فجر كانت منسدحة و تفكر و مرة وحدة يرن تلفووونها و تفاجئت ان رقم غريب يتصل لها بهالوقت شالته
فجر : الووو
منصور : اممم الووو
فجر : خيييير اخووي اي خدمة ؟
منصور : انا منصوور رفييج اخوج محمد
فجر و جنه احد صاعقها : منصور ؟
منصور : اي منصور , شلوونج فجر ؟
فجر و اهي مرتبكة : الحمدلله تمام , بس سامحني اخوي شبغيت
منصور : مابغيت شي
فجر : اووك عيل انا مضطرة اصكه
منصور : لا تكفيييييين عطييييني فرصة اكلللمج فجر الله يخليج
فجر : ماقدر و الله
منصور : تكفييين كلها كلمتين و اذا ماعجبج كلاااااامي صكيه
فجر : اممم اسمعك
منصور : تعرفين اني رفيييج اخوج و فكرت بالموضوع مليون مرة قبل لا اتصل عليج لان اي شي ممكن يأثر على علاقتي مع رفيج عمري
فجر بأرتباك : امممم بس اي موضوع الي انا فيه
منصور : اممم فجججر انننننننه احببببببج
فجر بصدمة : شنووو ؟ تـ تـ تحب ني
منصور : ايي ليش منصدمة
فجر : ا ا ا نـــ ا ؟؟
منصوور : ايه انتي يفجججر انتي , انا حاولت اني اخبي مشاعري بس و الله ماقدرت , يفجر الله يخليييج راعييني
فجر : بس انا . .
منصور : انتي شنوو
فجر : انا مب مالت هالسوالف و الله
منصور : و من قال ان انا مال هالسوالف بعد , بس و الي يخلييج فكري في الموضوع مرة و مرتين و ثلاث , لا تضيعين واحد شارييج يفجر , انا راح اخليج الحين تفكرين على راحتج و بعد بكرة راح اتصل لج
فجر من الربكة : او و ك
منصور : يلا مع السلاامة , تصبحين على خير حبيبتي
فجر هزتها كلمة حبيبتي
سكرو التلفون و منصووور كان وايد مستانس و يحس براااااحة مافي مثلها
اما فجر تسندت على سريرها و اهي تفكر , يحبني ؟ شلوون و انا ماجفته الا جم مرة , ااااه يعني احساسي الي كنت احس فيه و الارتباك كان شعور متبادل
ليش اهو بالذات ليش ؟ ليش انجذبت له بهالسرعة ؟ شقاعد يصير معاي ؟
و مابين افكارها غمضت عيوون فجر و ناااامت
ولاء و رغد
قعدت رغد على اللابتوب واهي تجوف لها قصات شعر
وولاء كانت تتكلم بالتلفون مع يووسف كالعادة و غارقة بالغراميات
ولاء : يويو حبييبي شفيييك ؟
يوسف بتصنع : مافيني شي
ولاء : بلاااا و الله اني احس صوووتك متغير مو مثل عادتك
يوسف : امم لا تهتمين بس شي بسيط
ولاء : شنوووو ما اهتم و انت بهالحال , قولي شفيك
يوسف : انا ممكن اروح عنج يولاء على طول سامحيني
ولاء : شنووووو شمناسبة هالكلام بعد , شفييك
يوسف : انا بصرااااااحة مديون و ماعندي اسدد و مب عارف شسوي
ولاء : بس؟ و انا وييين رحت
يوسف بتصنع : لا لا مو انا الي اخذ فلوس من بنت
ولاء : بس انا مو غريبة انا حبيبتك و انا مابي تنظر على حساب فلووس و احنا خيرنه وايد , هذي وقتي , اذا ماوقفت معاك الحين متى بوقف معاك
يوسف : اييي بس . .
