[درة الاحساء]

الحلقة الرابعة و العشرون

إتفق صهيب مع والدته ووالده

أن يكون في ود وترابط وتعاون في البيت


وأن زوجات الأبناء كلهم ينزلوا ويساعدوا بعض

ولا يكون كل العمل علي واحدة فقط

وفعلا بدأ تطبيق ما اتفق عليه صهيب مع والده ووالدته

وخف العمل كثيرا علي سارة وتفرغت شروق للمذاكرة

فقد إهتم بها الجميع وطلبوا منها أن تهتم بدراستها

وأن تحقق طموحهم وتشرف عائلتهم

والد صهيب : شدي حيلك يا شروق عايزك تطلعي مهندسة كده

علشان تساعديني تقيسي معايا الأرض وتبني العمارات الجديدة

شروق : صحيح يا جدو هساعدك في الحاجات دي خلاص ماشي

علي الرغم إني نفسي أطلع دكتورة أطفال

بس خلاص ممكن أروح هندسة علشان خاطرك

والد صهيب : ربنا يكرمك يا شروق نفسي أوي

أشوفك في كلية من كليات القمة

ربنا يحفظك إنتي متعرفيش إنتي غالية عندي أد إيه

شروق : ربنا يباركلي فيكِ يا جدو وإنت كمان غالي أوووووي

وبدأت والدة صهيب تتغير كثيرا مع سارة

وأصبح هناك ترابط وتعاون كبيرا بين أفراد العائلة


وعاد صهيب لتجارته وكان صهيب لا يعرف كيف يحمد الله علي نعمة


خروجه وشعر بنعمة الحرية التي يغفل عنها الكثير وأصبح زاهدا جدآآ في الدنيا


ويعجبه أقل القليل من أي شئ


وعاشت سارة أيام جميلة جدآآ بعد رجوع صهيب

وحمدت الله كثيرا علي تغيير الحال

وأصبح صهيب يجتمع مع أولاده كل ليلة ويلعب معاهم

ويعمل لهم مسابقات وينشد لهم أناشيد جميلة

محاولا أن يعوضهم عن أيام حرمانهم في طفولتهم

وأصبح يشجعهم علي المذاكرة والإهتمام بحفظ القرآن

واجتهدت شروق كثيرا لتحقق طموح عائلتها

ولكن في ظل هذه السنة قابلتها عقبة

فقد تعرفت علي فتاة في التحفيظ ليست من مدرستها

لبسها بنطلونات اسمها سامية

عرفت سامية شروق علي المدرسين الخصوصيين في هذه السنة الدراسية

وأصبحت شروق تذهب مع سامية في معظم الدروس

كانت سامية فتاة تسمع الأغاني ولا تعرف من أمور دينها الكثير

حاولت شروق مع سامية أن تغير لبسها ولكن دون جدوي

لم تقتنع سامية لأن والدتها تساعدها علي لبسها

فقررت شروق أن تترك الأمر وتحاول أن تساعدها في باقي الأمور

فربما بعد أن تترك الأغاني وتنتظم في الصلاة لعل الله أن يهدي قلبها للإيمان

وفي يوم من الأيام ذهبت شروق لتأخذ سامية من بيتها للذهاب للدرس

وأثناء دخولها البيت سمعت صوت عالي للأغاني في البيت

فقررت شروق أن تستغل الفرصة وتكلم سامية عن الأغاني


شروق : السلام عليكم ورحمة الله وبركاته

سامية : وعليكم السلام ورحمة الله وبركاته

شروق : إزيك يا سامية أخبارك إيه

سامية : الحمد لله تمآآآام..

شروق : هو إيه الصوت اللي جوه ده ؟

سامية : صوت إيه ؟

شروق : فيه صوت كده...أنتي مشغلة حاجة ؟

سامية : آه..يا بنتي ده الكاسيت

شروق : كاسيت ؟؟

سامية : أيوة الكاسيت..تعالي أنتي هتقفي علي الباب..

دي يا ستي أغنية جديدة للـ...

شروق : أغنية ؟؟!!

سامية : ؟؟؟

شروق : ما تطفيه أحسن !

سامية : مالك يا بنتي فيه إيه ؟؟ مش عاجبكي الأغنية ؟ أغيرها لك ؟

شروق : لألأ مش قصدي...اطفيها خالص!

سامية : ليه ؟؟!!

شروق : اطفيه بس وتعالي..

