في الرياض
في مستشفى بغرفة خاصة بجناح الولادة للنساء الكل حولها رغم التعب اللي تحس في إلا أنها فرحانة وتحمد الله دمعتها نزلت رفعت يدها تمسحها بس قبل توصل يده مسحها
وضحه ( ناظرت له ) : فهد
فهد ( ابتسم بحب) : عيون فهد وقلبه الحمد لله على سلامتك
وضحه : الله يسلمك
أبو خالد ( يبتسم لهم) : مبروك ما جاكم يتربون بعزكم يارب
وضحه وفهد : الله يبارك فيك
فرح : ألف مبروك
وضحه وفهد : يبارك فيك
رغد ( تدخل فرحانة مع أمها ) : يهبلوووووووووووون جننون
أم خالد ( تدخل وتنزل نقابها ) : لا إله إلا الله قمرين والله
وضحه : بشوفهم فهد
فهد ( يمسح على شعرها بحب) : بس ترتاحين نروح نشوفهم
وضحه : ما يجيبونهم
فهد : هم باقي أسبوع يدخلون التاسع الطبيب فضل يخليهم بالحضانة أسبوع تقريبا
وضحه : حلوين شفتهم
فهد : مثل ما قالت أمي قمرين ( رن جواله وطلعه من جيبه ) هذا خالد ( رفعه لأذنه) هلا أبو وليد ....... الله يبارك فيك ........ ههههههههه لا حياكم ........ حجزت غرفة خاصة 3 بطابق الولادة ........ ( ناظر لوضحه ) صاحية ........ اوكي حياكم مع السلامة
ابوخالد : خالد شنو عنده
فهد : أبدا يقول أنا وميثه شفنا الحلوين بالحضانة بس ما نعرف رقم الغرفة بيوصلون الحين
فرح : طيب ابعد شوي بسكر الستارة وانتوا اجلسوا هنا
فهد : بسوي الكراسي يكون ظهرنا لسرير تأخذون راحتكم
رغد ( تمسك يد فهد وتنطط) : فهد ايش اسمهم
فهد : اسمهم ( حك رأسه ) ما اعرف ( ناظر لوضحه) هي أمهم وتختار لهم
وضحه ( ناظرت لعمها وعمتها ) : جدهم وجدتهم يسمونهم
أبو خالد : والله مدري
أم خالد : سموهم انتوا وان شاء الله نسمي الجاي أحنا
فرح : فكروا بعدين سكر الستارة قبل يدخل خالد وتحرجه
فهد ( يسكر الستارة ويقرب لوضحه ) : حبيبتي
وضحه : هلا
فهد : تعبانه شيء
وضحه : لا الحمد لله اممم فهد بسالك
فهد ( استند على السرير وقرب وجهه منها ) : اسألي
وضحه ( نزلت عيونها بخجل من قربه ) : امممم أنت كنت تبغى عيال
فهد ( حط يده على فمها وابتسم) : من كنا بالسوق أقول أبغى بنت صح ( شافها هزت رأسها بنعم) والله رزقني بنتين قمر سبحان من صورهم
وضحه ( دمعة عيونها وأبعدت يده) : صدق ولا بس تبغى تسكتني
فهد : صدق والله تعرفين بعد ما اطلع منك وين أروح
وضحه : وين
فهد : للمحل اللي شرينا منه أغراض
وضحه : صدق وينهم
فهد : ما هو حضرتك فجرتي المجمع من صرختك وصار فيه تكسر للواجهة والمحلات تقولين زلزال ورمينا أغراضنا ندور أي سرداب ضد الزلزال
وضحه (بوزت بزعل ) : يا شينك أنت ما حسيت بالوجع أحساس كأن روحك تطلع
فهد : ههههههههههههههههه امزح سلامة روحك المهم رميناهم مدري احد أخذهم ولا ايش بجيب كل لوازمنا للبنات زين ما اشتري المحل لبناتي
وضحه : تسويها ههههههههههه
فهد ( يسمع صوت الباب ينفتح باس جبينها ) : خالد وصل بعدين نتكلم وأقول لك ايش سويتي فينا يوم عرفتني انك بتولدين
