[اسطورة !]

البارت 5
( لا تلهكم الروايه عن الصلاة المكتوبة )

قرآءءه ممتعه ~


الاسبوع هذا اسبوع المراجعه ~

ف قصر عبدالعزيز
راما : اففففففففففففففففف مابي اذاكر !
تولين : ليهه طيب ؟
راما : مليت مليت مليت مليت
تولين : ي ختي تذكري بعد هالتعب والقرف اجازهه طويللللهه واكيد بنشوفف اخوالي الباريسين
راما : اءء ي ختتتي سعادهه ذولي الناس $___$ مره متحمسه لهم ممشتاقه لهم مرهه تخيلي رينا حححامللل $.$
تولين : اييهه مرهه مشتاقهه لهم ي ختي وش بيصير شكلها ابدددا م اتخيلهاا كيفف بتكونن !!!!!
راما تتنهد : افف
تولين : طيب كيف ساقك اللحين ؟
راما : لا الحمدالله تمامم وخلاص صارت كويسه
تولين : طيب اثر الجرح راح !
راما : لا بدري عليه !! ان شاءء الله مع الايامم بيروح
تولين : طيب ي تبن روحي غرفتكك ابي اذاكر
راما : طيب بس وين امي ؟
تولين : راحت هي وخالتي جواهر للمول
راما : هذولي اللي لاقينننننننهاا  حظهم بس
تولين : وجع قولي ماشاءء الله
راما : ما شاء الله
تولين : رامممممماا ي تتتتتتبننن بببببببررااااا
راماا : هدي اعصابك طيب ! وطلععت وراحت ل غرفتها
تولين تمسك كتاب الاحياءء : افف ما طاعت تروح !

ف بيت جواهر
حنان ترسمم ع لوحهه لهـآ اشجار خضرا و جبال وكذا كانت الرسمه جميللهه مرهه وفيها كميهه ابداعع اجمل لوحاتها ~
حنان : بس ابي اصفر عشانن يكونن مثل الششعاع وخذت اللونن بخفيف صارت تلون وطلع لون باهت اصفر مثل الشعاع خفيف كان الشعاع متسلسل بين الاشجار وراسمه حيوانات اليفه الزبده كانت الرسممهه جميللللللللللللللللله
دخل عليها رائد
رائد : حنون وش تسوين ؟
حنان : وش تشوف -.-؟
رائد : وراءء ما تذاكرين ؟
حنان : مليت لي ساعهه ف نفس الصفحه !
رائد : وش تذاكرين ؟
حننان : E !
رائد : E ؟ تستهبلين ؟ سهل مره وانتي اساسا تعرفين ؟
حنان : عارفهه اني اعرفف بس المنهج مالي خلق افهمه ويلحس اصلا !
رائد شاف الرسمه : انتي راسمتها ؟
حنان تسبل عيونها بغرور : طبعآ انا
رائد : لا جد جد انتي ؟
حنان : قسم بالله انا
رائد : اخخخسس والله ! مرهه حلوهه ماشاء الله من متى تعرفين ؟
حنان : اصلا انا اعشقق الرسمم من زمانن بس م كنت معطيه نفسي وجهه اني ارسم واللحين صرت ارسم
رائد: طيب ف الجامعه وش بتدخلين فنيه صح ؟
حنان : لا يع ! بدخل علم نفس
رائد: اخسس والله !
حنان : أي ي حبيبي وش تحسب ؟ الزبده ما تبي قهوه ؟
رائد : لا شكرا بعدين ذاكري
حنان : رائد وش فيك كأنك امي ؟ خلاص قلت طيب وبعدين تونا 8 الليل واليوم الاحد يعني فيه ايام كثيره
رائد : براحتك جاءء بيطلع
حنان : وين وين ؟
رائد رفع حاجب : نعم ؟
حنان : ايهه وين بتروح ؟ تعال تقهوى معي !
رائد : شكرا مابي وطلع
حنان : مالت الشرهه ع اللي يعزمك !