ولاء : لا بس و لا شي , انا راح اكتب لك الجيك بالمبلغ و انت تعال اخذه
يوسف : بس اعتبريييهم سلف
ولاء : بعدين انتفاااهم , يلا الحين انا اخلييك لان انا في بيت خالتي
يوسف : اووك الله وياج
صك يوسف التلفون و اهووو في قمة الاناسة لان خطته نجحت
اما ولاء راحت قعدت صووب رغد و حضنت يدها
ولاء : هااااااا بنت خالتي العزيزة شتسووووين
رغد : ماسوووي شي اقنع محمد اني اقص شعري و اهووو مب راضي كلش
ولاء : هااااااااي حبيبج بعد ايتدلع , يييبي يييبي بقنعه لج
رغد و اهي تعطي اللابتوب ولاء : هااااج
ولاء : محمممد
محمد : هلااااااااا عمممممري
ولاء : امبييييه امبييه انا ترى ولاء مب رغد
محمد : ههههه هلا هلا ولاء , شلووونج شمسوية
ولاء : انا موووو ياااااية اسوووولف يلا
محمد : ههههههه ول ول ول اليوم ياية بشرج ها
ولاء : هههه ايييي ليش مب مخلي رغد تقص شعرها
محمد : وييي مرتي انا و كيييفي احب الشعر الطويييل احلى
ولاء : لالا يمة للحين ماصارت مرتك يلا لا تغربل بنت خالتي
محمد : ههههههههه مافي تقصه يعني مافي تقصه و اهي اقتنعت اصلا
ولاء : ههههههه و الله انت الي لاعب في مخها
محمد : عشااااان تعرفين اني مب هيييين
ولاء : صحيييح صحيييح , يود يود مرتك
و اهي تعطي رغد اللابتوب
ولاء : و الله ميييييينن هههههههه
رغد : ههههههه فديت ينووونه و الله عسسسل ع القلب
محمد بتصنع : اممممم حبيبي انه ابي اقووولج شي خطيير
رغد : شنووو اهووه
محمد : توعديييني ماتزعلين
رغد : لا
محمد : بصرااااااااااحة امي محصلة لي عرووس و راحت كلمت امها و جي
و توها اليوم مخبرتني بالسالفة حطتني جدام الامر الواقع
رغد بصدمة و عينها بتدمع : هاااا شتقوووول انت
محمد : ايي هاي الي صاااار بيزوجوووني رغد )=
رغد و اهي بدت تصيييح و اهي تطالع الشاشة : ماتخييييلت في يوم وحدة بتاخذك مني , تكفى كلم امك تكفى
محمد : شلووووون اكلمها و اهي عطت الناس كلمة و خلاص
رغد : محممممممد حرام عليييك ماقدر اعييييش بدوونك لا تموتني
محمد : ولا انا اقدر اعييييش بدووونج
رغد : اخخخ شهالخبر الي ياااااااني قبل مانااام و الله اني احس روحي بيغمى علي
محمد : خلاااااص حبيبتي لا تصيييحين و لا تخافين انا عمري مابحبها كثر ماحبيييتج انتي الي انا عايش عشانها
رغد : شالفاااااااايدة شالفاااااايدة داااامك مو لي
محمد و اهو خلاص مايقدر يتواصل مايقدر يجوف حبيبته متضايقة
سحب التلفون من صوبه و اتصل على رغد
رغد شالته و دموعها تسيل و باين هالشي على صوتها انها تصيح : الو
محمد : و انتي تصدقييييين يحبيبتي اني اقدر ابدلللج بأي وحدة و الله اني ما ابدلج بأحلللللى و اجمل وحدة بالعالم لان مافي وحدة اجمل منج بعييني
رغد : يعني شنووو ؟
محمد : يعنننني تعيشين و تاكلين غيرها يحببببي
رغد و اهي تضحك و تصيح في وقت واحد تضحك عشان انه بيتم محمد لها
رغد : ياااااااااسخيييف ماحبك ماحبك انزين
محمد : بس انا امووووت فييج زين
رغد : طييييحت قلبي ببطني عفستني هههه احلللللللم انك تكون لغيري ساااامع
محمد : اوووووك بس بحلم كل يوم في وحدة دامج سامحة لي
رغد : لا و الله و لا في الحلم
محمد : هههههههههه فدييييييييتها الي تغار , انتييي و بس ولا تتوقعين ان عيني تجوف غيييرج؟
رغد باحراج و غرور : اكيييييييد لا
عند بو جاسم و ام جاسم