وضحه : ايش ما اذكر
فهد : طيب بس يروحون بقول لك سبيتيني سب ما فيه كلمه إلا قلتيها
وضحه ( عقدت حواجبها) : سبيتك كيف
فهد ( مسك خشمها وسحبه بشويش واهو يبتسم) : اكلتيني وتقولين كله منك أنت السبب ما أبغى أولد أبغى أمي وتصيحين يا يمه تعالي وتضربين يدي وأنا ماسكك حتى لو تناظرين لكتفي كله كدمات تقولين انقلع عني أكرهك ياااااااااويلي ويلااااااااه كله منك أنت السبب باللي يجرى لي
وضحه ( مصدومة ونفس الوقت مستحيه ) : احلف
فهد ( يقرب لأذنها وبهمس ) : حتى قلتي بقول لأبوي عنك ايش سويت فيني ( ابتسم بخبث) إلا ايش سويت أنا
وضحه ( غطت وجها وهي ميته حياء وتدفه عنها ) : ما أبغى اعرف رووووووح روح ما ابيك
فهد ( يبتعد) : هههههههههههههههههه طيب لنا كلام اويلي ويلاه
لو قلت لـگ :- ( مآ آبيٰ ) ! / ترآنيٰ آتدلع
إلآ ...... آبيٰ وحيَــآة آمــيٰ وغلآتــگ !!!،
( آبيـگ ) و ( آهوىٰ سيرتگ ) و( آتطلع )
لـ " عيُـونـگ " و آجمــل { تفَـآصيل ذآتـگ }
نزلت الغطاء عن وجها و ابتسمت وهي تشوف ميثه تبارك لفهد اللي طلع خلف الستارة ميثه سلمت على وضحه وباركت لها
ميثه : بسم الله ما شاء الله يهبلون يتربون بعزك وعز أبوهم
وضحه : يبارك فيك ونبارك لك بسلامتك
ميثه : تسلمين يا قلبي
فرح ( تقرب وهي شايله كرسي) : اجلسي ميثه
ميثه ( تنزل نقابها وتجلس) : تسلمين يا قلبي اييييه ترى كل اللي وصيتيني جبتهم تلقينهم بالسلال
فرح : اجل بجيب لوضحه شوربة
وضحه : لا تكفين مالي نفس ألحين
فرح : خلاص بجيب قهوة
ميثه : وضحه ترى شنطتك بعد جبتها قالت لي عمتي انك مجهزتها فوق الدولاب خليت الخدامة تنزلها وجبناها
وضحه : جزاك الله خير ( تناظر ملابس المستشفى ) أحس نفسي منقرفه منهم
ميثه : خلي شوي يأذن العشاء وتغيرين لما يروحون الرجال
فرح ( تدخل معها قهوة وفناجيل) : والله ما قصرتي جبتي قهوتين
ميثه : قلت أكيد الرجال يبغون وحده وإحنا بعد
فرح ( تصب لهم ) : تفضلوا
وضحه : فرح ارفعي السرير شوي جلسيه بعتدل
فرح ( تحط الدله على الأرض وتقرب ترفع السرير) : كذا
وضحه : أي
فرح ( تعدل الوسادة خلف وضحه ) : بشويش
ميثه : ما شاء الله يا وضحه توأم ولدتيهم طبيعي أنا لما قال لي خالد انك طحتي بالمجمع جمد دمي من الخوف
وضحه : الدكتورة قالت لي أن المشي اللي مشيته في المجمع ساعدتني ولا كان لازم عمليه
ميثه : عسى ما أثرت عليك الطيحه
وضحه : لا شوي وجع بظهري تقدرين تقولين رضه بسيطة والطبيبة قالت لي يروح مع الدهان لموضعه ( ناظرت لفرح) بلغتوا أهلي أني ولدت
فرح : أي يووه لو تسمعين جدتي بس تتلولش وأخرها تبكي من الفرح
وضحه ( تبتسم) : يا عمري طيب متى يوصلون
فرح : بأذن الله الفجر وبكره الصبح بتشوفينهم بس أخوك خليفة يقول الخونه ما انتظرونا
وضحه : أي هههههههههه
ميثه : تنتظرونهم بشنو