ف بيت منيرةة
دخلت الام ع الهنوف ف غرفتها وكانت تذاكر
الام بفرحهه : الهنننوفف
الهنوف رفعت راسها وبابتسامه : سمي ؟
الام بفرحهه : العنود ورينااد بيجونن لناا
الهنوف بفرحه : صصصصصصصصصددققق ؟
الام : ايهه مره فرحانهة اناا ~
الهنوف : سعاده سعاده متى ؟
الام : ثاني اسبوع من اختباراتك بيجون
الهنوف : ياااي يعني بعد اسبوع !!!!
الام : ايه الاسبوع الجاي اختبارات واللي بعده بس انت بتأجزين الاثنين وهم بيجون الاربعاءء
الهنوف : الحمدالله قسسمم مرهه وناسسهه
الام : ايهه والله الحمدالله اشتقت ل العنود
الهنوف : مرهه بس ماما بسأل فيهه اجتماع الخميس مثل العاده ف مزرعه جدي ؟
الام : مدري والله بس م اتوقع !
الهنوف : اهاا

ف قصر ابو ريوفف
ريوف : نور وينك ؟
نور : هنا هنا
ريوف جتها ومعها صينيه فيها فشار وببسي : يالله تعالي راحهه اللحين
نور : خخخخخخخخخ من اليومم واحنا راحهه اذكر اني جايه اذاكر وكل م ذاكرت 10 صفحات قلتي راحهه !
ريوف : ي بنت الحلال الوقت طوويلل تعالي بس
نور تجي معها : طيب بس لازم نجيب نسبه زينهه عشان الجامعه
ريوف : أي صح

البنات اللي ف الجامعه يختبرون هالايامم ^^" !

ف قصر عبدالعزيز
كانن منسدح ع سريره ويفكر واعجبته الفكرهه ~
قامم واتجهه لغرفه راماا ودخل

راما رفعت راسها وقبل تشوف مين : وجع مافيه شيء اسمه تطق الباب ؟ ويوم شافته اءءءء اسففه ابوي ؟ معليش حسبتك تولين !
الاب : لا عاديي معليش دخلت كذا
راما : لا وش دعوهه حياكك انت ععاديي ف أي وقت مرحب فيك
الاب ابتسم : طيب راما وين امك ؟
راما تستهبل : فقدتها ؟ م امدى تغيب !
الاب يجاريها : شفتي كيففف ما اقدر ع فراق امكك
راما بعربجه متناسيه نفسها : ععاشش ابو زياادد عااششش
الاب : راما ؟ سلامات قصري صوتك !
راما : اسففهه اسففه وشسمهه ماما راحت المول مع خالتي
الاب : وبتتعشى هناك ؟
راما : اتوقع ايه
الاب : اها طيب اذا شفتيها قولي بابا يبيك
راما : حاضر تامر شيئ ثاني ؟
الاب : لا شكرآ وذاكري زين
راما : ان شاءء الله
الاب وهو يتجهه ل باب الغرفهه : ب التوفيق
راما : امين والجميع
طلع الاب وسكر الباب
راما مسكت كتابهاا