سامية : ها فهمني فيه إيه بقي ؟

شروق : ياسامية يا حبيبتي ..أنتِ عارفة إيه حكم الأغاني دي ؟

سامية : حكمها ؟ هي حرام ؟

شروق : اصبري وهأقول لك.. بس تعالي ننزل نروح الدرس وإحنا

رايحين نتكلم علشان مش نتأخر

سامية : قولي لي..حرام ؟؟؟؟؟!!!!!

شروق : أيوةـ القرآن والسنة حرموها ـ...وهأقول لك إزاي..

يقول الله تعالى : ( وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُواً أُولَئِكَ لَهُمْ عَذَابٌ مُّهِينٌ * وَإِذَا تُتْلَى عَلَيْهِ آيَاتُنَا وَلَّى مُسْتَكْبِراً كَأَن لَّمْ يَسْمَعْهَا كَأَنَّ فِي أُذُنَيْهِ وَقْراً فَبَشِّرْهُ بِعَذَابٍ أَلِيمٍ )[لقمان : 6 ـ7 ]

لما سئل ابن مسعود رضي الله عنه عن لهو لحديث قال: الغناء والذي لا إله

إلا هو "يرددها ثلاثا"

وأيضا عبد الله بن عباس وابن عمر وجابر بن عبد الله ...قالوا أنه الغناء..

شفتي بقي !..ودول صحابة أجلاء يعني مش حتي علماء معاصرين

ده كل صحابي منهم جبال من العلم والمكانة يا سامية !!

نيجي للسنة بقي

فقد قال رسول الله (صلى الله عليه وسلم ) :
( ليكونن من أمتي أقواما يستحلون الحر والحرير ، والخمر والمعازف) أخرجه البخارى

شوفي يا سامية الغناء إتذكر مع إيه

مع الزنا ! (اللي هو الحر)

مع الخمر!

مع لبس الحرير للرجال.....!

وشوفي أقوال السلف رضي الله عنهم..

فقد قال سيدنا عثمان بن عفان : ( ماتغنيت قط )

سبحان الله! سيدنا عثمان يتفاخر بترك الغناء لحرمته الشديدة

والناس بنتفاخرباللي سمع آخر شريط للمغني كذا ..

أوشاف آخر كليب للمغنية كذا..!!

يا الله .. معقولة يا سامية أمتنا اللي هي أحفاد الصحابة الكرام تبعد كده

وتبقي أمة ضايعة بالشكل ده ؟؟

معقولة يا سامية أستمتع بالنظر لكليب ولا بسماع أغنية وأنا عارفة أن أنا

بآخد ذنوب باللي بأعمله ده ؟

وبعد كده نقول ليه حالنا بقي كده
وليه عايشين في فرقة وحروب وضلال ؟؟

وقال عبد الله بن مسعود : ( ان الغناء ينبت النفاق فى القلب )

تحبي يا سامية تكوني منافقة ؟؟؟

أكيد لا ..!!!

وقال أنس رضي الله عنه: أخبث الكسب كسب الزمارة

شوفي دي الزمارة..ما بالك بالآلات الحديثة الموجودة دلوقتي ؟؟

وتلاقي الأغنية تتكلف آلاف الجنيهات علشان تطلع..طيب ليه كده ؟؟

وأخوتنا في الصومال والنيجر بيموتوا من الجوع والعطش!!!

سامية حبيبتي

كل كلمة بتسمعيها ده كل حرف بتسمعيه بيتكتب عليكِ ذنب

فاحنا محتاجين للذنوب ولا لرحمة ربنا

لرحمة ربنا طبعا

وصدقيني سماع الأغانى بيدفعك للمعصية
وبيخلي الأفكار الخبيثة تشتغل في عقلك

بكل اللي فيها من كلمات عن العشق والهوى والهجر والوداع ،

حتي لو مكنتيش واخدة بالك ...لكن هي دي الحقيقة..

سامية يا حبيبتي إحنا محتاجين أوي الوقت اللي هنتفرج فيه علي التلفزيون

ونسمع أغاني ونشوف كليبات

شوفي الحديث ده

حديث رسول الله صلى الله عليه وسلم: (لا تزول قدما عبد حتى يسأل عن عمره فيما أفناه، وعن علمه فيم فعل فيه، وعن ماله من أين اكتسبه وفيم أنفقه، وعن جسمه فيم أبلاه) رواه الترمذي وقال حديث حسن صحيح.

