[لامارا]

البــــــــــــارت السابع
جاسم : شنووووووو ذي ؟؟
رغد : هااا وييين شنوووو اي واااااحد
جاسم : ذي ذي الحرف و اي لاف يووو
رغد بخوف : الله يهداااااك ياخووووي هاي مها رفيجتي كتبته لي في كتابها هاي حرفها
جاسم من سمممممع مها طخ شووي مايدري ليش يحس بشعور غريب بأتجاه مها من ذاك اليوم يوم جاف ادبها جدامه و حشمتها و حتى يوم راحو وصلوها ماتكلمت و لا كلمة بوجووده
رغد : و انت شحقه مسوي معاااي تحقيق ملوووع جبدي مايسوى علي ترى
شوي و شهد تطق الباب
شهد : رغد ماما تقووووووووولج يلا تعالي تعشي و نادي جسوم معاج
رغد : اووووك اووك ياية
رغد و اهي تكلم جاسم : سممممعت ؟؟ يلا خل ننزل نتعشى ترى انا ميييتة يووع
نزلو و رغد حمدت ربها لان جاسم سكت ع الموضوع و ماحطاه في باله
بعد ماخلصو عشا طرشت مسج لمها وولوي و فجر تسألهم متى راح ييييون لها
بعد ربع ساعة وصلت مها و طلعت رغد بتفتح لها الباب بس كان جاسم طالع بيروح للشباب و معاه بطل لها الباب و تفاجئ لما كانت هذي البنت نفسها الي وصلها ذاك اليوم
جاسم : هلاااااااااااا و الله
مها : مسامحة بس اهني رغد
رغد و اهي ياية من ورااااه : هلا هلا مهووووي حياااااااااج حبيبتي
دخللللللت مها و ركبو فوق الغرفة و اهم يسوووولفون
مها و اهي تعدل روحها في المنظرة : واااااااااي جوفييني بس رغود بذمتج ماطيييح الطير من السما من حلااااتي
رغد : اييييي ماتجوفيييني انا ذبت
مها : اييييي تعاااااااالي صج شسالفته ذييي اجووووفج يطالعني هلووون كل مايييت ازوورج الحمدلله و الشكر
رغد : ههههههههه و انتي ماتعرفين سوااااالف جسووم يعني بس لان اهوو قبل يمكن ماكان يجوفج الا قليل و هالايام زايدة عننننده جرعة المغااااااااازل و الصياااااااعة
مها : ههههههههه اي حسيييت وايد واضح الشي
بعد ربع ساعة وصلت فجر و ولاااااااء لبيت رغد و طبعا رغد ماتعشت عدل و لا شي تمت تلعب تلعب ع السفرة لان حاسبة حسابها بتطلب لها مع ربعها اذا يوو طلبو لهم من ماكدونالدز و تمو ينتظرون يوصل الهوم ديليفيري
رغد : ليين مايوصل الهوم ديليييفري خلنا نطلع بره في الحدييقة نقعد في هالجو الحلو و نتعشى اهناك جدام النافوووورة نسوي لنه جو رومانسي
فجر : الله الله على الجو الرومانسي و لا بهالوقت من الليل عجيييب , قامت تغني
وييييينك حبيب الرووووح في بعدك انا مجرووح واااعليا واعلى حالي
رغد : ههههههههه هاااا فجووور طايحة في الحب من ورااااااي اخ وييينك بس يمحمد تعال جوف اختك
فجر : هههههههههه افا يمرررت اخووي تفتنين على حماتج حبيبتج ترى الحين افر مخ اخووي عليج
رغد : ههههههاي ماتقدرريين محمد يحبني و مايقدر يستغني عني اما انتي عاد يعني اذا استغنى عنج عنده غيرج الجوهرة
فجر : ااااااااه يلي ماتستحين تحرضيني على اخوووي ها
رغد : هههههههههه اقول عن الهذرة و خلونا ننزل
نزلوو تحت يقعدوون و طول الوقت و ولاء سرحانة و قاعدة ع الكرسي و تطالع السما
مها : ايووووة ايوووة ماقدر ع العاشقة تطالعين السما ها و داشة فيييلنق شعندج
