[فيتامين سي]

فجر الاربعاء العقيد سلطان عائد الى منزله



العقيد سلطان قضاء يوم الثلاثاء كاملاً في الاعداد والتخطيط لمداهمة برج المملكة وغرفة الحارس في الاستراحة في ضربه واحده , وقد اتفق مع مساعدة الرقيب سند على قيادة مهمة اعتقال حارس الاستراحة بينما العقيد سلطان سوف يتولى بنفسه مهمة اعتقال الشخص صاحب الشطنة في مبنى برج المملكة , كان العقيد سلطان قضى يومه في الاعداد والتخطيط بينما كانت زوجته بدور تتصل عليه بستمرار واضطر في احدى المرات اغلاقه الهاتف في وجهها اثناء اصرارها على حضوره للمنزل والذهاب بها الى السوق , لم تقدر زوجته بدور الارهاق والتوتر الذي يعاني منه زوجها وصعوبة المهمة التي ينوي القيام بها


دخل العقيد سلطان الى المنزل ولم يجد بدور في المنزل , فكل ماوجده رسالة وضعتها بدور على تسريحتها كتبت فيها تقول :-

(سلطان انا قدًرت ظروف عملك ومافيه يوم من الايام حاسبتك على كثرت غيابك لاني عارفه ظروف العمل ولكن ياسلطان توصل فيك انك تسكر السماعه في وجههي ! هذا جزى بدور ياسلطان , كيف رضيت على نفسك تحطم قلب انسانه تحبك وتسهر كل يوم علشانك تعاملها بهذه الطريقه الوقحه , ياخسارت الايام الحلوه الي بينا ياسلطان , بدور اللحين تكرهك وبدور ماراح ترجع لك ابدا ابدا مع الاسف خسرت انسانه انت بالنسبة لها كل شيء .. وادعاً )


العقيد سلطان بعد قراءة الرسالة سقط على السرير من شدت التعب والارهاق والتوتر وهذه الرسالة زاد الاوضاع عليه سوءاً


لم يكن لدى العقيد سلطان خيار سوى انجاز المهمة التي ستكون مساء هذا اليوم وبعد انجاز المهمة الذهاب الى زوجته بدور وتقديم الاعتذار لها .. لذالك خلد الى النوم استعداداً لمهمة المساء وترك رسالة بدور على احضانه


..........


عصر الاربعاء مطار الملك خالد الدولي
الرقيب فلاح في استقبال العقيد فهد


وصل العقيد فهد الى مطار الملك خالد الدولي قادماً من لندن وكان في استقباله مساعده الرقيب فلاح واثناء سيرهما الى مواقف السيارات دار الحديث بينهما


الرقيب فلاح :- القوة جاهزه وكل شيء جاهز بس وش السالفة

العقيد فهد:- شخص عرض علي رشوه خمس مليون ريال مقابل غض الطرف عن بعض القضايا , فأكيد المقصود قضية خالد بن مشاري لانها الوحيده الي اشتغل فيها

الرقيب فلاح :- وانت تتوقع ان هذا الشخص له علاقة بقضية خالد بن مشاري ؟

العقيد فهد :- اكيد طبعا وقالي بعد تستلم المبلغ اتصل فيه وافهمك وش المطلوب منك

الرقيب فلاح :- برافوعليك ياعقيد فهد ,بكذا بدينا نمسك الخيوط الخارجيه في القضية

العقيد فهد :- الليلة راح تكون نهاية الهامور


.........


الاربعاء الثامنة مساءاً محل الكوفي شوب
في الدور الاخير من برج المملكة



العقيد سلطان كلٌف مساعدة الرقيب سند بالذهاب الى غرفة حارسة الاستراحة وانتظار الاشارة منه لبدء المداهمة , بينما هو سوف يتولى مداهمة محل الكوفي شوب في برج المملكة عند قدوم الشخص المجهول صاحب الشطنه , والعقيد فهد وصل الى المبنى منذ الساعة السابعه والنص وطلب من مساعدة الرقيب فلاح البقاء عند بوابة برج المملكة وفي حالة هرب الشخص سيقوم بإبلاغه لكي تولى الرقيب فلاح وقوته اغلاق جميع بوابات برج المملكة حتى لايتمكن الشخص المجهول من الهرب


- العقيد سلطان يجلس في الكوفي شوب ومعه بعض الرجال المسلحين من قوى الامن بلباس مدني وفي نفس المحل

- عندما دقت الساعة الثامنه تماما وصل رجل يحمل شطنه سوداء وجلس على الكرسي

- بعد جلوسه بلحظات تفاجأ العقيد سلطان بدخول العقيد فهد الى محل الكوفي شوب وجلوسه في الكرسي المقابل للشخص المجهول صاحب الشطنه

- ارسل العقيد سلطان رسالة نصية الى جوال مساعدة الرقيب سند الذي يدير مهمة مداهمة غرفة حارس الاستراحة طالباً منه البدء بالمداهمة

- اعطى العقيد سلطان الاشارة الى القوات ببدء المداهمه واعتقال الشخص المجهول

- تمت محاصرت الشخص المجهول واصبح في قبضة قوات العقيد سلطان

- حوار في محل الكوفي شوب-

العقيد سلطان :- ارفع يدك وخل الشطنه على الطاوله لاتلمسها

الشخص المجهول :- الشطنه مافيها غير فلوس مزوره

العقيد سلطان :- ولا كلمة ارفع يدك وخلك ساكت

العقيد فهد :- سلطان وش جابكم هنا ؟

العقيد سلطان :- اخبارك يافهد حمدلله على السلامة

العقيد فهد :- الله يسلمك , تفاجئة بوجودك كنت مسوي كمين لهذا الشخص وانت سبقتني

العقيد سلطان :- راح اقولك سالفته بعدين

العقيد فهد :- هذا الرجل حكايته حكاية وماجيت من لندن إلا علشانه

العقيد سلطان :- الشغله يافهد مثل ماتوقعنا مرتبطه بأطراف خارجية


..........


