[لامارا]

تابع..........

عند البندري طاح الجوال منهاااا
البندري بـ صدمهه : أجهضــــــــــت
االكل : لاحول ولاقوة الا بالله
حنان راحت للمطبخ تتصل على امها : الوو هلا يمه وينتس
ام اسامه بملل : نعم وش تبين ..؟
حنان : يمه جاردينيا في المستـتشفى في غرفة العمليات تجهض روحي مع ابوي لها
ام اسامه بـ سخريه : هههههههه جد الف مبرووك طيب وش أسوي أنا .. و سكرت الجوال
حنان بعصبيه ياربي وش ذا الأم ما همها احد و طلعت معصبه للحديقه
وجلست و كانت تحرك رجولها بقووه و بـ قلق تبي تكلم أخوها بس تبي تكلم أبوها و حطت إيدها على راسها و نزلت راسها و طاح شعرها على وجهها
و حست باحد حاط ايده على كتفها
--: وش فيتس
حنان تطالع البتول و دموعها على عينها : البتول امي وجلست تبكي
البتول خافت يمكن في أمها شي وضمتها : وش فيها امتس ..؟
حنان تبكي
البتول خلتها تبكي ليمن خلصت بكي
حنان رفعت راسها و البتول مسحت دموعها : قولي وش فيها أمتس
حنان بـ حزن : كلمتها عن جوجو و قلت لها أنها تجهض عادي عندها ما همها الأمرر
البتول : اها طيب انتــي ليه تبكين ..؟
حنان بـ تعب : لآني مليت تعبت و انا اقول بكرا تزسن بكرا تزين و آللحين زوجة ولدها تجهض ما همها ... ونزلت راسها
البتول ببتسامه : قومي ندخل تونا مسكتين البندري و ربى تجين انتي ادعي لها بس
حنان وقفت ومسحة دموعها و ابتسمت : هههه الله يقومها بالسلامه
و دخلــوآ آلبندري و ربى نآموآ على ألكنب من التعب و البكي
حنان بصوت خفيف : متى ناموا
ام عبدالرحمن بنفس مستوى الصوت : قبل لاتدخلون بِخمس دقايق
البتول جلست بتعب : يمه كلمتيهم ..؟
ام عبدالرحمن أخذت جوالها : بكلم أم ياسر
وكلمتهآ
ام عبدالرحمن : هلا يا ام ياسر
ام ياسر : هلا ام عبدالرحمن
ام عبدالرحمن : آلله يعوضكم ويعضوها يا رب وينها فيه
ام ياسر : امين توها طالعه من غرفة العمليات
ام عبدالرحمن : طيب أنتوا تعالوآ و العصر نروح لها كلنَّا
ام ياسر : ايوا هذا حنا بالطريق معها ياسر و أسامه
ام عبدالرحمن : طيب انا اللحين ابتصل على عبدالرحمن ياخذنا للبيت
ام ياسر : لاخلتـسس تغدي ثم روحي
ام عبدالرحمن : لااا
ام ياسر : خلتس معنا و الله ما تروحين
ام عبدالرحمن أستسلمت : طيب
ام ياسر : كلمي عبدالرحمن عشان الرجال مع بعض و حنا مع بعض
ام عبدالرحمن : طيب مع السلامه
ام ياسر : مع السلامه .. وسكرت
واتصلت على عبدالرحمن : هلا يمه
عبدالرحمن : هلااااااااا يمه
ام عبدالرحمن : تران نتغدى عند خالتك و أتصل على ياسر و أسامه و خلهم بالغصب يتغدون معكم
عبدالرحمن : اها طيب كم الساعه اللحين
ام عبدالرحمن : عشر تقريباً أو عشر ونص
عبدالرحمن : اها طيب مع السلامه
ام عبدالرحمن : الله يحفضك
--
ثاني يوم في المســتشفى
جاردينيا و تحط أيدها مكان العمليه : ههههههههههههه خلاص و ربي ما فيني أضحك أكثر
البندري : اقول ترى امس توحفه تشوفينهم و ربي كل وحده سضحك على الثاني ياسر يقول عرض ازياء و أخوها ماني عارفه ايشش
الكل : هههههههههههههههههه
حنان : توبه اخر مرا اسمع افكارتس ...
البتول : ماتجي من افكارتس الا المصايب
البندرري و تتخصر : نعم اساساً لولا الله ثم أنا كان انتوا في خبر كانا و الا انا عادي اطلع و أقول لهم بسس ألطيحه منعتني
ربى .. جوجو : ههههههههههههههه
البندري : وش رايكم نطلب من المطعم
حنان : ما اعتقد يدخلون الأكل ...
البتول : عندي فكرا بس أنتوآ أطلبوا و أنا ثوآني وأجيكم
ربى بـ أستغراب : وين رايحه أنتي ..؟
البتول مسكت ايدها : تعالي معي و أنتوا طلبوآ طيـب على ما أجي
طلعــت و شآفت غرفة الدكتووره و دخلت و ماكان فيها شي
ربى : وش تسوين انتي ..؟
البتول : شوفي هذا بالطو الدكاتره . .و أخذت : هذا أثنين دبري 1 بسرعه
ربى تفتح في الدروج : خذي هذا واحد .. و أخذوه و أطلعوآ
و راحت للغرفه
اعطت حنان واحد و البندري واحد ولها واحد
البندري و حنان اللي موفاهمين شي : وش ذااااا ..؟
البتول : يا أذكيه مو المستشفى ممنوع أكل المطعم لاكن موافقين للموضفات و كذا حنا نلبس ونسوي نفسنا موضفات
البندري ببتسامه :يالبيهه بسس .. و ألبســوا
جاردينيا مو عاجبتها الفكره : لانتوآ مهابيل و ناوين علينا
ربى : أنا اللي اصغر منكم ما سويت اللي تسونه
جاردينيا بـ تأييد : أي والله صادقه
حنان : أقول خلوني أكلمه أقوله عند الحديقه يوقف و كلمت المطعمم
البتول : بنات معكم فلوس
البندري وهي تشوف محفظتها : معي حاليا 60 ريال لاغيررر . . كم الحساب حنان
حنان :اممم 100
جاردينيا : انتي وش طالبه
حنان : طلبت عَلى الاكل ايسكريم
البندري بفرح : ياحلاتس كانتس حاسه
البتول : يلا أنزلوآ مآنبي ننفضح
و أنزلوآ عشان الاكل .. و ياخذون الاكل و يطلعون للغرفة جوجو و تم الخطه على خير و لاكن وهن داخلين جاء الدكتور : لو سمحتوا
خبوا الاكل بينهم : نعم اخوي
الدكتور : مشغولين ..؟
البندري : امممم عندنا هذي البنت نشوفها تأمر بشي
الدكتور : ايوا ابيكم ثلاثتكم و بسرعه ياليت تعتذرون من الاخت
حنان : أن شاء الله
ودخلــوا و حطوآ الاكل
البتول : جوجو رورو حنا رايحين شوي وجايين
و طلعوآ بسرعه للدكتور عند الممر
حنان بصوت خفيف : شكله فضحنا ...
