الفصل الثـآلث
" محمد اعترف انكم قتلتوه"
" محمد!!!"
" اي محمد .. مسكوه واعترف وانت مو ناوي تعترف؟ "
" بس انا ماذبحتــه انا بس خبيته !!"
" قصدك قطيته ... نواف .. ترا مو من مصلحتك انك ماتعترف"
" صدقنــي انا مالمسته .. وربي مالمسته .. هو كان ميت وخالص يوم وعيت "
" مـآشي يانواف .. انت الي حديتنا نستخدم هالاسـآليب "
وبعصبيه
" ياعسكري!!!! ... خذهـ "
" وربي ماذبحته .. والله العظيم ماذبحته ..!!!"
فز من غفوتــه وهو يحس بألم فضيع .. مارسو عليه انواع التعذيب عشـآن يعترف .. هو فعلا ماقتل .. لكنه شارك ..
طـآلع باصابعه اللي تنزف من الطريقه الي اقتلعو اظافره فيها
" يالله .. انك رحيم بعبادك .. فارحمنــي برحمتك يارب"
كل شي منعوه عنه عشـآن يضغطون عليه ويعترف .. منعو الزيارات .. الاكل ماياخذه الا بالذل
كفـآهم ؟؟! ولا انت للحين ماشفت شي يـآنواف ؟؟!!
.................................................. ............
الدكتور
" مافيهـآش حاقة نزلة برد بسيطه بس"
" نزلة برد وكذا ترتفع درجة حرارتها ؟؟!!"
" ايوه يا استاز تركي اومـآل ايه اعراض البرد "
" انت الدكتور "
تنغزه " ترررررركي وبعدين :@"
" احنا اديناها المغذي ودلوئتي حتبئى احسن "
" طيب يعطيك العافيه دكتور "
" ربنا يعافيك ياسيدي"
"يلا هاتي يدك "
باحراج " تركي انا بقوم خلاص "
" عطيني !!! "
" انا اعرف اقوم لحالي "
قامت لحالها بدون ماتتسند عليه .. حسته يبالغ بالاهتمام فيها
بقلبــه زعل عليها .. حسهـآ مو معطيته اي فرصه
بالسيـآره
" تركي"
" هلا"
" بنروح البيت ؟ "
" ماتبين البيت ؟ "
" لا "
" وين تبين نروح "
" ابي اروح العزيزيه "
" اممممممم طيب بنروح بس اول شي تاكلين شي "
" اذا رجعنا الحين مافي مطاعم فاتحه "
" ماكدونالدز فاتح "
" طيب براحتك اهم شي نروح = ) "
.................................................. ..............
ماقدرت تنـآم
تبكي .. وتبكي .. وتبكي بدون نهـآيه
وهي بوسط الغطى وبحالة هذيان من كثر البكي " ليــه؟ ليـــه ؟ بس يحطون العيب فيني وانا ماسويت شي .. "
بنفس اليوم
ولبست وكشخت واستعدت للنزول عند اهلهم
وهي ع الدرج .. صارت تعد للعشره من الخوف
نزلت
" السلام عليكم "
البعض رد والبعض الاخر مارد
تجاهلت الوضع المتكهرب .. وجلست والابتسـآمه على وجهها
بعض بنات خالاتها بس شافوها قامو يتساسرون ويضحكون
خالتها الكبيره
" اقول اسمـآ"
" هلا خالتي"
" مو كنه بدري ع اللبس هذا ؟ "
" شلون مافهمت "
" يعني انتي توك من تطلقتــي ولابسه هاللبس ؟؟ .. انتي زي بناتنا ونخاف عليك من كلام الناس "
بنات خالاتها صارو يضحكون من الشمـآته
انحرجت .. وحست بطعنة بقلبها .. لكن اصرت تكمل تمثيلها
" وشفيه لبسي .. الحمد الله مالبست فوق الركبه ولا توب "
وطالعت وحده من بنات الخاله
" اي بس انتي وضعك مايسمح "
" انا بين اهلي ماني بين غرب "
ماقدرت تجادلها بهالنقطه
حتى الفرحه تحرمت عليها تحت ستار (الطلاق)
صارلها 6 شهور من انفصلت عن خطيبها .. والناس من ذاك اليوم وهم بس يسمعونها كلام
تصنعت البلاده واستمرت بقعدتها مع ان تقريبا الكل كان متجاهلها
قامت تساعد امها بالمطبخ
بعد العشـآ
راحت عند المغاسل .. ماكلت شي .. لكنها تحس انها لازم تغسل .. تحس بشي غريب ياكل يدها
" شفتيها شلون مسويه فيها انتو مو هاميني "
" اي بنت الفقر وش عندها غير التمثيل "
" ولا ساعتها الشانيل اكيد هو مشتريها لها .."
