[لامارا]

الجزء الثامن

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
*بدر بن عبدالمحسن


راكان بتعب :يايبه الله يخليك تبيها تقول واو ماصدقت يطلعون اهلي بروح معكم
الجد تنهد:تستهزي!
رآكآن وقف عند العماره وتكى ع الجدار وضحك :لآ وربي بس مفروض متأقلم مع ردة فعلها اكيد بترفض بالبدايه
الجد سكت بعدين اردف :رآكان لآ تإذيها
رآكآن آبتسم : حشا لله حسيت نفسي اني ادور ع بنت !
الجد ضحك : لآلآ عارفك تكرهم
رآكآن :لآعاد مااكرهم بس ماش مااحب احتك فيهم
الجد بهمس:تعبان !
رآكآن آبتسم :محد يعرفني غيرك
الجد ابتسم :ولدي وكيف مااعرفك
راكان حط اصبعه بين حاجبه يبعد الصداع:تعبتني ياجد تصارخ علي وكأني انا اللي قتلت امها وابوها
الجد بحزن واضح ع صوته : انا السبب
رآكآن :لآتحط اللوم عليك ياجدي صحيح انت ماشاء الله ماقصرت بولدك بس ايش نقول
الجد :روح يبه ارتاح ولاتفكر بأحد
رآكآن :تآمر يلا فمان الله
دخل العماره وهو يطقطق بجواله وصل عند شقة فيصل
سمع صوت من الشقه اللي قدامهم استغرب جاء بيدخل بس الصوت كل ماله يعلى ترك كيس المطعم عند بابا الشقه وراح يدق الباب بأقوى ماعنده
عند اسماء كل مالها تبعد وهو يقرب لين ماطاحت ع السرير وطاح فوقها ضربته وتحاول تبعده لين ماقدرت وركضت للباب وهو يركض بترنح وراها فتححت الباب وأول ماشافت راكان ضمته وهو انصدم ان مصدر الصراخ من بنت عمه
شاف وراها واحد سكران انصدم صدمه قويه معقووله تجيب شباب لحد البيت راح لرجال وضربه ضرب مو صاحي
وطلعه برا وصك الباب ولف عليها وهو مو عارف امه من ابوه وبصراخ خلها تنقز :ياحقيراا تدخلين رجاال لشقتك وهو سكران بعدين تبكين , اسماء هذا خوفها انه يفكر غير وهي تبكي: لا لا والله ياراك........
عطاها كف : اسكتي لابارك الله فيك ولا فاليوم اللي عرفتك فيه ليتك ميته ولا عرفتك ليتك ميته , وطلع وهو متنرفز ومو شايف اللي قدامه
دخل الشقه ومالقى احد ضرب الكنبه برجله سمع صوت ضحك مشعل طلع شافهم توهم يجون ,راح عند فيصل مسكه من يده ودخله شقة اسماء
:شوف ياعمي الغالي شوف بنت اخوك وش مسويه جيت من برا واسمع صراخ لقيت بنت الحلال مدخله واحد سكران عندها , ناظرها فيصل بصدمه وشاف الظلم بعيون اسماء وكانها تنكر كلامه وماخلاه يكمل كلامه الا بكف منه :الا ياقليل االخاتمه تشك بشرف بنت عمك الغلط مو منك من ابوي اللي اعطى المسؤوليه لواحد مثلك اطلع برا ياكلب برا
راكان وكأن احد كب مويا بارده عليه انا فيصل يضربني وقدام مين قدام الحقيرا اخخخ طلع وصك الباب
فيصل لف ع اسماء وجلس بالارض عندها: تكفيين يابنت اخووي قولي كلامه كذب ,
اسماء تهز راسها : مصدق يافيصل مصدق والله الكلب دخل وراي وحاول حاول وماقدرت تكمل كلامها من البكى ضمها فيصل :والله كنت عارف تربية اخوي ماتروح هباء منثور خلاص حبيبتي اضمن لي واضمن لك وعشان اريح راكان انا بسكن عندك لين ربي يفرجها وقال بستهبال ولا ماتبيني , اسماء قالت بحده:العين اوسع لك من البيت وقامت للغرفه وهي تحمل باقي كبريائها اللي حطمه راكان بأقل من يوم
.................................................. .............................