وصل احمد ( بو جاسم ) من الشركة بعد يوم متعب نص الليل و رما بروحه على السرير بكل تعب
احمد : ابتسااااااااام فديييتج جهزي لي العشا و يييبي لي اياه اهني احس اني تعبان اليوم
ابتسام : سلاااااامتك يبو عيالي , الحين اتصل للخدم ييبونه لك الغرفة
و اتصلت ابتسام على الخدم و بعد 10 دقايق وصل العشا
و للعلم الطباخ كان يطبخ اكل مخصوص لاحمد بس لانه احمد فيه السكري و الضغظ و مايقدر على اي اكل
و من بعدها شرب دواه و نام
اما ابتسام تمت ترتب اغراضها و تجهز الثياب الي راح تلبسهم لبكرة الصالون و حاولت تنام بس ماجاها نوم
نزلت تحت تطالع التلفزيون تحت و بعد فترة نزلت رغد واهي ببجاامة النوم
ابتسام : رغد يمممة انتي للحين مانمتي
رغد : لا يمة احس بصداع شوي ياية بشرب دوا و بروح انام
ابتسام : امبيييه يمة تبييين اوديج المستشفى ؟
رغد : لا ييييييمة صداع خفيف اخذ بندول الحين و اخف بس من التعب
ابتسام : اوك حبيبتي براحتج
و راحت رغد للمطبخ و بطلت الثلاجة و شربت لها بندول و راحت تنام
في يوم جديد قعدت رغد بالاول لقت ولاء غااايصة بالنووووم وحاطة الدب الي على السرير و مبتسمة جنها تحلم بشي حلو
قالت بس ماراح تقعدها و بتخليها نايمة
نزلت تحت راحت باست راس امها و ابوها
رغد : صباااااااح الخير
ابتسام و احمد : صباااااح النور
ابتسااااام : هااااا يمة خفيييتي عن امس و لا بعده راسج
رغد : لالا اكا راااح الحمدلله
و قعدت رغد ع الطاولة و اخذت الصحن و بدت تحط لها اكل
ابتسام : الا وين بنت خالتج
رغد و اهي تاكل : راااقدة يمه بس تقعد بتنزل
ولاء من وراهم : قععدت انا , سلاااام علييكم
ابتسام و احمد : و عليييكم السلام
احمد : حياااج حيااااج يابنيتي تفطري
ولاء قعدت و بدت تاكل و اهي ساكتة و منحرجة من نضرات جاسم لها الي مو قادرة تخليها تاكل براحة
رغد و اهي تعطي محمد بكووع في جبده : بسسسسك خز في البنت بنت خالتك ذي استح ع ويهك و خلها تاكل على راحة
جاسم بصوت واطي : اخخخ وييييييعة زييين فكيينه بس
ولاء تطالعهم و تضحك بصوت واطي
ابتسام شفييييكم انتو الثلاااااثة يلا تفطروو عن الحركات يا اطفالي العزيزين
جاسم : احم احم يممممه لو سمحتي انه ريال البيت من بعد ابوي
احمد : ااااا يالهيييس موتتني و انا عايش
جاسم : لالا يبة مووو قصدي على راسي و الله ابوي , بس بس باكل و انا ساكت و بصوت واطي : كللله يزفون ويجعمووون هالاواادم
احمد : قللللللللت شي ؟
جاسم : لالا سلاامتك يبه اقول الله يديمك فوووق راسنة
احمد : عبااااااالي بعد
بعد ماخلصو فطور ركبو ولاء و رغد فوق مع بعض و شغلو لهم اغنية شسوي له حتى يحبني
و قامت تغني رغد و ترقص
ولاء : بيه بييييه رغووود شطاااري علييييج مستطربة
رغد : خلييييني يبة اطلللللع حرتي قبل لا انحبس في الدرااااسة
ولاء : الله يعييييينج بس , اقووول رغوود
رغد : امررري حبيبتي
ولاء : انا رااااح امشي البيت
رغد : لا ماتطلللعين
ولاء : انتي تعرفين الوقت ايام امتحانات و ماقدر اقعد عندي اشغال لفوق راسي
رغد : اييي و الله صاجة , عيل ارووح انا انادي لج جاسم يوصلج اذا ماراح الجامعة
ولاء : لا مب لازم
رغد و اهي نازلة ع الدري : جاااااسم جاااااااسم
ابتسام : شتبين فيييه , رااااح الجامعة
رغد : حسااااااافة
