انا شخصيا هطبخ فتة مصرية
الطريقة
بسلق اللحمة معاها بصل وحبهان وبهارات لحم وروز ماري رشة اربع حبات كده و قرفة وزنجبيل لحد ماتستوي كويس جدااااااااا
بعدين بحمص رغيف خبز واكسره وسك مش كبير مش صغير
واعمل رز ابيض مصري بمعلقة زيت واحدة علشان يكون خفيف
والثوم بقى اللي هو اساس الفتة بجيب حسب الكمية احنا اتنين ونص ( ايسل نص ههههههه) واقطعهم في الكبة لحد ما يبقوا صغيريين جدااااااا واحمرهم في زيت لحد ما يبقى لونهم ذهبي واحط عليهم الخل وملح وفلفل واسيبهم دقيقتين واطفي
بعد كده احط الخبز في طبق التقديم وعليهم الشوربة مش سخنة فاترة وعليهم الثوم بالخل وفوق الرز
في ناس بتحط الخبز تحت فوقه الرز فوقه الثوم بالخل عليهم صلصة طماطم احيانا بعملها كده
واحيانا بعمل فتة باللحمة المفرومة بتكون حلوة
وجنب الفتة طبق السلطة التمام وبالف هنا وشفا
في ناس بتقدم شوربة جنب الفتة بس انا بتبع مبدا خفف السعرات الحرارية ههههههههه
الحلو عاملة جيلي بقطع الموز بحبه |