البنيه اللي كان قاعد يخزها فواز : هذي مرته
اللي معاها : حلوه .. شهد تغارين ؟
شهد : لا يا ساره الله يوفقهم انا ما قمت اغار اهم يحبون بعض ليش افرقهم واصلا انا اليوم قبل لا امرج رحتله وقلتله انه الصور تركيب
ساره : زين ماسويتي مالج نصيب فيه
شهد : شكلها شافته يخزني انا لازم احاجيها
ساره : روحي كلميها لا تخلينهم يتهاوشون
شهد : ريم ريم
ريم بعصبيه : خير شتبين كاهو اخذيه اذا تبينه ويت بتروح
بس شهد مسكتها
ريم : وخري ايدج
شهد : سمعيني
ريم : نعم
شهد : سامحيني على كل شي انا غلطانه بحقج انا اللي ركبت الصور وطرشتها حق فواز
ريم بصدمه : انتي شنو ماتستحين واشكرا يايه تقولينها بويهي
شهد : سامحيني الغيره كانت عاميتني لأني احبه بس هالحب انشال من قلبي الحين وترا فواز يحبج
ريم : تقصين علي ؟ فواز عمره ماحب احد
شهد : لو ما يحبج جان ماتضايق لما شاف الصور جان ما طار من الوناسه لما عرف ببرائتج
ريم سكتت
شهد : فواز ريال كل بنيه تتمناه لا تضيعينه منج انتي تستاهلين كل خير والله يوفقكم مع السلامه وسحبت اللي معاها وطلعو
فواز : شقالت لج
ريم وعينها بعينه : فواز
فواز : عيونه
ريم:ليش كل هذي المشاكل ليش مو واثق فيني
فواز: خلينا نطلع من اهني الكل قاعد يشوفنا
ريم : شوف كل مره تغير الموضوع
فواز: كل اللي تبين تسألين عنه بجاوبه بس مو اهني كل خلق الله قاعدين يشوفونا
ريم : اوكي
-------------------------------------------------------
ريان" : شنو ريوم متى بترد
فجر : يوم دقيت عليها قالت بالطريج بس يمكن راحت تتعشى مع فواز مالكم شغل
في : ايي والله خل تستانس وبعدين فواز ماكو منه
ريان : اقول لا تمدحين بأخوج وايد ترا عارفينه
في شهقت : ريون بلا خبال ترا اخوي ماعنده سوالف لا تتبلين عليه
ريان : علينا ترا احنا بنفس البيت
في : ريون سكتي لا تخربطين ترا ان سمعت ريوم بتصدق
ريان : اعصابج ماما
في: جب يلا مناك مناك مابي اشوف ويهج
ريان : يحصلج
في : هههههه يحليلج والله تقصين على عمرج انتي
ريان : لا عاد خلاص راح ابجي
في : عادي هذا طبعج بجايه
ريان تحذفها بالمخده : كل من يرى الناس بعين طبعه
في : هيهيهي
-----------------------------------
فواز : ريم انا ما استاهلج
ريم ساكته
فواز : ريم انا صح كنت اكلم بنات بس عمري ماطلعت معاهم مجرد مكالمات ولا عمري قلت كلمه احبج حق وحده انا بس جذي اضيع وقت
ريم : ترضاها لاختك
فواز : لا تقولين جذي
ريم : حلال انك تضيع وقتك مع بنات خلق الله وحرام انه ولد الناس يضيع وقته مع اختك
فواز: ريم ليش هالحجي
ريم : لأنه انت واحمد وفهد مستهينين بهالسالفه وجنكم نسيتو انه الدنيا دواره
فواز : صدقيني انا قبل لا اخطبج نهيت كل شي
ريم : بس ماضييك قاعد يخرب عليك مستقبلك
فواز : الانسان مو معصووم عن الخطأ
ريم : بس انت ليلحين مكمل على اخطائك
فواز :واي خطأ بعد
ريم: شكك فيني
فواز : انا ماقمت اشك والشك انشال من قلبي يلا عاد خلينا نبدى من يديد واولها بننزل الحين وبنختار البيت اللي بنسكن فيه
ريم : انشالله
------------------------------------------
في : خالتي
ام عبدالله : هلاا
في : من زمان ماتيمعنا
ام عبدالله : كل خالاتج وخوالج مسافرين وعمامكم احنا مو معاهم وايد
ريان: يمه ليش احنا مانشوفهم الا من عيد لي عيد
ام عبدالله : هذا اللي اهم يبونا
ريان : وليش يعني
ام عبدالله :غيرو الموضوع
في : لا خالتي احنا لازم نعرف ليش مانزور عمامي وترا احنا كبرنا ويحق لنا نعرف
فجر : خلاص لا تنرفزون خالتي
ليان : لا فجر في وريان معاهم حق احنا لازم نعرف ترا مو يهال
فجر :بعد وفاة امي وابوي الكل يبي يقعدنا ابيته بس عمي قال دام مرتي خالتهم وانا عمهم فالحق يكون لي بس اهم ما ارتاحو لهالشي عمي خذانا واهم ماقامو يزورونا