عند رآكاان
دخل الغرفه وهو مصدوم مو متصور ان فيصل يضربه يضرب الصقر اللي امه وابوه وجده ماتجرؤ يضربونه
شوي يسمع فتحت باب غرفة القويه ,ناظره فيصل بحده :هذا وانت مالك الا يوم تجرح وتهين كرامة بنت عمك يا الصقر
راكان ناظره بستحقار:لا تبيني اشوف المهزله هذي واصفق لهاا ,
فيصل وده يذبحه :بس البنت قالت لي واذا مو مصدق الحقني , طلع برا الشقه ولحقه راكان ع شان يرد له الضربه بس مو بالضرب بأنه يكشف حقيقة بنت اخوه
رآح فيصل لدور الاول وراح لغرفة صغيره ودق الباب
فتح له واحد اجنبي ,فيصل:جاك اريد طلبا منك , جاك ابتسم له:تفضل
فيصل:علمت انه يوجد كاميرات هنا واريد مشاهدتها , جاك بخوف:وو لماذا وناظر راكان اللي يطالعه بحده
فيصل: ارجووك جاك اريد التأكد ,جاك بأستسلام:تفضلوا , دخلو وراح جاك يعرض فلم اليوم هذا
ناظر فيصل يوم راكان يصدم اسماء ووو.. ووصلوا عند اسماء يوم تركض الى ماتسكر باب الشقه
لف فيصل ع راكان وعطاه نظره خلته يتمنى انه ماجاء لندن ولف ع جاك:شكرا جاك وطلعوا
رآكان انصدم انه شك بشرفه وحطمها وعرف ان فيصل زعلان منه , مسك فيصل من يده
:فيصل خلاص يعني ايش بتقول اذا انت مكاني هاه ,
فيصل: عارف عارف راح اشك بس اسمع تبرير البنت يا اخي انت كسرتها ,راكان:طيب خلاص ايش اسوي لك وترضى ,
فيصل بصدمه ان الصقر يتأسف منه :تروح تتأسف منها ولا ماتكلمني ابد وطلع لشقته , راكان مصدوم انا اتأسف منها مستحيل بس انا غلطت منها افففف كيف كيف والله مو متعود
عمره ماكلمني ولا انزل نفسي لها حس بأحد ينزل رفع راسه لقاها نازله وخشمها محمر وعيونها ومعطيعها جاذبيه
مرت من جمبها ولا كأنهها شافته وهي تقول بنفسها انتي قويه يا اسماء راحت لصيدلية وهو لحقها من غير ماتشوفه
اسماء: Please I want panadol ,الصيدلانية بأبتسامه:Do you feel a headache , اسماء بألم :yes a painful , عطتها الصيدلانيه وكل هذا تحت نظر راكان ,طلعت وحست بأحد يناديها لفت لقته راكان
ناظرته تنهدت بتعب :باقي اهانه نسيتها ! ,
راكان رحمها:ااا اسماء اننا ,
اسماء ميلت فمها: انت انسان حقير
راكان ناظرها بصدمه:خير , اسماء وترفع راسها بخنقه ع شان دموعها ماتنزل بعدين نزلت راسها وبقسوة انثى:ترى ربي ماينسى احد وعن نفسي انا ماراح انساك بكل صلاتي وراحت هو انصدم ايش تقصد هذي ركض وراها ومسك يدها
اسماء ناظرته بأسى يعرف ان ماعندي احد يعرف اني بنت وهو اقوى مني ناظرته وعقدة حواجبها
راكان فك يدها وهو يبلع ريقه يبي كلمة "آسف"تطلع من فمه بس مو قادر ماهو متعود
اسماء ناظرته بستحقار ومشت
وقفها صوته :احم اسف
اسماء وهي تناظره بستهزاء وراحت لشقتها
راكان ضرب يده ع الدرج وطلع برا



.................................................. .......................
