[لامارا]

البـــــــارت العـاشــــــــر


..
لازلنا نحتضن (اناسا)في..قلوبنا كل مازادوا عنا بعدا....ازددنا لهم حبا
..


رماني حظي بدربك رماني
وانا من قبل مااشوفك اعاني
اعاني وحشة الغربه بهمي
اداري غصتي بأقصى المحاني
ابد مااشكي ولو الدرب موتي
اموت بعزتي واقف مكاني
والى من الليالي ناطحتني
نحرت اللي نطح والا رماني
الا يا اللي نويت الهجر قلي
وش اللي جاك مني يالاناني
مثل ايوب صبري ماتركني
عطيتك ذروة الهقوه معاني
حسبت ان الوفاء طبع بذاتك
واثر طبعك تطبعته عشاني
هقيتك فارق عن كل ربعك
حسبتك شي واثرك شي ثاني
ضناني منك حزن الوقت كله
سنين طوال مرت بي ثواني
هجرت الناس والعزوه وربعي
تغير واختلف لجلك زماني
رماني حظي بدربك رماني
رماني حظي بدربك رماني
.
:افتحـــــــــي ياااااااتبن
سكرت الصوت
وقامت من ورا المكتب الي باخر غرفتها
توجهت للباب وفتحت بقوووووه
:خيييييييير تصارخ وتسب ماتعرف تدق الباب زي العالم والناس
جاد متكتف:والله لوفجرت قمبلة عند بابك مادريتي مع هالثور الي رازعته بالبيت كله يرزف معك
وجد بقهر مخرب جوها:مالثور الاحضرتك بعمرك مراح يزين سلوبك ااااااف
جاد يلف نازل :اقول انزلي عمي ابو رواف هنا ويسئل عليك
وجد ببرود:يولي مو نازله قله نايمه مزعجني ومخرب خلوتي علي واخر شي عمك هنا توكل بس
:وجــــــد
انتفضت من صوت :هلاا يبه
ابو مشهور بصرامه:انزلي سلمي على عمك
وجد بقهر :يبه ابنام واري دوام
جاد بنغزه:بتنامين ولا الحبيب ينتظر
وجد صرخت فيه بحقد:انتظرك ملك الموت قل امين
ابو مشهور بزجر:وجــــــــد ,اخذنفس,انزلي قدامي يالله
وجد بضيق:طيب اببدل وانزل
ابو مشهور مشى نازل :يالله بسرعه لا تتاخرين
دخل وسكرت الباب بوجه جاد من ورا الباب .انزل مع ابوك
.مشت الدولاب وسحبت لها فستان احــمر قصير نص الساق مع جكيت اسود بكم طويل ارفعت شعرها على فووق ونزلت على جنب
مشت لتسريحه سحبت مرطب شفايف مررته على شفايفها
اخذت عطرها بلاكxsالمفضل تسبحت فيه وفكرها راح لذاك اليوم
الي شافته بالحديقة
قبل تدخل مع الباب سمعت خالها تركي ينادي عليه
توقفت عن المشي وتراجعت شوي تسمع لهم
كانت شاكه فيه وتاكدت انه هو بس من ذاك اليوم اختفى عن الساحه الفنيه وانقطعت اخباره
ومافكرت تسئل عنه حتى اهله تحاول قد ماتقدر ماتسمع عنه خبر صحيح تحبه بس مولها متزوج وطريقه خطاء والثنين مستحيل ترضى فيهن
اغانيه انقطعت عن الساحه قدر يسحبها بس السيديات الي عندها كانت جايبتهن قديم ولين اليوم وهن عندها ساحبه المسيقى ومضيفه مؤثرات لها
ببراعتها بتصميم وتركيب الصوات
انفضت راسها من الذكرا وصارت تردد كلمات كان كثير تحبها الغنيه
.الا انت لجلك انت
ابتعد عنهم واروح
وانسى لجلك هالجروح..
نزلت العطر والقت نظره اخيره على نفساها اناقة لاتضاهيها اناقة
ابتسمت ورمت لنفسها بوسة بنشوف منو بيكسر روسكم يالجاد
مو غرور بقد ماهي ثقة واثقه من نفسها ويحق لها
طلعت من غرفتها وقفلتها
من وراها بتريقه:والله لو كنوز قارون بغرفتك ماحرصتي كل هالحرص عليها
لفت عليه وبسخريه:لو كنوز قارون على قولتك كان رميتها بوجهك بس الي فيه مايقدر بثمن الدنياء عندي
جاد تقدم منه وصار يمشي بجنبها:تدرين وش امنيتي بالدنياء يااختي العزيز
وجد عرفت وش بيقول ردت ببرود:عارفه بس ابقولك انها مراح تتحقق ياخوي العزيز
جاد بتعجب :انتي وشو قسم اشك احيان انك ساحره
وجد ضحكت بدلع طبيعي:ههههههههههههه كثير قالو كذا بس واحد الي يقول انها موهبه من ربي
جاد بستهبال يسوي نفسه ذاااب:ااااااه لاعد تضحكين كذ مره ثانيه يغمى عليه والله ضحكتك هي الي سحر
وجد استحت وبتصريفه:هييييييه تراي وجد مو جنى
جاد بحسره:ياليتها مثلك علميها النعومه تكفين
وجد بزعل :جاد لاتعيد هالنبره ترى ماارضى عليها
جاد احتضن كتفها وهو يقبلها على راسها :اسفيييين ياسعادت الدكتورة
وصلو للمجلس بعدت عن جاد شوي :ادخل قبلي
جاد بستغراب رفع حاجبه:لييش
وجد صدت عنه :كذا واسكت لاتعطيهم خبر اني وراك
جاد مستغرب تصرفها:اوكيه على راحتك
دخل قدامها
وهي اخذت نفس واستغفرت لعشر
وتقدمت ودخلت