ولاء : معلييش انا مب صغيرة عندي سيارتي و بروح البيت بروحي
رغد و اهي تودعها و تبوسها : اوووك الله وياااج حبيبتي
طلللللعت ولاء من بيت خالتها و بطلت باب السيارة بتدش سيارتها و فجاة يد وقفتها
ولاء : انتتتت ؟؟
: اييييييي اناااا يولاء انا
ولاء : شتبي فييني
صلاح : انا احبببج ولاء لا تضنين على هالسنين نسيتج
ولاء : لوو سمحت بس اخووي تيسر و خلني ادش سيارتي
صلاح و اهو يتقرب : عطيينيي فرصة اتكلم معااااااج
ولاء : بعععععد لو سممممحت
ودخللللت سيييارتها و قلبها يدق بقوووة و مرتبكة , من وين طلللع لي من بعد هالسنين و مشت سيارتها و راحت البيت
بس طبعا صلاح مشا وراها بدون ماتبتبه له عشان يدلي بيتهم ماكان يعرف ليش بس حب يدلي بيتهم
عند فجر
صحت من النوووم و تذكرت الي صار امس و اتصال منصور لها ابتسمت و انقلب ع الجهة الثانية , معقووولة يافجر تحبين ؟ هههه امبيييه شاسووي و الله اني متوووهقة و موو عارفة شسوي
بس و الله اننننه انسان زييين و رفيج اخوي الروح بالروح , بس الحب عوااار قلب و اذية شلج فيه يافجر , لالا ماضنتي يلعب شكله وااايد طيييب و خلوق
اتعبتها افكااارها فجر و نفضت راسها بشكل و كانها تحاول تتخلص من هالافكار و بدلت لبست لها ملابس بيت لان كانت بجامتها كات و شوورت فماحبت تنزل فيهم تحت
نزلت تحت و قعدت ع طاولة الطعاااام مع بيتهم
محمد : اقول يمة
ام محمد : هلا امر
محمد : لا تنسين اليوم غدا منصور رفيييجي عندنه في البيت
ام محمد : اي حياه الله يا يمة العين اوسع له من الدار
فجر من سمعت طاري منصور و حست برجفة بسيطة في جسمها
فجر في قلبها : يعني اليووووم بعد بجووووفه ؟؟
الجوهرة : اييي و الله ياخوي هالصبي باين عليه خوش واحد حياه الله
رنيييم : الااااااااااااااااه خالي ثديييقي عمي منثووور راح ييييجي اليوم
محمد : هههههه اي راح يجي
رنيم بفرح : يعني رااااااح نطلع انا و انت و فجر و عمي منثور
محمد : ههههههه مو شكلج تعودتي , لا طبعا مب طالعين مكان
رنيم واهي مادة البرطم : يعنيييي ماراح نطلع
محمد : لا عييب شنو كل يوم تبين تطلعين
رنيم ببراءة : افف اوك كيفك
قاااااام محمد من على السفرة
محمد : الحمدلله
ام محمد : ويييين رايح ييمه ماكليت شي
محمد : لا بس شبعت الحمدلله بروح اخذ لنه اجباس و حب و هالسوالف للقعدة
ام محمد : اوووك الله ويااك
فجر : و انااا بعد بس شبعت بقووووم بدرس
ام محمد : الله يوووفقج يا يمة
ركبت فجر فووووق تدرس لان يوم ثاني كان عليييها امتحان
بطلت الكتاااب بملل تحاول تركز مو عارفة تركز او تحفظ اي شي حاسة انها ودها تخبر احد باللي صار و تاخذ راايه
دخلت المسنجر لقت رغد كانت بزي بس كلمتها
رغد كااااانت تدرس من بعد ماطلعت ولاء و لحسن حضها كانت مراجعة المادة من قبل و الحين بس راح تعيد علييها
سمعت صوت المسنجر نطت على اللابتوب لانها تبييها من الله
فجر : رغووووود
رغد : هلااااا فجر حبيبتي
فجر : هلااااا بمرت اخوووي , شلووووونج
رغد : اووووك و انتي
فجر : دوم ان شاء الله الله يسلمج , انا ااوووك تمام
رغد : درستي ؟
فجر : اممم لا
رغد : ياهبوووووول باجر الامتحان
فجر : اشوووة اني دارسته من قبل , بصراااااحة انا في موضوع شاغل بالي ومو عارفة ادرس
رغد : شنوو حبيبتي قولي يمكن اقدر اساعدج
فجر : بصرااااحة مادري شقولج