وضحه : الله يسلمك ما العنود حامل بآخر شهرها وكنا نضحك نقول بندخل مع بعض نولد عشان كذا يقول خونه ما انتظرونا
فرح : الله يقومها بالسلامة
ميثه : إلا شنو قررتوا أسماء العرائس
وضحه : والله ما قررنا
جلسوا يسولفون ويضحكون ووضحه تحس بتعب بس مستحيه تقول بنام فرح حست عليها وقامت تهمس لامها اللي ابتسمت وطلبت أن يمشون عشان وضحه ترتاح وضحه كانت ممتنه كثير لفرح اللي رفضت تروح وقالت راح تنام اليوم مرافقه لوضحه اللي طلبت تساعدها تغير ملابسها وتنام شوي فهد صور بناته و أرسل على كل شباب العائلة مسجات يبشرهم الله رزقه بتوأم بنات ومن ساعتها والتهاني والتبريكات توصل لجواله ويطلبون يمرهم الأستراحه بس فهد رفض يقول يحس بتعب من الجهد النفسي اللي سواه اليوم ويبغى ينام ويرتاح
-----------------------
في بيت سالم ...
جالسات يسولفن الأم وعهد و نجود ودخلت عليهم سلمى بالصالة تبشرهم عن ولادة وضحه الغير متوقعه والمفاجئة للجميع
الأم : ماشاء الله ولدت من بشرك
سلمى : بشرتني رغد وتقول البشارة لي
عهد : تستاهل البشارة والله عساه طبيعي بس
سلمى : أي الحمد لله طبيعي
نجود ( يدها على بطنها ) : ماشاء الله الفال لي يارب
الكل : أمين
الأم : كلها كم يوم وتولدين
نجود : اسكتوا والله كاسر خاطري صالح
عهد ( تشرب شاي) : ليه
نجود : البارح رحت من عندكم وصار لي موقف وصلنا للبيت وغيرت لعيالي لبسهم أحس تعبانه كثير وفجاه أحس برفس ببطني قلت يا بنت عادي تروشت وغيرت ملابس ونزلت أسوي لي حليب وأنا في المطبخ حسيت رفسه أقوى وناظرت الأرض شفت مويه الله لا يوريكم ولولت البيت صراخ
سلمى : ياويلي وبعدين
نجود : ضنتي جيران طلبوا الدفاع لنا يحسبون زلزال
الكل : ههههههههههههههههههههههههه ههههههههههههههههه
نجود : وبعدين يا محفوظين السلامة ما أشوف غير صالح ببجامته ينزل وعيالي كل واحد ورا الثاني والخدامة المسكينة تجيك جري من الحوش وأنا أصيح وابكي واهم ما فاهمين ايش فيه ويجي صالح يقولي
صالح : علااااااامك
نجود ( تبكي وماسكه بطنها ) : ولااااااااااااااااااااااا ااده
صالح ( بخوف ورعب) : ايش ولادة جاكي الطلق
نجود : ياااااااااااااويلي ماي الجنين نزل ما ابغى أولد بالمطبخ
احمد ( يبكي ): بابا ماما تبكي
محمد ( بعصبيه ) : اسكت أنت يبه نوديها الطبيب
صالح ( يمسك أيد نجود ) : تبغين تروحين الطبيب
نجود ( بعصبيه وهي تبكي ) : لا ابغى أروح السوبر ماركت
صالح ( بغباء ما استوعب ) : ليه ناقصك أغراض
نجود ( مسكته من قميصه بعصبيه تهزه وهي تصيح ) : ياااااااااااا رجاااااااااال وين عقلك أنا ابغى أولد وين أروح المستشفى وتسألني يا برودك
الخدامة ( تناظر لهم ) : ماما ايس فيه
نجود ( تأشر بعصبيه ) : انقلعي جيبي عباااااااااااتي اقسم بالله أن ولدت بمطبخنا لاسمي ولدي صحن وأنت ( أشرت لصالح ) ايش تنتظر شغل السيارة