هتقولي لربنا إيه وقتها لما تتسألي عن عمرك قضيتيه في إيه ؟؟

هتقوليله إيه وإنتي رحتي فضلتي الأغاني علي كلامه الجميل

سامية يا حبيبتي لازم تعرفي إن لما ربنا ينهانا عن حاجة مش بينهانا عن

الحاجة دي غير لأن الحاجة دي فيها ضرر علينا

قوليلي بالله عليكِ يا سامية

إنتي إستفدتي إيه من سماعك للأغاني ؟؟

ولا حاجة والله

غير إنك ضيعتي وقتك في حاجة مفهاش فايدة

وأغضبتي ربنا بسماعك للكلام المحرم

وممكن تكوني سرحتي مع الكلام

عارفة ، بعض الشباب هيقولوا أن الواحد لما يكون مصاب بالاكتئاب مثلا

أو الهم ، فبيسمع الأغاني علشان يخفف من همه ويروح عن نفسه...

وفي الواقع أن ده غلط في حد ذاته..

لأن ربنا سبحانه وتعالي مش هيجعلنا راحة في حاجة محرمة أبدا

وأصلا لو سألت حد من الشباب دول تلاقي أنه بيشعر بالنشوة والفرح

وقت سماع الأغنية..وبمجرد ما تنتهي يرجع مرة تانية لحزنه وغمه...

زي العلاج اللي ملهوش أي فايدة !

وغير كده الأغاني بتعطلك عن القرآن الكريم كلام الله تعالي..

هتقوليلي هي بس للترويح عن النفس .. للتسلية ...

لكن انا بقرا القرآن وبحفظ منه زي ما انتي عارفة

لا يا سامية يا حبيبتي

حب الكتاب وحب ألحان الغناء...في قلب عبد مش بيجتمعوا

فأنهي واحد بتفضليه ؟؟

كلام الله ولا كلام الأغانى؟

؟؟

يا سامية مفيش آية من كتاب ربنا لمست قلبك ؟؟


أكيد في

طيب ليه سمحتي لقلبك يا سامية يتعلق بكلام المغنين ده ؟؟

وليه سمحتي لنفسك بحب الناس دي

إنتي متعرفيش إن الرسول عليه الصلاة والسلام قال

: (المرء مع من أحب) متفق عليه

فتحبي تتحشري مع الناس دي ؟؟ ولا مع النبيين والصديقين والشهداء

انا عايزاكِ تحكمي بنفسك

تخيلي كده إننا يوم القيامة .. تتخيلي ممكن ساعتها نشوف الأغاني
حرام ولا حلال ؟؟...

تخيلي معايا دلوقتي كل أعمال الخير ..الصلاة والصيام ..
والصدقة وتبسمك في وجه أختك

وعلي الجانب التاني أعمال الشر ..
قتل وسرقة وحقد ..كل المعاصي والآثام

فاحكمي كده الأغاني هتكون مع أعمال الخير ولا الشر

ما هو مش معقولة تكون الأغاني دي سبب في أنك تأخد حسنات!

تحب أنتي بقي تكوني في أي ناحية ؟؟

أكيد مش مع الأغاني !

سامية يا حبيبتي انا خايفة عليكِ من الأهوال

وأنهي حاجة أحب ليكِ يا سامية تكوني مع المغنيين
ولا مع اللي يقولهم ربنا يوم القيامة إقرأ وارتق
ورتل كما كنت ترتل في الدنيا فإن منزلتك عند آخر آية تقرأها ..

إنهم حفظة القرآن .. لله درهم ..

اسمعي الآية دي كده يا سامية

( وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُوراً ) [الفرقان : 30]

ده نداء من الرسول عليه الصلاة والسلام بيشتكي فيه من أمته لله الواحد القهار

فتحبي تكوني من اللي اشتكاهم الرسول لله رب العالمين

معقولة يا سامية أغنية تلهيكِ عن ذكر وكلام ربنا

وتشغلي قلبك وعقلبك بمعاني فاسدة

وترضي إن الرسول يشكيكِ لله

لا طبعا !!

ده نداء من رسول الله يشتكى فيها أمته لله الواحد القهار


فهل تحبي أن تكوني من اللي اشتكاهم الرسول لله رب العالمين؟؟؟؟


هو أنا وأنت أصلا من اللي هيشفع لنا إن شاء الله عند الله سبحانه يوم القيامة ؟؟

ومين اللي هنرافقه في الجنة إن شاء الله ؟؟

مين يا سامية غير الرسول صلي الله عليه وسلم !!