وبعد ما جات الساعهه 12 الليل

راما كانت ف الاوفيس تدور شيء تاكلهه
راما : اف تولين نامت جعلها التبن ! مسويه دافوره !
جعت ! الله يقلعك ي تولين مخليتنا نتعشى الساعه 9 !!!!!! دجاج حنا دجججااج ؟؟
الام دخلت : وش قاعدهه تتحلطمين
راما بصرخهه خفيفه : بسسسسسسم الله !!!!
الام : وجع وش جاكك ؟
راما : ماما ؟ روعتيني ! بسم الله جيتي ؟
الام : ايهه
راما : عسى المول كويس اليوم ؟
الام : ايهه الحمدالله وانتي ليه م نمتي ؟
راما : جايعه وبعدين م فيني النوم !!
الام : خلصتي كم ماده ؟
راما : اليوم ؟ بس ماده واحده !
الام : زين الله يوفقكم ياربي
راما : امينن
الام : دريتي بيجون العنود وريناد الاربعاء الجاي
راما : ي حليلهمم زينن اشتقنا لهم والله
الام : ايهه والله
راما تذكرت : صح صح تذكرت ترى بابا جاء دورك ولا لقاك وقال ميدي قولي لها انه يبيك
الام : متى دورني
راما : تقريبا الساعه 9 الا ربع
الام : طيب وانتي نوممي !
راما : ان شااءء الله
خذت لهاا اكل خفيف ورجعت ل غرفتها
اما الام ددخلت ل جناحهاا
وفصخت عبايتهاا م لقت عبدالعزيز خذت شاور سريع عقب المول وكذآ
نوره : غريبه وين راح ؟
راحت انسدحت ع السرير وهي تفكر اكيد جاه شغل وطلع
بس سمعت صوتهه جايي
فتحت عيونها و هو ولعع اللمبهه !
نوره قامت وصارت قاعده ع السريرر
عبدالعزيز : بسسم الله م شفتك اسف جاء بيسكر اللمبهه
نوره : لا لا عاديي انا كنت بس منسدحه .
عبدالعزيز : اهاا قعد ع الاريكهه وكان ساكت
نوره : تقول راما انك مدورني اليومم تامر شيء ؟
عبدالعزيز : م نامت راما ؟
نوره : لا تقول جايعهه
عبدالعزيز : طيب نورهه انا فكرت اليومم وقلت تغير جوو للبنات نروح للشرقيه
نوره : الشرقيه !! وهالاسبوع !!
عبدالعزيز : ايهه نروح الثلاثاءء ونرجع الخميس
نوره : ليه نتعب انفسنا ع ثلاث ايام بس !
عبدالعزيز : والله نغير عليهم وف الاجازهه عاد تروحون ل باريس
نورة : لا تقول انكك م راح تجي معنا بعد ؟
عبدالعزيز : ايهه اسفف بروح البوسنا
نورة : كالعاده شغل ؟
عبدالعزيز ابتسم : ايوهه ب الضبط
نورة : لا حوول !
عبدالعزيز : طيب وش رايك ؟
نورهه : انا مثلك اذا موافقق موافقه ~
عبدالعزيز : ي زينكك بس اجل قولي للبنات وعلميني رايهم حتى زياد وياسر لازم يجونن احس من زمان م سافرنا مع بعض صح المفروض نروح لبرا وكذا بس عشانه اسبوع مراجعهه وكلها ثلاث ايام والشرقيه ميب شينهه
نورةة : ايهه والله وانت صادقق من زمانن م سافرنا مع بعض كلنا بقول لهمم بكره
عبدالعزيز : يعطيك العافيه م تقصرين
نورة : الا م قلت لك ؟
عبدالعزيز : وشو ؟
نورة : اليومم اخوي ناصر معي انا وجواهر ف المول وقال انه يبي يتزوج
عبدالعزيز بفرحه : ماشاءء الله الفف مبببروك هذي الساعهه المباركهه
نوره : ايه والله الله يبارك فيك اخيرا تكلم عاد احنا بندور له
عبدالعزيز : الحمدالله والله يوفقه ويسعده بس انتم م في بالكم وحده
نورة : لا والله هو معطيناا مواصفات !! وبنشوفف هالفترةة بس منيب قايلهه لبناتي عشان م ينشغلون
عبدالعزيز : معجزه عاد انتي مصادقه بناتك مره كأنك اختهم ويقولون لك هم كل شيء وانتي بعد تقولين لهم كل شيء غريبهه ما راح تقولين لهم
نوره : صح انت صادقق ! بس معليش مصلحتهم تهمني هم 3/ث ولازم يجيبون نسبه كويسه
عبدالعزيز : ان شاءء الله بيجيبون نسبه زينه الله يوفقهم
نورة : امين والحين ي سيد عبدالعزيز ممكن تطفي اللمبه اللي ولعتها ؟
عبدالعزيز : ششششفف ! ليهه م تقومين انتي ؟
نوره تنسدح : مششوارر
عبدالعزيز ضحكك : ي العججازهه قام وطفى اللمبه ورجع ينوم

عبدالعزيز ونورة عكس عبدالرحمن وسلمى
ذولي حب وميانه وذولي طقاقق وكره

من بكرةة = يوم الاثنين
الخبر وصل للبنات وزياد وياسر ف البدايه حسووهه وينن صعبه وكذا بس بعد اقناع امهم ل كل العيال وافقوا
وزياد وياسر خذوا اجازهه وخلاص الكل قامم يجهز شنطته لانهم بكره الصباح بيطيرون ل الشرقيه

