[لامارا]

بعد كم يوم

وش اقول ؟ ... انا مجنون يمكن .. من انا مدري ..
شوي شوي بديت افهم وش يقولون المشكله ليته ما اتذكر
لا بديت اتذكر كل حياة هالشخص وكانه انا كل لحظه من لحظاته ,
ذاكرته حديده .. فصله من الابتدائي الين تخرج .. وزملائه وحبيباته و
اهله وجماعته ومقاطعته و حتى مسقط راسه , كنت ما اعرف اتكلم انقليزي
الا شوي من الافلام الامريكيه الحين كاني انولدت وانا اتكلم انقليزي ! ..
كانها لغتي الام و كاني بريطاني و كاني ولد انقلترا العظيمة !؟
بديت اتذكر كل شيء حتى اسماء بعض الممرضات بما ان هالشخص اكثر
شيء زاره بحياته هالمستشفى , بديت اتذكر احضانه لاامه , و دلع ابوه له ..
وحنان اخته عليه . الي ماكنت ابدا اسره مفككه كانت جدا اسرة راقيه في تعاملها
معاي يمكن لاني كنت مريض ؟, تذكرت كل مشاعره احاسيسه و حياته ..
الين صار له حادث وهو مع اصحابه رايحين لتخييم .!!!! وكاني هووو وكاني
عشت كل هالمشاعر
وشلون كاني وشكلي بريطاني .. ؟ واسمي توني ! .. بس خالد! من يكون ,
حياة هالشخص هي حياتي انااااا انا خالد هذا الي اعرفه ومتاكد منه , انا خالد
ولد سالم و عايشة انا خالد الي انولدت بالمدينة و بمستشفى احد ؟! وعشت
عند خالتي وحبيت بنتها مها وقضيت سنه ونص من حياتي بالسجن و انا
هو الي اغني بالغصب كل صبح سارعي للمجد والعلياء , واذا جعت الصباح
اشتري من بوفيه الامانه فلافل وعصير الربيع , مع سعد و سالم و ابو حميد ...
قلبي شوي ويوقف .. قلبي ! يقولون مزروع .. تطور الطب حتى القلب
صار ينزرع ... القلب !؟
هي كل السالفه في القلب لازم اروح اسأل ..
هههههههه
المشكله استحي اتكلم بريطاني احسني فله ومعاي لغة ههههههه
اضحك !!!
... صدق ان شر البليه مايضحك
تعرفون الي يحس انه يحلم !
تعرفون الي فجاه
كان في بيته جالس و دخل عالم ثاني
هذا انا
الي اعرفه شيء واحد
ان راسي مصدع مصدع مصدع لدرجه لو وزعت
هالصداع على الف شخص ماتحملوه
الف فكره الف صوره الف حكايه وسط مخي
حكاية لشخصين واحد احس فيهاااا
واحد اعرفها اكثر
ذولا الاثنين كانهم جوا يتصارعون بداخلي
كل واحد يبغاني اختاره
انا متاكد اني في مرحله من الجنون
ما ابي شيء ابدا
ابغى الفراغ
ابي اعيش ب فررررررررررررررررراغ
هذا الحل والوحيد
ابغى كل الي براسي يسكت
كل الضحك كل الطفولتين
كل هالحياتين تسكت فجأه
صدق صدق صدق
تمنيت اكون فاقد الذاكره او أي شيء
أي شي يهديني
أي شيء يريحني
مخي بينفجرررر
ابغى الدكتوررررررر
ابغى اسئله وش فيني

