{ آلــــبآرت لــــثآلـــــث }
بالسعوديه الساعه 9 بالليل.. في احد هالمطاعم الكشخه بالخبر شلة شباب متجمعين ويسولفون ويضحكون كانت اعمارهم بالعشرينات فما فوق .. كانوا مسببين ضجه في المطعم
خالد : ههههههههههههههههههه والله انك وحش
صالح : هههههههههههه ايه اكيد اعجبك
محمد وهو يطالع بفيصل : اقول سويلم انت ابوك وش يشتغل
فايز : يأخي لازم تسأل الولد توه متعرفين عليه
عبدالرحيم : ايه والله اثقلوا عليه شوي
محمد عقد حواجبه بنرفزه: يأخي اسكتوا خلونا نسمعه
فيصل ابتسم : الله يسلمك ابوي يشتغل اعمال حره
محمد ابتسم ورفع حاجبه : ماشاءالله
خالد : ياليييل الطويله خصوصيات يأخي
ثامر : محمد يسأله عن شغل ابوه ما اظن انه غلط !
فايز : ياعمي احس انه عييب اشوي
محمد : اسكتوا بس وش قايل انا سابه !
فيصل ابتسم : لا عادي
صالح : يأخي جعت وابي اطلب يلا خلصونا !!
ثامر : ورانا جامعه يابابا
فايز : ياحليلك والله .. انا شكلي بسحب يأخي الدكتور غثيث ويقعد يتفلسف فوق راسك وهو ماعند سالفه
محمد : هههه خله ذا ثامر صاير مصطفى دفاره مدري من وين يطلعها
صالح : انا جوعاااان ابي اطلب ( بصراخ ) وينه ذا الغبي هيييه يلا خلصنا
وجا الفلبيني علشان يطلبون ..
#$#$#
نرجع للكويت
ببيت ابو عبدالله .. تحديدا عند مجلس الرجاجيل ..
ابو عبدالله : ابو رائد ترى ازعل عليك انتوا مو مثقلين علينا بالعكس نبيكم تقعدون
ابو رائد ابتسم : اشغال يا ابو عبدالله اهم شي اننا ادينا الواجب وجيناكم وان شاءالله نجيكم لا طلع عبدالله
ابو عبدالله : لا حول ولاقوة الا بالله يعني مصمم
ابو رائد : وش نسوي بعد وسن ومدرستها ورغد وريم وجامعتهم وهذا غير الشغل معليه سامحنا
ابو عبدالله : خلاص براحتك بس اوعدني بالإجازه ان شاءالله تيون
ابو رائد وهو يأشر على عيونه : حاضر من عيوني الثنيتين
اشوي الا يدخل عبدالعزيز المجلس ...
عبدالعزيز : السلام عليكم .. (وهو يجلس على الكنبه ) هاه كأني سمعت كلام على روحتكم شدعوه عمي طولوها شوي
ابو رائد : ايه والله يا ولدي ناويين نمشي
عبدالعزيز : تروحون بالسلامه ان شاءالله
اشوي الا يدخل رائد واول ماشافه عبدالعزيز الشرار بيطلع من عيونه
سلم رائد وجلس وعيون عبدالعزيز الحاقده عليه ..
انتبه له رائد وابتسم له لكن عبدالعزيز مابوجهه الا علامات العصبيه ..استغرب رائد ووجه عيونه على يوسف اللي توه يدخل سلم وجلس جمب عبدالعزيز وهمس له
يوسف : خبل شفيك تطالع الصبي جذي
عبدالعزيز اخذ نفس وغير وجهة نظر عيونه وقال بنفس الهمس : مافيني شي
يوسف بهمس : لا امبلا اليوم انته مو طبيعي شسالفه
عبدالعزيز تنرفز بس قال بهمس : يووه ترى اذيتني وبعدين وياك
يوسف بهمس : يه يه خلاص يبه سكتنا
#$#$#
عند غرفة البنات ..
ام رائد : جهزوا اغراضكم بنمشي عقب باجر لكن لازم نروح بيت خالكم قبل لا نروح
رغد بفرحه لا توصف : جد انزين متى ؟؟
وسن وهي تشيل السماعه : مالت ثقل ماافييه
رغد رمت عليها المخده وقالت : جب
ريم كانت مشغوله بالروايه اللي معاها .. ابتسمت على خبال رغد ووسن
ام رائد : وبعدين وياكم شكبركم تتهاوشون عيل شخليتوا لليهال .. بعدين باجر بنروح ويمكن ننام عندهم فجهزوا اغراضكم من الحين .. وعن الينون ثقلوا
وطلعت من الغرفه ..