صالح ( يبلع ريقه وبارتباك من صراخها ) : ايش وين شنو
نجود : المفتاااااااااااااااااااا ااااااااااااااح
صالح : بلبس ثوبي ونزل
حمد : نبغى نروح معكم
صالح : بابا حمد اجلس هنا مع الخدامة لين نرجع ( ناظر لمحمد ) انتبه لإخوانك ولا تفتحون الباب لأحد
نجود ( بصراخ وهي مستنده على طاوله ) : خلصني رووووووووووووح
الخدامة ( تساعد نجود على لبس العبايه ) : سوي سوي
نجود ( تصر على ضروسها ) : ياربي بولد بالمطبخ هذا يلبس ثوبه ولا ايش
صالح ( ينزل السلم بسرعة واهو سكر ثوبه ) : يالله
نجود ( تمسك يده وتمشي وتصيح) : بسرررررررعه يااااااااويلي لو أولد بالطريق ااااااااااه
صالح : يا بنت تعوذي من الشيطان بنوصل بس يالله
نجود ( تحس فجاه خف الوجع ) : لحظه
صالح ( ماسك يدها ومتجه للباب وقف وناظر لها) : علامك
نجود ( تمسح على بطنها وتعقد حواجبها) : مدري
صالح : يا حرمه علامك امشي لمستشفى
نجود : ما أحس بشيء
صالح ( عقد حواجبه ) : ما فهمت
نجود : أقول لك ما أحس بشيء الوجع اختفى
صالح : والصياح والألم
نجود : مدري
صالح : تبغين تجننيني ما هو قلتي نزلت مويه الجنين
نجود ( تركت يده واتجهت للمطبخ ) : شفتها بس ما أحس بشيء ( دخلت المطبخ وشافت الخدامة تمسح مويه بالأرض ) ايش تسوين
الخدامة ( وقفت ومعها منشفه ) : يمسح مويه هزا مويه أنا يجيب سطل يصب بعدين يودي برا عشان زرع سوي يجي تحت
نجود( غمضت عيونها وهي متفشله ) : ...............
صالح ( واقف ورآها ويعض شفته ويديه على خصره) : مويه جنين ( حط يده على بطنه ويقلد صوتها بصوت عالي) ياااااااااااااويلي ماي الجنين نزل ما ابغى أولد بالمطبخ
نجود : ها
صالح ( ضربها بشويش على كتفها) : طلعت مويه حنفيه يا حظي صحيتي نص الرياض على صراخك وجننتينا وجننتي عيالك مره ثانيه تأكدي
الكل : ههههههههههههههههههههههههه هههههههههه
نجود( بإحراج ) : والله ما دخلت غرفتي لين شفته طلع لصلاة الفجر وبسرعة ركضت لفراشي ونمت قبل يجي مالي وجه أقابله
عهد : ههههههههههه والله موقف لا تحسدين عليه
نجود : أي والله بغيت أهبل فيه هو وعياله وحالفه بولد وحالتي حاله
الأم : هذا ما هو بكريه يا بنتي يعني تعرفين
نجود : يا يمه أنا كنت واقفة وكنت تعبانه وشفت مويه بالأرض ضنيت مويه الجنين ما كنت عارفه أن مويه بسبب الخدامة لما شالت السطل انكب شوي منه على الأرض
سلمى : عز الله شيء
نجود : عساها ما تتكرر اقسم بالله اليوم ما رفعت عيوني لصالح قايله له بروح لأهلي ولما طلعنا بالسيارة قالي نجود ولما ناظرت له يبتسم بخبث قال تبغين اهلك ولا المستشفى ينكت حضرته ويفشلني عند عيالي اللي يقولون يبه حافظين رقمك أن صاحت نقول لك وأنا ميته حياء كلهم يضحكون علي حتى خدامتي ولا سلمت منها
الكل : ههههههههههههههههههههههههه ههههههه
سلمى : أنتي تهوجسين من دخلتي شهرك وكل شوي تقولين ولادة