سلمت وهي ترفع نظرها لهم:السلام عليكم
الكل :وعليكم السلام
وجد ناظر فيهم رجال كبير شوي بحدود 57
وابوها وخوانها جالسين حوله
ابو مشهور ناداها بحنان:وجد تعالي سلمي على عمك ابو رواف
وجد رفعت راسها ومشت بكل ثقه قربت منه نزلت لمستواى جلسته:حياك ياعمي .قبلته مع خده وراسه.كيف صحتك عساك طيب
وش اخبارك واخبار ام رواف واخبار البنات كلهم بشرني عنك
ابو رواف بترحيب:هلاا هلا بك يابنتي بخير الله يجعلك بخير وش اخبار بنتي
وجد :اللحمد الله انا بصحه ياربي لك الحمد انت بشرني عنك وعن صحت كيف حالك واحولك
ابو رواف بعجاب من اسلوبها:صحتي تمام الحمد الله وحاولي طيبه طابت احوالك
وجدمزالت واقفه : الحمد الله عساه دوووم يارب,وتحركت بتطلع :طييب ياالغالي استاذنك وراي دوااام,وشددت باالكلمة, ولازم انام بدري والحين الساعه 11
تصبحون على خير
ابو رواف بضييق :مشقيه عمتس ياوجد .يالله وانتي من اهل الخير
وجد صدت عنه ومشت عارفه انها ضايقته بطاري الدوام وهاذا الي تبي
بقلبها ماشفت شي يابوو روواف
قبل تعدي رجلها مع الباب صدمت بشي رجعت على ورا رفعت نظرها على شاب واقف وشكله مصدوم
فيها. معرفته وهو بسرعه اختفى من قدامها طلعت بسرعه تهرب من عيونهم

راحت تركض وعلى طول لغرفتها مكان فيه احد بوججها

_______
:يمـــان تعال حبيبي يالله تعال
طفل بعمر 4 يصيح ورافض احد يااخذه او يلمسه حتى :مااابي بااااااابا تهئئئ هتئيي هئئئئ اااهاهائ
وجدان بنرفزه صرخت عليه:بـــــــس ياتبن انت وشتبي بالضبط ياحمار
زاد صياحه :وهاائئئئ هيييييئئئئئ اائ بااءءابا

