" همسه مني لكل قلب حزين = ) "
عندمـآ تحس بتسـآبق الدموع لتسقط من عينيك .. انظر الي السمـآء .. فقط انظر اليها .. ستجد من يستمع الي بكآئك .. مجرد الايمـآن بهذه الفكره .. يزيح شيئا من الهموم ..
اجعل مٍن مًن في السمـآء مرجعا لك .. تصـآرحه بهمومك كل ليله .. لا تدعيه فقط .. بل قل له مابقلبك ..
الفصل الخـآمس
"عزوز"
"همممم"
" شرآيك ببنـآت خالي ..؟"
" مين..؟"
" سارا وانوار"
" من هم ..؟"
" بنات خالي عبد الرحمن الي جو الغدا الاسبوع الي راح "
" ايييييي عرفتهم .. شفيهم ..؟"
" شرايك فيهم ..؟"
" كيف شرايي فيهم ..؟"
" يعني شنو انطباعك عنهم ..؟"
" عادي بنات عاديات .. ليه ..؟"
" احسهم .. فيهم .. " وقعد يأشر بيده
" كيف يعني ..؟"
" يعني رايحين فيها "
" لآآآآ ماظنيت"
" بنات الفلوس دايم رايحين فيها "
" مستواهم عادي مو مره مره بطره "
" بس سارا تعور القلب "
" الله اكبر تعور القلب !! عاديه .. "
" لا والله جميله "
" يعني فيها هاه هآآ لحسسه جمال بس مو مره في احلى منها "
" عاد انت مايعجبك العجب ههههههههه"
" والله ماعرفنالك .. حلووه ورايحه فيها !!!"
" مادري اظن "
" خل عنك هالكلام .. ولا يأثرون خوياتك على تفكيرك .."
سلمان ماعجبه الكلام وقام طلع من الغرفه
............
نرجع لحـآضرنا
اختبـآرات * اختبـآرات
نـآس مهتمه وتدرس .. ونـآس مو هامتها الدراسه .. نـآس قاعده بالبيت .. ونـآس بأشغالها و مشتاقه لأيام كان فيها شي اسمه اختبار..
تحديدآ مكتبة جرير
مو كعادتها مزحومه .. شتـآن بين بداية السنه الدراسيه .. ونهايتها ..
كانت رآيحـه .. مو عشان تبي شي .. بس كانت تبي تطلع .. زهقت من اجواء البيت .. والاكتئاب ..
خذت دفتر كبير .. لفكرة ببالها ..
وعلبة في اربع اقلام من الالوان الاساسيه (ازرق + احمر+ اسود +اخضر)
نزلت عند الكاونتر تحاسب .. دق تلفونها ..
" هلا "
" هلا اسوم .. اخبارك؟"
" زينه"
التفت على المحـآسب وخذت كيسها
" شكرا"
رجعت للتلفون
" هلا"
"هلا فيك .. انت اخبارك ؟؟ ذاكرت ؟؟"
" زين وللحين ماذاكرت مالي خلق .. وينك ..؟"
" طالعه من جرير"
ابتسم .. من كلمها اول مره تطلع ..
" طيب وبعدها ..؟"
" بس البيت وين بروح بعد ..؟"
" طيب اقترح اقتراح .."
" الي هو ..؟"
"روحي خذي الماما .. واطلعو مكان تمشو واستانسو واذا جا الليل تعشو وارجعو .."
" لا لا مابي "
" ليه ..؟"
" بس "
" مارح تستفيدين شي من الزعل .. كلام وقالته .. سولفي معاها وبيروح .." وكمل بحنان " عشاني "
تنهدت " طيب "
" يلا عشان تغيرين جو .. وترجعين البيت وتبدين مذاكره .."
" طيب "
وسكرت منه .. تطالع بالكورنيش .. "احس من زمان عنه .. يالله .. من جد شغلات كثيره تركتها .. والسبب شي بسيط !! "
ماكانت ناويه تسمع كلامه .. بس شي بداخلها خلاها تمسك تلفونها وتدق على امها
" الوو"
" هلا يممه"
" هلا اسمـآ فيك شي ..؟"
" يممممه "
" خل نطلع "
" وانتي مو طالعه الحين يعني ..؟!!"
" انا وانتي .."