" معقوله يعني لهالدرجه ماتستحي قطها زي الكلبه وبعد تلبس اغراضه "
كانت طعنه ورا الثانيه تطعن بقلبها .. لكنها مازالت مستمره بالتمثيل
اسمـآ
" احم احم "
بارتباك " اسمـآآآآآآآ "
ماردت عليهم وقعدت تغسل .. كانت تفرك يدها بعنف .. تحس بوصخ مو طبيعي
بعد ماطلعو اهلهم
امها تمشي بالبيت وتكلم نفسها
مسكت كتف امها بتهديها
" يممه "
" وخري عني "
انصدمت
" شفيك؟ "
" شصاير بينك وبين الولد ؟؟ ليه سوا كذا ؟ اكيد انتي مسويه شي"
خنقتها العبره " اسوي شي ليه ؟؟ هو الي تركني "
" يتركك ليه ؟؟ "
" مادري .. بس الله يسعده"
بعصبيه " الله ياخذك .. الله ياخذك ويفكني منك .. سودتي وجهي تبين تذبحيني مثل ماذبحتي ابوك "
لهنـآ وخلاص .. انهارت .. ماقدرت تتكلم .. حتى ابوهـآ الي مات حملوها مسؤلية موته بسبب طلاقها
شالت نفسها وطلعت غرفتها
انهيـآر .. انكسار .. ذل
لو انها وحده ثانيه الي تطلقت ماكان احد تكلم .. لكن العين محطوطه عليها ..
مالها احد .. لا اخو لا صديق .. لا ابو
مافي اي احد تستند عليه
امها الي هي امها .. وقفت مع الناس عليها
زادت بكيها وهي تتذكر اليوم الي كان من اسوأ الايام
" ليتك هنا يايبا .. ليه رحت وخليتني ليه "
صارت تبكي وتشهق
بعد ساعه ونص ع الساعه 4:30 الفجر
تعوذت من الشيطان
قامت وصلت الفجر
فتحت اللاب توب
كان تسجيل دخول المسن عندها تلقائي
" ولكممممممممممممممممممؤ"
" هلا"
" اوه من اولها هلا هههه .. شفيك اسومه ؟"
" مافيني شي "
.................................................
كتب حرفها على الغبار الموجود ع الارض
طلع ورقة قديمه من جيبــه
ورقه عمرها سنه ونص
طالعها بتمعن .. ورجعها مكانها
" حبيتك .. لكن صديتيني .. ليه ؟ شناقصنـــي ؟
بديــتي واحد مايسوى نعالي علي .. انا لك ياسارا وانتي لي
بالحلال او بالحرام .. بالحياة او بالموت "
سند راسه ع الجدار
" وين ماتروحين .. وراك وراك "
.................................................. .........
