[فيتامين سي]

الساعة 9 صباحاً مكتب العقيد سلطان
مع مساعدة الرقيب سند

العقيد سلطان والرقيب سند في انتظار تقرير البحث والتحري عن الشخص المستقبل للمكالمة بجوال سوى , وكما هو معروف مستخدموا بطاقات سوى او غيرها من البطاقات مسبقة الدفع لا يوجد لهم أي بيانات ولكن يمكن التعرف عليهم من خلال تحديد مواقع الاتصال أو السماع للتسجيلات الهاتفية التي تقود الى التعرٌف على الشخص من خلال مايقال من معلومات عبر التسجيلات الهاتفية , ولكن يبقى احتمال فقدان الشخص قائم في حال كان استخدامه للجوال مره واحده فبذالك تصبح المعلومات المتاحه غير كافية للتعرف عليه

اثناء تبادل الآحاديث بين العقيد سلطان والرقيب سند دخل عليهم "ابو سعد" سكرتير اللواء عمر بن سعيد وكان معاه ملف التحريات الخاص بمستقبل المكالمة الهاتفية

-حوار داخل المكتب-

العقيد سلطان :- بشر يابو سعد عسى التحريات جابت نتيجة

ابو سعد :- ابشرك عرفوه قسم البحث والتحري

الرقيب سند :- حلوو , اقرى علينا التقرير لاهنت يابو سعد

ابو سعد :- اسمه طالت اعماركم ثامر بن مرزوق صاحب مؤسسة بن مرزوق للاستيراد والتصدير نشاط مؤسسته مفروشات ومستلزمات منزلية وعنده 14 فرع في مناطق المملكة , يملك بيت في حي النخيل مسجل بأسم والدته وعنده عمارة مأجرها شقق عزابية وعنده شقه في نفس العمارة خاصه فيه يجلس فيها معظم وقته , موقعها في الدخل المحدود شارع الطب والحياة خلف مطاعم الهناء ,غير متزوج حالياً وسبق ان تزوج ست مرات اربعه منهم من الخارج وعمره 53 سنة

العقيد سلطان :- ممتاز , اجل لابد من اعتقاله والتحقيق معاه , ابو سعد طلع لنا اذن اعتقال وارسله لي الان على بال مانسق مع الرقيب سند

ابو سعد :- ان شاء الله بروح المكتب اللحين اعبي الاستمارة واوقعها من اللواء عمر بن سعيد وارسلها لكم , دقايق وهي عندكم

العقيد سلطان :- الرقيب سند عطني الخريطه
الرقيب سند :- تفضل

العقيد سلطان :- هنا موقع المنزل وهذا شارع "الطب والحياة" كل هذه المنافذ الي على امتداد شارع الطب والحياة لازم نقفلها , تقريباً سبع منافذ نحتاج قوة مكونه من خمسين شخص باللباس المدني ونتواصل معهم بالاجهزة , أما انا وانت راح ندق على باب شقة ثامر بن مرزوق ونطلب منه الحضور معانا للقسم , في حالة هروبه نبلغ القوه الموجوده في الموقع تمنع احد من الخروج من الحارة الي ان يتم القبض عليه .. تمام

الرقيب سند :- تمام ياعقيد سلطان

العقيد سلطان :- يالله يارقيب سند روح رتب الاوضاع وخل القوة تتوجهه الان للموقع وانا بنتظر إذن الاعتقال يجي علشان ألحقكم هناك واخذك معاي في السيارة

الرقيب سند :- على آمرك

..........

الساعة 8 صباحاً مكتب العقيد فهد مع مساعده الرقيب فلاح


اول يوم يداوم فيه العقيد فهد بعد لقائه بزوجته عبير في بيت ابوها ورفضها للعوده للبيت , كان العقيد فهد مشغول في منافسة صديقه العقيد سلطان ومشغول ايضا في مشاكلة العائلية فكان وضع العقيد فهد صعب

- حوار داخل المكتب العقيد فهد ومساعدة الرقيب فلاح-

الرقيب فلاح :- عسى المدام رجعت للبيت عقيد فهد

العقيد فهد :- لا والله يافلاح مو راضيه , انا الان صرت في مشكلة القضية من ناحية والبيت من ناحية ثانية

الرقيب فلاح :- الله يسهلها عليك يافهد

العقيد فهد :- وش صار مع العقيد سلطان وفريقه

الرقيب فلاح :- الحقيقه انهم تقدموا علينا بخطوات وشكلهم بفزون علينا

العقيد فهد :- ليه وش صار من تطورات عندهم

الرقيب فلاح :- قبل شوي وانا نازل قابلت ابو سعد سكرتير اللواء عمر بن سعيد وكان معاه ملف سلمت عليه وسألته عن الملف الي معاه وقالي شخص مشتبه فيه في قضية خالد بن مشاري والعقيد سلطان طالب تحريات عنه

العقيد فهد :- قريت الملف ؟

الرقيب فلاح : - نعم قريته وكان المشتبه فيه تاجر اسمه ثامر بن مرزوق صاحب مؤسسة بن مرزوق , واعتقد انهم ناوين يعتقلونه اليوم

العقيد فهد :- اهاا ,, طيب يارقيب فلاح ابغى تقرير عن مؤسسة بن مرزوق تقرير خاص بالتحويلات المالية , جميع التحويلات المالية الي تمت هذا العام للافراد من غير اصحاب المؤسسات والموزعين المتعاملين مع شركاته , في بالي شيء ابغى اتأكد منه