" وين نهيت ..؟"
" اي مكان بس خل نطلع "
برضـآ " انتي وينك الحين ..؟"
" من جملة امها عرفت انها راضيه " عشر دقايق وانا عند الباب "
" طيب لا جيتي .. دقي علي وانا اطلع "
" طيب "
سكرت لقت في مسج جايها
" ها شصار ..؟ رضت ..؟ "
ارسلت رد
" اي وبروح اخذها"
ابتسم من الرد .. يحب نفسه اذا حس انه فادها بشي.. مايحبون بعض .. مشاعرهم غير معروفه .. وبالذات هو .. يكن لها شي من الاخوه .. والشي الثاني غامض .. اما بالنسبه لها .. فما كانت تفكر بنوع العلاقه الي بينهم .. سوالف وبس ..
ابوهـآ دايم على بالها .. بكل صغيره وكبيره تتذكره ..
كان كل شي لهـآ .. ابو واخو بنفس الوقت
مرت 6 سنوات .. وصار الوقت .. الي تترك فيه كل شي للذكرى
بنفس الوقت
كان في شخص ثـآني يفكر بإبوه
خـآيفه تخسره .. تتذكر امس بكل ثانيه فيه .. من وقت ماطاح .. الى الوقت الي تحسن فيه
" وانتي ماتعرفين تكلمين .. هاه ؟" فهد كان يهمس لها عشان محد يسمعهم
" ادق عليك وانت هايت ومقفل جوالك ..؟ "
"ارسلي مسج "
" باللهي وانا فاضيه ارسلك مسج وابوي بيموت بين ايديني .. فكنا بس فكنا "
سندت رآسها ع الجدار ..
مازالت تتذكر كل ثـآنيه ..
عاشت برعب مو طبيعي الـ24 ساعه الي راحووو .. ولا جاها النوم
غمضت لدقـآيق .. او يمكن تكون ثواني
كانت تحاول تشيله مع السواق .. لكن بدون فايده .. كان جسمه ثقيل ومايتحرك ..
جابو الاسعاف .. انهارت وهي تشوفه ينحط بالحماله ..
"توهـ اليوم مافيه شي .. شالي صار .. ..؟"
كان كل تفكيرها انه يصير زين ..
مابكت .. مقاومه رغبتها .. تبي تبين له انها قويه .. وانها بتشيله .. مابتكون حمل عليه
دخلوه المستشفى .. وسوو له الفحوصـآت ..
تسـآرع بنبضات القلب ..
يمكن شي من اسمه بسيط .. لكنه ينذر بشغلات خطيره جايه بالطريق
بعد مامدوه ببعض الادويه الي يمكن تساعده .. بدا يفتح .. مافي الا هي
تحمد له الدكتور بالسلامه وشرحله الفحوصات الثانيه الي لازم يخضع لها
كانت قاعده ع الكرسي .. وتاكل باظافرها وعينها ع الارض
"سهى "
بخوف " نعم "
" تعالي حبيبتي "
قامت من مكانها وقربت منه بسرعه
حس بانها كاتمه شي بداخلها ..
مسك يدها وابتسم لها
اكتفى بالابتسامه .. داري انه خوفها عليه ..
بعدها بشوي وصلو فهد والوالده..
فهد كان وجهه اصفر .. لو ما الله ثم انه دق على سهى وطمنته .. كان للحين على باله ابوه مات ..
مر يوم صعب ع الجميع .. لكنه مامر على سهى ..
مازالت .. خايفه .. خليط مشاعر بداخلها ..
" لو مات .. ؟ "
سؤال كان يدور ببالها ..
................................................
" هـآ وين نروح ..؟"
" اممممممممم نروح سوق الجمعه ..؟"
" مو كنه بعيد ..؟"
" ماورانا شي .. نشوف النـآس وننبسط ونرجع الخبر بعدها"
" يلآ "
.................................................. .......
ذكريـآت (3)
انوار
"بـآبا حجز شـآليهات بكرااااا مع عيـآل خوالي وعمـآمي "
"سارا"
"اخصصصص شعندهـ "
"مادري عنه .. انا مستغربه .. قبل مانعرف احد .. والحين فجأة جمعات وميانه.."