نجود : الدكتورة قايله لي أن ولادتي مو طبيعيه ولادة قيصريه لأني ولدت أول مره قيصريه وأنا أخاف يقل المويه ويتضرر الجنين
الأم : لا تخافين الله يسهل لك
نجود : سلمي شوفي المنظر ههههههههههههههههه
سلمى ( تناظر للباب وهي مصدومة ) : ايش تسوي ( وقفت اتجهت للباب وهي تأخذ بنتها) محمد ليه كذا شايلها
محمد ( كان شايل منال فوق كتفه ويمشي) : عادي شايلها
سلمى : ما هو كذا تعورها
محمد : لا يا خالتي كذا تصير قويه
سلمى : هذي بنت
محمد : عارف بس كلهم يضربونها أخوانها سلوم وفهيد وبندروه وهي بس تبكي
نجود : الولد شايل همها هههههههههههههههههه
الأم : محمد تعال ( قرب محمد وجلس جنبها ) اسمعني
محمد : هلا يا جدتي
الأم : هم يضربونها بس لا تخاف هذا لعب بس ما هو قصدهم تتوجع
محمد : جدتي تكسر خاطري هم 3 وهي وحده كنت بالمجلس واسمع صراخها بالحديقة والخدامة الكلبه ولا تسوي شيء تناظر وساكتة قلت ادخل بها احسن
عهد : هههههههههههه فز القلب
نجود( كتفت أيديها وابتسمت) : محمد تبغى نأخذها معنا
محمد ( ناظر لامه وابتسم): يصير
سلمى ( تجلس بنتها في حضنها وتبتسم) : لا ما يصير جدك فهد ما يستغني عنها
محمد : بس يضربونها وجدي بالشغل ( شافها تنزل من حضن أمها وتخطي بشويش فتح أيديه وابتسم) تعالي
نجود ( رفعت حاجبها وهي تشوف منال تضحك وتتجه لحضن محمد) : القلب عارف طريقه ( ناظرت لسلمى ) نتفق على المهر هاه
الكل : ههههههههههههههههههههههههه هههه
سلمى : آسفين مهرها اندفع والبنت تسمت له
نجود ( عقدت حواجبها) : من متى
سلمى : من طلعت وشافت النور
نجود : لمن
الأم ( تبتسم وهي تمسح على رأس منال) : للي يحب سميت أمه وطلبها
نجود : عفيه شاطر ضمن العروسة
سلمى : والله من غلاته عن إبراهيم قال أن الله كتب لنا ولهم عمر محد يأخذها غيره
نجود ( تناظر محمد اللي يلاعب منال) : يا قلبي على ولدي
الأم : أقول لا تفتحون عيونهم على شيء تراكم مخبل العيال صغار وما نعرف الدنيا ايش تخبي لهم ولنا
محمد ( شايل منال ويوقف) : بروح المجلس جدي فهد فيه وبأخذها معي
سالم ( بصوت عالي ) : يا هيييييييه الشيخ سالم وصل معه الشيخ الصغير سالم السمي
الكل : ههههههههههههههههههههههههه
محمد ( يكش على سالم الصغير بقرف) : مالت والله يخسي شيخ
الأم( تشوف عهد وسلمى تغطن): ادخل
سالم : السلام عليكم
الكل : وعليكم السلام
سالم ( يخز محمد ويأشر له ) : قرب
محمد ( يرجع يجلس جنب جدته) : بوجهك يا جدتي
الأم( تضم محمد) : والله ياويلك أن قلت شيء
سالم : ليه خايف تعال ( سالم بأيديه حط العقال على رأس سالم الصغير) تقول لشيخك سالم يخسي
محمد : بوجه جدتي
سالم ( يناظر سالم الصغير ويأشر على محمد ) : سلومي قول وع ( اشر على محمد وكش) قوله وع
سالم ( الصغير يقلد عمه بأيديه) : وع
الكل ( ضحك على حركته سالم اللي مسوي معصب مثل عمه) : هههههههههههههههههه