" شوي شوي حبي لا تغصين "
غصت من طريقته بالكلام " ههههههههههههههههههههههههه "
" احسك تطالعني تقول وش هالبنت هي وطريقة اكلها ههههههههه"
" خلاص تعودت .. دقيقتين بالضبط وانتي مخلصه خخخخخخخخخ "
" الحمد الله "
" كملي "
" لا مابي ابي البحر "
" البحر قدامك "
" لا مابي بنزل "
" وشوووووو ؟!!! صاحيه انتي الساعه 4 وتبين تنزلين .. برد براا ماااااافي"
" الا في "
" تخسين والله هههههههههههههههه"
" اقول لا يكثر نازله نازله "
فتحت الباب ونزلت
" سارااا اسمعيني طيب"
" مابي بنزل "
ماعطته فرصه يكمل وسكرت الباب فما كان قدامه الا انه ينزل معاها
" ززززززززززز بررررررد"
" اركبي توك صرتي زينه "
" تروووك بس شوي مارح اطول .. ابي اسولف معاك "
" حرااااام عليك هنااااا السوالف "
" عيونها بدت تدمع من البرد
" اي هنا "
" يلا سولفي خل نروح"
لفت على الباب حقه وفتحته وجلست ع كرسيه بس الباب مفتوح وصار هو قبالها وواقف .. قعدت تفرك بيدها من البرد
" ياحبيبي ياحياااتي انتي مو زين والله مو زين "
" ترووووك شوي بس "
" طيب "
" تروووك "
" احبك "
يصارخ باستعباط " جايه هنا عشان تقولين احبك .. ادري وانا اموووت فيك يلا مشينا "
" تروك "
" لو يطلع سلمان ويذبحنــي .. ابيك تسامحه .. وخلي اهلي يسامحونه"
" نعم !!! لاااا انتي جد مريضه قومي قومي البيت "
" جد اتكلم ... انا ماتوقعت اصلا اني ارتاح سنه ونص .. مايندرى يمكن يطلع قبل مدته ومحد يدري بس ابيكم لو صار شي تحللونه "
قعد يدور بمكانه يحاول يضيع الموضوع
" احلله ليه ؟؟ "
" لانــي مابيكم تتعذبون .."
" بنتعذب لو سوآ شي وسكتناله .. كافي الي سواه .. ورب البيت .. لو ما انه حرام ولو ماان حنا ناس تفكر بعقلها .. كان مايردنا الا رقبته "
" تركي "
" لا تتكلمين .. اذا كلامك بيجي زي السم لا تتكلمين .. ومايقدر يسوي شي .. شفتيه شلون زي الدجاجه يوم مسكوه "
" انا اعرفه اكثر منك ... يسكت ووراه بلا "
" سارا"
" الله الله يخليك لا تطرين هالموضوع "
" الموضوع ماتسكر عشان ما اطريه "
" تذكر يوم قلت لك .. النهايه موت واحد فينا .."
" خلي تأثير الافلام عنك "
.................................................. .....
تبادلو الارقام .. ودقت عليه .. باللحظه هذي .. وصلت لفكرة ان محد هامها .. اهلها ماهتمو فيها عشان تهتم فيهم
" اسمـآ "
" نعم "
" اسمعيني يابنت الناس .. لا يهمك احد وربي محد نافعك .. "
" مو لازم ينفعوني بس كلامهم طعنات بقلبي "
بحنـآن " سلامة قلبك لا تقولين كذا "
" ترا محد متهني بدنيته "
باللحظه هذي دق تلفونه الثاني
" الووو .. ياهلا اي انا عبد العزيز الـ.... .... شنوووو يلا يلا انا جاي الحين "
" الو اسما اكلمك بعدين .. اخوي سلمان مادري شفيه "
" طيب طمني عليه وعليك باي "
بالمستشفى
" هبووووط بالقلب !!! "
" اي نعم .. الحين هو بخير بس يحتاج يومين يقعد فيهم عشان نتطمن عليه اكثر .. في اوراق عند العسكري الي معاه لازم تسويها عشان نسوي له دخول "
" طيب انت شاء الله "
وراح مع العسكري
ضبط كل الاوراق ورجع يشوف اخوه
دخل
حس بأخوه القديم موجود .. اخوه الي ماجننته هالبنت
قاعد بهدوء .. مو نايم لكن هادي وعيونه معلقه بالسقف
بحنـآن" ابو السلم ... خوفتنا عليك "
لف عليه وعيونه كلها دموع
" ابيها ياعزيز .. ابيها "
" لاحول ولا قوة الا بالله .. البنت انت خسرتها .. وخلاص تزوجت .. ياخوي انساها "
" ماقدر .. ماقدر "
.................................................. ............