البندري بـ همس : اسكتي
الدكتور : اساميكم يا أخوات
البندري : البندري
حنان : حنان
البتول : البتول
وجلس يبحث في الجهاز على أسامي الموضفات وجلس يطالعهم : من أنتو ..؟
البتول بـ همس : ياويلي حنون قولي شي انفضحنا
البندري و بـ نفس همسهآ : مو هذي فكرتتس تصرفي
الدكتور بـ تهديد : تقولون من أنتوا و لا أكلم الأداره عليكم
البنات سمعوا الأدره و قالوا كل شششي
الدكــتور : لا والله يعني عشان الاكل تسوون كذا
البتول شافت أخوها راحت له ركض : عبدالرحمن ألحقنا تكفى تعال كلم الدكتور
عبدالرحمن أستغرب : وش فيكم ..؟
البتول قالت له السالفه
عبدالرحمن بـِ عصبيه : لا والله كل ذا عشان بطونكم
البتول بـ تهديد : تكفى طلبتك
عبدالرحمن يخوفها وفي قلبه بيساعدهن : لا مالي شغل فيكم مثل ما ورطتوآ انفسكم حلوهآآ
البتول بتبكي : يقول بيكلم الأدراه
عبدالرحمن راح للدكتور
عبدالرحمن أبتسم له : هلاا أبو احمد كيف الحال وش ذا الصدف
ابو احمد الدكتور : هلا والله بـِ عبدالرحمن الحمدلله كيف حالك سبحان الله من بعد الدراسه توي اشوفك
و جلسـوآ سوالف
البتول البندري حنان علآآآآآآمة الاستفهام على راسهم
البتول : يعرفه يا ربي وش ذا الفشيله
حنان وهي تشيل لبسس اللي عليها : أقول شيلوا لبس الدكاتره حنا لو فينا خير ماسوينا دكاتره عّلى الطل الخطه فشلت و صادنا اخوتس جلس يسولف
مع الحمار هذا
شالوا اللبسس و يتسحبون بـِ شويش
الدكتور اللي تو ينتبه لهم : دقيقه بنات ماخلصت ابكلم الاداره اللحين
وقفوآ البنات و هم ماعطينه ظهورهم
عبدالرحمن كلمه فَ اذنه : تراهم اهلي , وابتسم
الدكتور أبتسم : بس عشانهم اهلك و لا كان علمتهم
عبدالرحمن لـ البنات : خلاص روحوا
وراحوا البنات وهم شبه يركضون
الدكتور : صدق اهلك ولا عشان أمشيهم
عبدالرحمن : لا و الله اهلي السموحه منك و أمسحها في وجهي
الدكتور ببتسامه : وجهك أبيض و خذ هذا رقم جوالي و البيت أي مساعده أنا حاضر
عبدالرحمن : تسلم و الله يلا اخليك تامر بشي ..؟
الدكتور : سلامتك
عبدالرحمن : الله يسلمك في امان الله
الدكتور : الله معك
وكلن اخذ طريقه
عند جوجو
البندري و قلبها على أيدها : يا يمه لو الله ثم أخوها كان حنا في خبر كانا
حنان : مو كانا الا أدرنا > يعني في الأداره
جوجو و ربى : هههههههههههههه
ربى : والله لقافتكم الزايده
البندري : تضحكون على أفكاري هذا البتول وراتسس يالبوبو ههههههههه
البتول : على الاقل اخووي بس موجوده
حنان : ههههههههههه اقوول بسس جوجو متى يطلعونتسس
جاردينيا : امممم اتوقع باكر لاني قلت لهم ما أبي اطوول في المســتشفى
البتول : بنيدو وين جوالتس
البندري بتفكير : جوالي جوالي و الله اعتقد في غرفتي ما أدري وينه إذا رحت البيت اشوفه
الببتول وهي تحط أيدها على راسها : اهماااااااااااااااااااااا ااااااااال مو صاحي فيـــتس
حنان : عادي مو أول مرا
ربى : ماتحبين الجوالات ليه تشترين ..؟
جاردينيا : صدق من جدتس ماتدرين عنه ..؟
البندري : يماا منكم ولا مضيعه مليون و أساسا يسوور جابه لي غصب و ما كنت أبي أرده
--
بعد اسبووع من الأحداث في النادي للبنات
البندري وهي ميته ضحك : شوفيها طاااااااااااااااحت
الكل : هههههههههههههه
البتول وهي تمسح دموعها : اللحين وش اللي خلنا نشترك بـ النادي
البندري : حسيت اني زدت قلت ادخل أخف شوي و اسحب عليهم
حنان : سيم سم مشكله بأدين سوي سهووبه
البندري: هههههههههههههه سلامات قلبتي هندي
البتول : الله أعلم من أثار نزول الوزن تقلبت اللغه عندها
جاتهم وحده مغروره وشايفه نفسها : أهلاً بنات
الكل : اهلآآآآآآآآآآآآآآآآآآآآآآ آآ
جلســت و بغرور : ياربي انتوآ مشاء الله كثير تتكلمون
حنان تخزها : دامنا كثير على قولتس نلق لق ليه جايتنا
البنت بغرور : و بعد متوحشين
البتول : دام متوحشين ليه جأأيــتنآ مانشرفتس حنا
البنت حطت رجل على رجل : أي و الله ماتشرفوني
البندري بنفس النظرات : سبحان الله من أول ماشفناتس و عرفنا مستواتس و مستوانا
البنت : يووه وش ذا القرف طيب اخر سؤال انتوا بنات مين ..؟
البتول , البندري , حنان : بنات أبونا
البنت وقفت مـتفشله وراحت
البتول , البندري , حنان : ههههههههههههههههآي
حنان : تلقط وجهها بس
البتول : من وين لها وجه ماهو اتناثر هنا و لاعاد يتلقط
البندري : يلا بنات تأخرنا على البيت بِيأذن العشاء اللحين
البتول أخذت جوالها : خليني اشوف السواق جاء ولا
حنان : يلا
و أتصلت على السواق مشغول و قالها ان عبدالرحمن بـِ يجي ياخذهم
و أنزلوآ > ما قالت للبناات ان عبدالرحمن يوصلهم
البندري : نعم نعم لا خلاص أكلم سواقنا
حنان : مستحيل نروح
البتول بـ ملل : يووه يلا ننزل أنا الغبيه اللي قلت لكم قبل لانوصل للباب
حنان البندري : لاااا
البتول بترجي : عشاني تكفون و الله تروحون معي
حنان و البندري نزلوآ و هم يتحلطمون و البندري كانت كل شوي تمسك حنان
حنان : وش فيتس
البندري : هـع نظارتي في الشنطه قلت أجرب
البتول : أقول لبسيها لاتطيحين درجهم رفيع و طويل
حنان : لبسيهاا
البندري بعناد : ههههه ماني لابستها
البتول اتصل عليها عبدالرحمن و قالها انه عند البوابه الرئيسيه
و نزلت و هي بـِ اخر درجه طاحت
حنان .. البتول : هههههههههههههههههه
البندري : اييييييييييييييييي
البتول وهي توقف البندري : ماحدن قالتس تنزلين بدون نظاره
البندري تشووف : مافيه احد صحح وقفت
البتول وهي تأشر على سيارة اخوها : الا اخووي هنا وشافتس
حنان : مسكينه انـــتي , طلعت نظارتها و أعطتهآ : البسي لاتطحين بسس
البندري لبستها : يا ربي روحوا لحالكم انا بجلس هنا عشان الفشيله ما تكتمل
