البــارت الثــاني
ريــم : فواز انا تعبانه حيل
فواز : اللي شفتيه مو شوي
ريــم : فواز خلنا نبدي من يديد بس اوعدني انه تيي تسألني اذا صار اي شي خل يكون بينا تفاهم
فواز : من عيوني .. والحين ممكن تبتسمين وتخلينا نروح نتغدا ترا ميت من اليوع
ريــم :ههههه انشالله
فواز لف
ريم : فواز
فواز : هلا
ريم: امممم ممكن اعرف ليش انت شاك فيني هذا وانا بنت عمك وبنت خالتك
فواز : ريم انا طول عمري كنت اشوفج انسانه ماكو مثلها بأخلاقج بس بعد ما خطبتج شفت الصور وما قدرت غير اني اكمل هالخطبه انا ريال وما ارد بكلمتي
ريم : فواز انا ابي اشوف هالصور اللي تتحجى عنها انا عارفه عمري ولا عمري رخصت بنفسي وانا متأكده انه اكو ان بالسالفه
فواز : اذا ردينا اوريج ياهم
ريم : اوكي
فواز : يلا وصلنا
ريم : اوكي وعدلت شيلتها ونزلت
فواز : بعد ما صك الباب راح يمها ومسك ايدها
ريم استحت ونزلت راسها
فواز : ههههههههههههههه هذا وانا ماسك ايدج مستحيه شبصير فيج لو صار الاعظم
ريم ويها قلب الوان
فواز بقلبه " خجلها طبيعي مستحيل تكون اهي اللي بالصور ريم غير
ريم : فواز وين رحت
فواز : كاني شفيج
ريم : كلم الريال عشان الطاوله
فواز : همم ايي
فواز : hello table for 2 person
القرسون : smoking area ?
فواز: no an smoking pleas
القرسون : from here
فواز : ok يلا ريم
ريم واهي متشققه : يلا
--------------------------------------
بالبــيت
فهد واهو شايل في : ها اقطج
في : فهووووود نزلني
احمد من الصوب الثاني شايل ليان : كاااااااااااك اشكالكم تحفه
ليان : احمدو نزلني لا اعضك
احمد : تحلمين
ريان : انزين فجوني يالملاقه
فهد: ههههههههههههههه انتي بصوب
احمد : تصدق فهود عجبني شكلها واهي مربوطه بالكرسي
فهد : تصدق احنا عصابه
في : احنا طول عمرنا عصابه خمستنا ليش قلبتو علينا
احمد: عشان تتأدبون وما تضحكون علينا مره ثانيه
ليان : احمدو نزلني والله ببجي احس نفسي بوضعيه انتحار
كان ماسكها من ريلها وبيقطها بالحوض وفهد نفس الشي
فهد : هههههههههههههه احمدو بعدلك لي الـ 3 تقط ليون وتروح تفج الحبل وتشيل ريون اوكي ؟
احمد : ههههههههه اوكي
فهد : 1 2
ليان : يمــــــــــه
احمد : 3 ويقطها
فهد واحمد : ههههههههههههههههههههههههه هههههه
ليان : برد برد
فهد : روز ييبلي 3 فوط حقهم
احمد واهو شايل ريان بنفس الحركه : ها فهود مع بعض ؟
فهد : لا انا قبل خل ريان تتمتع بمنظر الحياه بالمقلوب
في : مردوده حركاتكم
فهد : الحين معاقبينج وتهددين
احمد : عيب عليج اذا جذي وبتبجون خوفج المره اليايه نييبلج كائن غريب تموتين
ريان وليان : اسمله عليها
في : اسمله علي
فهد : تشهدي على عمرج 1
احمد : 2
فهد : 3 وقطها
احمد وفهد مكملينها ضحك : ههههههههههههههههههههههههه ههههه
فهد : بطني بس والله خلاص
احمد: يلا ريون دورج
ريان : قطني وخلص شيلتك لي جذي اكبر خوف
احمد بلعانه : عيل بخليج بعد شوي
فهد : هههههههههههههههه تعجبني بو شهاب
احمد : فهود اطربنا شوي
فهد : تامر امر اي اغنيه بخاطرك
ريان: مو وقت اغاني
فهد :لا وقته يلا احمدو شو تحب غنيلك
احمد : هههههههههههه شفيك قلبت لبناني
فهد : العرج يحن
احمد: تقص على عمرك انه فيك عرج
فهد: اييي تدري اقص على عمري انه لنا معارف حلوين
احمد :هههههههههههههههههههههههه� �ه يلا عد لي خل اقطها
فهد : وخرو انتو الثنتين 1 2
احمد : 3 ويقطها
وكملو ضحك
فهد : ههههههههههههههههههههههه خلكم شوي على ما تييب لكم الفوط
البنات وخرو وراحو بالزاويه
وطراااااااااااخ
احمد : اوريج يالكبيره
فجر: عشان تتعلمون تسون جذي حق خواتكم