.
.
.
.
ضغط خالد زر قريب من يده
شويات الا
جات وحده من الممرضات
وهي مبتسمه : نعم سيدي ؟
خالد : اريد رؤية الطبيب ؟
الممرضة : للاسف يجري عملية الان , هل استطيع ان اخدمك ..
لقد أمرني والدك بإن احضر لك أي شيء تطلبه ..
ابتسم خالد حس بشعور غريب حلو احد يهتم لك و يوصي
عليك: نعم .. اريد معرفة من المتبرع لي .. اسمه بالكامل ..
الممرضه ابتسمت حست انه صار بخير وبدا يتذكر : ساأذهب
لاحضر لك معلومات المتبرع ..
خرجت شوي و جات معاها
اوراق سلمتها له وقفت بعيد
خالد يقرا
اسم المتبرع خالد سالم الـ
الدولة السعوديه – المدينه المنوره
المستشفى العام
توفي المتبرع بحادث سياره
وتم العثور على
اوراق ترخيص بسماح التبرع باعضائه
بعد نقلة للمستشفى
مع طلب هذه المستشفى البحث عن قلب مطابق لتوني لوثر
تم على اثره عقد اتفاقيه خيرية ورفضت المشفى
دفع لهم أي مبالغ ماليه .. بحجه انه هذه رغبة المتوفي لاجل اعمال الخير ..
نظر لتوقيع المستشفى كان عربي !؟ فعلا ختم العام و و و شلون !
ماعاد ينصدم لا صار الوضع كانه مخدررررر
خالد مات بحادث متى ما اتذكر اني مت بحادث
بعدين ليه اقول مت انا عايش ؟
واتذكر حياتي ..
بس صدق ما احس هالشخص اناااااااا رغم كل ذا
الي احسه اني خالد ومتاكد منه
انا خايف اني اكون انجنيت ..
مديت لها الاوراق
الممرضه حست بقلقي قالت: لقد سمعت بان المتبرع كانت
جميع اطرافه واغلب اجزاء جسده
متاثره ب اصابات بالغه من الحادث ولكن قلبه ورئته و ماحولها
تم حمايتها من القفص الصدري
ذلك مختلف عن نظرية درستها عن تهشم القفص الصدري اذا كانت
الاصابه من جهة الـ
خالد يطالع فيها مستغرب الي تقول ؟
الممرضه منحرجه : اعتذر .. شعرت انك بحاجه الى التسليه
وانا لا اعرف سوى هذه القصص ممله اليست كذلك ؟
خالد الي مايدري وش تخربط كان يفكر : لا انها ممتعه شكرا لك ..
الممرضه : هل تريد شيء اخر ؟
خالد بحيره وكانه يبغى ينسى كل شيء كل ششششيء ابدا ما صاااارت
تفرق معاه ابداااااا حس برودة الدنيا كلها تجري بشراينه : نعم .. هنا
توجد حديقه خلفيه اليس كذلك ؟
الممرضه : نعم .. هل ترغب بالذهاب الى هناك ؟
خالد : نعم اريد .. و اريد لاب توب ..
الممرضه بابتسامه : هنا بداخل هذه الخزانة يوجد حاسبك المحمول
وهاتفك ايضاا واشياء اخرى
خالد معقد حاجبه : كيف جائت الى هنا ؟
الممرضه : الا تتذكر ؟ .. انها ولدتك ! قبل بضعه ايام في اخر زياره
لها هنااا وقد اخبرتك بذلك
وانا كنت موجوده اساعدها في وضعها لك
خالد تذكراهل توني من مده ما مروا عليه : واين هي الان ؟
الممرضه مستغربه اكثر بسس متعوده على هالوضع انه اكيد نسى
اشياء كثير او لسى ماتذكرها : لقد اخبروك بانهم ذاهبون في رحلة
مهمه وسيعودون قريبا و اخبروني ان اخبرهم اذا تحسنت او تذكرت شيئا ..
خالد بقلق : وهل اخبرتهم
: نعم اخبرتهم بالامس.. و قد فرحوا بذلك كثيرااا
حتى انهم سيستعجلون القدوم
اعتقد ان والدتك سوف تكون هنا قريبا
خالد حس بشعور غريب تجاهم شوق حب غريب او استلطاف
ناس تسال عنه وتهتم لامره
تذكر كل مواقفهم معاه او مع توني ماعاد يدري
استغرب مشاعره
اما الممرضه قربت تفك المغذي له
حست ان مرتفعه حرارته
: انتظر قليلا .. هل تم فحصك هذا اليوم ؟!
خالد : لا
الممرضه اخذت جهاز الحراره ..
: تبدوا مرتفعه قليلا .. سادعك تذهب ولكن بعد ان تتناول الدواء
مدت له دواء و الموياااا
وسندته يقوم
خالد بابتسامه : شكرا لك .. استطيع الذهاب بنفسي
خرجت الممرضه وخالد مشى للخزانة الي مزحومه
جنبها الاغراض بالهدايا والورود وكانه شخص مشهور
تذكر ان كل هالهدايا عشان ابوه ومنصبه
فتح الخزانة ولقى ملابس و لاب توب و جوال ومحفظه
مليانه فلوس وبطاقات كريدت كارد
اخذ له شور سريع
وبدل لبسه ودخل المحفظه بجيبة والجوال
اخذ شنطة اللاب توب وطلع
وهو نازل شم ريحة كوفي طالعه من كشك صغير
لستار بوكس جنب محل ورود للمرضى
ماقدر يقاوم رغم انه ممنوع من المنبهات وقائمه كثيره
كل الي يسويه يبغى يعيش ويبغى ينسى
كان الجو العصر السحب فوق بعض والجو خرافي
ارض خضراء و نافوره صغيره وطاولات وكراسي
وزهور على طريق الممر
جلس بوحده من الطاولات
وفتح اللاب توب
على طول على اليوتوب
وكتب خالد سالم بالانقلش
بس النتائج صفر
هو متاكد ان كان فيه مقاطع كثيررر باليوتوب وكلها تفحيط
فتح محرك بحث وكتب
زراعة قلب
وجلس يقراااا
شدته المعلومات كثيرررر
و اختلط عليه الوضع اكثر و اكثررر
ان الشخص
اذا انزرع فيه قلب
ياخذ جزء من صفاته
بس انا ماااني اخذ من صفاته لا
انا هو نفسه
ذا توني مو انا
وهالشيء متاكد منه وهو الي راح يجنني
قطع عليه تفكيره
بنت محجبه
تمشي من بعيد
و ماسكه يدهااا وحده تسندها
شده منظرهااا واضح انها عربيه
كل ماقربت توضح اكثرر
كلها ضرب مضروبه كثير لدرجه ملامح وجهها ماهي باينه زين
تذكر الهوشه الي سمعهااا قبل فتره بين ياسر و ابوه
هو حتى مايتذكر اسمائهم
بس عرف انها هي المقصوده
هي تقرب للي ساعدني
يحس شكلها مو غريب عليه
غصب عنه يوم شافها ابتسم
نظر لها وهي تمر قريب منه
يحس انه يعرفهاااااااا
شدته حس بضعفهاااااا وخوفهااا
الحزن الي بعيونها
وجهها الطفولي
بشرتهااا الناعمه
لون بشرتها الي قليل هناااا
مل ملللللللل
من الشقاااااار
يكرهه حتى شكله
دايم يتهرب من المرايه
بس
هاللون يعرفه يحن له
وكانه تراب انخلق منه
هذا اللون لونه و لون امه و ابوه
وكل من عاش معه
غرقت عينه
حس بالغربه فجأه
حزن على حاله هو الضايع
او عليهااا
مسكينه شكلها تنضرب كل يوم من ذاك الزفت كرهه من اول ماشافه
ما يدري ليه غرقت عينه
نزل عينه ورجع للاب توب

انتهى
( اسعد الله عيون تقرأ هالصفحات )