حنان : قومي بس بسررعه
البندري بـ عناد : ماني قايمه روحوا عني .. وجلست عند الانتظار
حنان بـ فشيله : قومي أخوها ينتظرنا ماهو سواق عندنا
البتول : تعالي اللحين تجينا
وراحوا يركبون
عبدالرحمن وهو يطالع البندري و يطالع أخته : بسس امشي
البتول : لا وين تمشي البندري مو راضيه تركب عبدالرحمن قوم أنزل معي يمكن تستحي و تجي
عبدالرحمن نزل لانه مشغول جداً و يبي يوصلهم و يروح شغلهه
البندري شافــتهم يقربوا لها سوت مو مهتمه
البتول : بندووره يلا
البندري : -----
البتول وهي تطالع عبدالرحمن : يلا هذا اخوي جاء بكبره بسرعه بياذن اللحين
البندري ولاكانها تسمع شي
البتول تدق عبدالرحمن بـ معنى قول شي
عبدالرحمن وهو مستعجل و يطالع الجهه الثانيه : لوسمحتي ممكن تقومين ورانا صلاه
البندري: ماردت
عبدالرحمن يعرف لها : اوكي بتووول أمشي و خليها لحالها
البندري مايسونها
وراحت وشافتهم بيمشوون خافت يروحون وقفت
جلسوا يضحكون عليها و ركبت و اللتزمت الصمت
وصل حنان بيتهم و البندري بيتهم
--
في يووم الفضيل على الكل تصير فيه جمعت الأهل يوم كريم للكل وخااص لِـ تانج
رمضآآآآن
البندري في المطبخ : يسور بليز وش السواه اللحين
ياسر جلس : دبري نفستس وين جوجو ..؟
جاردينيا دخلت : ها وش طلعتي ..؟
ياسر : ولا شي مو عارفه وش تسوي الأخت
جاردينيا أعطتها ورق : خوذي وجيبيهم
البندري راحت وجابتهم على السريــععععععععععع
ياسر: أرووح خلاص
البندري لفت عليه : لا تساعدنا و خلوود وينه ..؟
ياسر يساعد جاردينيا بعد ما سحبته و غسلت أيده و لبسته قفزات : يلعب بلاي
البندري طلعت له وأخذت البلاي و مسكت اخوها من ياقته و للمطبخ : يلا معنا
خالد : هههههههههه يسوور من متى صرت تدخل المطبخ و الا هاالقفاز خخخخخخخخ
ياسر يهز راسه و هو يعجن : شفت بس و ربي هذا كله عشان أمي بسس مو لكم عشان بس ما تدخل تطبخ
خالد يرفع اكمام ثوبه : دامه لآمــي يلا ومسك جزء من العجينه
البندري ضربته على ايده : ويـع روح غسل ايدك و اللبس قفاز
خالد راح يغسل ايده و يلبس قفاز : طيب لاتضربين
جاردينيا : البندري الكيك حطيته في الفرن شوفيه
البندري راحت جلست : خليها مايمديها تستوي
جاردينيا انشغلت و نست الكيك
خالد وهو يستنشق : يا أخي ريحت شي أنحرق
البندري تذكرت الكيك و راحت له و شافته أحترق: احترق أحترق
ياسر راح يطلعها : اووف ماتنفع
جاردينيا شافتها : يا ربي ماتعرفين تطبخين
البندري بـ ملل : ما أعرف عطيني طبخه غيرها اسهل
الكل : لا أجلسي بس إذا قلنا جيبي جيبي طيب
البندري بزعل : اووف منكم
ياسر وهو مندمج مع جوجو و يساعدها : روحي شوفي أمي تبي شي او شي
البندري طلعت لـ آمهآ وجلست جنبها : يمه تبين شي ..؟
ام ياسر : سلامتس بس طبختـي أنتي
البندري بِـ كذب : ايوا سويت كيك و اللحين خلصت { ماتدرين أنها احترقت يمه و أنطردت هــع } وأبتسمت
ام ياسر وهي عارفه بنتها : نشووف , ليه الابتسامه
البندري : عشان انتي اول وحده تاكلهاا
ام ياسر وهي تجاريها : من عيوني روحي ساعديـهك
البندري هــع قصدتس أحرق لهم : من عنوني .. و راحت
--
في بيت أبو عبدالرحمن
في المطبخ ..,
البتول : يمه تعالي شوفيها أستوت و لا مليت منها
أم عبدالرحمن : وش تبين بيتزآ تستوي في دقيقه هاه
البتوول بملل : طيب ليه ماتدخلين عبدالرحمن و لؤي معنا
ام عبدالرحمن تفكر : و الله حلووه الفكر روحي ناديـهم قولي امي تبيكم
البتول و راحت تناقز و فرحانه : عبدالرحمن لؤي امي تبيكــم بسررعه
قاموا للمطبخ
ام عبدالرحمن رمت عليهم قفازات : يلا ساعدونا
لؤي و عبدالرحمن يطالعون في بعض : هاااااااااااااه
البتول : من قال هاه سمع يلا
ام عبدالرحمن : يلا عبدالرحمن تعآلي سآعدني بـ الهريس
البتول : لؤي ساعدني بالبيتزآ و باقي الطبخات
لؤي يطالع عبدالرحمن والعكس و ببتسامه خبث : من عوينآ
لؤي راح لـ آخـته وكل شوي يهبل فيها و يضيع جبن و مرا طمام و مرا الملاس
البتول بعصبيه : لووووووووووووي بسرعه اطلع برا ما أبي مساعدتك
لؤي و مسوي نفسه بريئ : خليني أساعدتس
البتول بـ نفس العصبيه : شكرآ ما أبييييي
لؤي كتم ضحكته : ليهه أطلع ..؟
البتول و بـ نفاذ صبر : بسرعه برآآآآآآآآآآآآآآ يمه شوفي ولدتس
وجلس يضحك راح لآخوه وقف جنبه : تبيني اخلصك يا الحبيب
عبدالرحمن : يلا بسررعه و ربي مو عارف أسوي شي
لؤي يأخذ الهريس و يخبيه و يغمز له : اووف دحووم وين الهريس
عبدالرحمن : نـعم .. هآه أيوا مادري وين راح
ام عبدالرحمن اللي ملت منهم : لؤي عبدالرحمن طلعوهه بسررعه
لؤي : ما خذيناه يمه
عبدالرحمن : شوفي يمكن البتول أخذته
ام عبدالرحمن راحت لـ البتول : وين الهريس ..؟
البتول وهي مشغوله : ما أدري عنه
ام عبدالرحمن وهي تدور عليه : وين راح ..؟
و يشوفون وراهم الا لؤي و عبدالرحمن يلعبون فيه على كيف كيفهم
ام عبدالرحمن , البتول : أطلــعوآ براااااااا
لؤي , عبدالرحمن ضحكوآ و أطلعوآآ

و في نصص رمضآن
في بيت أبو ياسر
البندري : يما نمشي اليوم
ام ياسر : يلا بنمشي اللحين
البندري : ما جهزت شي
ام ياسر : حنا جهزنا يوم كنتي انــتي البتول و حنان في السوق و يلا ما بقى شـي على مشي القطار
البندري : مين يروح معنا ..؟
ام ياسر : خالتس و عيالها و حنا
البندري: و حنان و ربى
ام ياسر بحزن : أمها ما وافقت
البندري : اوووف ياربي
و راحت جهزت شنطتها بسرعه و على محطة القطار
في القطار و زعوهم و كانوا ام عبدالرحمن و ام ياسر و ابو ياسر و خالد و لؤي و حمدان و طالب في الدرجه الاولى
و البندري و البتول و ياسر و عبدالرحمن الدرجه الثانيه