دخل على صياحه وشاف وجدان تحاول تشيله وهو يصيح:انتي اتبن سكتي هال قرد ازعجنا بصياحه
وجدان بنرفزه:هالقرد ولدك وانت الي مسؤول تسكته انا وش دخلني فيه مبلويني فيه ياخي اوده لاامه مراح يعيش بدونها
صرخ بكره لطاريها:ياعله مايعيش هو وامه الاتججيبين لي طاريها مره ثااانيه فاااااااهمه
وجدان بخوف من صراخه:زين زين بس وش اسوي فيه مو راضي يسكت
ناظر فيه وشافه ياناظر له حن عليه ونزل لمستواه :يمان حبيبي ,وفتح يدينه له,
يمان قفز من جلسته وركض له وارتمى بحضنه:باااابا ادو ودد تئئئ ,وبكى
وجدان حطت يدها على فمها تمنع شهقتها
ابوه يحضنه مو فاهم:ياروح بابا وش تبي قلي
يمان يصيح:ادوو ودد هئهئ ااء باابا ادو
بعدم فهم:والله مدري وش تبي ,وبعده عن حضنه ويمسك وججه بيدينه,,وش تقول حبيبي
صرخ بقهر طفولي:بااااااابا ادوو ودددددد
لف على وجدان :جيجي مو فاهم وش يقول بالله حاولي تفهمين انتي عنده اكثر مني
وجدان بربكه:هاه وش يفهمني مدري وشيقول مدري
ناظر فيها وشاف ربكتها وبشك:متاكده .طيب حاولي مراح يسكت الا وهو اخذ الي يبيه
وجدان بتوتر :طيب عطنيه وابشوف وش يبي,ومدت يدها له,يمان حبيبي تعال واعطيك الي تبي
يمان فهم عليها :ادوو ودد
وجدان :ايه ايه ادو ودد
قفز برفحه من حضن ابوه وركض لها تعلق برقبتها وناظر لبوه:باااابا ادو ودد ههههه,يضحك بفرح مكانه قبل شوي يصيح صياح يقطع القلب
وجدان مشت فيه لغرفتها وهي معطيته ظهرها:ابروح فيه لغرفتي اعطيه حلاوه وشيبس يمكن يسكت
هز لها راسه وهو سارح بولده وش الي يخليه ينجن كذا وشو هاشي الي يطلبه ووجدان تعرف بس ماتبي تقول لي
كل طاري طرا علي زين وشين .سمع تسكيرت باب غرفتها فز وراح يمشي لين وقف على باب الغرفه اصغى سمعه مايقدر بيعرف وش اشي الي ولده يبيه