فهد : موعيب تدزين اخوج الكبير و ولد عمج
فجر : وموعيب عليكم مطلعين عضلاتكم عليهم
البنات يصفقون :لا يوقف لا يوقف
في : عاشت اختي
ليان تدزلها بوسه بالهوا
ريان : فديتج وربي
فجر: ههههههههههههههه يلا دام يابت الفوط طلعو على ما تييب فوط حق الشباب ومشت عنهم
احمد : مستانسين ها ويروح عندهم بيغرقهم بس طلعو قبل لا ايي
البنات واهم داشين
في : بنات لازم نردلهم الحركه
ليان وريان : اكــييد
------------------------------
فواز لف ويها عليها : عفوا ؟
: شفيك فواز نسيتني
فواز: اعرفج ؟
: شكلها الحلوه اللي يمك نستك فرح
فواز:اي فرح
فرح : انا اللي ماترد علي من اسبوع وطلعت فونها ودقت وهذا رقمك وشوف حتى رقمي مسيف بفونك
ريم ضحكت باستهزاء : هههههههه طلعت تشك فيني لأنه هذا نوعك حسبالك كل البنات مثل اللي تكلمهم .. كل من يرى الناس بعين طبعه وخذت جنطتها ومشت
فواز : ريم نطري نطري وراح وراها
ريم بالمواقف : الو
فواز خذا الفون وسده : شفيج
ريم : شنو شفيني انت اللي شفيك تشك فيني ومخرب علي يوم ملجتي واخرتها السبب انك حسبالك كل الناس مثلك
فواز: شوفي لعلمج انا لو اكلم ترا انا ريال وشايل عيبي واللي اكلمهم مجرد مكالمات وهذي تعرفني من صورتي مو انتي بنيه وطالعه مع نص شباب الكويت ودازه صورج بدون حجاب
ريم بدون اي تفكير عطته كف : شوف عاد لي هني وخلاص انا مو بنت شوارع انا متربيه واشرف منك يالحقير وترا مو كل الناس مثلك
فواز : ايا اللي ماتستحين انا تمدين ايدج علي بس تصدقين انتي ماعليج كلافه لانج مو محترمه
ريم : امد ايدي وامد وامد لين تتعلم شلون تكلمني انا انسانه ولي مشاعر و لو سمحت خلنا
فواز : ههههههههههه تبينا ننفصل عشان تكملين وناستج مع ربعج
ريم : كل من يرى الناس بعين طبعه وخذت تلفونها ودقت على عبدالله
ريم : الو قوه عبدالله ماعليك امر مرني
فواز خذا تلفونها: لا عبدالله ماله داعي كا احنا رادين مع السلامه وسده وراح ركب سيارته وفونها معاه
ريم مالها الا انه تروح معاه وبعد ما ركبت
فواز : ري
ريم : اشششش خلاص ودني البيت بدون اي كلام
فواز : انشالله
----------------------------------
بوعبدالله : احمد فهد انا جم مره قايل تأدبو رياييل بطول وعرض وهذي حركاتكم .. شخليتو حق اليهال
احمد وفهد واقفين بدون ولا كلمه
بوعبدالله :اشوف صوتكم يطلع على خواتكم بس
فهد :عمي نلعب معاهم نونسهم
بوعبدالله : جب بس جب عذر اقبح من ذنب هذا لعب ؟ قاطينهم بالحوض
احمد : يبه ترا فجور ما قصرت فينا ولا تكبر الموضوع ترا السالفه كلها موضوع لعب
بوعبدالله : الله يهديكم بس ومشى عنهم
فهد : ماتسوى علينا
احمد : ايي من صجك على كل شي نحصل محاظره
فهد : اقول امش بس خل اباريك سوني
احمد : كل مره تبي تباريني وافوز عليك تحب تتمصخر حظرتك
فهد : اقول بلا ضراط وامش
-------------------------
فواز : ريم خلينا نتفاهم
ريم : اششش بس بس نتفاهم على شنو ؟
فواز : كل واحد منا غلط
ريم: ههههههههههههه انا ما غلطت وانا عارفه عمري اما انت سويت وسويت
فواز سكت ماعنده شي يقوله
----------------------------------
عبدالله : بس يبه انا
بوعبدالله : عبدالله ماكو احد غيرك احمد وفهد ما يعتمد عليهم و فواز توه متزوج مو حلوه اسفره برا
عبدالله " ما باليد حيله : انشالله يبه متى تبيني اسافر
بوعبدالله : نهايه هالاسبوع
عبدالله : انشالله
عبدالله " مومرتاح بهالسفره الله كريم
------------------------------------------------
ريم بعد ما صكت الباب : لو سمحت لا تبين حق احد عن اللي صاير بينا ومشت عنه
فواز" ختولي ليش اهتم واهي جذي