البندري بـ ملل : اووف وربي ناقصتنا حنون وربى
البتول : أي و الله اساسا ماتحلى الطلعه الا فيهم
البندري حطت راسها على كتف البتول و شالت النظاره : أبنام شوي طيب
البتول تمسح على راسها : طيب
ونامت
عند ياسر , عبدالرحمن عند الشباك و ياسر في الطرف طبعاً جنبه كرسي البندري و البتول
ياسر و هو يشوف الجريده : ههههههههههه شوف ذا وش مسوي
عبدالرحمن : ههههههههههههه
ياسر : يا أخي من زمان عن الحساء و ربي شووق
عبدالرحمن : ايوا الله الشووق لها قووي
ياسر : اشتقت لِزيوود الدب
عبدالرحمن : نفسي أشوفه على كثرة سوالفك عنه قلت الولد يوسع الصدر
ياسر : مو بس نوحفه اوريك له صور
وجلس يوريه وحده طايح من الدرج , وحده لابس عبايه و داخل عليهم
اللخخخخ
ياسر وهو يتثاوب : أبناااااااااااااام شكلنا مطولين
عبدالرحمن : نااام و خلني لحالي
يآسر : عادي يا ابن الحلال , وقف : تعال هنا و خلني عند الشباك
وقف عبدالرحمن و تبآدلوآ آلآماكن
عبدالرحمن : لاتنام وربي طفش مافيه احد غيري
ياسر غمض عينه : كلم اللي جنبك ترى يهبلون فيك و يخلونك تنام
عبدالرحمن : ههههههههههه نشوف و نجرب
ولف لبتول و البندري
البتول : هلا تبي شي ..؟
عبدالرحمن : افا طرده يسور نام أبي حد يسولف معي ممكن
البتول : من عيوني
عبدالرحمن : سالمه عيونتس
البتول : ايه يلا سولف
عبدالرحمن : وين ودتس تروحين ..؟
البتول : وش رآيك تودينآ آممم آلكورنيش ولآ ألعقير أي مكآن
عبدالرحمن : الكورنيش في الدمام والخبر , العقير في الحساء وش تبين من الاخر ..؟
البتوول وهي ترفع صبعينهآ : الاثنيـن إذا مأ عليـك امرر
عبدالرحمن بنص عين : طمااااااااااااعه قولي واحد بسس
البتول : لا لا آلآثنين طبعآآ
آلآ يعلــنوآ عن قرب وصلولهم
عبدالرحمن : أخليتس اجلس يسور
البتول لفت تصحي البندري عشان يجهزون
عبدالرحمن وقف : يسوور يلا وصلنا
ياسر فتح عينه وتمغط : يلا
آلبندري نزلت و شمت هوآ آلحسآء : وه يآلبيه بسسس ..
ألبتول : و ربي من زماآن ما جيتها
البندرري جلست تغني و دخلت معها البتول : اااااااه هونت أجي للحساء ما ودي المح يديه قلبي نساه و قسى حبه ولا اهتمه فيه
و طالعو في بعض : ههههههههههههههه
البندري : أموت فيها هالاغنيه مراا
البتول : و أنا بعد
جاتهم ام ياسر وام عبدالرحمن
البندري & البتول ببتسامه : الحمدلله على السلامه
ام ياسر , ام عبدالرحمن : الله يسلمكم
جاء ابو ياسر : ام ياسر تعالي شوي
راحت ام ياسر : امر
ابو ياسر : ما يأمر عليتس عدو وين تبينآ نسكن ..؟
ام ياسر : عند امي نروح و نسكن معها
ابو ياسر : توكلنا على الله
و راحوا بيت جدتهم آم فوآز سلموآ عَلى بعض
البندري و هي تنسدح على حضن جدتها : وه يأجدتي من زمان عنتـتسس
ام فواز تمسح على شعرها : والله ماعاد تجينااا مثل قبل
البندري : جده تعالوا اسكنوا في الريآض عندنا قبل كنتوآ في الرياض و اللحيـن نزلتوآ ألحسآء
ام فواز : لا يا بنتي خوالتس كلهم توظفوآ هنآ
نعرفكم على ام فواز و ابنائها وبناتها
عندها 3 اولاد و 4 بنات > مالهم دور كبير في الراويه
فواز الكبير : ابو تركي زوج سلاف و عنده 3 اولاد و 4 بنات
سلطان . متزوج و عنده بنتين و ولديـن تركي زوج سلاف . و سليمآن هذا بَ ثالث ثنوي
والبنات .. سآره 25 سنه متزوج , تغآريد 20 سنه متزوجه , حلآ 18, دآنه 9 سنوات
يزيد : متزوج وعنده ولد أسمه زيــد .. و هو بـِ سن ياسر, ما عنده الا ولد واحد
راشد : أخو فواز متزوج و عنده بنتين و3 اولاد
و البنآت .. منيره آلكبيره , مريم أم يآسر , سأره , جواهر كلهم متزوجآت
سآره لَـ جواهر : اووف الله يعين بس
جواهر : الا وين سآره و تغآريد و حلآ .. هـم يعرفوآ لهآ و للي جآيبينهم >
طبعآ همم علآقة كررررررره مع ابو ياسر فَـ من تزوجت أم ياسر أبو ياسر صاروا يكرهون أختهم لانهم حاولوا فيهآ ترفض , ماعدآ الجده و يزيد
اللي يحب أخته حب كبير و هو صديق أبو ياسر عشان كذا أبو ياسر تزوج أم ياسر .
ام فواز : روحوا ناموا و بكرا نشوفكم ..
و طبعاً بلآ جدال راحوا ينامون لانهم هلكانين من الطريق و تعرفون الصيام .
-
ثآني يوم ألعصر في ألمطبخ
البندري دخلت البندري و بتردد : اممم تبوني أساعدكم
ساره بدون ماتعطيها وجهه : لا شكرآ
حلآ بـ وقاحهه : تطلعين توفرين
البندري قامت عنهم وسوت ألحلآ اللي تبيه و قآلت تبي تسآعدهم
البندري : تغاريد أسآعدتس فيشي
سآره , تغآريد , حلآ بـ ملل : لو تضفين وجهتس برآ أحسن
حلآ : على فكرآ ترى أنتي وآللي معـتس مسببين زحمه فِي البيت
تغاريد تكمل : اي و الله لو تضفون لِـ بيتكم أحسن
ساره وهي تكمل شغلها : اعتقد كفا الكلام ولا تبين زوود
دخلت البتول وهي منقره من سكوت البندري : اعتقد الناس صايمين و أحترمونآ مثل مأ أحترمناكم
ساره بِغرور : واللي يسلمتسس أذلفي عن وجهي و ليت تطلعون برا البيت
البندري : لا صار بيـت ابوتس تكلمي
ساره بـ غرور : اكيد بيت ابوووووووووووووووي
حلا وهي معصبه : اقوول ضفوا قشكم برآآآ
تغاريد : و أنتي , تأشر على البندري : لاتساعدينا ولا تأكلين من أكلنآ أنتي بِ الاول تعلمي كيف تطبخين يوم كنتي عندنا السنه اللي فاتت
حرقتي المطبخ
البتول مسكت البندري : امشي نطلع آللهم إنـي صآئم
و طلعوآ ..
ألبندري أتصلت عَلى أبوها و قالت له تبي تشوفه برآ
وطلعت له
وجلست تبكي و ضمها أبوها : وش فيتس ..؟
البندري : يبه ماأبي اجلس هناا
ابو ياسر عرف ورآ هَـ السالفه بنات خالهآ : ليه ..؟
البندري : يبه انت تعرفهم مايحبونا
جاهم يزيد : افا بنت أختي تبكي من باكاها
البندري نزلت راسها
يزيد عرف : اها أروح اكلمهم
البندري , ابو ياسر : لا
يزيد : طيـب وش الحل ,,.