مر اسبوع وكم يوم
ام خالد متشفقه ع جيت حفيتدها بعد ماعلمهم راكان , ابو خالد خايف من ردة فعلها
وهيفاء متحمسه بيكون بنت ثانيه معاها , وندى تجيها رسايل بجوالها ولا تعرف المصدر
والجوري واهلها نفس الحاله يجي ريان وهو سكران ويطرده وليد , وفيصل تعلق بأسماء كثير واسماء حبته كأنه اخوها مو عمها مشعل متحمس من ردة فعل اسماء لما ترجع ل الرياض , وراكان متعبته عيونها كل ماتناظره يحس بالاهانه له
.................................................. .................................................. .....
لندن #
اسماء بالغرفه تذاكر وفتح فيصل بدفاشه كل عادة :اسوم تعالي مسوي قهوه عربيه تعالي ذوقيها
اسماء تبتسم ع اهباله: يا اخي انت ماتحس ترى الاختبارات بعد كم يوم
فيصل: خلينا نفلها واذا شرفت الاختبارات نكرف المهم استناك , اسماء طلعت برا :فصوول ترى اول مرا اذوق قهوتكم يا ويلك تكون شينه ,
فيصل بضحك: قهوتنا هههههههههههه ماكأنك مننا , وقفت اسماء يوم شافت مشعل وراكان
عطت راكان نظره محترمه وراحت اجلست جمب فيصل ولا تكلمت ,
فيصل وهو يعطيها فنجان قهوه : خوذي عطينا رايك , راكان بس يناظرها يبي يفسر النظره , ذاقتها ولفت ع فيصل: والله ماتلعب القهوه جنان , فيصل وهو يكتم ضحكته: مو انا مسويها , اسماء لفت ع مشعل: والله تعرف تضبط القهوه , راكان :انا اللي عاملها واكيد بتطلع جنان لانها من يدي , اسماء ناظرته بحده ولفت ع فيصل :وعععععع مره مرآ وقامت عن اذنكمم بذاكر
لما دخلت الغرفه انفجروا فيصل ومشعل ضحكك , راكان انقهر من تصرفها بس هين كلها كم يووم واعلمها الادب
وقام طلع برا الشقه , يحس انه مو راكان مو الصقر اللي تعود الكل ع هيبته يحس انه مايقدر يرد عليها وخاصه لما تحط عينها بعينه.
.................................................. .......
فبيت ابو احمد *بجناح احمد*
جاسم وجاسر ينططون ويصارخون
احمد معصب : اووووف ذولي ما يخلون الواحد لا ينام زين ولايرتاح مع زوجته
شكلي بحلف ما تولدين مرا ثانيه
منى : هههههههههههههههه وش فيك حبيبي عادي
احمد: وش عاديه طلعييهم لا انفجر فيهم ولا اقولك شي البسي عبااتك بسرعه بسرعه
منى ماسكه ضحكتها : ليش وشو ياحبيبي
احمد : بتقومين ولا اشيلك غصب =\!!
منى : لالالالالاا خلاص بقوم
قامت البست عبايتها وطلعت مالقت لا احمد ولا التوأم
نزلت تحت لقت احمد يتكلم مع دلال
احمد : دلال يا حبيبتي خلي هالبزرين المزعجين عندك انا ومنى بنام ليله برا يالله مع السلامه
دلال : تعاال تعال يا الاخو وين رايح
احمد : حبيبتي دلال طلبتك طلب وتردينه
دلال : افا انا ارد حمودي حبيبي
احمد : ههههههه كفو والله التفت لقى منى سحبها ومشاها للسياره وراح للـ four seasons ينامون كم ليله رومانسيه بعيد عن اولادهم "(
.................................................. .................
