياربي احس بالملل و الزهق و التعب من اول امتحان
رجاء : بوووه بووه ذيييلة كلهم فييج
رغد : ههههه و اكثر و اكثر
رجاء : اووووك عيل اخليييج الحين درسي يالشاطرة
رغد : هههههههه انزين يالسخيفة يلا ذلفي
و طبعا عطتها طوووط طوط طوط
توها بتحط التلفون على صوب و الا متصلة رجاء
رغد : شتبيييين بعد
رجاء : مااابي شي بس ابي اقوولج ترى في شي اسمه مع السلامة باي
و جان ترد لها الحركة و هالمرة رجاء الي تعطيها طوط طوط
رغد : ول ول ول احمممممق رفيييجة ههههههههه
و بعد 5 دقايق
اتصلت مها
رغد شالته و اهي اتحلطم : و الاخييييييير معااااكم مب مخليني ادرس اليوم
مها : كييييفنه احنا كييييفنه
رغد : ههههههههه شلوونج
مها : اوووك و انتي , ادري ادري انتي زيييينة و تسلمين علي و كلشي
رغد : ههههههه حافظة حافظة هاااااا
مها : هههههه اي عشوووون عيل
رغد : الا تعالي انتي الحين تهذرين , اشله متصلة ؟؟
مها : اصكككه يعني
رغد : لا يعننننني بس جي اسأل اذا الست مها تامر على شر
مها : لا ست و لا سبع بس جي وحشتيييني
رغد : اهاااا جي نازل الحب مرة وحدة هههههههه عالعموم امزح معاج اتصلي وقت الي تبين
مها : ادررررري مايحتاي تقوليييين , شنووو برنامج اليوم
رغد : و لا شي قاعدة ادرس الليل بتييي لي ولوووي بنت خالتي و يمكن اقول لفجر بعد تييي و انتي بعد تعالي
مها : امممم اووك عيل بجوف انا بعدين يمكن ايي و يمكن لا
رغد : ويييي عشتووو تسوين روووحج اتغلين مثلا
مها : هههه لا لا امزح يلا عيل اخليييج انا كملي دراستج و اجوفج بعدين
رغد : اوووووك تيك كير الله وياااج
رجعت رغد تكمل دراستها لي ماصاااارت المغرب شوي و الا مدرعم سوووبر جسوووم و داش
رغد : بسسسسسسسم الله الرحمن الرحييييييم
جاسم : شفيييييييج جايفة يني
رغد : ماتعرف تطق البااااااب يا اخي العزيز ؟
جاسم : لالا ارجووووج يالذربة
نط جاسم ع السرير صووبها و اهو يطالع شتدرس
جاسم : اجوووف اجووف شتدرسين
رغد خذتها الربكة لما جافت ملامح اخوووها جاسم و شلون يطالعها لان اهي كانت راسمة حرف الام على كتابها و كاتبة صووبها اي لاف يو
جاسم بنظرات فيها عصبية : شنوووو ذي ؟؟

نهـــــــــــاية البارت
تتوقعوون شنو راح يصير مع رغد ؟
شنو راح يصير في البارت الياي ؟
هل الموقف بيغير من علاقة رغد بمحمد و بيفصلهم او لا ؟
كل هذا بنعرفه في البارت القادم