ابو ياسر : اممم تقدر توفر لنا شاليه أو أستراحه لـ مدة اسبوع
يزيد بـِ تفكير : اممم أقدرر بس مو أكيد
ابو ياسر : حاول و أعطيني خبر نبي ننام اليوم فـِ استراحه ما نبي نأخذ فندق نبي جو حلو
يزيد : اوكي في أستراحه انا بكلمه و اخليه يحجز لكم
وراح يزيد
ابو ياسر : انا اعرف اداويهم
البندري : وش بتسوي يبه
اتصل على ياسر وزيد يجونه
وصلــوآ و قآلهم وش يسوون
ورااااااااح
زيد بـ قهر : كان قلتي لي أوريهم
البندري : زيووود عادي تعودت عَلى اسلوبهم الجاف
ياسر بعصبيه : ااااه أي وحده فيهم قول لي و أوريها بس
البندري وهي ماتبي تسبب مشكله : عادي وربي
زيد و يآسر مسكو آإيدهآ و مرو من عند شباك المطبخ
زيد : أقوول بندوري حجزنا لنا أستراحه انما أيه رووووووعـه بس لـ عيونتس
ياسر : و لا أزيدتس من الشعر بيت اليوم فطورنا في المطعم الـ ـ ـ ـ ـ .
البندري ؟؟؟؟ > مو فاهمه السالفه
زيد : وش فيتس ورحـي شيلي كل أغراضتس و نادي عمتي و اللي معكم عشان بنمشي اللحيـن
ياسر : لا زيوود نمشي البنات و نخلي الحريم في الأستراحه خلي الحريم مع أبوي و خالي يزيد و البنات معنا
زيد : طيب يلا
البندري : سويت حلآ تبون منه
زيد يغمز لها : لآلآ وش نبي بـ الحلآ دام أنتي كل الحلآ
أبتسمت البندري بخجل
--
في المطبخ
ساره بـ فرح : الله يعني بنروح معهم
حلآ وهي ترفع كتفها : ما إعتقد
تغاريد وهي تغسل أيدها : خلونا نجلس برا يشوفونا و يعزموناا
و طلـعوآ
دخلت البندري : يمه يلا بنروح استراحه
ام عبدالرحمن , ام يآسر : أستراحه ..!؟
تغآريد + سآره + حلآ : آممممم البندرري
البــندري لفت عليهم و ببرود : هلآآآآآآآآآآآ
تغاريد : ممكن شووي
زيد من برآ : بندوورتي تعالي بسرعه
البندري وهي تطلع : عن اذنكم
و راحت له
البندري : همم وش فيك ..؟
زيد : وش يبون ..؟
البندري رفعت كتفها : ما أدري ..
زيد : هم اكيد سمعو الكلام إذا قالوا لتس نبي نروح قولي كلموآ زيوود و يسور أوكي
البندري أبتسمت له : أوكي
زيد و رفع صوت عشآن يسمعون : بندووري و اللي ودتس تأخذينه معتس أخذيه ياقلبي
البندري أبتسمــت : إن شآء آلله
و دخلت
و مسكوهآ بنآت خآلهآ
حلآ : بندوري خوذينآ معتس
تغاريد برجاء : تكفييييييين وناسه الأستراحه اللي بِتروحون لها
ساره :أسففين بسس خذينآ
البندرري بـ تفكير : اممممم روحوا لـَ زيوود و يسوور إذا وآفقوآ حيآكم .. و مشت
سآره بعصبيه : آوووف منها شافت حالها
تغاريد : الأ كبر راسها
حلا : أغبياء قلت لكم مانتوآ برآيحين
مشوآ وهم معصبين
البتول : ههههههههآي وش فيهم ..؟
البندري رفعت أيدها : مادري يبون يروحون معنآ بس زيود ما وافق
البتووووول : ههههههههه أمششـي يلا
و راحو يجهزون
--
عند الرجال
فواز : غريبه وين ماشيـن ..؟
ابو ياسر : و الله حاجزين أستراحه نبي ننبسط به
فواز رفع حاجب : أها
يزيد : يلا يا أبو ياسر نمشـي عشان البنات و العيال طالعين لحالهن و الا لو تطاوعني و تجي بيتي ترى هذا بيتك
ابو ياسر و هو يوقف و أبتسم لـ صاحبه : الله يعز مقدارك ما تقصر يا الغالي بس تعرف نبي نغير جو ترى حتى أنت بتجلس معنا في الأستراحه يلا
توكلنا على الله .
و طلعوآ
فيِ السيآره ياسر كان موجود ياسر عبد الرحمن زيد البتول البندري
و كان ياسر و عبدالرحمن وزيد قداااام
والبتول و البندري ورا
عبدالرحمن : زيوود سببت زحمه
زيد : طيب وين أروووح .. وجلس فيِ حضن عبدالرحمن : كذا زين
عبدالرحمن : هههههههههه يا ابن اللذينه قووم
ياسر : لا زيوود خلك عادي
زيد : تبيني أقوم أزحم لي
عبدالرحمن وسع له : تفضل
زيد جلس : يا أخي ما تجون الا بـ العين الصفراء
عبدالرحمن : حنا خبرنا زرقاء و حمرا من وين صفراء
زيد : نصررررراويه طبعا و لا خبرته في أزرق
البندري ضربته على ظهره
زيد و هو يحط ايده على ظهره : مشكله اذا كانوا معك ناس مع الهلال
عبدالرحمن رفع حاجب : عندك أعتراض
زيد بتعجب : اووه دحووم انت هلالي
عبدالرحمن بفخر : اكييييييييييييد
ياسر : يلا 2 نصر 2 هلال الله المعين تعادل
البندري للبتول : اووف و حنا نبي نسوولف
البتول وهي تحط أيدها على خدها : اسمعي سوالفهم هبال الله المعيين
ياسر : وين نرووح ..؟
عبدالرحمن : نبي نشووف الأحساء مول بعد الأكتمال
البندري لـ زيود : لا نبي العثيم
زيد : ناس معترضين و يبون العثيمممم
ياسر : أوكي نبتدي بِـ الكبير ثم الصغير
زيد : يعني الأحساء بعدين العثيم
البندري رفسته و ضرب وجه في الزجاج السياره
الكل ضحك عليههههههههه
زيد يمسك خشمه : اووف اوريتسسس يا البندري ترفسيني هاا أووف احس خشمي دخل
ياسر : كفوا أختيييي تربية رجااال
زيد : ايوا قوهااا علي كأنها ناقصه , للبندري : ترى هالأيام طايله ايدتسسس .. أقصها ..؟
البندري رفعت النقاب و طلعت لسانها و أبتسمت
زيد : قلةة ادب ...
البندري بصوت خفيف : اللهم اني صائمه
زيد رفع أيدهه : وه أول مرا تقولين كلمه زينه و الا العاده عليتس لسان
البندري تأشره له بـِ إيدها بمعنى اسكت
زيد يعاندها : لا ماني ساكــت ...