لندن #
لبست جاكيتها وهي تاخذ شنطتها
فيصل :يلآ
اسماء هزت رأسها وطلعوا
فيصل مسك يدها وهو ينزل الدرج
لما جاء بيخرج وقف وهو يشوف راكان يدخل
فيصل ابتسم : اهلا وينك الصباح كنت ادورك
راكان عطى اسماء نظره بعدين ناظر فيصل وابتسم : رحت اتعرف ع بنت
فيصل ضحك لانه عارف انه يستهزء : لآلآ عارف ماتسويها
راكان وهو يدخل يده بجيوبه : دآمك عارف ليه تسأل الا وين بتروحون انت واسماء
اسماء شتت نظرها بعيد عنه لانها تخاف ترتكب جريمه فيه
فيصل :حبيت اتعشى مع اسماء
راكان:ومشعل !
فيصل ضحك :الدافور يذاكر
راكان ضحك بسخريه :طلعه عائليه
فيصل :دامها عائليه تعال
راكان ابتسم بخبث : ماعندي مانع لف ع اسماء بس ماندري اسماء توافق ولا لا
اسماء ضغطت ع يد فيصل ولفت عليه وبكره واضح من صوتها : مايهمني تكون متواجد او لا
راكان :اوك دامه مايهمك بروح
..................................................
سلمان :رعد ياخي مالك دخل جيب الرقم وبس
رعد ضحك :اوك اقدر اجيب رقمها ورقم اهلها بس ليش
سلمان تنهد وهو يجلس ع الكرسي :ابيه ياخي لاتصير ضدي
رعد:خلاص طيب اشوف
سلمان لف عليه :هذا اللي بيقتلني وش تشوف !
رعد ضحك بقوه :خلاص ياشيخ قلت لايهمك
سلمان غمض عيونه وهو يتنهد
رعد يناظره وهو يفكر معقوله بنت غيرتك معقوله نستك عبير!! همس:وعبير
سلمان فتح عيونه بإنزعاج ولف عليه : تحب تكدرني !
رعد ابتسم بحب لصاحب عمره : ليه تسيء الظن فيني
سلمان ايتسم بتعب :وليه تجيب سالفة عبير
رعد : بس كنت بتأكد انت نسيتها
سلمان غمض عيونه بقوه وفتحها : رعد البنت تزوجت
رعد ضحك : ياخي بشوف ذي اللي نستك عبير واهلها
سلمان ابتسم : تشوف الباب هذاك ابيك تطلع منه وبكرا تدخل منه ومعك الرقم
رعد حط رجله فوق المكتب وناظره وهو يبتسم
سلمان ضحك :الله يرفع عنك ولا يبلانا
................................................
لندن #
في المطعم ..
اسماء سرحانه
فيصل ناظرها :ماتبينا نحكي
اسماء عقدت حواجبها : على!
رآكآن :آهلك
اسماء ابتسمت وهي تشرب العصير وبسخريه لاذعه :أي اهل !
فيصل سكت وهو يشوف سخريتها
راكان ابتسم : انتي اختاري تبين نحكي بأي اهل
اسماء ضحتك :لآن ماعندي اهل انا اسألكم
راكان ناظر فيصل الساكت واردف ببرود : جدك عمك عمتك !
اسماء ناظرت عيونه وهي تعقد حواجبها : جدي ! ياالله
راكان تنهد :لاتستهزين احنا نتكلم جد
اسماء ضحكت :انا استهزي !
راكان ناظرها وهو ساكت
اسماء وشفتها ترتجف تعلن عن بكاء قادم :بكل برود تقول جدك عمك عمتك ! ماتحس بحرقه وانت تنطقهم صح ! اصلا انت تحس انتو كلكم عايله معدومه من الاحساس
راكان ببرود مستفز :ابوك من هالعايله
اسماء ناظرته : بس الحمدلله تحرر منكم
راكان :ماعلينا المهم ان..