ولاء : هههههههههه تدرين ان تفكيييرج مب شريييف قاعدة انا افكررر في الامتحانات الي راح تبدي بعد جم يوم في الجامعة
مها : في امتحاااانات الجامعة و لا مصبن الجامعة كووني دقيقة ههه
ولاء : هههههههه افا يعني جوفي وييييهي ابو البراءة و تقولين مصبن ما مصبن استغفر الله انا ماعرف هالسوالف
مها : اييي صحيح
و سكتوووو شوي و رجعت ولاء تطالع السما و اهي تفكر و شوي و تلفون ولاء يلا
ولاء و اهي تغمز على رغد : اوووه امي تتصل بروح ارد عليها و ارجع
رغد فهمت قصد ولاء : اوووك اخذي راحتج
ابتعدت ولاء راحت قعدت عند النافورة و اهي ترد على التلفون
ولاء : هلا بعممممممري
يووووسف : اااااخ هلا بهالصوووت
ولاء : ههههه هلا فيييك , شخبااارك حبيبي
يوسف : تسألييني عن اخباري و انتي تكلمييني ؟؟
ولاء : هههههه تعشيت حبيبي ؟
يوسف : لا تصدقين بعدي انتظر مرتي تييي تاكلني
ولاء : و اذا مرتك مشغولة شنو يعني ماتاكل
يوسف : لا عااادي اموووت يووع .. افدااااها
ولاء : ااااااه يالعياااار محد يغربلك بالكلام الحلو
يوسف : هههههههه و محد يغربلني بحبج
و تمو يتكلمون شووووي و هذرة و ماعرف ايش
يوووسف : حبيييبتي انا حيييل تعبان بناام اوووك
ولاء : اوووك الله وياك بس تعشى قبل ماشي ؟
يوسف : من عيووووني
بس سكر من ولاء رفع دق ع الحبيبات الاخريات يشببببع فراغه العاطفي الي مب راضي يمتلي

عند محمد و اهو قاعد في الكافية مع الربع
محمد و اهو يطالع يوسف : اففف تصدق يمنصووور و الله انه قاهرني هاليوسف قاعد في جهة و من بنت لبنت
منصور : خيووووولي زييين في الطقاق
محمد : على قوووولك خل يوووولي شلنه فيييه , اقول اعزمني بس ع كابتشينووو
منصور : ههههههه انا طول عمري اعزمك في مرة عزمتني انت
محمد : ااااااااااااه ياناااااكر الجميييل تووووني امس عازمك
منصور : هههههههه انزين خلاص ذليييتنه
محمد : تدرررري عشان ماتقول انا بخييييل الحين بتصل حق امي و بقولها باجر غدا النصري عندنه في البيت جي اووك ؟؟
منصور: اييييي اكيييد اووك
محمد و اهو يتصل على امه : مادري شفيها الوالدة ماترد , خل اتصل على فجر
منصور من سمع فجر استانست مايدري ليش صار طاريها يسعده
محمد : هلاااااا فجووووور
فجر : اهلييين يالخوي
محمد : ويييينج انتي ؟؟
فجر : انا فيييي بيت مرتك قاعدين نتعشى من ماكدونالدز
محمد : اااااااااااااه يقلبي فديييتها بس
فجر : ههههههههه استح استح انا فجر مب رغد لا تدش لي فييلنق و افلام هندية
محمد : هههههههه اووك سلمي عليها , و قبل لا انسى ترى باجر غدى منصور عندنه في البيت ها
فجر : انزييين خبر امي لا
محمد : اتصللللت لها و ماترد انتي خبريها
فجر : اووووك نص ساعة و مر علي ها
محمد : ان شاااااااء الله من عيووني
فجر : ايييي قول قول تبييها من الله
محمد : هههههههههه اقووول يلا مصختييها يلا بااااي
سكر التلفون من عند فجر
محمد : ههههههه اذا بتم ع هرار فجووور مب مخلص
منصور : ههههه ليش شفيها ؟؟
محمد : تستهببببببل هههههه في بيت الحب اهي و لازم تشغل شوي الطرق الاذلالية و هالسوالف
منصور : هههههههه