وشوفي برده الآية دي : (أَفَلَا يَتَدَبَّرُونَ الْقُرْآنَ أَمْ عَلَى قُلُوبٍ أَقْفَالُهَا )[محمد : 24]

قوليلي يا سامية إيه اللي ممكن يقفل القلوب ويخليها مش مستمتعة بكلام ربنا

ومش حاسة بحلاوته

إنتي عارفة إن طول الوقت اللي بتسمعي فيه الأغاني بيطفي حلاوة الطاعة في

القلب

عارفة إزاي ؟؟

انا أقولك

هل في مرة كنتي مخنوقة اوي ومسكتِ المصحف وقعدتِ تقري

وتقري وحسيتي ساعتها إن الضيق راح

بعدها لما سيبتي المصحف الضيق رجع تاني

عارفة ليه ؟؟

لأن طول الإستماع للأغاني أذهب لذه قراءة القرآن

جاوبيني بصراحة يا سامية

كم مرة بكيتي من تأثرك بأغنية حزينة
بتتكلم عن الفراق والهجر والوداع ؟؟

وكم مرة بكيتي من تأثرك بالقرآن ؟؟

ليه سبتي المصحف لغاية ما تراكم عليه التراب
وبقي زي الكتاب علي مكتبك مش لمستيه ليكِ شهور

لكن ريموت التليفزيون مش بيفارق إيدك طول اليوم
وممكن كمان تنامي وإنتي

مش حاسة بنفسك وتصحي تاني يوم تلاقية لسة في إيدك

سامية أنهي أفضل عندك

لذه فانية ولا لذه باقية

لذة المعصية يعقبها .. ندم وألم

ولا لذة الطاعة .. يعقبها راحة دنيا وآخرة ان شاء الله..

لذة الطاعة تعقبها الجنة بإذن الله...

سامية إنتي أختي والأمة كلها بتحتاج كل واحد فينا مسلم

ويكون مسلم بحق وحقيقي

أوعي تفتكري إن حالنا ده مستعصي ومش هيتصلح

لا يا سامية

نصر ربنا جاي بإذن الله

فعلشان كده بالله عليكِ يا سامية بلاش تكوني

عقبة في طريق النصر بسماعك للأغاني

والنصر هيبتدي لما كل واحد يصلح نفسه

وبكده هيتصلح حالنا كلنا بإذن الله

وأثناء ما شروق وسامية يتحدثون في الطريق

وقف شاب وقال بصوت عالي

انا مش عارف إزاي دي ماشية مع دي

تفجأت شروق من رد فعل الشاب علي مشيها مع سامية

لأنها لم تكن تعلم أنه خطأ أن تمشي مع من تلبس بنطلون
لأنها بذلك تعلن أنها موافقة علي لبسها

وظلت تبكي سامية

وتردد

سامية : ليه هوا انا وحشة كده مالوا لبسي يعني حرام عليه

ليه يتكلم قدام الناس كده ويحسسني إني إنسانة وحشة أوي

وظلت تبكي سامية

وتحاول شروق تهدأتها

شروق : معلش يا سامية انا عارفة إنك من جوة إنسانة كويسة

أوي وبإذن الله تكوني في نظر الناس كويسة

سامية : يعني إنتي معترفة إن لبسي مش كويس

شروق : يا سامية انا كلمتك في الموضوع ده قبل كده

وبعدين مالك قلبتي ليه انا صحبتك وخايفة عليكِ

عامة إحنا وصلنا لبيت المستر إمسحي دموعك كده

وبعد الحصة نكمل كلام ونشوف موضوع اللبس ده

سامية : عارفة يا شروق علي الرغم من الكلام اللي قالوا الشاب ده

لكن انا حاسة ليه الحق لما طبقت الكلام اللي قوليه عن الأغاني

وجربت معظم الكلام علي اللبس

لقيت ليه الحق بجد

شروق : صحيح يا سامية إنتي إقتنعتي خلاص
إن الأغاني مش هتسمعيها تاني

طيب خلاص بعد الحصة أقولك تسبيها إزاي

نهائي ونحاول نفكر في طريقة تقنعي مامتك بيها باللبس

سامية : ماشي يا أحلي شرووووووق

تدمع عيني شروق وسامية وتمسك كل منها بيد الأخري

ويدخلان الحصة وكل منها يحمل بريق أمل كبير في الله


في الحلقة القادمة بإذن الله شروق هتقول
لسامية تعمل إيه علشان تبعد عن الأغاني

ويحاولوا في طريقة تقنع فيها ماماتها بتغيير لبسها
وهل فعلا سامية هتغير لبسها ولا لأ