فيصل قاطعه :خلاص راكان اسماء ماتبي تحكي
اسماء ابتسمت لفيصل
فيصل وقف : بغسل يدي ولف ع اسماء تبين تجين
اسماء هزت رأيها بلا
راكان تابع فيصل بنظراته ولف ع اسماء شافها تلعب بصحنها بالشوكه
وهمس : كبرياء مزيف
اسماء رفعت رأسها وناظرته بصمت
راكان ابتسم : ماحنيتي ! تقولين جده او جدي
اسماء ودمعتها تنزل :انت ماتفهم ! قالك فيصل ماابي احكي بالموضوع هذا
راكان :الى متى !
اسماء تمسح دموعها :وانت ايش دخلك خلاص ماقصرت لقيتني روح ارجع لاهلك تراك تكتمني لو تدري !
راكان ابتسم ع جمب : احب اكتم الناس انا
اسماء : لانك عديم احساس
راكان ضحك :تارك الاحساس لك يابنت عمي
اسماء لفت وجهها بعيد عنه يسخر منها ومن احساسها
من ايش مصنوع هذا الانسان يسخر من انها مو متقبله فكرت الاهل اللي فجأه طلعوا ؟!
ليه مايحس ولا لانه عايش بنعيم اهله !
فيصل جاء وناظر اسماء وشاف دموعها لف ع راكان
راكان رفع كتفه وهو يبتسم
.................................................. ......

مرت ايام الاختبارات حلوه وخفيفه ع اسماء ومشعل وثقيله ع فيصل
اسماء وهي طالعه من الغرفه ركضت وضمة فيصل , فيصل استغرب:ايش فيك ,اسماء:خايفه خايفه
فيصل: من ايش ,
اسماء تعرف ان الاختبارات خلصت وبكرا حفل التخرج انا مرا خايفه
فيصل : ع بالي عندك شي وبعدين امي تبي تشوفك كل شوي تدق تبي تكلمك وانتي رافضه
اسماء: انا ارتحت لامك ولهيفاء كثيييييير ,
فيصل:راح يعجبونك كلهمم ")

.................................................. .

في يوم التخرج ،
آسمآء متوتره بقوه لبست لبس التخرج
وسوت لهآ كحل فرنسي وحطت روج نآعم وفكت شعرها وطلعت مرآ جذآبه
، آمآ فيصل فهو طآلع جنتل مان وكمآن مشعل ، رآكآن متحمس وهو بنفسه مآيعرف ليش ،
آسمآء طلعت برآ غرفتها ودآرت ع نفسها : فيصل شرآيك ببنت اخوك ،
فيصل وهو يصفق لها : بسم الله عليك حبيبتي يلآ نطلع ، آسمآء ؛يلا ،
رآحوا لقآعهَ مخصصه بالجآمعه لحفلات التخرج ، الطلاب جآلسين بغرفه والحضور قدآم وكآنوا كثير بشكل وكآن من ضمنهم رآكآن ، وبدوا ينآدون بأسمآء الطلاب وخلوا المتفوقين اخر شيء ، المتفوقين من الشباب ، عبداللطيف مشعل ال ..... ، مشعل جراح ال.... وفيصل يضآرخ لصاحبه ، المتفوقات من البنآت ، سماح عبد القادر آل .... ، أسماء عبدالله ال ..... والشباب يضارخوون رقت أسماء وهي تحس بخوف لفت ع الحضور وطآحت عينهآ ع رآكآن لآنه جآلس بالطرف آبتسم لهآ وغمز وهو يصفق آمآ فيصل فهو حآله ثانيه يصفر
، رآحت لهم وهي متوتره من غمزته ،
فيصل ضمها : ياقلبي بنت آخوي متفوقه يامصمم آنت وهو يغمز لهآ وعطآهآ هديه ، أسماء جت ببالها آمهآ آه يأماما لو آنتي فيه وقطع عليها مشعل : ألف ألف مبروك وعطآهآ هديتهآ ، أسماء انحرجت لأنها ماجابت هدايا لفيصل ومشعل ، رآكآن تقدم لها : ألف ألف مبروك يَ بنت عمي ، شد ع كلمة بنت عمي بقوه وآعطآهآ هديه ، فيصل باستهبال: لا والله وآحنآ يَ راكان ، راكان وهو يضحك : مآنسيتكمم وجعع مفجووع هدايا انت يَلا بمنآسبة التخرج عآزمكم ع مطعم آنمآ آيه
..........................................