سمع وجدان تتكلم بس مافيه طرف ثاني معناتها تكلم بالجوال اصغى بتركيز يسمع كل حرف
.
دخال الغرفه
وجدان دقت الرقم وحطت الجوال على اذنها:الوو
:الو هلا والله بهالصوت
وجدان بخجل:هلا فيك سووووري دقيت بالوقت المتاخر
وجد مزحه برزحه عشان تادبها:طيب سكري ووطسي عني
وجدان بصدمه:هاه طيب سوووري
وجد بزعل:وجدان والله عييب تقولين كذا مابينا رسميات متى مابغيتي دقي لو الفجر ترا ازعل منك
وجدان بضحكه براحه:هههه صدمتيييني قسم بس لو تدرين ليش انا داقه
وجد ضحكت لضحكتها :هههه وليش داقه
وجدان :هذا الله يسلمك العاشق فضحني عند ابوه بس اشوا مايفهم كلامه
وجد عرفته على طول:حبيييييبي موني
وجدان :لحضه احطه سبكر عشان يسمعك ,ضغطت على السبكر ,يالله كلميه يسمعك الحين
وجد برقه ودلع :موني حبيبي
يمــان بفرحه :وددد ,ويناقز والجوال بيده , الله ودد
وجد تضحك:يرووح ودد انت كيفك حبيبي
يمان بسعاده:انا ديب
وجدد ضحكت :ههههههه ياويل قلبي على الدال الي يطلع من فمك مثل العسل دوووم ديب ياقلبي
يمان:ودد غنينيي
وجدان افقعت ضحك عليه :ههههههههههه ودد غنيني ياويل قلبي على الي يخقون على صوتك حتى الفناعيص خقو عليك
وجد بورطه:الا والله هاذي الورطه ياحبيب ودد انت وشش رايك تخليها بكرا ادق عليك واغني لك
يمان بعتراض:لاااااااااا احين احين غنيني
وجدان بضحك:ههههههههه غنيه ياودد
وجد :ياااربي جيجي مابالي شي لا حرام يتشوه تاريخي النشادي والشعري لو خربطت عليكم الحين
وجدان :ماعليك من بيسمع بس احنا
وجد:ولد اخوك فضيحه بس ينطق الحروف يخرب امها هههههههه مدري من طالع عليه
وجدان :على امه ههههههه
وجد بتعجب:على ططاري امه وينها كل ماكلمتي الا وهو عندك غريبه
يمان يصرخ :وددد غنييينييييي
وجدان توقهت ومن سمعت اصراخ يمــان ارتاحت ضيع السالفه ووجد ماهتمت اصلا نست على طول
وجد بضحكه:ههههههه طيب طيب اغنيك الحين احم احم
يــــمان
هو فرحتي وحريتي
..و حبي الكبير
ومن نفسي
.ومن هبة النسيم عليه أغير
مستحيل تلقى مثله
فهو واحد لا غير
فريد من نوعه هو
يــــــمان ولحبه أنا أسير ه
وسلامتكم
هههههههههههه وش رايك بخرابيطي فصيح على عامي كوووشخه
وجدان :هههههههه والله لو يسمعك العاشق الولهان ليقتل نفسه
,لفت على يمان ,صح يمانـ هههههههه
وجـــد الحبيب بسابع نومه وانتي تغنين للهوى
وجد بتوتر من كلام وجدان:هههههههه الله يكفينى شر الهوى ياجيجي يالله باي ابنام انا ساحبه على ابوي وعمامي كانو يبوني اجلس معهم




من بكرا الساعة 3:30
العصر

ببيت ابو تركي مجتمعين كلهم عند الجد
ابو تركي بنظره لجلاد:اقول ياجلاد ليش ماجبت اختك وجد معك
جلاد يعدل جلسته ويرفع فنجال القهوة يرتشف منها:ماتقدر يالغالي عندها دوام
وقلت لها انتظرها للربعاء بس ارفضت تقول فيه اخوانها. اذا قدرت تجي يجيبونها
ابو تركي تنهد:اااه بعض الوقات اقول ياليتني ماوفقتها على هالوضيفه ابعدتها عني
تركي ابتسم:ههه لا تسمعك وجد تصيبها سكت قلبيه
ابو تركي ضربه بعصاه على ظهره:سكته تصيب العدو يالمخبول تدعي على الوجد
جلاد بضحكه:ههههههههه فك نفس ياخال كل شي ولاالوجد
تركي بوجع :يبه لا تكسر هيبتي قدام عيالي تضربني قدامهم
جلال وماجد وجلاد وغالي :ههههههههههههه
تركي بقهر :شف شف الكلاب ماكاني خالهم
غالي يقوم يقبله على راسه :معاش من يضحك عليك ياخال وهذاي قبله على راسك
تركي يحضنه :فديتك ايه تربيت وجد مو هالخبول
ابو تركي عصب :قم قم من قدامي انت ماتحشم احد ابد
تركي يضحك :هههههه وش قلت انا
ابو تركي صرخ عليه:قمممم اطلع برا رح قابل امرتك احسن لك
الشباب :هههههههههههههه
تركي بزعل وقف :فدييت امرتي والله مقابلها احسن من مقابل هالثيران
،ويشر على الشباب، .طلع منن عندهم
دخل على مجلس الحريم. شاف خواته وعلياء وبنات خواته
سلم وهو يتقدم لهم:السلام عليكم
ردو عليه :وعليكم اسلام
جنى تناظر علياء على جنب:هلا وغلا بالغالي هلا حبيبي حياك تعال هنا ،وتشر بجنب
علياء،بجنبي
خوله ومروة ولاما:هههههههههه
تركي طنشها وجلس بجنب علياء:ااه ياقلبي شفتي ابوي شرشحني قدام الثيران اخوان
هالبقر
ام جلاد :ابوي مقدي فيك شف السانك مايحشم احد
تركي بحقد:الساني مايحشم الي مايستحون يستاهلون هالكلاب
جنى فقعت ضحك:ههههههههههه كل هاذ بقلبك ياقلب علياء انت اااقصد قلبي
خوله تكمل بخبث:اييه من عذره جدي قايل له رح لحرمتك شكله ما يبي يشوف وجهها
تركي وقف وسحب يد علياء .وبزعل:الشرهه مو عليكم ياعيال خواتي الشرهه علي الي مقابلكم ,ويصد لعلياء ,امشي امشي لبيتنا احسن من مقابلهم
ام ماجد بحب:ماعليك منهم اجلس عندي يانظر عين اختك
جنى بخبث:مصدقه انه زعل ياقلبي ياخالتي هو بس بيختلي بالحبيبه ولقاه عذر
ام جلاد حست ان تركي صدق زعل عصبت على جنى :جنـــــــى بـس طولتيها تراك