راما : استهبال احنا عائله زاحفه =))) !
تولين : مرهه !! اشوى اني ضغطت ع نفسي وخلصت 7 مواد
راما : زين الحمدالله بس بابا عليهه افكار غريبهه ! والفلهه ان افكاره تصير واقع !
تولين : اييه والله ماشاءء الله !
رآما : جدي وجدتي دروا ؟
تولين : يب يب قال لهم بابا !
راما : اكيد تنحوا وهاوشوهه
تولين تضحك : ب الراحهه
راما : بس بابا متحمس ل هذي السفره مره رغم انها الشرقيه !
تولين بهمس : تدرين وش قايل ل زياد اليوم ؟ سمعته ب الصدفه
راما بلقافهه : وش قققاال ؟؟
تولين تقصر صوتها : يقول ان انا وانتي وياسر وزياد بنكون ف فندقق وهو وماما بيكونون ف فندق ثاني وتخيلي م راح نتقابل مع بعض !! بيرحونن هم ل اماكن لحالهم واحنا ل اماكن لحالنا ب اختصار يبي يرجع ايام اول قبل مم نجي احنا
راما : اووهه ابووي !! وش الزحف اللي جاهه !!! وش اشتاق ل ايام اول ؟ ههههههههههههههههههههههههه هههههههههههه ولا وش وضعهه ؟
تولين : مدري عنه ! بس احس ما راح اشوف ماما ثلاث ايام صح شويه بس مدريي احس بشتاق لها
راما : صادقهه لاننا متعودين نكون معها كل يوم !
تولين : حتى بابا بنفقده بعد
راما : بس بابا يسافر احيانا ويروح وكذا عشان الشركه ف متعودين لكن ماما وييينن مستحيل
تولين : صادقهه بس احس هالسفره بتكون حلوهه لاننا كلنا فيها
راما : ايه صادقه واشوى ياسر وزياد وافقوا وخذوا اجازه
تولين : من جد الحمدالله
راما : اللحين انت خلصتي تجهيز شنطتك ؟
تولين : لا توني باقي الشامبو والمعجون والفرشاةة وزي هذي الاشياءء
راما : اهاا مثلي الزبده بروح اكمل اغراضي
تولين : اوكك

ف لندن
امواج واقفهه عند باب شقه وليد قبل
وعيونها بتدمع الا شوي ..-

امواج بهمس خافت مره : وليد ! هذي اخر سنه لي ! خلاص بخلص وانتهي !! وارجع للرياض ! برجع وبترك لندن ! و جامعتي ! وذكرياتي ف لندن ! ذكرياتي معك !
برجع وبترك حبي لك هنا ! و بترك كل الهدايا اللي جبتها لي ودمعت عينها
بس ي وليد انا اذا رحت عن لندن صدقني ما راح ارجع لها ابدا !
هذي السنه ! هي اخر سنه ليي هنا وللابد !
خمس سنين درست هنا !
اربع سنين برفقتك الا هالسنه وحيده بدونك !
وليد انا تعبت ي وليد !
الحياه صعبه مره بدونك تدري وليد احيانا افكر اني الحقك !!!!!!!
وليد بكون قويه وبنساك !
بنسى اول لقاء لنا !
و اول كلامنا و بدايه ميانتنا
وصادقتنا الحميمه , وحبنا الجميل
لقاءاتنا دراساتنا الاماكن المفضله لنا
اوقاتنا مع بعضنا ...-
كلها بحطها ي وليد ف ذاكره النسيان عشان ترجع امواج قويه زي قبل !
بس ي وليد انا م راح اتزوج شخص غيرك ! لإني مهما كنت م راح اكون قويه ل درجه اني اتزوج غيرك !

