[اسطورة !]

في بيت ناديه

في غرفة ناديه ..
مومصدقه ياساره راح اترك البيت ا للي تربية فيه وعشت احلى ايام عمري فيه مع امي وابي اه ه ه ه ه ه ه وتبكي بصوت مسموع
احس اني ضايعه من غير امي وابوي معاد ابي اعيش العيشه من دونهم ماتسوا
ساره. وش هذا الكلام اذكري الله ا خلي ايمانك بالله قوي
ناديه: صوتها مخنوق . موبس بترك البيت الديره ابكبرها راح اتركها تعرفين اشلون اسكن ديره مو ديرتي ياساره..
ساره. وش غريبه وش خرابيط انتي عند جدتك وعمانك . هم اهلك ريحت ابوك .لا تصعبين الاموووووووور....... وبعدين جدتك قالت اذا معجبك الوضع ردي السعوديه..
شوي دق تلفون ناديه اخذت ساره
هذي جدتك ام ناصر
ناديه .هاتيهــآآ
الو
ام ناصر :هلا ناديه هاه مشيتي ولا عادك
ناديه :لا يمه بعدساعه راح امشي تبين شي توصين على شي..
ام ناصر :.. وش فيه صوتك تعبانه و انا امك
ناديه تشاهق .. لا يمه مافيني شي
ام ناصر درت انها تبكي.. يابنتي انتي بنتنا مايصير تعيشين عند خوالك وانا راسي يشم الهواء انتي بنت الغالي والله مااتركك تعيشن عند احد وانا حيه الااذا كان بيت رجلك وغصتها العبره ام ناصر تذكرت ولدها خالد.
ناديه. لا يمه لا تفهميني غلط بس انا........... ماقدرت اتكمل وبكت
ام ناصر والعبره غصتها.بنتي استريحي لا تجين اليوم لاحسيتي انك تبين امك ام ناصر تعالي . البيت مفتوح لك أي وقت وتاكدي كل اللي في البيت ينطرونك مع السلامه
ناديه حست ام ناصر ازعلت عليها. قالت
ناديه . يمه ولي يسلمك لا تزعلين مني انا ان شاء الله اليوم عندكم ( وكملت بمزح)
ومااوصيكم على العشاء ابي عشاء راهي
ام ناصر . ابشري باللي تبينه كم ناديه عندي.. الله يستر عليكم توصلون بسلامه
..............
مشعل في الدوام
كان في مكتبه عنده احد المراجعين وصله مسج
اشاف اسم (نور عيني) الي داز المسج ابتسم
فتح المسج
(أتعبت قلبي من جفاك وتغليــــــــــك
وتاهت بي الشرهه ولا أحد ذكــــــــرها
المشكله قلبي حلف مايخليـــــــــــــــك
ومدري متى ظروفك توقف ضـــــررها
قلبي وعقلي والمشاعر تباريــــــــــــك
روحي هوت روحك وحبك سحـــــــرها
الذنب ذنب الحب ماهو بخافيـــــــك
هذا خطاء نفسي وهذا قـــــــــــــــدرها)
مشعل على طول دق عليها تلفون

ايمــــــان كانت في المطبخ تقول حق الطباخ شنو يطبخ اليوم على العشــــــــاء
ودق تلفونه
لبى قلبك يتصل بك
ردت ابدلع
ايمان . الو
مشعل . احلى الو اسمعه اشلونك ياقلبي
ايمان . مو بخير من بعدك
مشعل يضحك . ماتلامين اكيد بعد مافارقتيني
ايمان. اه ه ه ه صعب اللي يعرفك يقدر ينساك احبك مشعل
مشعل. وانا امووووووووووت عليج.... متى راح تردين للبيتج
ايمان. انت تعرف متى راح ارد
مشعل. اعتقد انا قلت لك اللي عندي مراح يتغير رايي
ايمــــــــان . عيل لا تسئليني متى راح ارد
مشعل ابضيق .. اقول انا اليوم بمركم العصر وراح انهي الموضوع معاك موب حاله أللي نحنا فيها ..مع السلاااامه
ايمان. سكر ابوجهي .. ليه يعصب انا شنو قلت اففففففف
.............