" تدري انك اول شخص اسولف معاه كذا "
" ليه الباقين كيف تسولفين معهم ؟؟"
" استهبال .. او هواش .. او لعب .. بس اول مره اسولف بجديه وصراحه مع احد "
" واختك ؟؟ وسهى ؟؟ "
" سارا تزوجت .. وسهى ... مادري .."
ماحب يضايقها ويستفسر عن (مادري)
"سارا كيف شخصيتها ؟؟ "
" ماعرف اوصف الشخصيات .. بس هي وزوجها .. وين على ماتزوجووو قصه طووووويييييله "
" ماورانا شي هههههههههههه"
" بس توعدنــي ماتطلع لاحد "
" اقول مالت عليك خلاص لاعاد تقولين "
" لا لا بقول .. بس السالفه من 3 سنوات وهي للحين ماشيه "
" كيف ؟؟"
" ابتدت السـآلفة اول ماتعرفنا عليهم"
من 3 سنوات
ذكريـآت(1)
اقرآب لكن اغرآب
انوآر وسارا وابوهــم كـآنو بالسياره متوجهين لغدا ببيت عمهم الي اول مرهـ بيشوفونــه
سـآرا :" بـآبا بس نغلف الهدآيا ونجي "
" طيب لا تطولين انتي والزعطوطه .. يلا"
سكرت منه وهي مرعوبــه .. تبي تخلص بسرعه والهدآيا كثيره و(بيبر مون) شغله الدقيقه بسنه
" تتوقعين لما يشوفونا وش بيقولون؟ "
" اكيد بينبهرون بجمالنا هع "
" نوني اتكلم جد انا "
" مادري الله يستر .. بس اكيد بيخقون معنا ههههههه"
" شيخقون عليه ياحظي .. شيون شيون لا تحاولين تحلين نفسك وتحليني "
" انتي شينه كيفك بس انا وش زيني اهبل ههههههه"
" فاضيه انتي "
لفت ع الفلبيني الي يشتغل بالمحل
" اقول حبتين متى تخلص " < ترا صدق يسمونه حبتين هع
" ون منت مـآم "
بعد ماخلص من اخر هديــه
" is it good ? "
" وآآآآآآآآآآو"
" اوووو هبتييييييييين "
" ههههههههههههههههه الله يرجك من فلبيني "
لفت انوار تتدارك صوت ضحكتها العالي لقت واحد يطالعها بهيمـآن .. طاح وجهها من نظراته وماعرفت شتسوي
" سارا شوفي ذاك المزيون شلون يطالع "
" اقول يالبزر ماصدقتي على الله هههههه امشي بس امشي "
" يالبييييييييييه والله انه مزيون "
" دام انه مزيون روحي قوليله تراك مزيون "
سارا قالتها وتدري ان انوار بالسوالف هذي خوافه
" لا لا ياويييييلي"
" اخلصي بابا يستنى"
طلعو من بوآبة 8 وعطو السواق الاكيـآس وركبو
" شفيكم تأخرتو؟"
بصوت واحد
" زحححححححححمه"
بعدهـآ كل وحده حطت الآي بود حقها وقعدت ساكته الين ماوصلو
البيت من برآ كان واضح من شكله وبوابته المشرعه انه بيت دايم الكل يتجمع فيه
مو بسيط لكن مو فخم
فيلآ كبيره لكن ماتحس بفخامتها حيل
دخل عبد الرحمن (ابو سارا وانوار) .. ودخلو البنات وراه
سلمو على عمهم الي اول مره يشوفونــه
عم واحد .. لكن بحياتهم ماشافوه .. بس يسمعون عنــه
كان اول من استقبلهم عند الباب
دخلو البنات عند المغاسل عشان يتعدلون ويدخلون يسلمون ع الجميع
دخل ابوهم وسلم ع الكل وجلس
(نظام الجلسه كان مختلط)
دخلوا سارا وانوار