رغد : شنوووو قوولي
فجر : رفيييج اخوي الي امس جفتيه يوو خذوني
رغد : شفيه
فجر : امس متصل ليي
رغد : لييش شيبي
فجر : يقول يحبني
رغد : شنووو شلون شالسالفة
فجر : من بعد ماطلعت من بيتكم امس اهو كان مع محمد و ممن بعد مارجعت اتصل فييييني قبل ما انام و فاتحني بالموضوع و جذي
رغد : و من وين له رقمج ؟
فجر : مادري يمكن خذاه من فون محمد , بس موو هاي المهم , الحين انا شاسوي
رغد : انتي شرايج فيه
فجر : بصراحة انا ماجوف عليه شي و اهو رفيج محمد الروح بالروح و اليوم حتى الجوهرة تمدح فيه
رغد : اذا جي عيل توكلي على الله
فجر : انا حدددي احاتي اليوم اهو راح اييي بيتنه يتغذى
بروحه اول مرة يه صادني معاه موووووقف سخيييف
رغد : هههههههه عادي عادي تصير في احسن العوايل , ايوووة ايووووة شعليج بتجوفين حبيب القلب
فجر : ههههههه من الحين صار حبيب القلب ؟ توووونه شي مبدئي
رغد : هههههههه اووية علييييج و الله , اقوووول الحين روحي درسي لج شوي حرام عليييج لي متى بعد و انا بعد بروح اكمل
فجر : اوووك صار , يلا برب
رغد : تييييت
حسسست فجر شوي براحة يوم انها فضفضت حق رفيجتها و قالت لاحد عن الموضوووع
و رجعت فجر تدرس لي ماصارت ساعة 1 و نزلت تجهز الغدا مع امها و تسوي السلطة و فجاة قصت يدها و اهي سرحانة
فجر و اهي تمسك يدها الي انجرحت : اخخخ
ام محمد : شفييييييج قصيتي يدج
فجر : لالا يممممه جرح صغير بروح احط عليه لزقة الحين
ام محمد : اوووك
راحت حطت و رجعت تكمل السلطة و جهزتها و حطت فيها بهاراتها و كانت مسوية سلطة يونانية لان يحبها محمد
بعد ماخلصت راحت تساعد امها في نقل الاكل
كانت تودييييه عند الباب و محمد يجي ياخذه
وصلت عند الباب و كان محمد طااالع بسرعة و طيح منها الصحن و انكسر و كان صحن تمر
محمد : امبيييه سووووري فجووورتي حبيبتي , تعورتي
فجر : لا عااااااادي خلني بشيله
محمد : لالا مو تشيلينه نادي الشغالة تشيله لا تجرحين يدج
منصور في قلللبه : امبيييه عسى ماتعورت بس الله يسسستر عليج يقلبي
دخل محمد داخل المجلس و اهوو يحرك راسه بلا
منصور : شفييييك تتحلطم
محمد : مافيييني شي بس طالع بسرعة و دعمت في فجر و طيحت الصحن من عندها
منصور : لالا لا تقول , عسى ماتعورت بس
محمد : لا الحمدلله كلشي اووك
منصور بارتياح : الحمدلله
وصل الاكل و حطووه
منصور : الاااااه شكلللله الاكل لذيذ , تسلم يد الي سواه ولا السلطة عاد شكلها مغري
محمد : اي هاي اختي فجر مسويتها
منصور في قلبه : يالبى قلب فجر و الله
تغدوو و خلصوو و قعدو محمد و منصور يلعبون بليستيشن و بلع بالمكسرات لي ماصارت العصر و طلعو مع بعض و طبعا مكانهم المفضل القهوى
محمد : عاااااد الحيييين العزييمة علييك
منصور : افاااااا علييك من عيووني جم محمد عنننندي انا
محمد : تسلللللم و الله
منصور : ها اليووووم الساعة جم المباااااراة ؟
محمد : 9
منصور : بنقعد نطالعها اهني طبعا
محمد : ايييي , عيييل خلني اتصل لمرتي اتطمن عليها بكرة عليها امتحان
منصور : هههههه خذ راحتك يالخوي
محمد و اهووو يتصل حق رغد وصللله صووتها
رغد : حمووووود وينك انت اليوم
محمد : ويييه منصووور حبيبتي اليوم فاليييينها فلة في العزاايم
رغد : ههههههه يحليلك و الله , انت وين الحين يقلبي ؟
محمد : في القهوى راح اطالع المباراة