- في هذه الاثناء قامت القوة المرافقه للعقيد سلطان بتقيد الشخص والابقاء عليه في محل الكوفي شوب الى ان تنتهي القوة المرافقه مع العقيد فهد من تمشيط برج المملكة كأحتياط امني للتأكد من عدم وجود قناصة او عصابات مسلحه مرافقه مع الشخص المجهول

في هذه اللحظه دخل الى محل الكوفي شوب ابو سعد سكرتير اللواء عمر بن سعيد ومعه المقدم عثمان خلف مدير البحث الاداري

ابوسعد :- اللواء عمر بن سعيد ارسلني لكم ومعاي المقدم عثمان بن خلف مدير البحث الاداري , علشان هذا الرجل الي معتقلينه موظف عندهم كان يحسب العقيد فهد ضابط راعي رشاوي وكانوا ما يعرفون شيء عن القضية الي تحققون فيها

عثمان بن خلف :- المعذره ياشباب غياب التنسيق بين الجهات الامنية خلانا نطيح في هذا الورطه , انا لما سمعت بخبر المداهمه رحت للواء عمر بن سعيد وبلغته بالغلط

العقيد فهد :- طيب والشخص الي قابلته في لندن مين هو ؟

-دخل سالم في هذه اللحظه الى محل الكوفي شوب-

سالم :- آسف يافهد كان مطلوب مني التحري عن العقيد فهد وكنت احسب المقصود انت طلع واحد ثاني معانا في الدوره اسمه فهد , لان ذالك الشخص متورط في عمليات رشاوي ونبغى نمسكه متلبس , اتأسف لك ياعزيزي

العقيد سلطان :- وهذا الشخص المجهول منهو اجل ؟

المقدم عثمان بن خلف :- هذا الملازم سعد بن سعدون ضابط في البحث الاداري

ابو سعد :- خلاص يامقدم عثمان خذو الملازم سعد المسالة خطأ بسبب عدم وجود تنسيق امني كل جهة آمنية تعمل لوحدها وهذا الي لخبطنا ولخبطكم

المقدم عثمان :- اكرر اسفي لكم وهذه الاخطاء الي تصير بين الجهات الامنية لازم تتصلح

..........

تفرٌق الجميع من الموقع ومابقى غير العقيد سلطان والعقيد فهد في محل الكوفي شوب جلسوا على كراسي الطاولة متقابلين وطلبوا قهوة وكلهم احباط ويأس وهزيمة بالكاد الواحد فيهم يكلم الثاني كانت هذه الحادثه محبطه لهم

العقيد سلطان هو الاتصال بمساعدة الرقيب سند ليرى اخر التطورات لديه ولم يجيب على الهاتف , رمى العقيد سلطان الهاتف على الطاولة وحط راسه على يده وكله احباط ويأس والعقيد فهد لايقل عنه سوء


- حوار بين فهد وسلطان في الكوفي شوب-



سلطان :- احس بالاحباط واليأس يافهد

فهد :- وانا اكثر منك ياسلطان جاي من لندن وكلي امل وللاسف ضاع

سلطان :- زوجتك رجعت معاك يافهد

فهد :- زوجتي قطعت التذاكر في وجهي قبل ماروح ومعاد تبغى تعيش معاي

سلطان :- آآه يافهد حتى بدور زوجتي الطيبه راحت لاهلها ومعاد تبغى تعيش معاي

فهد :- وش هالحاله القشرى

سلطان :- يافهد مانبغى الاحباط يسيطر علينا لازم نتعاون هذه فرصتنا الاخيره , التعاون هو الحل العمل الانفرادي لايمكن يجيب نتيجة

فهد :- صدقت ياسلطان وعلى قولت المثل يد وحده ماتصفق , لازم نستبدل ثوب اليأس بثوب الامل ونستبدل العمل الفردي بالعمل الجماعي هذا املنا الوحيد

سلطان :- مافيه حل إلا كذا وخلنا نبدأ بروح جديدة يافهد وهذه المره بروح التعاون

فهد :- هذا الكلام السنع , خلص قهوتك علشان نروح للواء عمر بن سعيد ونبلغه بأننا قررنا التعاون والعمل الجماعي مع بعض

..........


- في هذه الاثناء رن هاتف جوال العقيد سلطان
- رد سلطان على الجوال وطلب المتصل من سلطان فتح السبيكر علشان يسمع فهد الكلام

العقيد سلطان :- فتحت السبيكر مين معاي ؟

- كان فيه اصوات استغاثات واتضح انها للرقيب سند والرقيب فلاح مساعدي سلطان وفهد !!

فلاح وسند :- ارجوكم وقفوا التحقيق وقفوا التحقيق تكفون وقفوا التحقيق

العقيد فهد :- من فين تكلمون انتم ؟

- رد شخص مجهول

المتصل المجهول :- انذار اخير لكم اذا ماوقفتوا التحقيق في قضية خالد بن مشاري راح تحصلون راس فلاح وراس سند في صندوق بريد الداخلية , الهامور ابعد عن شورابكم

- قفل خط السماعة-


العقيد فهد :- التحقيق لازم يتوقف ياسلطان

العقيد سلطان :- مشينا بسرعة نبلغ اللواء عمر , لازم التحقيق يتوقف قبل هذا المجنون مايقتلهم

........