في : اهم شي انزين اهم ما يتيمعون بعد
فجر :امبله يتيمعون بس احنا مانروح
ريان : نبي نروح
ام عبدالله : ماكو
في : ليش خالتي
ام عبدالله : قلت لا يعني لا
بوعبدالله : السلام عليكم
الكل : وعليكم السلام
بوعبدالله : شنو اللي لا
فجر تكلمت عشان لا يتكلمون البنات بأسلوب يضايقه: عمي البنات قاعدين يقولون انهم يبون يروحون عند عمامي
بوعبدالله ابتسم : وليش متضايقه يا ام عبدالله
ام عبدالله : لأنهم راح يردون على هذيج السالفه
ريان : شنو اهم حقوديين ولا شنو
ام عبدالله : لا بالعكس عماتج ايننون وحريم عمامج بعد بس مابيهم يردون على هذيج السالفه
ليان : يبه نبي نروح
ريان : ايي يبه بلييز
في : عمي لا تخليها بخاطرنا
بوعبدالله : ولا يهمكم اكلم اخوي ونشوف متى يمعتهم ونروح
البنات : هيااااا وراحو باسو راسه
بوعبدالله : شدعوه كل هالوناسه
في : عمي بصراحه نبي نغير ليش كله مع خالاتي اهم بعد اهلنا
ريان :ايي والله يحق لنا نزورهم وجذي
ليان : ونااسه عندنا عيال عم وحركات
فجر تساسرها : مستانسين لأنه شبابهم حلوين
ليان : اووش لا ابوي يسمعج
فجر :ههههههههههههههههه
بوعبدالله يدق على اخوه
بوعبدالله : هلاا والله بوخالد شلونك
بوخالد : هلا فيك يا اخوي والله الحمدلله بخير وانت شخبارك وشخبار الاهل
بوعبدالله : والله كلنا بخير انتو شلونكم
بوخالد : الحمدلله قبل لا تكمل يابوعبدالله طالبك
بوعبدالله : امرني
بوخالد : الاثنين بنروح الشاليه كلنا عاد ما اوصيك ييب الاهل وتعال
بوعبدالله ابتسم : عاد والله داق اقولك متى اليمعه بييب الاهل
بوخالد : ههههه يشرفونا بأي وقت
بوعبدالله: خلاص انشالله الاثنين عندكم
بوخالد : بنقعد هناك اسبوع خل اييبون اغراضهم
بوعبدالله : انشالله ليلحين نفس مكانه ولا غيرتوه
بوخالد:لا نفس مكانه ما تغير
بوعبدالله : خلاص انشالله نشوفك الاثنين
بوخالد : على خير وترا الغدا هناك
بوعبدالله: انشالله تامرني على شي
بوخالد : سلامتك
بوعبدالله : سلم على الاهل مع السلامه
بوخالد: بحفظ الرحمن
بوعبدالله : جهزو عمركم الاثنين رايحين
البنات : هياااااااااا
بوعبدالله :وترا بنروح الشاليه مو بيت واحد من اخواني
في : وناااسه بنروح كلنا كلنا
بوعبدالله: ايي اخواني وخواتي وكلهم تجهزو بنقعد اسبوع ترا
ام عبدالله : انشالله
بوخالد : يا ام خالد
ام خالد : هلاا
بوخالد : ترا بوعبدالله واهله بييون الشاليه معانا
ام خالد استانست : ينورونا والله هذي الساعه المباركه
بوخالد : ما اوصيج جهزوعمركم مابي شي ينقص واذا احتجتي اي شي قوليلي
ام خالد : مابي الا سلامتك
فاطمه : بيب بناته
بوخالد : بيون كلهم انشالله
فاطمه : انشالله
خالد : مساء الخير
الكل : مساء النور
خالد يبوس راس امه وابوه وباس خد فاطمه : شلونها مرتي الحلوه
فاطمه : الحمدلله بخير وانت
خالد : تمام دامج يمي يالغاليه
فاطمه نزلت راسها
خالد : ههههههههههه ... يبه ترا الحارس يقولك انه منظفين الشاليه وكل شي بس الخدم كتبولك اللسته شنو يبون من الجمعيه
بوخالد : خلاص خل وحده من الخدم تروح مع السايق
ام خالد : لا عطني الورقه انا بروح هذيل ما يعرفون
خالد يمد لها الورقه : وين خواتي
ام خالد : فرح فوق تتسبح و عايشه مجابله النت
خالد : اها يلا عن اذنكم بقوم اتسبح
الكل : اذنك معاك
الشخصيــات
بوخالد : اخو بوعبدالله الكبير متفتح عالعالم يحب النقاش وكل شي عنده بالهداوه
ام خالد : حنونه وطيبه الكل يحبها
خالد : 27 سنه مملوح متزوج من فاطمه وعندهم ولد واحد ( سالم )
فاطمه : 25 سنه هاديه ملامحها بيبي فيس وتموت على اهل خالد
عايشه : 22 سنه مملوحه بيضه عيونها وسيعه فصله متخرجه وماتفكر تشتغل حاليا
فرح : 18 سنه سنه اولى جامعه تدرس حقوق تشابه اختها بس اهي اطول ومثل اطبااع اختها -------------------------