رمت نفسها رغد على السرير وعليها اكبر ابتسامه وقالت : آآآآآآآآآه وأخيرا
وسن بعربجيه: وجعاه بعدين عييب ترى اقول لأمي اخليها تطقك طق
ريم حطت الروايه على جمب وتوجهت لشنطتها ترتبها وقالت : اقول بس قوموا رتبوا اغراضكم وشوفوا وش بتلبسون حق بكره
رغد فتحت شنطتها وهي تغني .. وسن قامت من سريرها وكانت بتفتح الباب لكن وقفها صوت ريم وهي تقولها : وسون تعالي شوفي وش بتلبسين
وسن رفعت حاجبها ووقفت وقفه عربجية : ادبر عمري ماعليك مني
ريم تنرفزت وخزتها وقالت بعصبيه : وبعدين وياك يعني ما تتعلمين الا بالطق انا كم مره قايلة لك لا تتكلمين بهالطريقه
وسن عاندت وضخمت صوتها اكثر وقالت بنرفزه : وانتي وش دخلك لا تعلين صوتك علي فآآهمه لا أدوس ببطنك هنا !!
ريم راحت لها وكانت جد جد معصبة : وجع انتي ماتستحين ابد
رغد راحت لهم : بنات أهدوا مو من جدكم بتتهاوشون
وسن ضخمت صوتها وقالت : شوفي أختك ماتستحي
ريم فتحت عيونها معصبه : انا اللي ما استحي ولا انتي قاصة شعرك ومسوية نفسج صبي شنو انتي ماتستحين على ويهج ماتخافين ربج لكن الشرهه مو عليك الشرهه علينا احنا ماطقيناك وربيناك من جد وجديد
وسن عصبت وقالت بصوت عالي : جب ولا حرف يلآ يـلآآ ( كملت بسخريه ) تعلمني الأدب الأخت حبيبتي روحي خلصي مكلماتك مع يويسف اخر الليل وبعدين كلميني
تفاجأت وسن بكف قوووي من ريم ..
رغد اول مره تشوف ريم معصبه كذا
رغد وقفت بيناتهم تحاول تهدي الوضع: أهدوا ياجماعه اشفيكم كذا اهدوا
وسن مكان الكف كان أحمر فعطت لريم نظرات كلها عصبيه وطلعت بره الغرفه وركضت لتحت بسسرعه وطلعت بره الصاله ماكان فيها أحد المهم شافت عبدالعزيز جالس بره بالحديقه وراحت له بسرعة وقالت له : ابي سيارتك
عبدالعزيز طالعها : ليش
وسن تنرفزت : اووف بتعطيني ولا كيف
عبدالعزيز : شفيه خدج احمر .. ومو معقوله بتطلعين جذي بدون حجاب ولا حتى عبايه
وسن تنرفزت اكثر : عبدالعزيز اخلص علي بتعطيني المفتاح ولا شلون
عبدالعزيز رفع حاجب واخذ مفتاح سيارته وقال : امشي وياي
مشت وسن بدون ماتتكلم ..
المهم ركبت السياره مع عبدالعزيز ومشوا بعد فترة طويلة من الهدوء طالعها عبدالعزيز ورجع طالع الطريق ..
عبدالعزيز : يعني ماراح تتكلمين ؟؟
وسن كانت تطالع بالشباك و بلعت ريقها ومسحت دموعها بسرعه وقالت وهي تحاول تضخم صوتها : مالك دخل
عبدالعزيز رفع حاجب : يه يه يه انا موديج بسيارتي وبعد ماتبين تقولين شفيج !!
وسن تنرفزت : خلاص نزلني اذا بتمن علي بسيارتك الخايسه هذي
عبدالعزيز : ههههه انا سيارتي خايسه !! انزين السياره هذي اهيه شايلتج
وسن افتحت باب السياره والسياره كانت تمشي بشويش لأنهم قربوا من الإشاره
عبدالعزيز بحركه سريعه سكر الباب بسرعة وقفل الباب وقال بعصبيه وبصراخ : انتي مينوونه عقل مااكوو
وسن طالعته مستغربه وبنفس الوقت متنرفزه ليه يعصب عليها تنرفزت وقالت وسن : ليه تصرخ علي ؟؟
عبدالعزيز بنرفزه : انتي مينونه الباب ماينفتح لما السياره تتحرك !!