_

.............
بنفس الوقت في بيت ام وجد

راما تكلم وجدان:يالله عاد جيجي تعالــــي
وجدان برفض:ماااقدر اقولك يمان من عنده
راما بصرار:جيبيه معك سهله
وجدان :طيب انتي تعالي سهله بعد
راما بصرخه :مستـــحيل مالي خلق هالخبله اقابلها وجدانوه حتى انتي تعالي تفتكين من مقابل وجهها
وجدان بتنهيده:راما تهاني تغيرت صح متحبنا بس صارت تسكت وماتسوي مشاكل لين متى بتكرهينها
راما فتحت عيونها بتعجب:يعني الحين انتي الي تحبينها ياحبيبتي انا حافضتك حفض
وجدان :مااكذب عليك واقول احبها انا الحين ما احبها ولا اكرهها بختصار ملغيتها من اهتماماتي يعني لو طلبت مني شي وقدرت عطيتها بدون كلام
فهمتي يعني انتي تعالي وانسيها انسي وجودها لو شفتيها قدامك بتسلمين ولا كيفك والزبده ييالله تعالي عندي لك سااالفه جديده تخص ودد
راما بحماس:والله يالله اقنعتيني بكلامك جايتك صلحي القهوه والحلى والكيك والفطاير والعصير وكل شي قدامك ولميه لي يالله باي ,وقفلت وبوجهها
قبل تسمع رد ,
وجدان تناظر لسماعه:ول ماتترك عادتها تقفل بوجه الواحد مايدق خشمها الا وجد
من سمع اسمها صرخ :وددد
وجدان بضجر :لااا ياليل ابو لمبه بداا الموال
من وراها :مجنونه تكلمين نفسك
وجدان بضيق :يــمه شوفي حل لحفيدك مجنون بوجد فوق الخيال



ام سعود بقهر:جت على حفيدي ياوجدان وجد اكلت قلوبكم كلكم مدري على. وشو
وجدان تناظر لاامها بعتاب:وانتي تكرهينها على وشو
من وراهم بهبال:نمستييييي
وجدان لفت لها وبضحكه:ههههههروعليكم. النمستي
راما تلف الاام سعود:خالتوووو كيسا هي
وجدان انفجرت ضحك:ههههههههههههههههههههه� �هههههههههههههههههههه حلوووو. اخذه دروس من وجد
راما بضحكه :الله يسلم كاترينا دروس بالغة الهندي لوجد بالمجان
وجدان بحقد:ياكرهي لهالكاترينا من تعرفت عليها وجد نستنا
راما بضحكه:ههههههههههههه تغارين منها عاد انتي مامعك حق وجد تكلمك اكثر مني
وجدان تناظر ليمان وهو يلعب:لو يمان مو عندي مدري وش بتصير علاقتي
راما ببتسامة:سبحان الله كيف يمان تعلق فيها وهو ماعمره شافها
وجدان تناظره :مو بس هو حتى هي احسها اذا كلمته تنهبل عليه وعلى كلامه وهي بعد ماعمرها شافته
راما بتعجب:تدرين ماتعرف هو ولد مين تعرف انه ولد اخوي وبس
وجدان بصدمه:اما عاااد لا ماصدق مستحيل وماسئلت
راما بضحكه:هههه وجد فيها حاله احيانه لو تصير مذبحه قدامها ماتفكر تسئل عجيييبه الصرىحه
وجدان :ههههههه عاد ترا مالها الاسبوعين عرفته وتعلقت فيه بسئل اكيد
راما :تدرين كلمتها قبل شوي بتجي بكرا مع جاد
وجدان بفرحه:والله حمااااس بنشوف القاء المنتظر يمان مع ودد ههههههه
راما برفعت حاجب:متلاحضين انك ساحبه وين القهوه الي قلتي
وجدان بضحكه :هههههههه ول شي به بلع ماتنساه