تحس ف اذنينها يتردد صوته : لا تنسين الوعد
دمعت عيونها اكثر : وليد ! وراحت تركض ل اللفت
وهي خلاص بتموت من ذكرياتها معه خلاص تعبت كثير .. !
وهي لازم تكون نفسيتها كويسه هذي الايامم
طلعت من السكن اللي كان يعيش فيه حبيبها وهي تمشي ف الطريق راجعه للبيت وتحاول تمسح دموعها
رن جوالها وكانت رحاب
امواج ابتسمت بخفه وهي مشتاقه لها كثير ردت بدون تردد : اهلا رححوبهه
رحاب : اهلاا اهلا امواجج كيففك ؟
امواج : تمام وانتِ ؟
رحاب : كويسهه
امواج : كيف اختباراتك ؟
رحاب : لا الحمدالله تمامم امواج مششتاقهه لكك
امواج ع طول دمعت عينها : ي روححي حتتتى انا مره مره فاقدتكككمم
رحاب : ي ختي بصيح
امواج : انا صحت
رحاب : ي قلبببببببي موجهه لا تصيحين خلاص تكفين 
امواج تمسح دموعها : ان ششاءء الله كيفف البنات وريماس وعمتي بشاير ؟
رحاب : كلهم تمامم وريماس وجمانه ونور شاديين حيلهم يذاكرون
امواج : الله يوفقنا ويوفقهم
رحاب : آمينن موجهه تخيلي انخطبت
امواج ضحكت رغم حزنها : انخطبتتي ؟ ومينن ان شاءء الله ؟
رحاب : قبل اسبوع جتنا ام احمد صديقه قديمه ل امي الزبده عندهها ولد اسمه محمد وعمره 26 وهي خطبتني له
امواج بفرحه خفيفه : جدد ؟ مبروكك مقدممماا
رحاب : الله يبارك فيك امواج وش اسوي ؟ الرجال والنعم فيه حتى ريان يمدحه ويقول انه كفو وشفت صوره له مملوح يعني موب قبيح و هو من عائله راقيه وكيذا
امواج : اذا هو كذا وعاجبك وافقي
رحاب : بس خايفه !
امواج : طيب استخرتي ؟
رحاب : ايه وارتحت !
امواج : اجل ي روحي واففقي !
رحاب : امواج ي ختي محتاجتك جنبي انتي اقربب وحدهه لي ودي اشوفك واهققققققكك
امواج : ي بعدي انتِ حتتتتى انتِ اقرب وحده لي ومره مشتاقه لك طيب رحاب انا اكيد بجي ف الاجازه وانتي اقعدي اذا عطلتي وافقي
رحاب : اكيد اذا عطلت برد لهم مستحيل ارد اللحين بس ولو مترددهه احس يمه شيء يخوف يعني بتزوج بسم الله !!!!!
امواج : ههههههههههههههههههههههههه هههه رحاب وش بتدخلين بيت رعب ؟
رحاب : ادخل بيت رعب ولا اتزوج ومسؤليه وكذا !
امواج ابتسمت وهي تتذكر وليد : رحاب الزواج صح مسؤليه بس جميل مره ~ صح ممكن شيء كبير بس لماا تكونن فيه مشاعر حب وكذا صدقيني مره حلو ولما تجيبين بيبي تستانسين تحسين انه ثمره حبكم () رحوبهه اذا تبين رايي وافقي !
رحاب : رايك كذا ؟
امواج : يب اسمعي رحاب انتي اللحين لا تفكرين كثير وخلي بالك ف دراستك وبتجي الاجازه ووقتها خذي راحتك بس ي رحاب قبل ما تاخذين قرارك تذكري انك ارتحتي عقب الاستخارهه والرجال والنعم فيه و ولد صديقه امك بعد
رحاب تتنهد : ان ششاءء الله
امواج : الله يوفقك ويكتب لك كل الخير
رحاب : امين امين
امواج : رحوب يالله ذاكري اللحين وانا بسكر لاني بروح السوق السكر خلص
رحاب : اوك اوك انتبهي لنفسك
امواج : وانت بعد وهاهه لا تفكرين ف الموضوع الدراسه مهمه احنا بنترج من الجامعة .
رحاب : صادقهه يالله سيا حبيبي
امواج : سيآ
وسكرت
امواج تنهدت : يارب توفقها ولا توريها حزن