الرقيب فلاح :- ابشر ياعقيد وان شاء الله قبل نهاية الدوام يكون على مكتبك


الساعة 5 عصرا العقيد سلطان والرقيب سند
امام عمارة ثامر بن مرزوق الواقعه خلف معطم الهناء شارع الطب والحياة

حضر العقيد سلطان للموقع وكان الرقيب سند قبل وصول العقيد سلطان قام بتوزيع قوة المداهمة على منافذ شارع الطب والحياة واعطاهم الخطط الازمة للتعامل مع الموقف في حالة هروب الشخص وفي حالة كان الشخص مسلح

وصل العقيد سلطان بسيارة عسكرية وبلباسه العسكري والرقيب سند كان في الموقع ايضا باللباس العسكري اما قوة المداهمه فكانت بالسيارات المدنية واللباس المدني

توقف العقيد سلطان بسيارة الشرطه امام مستوصف الطب والحياة على نفس الشارع وكان في انتظاره الرقيب سند في سيارته المدنية وبلباسه العسكري ,

نزل الرقيب سند من سيارته المدنية وركب في سيارة الشرطه التي كان يقودها العقيد سلطان

كانت عمارة ثامر بن مرزوق على بعد امتار من الموقع في داخل الحي .. ذهبوا الى الموقع ووقفوا سيارة الشرطه امام البوابه الامامية للعمارة

توقف العقيد سلطان والرقيب سند امام العمارة الي فيها شقة ثامر بن مرزوق وكانت عباره عن عمارة لها مدخل امامي ومدخل خلفي ويوجد بها مجموعة شقق خاصة بالعزابية , والعمارة مملوكة لثامر بن مرزوق ويقوم بتأجير هذه الشقق ولديه شقه خاصه به في هذه العمارة تقع في الدور الثاني

صعد الرقيب سند والعقيد سند للدور الثاني وطرقوا باب شقة ثامر بن مرزوق

خرج لهم رجل خمسيني يرتدي "سروال وفنيله"

- حوار امام باب شقة ثامر بن مرزوق-

العقيد سلطان :- انت ثامر بن مرزوق

ثامر بن مرزق :- نعم خير ان شاء الله وش فيه

الرقيب سند :- عليك شكوى ولازم تحضر معانا للقسم

ثامر بن مرزوق :- شكوى من مين ؟ ماذكر اني اذيت احد

العقيد سلطان :- حنا مكلفين بأحضارك للقسم ولا نعرف وش قضيتك بالضبط هناك تتفافم معاهم اذا لك حق بتاخذه واذا عليك حق بياخذونه

ثامر بن مرزوق :- طيب مو مشكلة دقايق اغيٌر ملابسي واطلع لكم

الرقيب سند :- لا مايتحتاج تغير ملابسك تعال معانا اللحين

ثامر بن مرزوق :- لا مو معقوله ياجماعة الخير اروح بهذه الملابس للقسم , بروح اغيٌر ملابسي واخذ اوراقي واطلع لكم

العقيد سلطان :- خلاص مو مشكلة بس لاتتأخر تحصلنا تحت عند باب العمارة

- انتهى الحوار-

انتظر العقيد سلطان والرقيب سند في سيارتهم سيارة الشرطة الواقفه عند المدخل الامامي لباب العمارة لمدة دقيقه ودقيقتين وثلاث واربع وحتى عشر دقائق وثامر بن مرزوق ماخرج لهم , وصل اتصال من احد افراد القوة المتواجده في الميدان على جهاز العقيد سلطان

- مكالمة عبر الجهاز اللاسلكي-

من الافراد المتواجدين في الميدان :- عقيد سلطان طلع من الباب الخلفي للعماره حرمه عجوز تمشي على عصى وماشيه بتجاه الشارع العام

العقيد سلطان :- امسكوها , العماره عمارة عزابية ومافيها حريم هذا احتمال يكون المشتبه به

من الافراد المتواجدين في الميدان :- تم طال عمرك , موقعنا الان على المنفذ الثالث للحي

العقيد سلطان :- جايكم اللحين

وصل العقيد سلطان ومعاه الرقيب سند وكان افراد قوات الامن المتواجدين في الموقع مسكوا هذه العجوز الي تمشي على عصى واتضح انها ثامر بن مرزوق الي كان يحاول الهرب , حطوه العسكر في السيارة وشالوا عنه الملابس النسائية الي كان لابسها

نزل العقيد سلطان والرقيب سند وألقوا نظره عليه داخل السيارة

الرقيب سند :- هاا .. ماعمرك اذيت احد

- مارد عليه ثامر بن مرزوق

العقيد سلطان :- خلاص ياعسكري ودوه على توقيف "عليشه" وانا والرقيب سند جاينكم هناك

مشيت السيارة الي كان معتقل فيها ثامر بن مرزوق رايحه لعليشه
وركب العقيد سلطان والرقيب سند في سيارتهم ومشوا ورى السيارة متهجين معاهم لعليشه

في اثناء الطريق رن هاتف جوال العقيد سلطان وكانت الاتصال من زوجته بدور

-حوار هاتفي-

بدور :- حبيبي سلطون حصلت اسم المطعم اسمه مطعم المرجان للمأكولات البحرية , اذا رجعت من العمل راح نتعشى هناك ولا تخاف على حسابي علشان ماتغص بالاكل ههه

سلطان :- معليش بدور مره ثانية ان شاء الله , اليوم يمكن اجي البيت متأخر

بدور :- سلطاان مايصر كذا من اليوم فرحانه وانتظرك واللحين تقول ماني بجاي

سلطان :- ماعليش يابدور مره ثانيه اللحين ماني فاضي

بدور :- خلاص خلاص مابغى اعزمك ولا تعزمني مع السلامة .. اووف

.......