محمد : يلااا امش خل نروووح نمر مكان ناخذ لنه عشى و بعدين نمر عليها ناخذها و بالمرة اوصلك البيت
منصور : اوووك مشيييينه

نرجع الي بيت رغد
كانو قاعدين ياكلون السويت بعد ماخلصو العشا و سوالف و ضحك
رغد : ههههههه اليوم ولوووي تبيتين عندي عاد مالج مفر
ولاء : هههه لا و الله من صجج ابااااات , لا يمه انا برد بيتنه
رغد : ويي اسمع اسمع ذي بيت خالتج مب بيت غريييييب , اقول لا تطولين السالفة و بتقعدين يعني بتقعدين
ولاء : اذا جي لازم عيل اتصل الى امي و اخبرها لا تدز السايق
رغد : و انتوووو فجر و مها شراايكم تباتووون معانه و الله انه بيكوون حده فن
فجر : لا يممممه انا نص ساعة و راح يجي ياخذني محمد
رغد و ويهها محمر من سيرة محمد و اهي تتذكر حركته يوم عزيمة الحريم
فجر : اي بعد يبنه سيرة محمد حبيب القلب اكيد يحمر الويه
مها : و انا بعد بمشي اكا صلااااح مطرش مسج اهو بره
قامت مها و لبست عباتها و حملت الشنطة : يلااااا قايز سي يووو
رغد : لا عااااااد مهوووي لا تقولين و الله ماشبعنه منج
مها : ههههههه معليش مرة ثانية ان شاء الله
و قامو ولوي و رغد يوصلووون مها للباب و قبل لا تطلع سلمو عليها و طول ماكانو يسلمووون كان الباب مبطل و في عيون تراقب ولاء ( صلاح ) كان اول مرة يجوفها بدوون شيلة مع شعرها القصييير و كان يلاحظ تغيرها من بعد السنين الي فاتت
صلاح : يا الله ولااااء تغيرت صارت احلى و احلى من قبل بس للحين ويهها بيبي فيس و بنفس البراءة.. الله يحفظج يقلبي
لازم تعرفون شنو سر تعلق صلاح بولاء
كانت مدرسة ولاء تقابل مدرسة صلااح و كل يوم عشان يقدر يرجع البيت كان لازم يطوف صوب مدرستها و في يوم من الايام
كانت ولاء تمشي و بالها شارد و سرحان و فجأة تصطدم في صلااح الي كان جاي مسرع بسبب الحر و الشمس و يبي يوصل البيت بسرعة و طبعا لان ولاء نتفة و صغيرة سرعان ماطاحت على الارض و حست بالالم و بدت عينها تدمع و صلاح مو عارف شيسوي
صلاح : امبيييه مساااااامحة و الله اني مو قصدي
ولاء : اخخ شنووو انت عمي
صلاح : مساامحة عطييني يدج بقووومج , تعوورتي ؟
ولاء و هي تمسكه عشان تقول لان تحس ان ظهرها يألمها لانها اندفعت على ورا و طاحت على صخور صغار
قامت و اهو اعتذر منها و مشا و طبعا كل يوووووم كانو يجوفون بعض صوب المدرسة لي ماحس انه تعلق في هالبنت مايدري ليش انشد لها من بد باي هالبنات كلهم بس بعد سنتين من هالحال تخرج صلاح و ولاء انتقلت لمدرسة ثانية و طبعا عرف انها تصير الى رغد صديقة اخته عن طريق الصدفة
صحى صلاح من ذكرياته و مها تفتح الباب و تدخل و مشى و اهو راجع البيت
دخلت رغد و ولاء داخل حق فجر و لقووها قاعدة تلبس عباتها و تجهز
رغد : لااااااااااا و انتي بعد راح تمشين ؟
فجر : اييي محمد وصل اكووه بره
رغد : وه وه يقلللللبي لا تصدقين تطلعين برووحج انا راح اوصلج
فجر : اييي اييي تعالي يلا كحلي عيييينج بجووفة الحبايب
رغد طلعت مع فجر و ولاء ركبت فوق تكمل رضع
طلعت فجر بتركب السيارة و عيون رغد على محمد و قلبها يدق بسرعة و جنه يقول احبببببك و الله احببببك