وسن بعصبيه : السياره ماكانت سريعة
عبدالعزيز بنرفزه : خلاص كنت خايف عليج
وسن ملامح العصبيه فجأه اختفت ولفت عيونها للشباك وقالت : لا مشكور ما ابي احد يخاف علي
عبدالعزيز اخذ نفس وقال ببرود : مو مهم
وسن وهي تهز رجولها بنرفزه : احسن
واخيرا بعد هدوء طويل .. وسن طلعت باكيت الدخان وحطته بفمها قربت الولاعه لكن قبل لا تولعها سحبها منها عبدالعزيز ورماها وقال : ما احب ريحة الدخان وبعدين ما ابيج تدخنين
وسن طالعته وفجأه فطست من الضحك .. وقف سيارته عبدالعزيز وطالعها فجأه وبدون شعور ابتسم .. ابتسم ابتسامة حب ايه حب ضحكتها بشكل غريب جذبته وقال : شفيج تضحكين !!
وسن طالعته ورفعت حاجب وقالت بملامح كلها جديه : أنته مالك دخل فيني اوكي !
عبدالعزيز ابتسم وقال : تدرين انه ضحكتج حلوه
وسن حست بشي غريب لكنها طنشته وقالت بكل عربجيه وهي تطالع بعيونه: أنا ادري انت وش قاعد تسوي فعلشان كذا أنا ما أصلح لك
عبدالعزيز طالعها : شدراج يعني !!
وسن : اوووف خلاص أدري وبس
عبدالعزيز طالعها وقال : هييه طالعيني
طالعته وسن .. وحط عبدالعزيز عينه بعيونها وقال : انزين انتي تدرين اني احبج !!!!!!!!!!!
#$#$#
نرجع لبيت ابو عبدالله تحديدا عند غرفة البنات ..
رغد بنرفزه : انتي وش سويتي فهميني وش سويـــتي !!
ريم طالعت رغد وقالت : يعني يرضيك اللي صار وسن قاعده تنحرف ومحد حاس بشي
رغد هزت راسها وقالت بعصبيه : ايه وانتي زدتيها انتي تدرين هي وينها فيه قبل اشوي نزلت ودورتها مالقيتها
ريم عصبت : لا تصرخين علي اختك كانت محتاجه احد يأدبها من جد وجديد
رغد : وبكذا بتكونين أدبتيها
ريم : اوووه خلاص اذيتني انا سويت هالشي لمصلحتها
رغد تحاول تمسك اعصابها : اتصلي عليها اعرفي وينها فيه
ريم اخذت جوالها واتصلت فجأه رن جوال بالغرفه نفسها اخذته رغد وقالت : خلاص سكريه تاركه جوالها هنا
#$#$#
نرجع لوسن وعبدالعزيز ..
وسن كانت ساكته ولفت عيونها للشباك وقالت بكل برود : رجعني للبيت
عبدالعزيز حرك السياره وارجعوا للبيت ولما ارجعوا للبيت عيون وسن اشوي ويطلع منها الشرار من العصبيه..
عبدالعزيز : وصلنا للبيت
وسن فاجأت عبدالعزيز بكف وطلعت من السياره وقالت قبل لا تسكر الباب : انا مو لعبه سهله عندك
وسكرت باب السياره بقوه ودخلت للبيت عصب عبدالعزيز ونزل بره السياره ودخل للبيت وراح لغرفته وسكر الباب بقوه
#$#$#
عند وسن..
أول مادخلت غرفة البنات ..
ريم بعصبيه : انتي وينك فيه !!
رغد بنرفزه : استغفرالله ياربي ممكن تهدون علشان بس نعرف كيف نتكلم ( هدت شوي) وين كنتي ياوسن
وسن جلست على السرير وقالت وهي تطالع جوالها وببرود : طالعه
ريم عصبت : يا سلااام مهزله هي مهزله
رغد : يوووه خلاص سكتي .. وسن مع مين كنتي طالعه
وسن تنهدت : بروحي يعني مع مين
ريم عصبت وقربت منها وقالت وهي متخصره : طالعه بدون عبايه ولا حجاب !!!!