انوار كـآنت لابسه بلوزة موسكينو بيضا عليها رسمة دبدوب وجينز سكيني وشعرهـآ الاسود رافعتة كله ومخليته بف من قدام
وسارا كانت لابسه بلوزة بربري بينك مع جينز ومخلية شعرها مفتوح
الكل انصدم من الجـآذبيه الي فيهم .. محد قادر مايطالع فيهم
العم ابو عبد الله " مـآشاء الله مـآشاء الله شالزين كله .. بناتنا طلعو لبنانيات ههههههههههههه"
سارا وانوار ابتسمو بخجل
سلمو ع الكل والشباب كانو يصافحونهم
طول القعده سارا كانت منحرجه من نظرات شخص واحد
اعجـآبه فيها كان واضح من نظراته ..
وكل مالفتت عليه سوآ نفسه يطالع مكان ثاني
باللحظه هذي
كان في قلب قاعد ينبض بقوه لها .. تملكته بثوانـــي .. مايعرف عنها اي شي .. الي يعرفه .. مشيتها الي مليانه انوثه .. سلامها .. ابتسامتها .. عطرها .. كل الي يعرفــه عنها مجرد شكل .. لكنه مو قادر يرفع عيونه عنها
قاطع حبل افكار الاثنين
" يلا تفضلو "
قامو سارا وانوار للمغاسل يغسلون يدهم ..
" ياكثر عيااااااااااااالهم هههههههه"
" اي والله وفي واحد ذبحني بس يطالع"
" اي اول مره يشوفون مزين .. انتي شفتي بناتهم الهيلق "
" وشفيهم عاديات ؟؟!!"
" زين زين الحش بالبيت "
بعد الغدآ
كان بيت عمهم من البيوت الي بسرعه تاخذ عليها .. وتتاقلم فيها وتصير تتحرك فيها
بعد مـآسولفو مع الكل وانفردو شوي عن الشباب وصارت السوالف بناتيه .. حسو بألفه بالمكان .. صارو يسولفون ويضحكون ويتمصخرون
( انا ابغى حبنـآ راقي يودينا بعيد هنـآك )
رن تلفون سارا وطلعت بالحديقه بعيد عن الازعاج
كانت تسولف مع نور صديقتها
طلعت انوار وراهـآ .. وانوار طول ماهي ماشيه وهي ترقص
قعدت تغني وتستهبل وسارا تستهبل معاها وتضحك ع التلفون
انوار رايحه جايه بالحديقه ترقص بدوي < خخخخخخخخخ
وبنات عمها ياشرون لسارا من بعيد
" نور اكلمك بعدين"
راحت لبنات عمها ورجعت عند انوار الخبله وفيها الضحكه
سارا تهمس لانوار " الحين انتي يالخبله تترقصين والعالم كلها تشوفك هههههههههههههههههه"
انوار وهي تكمل رقصها وفيها شوية صدمه < للحين ماستوعبت " كذابه وين؟؟!!! "
" شوفي الزجاج العاكس ترا عيال عمامي كلهم هناك "
انوار حطت يدها من الصدمه وقعدت تطالع بالمكان الي اشرت له سارا وانحاشت
سارا ماقدرت تمسك نفسها " ههههههههههههههههههههههههه ههه"
كان طالع يضحك على انوار لكن انوار انحاشت .. ومابقى الا هالملاك الي قدامه
" ههههههههههههههههههههههه توني كنت بخرعها بس سبقتيني"
بقلبها
" ياويلي هذا الي يطالع "
" خبله هالبنت ماشفتو شي "
" ههههههههههههههههههههههههه هه"
حاولت تمسك ضحكتها لكن ماقدرت بس تذكرت انوار كيف ركضت " ههههههههههههههههههههههههه ه"