ياسر : زيوود ترانا صايمين و هي أيزي عندهاا تقوم تصفقك و تعلمك ألآدآب
البتول لـ البندري : حرام عليتس طيرتيه
البندري : هههههههه عادي إذا اجتمعنا كذا انتي بـ تشوفين في الاستراحه وش يصير
البتوول : ههههههههههههه أكثر من كذا بعد
و صلوآ آلآحسآء مول و أنزلوآ و أشتروآ لهم كم لبس بنآت و أولاد
زيد وقف بـ تعب : مافي ماني مكمل انتوآ وش بقى مأشريتووه
ياسر و عبدالرحمن و قفـوآ جنبه : خلاصصص تعبنا
البندري راحت لِـ ياسر : يسوور يلا بس باقي الجزم و الشنط و الاكسسورات
ياسر يرفع كيسه فيها شنتطتين : تونا داخلين الشنط وشريتي
البندري : هههههههه والله راسي داار زين أنك ذكرتني
ياسر : اوكي حنا بنجلس هنآ على الكراسي على ما تجوون بسس خلكم قراب اوكي
البندري: طييييييييييب وراحت مع البتول
ياسر : شباب تعالوا هنااا على مايخلصون
رآحوآ جلسـوا
عند البندري : شوفي هذا الشوز الاحمرر و هذا التركوزاي اخذتهم و أعطتهم العامل :
طلع مقاس 39 لوسمحـت
العامل : إن شأء آلله و راح
البتول : اوووف ابي زرقاء و خضرا ..
البندري : شوفي هذي و خضراء هذي و هذي
البتوول : طيب خذتهم لو سمحت 38
العامل : إن شاء الله
البندري : تعالي للاكسورز
وأخذو لهم واكسسوارز
وطلعوآ
البندري : خلصنا
زيد يطالع الكيس : ما أنتي صاحيه شلتي السوق كله
ياسر : خلاص باقي على الاذان وجلس يطالع ساعته
عبدالرحمن : ربع ساعه
زيد : مافي عثيم بكرا نرووح اللحين نروح المطعم آلـ ـ ـ ـ ـ ـ .
البندري + البتول حركوا راسهم بـ معنى موافقاات
وطلـعوآ للمطعم كانت البندري و البتول لحالهم و العيال لحالهم بس الغرف قبال بعض
البندري : يلا أذن
سموآ و أكلوا
البتول : همممم روعه أكلهم
البندري : ذوقي الورق عنب
البتول : احس اني بَـ أكرهه منتس حرام عليتس ذابحه نفستس فيه
البندري بتتكلم بس رن جوالها و كانت حنان
البندري بـ فرح : هلا و غلا بالدوووووووووب
حنان : هلابتس اذن وبدا لسأنتس
البندري :ههههههههه وشسمه تعالوا عندنا و ربي وناسه فاتتسس رفست زيوود و حنا في السياره صفعت وجهه في زجاج السياره
حنان : هههههههههههههههههه والله مسكين
البندري وهي متحمسه : وش مسكين شوفي اليوم وش يسوي فيني
حنان : هههههههههههههه الله يعينتسس
البندري بـ جديه : جد تعالي مع جوجو
حنان بـ حزن : ودي بس امي
البندري وهي تترجاها : حاولي فيها و توافق صدقيني
حنان : بشوف .. شسمه تسسلم عليتسس رورو
البندري : وينها الله يسلمها أشتقت لها
حنان : تترووووووش
البندري :ما أذن عندكن
حنان : الا بسس تهاوشت مع أمي و طلعت .. > وطلـع من عندها :حنيييييييين سكري التلفووووووووون
حنان بـ أحراج : بندوري أخليتس و أكلمتس الليل
البندري : طيييييب
و سكروآ
البندري كآنت تفكر وشلون عآيشين بنات عمها أمهم مرا قاسيه
البتول وهي تلبس نقابها : بندوور يلا خلصنا
البندري : هآه يلا وقفت و لبست و طلعت
البتول : ياهوه سلامات طلعتي بسررعه .. و لحقتها
البندري تدورهم : وينهم ..؟
البتول : امم طلعوآ
وطلعوآ ألبنآت لـ السيآره ثم لـ الأستراحه ..
وصلوآ
داخل الأستراحه
البندري وهي تناقز : وناسسسسسسسسسسسه وه الجوو حار شووي
البتووول توقف جنب المسبح : بندوووره نسبح
البندري : يسسس يلا خلينآ نغير و نجي
ام عبدالرحمن وقفتهم : وين رايحين ..؟
البندري :خاله بنتسسسسسسسسسبح تتسبحين معنا وهي تغمز لها
ام عبدالرحمن ببتسامه : لا وين أتسبح يلا توكلوآ
راحوا بدلوآ و على المسبح
البندري : وااااااااااو الماي روعه و تحذف على البتوووووووول
البتوول وهي تبعد عن البندري : البندري بلا سخافه بارد الماااي
البندري صارت تحذف عليها و البتول تحاول تصير قريبه لِـ البندري لآكن آلبندري كآنت آسرع من البتول و طلعت من المسبح و دخلت داخل
البتول تلعب بالماي : خيرتتس تجين يا الدوب و أوريتس
و جلست تلعب بالماي و تتفنن بـ الحركات
--
عند الشباب
عبدالرحمن : وين بتروح ..؟
ياسر وقف : أبرووووووووح داخل اشوف الدوب شكلها أخذت جوالي
زيد : يا أبن الحلال لا تظلمها يمكن مو هي
ياسر و هو يحاول يبعدهم : طيب فكوني بروح لها بروح لها أعرفها انا
عبدالرحمن يشدهه : يا ابن الناس خلاص
زيد : يعني قول إذا بتروح ومالقيته عندها وش تسوي
ياسر وهو مستعجل : اعتذر و اجي ادوور و اللي يطلع عنده جوالي يروح يسلم على امه لـ انها مو شايفته مرا ثانيه
عبدالرحمن وزيد فكوه : يلا رووح
و طلع ياسر
عبدالرحمن طلع جوال ياسر و حطه عند زيد : يا ابن الحلال أرميه برا لا يسوينا كبسه
زيد : ههههههههههههههه مو كانها بتنقلب علينا
عبدالرحمن : إذا ماطلعناه بتنقلب علينا
زيد طلع و حطه عند الطااااااوله بحكم أنهم كانوا جالسين عليها من قبل وعلى انه نساه هناك
--
عند ياسر بـ صوت عالي : البندرررررررري وينتسسس
وراح يدوورهاااااااااا يمين يسااااااااار وقف عند المسبح و شاف شي اسوود و مبين انه احد يسبح
ياسر : البندريي طلعي و طَلَعي جوالي بـ سرعه
مافي رد
ياسر يهدد : و ربي ادخل عليتس ومن شعرتس
البتول كانت تحت الماء و من الخوف حست انها بتختنق لاكن تحس التنفس بيوقف و تطلــع من تحت الماء
ياسر : البندري ويـ ــ
و تطلع البتول عَ السريـع ركض و الا تتطيـح على ضهرهااااااا و تقوم بسرعه و تدخل
ياسر مو مستوعب الموضوع مين هذي اللي طلعت و جلس يفكر مين مع البندري ايوا اخت عبدالرحمن اللي اسمها وش اسمها ياربي أبتهال أو البتول كذاا
اكيد هي مشاء الله عليها حلوه أستغفر الله .. يوه وش اقول انا مفروض ما أطالعه مفروض أنزل هالراس .. و رجع للشباب و دخل عليهم
عبدالرحمن وهو يعدل جلسه : هاا عندها
ياسر وهو مفهي : هاااااااااه لا ما رحت لها
زيد : ليه اللحيـن ذابحنا اكيد هي و أكيد هي ..؟
ياسر وهو يبي يفتك من أزعاجهم : فكرت و قلت كلامكم صح قوموا دوروا معي ..
