[اسطورة !]

الــــــــــــــــــــــب ـــــــــ 37 ـــــــــــــــــــارت

في بيت سالم ..

سمر (شهقت) : شنووووووو

الأم : أقصري صوتك

سمر: يمه أنتي تضحكين علي ولا وش

الأم : لا هذا الصدق

سمر (تجلس على سريرها بعصبيه): وش صدق بعد يومين ملكتي

الأم : وش فيها ترى كلها توقيع

سمر (بتذمر) : يمه واللبس والتجهيز ولا أنا كل مره املك هي مره وحده

الأم : عاد اللي صار أبوك وافق

سمر : وش وافق هو اللي يبي يعرس ولا أنا

سالم (دخل الغرفة) : وش فيك صوتك واصل لغرفتي

سمر : سلومي شوف هذا عبدالرحمن مجنون توه يخطب وتونا نوافق ويبي الملكة بعد يومين

سالم : وش فيها

الأم : قل لها عجزت مدري ليه مكبره السالفة أنا بروح لأبوكم

سمر : يمااااااااه تعالي

سالم : بس بس وش فيك

سمر (دمعت عيونها) : وش يحس فيه هذا

سالم : هذا من

سمر : عبدالرحمن يحسب بلبس دراعه يعني

سالم : وش فيك قولي لي

سمر : الكل عارف أنها ملكت عمتي خوله ولبس العروس غير ولبسنا بسيط لأنها عائليه بس كيف يعني أنا ألحين بمشكله

سالم : اللبس يعني

سمر : أيه أنا فستاني للملكة قصير وعادي يا دوب شريطه ستراس على الخضر بسيط بس كيف ألبسه واهي ملكتي والله فشله

سالم : خلاص ولا تزعلين نروح العصر السوق

سمر : مو سالفة سوق أنا قبل يومين رايحه السوق ما فيه شيء حلو يااااااااربي بموت منه

سالم : هههههههههههههههههه

سمر (تضرب كتفه بعصبيه) : تضحك وأنا مقهوره

سالم : خلاص بس يأذن العصر أنا وأنتي نروح للسوق كل المجمعات لين تلقين اللي يرضيك

سمر : سلوم والله صعب يومين اففففففففففففف

سالم : خلاص بقرص لك أذنه لو أشوفه وأقول يا ويلك مره ثانيه لو سويتها

سمر : أحسن ينذبح

سالم : تترملين ههههههههههه

سمر : بسم الله علي

سالم : يالله أنا بروح لناصر والعصر برجع لك تكونين جاهزة

سمر : تسلم الله لا يحرمني منك

سالم : ولا منك

سمر (تشوفه يطلع) : الله يعينك يا خوي ويصبرك ( رفعت جوالها واتصلت على ليالي ) ألو

ليالي : هلا وغلا

سمر (تجلس على الكرسي) : لولو ببكي

ليالي : أفااااااااا والسبب

سمر : عبدالرحمن

ليالي : من

سمر : هندينا

ليالي : عندكم هندي اسمه عبدالرحمن ليه مسلم

سمر (بعصبيه) : بطلع لك من سماعة الجوال

ليالي : هههههههههههههههههه لا لا امزح وش فيه عريس الغفلة

سمر (بوزت وبعصبيه) : الملكة بعد يومين

ليالي : أيه وش دخل الملكة في عبدالرحمن

سمر(بعصبيه زياده) : ياااااااااااااربي وش هالدلاخه اليوم عليك أقول لك الملكة بعد يومين يعني اناااااااااااا

ليالي : يووووووه توني افهم

سمر : أفففففففف أخيرا

ليالي : وش يحس فيه هذا

سمر : الظاهر يحسب انا مثله ثوب وشماغ وبس

ليالي : يا قلبي أنتي وش تبين تسوين

سمر : سالم بيأخذني العصر للسوق

ليالي (شدت على يدها وقلبها يدق لطاريه) : اها

سمر (حست فيها حبت تغير السالفة) : لولو شخبارك مع جاسم

ليالي : ما شفته

سمر (بهدوء) : عطيه فرصه

ليالي : همممم

سمر : تسمعين عطيه فرصه قربي منه افهميه وخليه يفهم لولو من

ليالي : طيب

سمر : وش رأيك تقولين لناصر يوصلك للسوق أنتي ووضحه ونتسوق مع بعض فروحه ما تقدر عشان رجلها ومي ما تقدر من رجلها وعذاري بتروح بيت أهل سليمان وما أبي أروح لوحدي

ليالي : عذوره بتروح من يوديها

سمر : سليمان زارهم اليوم وقال لها

ليالي : لااااااا احلفي وش صار

سمر : ههههههههههههههههههههه اسكتي والله تحفه اليوم صار لها موقف بتذكره لأحفاد أحفادها

ليالي : قولي لي

سمر : فاضيه شكلك

ليالي : موت وضوحه بغرفتها تكلم فرح

سمر : طيب اسمعي اللي صار

نترك سمر تسولف لليالي ونروح لوضحه اللي معصبه من فرح ...