ف بيت عم دانه
دانه : اهلنن جنان
جنان : اهلا دنو كيفك ؟
دانه : تمامم انتي ؟
جنان : كويسه
دانه : عساك ذاكرتي شيء ؟
جنان : أي الحمدالله وانتِ ؟
دانهه : ايه الحمدالله عاد اللحين ببدأ علم النفس
جنان : يوهه -.- ! الله يصبركك
دانه : امين وياكك
جنان : طيب دنندون ملل وبجيك
دانه : حياك عاد تراني خبله وما اعرف ادل الواحد ع البيت
جنان : اممماا ! لا عاد عطيني وصف صاحي فاضيه اضيع
دانه : خخخخخخخخخخخ طيب طيب شفتي شارع الـ.. ف ووو..-
وصفت لها مكان البيت
جنان : اوكك بعد ساعه جايه لا تتكلفين
دانه : داريه
جنان : سلآم وسكرت
دانه : تبن نزلت تحت وشغلت الغلايهه
وتأكدت ان عمها موب موجود وارتاحت كثير ودعت الله انه م يجي اليومم وراحت تدور شكولاتات ولا شيء بس م لقت طلبت من البقالهه شكولاتات وشيبسات وببريكانن
وراحت هي تنظف وترتبب المجلس وتعطرهه وكذآ
وبسرعهه صعدت فوقق وغيرت ملابسها
لبست بنطلونن اسود سكني و قميص مخطط ابيض واسود وشعرهاا كانن مجعد وتركته مفكوك
جاءء البقالهه وراحت رتبت الشكولاتات ف صحن جميل وكذا
وشويي دقق جوالها وكان المتصل جنيهه * مسميه جنان جنيه =))*
دانه : هلا هلا
جنان : اهلا دندون بيتكم بابه لونه بني ؟
دانه : آيوووهه
جنان : كويس يعني وصلت يالله افتحي الباب
دانه: اوكك وسكرت
اتجهت لبرا و فتحت الباب وكلها دقايقق دخلت جنان
جنان : اهلا ي جميلهه انتِ
دانه تسلم عليها : اهلا وسهلا تفضلي
دخلوا و جابت دانهه الكافي والشكولاتات وصاروا يسولفونن ساعه ويذاكرون ساعه ~

ف قصر عبدالعزيز

دخل ياسر ع غرفه راماا
ياسر : السسسلامم
راما : هلا وعليكم السلآم
ياسر : اخس اشوفكك ماسكه كتابك
راما : شف ي اخي العزيز انا خلصت تزبيط شنطتي و رايقهه ف قلت اكمل المادهه واخلصها ويطيح همها
ياسر : الله يوفقك
راما : امين وياك حطت الكتاب ع جنب يسور تعال شفت البابا ناوي ايش ؟
ياسر : ههههههههههههههههههههههههه ههههه ايهه بس ما شابوي شكل جتهه مراهقه متأخره !!
راما : ههههههههههههههههههههههههه ههههههههه انطمم ابوكك ي منيب قايلهه
ياسر : انطم وتضحكين ؟
راما : لا تدقق اسمع بس انا عندي فكرتن منتازه
ياسر وشخصين من وراه : وش الفكرهه !
لفو ياسر وراما ومع بعض : وجع روعتونا
زياد وتولين : ههههههههههههههههههههههههه هههههه
ياسر يلفف ل راما ويقعد ع الاريكهه وجنبه زياد
وتولين جلست ع السرير جنب راما
راما : اسمعو اسمعوا ي اخواني المصونين وش رايكم انتم عليكم البابا واحنا علينا الماما ؟ انتم روحوا معه للحلاق وخلوهه غير واحنا بنروح مع المامما ونخليها شيء مرةة غير
زياد : والله فكرةة ! اسمعوا ابويي موب شايفف امي الا هناك ع حسب اوامرهه ان هو بيكون معي ف السيارهه الي نوصل المطار وانتمم وامي مع ياسرر وف الطيارهه ابوي بيكون جنبي ع جهه اليسار وامي ع جهه اليمين ومتى بيتقابلون ؟
الكل : متى ؟
زياد : اذا دخلو السويت
راما : اووهه بعدين يعني
تولين : قهر ودي اشوف رده فعلهم اذا شافوا بعض
ياسر : اجل كذا اخاف امي تشوف ابوي ف المطار او الطياره ؟
زياد : لا ي حبيبي تصير امي ف السياحه و اخر الطياره بعد وابوي درجه اولى وبينزل اكيد قبلها وامي بنخليها تدخخل السويت قبله عشان م تشوفه فهمتوا ؟ اما المطار بنخليهم يصدون عن بعض
تولين : ليه ما ناخذ طياره بابا الخاصه ؟ او طيارتك زياد ؟
راما : صادقه ازين واريح
زياد : ابوي رفض -.- يقول يبي كذا !
ياسر : خلاص نحترمم رغبته الغريبه بس متى بنضبط اشكالهم ؟ لإن الطياره بكرهه الساعهه 6 الصبح بددريي
راما تناظر الساعهه : الحين 9 الليل فيهه وقتت يالله قوموا
زياد : اللححين ؟
تولين : ايهه قمم هذي اخر فرصهه بسرعهه
زياد : كلنا انا وياسر نروح ؟ واحد مننا
راما : لا احلى كلكم وانتم بعد ضبطوا اعماركم بقابلكم ثلاث ايام !
ياسر : احلفي ؟
زياد : بعدين انتي وخشتك احنا وش ملحننا
تولين بطنزهه : مقطعكم الملح =)) !
ياسر : انطمي بس
راما : ههههههههههههههههههههههههه ههههههههههههههه صادقهه اختي الحين قوموا بسرعهه احنا بنروح مع ياسر
زياد : طيب طيب