في مكان يملئه الرقص وبنات باعو شرفهم لاجل مال او قلة الدين او ضحايا للذئاب
وشباب باعو دينهم لاجل الاستمتاع بالدنيا ونسو انه يوجد يوم للحساب ونسو ان الله لا يغادر صغيره ولا كبيره الا احصاها وكتبها
بنت تتمائل بجانب ناصر لاجل ماله
اما ناصر كان يبتسم لها وهو مو جمبها يفكر بالبنت اللي حاول يغتصبها ومين هذا الرجل اللي ضربه ووانقذها
جا تركي وهو يتكلم بلسان ثقيل من الخمر والمخدر : هلا بابو الشباب هلا والله
ناصر : مو لمه
تركي ضربه بكتفه : هييييه وينك انت اللي ماخذ بالك يتهنى فيه
ناصر : التفت اااااههه يا تركي جميله جميله جميله والقهر مني قادر اجيب راسها زي الباقي
تركي : لالالالالاا شكلها قالبه راسك غريبه ناصر ال...... مو قادر ع بنت امم ووش جنسية الحبيبه
ناصر مسكر اسنانه :سعوديه بس قسم غطت ع كل بنات بريطانيا اهه يا القهر اهه تصدق دخلت عليها الشقه وخلاص شوي واغتصبها بس جا واحد ولد ك..... ووخرها من يدي وتعرف انا ما اقدر ع ذي الاشياء ونحشت
تركي : احمد ربك انحشت ما تدري قريبها اوزوجها
ناصر : لالالا انا كنت مراقبها ما في اهلها امها مااتت وماعندها اهل
تركي : هاهاها دام كذا (وبدا تبان عليه الاثار وشوي وينام ) ي م ديك تج ي ب راس ها
وداخ
ناصر : عصب واخذ مفاتيحه وطلع لفيصل ممكن يساعده
راح لشقة فيصل القديمه وسأل عنه يقولون طلع من زمان
ناصر : وهذا وقتك يا فصيل اتصل عليه
فيصل : هلا والله هلا بالقاطع
ناصر : الحق علي يا فيصل وينك جيت شقتك ما لقيتك
فيصل : اي انا نقلت من الشقه تخيل طلعت لي بنت اخو =| فجاه تعال واخبرك الباقي
ناصر : اوك وانا بقولك اشياء بعد بس انت وين نقلت
فيصل : اي حيااك تعال وعطاه الوصف
راح ناصر لشقت فيصل الجديده وعلى الوصف انفجع يوم شاف نفس مبنى شقة اسماء صعد للدور الثاني وراح لشقة فيصل استغرب وانفجع يوم شاف نفس شقة البنت قال بنفسه يمكن طلعت منها
دق الباب ناصر فتحتله بنت واننصدم يوم شافها نفسها =| معقوله فيصل ييسوييهاا
خليني افهم السالفه قبل لا اتسرع بس عشان ما تشك
ناصر : اااا السلام اختي هذي شقت فيصل ال ......!!