رغد : يلا وسن تكلمي تكفين ولا هذي اختك ماراح تسكت
وسن تنرفزت : أوووه خلاص ازعجتوني !!
ريم بعصبيه : شكنتي تسوي مع عبدالعزيز بالسياره وفوق هذا بروحكم يلا ردي وما ابي اعذار
وسن طالعتها ماهي عارفه ترد تحس انها تلعثمت !!!
#$#$#
عند ألاء وحمد ..
نرجع للسعوديه .. بغرفة الفندق حتى السفره ماراحوا لها اللي هي هدية من ابو ألاء .. حمد 24 ساعه طالع وألاء ماتشوفه واجد وأصلا ماتحتك فيه وجالسه في البيت ودمعتها على خدها وحدتها تخلي ذاكرتها غير قابله للنسيان وخصوصا هشام .. هشام حبها البريء ماتدري يصير تفكر فيه أو حتى يكون بقلبها وهي متزوجه .. رغم انها ماهي حاسه إنها متزوجه
نروح اشوي عند حمد اللي كان رايح يتعشا في بيت ابوه ..
ابو حمد : يعني متى راح تحمل زوجتك
حمد طالعه ورفع حاجب : اي زوجه !!
ام حمد وهي تحط العشاء على طاولة الطعام : ياولدي زوجتك ألاء وش فيك
ابو حمد تنرفز : تمزح انت
حمد لوى فمه وابتسم يسلك له : ايه ايه قريب قريب
ابو حمد عصب : حمــد
فيصل : يبه هد اعصابك وش فيك
ابو حمد عصب اكثر : ولا كلمة انا اللي أتكلم وأنتوا اللي تسكتون .. (طالع حمد وقال بنبرة استهزاء ) وانت اسمعني زين كلام فاضي ما ابي أنا ابي ولد يصير حفيدي سامعني
حمد طالعه ورفع حاجب ..
سلوى المسكينه بس تطالعهم وخايفه ..
ابو حمد عقد حواجبه وقال بصراخ : ليه تطالعني كذا أنا كلامي يتنفذ سامعني والمره الجايه تجيب زوجتك معك وش ناوي أهلها يقولون علينا (كمل بسخريه ) كفايه انكم ماسفرتوا لا والمشكله انها هدية من ابوها للأسف ماعرفت اربيك
حمد تنهد وبدأ يأكل بنرفزه ..
اعرفكم على العايله شوي ..
ابو حمد عمره 59 متسلط دكتاتوري ويحب يمشي كلمته على الكل حتى لو كان هالشئ راح يضر عياله نفسهم وعلى فكره هم عايله غنيه
ام حمد عمرها 45 انسانه جدا طيبه ومتواضعه بس تخاف من ابو حمد بشكل وشكلها اكبر من عمرها الهم مكبرها
فيصل عمره 23بالجامعه طيب ومتواضع .. (ترى هو نفسه اللي بشلة محمد )
سلوى عمرها 20 تخرجت من الثانويه وطموحها انها تكمل للجامعه وتأخذ شهاده دكتوراه جراحه لكن ابو حمد رفض هالشي رفض تام ودمر حلمها
نرجع لحمد والعايله ..
خلص حمد اكله بسرعه وبعد ما أذن له ابوه طلع وركب سيارته اللمبرغيني الصفره وداس فيها وهو يقول بنفسه : ( تبغاني اجيب منها عيال وانا اصلا مو طايقها ولا حتى تكلمت معاها هه خلني بالأول احس اني متزوج! )
فجأه وقف عند الإشاره ومسك الجوال وفجأه شاف انه جالس يتصل على حبه الوحيد .. سمع صوتها ..
.. : الوو ... منو وياي ... الوو
سكره بسرعه وغمض عيونه بقوه بأقل من دقيقه صوت الهرنات يفقعون الأذان .. انزعج حمد وحرك سيارته ..