،،،،،،،،،،،..........

بالمستشفى
بمكتب وجد وكاترينا
كاترينا تحاول بوجد:ياللله اد وجد انتي مره راسك يابس
وجد برفض :مستحيييييل
كاترينا بزعل:وججد
وجد تجمع اغراضها وتاقف : مي جاراهو(ساذهب) الى القاء
كاترينا :كيووووو
وجد: يايكاتريناشفيك ماتفهمين لو المكان خاص فيكم اوكي احتمال اجي بس كذا مستحيل

بنات العايله ههههههه ومستانسه بنفسي وتجين تحطميني
كاترينا بتفشيله:الحقيقه ماحطمك عليك دفاشه واخبال مو على احد
وجد بسؤال غبي:انتي صدق هنديه
كاترينا بصدمه:شووو
وجد تعيد سؤالها بثقه:لانتي متاكده انك هنديه
كاتي بتريقه:تقول امي اني هنديه مدري عاد وش رايك انتي
وجد بتحليل:شوفي تسمك بديره ولهجتك بدير وشكلك بديره
كاتي ضحكت:هههههه وشني ااديار اذكريها بالضبط
وجد :اسمك مدري من وين جاي بس مو هندي مو صح
كاتي تهز كتفها علامة الجهل:مدري ايه كملي
وجد:لهجتك سعوووديه خلاصه متعديه الغه متعمقه بالهجه كيف
كاتي :هاذا لني مولوده هنا ياذكيه ايه. والشكل
وجد بضحك :ههههههه عاد هاذ يثبت لي انك هنديه بشكلك بقي هاري اشوفه زيك او لا
كاتي شافت السواق وقف تحركت له:اقول امشي بس انتي ماعندك غير القرق الفاضي
السايق وصل
مشت وجد وراها
...
بالسيارة دق هاري على كاتي
:شووو وش يوديني للمكان انت تعرف انا ماحبه مو سكن اعوذبالله غابة