زيد يمد له جواله : لا اتصل عليها يمكن عندها
ياسر أخذ جواله : طيب
و أتصل عليها
البندري : هلازيود أمر
ياسر بـ سرعهه : أنا يسور اقول جوالي عندتس ..؟
البندري بترد : دقيقه . .أهلا بتووله وش فيه وجهتس مصفع اللوان لا يكون خفـتي يوم خليتس بـ المسبح لحالتـسس ..؟ هههههههههههههآي مسكينه
البتول وهي منحرجه : السخافه بس و الله اطلع عيونتسس أصبري بس .. و حذفت عليها المخده
البندري : ااااااااااااي .. ورجعت لجوالها : هلا يسوور الو يسووور
البندري :اوو ف سكرر وش فيه و أتصلت عليه : هلا أسفه بس كنت اكلم البتول
ياسر : عادي المهم جوالي عندتس
البندري : و الله العضيييييم لا
ياسر : طيب ليه تحلفين ..؟
البندري : اعرفك زين تحطها فيني
زيد اخذ الجوال : إّذا عندتس طلعيه
البندري : زيوود لا تحده على الشرر قول خير و إلا انطمم
زيد : وللل فشلتني طيب اللهم أني توي فاطر عاادي
البندري : هههههههههههههه قول لـ يسوور مو عندي و لا يتهمني و قوله دعوة المظلوم مستجابه ..
زيد : ههههههههههههههه طيب
وسكــروآ
البندري راحت للبتول و قرصت خدودها : اووه القمر زعلان مني و ربي اللعب معتس
البتول وهي تمسك ظهرها : مو زعلان منتسس بس أنا طحت على ظهري
البندري : هههههههه سلامات عسى ماتعورتي بس
البتول أبتسمت : لااا عَلى خفيف
البندري مسكت أيدها : الحمد لله قومي تروشي و خلينا نجلس بالحديقه و نلعب
البتول : اوكي وراحت
--
عند الشباب
زيد : تقولك لا تتهمها و ترى دعوة المظلوم مستجابه
ياسر : ههههههههههههههه لاتسويها و تدعي زيود تكفى قوم دوره برا أنا ماشفته يمكن نسيته منا ولا منا
زيد وقف : ماطلبت بسس وين يعني
ياسر بتفكير : امممممممم شوف جنب الطاوله حنا أخر مكان عندها صح
عبدالرحمن وهو كاتم ضحكته : ايوا رح شوفها
زيد وهو كاتم ضحكته : طيب .. وراااااااح
ياسر بـ جديه : اوووف دحمي ودي اتززززوج
عبدالرحمن وهو يطالعه على جنب : صدق و لا تمزح
ياسر : والله ...
عبدالرحمن : من هي تعيست قصدي سعيدة الحظ
ياسر بتفكير : و الله ما أدري بشوف أممي و انت ماودك
عبدالرحمن من سمع صديقه دخللل في دوامت تفكيرررر
ياسر ببتسامه : آووه شكلك تحب
عبدالرحمن : ----
ياسر وه مبتسم على شكل : لاحوووووووووول ولاقوة الا بالله الاخ هيمان
عبدالرحمن أنتبه له : هلاا وش قلت ...؟
ياسر : مانت بِـ معي أقول من تحب قووول ؟
عبدالرحمن ابتسـم
ياسر: افا ماتقووول لي .. هههههههههه و أخيراً حبيت لك
عبدالرحمن وهو ينسدح و يطالع السقف : أسأل القلب وهو يقولك
ياسر بـ فضول : قووووووووول ميـن ؟
عبدالرحمن ويحط أيده على صدره : قلت لك اسال القلب
ياسر ببتسامه : يا عساها من نصيبك و يا عسى الله لا يفرق بين غالي و غالي
عبدالرحمن من قلب : امين ..
زيد دخل و حذف جوال ياسر : لا تضيعه مرا ثانيه
ياسر وهو يمسك جواله : اووووووووووف و أخيراً

يسألونيّ ,,
منّ آلليّ تح‘ـب?ّ و تغ‘ـليهّ ؟!
و منّ الليّ تع‘ـدّه دومّ غ‘ـآليّ
قلتّ : إنشدوّا قلبيّ منّ آلليّ سآكنّ في?ّ
وّ منّ آلليّ قدرّ عليّ
قآلوّا : آلله يعينكّ دآمكّ هـ الكثرّ تموتّ في?ّ
وشّ نقولّ غيرّ [ آلله لآ يفرقّ بينّ غآليّ و غآليّ
--
عند االبندري كانت جالسه مع أبوها و قالت للبتول انه أبوها برا معها
ابو ياسر : هلا يا دلوعة ابوها امري بسس
البندري : تسلم امممممم يبه نبي حنان و ربى يجون مع جوجو و اسامه بكرا
ابو ياسر : بسس خلااااااص بكرا عندتس هم
البندري : تسسلم يبه
وجاء يزيد
البندري: هلا خالي يزيد
يزيد : هلا و غلا بالدلوعه ها وش رايكم في الأستراحه
البندري: روووووووووعه مشاء الله , وقفت : يلا انا برووح داخل
ابو ياسر وقف : و حنا بنروح للعيال
وقف يزيد و راح معه
البندري جلست : في حفظ الرحمن
و أخذت الجوال و أتصلت على البتول وقالت لها تنزل لها في الحديقه
جات البتول و جلست
البندري : وش رايتس نسوي مقلب للعيال
البتول : امممممممم أنا اقول خليها إذا جات حنون و ربى عشان تصير أسهل
البندري : أيوا ننتظرهم قلت لِـ أبوي قال بكرا بيخليهم هنا أن شاء الله
البتول بِ فرح : قوولي و الله
البندري ببتسامه : ايوا بقوووه وناســه
البتول : أي و الله
وسكـــتوآ وكل وحده تفكر
البندري ..
يوووه و هذي الدنيا ما أصدق في امه و أب بهذي القسوه عمي و زوجته و مثل ولد عم قليل أدب و حقير و كل عيوب الناس فيه و يحب بنت عمه
و ببتسامه ممكن يكون يلعب حتى مع بنت عمه و يوسف مثل لذالك و الا العمه تسافر وللحين ما أستقرت في مدينه صغيره عمرها 24 سنه ما نشوفها هنا
ما تحب أخوها الكبير و مطنشه كل شي و أكثر من مرا أنخطبت و ترفض تبي تعيش بـ حريه وداد عمتي أحلى مثل لـذالك
يووه أنآ وش أقول لو أجلس أفكر و أدور حل ما بلقى ـآ لانه هم من قلبهم ما نووا يوه خليني أبطل تفكير بس
اما البتوولغير ..
تفكيرها كانت تفكر بـِ كلمه ابوي قلتها و أنا صغير من كم سنه يعني كمم سنه ما قلتها من يوم أمي كانت حامل بـِ حمدان بـِ اول شهر
لهاا يووووووووه يا رب ساعدني صحيح عبدالرحمن ما قصر و ساعدني و أعطاني اللي ابي و اللي ما أبي هو يعرف الشخص وش يبي وش فيه من
نظره بس أنا احس ناقصني شي وش هو هذا الشي ايوا حنان الأب بسس يا البتول امتس ما قصرت مع أخوانتس ايوا ماقصروآ لاكن انا أبي
أبوي لا البتول أنتي كذا كانتس تقولين امي و أخواني قصروا و بصوت عالي و تبكي : بسس هم ماقصروا و أنا ناقصني شي ماحد يعطيني و يعوضني
غيره هو راح و نساني تعال خذني معك يا الغالي
البندري خافــت وش فيها البتول وهي تمسك البتول : بتول وش فيتس ..
البتول تبكــي بقوووووووووه و تشاهق
و تجي أم عبدالرحمن و أم ياسر
ام عبدالرحمن ماسكه بنتها و تبكي وتسمي على بنتها : وش فيتس البتول
البتول تبكي
ام ياسر اتصلت على عبدالرحمن ..