رغد : متتتتى راح ترد البييت بكررررة جامعة
محمد : بسسس تخللللص المباراة راح ارجع , تصدقييين انج وحشتيييني مووووت موووت مووووووت
رغد : و انتتتتت بعد يبووو خلوودي
محمد : فديييته و الله انا وللللدي , بس انااا قبل اقوولج من الحين ابي بنت اول شي
رغد : هههههههه اول مرة اجووف واحد مايبي ولد
محمد : ههههههاي ياحبيبتي لا تستانسين اول بنت و بعده دررررزن مخلطين اولاد و بنات انتي الله يخلييج ماخليتيني اكمل كلاااامي
رغد : وااااي واااي واااي يمممممه منك يالظااالم شنووو درزن ديااااااية انا ؟
محمد : ههههههههه ويييي كييييييفي
رغد : ههههههه لا تستعيل تووووو الناس على هالسوااااالف
محمد : ههههههههه درستي زييين حبي؟
رغد: ايييي توووني مخللللصة
محمد : الله يووووفقج ان شاء الله بس لا تتأخرين عن النووووم حبيبتي هاااا
رغد : لالالا بس بتعشى و بنام بكرة من ساعة 7 و نص امتحااني لازم اقعد من وقت
محمد : ماااااشي عيييل انا بسكرررره الحين لاني بروح اقعد مع الشباب
رغد : اوووك حموودي , تحمل برووحك
محمد : من عيووووني
رغد : مع السلاااااامة
محمد و اهو يبوس التلفون : مع السلامة عشقى
رغد بأحراج : الله وياك
سكرررته رغد و نزلللت تحت تتعشى و تطالع لها فلم و طلبت من الخدامة تسوي لها بوب كورن و قعدت تطالع الفلم لييي ما اخذها النعااس و ناااامت على الكرسي
فجر خلللصت دراستها تقريبا على الساعة 11 و راحت كالعادة بدلت و قعدت على الانترنت تنشر الخواطر الي تكتبها و بين فترة و فترة تختار جم وحدة و تنزلهم في المنتدى الي اهي مشاركة فيه
بعد ماخلصت المباراة و في طريقه للبيت كان مستعجل يبي يوصل عشان يكلم فجر و ياخذ رايها في الموضوع
ماقدر ينتظر و اتصل لها و اهو في السيارة
فجر جافت رقم غرييييب لما دققت فييه تذكرت انننه رقم منصوور
شالته بخوووف : الووو
منصور : يللللبى هالصوووت
فجر : اهلاا اخوووي
منصور : عرفتييييني ؟
فجر : ايي اكييد
منصور : شخبارج شمسوية
فجر : الحمدلله تمام و انت
منصور : انا تمام الحمدلله اسأل عنج , تعرفين ليش متصل صح ؟
فجر : صح
منصور بتوتر : انزين و شنوووو ردج
فجر : بصراااااحة مادري شقوولك
منصور : قبل لا تجاااوبين فجر ارجووج لا تحطميييني لو قبلتي بحبي بكون اسعد واحد بالدنيه لكن ان رفضتي عرفي اني مستحيل انساااج
فجر : بس انا
منصور بتمسكن : تررررى انا بالسيارة و حدي متووتر ترررى ادعمممم الحين و الذنب برقبتج
فجر بخوف : لالالالا انا موافقة خلاااص
منصور بفررررح : شنوووو قلتي عييييدي تكفييييين يرحم امممج عيييدي
فجر منحرجة و ساكتة
منصووور : ياربيييي مادري شسوووي بطير بطييير من الفرررررح و اخيرا يفجررر
و قاااام يضرب هررررن و يرقص في السيارة
منصور : من صجج انتتتي ؟
فجر : هههههههه هدي هدي اي من صجي و لا اغير راييي ؟
منصور : لا تكفيييين شنو تغيرييين راااايج
فجر : ههههههه
منصور : يلااااا عييييل اخلييييج الحيييين و اكللللمج بااااجر ان شاء الله
فجر : ههههه اوووك
منصور : تصبحييين على خيييير
فجر : و انت من اهللل الخييير
و سكررررته و اهييي مستاانسة حييل و صكت اللابتوب و حاولت تنام لان بكرة بيكون عندها امتحان
اما منصووور كاان طاير من الفرحة و من وصل البيت دور له فلم رومانسي و قعد يطاااالعه و اهو مستااانس