الزبدهه بعد اقناع الاب راح ل الحلاقق مع زياد
والام للمشغل وهي للحين م تدري وش السالفه !!
طبعا لا الاب يدري ان الام بتتغير ! ولا الام بتدري ان الاب بيتغير ~
والليله موب نايمين مع بعضهم =))) !

ف المشغل
تولين : ماما حبيتي وش رايك تفردين شعرك ؟ تغيير يعني
الام : بس شعري حلو ليه افردهه ؟
راما : من التغير لإنني بقص شعري من باب التغير وتولين مثلي
الام : ليهه ؟ حححلوهه مره شعوركمم !!!
تولين : ماما بليز نبي نقصه مليت صار اخر ظهري وصار قلق
راما : صادقهه ب اقصهه وبخليه الي نص الظهر
تولين : وانا مثلها
الام : براحتكم
وبعد اقنناعع وافقت تفرد شعرهاا وكانت تسولف مع تولين وراما كانت تقص شعرهاا

الام : حلوهه درجهه البني هذي صح ؟
تولين : ايهه صادقهه وناظرت امها وتخيلت شعرها مصبوغ بتطلع الصبغه عليها جميلهه
تولين همست ف اذنن الكوفيرهه بدون م تنتبه امها
والكوفيرهه ضحكت : اوكك اوكك

راحت تولين ل راما وصارت مخلصه قص شعر لفت وكان مرهه جمممييييييييييل يوم قصتهه
تولين : ياااهه جمميلل مرهه احس تغيرتي
راما : جد ؟
تولين : والله مرهه حلوو
راما : كويس
تولين جلست ع الكرسي بعد م نظفوهه وبدت الكوفيره تقص شعرها
وقالت تولين ل راما انها قالت للكوفيره تصبغ امها نفس ذيك الدرجهه
وبعد فترهه من الوقت
البنات قصوا شعورهمم وليسوهاا طلعو جميلينن $.$

والمفاجأه ل نــورهه يوم انتهت وشافت نفسها ف المرآيا
نوره شهقت : هذي انننا ؟
تولين وراما ب ابتسامهه : وش رايكك ؟
نورهه : شعريي ؟ تغغيرر مره حتى الصبغهه !
راما : تجججننينن
تولين : الحمدالله الصبغه ناسبتك وخلتك مملوحهه
نورة ضحكت : رجعت 10 سنين وراءء
راما : هههههههههههههههههههههه و ف نفسها ( زياد وياسر احنا سوينا وضبطنا الامور انتم وش صار معكم ؟ )

ف الحلاق
حلق عبدالعزيز لحيتهه وسووى سكسوكه صغيرهه ورتب نفسه وضبط شعرهه وتغير مره مرهه صار كشخهه ورزهه اكثر من قبل
اما الشباب بس عدلوا شيء بسيط
الاب : خلصنا ؟
زياد : ايهه وش رايكك
الاب : اممما هذا انننا ؟
ياسر : ايهه لانك من زمانن م حطيت سكسوكه صرت جميل
الاب : لا جدد تغيرت تذكرت نفسسي قبلل
زياد : ماشاء الله تهبل الا يبه احمم انا لازم اقولك شيء بسيط
الاب : وش ؟
طبعا بعد م ركبوا السياره وياسر راح ياخذ البنات