" يلا .. احسن لنا نحس ان عندنا اهل شوي "
" الا سـآرا"
كـآنت عينها ع الكتاب ورفعت رآسها
" هلا"
" امي كم صارلها مادقت ..؟"
" تقريبا اسبوعين ..ليه ..؟"
" لا بس اسأل .. طيب متى تجي ..؟"
" مدري ماقالت .. بس شكلها مو ناويه الفتره ذي .."
" طيب .. انا بروح استفسر اكثر عن طلعة بكرا هع "
بلعانه" روحي روحه بلا رده "
" ومن قال "
" ههههههههههههههههههههههههه هههه"
وهي تنزل ع الدرج
"بـآآآآآآآآبآآآآآآآ"
على كثر مـآيكره الطريقه الي تناديه فيها .. من بعد كيلو تصارخ .. لكنـه مايقدر يقولها شي ..
" نعم يـآبابا"
" بابا متى بكرا بنروح ..؟"
" الساعه 9"
" طيب كم يوم بنقعد ..؟"
" اسبوع على ما اظن .. على حسب انبسطتو .. مانبسطتو .. نقرر هناك "
" طيب شنو نآخذ "
ضحكه السؤال
" كيف شنو تاخذون ..؟"
استوعبت ان سؤالها غبي
" خلاص انسى .. بروح اجهز شنطتي .. اي اي من بيجي ..؟ "
" خوالك مو كلهم .. بس العيال ع الاكيد ..و اخوي وخواتي وعيالهم "
" طيب طيب .. لاجيت بتطلع خذني معاك بشتري كوره "
" وين اطلع الحين 10 ونص "
"مالي شغل ابي كوره "
" بكرا الصباح قبل لا نطلع تاخذينها "
" طيب سلآم "
" خبله ههههههههه"
اليوم الثـآني
تحديدا 8 ونص
سارا نازله وتتمغط
" يعني لازم طلعات الصبح هذي..؟"
انوار وهي متحمسه
" يلا يلا افطري وبسرعه "
" طيب لا يطق لك عرق من الونـآسسسسه "
" بتشوفين .. بننبسط بطريقه مو طبيعيه .."
" بنشوف "
" طيب يللللللللا اخلصصصصصي "
عصبت
"مافطر يعني "
" يممممه زين افطري فاطور "
" ههههههههههه حيوآنه وربي انتي "
" حيوانه حيوانه الزبده خلصينا هع "
وبتمـآم الساعه 9 وربع وكعـآدة اي شعب سعودي لاتزم التأخير لو خمس دقايق عن خـآطرهم خخخخ
طلعو ع المخـآزن عشان اغراض الشاليه
طبعا سارا وانوار من اللعانه الزايده كل وحده بعربـآنه هههه
وعبو السياره بأغراض مالها لزمه بس بيطلعون حرة انهم قاعدين بالبيت ومحكورين
وبعدهـآ طلعو ع الشاليهات
طول الطريق والاغـآني على اخر حد بس ليتها على مزاجهم ..!! اغاني الوالد يعني شعبي وعود وانتو مـآشين
وصلو الشـآليهات ,, وجوه عرفوهـآ من عيال عمهم الي شافوهم .. وبعض الوجوه مو عارفينها او نسوها مع الوقت
الشـآليه كان عباره عن قسمين .. قسم للعزآب فقط .. وقسم يـآخذون راحتهم فيه .. وصاله لها باب زجـآجي ع الشـآطئ يجتمعون فيها مع مطبخ مفتوح
سارا وانوار دخلو داخل على طول بدون اي سلام ماعدا عمهم
سارا بهمس " اوووف شالزحمه "
انوار" ونـآسه ونـآآآسه "
دخلو وراهم عماتهم وبناتهم
فصخو عبيهم وقعدو هم والبنـآت اما الكبار فراحو يتمشون بالشاليه .. ويشوفونه غرفه غرفه
دخلو بعض العيال الصاله المشتركه وصارت سوآلف وضحك وونـآسه للكل ماعدا انوار وسار .. للحين ماخذو عليهم حيل
جت سـآرا بتطلع بتشوف الشاليه .. شافت ابوها واقف مع واحد برآ ويسولف ومبين عليه الانبساط من هالشخص .. ماعرفته .. مشبهه عليه بس ماعرفته
مرت من عندهم وماعندها اي نيـة تتكلم
" سارا "
" هلا يبا"
" تعالي بابا .. ماعرفتيه ..؟"
طالعت فيه بتمعن .. مشبهه بس ماعرفته
" لا مين ..؟"
" هذا تركي "
" تركي ..؟ تركي ولد خالتي ..؟"
جاوبها تركي
" اي تركي .." وحط يده على رآسه بطريقه عبيطه ووطى صوته .. " الي وصختي سيارته ههههههههه"
طالعت فيه شوي ومو فاهمه قصده .. بعدين تذكرت !!!!!