حمد بإصرار وعصبيه من نفسه : لازم انساها لااااااازمممم
أول مارجع للفندق وفتح الباب بشويش ودخل للشقه وراح للغرفه اللي تنام فيها ألاء وكان ناسي اصلا انها هنا سمعها ماسكه جوالها وتقول وهي تصيح ولافه وجهها عن الباب وتطالع الشباك
ألاء: اريج ماني قادره اطيقه خلاص ماعاد فيني حيل كيف تبغاني انسى هشام وانا حتى ذا مو حاسه فيه انه زوجي
اريج : ألاء ترى طول الوقت وانا معاك حتى يوم اهلك غصبوك على الزوج بس كذا مايصلح انتي لازم تنسين هشام خلاص انتي متزوجه
ألاء وهي تبكي بزياده : انتي موب حاسه فيني اقولك انا موب حاسه انه زوجي انا ما ابغاه يأخي ما أحبه انا احب هشام انتي تفهمين يا أريج تفهمين
أريج : أوووف اهدي يا ألاء اهدي موب زين عليك كذا تسوين بعمرك
حمد سكر الباب بشويش وطلع بره الغرفه واتصل على صديقه ..
حمد بعد كم رنه : الوو .. هلا جاسم.. اقولك انت وينك فيه .. ياحبيبي خلصني ضروري اشوفك
ومشا لسيارته ..
جاسم عمره 24 صديق حمد مررره وقريب منه لدرجة انه يقوله كل شي لكن حالة جاسم الماديه موش مررره واو عاديه جدا
نرجع لحمد وصل للمكان اللي واعد فيه جاسم .. وسلم عليه
جاسم : يأخي انت خبل في احد يترك زوجته بشهر عسلهم او المفروض يكون شعر عسل
حمد : آآآخ يا جسوم آآآآخ بس البنت بزره وانا بصراحه كله طالع وما ارجع الا اذان الفجر
جاسم لوى فمه حسره على صديق عمره : ليه كذا ياحمد تراها أنثى تحس اكيد متضايقه من اللي تسويه
حمد تنهد بضيق واااضح : آآآه بس اتصدق لحد الحين اتصل عليها
جاسم انصدم وفتح فمه وعيونه : ايــــش !! من جدك انت انجنيت انت تزوجت خلاص وهي متزوجه بعد وفوق هذا كله عندها عيال وش ناوي عليه
حمد وباين من نبرة صوته انه تعب : مشتاق لها ياجاسم الشوق لاعب فيني لعب انا لازم اشوفها واخليها تتطلق من هذاك هي لي لــي أنا وبس
جاسم عصب من تفكيره وبنفس الوقت منكسر خاطره عليه : حمد انا اول واحد راح يكون واقف ضدك انت قلت انك نسيتها وش فيك الحين رجعت
حمد رما نفس على الكرسي بإنهيار : لما تزوجت حسيت اني خنتها اكبر خيانه
جاسم تنهد : لاحول ولاقوة الا بالله خلاص خلاااص البنت تزوجت تعوذ من ابليس البنت متزوجه وعندها ولدين وهي كلمتك بطريقه حلوه وقالتلك بإحترام رجاء ابعد عني انت ليه مصــر انك تهان
حمد : الحب موش اهانه ياجاسم موش اهانه
جاسم : الا اهانه بالنسبه لزوجتك انت بكذا جالس تخونها
حمد : وهي موش جالسه تخوني الحين !! (كمل بتنهيده ) سمعتها تكلم وحده وتقول ..
وقاله كل شي ..
جاسم رفع حاجب بإستغراب : وماضربتها !!
حمد : وانا وش دخلني فيها !!
جاسم : زوجتك ياحبيبي ماعلينا بس جد غريبه كالعاده انت تضرب ماعندك تفاهم ( كمل بتنهيده ) البنت بزره وهي ماحست انك زوجها جد فكيف تبغاها تتكلم عنك
حمد عقد حواجبه : انت ليه مصــر انه هي صح وانا غلط
جاسم تنهد : شوف انا موش صاف مع احد ولا جالس ادافع عن احد .. حمد انت خلاص الحين اخذتها سواء انك رضيت ولا مارضيت البنت بذمتك اترك البنت هذيك اتزوجت وانت تزوجت بعد .. حمد هي بذمتك وزوجتك الحين صير لها الأب والأخ والحبيب وكل شي تحتاجه لا تنسى انها صغيره إعطف عليها
حمد تنهد :تخيل وابوي يبغاني بعد اجيب له حفيد منها مستحيل اقدر ياجاسم مستحيل اسماء حبها بقلبي محفور !!!!!
#$#$#
برب ..