زياد : امي بتنوم عند خالتي جواهر
الاب : ليه ؟
زياد : بتتودع منها وكذا وهذي رغبتها الله يعافيك لا ترفض تعرف امي لو رفضت والله م راح تروح
الاب : بسس !
زياد : يبهه لا تخاف بكره بتشوفهاا انتي م تبي سعادتها ؟ خلها مع اختها !
الاب تنهد : طيب طيب

وصدقق نامت نورة والبنات عند جواهر
وجواهر وحنان مرهه خقوا ع شكل نورةة واعجبهم تغير البنات ل شعورهمم ~
و الفجر رجعوا للقصر بس ما شافوا بعض
وف المطار
راما : توتت بابا وين ؟
تولين : غبيه نسيتي ان زياد معه وقاعد يبعده عن ماما !
راما : صح صح
تولين : مو كأن هذا نداءء طيارتنا ؟
راما : الا والله
وثم ركبوا الطيارهه و مره ف المقاعد الاخيرهه
الامم جنبها راما ع جهه اليمين وف الوسط ياسر وتولين ووحده جنب تولين
وف المقاعد الاولى زياد والاب
وكلها ساعهه او اقل وصلوا ولله الحمد ~
واخير وصلوا للفندقق
راما : ماما حبيبتي بقولك خبر انتي ما راح تشوفينا هذي السفره كلها بتكونين مع بابا وبتروحون مع بعض وبترجعون مع بعض كأنكم توكم متزوجين حتى ما راح نتقابل وهذي رغبه بابا واسفين تونا نقول لك
الام : ايشش ؟ ليه طيب!
تولين : بابا اشتاق لك شكله ههههههههههههههههههههههههه ههههههههههههههههههههههههه هه
الام : وجججعع
راما وتولين : ههههههههههههههههههههههههه هههههههههههههه
تولين : يالله ماما ادخلي بسرعهه قبل يجي
دخلت بعد م ودعتهم و ودعت عيالها
وفكت عبايتها الزبده ضبطت شكلها وكذا وطلع الوضع تممااام

زياد وياسر وراما وتولين ودعوا ابوهم وثم دخل وسكر الباب
العيال مع بعض : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههه

تولين : بيتفاجونن اذا شافوا اشكال بعض
راما : كل الشكر والفضل لنا
زياد : من ججدد
ياسر : اخ بس لو فيهه كاميرا تصور رده الفعل
تولين : من جد
راما : طيب يالله نمشي ولا ناوين تقعدون ف الممر
تولين : ايهه جد احس ابي انومم
ياسر: يالله نمشي
وراحوا العيالل ل فندقهم اول م دخلوا كلهم سبات عميقق

اما عند عبدالعزيز ف اول م دخل م لقاهاا
بس لما دخخل غرفهه النومم
كانت مثل النجمهه الساطعهه ~
بفستانهاا الابيض اللي تحت الركبهه بشويي
وشعرهاا المتناثر حولهاا
لفت عليه وبانت ملامحها الجميلهه والي يعشقها عبدالعزيز
ثواني وبانت الصدمهه بملامحها لتغيير عبدالعزيز

ضحكت وهي تحس انها توها متزوجهه ~

عبدالعزيز : وش الحلآوه هذي
نورة : م عليكك زود بس م كنت متخيله انكك بتحلق لحيتك !
عبدالعزيز : ولا انا م كنت متخيل انك بتصبغين شعرك وتتغيرين
نورة : حتى انت تغيرت ذكرتني ب عبدالعزيز قبل 10 سنوات
عبدالعزيز : ههههههههههههههههههه وانتي نورهه قبل 20 سنه
نورة : ههههههههههههههههههههه
سواليف خفيفهه ثم راحوا ينومون
من بكرهه الساعهه 9 الصبح
قامت راما وخذت شاور
وسوت لهاا حليب شكولاتهه و مسكت الكتابب و صارت تذاكر

دخل عليها زياد
زياد : زين قايمة
راما : ايه ؟
زياد : الله يعافيك سوي فطور جايعين
راما قامت وحطت الكتاب ع التسريحهه : طيب
راحت وسوت الفطور ل اخوانهاا
وكلوا وهي رجعت تذاكر وكانت تذاكر وتناظر مع الدريشهه

اتوقف هنا
توقعاتكم وش بيصير ف هذي الرحلهه ؟؟