هاري:بلييز حبيبتي افهميني انا الحين بشركه والسيد طلب مني انتقل قريب منه عشان هو عنده ضغط بشغل
كاتي بخوف:هاري حرام عليك اخاف لا وبشركه بعد من جدك واجلس وحدي هناك
هاري يتصفح الملف بغرفت الجتماع وقدامه المدير يرتب ملفات وشغل مزحوم:كاتي بليز افهميني مزرعه خلاص انسيها
كاتي بصوت مخنوق جد تخاف المكان: لااا هاري خلص شغلك وتعال مو من بعدها المزرعه وبعدين انا تعودت عليها ماقدر اغير مكاني
هاري بيهون عليها:حبيبتي لاتخافين كله فتره موقته وينتهي كل شي
كاتي:وشو لحبيبي اعرفك والله لو رحت هناك ماترجع لو ايش
هاري بضجر ينهي الجدال:كاااتي انا ابتاخر لاتنتظريني ايلى 10 باليل
كاتي بقهر :حلو حلو بتتاخر بعد
هاري بتافف :يالله رحمتك ايه ابتاخر خلي صديقتك هاذي وجد مدري وش اسمها تجلس عندك
المدير رفع راسه بسرعه من سمع الاسم تردد باله وجد بس ابعد الفكره انها تكون هي
لنه من سنين حاول ينساها ومايسمع حتى اخبارها لنه ماتفيد مستحيل تكون له وفيه حواجز بينهم واولها زواجه و
اشيائ عرفتها وغيرها معرفها برغم من حرصه انها هي بذات ماتعرف شي اكثر من غيرها
بس القدر الي مرما الى وجد قدامه
نفض راسه وهو يشوف هاري يرمي الجوال بقوه على الطاول
تكلم بهدو:وش فيه الاخ معصب
هاري بضيق:هالكاتي اقرفتني بعيشتي بس متعوتله فيني ماتبيني اتحرك يمين ولا يسار وبيني وبينك من تعرفت على هالدكتوره الجديده وصادقتها
متغيره اذا عرفت اني معك جنت جنونها
هو صدق فيه اشايا زينه تغير فيها صارت ماتكلم الدكاتره معها وتتحجب زين بس صارت تنشب فيني
ابتسم على كلامه وعصبيته:هادي وش فيك عليها حرام عليك البنت واضح تموت فيك وبعدين وش دخل صديقتها قصدك انها تحرضها عليك
لاتفرق بينهن وانت تشوف تاثيرها من خلال الدين خلتها تتمسك بدينها تصدق عاد من لي تقريبا 3شهور ماشفتها الى مرات وتحجبه زين
وهذا دليل على صلاحها والفضل بعد الله يرجع الصديقه الجديده
هادي فاتح فمه:ول كل هاذا دفاع عنها بس والله بديت اكره هالوجد لاز اشوف لي صرفه معها
بسرعه:اسمها وجد
هادي ناظر فيه:ايه اسمه وجد وش عنك نطيت كذا كنك تعرفها
بضياع من الذكريات:مدري مدري ياهادي يمكن اعرفها,سكر الملفات الي قدامه,قم قم ياهادي بنرجع للبيت
هادي ووقف بصمت مستغرب انقلاب مزاجه
طلعو من المكتب سوا
بطريقهم طالعين يحاول ينسا ذكراها
:اقول هادي انت ليش تكذب على زوجتك
هادي بستغراب:اكذب عليها بوشو
:بجنسيتك باصلك ليش
هادي بضيق:ماكذببت انا فعلا هندي
بتصحيح :امك هنديه انت سعودي
هادي ويكره هالطاري:امي هنديه وانا هندي
يرفض كلامه:واصلك سعووووووودي افهم كيف تتخلى عن جنيستك كيف ياهادي حتى امك واضح مو معجبها ولا كان ماسمتك هادي
وعلمتك العربيه وبتحديد الهجه السعوديه
هادي بنرفزه:انا وفـــي لديره الي احتضنتني ياابو يمان ومستحيل ابدلها وش قدمت لي السعوديه و ابوي
وابوي رماني من وانا ببطن امي وماسئل فيني ولدت بالهند
وتربيت وعشت فيها طفولتي ومراهقتي وشبابي كله راح بالهند ماجابني الا امي هنا عشان الفقر هناك ولن اخوها هنا دبر لي وضيفه
وجابني وهاذانا قدامك ابوي رفض يعطيني اصلي,وضحك بسخريه, ههههه كيف تبيني انتسب لسعودي
.فتح باب السواق وركب:انت مو راضي اني اتكلم ولا والله لسحب ابوك انها تحت رجليك واخليه يعطيك الجنسيه بدون مقابل
هادي يركب جنبه:ههههه ومن قالك اني ابيها اصلا النسب لو جا بيخرب بيتي واول الناس كاتي بتشوتني على طول يدها لني خبيت عليها
.,تنهد,تكفى طالبك تنسى هالطاري ولاعد تفتحه معي انا هاري كابور هندي الجنسيه وغيره انسه
حرك السياره وعينه تروح على هادي الي سند راسه على السيت الي ورا وغمض عيون سب نفسه انه فتح معه هالموضوع
هو من حبه له بيساعده بس مستحيل يفهم ان هادي طاري الصل يجرحه اكثر من انه يسعده وانه مرتاح بوضعه هاذا بس ماحد يفتح له سالفه
الصل خلاص يعيش حياته
سرح فكره عند ولده بيروح لهم بكرا امس وهو ماشي مر عليه وشافه دقايق
تذكر المكالمه الي سمعها عند وجدان وكيف ولده متعلق فيها عرفها من سمع صوتها
ابتسم على هالذكرا بس بسرعه نفضها من راسه وزجر نفسه مجنون اكيد مجنون ولا كيف يفكر فيها وهي حلم بالنسبه له
هادي بنص عين ياظر له:هيه وش فيك تتنافض كذا تقل مجنون لاتصدم فينا ركز بالطريق
لف بسرعه عليه بخرعه لنه مسرح وتكلم فجائه :بســــم الله انت صاحي
هادي بتريقه:لا مجنون
بنغزه:انت من اعرست على كاتي وانت مجنون
هادي بهيام:ااااااااه يافديت هالطاري بسرعه سوق وربي ياني مشتاااااااق لها
ايستم على طريقت كلامه وهيامه فيها بقلبه ياحضك ياهادي كل ماشتقت لها تلقاها مو قلبي الموجوع بقربها المستحــــل

