[فيتامين سي]

الساعة 7 مساءاً العقيد سلطان ومساعده الرقيب سند
امام غرفة حارس الاستراحه


العقيد سلطان :- مثل ماتفقنا يارقيب سند , انا بلهي الحارس بالكلام وانت حط جهاز التصنت في غرفته في مكان غير واضح ويكون بارز شوي علشان يطلع الصوت واضح

الرقيب سند :- لاتوصي حريص ياعقيد سلطان هالشغلات خبير فيها

- دق العقيد سلطان والرقيب سند على غرفة الحارس وفتح لهم الباب ودخلوا غرفته , العقيد سلطان جالس يسأل الحارس عن اسعار ايجار الاستراحة ويتفاوض معاه والرقيب سند زرع جهاز التصنت في غرفة الحارس بدون مايلاحظ الحارس

انتهت المهمة وخرج العقيد سلطان والرقيب سند بسيارتهم الى منطقة قريبه من الاستراحة ووقوفوا سيارتهم علشان يشغلون اجهزة الاستقبال ويسمعون كل مايدور في غرفة الحارس


- حوار داخل السيارة بين العقيد سلطان والرقيب سند-


العقيد سلطان:- مشاء الله عليك سويت المهمة في لمح البصر وبدون ماحس فيك
الرقيب سند :- ايه هالاشغلات ياعقيد سلطان متمرس عليها سويت مئات المهمات وصار عندي خفة يد ومهاره فيها

العقيد سلطان :- وين حطيت جهاز التصنت ؟ كنت واقف معنا طول الوقت

الرقيب سند :- ايه كنت معاكم بس يدٌي الي فيها الجهاز رجعتها ورى ظهري وفكيت الجهاز على الارض ودفيته بكعب رجلي لين دخلته تحت الدرج الي جنب سريره

العقيد سلطان : - مشاء الله عليك تستاهل على هذه ترقية

- اثناء ماكان يتكلم العقيد سلطان والرقيب سند بدأ جهاز الاستقبال الي معاهم في السيارة يطلع منهم اصوات وكان صوت الحارس الهندي يغني اغنية ( يا أمل عطشان في وادي الظمى لاتظن الغيث في كل السحاب ) بصوت واضح وبلهجه غير مكسره !!

العقيد سلطان :- هذا الي تقول عنه هندي مسكين ! طلع سعودي ياسند

- الرقيب سند مذهول من الي يسمعه

الرقيب سند :- والله طلعت انا المسكين , يعلن شكله ياهو بارع في التمثيل

- رن جوال الحارس في الغرفة ورد على المكالمة وكانوا يسمعون رد الحارس فقط

الحارس :- ياهلا ومليون مرحبااا

الحارس :- تآمر امر ياهامور الساعة 8 في الليل يوم الاربعاء في برج المملكة الدور الاخير في محل الكوفي شوب .. حافظ الموعد احسن منكم هههه

الحارس :- اها اجل الشنطه الي معاه فيها 5 مليون ريال .. حلو

الحارس :- اخيرا راح اسافر لسويسرا واعيش ملك هناك وانسى السعودية الى الابد , ياااه حلم وبدأ يتحقق طشفت من حياة الخوف واللعب مع الحكومة .. (يا امل عطشان في وادي الظمى لاتظن الغيث في كل السحاب )

الحارس :- هههه على امرك ياهامور وعلى فكرة تذاكري جاهزه ورحلتي الاربعاء الساعة 12 في الليل الى ارض الاحلام سويسرا .. راح نودعكم الى الابد يا اصدقاء المهنه

الحارس : - مع السلامة يا احلا هامور


..........



- سمع العقيد سلطان والرقيب سند كلام حارس الاستراحة
الرقيب سند :- فرصتنا ياعقيد سلطان لازم نسمكه قبل يهرب


العقيد سلطان :- لا ياسند , لو مسكنا الحارس الان راح تنكشف العملية ويهرب الشخص الي مواعدينه في برج المملكة , المداهمه راح نخليها ضربه واحده للموقعين الاستراحة ومحل الكوفي شوب في برج المملكة


الرقيب سند :- وهذا وش راح نسوي فيه


العقيد سلطان :- هذا نخليه تحت المراقبه المشدده ماراح يقدر يهرب ولا يختفي ويوم الاربعاء نلقي القبض عليه هو والشخص صاحب الشنطه في صربه واحده


الرقيب سند :- اخيرا بطيح راسك يالهامور


..........