فرح : والله مالي دخل

وضحه (بعصبيه) : كيف مالك دخل وعمتي متصله تقول لي افا ما تزورينا وفرح ما اهتميتي فيها

فرح : بصراحة فهد السبب

وضحه (بصدمه) : وش دخله فهد

فرح : مدري بس يقول معقولة ما عزمتي حرمة ولدك هنا ولا دخلت بيتنا من يوم ملكنا

وضحه (بعصبيه) : حيوااااااااااااااان فاهمه وش يبي فاهمه حركاته بس يموت ولا يشوفني يموت

فرح : وضحه هدي

وضحه : كيف أهدي وهذا بحياتي حسبي الله عليه بيجنني وش يبي وش يبي مو كفايه الحقيرة اللي يسولف لها ويكلمها حتى بعد ما ملكنا ما كلف نفسه وقال ابي اعتدل واترك هذا الطريق أنا رجال متزوج

فرح : أنتي غيريه

وضحه : ما أغيره ولا لي دخل فيه

فرح : كيف واهو زوجك

وضحه : بس لازم تذكريني

فرح : أذكرك بواقع

وضحه : وااااقع مر مر

فرح : طيب اهدي (سمعت شهقاتها وعرفت انها تبكي) وضحه لا تبكين انتي قويه

وضحه (تشاهق ) : حطمني ليه كذا لو اهو يحبني يمكن يهون بس اهو ما يحب غير اللي يكلمها

فرح : بس أنتي زوجته

وضحه : غصب

فرح : طيب اسمعي أمي عزمتك بكره صح وبعد بكره ملكة عمتي خوله

وضحه : والمعنى

فرح : خلي زيارتك الليلة تعالي

وضحه : وش الفرق نفس الشيء

فرح : الفرق ان فهد مو في البيت عنده دوام على المغرب كذا يستلم وأهو طالع ألحين مو فيه وبكره ما عنده شغل يعني بيجلس في البيت

وضحه : يعني مستلم اليوم

فرح : أيه اهو طلع وقال لامي قبل يطلع لأن المغرب يرجع يغير لبسه ويطلع للشغل ما راح يكون موجود خلي وصولك على الساعة 7 وبكره أصلا عطله الخميس عادي لو تسهرين عندنا

وضحه (بفرح) : احلفي

فرح : ههههههههههه والله هذا اللي اعرفه واهو قال لأمي اعزميها بكره عشان عندي شغل بعد بكره

وضحه : الله لا يحرمني منك يارب

فرح : ولا منك يارب أيه افرحي فديتك

وضحه : الله يعين أوكيه بسكر

فرح : مع السلامة

وضحه : مع السلامة ( سكرت الجوال و سمعت الباب ينضرب) ادخلي لولو

ليالي : السلام عليكم

وضحه : وعليكم السلام

ليالي : تكلمين فرح

وضحه : أيه

ليالي : ليه تبكين

وضحه : فهد

ليالي : وش فيه

وضحه (تتنهد) : يقول لعمتي لازم تعزمون زوجتي وما يصير

ليالي : أحلى المهتم وش عنده

وضحه : يعرف أني أتهرب من شوفته وإن للحين شكلي ما يعرفه والظاهر هذا اللي يفكر فيه

ليالي : اعتقد أن مقهور أن ما قدر عليك رغم أنه ملك عليك بس ما قدر يملكك

وضحه : ولا يقدر

ليالي : بكون صريحة معك

وضحه : شنو

ليالي : فهد لو شافك بيسلم حصونه لك ويعلن انهزامه

وضحه : هههههههههههه يا شيخه

ليالي : لا صدق لا تضحكين أنتي جمال البدوية جمال غير ما شاء الله جسم ما شاء الله شعرك أحلى من شعري حناوي لون الحناء وطويل وبشرتك وعيونك الوساع وشفايفك وحواجبك وش اوصف ما شاء الله أنا لو ولد أخق عليك

وضحه (استحت) : لولو بس ترى اصدق نفسي وانتفخ

ليالي : هههههههههههههههه ودي تنتفخين بس الرشاقة أصلها أنتي طول برزه

وضحه : تتغزلين هههههههههههههههههههه

ليالي : أقول الصدق وأحس أن فهد بس يتمنى يتمنى يشوف الأنسانه اللي الكل يشهد لها بالجمال والحلاوة وأهو الوحيد اللي ينكر جمالها وحلاتها

وضحه (أستحت وتبي تغير السالفة) : أحم طيب وش جايبك

ليالي : هههههههههههه غيري السالفة المهم سمر تسلم عليك

وضحه : الله يسلمها اليوم شفتها في الكلية وش عندها اشتاقت لي

ليالي : لا حددوا الملكة

وضحه : متى

ليالي : بعد بكره

وضحه (بصدمه) : وووووووش

ليالي : انصدمتي مثلي هههههههههه

وضحه : من صدق

ليالي : إيه الظاهر عبدالرحمن ميت من الشوق

وضحه : ههههههههههههههه الظاهر مات مو ميت

ليالي : أيه وسمر معصبه

وضحه : من حقها تعصب وش هالرجال حتى ما عطاها فرصه تتجهز مثل الناس

ليالي : عشان كذا العصر سالم قال العصر يوديها للسوق وهي اتصلت وقالت تبي نروح معها لأن سالم ما راح يفهم مثلنا وما يقدر يساعدها وفرح ما تروح عشان رجلها ومي عشان زوجها وعذاري معزومة في بيت اهل سليمان