في بيت ناديه
ناديه تحضن ام سعووووووود وتوصيها على نفسها
هالله هالله بعمرك لا تهملين روحك وانا كل يوم بدق عليك اشوفك اكلتي اعلاجك و لا لاء
العنود زوجت سعود. انتي لا تشلين هم خالتي بعيوني بس طمنينا عليك ياناديه
سعود يبتسم ويطالع مرته العنود وهي تحضن امه علشان ماتبكي قدام ناديه ومبسوط بعلاقة امه مع مرته سمن على عسل
ناديه سلمة عليهم كلهم
وساره مستحيه من فواز بعد الي صار امس تبكي بسكات
عبدالله ولد سعود
عبدالله يمسك يد ساره خالتي ا وديك البيت شكلك مانمتي زين
ساره. ايه ودني بعد ماتروح ساره..
فواز شاف عبد الله يمسك يد ساره قرب من عبد الله وقاله تعال ابيك برا
فواز . يالله ياناديه الساعه صارت 2 الظهر وحنا مامشينا
طلع فواز والحقه عبد الله مع الشغاله شايله اغراض ناديه
خير عمي
فواز امممممممم خالتك فيها شي
عب الله .. هههههههههههههههههههههه ياعيني لا ما فيها شي بس زعلانه على ناديه
فواز . انت ليش تضحك علمني
عبد الله. والله شكلك يضحك وانت مسوي نفسك مهتم .
فواز يغيض عبد الله.:. اذا ما اهتميت في ساره اهتم في من فيك طير بس طير
اطلعت ناديه واركبت السياره فواز رنج روفر اسود
مع خدامتهاااا
في الطريق الي الكويت
فواز. ليه الخدامه معك
ناديه . هي ماتبي تسافر تبي تشتغل قلت حرام خليها ترزق الله وخذيتها معي.
............
في بيت ام ناصر
مشعل يسولف مع فهد
فهد. مابغينا نشوفك
مشعل . العمر يخلص والشغل مايخلص
فهد. اممممممممممم انا ماابي اتدخل بينك انت و عمتي بس امي نوره ماهي راضيه باللي سوته بنتها
مشعل . انا اليوم جاي انهي السالفه
فهد فتح عيونه على الاخر انصدم من كلامه.:. انت تبي تطلق عمتي ..
مشعل نزل راسه .:. اذا عمتك مصره على اللي تبيه هذا هو الحل فهد:. لا يامشعل تفاهم انت وياها قبل لا تاخذ قرارك
مشعل:. انا ابي اشوفها اول وبعدين يحصل خير
فهد.: اه ه ه ه ه ه ذلحين بناديها لك
طلع فهد حصل ايمان تضحك مع خواتها مبسوطه

فهد( ماتدرين ياعمتي وش ناويلك مشعل .. طلااااااااااق)
ريم :. هلا باخوي تعال اليوم اسرح وامرح في البيت
فهد:. شنو؟؟معنا اليوم . هههههههههههه
هيونه:. علشان ناديه جات بالطريج كلمتها ايمان وقالت في المراكز..
فهد:. يامرحبا بها على قولت ريم خليني امرح في البيت قبل لا يصيرحظر تجول .... ايووووووه عمتي مشعل في الدوانيه طالب يشوفج.
ايمان انقلب وجها حست بشي راح يصير..
