[فيتامين سي]

الساعة 2:15 ظهراً مكتب العقيد فهد
مع مساعده الرقيب فلاح


وصل تقرير المباحث الخاص بالتحويلات المالية لمؤسسة بن مرزوق للاستيراد والتصدير وكان الرقيب فلاح مصدوم من شيء موجود في التقرير
كان هناك مبلغ 350 ألف ريال محوٌله من مؤسسة بن مرزوق للاستيراد والتصدير على الحساب الشخصي للسيد عادل بن حمدان , وعادل بن حمدان هو صاحب السيارة الجمس الي تقدم ببلاغ عن سرقتها من الخرج الساعة الرابعه عصراً ليلة مقتل خالد بن مشاري

-حوار داخل المكتب-

العقيد فهد :- منهوا عادل بن حمدان

الرقيب فلاح :- هذا صاحب السيارة الجمس الي ادعى انها مسروقه

العقيد فهد :- يالله قوم مشينا للخرج , القضية هذه وراها عصابات وبلاوي

الرقيب فلاح :- والله انصدمت من جد ماني مصدق

طلعوا من المكتب وركبوا سيارتهم رايحين للخرج

.........


الساعة 7 مساءاً العقيد سلطان والرقيب سند
في مبنى المباحث في عليشة


جلس العقيد سلطان والرقيب سند في مكتب مدير مباحث عليشه وقالهم اجراءات المتهم ماراح تخلص الا آخر الليل لابد قبل التحقيق ناخذ بصماته ونسوي عليه كشف وناخذ له صور وندخلها في الكمبيوتر
-حوار داخل مكتب مدير المباحث-

العقيد سلطان :- اهاا , اجل خلاص خلوه عندكم واذا خلصتوا الاجراءات ارسلوه علينا في مبنى وزراة الداخلية انا راح اداوم بكره الساعة ثمانية صباحاً

مدير المباحث :- ان شاء الله اذا داومت الصباح راح تحصله قدامك

العقيد سلطان :- خلاص يارقيب سند روح لبيتك اللحين وبكره الصباح اذا جابوه لمبنى وزارة الداخلية جيبه لي في المكتب

الرقيب سند :- ان شاء الله , بس سيارتي موقفها عند مستوطف الطب والحياة

العقيد سلطان :- أي والله صح نسيت هههه تعال اوديك لها , انا برضو لازم ارجع البيت بدري علشان وعدت زوجتي بدور اوديها المطعم وانشغلت عنها وطرطعت من الزعل

الرقيب سند :- الحال من بعضه ياعقيد سلطان حتى ام العيال عندي زعلانه وتقولي بروح بيت اهلي وانا جالس اهديها بس

العقيد سلطان :- ههههه الله يخارجنا بس

الرقيب سند :- أي والله الله يخارجنا , نعنبو شكله هذا الهامور مشاكله واصله حتى بيوتنا

..........


الساعة 8 مساءاً منزل عادل بن حمدان في الخرج


حضر العقيد فهد والرقيب فلاح الى منزل عادل بن حمدان صاحب السيارة الجمس الي تم البلاغ عنها الساعة الرابعه عصراً ليلة مقتل خالد بن مشاري والي كان يستقلها خمسة اشخاص مجهولين , وكان البلاغ مقدم من قبل صاحب السيارة عادل بن حمدان , وعادل يملك في حسابه الشخصي مبلغ 350 الف ريال محوله من مؤسسة بن مرزوق للاستيراد والتصدير مما جعل الشكوك تحوم حوله

- حوار بين العقيد فهد والرقيب فلاح والمشتبه به عادل بن حمدان في مجلس منزله –

عادل بن حمدان :- هذا الملبغ قيمة اثاث بيتي

الرقيب فلاح :- هذا البيت قصدك او بيت ثاني

عادل بن حمدان : - لا هذا البيت

العقيد فهد :- ماتحس انه مبلغ كبير شوي

عادل بن حمدان :- بالعكس اثاث دورين ومكيفات واجهزة كهربائية وشغلات كثيره هذا المبلغ بعد التخفيض , مو كثير ابد