.......

:بــس انتي وش فيك استخفيتي تصيحين كذا
كاتي بصياح:ماسمعتي وش قال سكر بوجهي ومعطاني فرصه وهو يسمعني اصيح
وجد تحضنها ومشتها وجلستها على الكنبه :كاتي اهدي عاد مصارت وفري الدموع اذا جا ابكي عنده عشان يحس ياخبله هنا عندي وش تستفيدين
كاتي تضحك من بين دموعها:ههههههه انتي صدق خبيثه
وجد بزعل مصطنع:الله ايسامحك هاذا جزاي صرت خبيث
كاتي تمسح دموعها وتشاهق:سووري وجد بس جد انتي تفكرين
وجد توقف :طيب يام تفكير انتي الحين هديتي اسمعيني تزيني وتعدلي ولمي كرتون الكلنكس واول ما يدخل شغلي الحنفيه وخلي يعرف قيمتك صح
كاتي انفجرت ضحك:ههههههههههههههههههههه يمه يمه منك مخ ياعالم
وجد تتفل على نفسها:الله اكبر اذكري الله يامنحوسه بتحسديني على مخي
كاتي تبتسم :ماشاءالله الله اكبر زين كذا
وجد :زين زين يالله باي لا يجي الحبيب وانا مسنتره عندك
كاتي بعتراض:لاااا بليييز هو مراح يجي الا 10 باليل هو قاله
وجد بمقاكع :لا يحلوه بعد الدموع الا بيجي طاير بس سوي نفس ماقلت لك ياالله مع لاسلااااااامه
وطلعت قبل لاتسمع ردا سكرت باب الملحق وكلت طريقه بس وقف بنص الطريق تناظر للحديق واشجاره الشاهقه مو معقول الي تشوفه
الطبيعه فوق الخيال الي قدامها كل خطوه تخطيها تذكر الله فيها غابه من الشجار وكل شجره غير عن اختها كل جهه تلتفت فيها ماتشوف اخرها
القصر عن بيت كاتي نصف كيلو النافور الي قدامها بس كيلو بحالها لفت ارجعه لسيارتها وقفت مصدومه من السياره الي دخلت
توقعته هاري اسرعت بخطواتها طالع لسياره
......

فت لهم البواب بوابة القصر واول ماخلو طاحت عيونهم على السياره الي واقف بجنب النافوره
:غرييبه من هنا مستحيل احد يدخل هنا بدون اذني
هادي يناظر للمره الي تمشي :شكلها صديقت كاتي شف الحرمه الي متوجه لسياره
هدا اسواقته وقف قريب لسياره


انتهــــــــى البارت العاشــــــر

توقعاتكم للبارت الجاي
نلتقي قريب اذا الله اراد
________________
فائده قصيره واعظيمه عن((الصلاااة))

_____
مقربة للرحمن
مبعدة من الشيطان
مجلبة للرزق
حافظة للصحة
مبيضة للوجه
دافعة للأذى
طاردة للأدواء
مقوية للقلب
مفرحة للنفس
حافظة للنعمة
فل يسأل كلن منا نفسه هل أداها على ما أفترض الله علينا
نحن بأمس الحاجة الى الأنس والراحة ففيها والله السعادة
لنحرص كل الحرص على اداءها في وقتها مع الجماعة
لنظفر بالرضى والراحة