لندن معهد انترنشونال سكيورتي العسكري
قاعدة المحاضرات في المعهد


العقيد فهد صار له أسبوع في لندن يحضر المحاضرات في قاعة المعهد العسكري وقلبه مشغول بهموم بيته وعمله كان المحاضر يلقى المحاضره وينتهي منها وفهد سرحان يفكر كثير , كان يتردد على العقيد فهد شخص غريب الاطوار يجلس دائما جنبه في قاعة المحاضرات ويمر عليه احياناً في سكنه الخاص في المعهد ودائما يعزمه على العشاء في مطاعم خارج المعهد وبدأت علاقه خفيفه بين فهد والشخص الي عرف نفسه بأسم سالم


- حوار في قاعة المحاضرات-


سالم :- نشقى ونتعب يافهد على الفاضي حتى ترقيات وعلاوات مافيه

فهد :- ربك كريم ياسالم

سالم :- اهملنا بيوتنا وتعرضنا للاخطار واخرتها مانستفيد شيء ابد

فهد :- كل واحد ونصيبه

سالم :- تخيٌل يافهد يجيك واحد ويقولك اشتر راحتك ؟ وش تسوي !

فهد :- وشلون يعني اشتر راحتك ؟

سالم :- يعني مثلا يقولك خذ مليون وغمض عيونك في العمل

فهد :- مافهمت عليك زين

سالم :- يعني بدل ماتتعب في شغلك وتطارد ورى القضايا خذ مليون وغض الطرف عنها

- فهد من بداية علاقته بسالم كان يحس بأن تصرفاته الغريبه وراها شيء , فلما سمع هذا الكلام حب وش ورى هذا الشخص

فهد :- هههه مليون , الله يسلمك لو قالي 100 الف راح ألزق على عيوني شطرطون

سالم :- ههه طيب وش رايك لو قالك واحد يافهد خذ 5 مليون

فهد :- ياسالم لاتعيشني في حلم خلنا في واقعنا المرير بس

سالم :- اعتبر الحلم حقيقة يافهد والخمس مليون في جيبك

فهد :- ماصدق ان مثل هذه الاحلام تصير حقيقة

سالم :- الخمسه مليون جاهزه يافهد

فهد :- طيب مقابل ايش اخذ الخمسه مليون

سالم :- مقابل بعض القضايا الي مسؤول عنها انت .. تغض الطرف عنها

فهد :- مثل أي قضايا ؟

سالم :- راح يقولك عليها الي يسلمك المبلغ

فهد :- ووين احصل هذا الشخص الي معاه كل احلامي

سالم :- راح تحصله يوم الاربعاء الساعة 8 في الليل في الدور الاخير في برج المملكة محل الكوفي شوب ومعاه شطنه فيها احلامك يافهد

فهد :- ياسالم مو وقت مزح ارجوك انا انسان غرقان في الديون ومثل هذا المزح يعذبني

سالم :- انا صادق يافهد وهذا وعد رجال

فهد :- ترى وعد الحر دين عليه

سالم :- اكيد طبعا ولكن تأكد يافهد ان الخيانه ممكن تخسرٌك روحك

فهد :- شايف عندي املاك الراجحي علشان اسوي فيها ضابط شريف هههه
هذه فرصة ماتكرر في حياتي والي بخسر روحه انت لو خنتني ياسالم

سالم :- كفو يافهد , ولا تخاف سالم عند وعده واذا خانك قطع اوصاله , اجهزة الحكومة كلها تحت يدك

فهد :- ثقتي فيك اكبر , عن اذنك أللحق مكاتب الخطوط واحجر رحلة على السعودية والوعد في برج المملكة في يوم الاربعاء الساعة ثمانية .. معاد باقي إلا يومين

سالم :- حنٌ قلبي عليك يافهد , الفقر ذابحك الله يعينك , راح يقابلك في يوم الاربعاء شخص غيري وانا راح اتصل فيك من هنا واقولك على طلباتنا

فهد :- وهو كذالك نراك على خير


..........



العقيد فهد تولد عنده شعور ان هذه الشخص ضمن عصابة الهامور والغرض من هذه الرشوة غض الطرف عن التحقيقات الجارية في قضية مقتل خالد بن مشاري , ذهب العقيد فهد مكتب الحجوزات وقام بحجز رحلة الى السعودية واجرى اتصال بمساعدة الرقيب فلاح


- مكالمة هاتفيه –


العقيد فهد :- استقبلني يافلاح في المطار يوم الاربعاء 4 عصراً

الرقيب فلاح :- خير وش فيه ياعقيد فهد تو مالك اسبوع في لندن

العقيد فهد :- بعدين افهمك وكمان ضروري تجهز لي قوة مداهمة , مابغى اوصل الاربعاء الا وانت مجهز القوة فيه مهمة سريعه لازم تتنفذ

الرقيب فلاح : - على خير ان شاء الله ياعقيد فهد

.........