- العقيد فهد جالس في المجلس والقى نظرة فاحصه ولاحظ مكتوب على المكيف "شركة ابناء الحسيني واخوانه وعلى التلفزيون مكتوب شركة الحمد واخوانه ولاحط مكتوب على الكنب مؤسسة اليزيد وشركاؤه

العقيد فهد : - اهاا بعد التخفيض , يمكن نسيت ياعادل بن حمدان ان الشركات تحط شعارها على منتجاتها , تلفزيونك من شركة ومكيفك من شركة واثاث مجلسك من شركة ولا فيه في مجلسك منتج خاص بمؤسسة بن مرزوق

عادل بن حمدان :- هو في الحقيقه .. انا كنت .. بس لما .. تدري هو الحين

العقيد فهد :- في القسم هناك يا عادل تقول الي في خاطرك , مشكور على القهوه وباقي تشرب قهوتنا هناك

رقيب فلاح حط الكلبش في بيده وهاته للسيارة

الرقيب فلاح :- هات يدك يابو تخفضيات جالس تلعب على من

- اخذو معهم عادل بن حمدان لقسم شرطة الخرج وطلبوا من الشرطه نقله الى توقيف عليشه بكره في الصباح ومنها ينقل الى مبنى وزارة الداخلية بعد تخليص الاجراءات الروتينية قبل أي تحقيق , وانطلق الرقيب فلاح والعقيد فهد عائدين الى الرياض

..........


الساعة 9 صباحاً مكتب العقيد سلطان
في مبنى وزراة الداخلية



بحسب المتفق عليه يصل المتهم ثامر بن مرزوق الساعة الثامنه صباحاً الى مبنى وزارة الداخلية قادماً من توقيف عليشه , ويتولى العقيد سلطان التحقيق معه في مكتبه , كان العقيد كلٌف مساعده الرقيب سند بأحضار المتهم إليه في المكتب بعد وصوله من عليشه الى مبنى وزراة الداخلية , تأخر الرقيب سند ساعة ووصل اخيراً

دخل الرقيب سند الى مكتب العقيد سلطان وعلى وجهه علامات التعجب

-حوار داخل المكتب-

العقيد سلطان :- هلا سند , ليش ماجاء معاك ثامر بن مرزوق

الرقيب سند :- والله مدري وش اقولك ياعقيد سلطان , ثامر بن مرزوق مات !

العقيد سلطان وقف على رجوله :- وشلون ماات .. انتحر !!!

الرقيب سند :- مات مقتول ياسلطان

العقيد سلطان :- وشلون مقتول فهمني وش السالفه ياسند

الرقيب سند :- اتصلوا عليٌ الفجر ادارة المباحث وبلغوني انهم حصلوه في التوقيف ميٌت , ركبت سيارتي ورحت للادارة ولما وصلت عندهم كان موجود الطبيب الشرعي يعاين الجثه وكتب تقرير ان الجثه ماتت خنقاً , واثار الخنق بسلك معدني واضحه على جثة الضحيه

العقيد سلطان :- ووين كميرات المراقبه الي داخل التوقيف والموظفين المناوبين ؟

الرقيب سند :- نزلوا وقت الصلاة وتركوا مكاتبهم لما رجعوا من الصلاة حصلوا ثامر بن مرزوق متمدد على الارض

العقيد سلطان :- واشرطة المراقبه داخل التوقيف سجلت الحدث ؟

الرقيب سند :- سجلت وشفت الستجيل كان شخص لابس لباس مدني وداق لطمه ولابس نظارات سوداء فتح باب السجن ودخل على الضحيه وخندقها بسلك معدني لين مات

العقيد سلطان :- ارسل الشريط علي الان

الرقيب سند :- ابشر


..........