وضحه : ههههههههههههههههههههه تعبير مو سالفة

ليالي : وش أسوي انقطع نفسي ههههههههههههههههههه

وضحه : موافقة لأني متضايقة وأبي اطلع

ليالي : اوكيه بتصل في ناصر وأقول له

وضحه (توقف) : اوكيه بنزل أسوي لنا قهوة خلصي وأنزلي

ليالي (مسكت يدها) : اوكيه بس تسولفين لي وش تبين تسوين في فهد

وضحه (ابتسمت بخبث) : فهد بيتعب كثير ولا يوصل لي

ليالي : هههههههههههههه أحلى يالقويه

وضحه : يالله

ليالي : يالله اسبقيني وبلحقك بس بروح آخذ جوالي

وضحه : اوكيه

------------------------------

في بيت مي

مي جالسه في الصالة تتصفح مجله وأهي تسمع أغنيه

الله ع الجو وانت معاي الجو روعه روعه اكيد

لو مهما لو ضاقت دنياي كل شي معاك طعمه جديد

انت معنى حياتي والبسمه ف اغنياتي

انت الاول في قلبي والوحيــــــــــــد

خلك دايم في قربي اهنى بحبك وحبي

افقد انا وجودي لو تغيــــــــــب

بعيونك انت اشوف الوجود عالم خيالي واحلى بكثير

حتى لو كنت منت موجود اهيم بخيالي وعندك اصير

انت معنى حياتي والبسمه ف اغنياتي

انت الاول في قلبي والوحيــــــــــــد

خلك دايم في قربي اهنى بحبك وحبي

افقد انا وجودي لو تغيــــــــــب

أنفتح الباب ودخل سطام قرب وجلس جنبها وأهي نزلت المجلة

سطام : وانت معاي الجو روعه (شافها تبتسم له باس خدها ) السلام عليكم

مي : وعليكم السلام

سطام : وش تقرين

مي : أبدا أشوف المجلة وين كنت طلعت بعد الصلاة ولا رجعت

سطام (غمز لها ) : أشتقتي لي

مي (انحرجت) : احم

سطام : ههههههههههههههههه

مي : بسك قول وين كنت

سطام : رحت لبيت مريم مو قايل لك اليوم بجيبها

مي : مريم

سطام : أيه مريم

مي : طيب انزل اسلم عليها

سطام : بنزل شوي

مي : بتنام هنا الليلة ولا هناك

سطام (مسك يدها يلعب بأصابعها) : والله ودي أنام هنا بس أبي أعدل

مي : على راحتك سطام

سطام : هممممممم

مي : بما أنك تبي تنام اليوم عند مريم خلني أروح لأهلي من تزوجنا ما نمت يوم عندهم

سطام : وش قلنا

مي : هذاك أول لما محد عندك بس مريم موجودة

سطام : لو مريم موجودة أنا ما أحب زوجاتي ينامون برى البيت

مي : لا تقول مريم ما عمرها نامت

سطام : تنام إذا كنت مسافر وبس

مي : والحل

سطام : إذا سافرت

مي (بدلع) : سطام تكفه بس اليوم

سطام : بلا دلع ترى تندمين

مي : بلييييييييييييييز

سطام : ميوه بس

مي : أنا ميوه ترفض لي طلب خلاص زعلت منك

سحبت يدها وبوزت ودخلت غرفتها وجلست على السرير انتبهت له يدخل عطته ظهرها

مي : سطام لو سمحت لا تكلمني

سطام (يجلس جنبها) : ميوه حبيبتي

مي : لا ميوه ولا حبيبتي والله اشتقت لهم أنت بس تخليني ساعة ساعتين وتجي تأخذني

سطام : وش أسوي اشتاق لك

مي (ألتفت له) : يا أخي أشتاق بس مو كذا تبي بس اجلس معك وبس ما أشوف أحد ثاني حتى بنات خوالي صار لي فتره ما شفتهن بس أمس في ملكة بنت خالي يعني لولا ملكتها كان ما شفتهم

سطام : أف أف بس هدي

مي : ..................

سطام : يعني زعلك هذا عشان بتنامين عند اهلك

مي : إيه

سطام : هههههههههههههه طيب

مي ( بفرح) : احلف

سطام : طفله هههههههههههه

مي : لا تكذب علي

سطام : لا وربي بس يوم واحد ولا تطلبين أكثر والله يصبرني على بعدك

مي (باست خده) : مشكور

سطام : بس بوسه

مي : بس

سطام (بخبث) : بس أنا طماع

مي شافته يقرب نطت من السرير للحمام وقفلت الباب وسمعت ضحكاته في الغرفة سطام وقف وقرب لباب الحمام

سطام : ميوه

مي (بحيا) : همممم

سطام : ههههههههههه طلعي

مي : سطوم بتجهز عشان انزل أسلم على مريم