............................
نرجع لحـآضر اسومه
بالعزيزيــه وتحديدا بسوق الجمعه
سوق بسيط .. لكن اجوآءه شرقـآويه بقوه .. وبما انها شرقـآويه يعني ترد الروح *_^
كانو يتمشون بالسياره .. ماحبو ينزلون .. او ماقدرو ينزلون .. من الزحمه الموجودهـ
تمشوو .. وشافو النـآس شوي .. بعدها رجعو دآخل الخبر .. وتحديدا مجمع الظهران
طول هالوقت واسمـآ وامها بس يسولفون ويضحكون .. اسمـآ بذيك الساعات رجعت لطبيعتها .. تضحك وتسولف وتعلق ع الي يمشون
دخلو كم محل .. واشترت اسمـآ الي بخاطرها
بعدها راحو ع المطاعم ..
اسما طلبت من فنليز .. وامها من بابا هبـآس وقعدو بقسم العوآيل ..
صوت تلفون اسمـآ(مسج)
"ها وينكم ..؟"
ردت عليه
" بالظهران نتعشى ونطلع "
" اها اوك هـآف فن "
اجتـآحته رغبـــه قوية بذيك اللحظه .. يبي يشوفها .. لو من بعيد .. يبي يشوف شكلها
وبدت الافكار الشيطـآنيه تلعب براسه
بما ان بيتهم قريب ع الظهران فكان مشواره مجرد 3 دقايق .. مابدل لبسه.. طلع وبس
عرف يسلك نفسه مع السكيورتي ودخلوه .. راح عند ستار بكس قسم العوايل بس وقف برآ
ارسلها مسج
" اذا خلصتو عشى روحو تقهوو بستار بكس او اي كوفي "
جـآه الرد
" .. اي انا توني اقول لامي خلنا نروح ستار .. نتقهوى ونطلع"
ارسل مسج عشان يتأكد انها بتروح ستار بكس
" خلصتو عشى ..؟"
جـآه الرد ..
" اي طلعنا من المطاعم "
شـآل عيونه من الجوال وركزها ع الناس الي جايه من المطاعم يدور شكل يشبه لشكلهم (وحده كبيره ومعاها بنت )
لقـآها !!!
دخلت قباله ..!!
قعدو بمكـآن من الاماكن .. وكشفت اسمـآ غطاها
سوآ نفسه من الي موجودين اسـآسا وراح يطلب .. جت هي من وراه بتطلب ..
" ون فرآبتشينو كراميل بليز"
قالها على امل انها تنتبه لصوته .. لكن مانتبهت .. ووقفت جنبه تقريبا بتطلب
طالع فيها وابتسم .. حست بنظرآته .. لفت عليه ببرآئه ..
طول صوته يبيها تفهم
" اكسترآ كراميل "
!!!!!!!!!!!!!
ظلت مفهيه بوجهه!!!
تحس الدم وقف بجسمها كلها ..
اما هو استغل الفرصه وقعد يتمعن بملامحها ..و يقول بقلبه " غبي الي خلآ هالجمال يفلت منه "
استوعبت الوضع الي هي فيه ولفت ع الكاونتر وطلبت ورجعت مكانها ..
طول جلستها وهي متوتره .. اما هو ظل عند الكاونتر يستنى الطلب .. رفع جواله وارسل مسج
"ورب البيت قمر "
سمعت صوت الجوال لكن مافيها حيل تشوفه .. تحس برجفه مو طبيعيه .. كل شي فيها يرجف ..
خذا طلبه وطلع بكل بساطه .. وهو طالع ومعطيها ظهره .. عيونها تعلقت فيه .. مالف عليها .. كمل طريقه وطلع .. ووجهه كله ابتسامه
توقعـآتكم ..
وتشجيعكم..
فقط
ان كنت استحق =|)