ركبت فجر السيارة و اهي تصرررررخ : هاااااااااااااااااااي
و فجأة سكتت و اهييي تجوف منصووور الي كان قاعد و اهي مانتبهت له حس محمد بفشلتها و سيدة قالهم ها شنو تبون تسمعووون ؟
منصور : اي شي على ذوووقك
شغل محمد اغنية شسويييله حتى يحبني
و بدت الاغنية تشتغل
شسويلة حتى يحبني من نار النار يذبني
شالع كَلبي ومعذبني بس لا من صدك ميحبني
منصور في قلبه : اي و الله مادري شسويلها حتى تحبني
و تمت الافكار تاخذ منصور و تجيبه الين ماوصل البيت
محمد : اقول الاخو وصلنه البيت
منصور سرحان و لا يدري بهوا داره
محمد : الاخووووووووووو هييييي سرحان في شنووو
منصور : هاها شسالفة
محمد : وصلللللللنه بيتكم ماودك تنزل و لا اوديك بيتنه
منصور : لالا انزل شنو ماودي بعد
محمد و هو يضحك : هههههههههه اووك الله وياك
رجعو محمد و فجر البيت و ركبت فجر فوق غرفتها تبدل و تلبس بجامتها و غسللللت و راحت قعدت على فراشها تفكرررر في المواقف الي تصير لها دووم مع منصور و الي غالب ماتكون تحرجها
عند رغد طلعت رغد ملااااابس حق ولاء عشان تبدل وحطتهم لها على الطاولة و بدلت رغد بعد و قعدت على المسنجر تنتظر محمد يقعد
و بعد ربع ساعة تقريبا قعد محمد
محمد : هلا بدنيييتي
رغد : هلااااااا فيييييك حبيبي
محمد : لا تسألييييني شلوووونك انا من جفتج صرت فووق النخل
رغد : هههههههه و لا انت تسألني
محمد : شنوووو انتي بشر ملاك و لا شنو ابي اعرف
رغد : ههههههه انت شتجووفني
محمد : لا و الله اشك انج بشر اعتتتتقد ملااااك اذا ماخاني التعبير
رغد : فدييييييتك و الله
محمد : و الا تعاااالي شلوون جي انتي قاطة الشيييلة قط ع راسج و من جدام شعرج كله يطلللللع
رغد : هههههههه طلعت بسرعة ابي الحق عليييك لا
محمد : و انتي ماتجوفييين واحد معاي
رغد : هههههههه انا عيييني ماتجوف غييييرك وين بجوف الي معاك بعد
محمد : يافدييييتج بس و الله ان شكلج كان يخقق بس اخررررر مرة لج فاهمة
رغد : اووك من عيووووني
محمد : تسلللللم عيوونج الحلووووة و الله , خسااااارة ان لييل و ماقدرت اتمعن بعيييينج الملونة
رغد : ههههههه عييييب عيييب مو شكلك قزيتني من فوق لتحت
محمد : استتتتتتتغفر الله انا اسوووي جي لالا استغفر الله
رغد : هههههه اي صحييييح
و تم محمد يسولف مع رغد و اهو في غرفته بدون مايدري شنو الاحساس الي تدور في الغرفة الثانية

و منصوووور من وصل كان يحس بتعب حاول ينام بس ماقدر من التفكير قعد يفكر يفكر بطريييقه تخلييييه يوصل الى فجر و يكلمها
و فجاة صرخ : لقيييييييتها
و اخذ التلفووون بسرعة يدوور في سجل المكالمات رقم فجر الي اتصل له محمد في يوم الطلعة و طبعا لقى الرقم الي في نفس الوقت و التاريخ و طبعا الفرحة مو واسعته مايدري شيسوي و مالقى نفسه الا و اهو يتصل عليها

نهــــــاية البارت
شتتوقعون راح يصير مع فجر و منصور و شنو راح تكون نهاية هالاحساس المختلطة ؟
شنهاية حب صلاح لولاء الي اهي مو عايرة له اهتمام ؟
و شنو التطورات الي راح تصير في قصتنه ؟
كل هذا بنعرفه في البارت الياي
انتظرونا