تخدرت حوآسسه .. ماعاد يقدر يسمع شي ثاني .. ضحكتها خيااااال .. وشكلها خياااااال وكل شي فيها يجنن
قعد سرحان فيها وهي تضحك ودموعها تنزل
" هههههه الا ماعرفت اسمك .. تعرف انتو كثار ومايمدينا كل واحد باسمه "
" سلمان "
" وانا سارا "
وهو يحك راسه بخجل " ادري"
" طاح وجهي ههههههه"
ابتسم له ابتسامه عذبــه
" احم احم "
انوار رجعت لنفس المكان الي انحاشت منه .. وهي متفشله لكن شافت شلون سلمان محرج سارا وماقدرت تصرفه فجت تقاطع الحديث
" سلامو عليكو"
" هلا بالخبله "
" مين انا "
" لا سارا هههههههه"
" شسوي مادريت وتعرف العرق نط وماقدرت اسيطر على نفسي .. ع العموم استر على ماواجهت "
" ليه هو بس انا الي واجهت .. امة محمد شافتك داخل "
ضربت خدها" ياوووووووووييييييلي"
ماقدر على شكلها العبيط " ههههههههههههههههههههههههه "
" دووووم الضحكه " < بقلبها ضحكت بليا سنون ان شاء الله هع
" اي سنه انوار؟ "
" اول ثانوي "
" وانتي؟ " > اشر على سارا
" ثانويه عامه "
" اها بالتوفيق "
" اجمعين "
" يلا بنروح داخل .. باي"
وهو قلبه متعلق فيها " باي"
انقضى اليوم على خير .. ارتاحو البنات لاهلهم كثيييير
بالسياره
انوار
" بابا حنا ليه اول مره نشوفهم ؟ "
" كان في خلافات بيني وبين عمك بس الحين هو مريض ولازم ننسى الي راح .. مابي يصير فيه شي وماكون شفته"
" امهمممممم "
سارا
" وماشاء الله كل هذولي عياله وعيال عمتي مها؟"
"لا في عيال عمتك هيآ الله يرحمها "
" عمة متوفيه وماندري عنها !! الله يسامحك بس "
" توفت وانتو صغار وماتذكرون بس انتو كنتو بالعزآ"
" من عيالها "
" عبد العزيز وسلمان "
انوار
" سلمان وعرفناه عبد العزيز كيف شكله "
" شفتي الاسمر الي قاعد يسولف معاي ؟ هذا هو "
" مزيووووووون " > قالتها وجاها كوع من سارا
" وانا شقايله .. هو صدق مزيون "
" فضيحه انتي هههههههههههههه"
.................................................. ......
"وكذا التقو سلمان وسارا "
" سلمان الي هو زوجها ؟ "
" لا .. "
" اجل ؟؟"
" بعدين اكمل لك .. الحين فيني النوم "
" طيب نوم العوافي .. < بحنيه " تغطي عدل "
" خالد .."
" عيونه "
" ...... تيك كير "
" يو تووو "
" باي"
............
تستمر الذكريــآت بذآكرة انوار
بنفس الوقت في شخص ثـآني كان ودهـ يشاطر الهم الي حمله من هالقصه مع اي احد
دمرت اخوهـ .. مو بإردتها .. ولا كانت تتمنى تدمره .. لكنها دمرتــه
اسمـآ
" يعني هي علقته فيها ؟؟ "
" لآ .. "
" اجل اسمحلي .. اخوك غلطان .. "
" السالفه اكبر من كذا "
" من قلت لي انها تسببت بدخوله السجن وانا عارفه انها كبيره .. عزيز .. انت شلت عني .. وانا ودي اشيل عنك
اي وقت ودك تتكلم انا موجوده "
..................................................