عبدالرحمن ثواني وصل ..
مسك البتول و يضمها : البتول وش فيتس البتول أغمى عليها
عبدالرحمن بـِ عصبيه : بسسسرعه اوديها المستشفى
البندري بتردد : مو لازم أنا أعرف وش فيها
عبدالرحمن طالع البندري اللي كانت مو متحجبه و نزل عينه : وش فيها..؟
البندري ماردت
أم عبدالرحمن اخذت بنتها و دخلتها لغرفه بـِ مساعدة عبدالرحمن و البندري و ام ياسر
ام عبدالرحمن : خلاص رووح وإّذا تحتاج مستشفى ناخذها
عبدالرحمن أعترض و هو يطالعها : لا يمه
ام ياسر : يا ولدي إذا أحتاجت انا اقولك
عبدالرحمن باس راسها و طلع
ام عبدالرحمن : وش فيها يا البتول ..؟
البندري بِ بتسامه : ولا شي بس هي راسها يألمها ما قدرت تتحمل
ام ياسر وهي تمسك أم عبدالرحمن : ريحي يا أم عبدالرحمن و تعالي معي ..
و طلعوآ
البندري خذت ماي و مسحت على وجه البتول
البندري : البتول تسمعيني و تضربها خفيف على خدها
صحت البــتول و مسكت راسها : اااااااااااه يعورني , و جلست بـِ مساعدة البندري و أنسدحت جنبها البندري و حطت راسها على صدر البندري .
و نزلت منها دموع خفيفه
البندري مسحــت على شعرها : قولي وش فيتس البتول
البتول جلست تبكي
البندري وهي تلعب في شعرها : طيب ابكي و بعدين قولي وش فيتس طيب
البتول حركت راسهاا بمعنى موافق
بكت و سكتت بعد الدموع
البندري وهي تمسح دموعها : خلااص خلصت دموعتتس
البتول بـ أبتسامه باهته : ايوا
البندري : طيب خلصت الدموع لاكن ماشكيتي قولي وش فيـتس
البتول بـ همس حزين : أشتقت لـَ أبووي
البندري :طيب اللي يشتاق يبكي و أنتي بكيتي ترى عذبتي أبوتس هو مايبي شوقتس و لادموعتس هو يبي دعاء غير الدعاء و الصدقه مايبي في
حديث لـ الرسول صل الله ليه و سلم ( إذا مات الإنسان أنقطع عنه عمله إلا من ثلاثه صدقه جاريه أو علم ينتفع به أو ولد صالح يدعو له ) , و أكيد ابوتس
يبي دعائكم بسس لاتقولين لـِ خالتي أنتس أشتقت لِـ ابوتس ترى يمكن تزعل و تقول أنا اكيد قصرت عليها وهي أكيد ما قصرت .. صح كلامي و لا ..؟
البتول هزت راسها : ايوا بسس انا
البندري : تبكين يتعذب ابوتس .. خلاص خلينا ننسى الدموع و حنا أتفقنآ نجي نتونس و ننبسط و نهبل في العيال مووو
البتول ابتسمت و بخجل : و الله لولا الله ثم انتي محدن عرف اللي بداخلي هههههههه نهبل بس خلي حنون ورور يوصلون
البندري : شششششكرا ترى انا اللي استحي يا ام دميعه
البتول : لا والله مو ام دميعه انتي حبي لاتلصقين فِ اللقابتس
البندري : ههههههههه عادي تنقال للي يبكوون و أنتي اولهم
البتول بـ أضحك : لا أنتي
و ضلوآ كذا إنتي و أنتي الا ما جاهم النوم و ناموا

ودي أبكي لين ما يبقى دموع
ودي أشكي لين ما يبقى كلام
من جروح صارت بـ قلبي تلوع
و من هموم أحرمت عيني المنام
أنطفت في دنيتي كل الشموع
و الهنا ما يوم في دنياي دام

--
عند العيال
عبدالرحمن يفكرر يا ربي وش فيها طيب البندري تقول تعرف اكيد شي كبير البتول ما تبكي ولا تشكي لَـ أحد أنا اعرفها يا رب وشلون أعرف أروح
أكلم البندري لآلآ وش أروح أكلمها وش فيني جنيت انا
ياسر قطع عليه : ياهوه وين وصلت
عبدالرحمن وهو يبين انه معه : هاه ايوا معك كمل وش صار
ياسر ببتسامه : اللي صار معي
عبدالرحمن : ايوا وش صار بعدين
ياسر : مو أنا اللي معي طاح من العماره
عبدالرحمن و متعجب : وش طاح ما طاح تستهبل علي
ياسر : ههههههههه أنا قلت شي عشان اكمل قلت وش صار و قلت اللعب عليك
عبدالرحمن ضربه خفيف عَلى راسه : يعني أفكر و حالتي حاله تجي تلعب علي وربي انك نذل
ياسر : هههههه مو نذل مو انت تقول كمل جلست أكمل انت تأمر وانا اطامر
عبدالرحمن ببتسامه عَلى اطامر : أي هين انا امر و أنت تطامر خلني أقولك اللحين تسوي أول واحد يطمر انت خاصة إذا كان مشوار اخر الدنيا
ياسر : هههههههههههههههههههههآي
عبدالرحمن وهو يتنهد : العذر بس مشغوول فكري
ياسر بجديه : وش فيك من جد شكل صاير شي ..؟
عبدالرحمن : أبد الاهل تعبانين
ياسر مافهم : كلهم
عبدالرحمن : ههههههههههههه لا وش كلهم اسم الله عليهم بس أختي ما أدري وش فيها تبكيييييي
ياسر أبتسم لـ طاريها : خذها للمستشفى يمكن تشتكي من شي لا سمح الله
عبدالرحمن تذكر كلام البندري وزاده حيره ..
ياسر : لاحول ولا قوه الا بالله رجع يفكر ياهوه وين رحت
عبدالرحمن رفع راسه : همممممم معك معك
ياسر : وين معي الا ليه ماتوديها المستشفى ..؟
عبدالرحمن : مو تعب للمـستتشفى تعب داخلي
ياسر مافهم : وشلون يعني داخلي
عبدالرحمن و يحط ايده عَلى راس : ياحلو يعني مكبوته او بمعنى اخرر كاتمه شي كبيره فيها و ماتبي تقوله
ياسر : قول كذا من الاخر تقول داخلي ما داخلي ماعليك دامها مع البندري ابد بتطلع كل اللي بقلبهااا وتشوف بكرا تضحك و منبسطه عَلى ألاخير
عبدالرحمن عقد حواجبه : وشلون يعني .. ؟
ياسر : اختي تسسسسسسحب الكلام سحب وشلون سبحان الله ما أدري يا أختي تخليك تقوول تقول و لا تتحسف بعدين أنا قلت غرريبه هَـ ألاخت
و تقريبا هذي هذا المفيد منها هي و أختي اللي اكبر منها نفس الصفهه > قصده جاردينيا
عبدالرحمن أنعجب : مشااء الله
ياسر : الا تعال متى راح تمشي لِـ الرياض ..؟
عبدالرحمن : اممممم يمكن نهاية رمضان قبلها بيومين أو 3 ايام
ياسر : اهااا إذا بَتروح قولي أبروح معك ..
عبدالرحمن : إن شاء الله

،

همّسةً مسَائِيّه : حيَن تفشلّ في شئ ! ، فـ أعلمَ أنهُ أول خطوه في نجاحِه . .


نلقاكم البارت الجاي إن شاء الله.....