راحت ايمان الدوانيه وفهد جلس عند خواته وجات ام ناصر
ايمان كانت لابسه جلبيه حمرا مخصره وفيها نقش لون ابيض على اطراف كمها ومن تحت وحاطه روج احمر
ايمان. السلااااااااااام عليكم
مشعل وهو يقوم ويصافحها.. ومسك يدها بقوه وحبها من عند خدهاااا ايمان تخدرت من المست خده جلسها جنبه وقال
وعليكم السلااااااااام
ايمان . تقول بتجي العصر وجيت المغرب
مشعل. كنت مشغول
ظلوا خمس دقايق محد فيهم تكلم قرر مشعل يكسر الصمت
مشعل من نزل راسه وقال
انتي عشتي معي سنه ونص وتعرفين طبعي وتفكيري و حالتي الماليه .... وتعرفين بعد علاقتي بامي ماهي قادره تصبر عني اخواني كل واحد طلع البيت بحجت شنو والله مرتي ماهي قادره تفاهم مع امي انا كنت وقتها مو براضي على اللي يسوونه اخواني ..اذا حريم اخواني ماصبروا على امي عجل من يصبر عليها الغريب ولا الجيران .. هاه محد بصابر على امي غير عيالها وانتي شوفت عينج اعيالها اطلعوا من البيت حتى من غير مايستئذنون منها يرضيج الى هم سووه فيها هذا جزاتها اخر عمرها اعيالها يتخلون عنها كل واحد يتعذر بمرته
وجيتي انتي وكملتي الباقي ......كسرتي ظهري بطلعتج ماتوقعتها منج تسوينها
انا اليوم جيت اقولج انا الرجال طلعه من بيت امي ماني بطالع ....تبين تعشين معي انا وامي ( شد على كلمة امي)
العين اوسع لج من الباب مكانج في قلبي
ايمان. بس انت تعرف امك ماتحبني والله يامشعل صبرت عليها وايد اخر مره سوتها معي تفشلني جدام جيرانها تقولي انقلعي والله لا اخلي مشعل يعرس عليج علشان شنو يامشعل علشان انكسر الفنجال تدعي علي قدام اللي يسوا واللي مايسوا
مشعل. اعتقد يوم خذتيني تعرفين امي وطبعها ماانتي غشيمه فيها
ايمان ماردت عليه كمل مشعل
.. هذي امي يا ايمان انتي مره ترجعين معي البيت وامي اسكتي عنها خليها تقو ل اللي تبي ..
ايمـــــــــــان. ما اقدر
مشعل قام ضايق وقال الله يستر عليج يا ايمان بكره الورقه راح توصلك
ايمان انصدمت ماتوقعت مشعل بهسهوله يتخلا عنها وين حبه اللي يقوله
مشعل مشى بيطلع وقفه صوت ايمان وهي تبكي التفت له حصلها حاطه يدها على وجها ومدنقه وتبكي قرب منها ورفع راسها
وقال . يوم انج تحبيني وتبكين علي فرقاي ليه ماترجعين علشاني وتحملين امي علشاني
ايمان احضنت مشعل بكل قوتها وقالت احبك لا تخلا عني بسهوله وهي تبكي
مشعل يمسح على ظهرها وقال. يعني اناا للي ما احبج ..انتي الدنيا كلها ياروحي........ هاااه بترجعين
هزت راسها ايه
تشقق مشعل توسعت ابتسامته
قال. يلوموني فيج بسرعه انا استناك بسياره وعطاها قبله على خدهااا.
ايمان كانت بتقول مو اليوم علشان ناديه جايا بطريج بس بعد البوسه دوخت....
...............
فواز. انت ليه تبكين
ناديه . بعد ماطلعت من احدود السعوديه احس اني ضايعه .. وبكت ابحرقه ..
فواز . ابشرك احساسك خاب انا احس انك راح ترتاحين عند عمانك قولي فواز قال
ناديه.هههههههههه الله يسمع منك
فواز . تدلين بيت جدتك
ناديه. لا
فواز. انتي كل سنه رايحه لهم ماتدلين بيت جدتك
ناديه. لا هم شدوا من بيتهم اسكنوا في بيت جديد
فواز: عجل خليني ادق على فهد يوصف لي البيت