اسماء ماناظرته ولا ركزت فيه : ايوا حياك فيصل دخل الحم
ما كملت كلمتها الا جاي فيصل يركض وحضن ناصر
هلاا هلا بالقااطع
ناصر منصصدم للحين : هلا فيك
فيصل: تفضل اجلس ناصر
ناصر : الا فيصل وين مشعل
فيصل : مشعل مع راكان ولد اخوي
ناصر: اها جاي يحضر حفل تخرجك
فيصل : لا والله جاي يدور بنت اخوي عبدالله ........... وقاله سالفة اسماء كلها بس بدون لا يقول عن سالفة راكان معها وكيف نام عندها
ناصر بدا يشك ان اللي حاول يغتصبها ولد اخت فيصل : سبحان الله احم فيصل يعني ما جتها تحرش احد ما خافت ع نفسها تعيش لحالها بعد وفات امها
فيصل : هي اول ما توفت امها سكنا انا ومشعلل هنا وما جاها اي شي الحمدلله بس مرا راكان وهو داخل سمع صراخ من شقتها
وراح يركض لها وشاف واحد يحاول يتقرب
بس بعده اهههه لو انه يطييح بيدي اهههه قسم لا قطعه تقطيع ولد الكلب.
ناصر انفففجع وانصدم وخاف اذا جا راكان يعرفه : اااا ولد الكلب ناس ما تخاف ربها يعني الواحد ما يبيها
فيصل بقلبه يعني يا ناصر انت ما تسوي مع بنات الله يهديك بس : اي والله انك صادق ما كمل كلامه دق راكان عليه : الووو
فيصل : هلا راكان جيتو ؟
راكان : لا وش نوع التشوكلت اللي تبيه
فيصل : مشعل وين يعرف شكله
راكان : ياليل يا بثرك الحين اتصل عليه مدري وين اختفى الولد يالله اجيبه ونرجع
فيصل : اي تعال لشقة اسماء جاي ناصر الي اعرفك اوريك اياه
راكان : اوك مع السلامه
عند ناصر يفكر كيف كان حقييير يوم حاول يتقرب لبنت اخو صديقه
فيصل : هيييه يا ابوالشباب وين رحت
ناصر ضايق صدره : ها والله فيني النوم ودي اروح
فيصل: لالا الحين راكان ع وصول بعرفك عليه
جلسو يسولفون الين ما جا راكان ومشعل وسلمو ع ناصر
راكان جالس يخز ناصر ياربي وين شايفه ذا
وناصر توتر من نظرات راكان
مشعل : هههههههه راكان بشويش ع اول وش هالخز
راكان : لا بس مشببه عليه مرا احس اني شايفه من قبل
ناصر خاااف : ههاهها ههه لا ما اتوقع يالله انا استأذن
الشباب : اذنك معك وطلع بعد ماسلم
.............................................
بجهه اخرى ..
جالسه بغرفتها وتبكي ياربي مافيني اتحمل اكثر من كذا اللي حاول يأخذ اغلى مااملك يصير صاحب عمي اه ياماما وينك محتاجه حضنك يآربي لاتزود همي ياربي
اخذت صورة امها وهي تهمس لها وكأنها تسمعها :ألم الفراق لم يرحل عني يا أمي.. كم كنا نتمنى أن نكبر وتمر السنوات يا ليتها وقفت ولم نكبر ولم تخطفك مني لكن سنة الله جارية هي الأيام فيها السعادة والجراح. الآن أدركت سر حزنك وشعورك بأنك ستغادرينني باكراً..

#انتهى


همسه : عظيم الاجر في اغتنام العشر الاواخر من رمضان وقد كان النبي صلى الله عليه وسلم يتهجَّد في ليالي رمضان، ويقرأ قراءة مرتَّلةً، لا يمر بآية فيها رحمة إلا سأل، ولا بآية فيها عذاب إلا تعوَّذ، فجمع بين الصلاة والقراءة والدعاء والتفكُّر، وهذا أفضل الأعمال وأكملها في ليالي العشر ~