[لامارا]

المقدمة"










ليش تركتني يوم عرفتك...ليش حياتي كذا
ليش كل شي حلوو يتدمر...بلحظة سريعة
مالي غير الصبر والاحتساب...يمكن يكفر عن ذنوبي












البارت الثامن عشر



















خالد سكت لثواني وبعدها تكلم:هديـــل...ابــوك مريض
هديل تغيرت ملامح وجهها بإندهاش:شلوون مريض وشفيــــــه!!!
خالد بغصة:مريــض...بالســـرطــان
هديل:وشوووووووووو!
خالد بنبرة كلها حزن:ايه... والحين هو بالمستشفى وبكرة بالصباح بنروح له
هديل اتجمعت الدموع بعيونها ونزلت الدموع وخالد ما اتحمل ضمها لصدره وهديل ما منعته كانت تبكي وصار وجهها احمر من البكاء خالد بهمس:هديل خلاص يكفي ما اتحمل اشوفك وانتي تبكي
هديل اغمضت عينييها بألم ومن ثم فتحتها وقالت بصوت متقطع من البكاء:خاالد.... ليييش ابوي..مريييض ليييش ما عرفته الا وهو مريييض ليييش تركني عند عايلة مو عايلتي لييييش
ومرت عليها الذاكرة يوم كانت صغيرة ويوم تركها ابوها وهي كانت تصرخ تناديه وخالد حضن هديل بقوة اكثر وانسدح بالسرير واخذ هديل لصدره وبعد ربع ساعة هدأت هديل ونامت وخالد ما نام كان سرحان وهو يراقب ملامح وجهها وبعدها بنص ساعة قام خالد وغطا هديل بالبطانية ورجع لمكانه بجانبها اخذها لصدره واغمض عيونه ونام...


















**















طلع احمد والمفتاح الشقتة طاح من جيبه وهو يمشي طاح قدام باب الشقة!!
وكان فيه واحد يدخن وشقته جنب شقة وئام وكان ماسك بإيده بنت ويسوي علاقات غير شرعية شاف المفتاح واخذه ودخل البنت الشقة وكان منتبه لاحمد وهو يطلع وحط المفتاح بمكان القفل وبدأ يفتح وانفتح الباب ودخل وشاف وحده جالسه عالكنبة تشوف التلفزيون ووقف شوي يناظر ملامح وجهها وبعدها طلع وقفل الباب وترك المفتاح بالارض بنفس مكانه ودخل لشقته

وئام حست بحركة الباب وانغلاقه التفتت وشافت الباب نفس وضعيته ما تغير شي وقفت وراحت للمطبخ واخذت لها كوب ماء ورجعت للصالة وهي حاسة بالخوف والرعب بإنه فيه احد فتح الباب(معقولة احمد يبي يخوفني لا لا احمد ما يسويها طيب مين اللي فتح الباب انا متأكدة فيه احد بس مييين مااادري اففف!! اكيد اني اتخيل ولا احمد مستحيل يسوي هالحركة)

اما الشاب(ااااه جمييلة هالبنت انا جايب راسها يعني جايبه) دخل شقته...

مشى احمد للعمارة وهو ماسك بإيده البيتزا بأكياس حط ايده الثانية بجيبه عقد حواجبه المفتاح مو موجود نظر للارض شاف المفتاح(اففف وش هالغباء اللي فيني )نزل واخذ المفتاح وفتح الشقة وشاف وئام تشوف التلفزيون التفتت عليه :هلا احمد واخيرا جبت البيتزا
احمد تقدم لها:معليش حبيبتي المطعم كان زحمة
وئام وقفت واخذت الاكل للطاولة وشافت علبة صغيرة ببسي ناظرت فيها واخذتها وانتبه احمد لحركتها واخذ الببسي منها:لا لا وئام مو صحي هالشراب وبالذات وانتي حامل
وئام:اففف احمد والله مشتهيته لي خمسة شهور ما شربته
احمد ابتسم:هههههه يصير خير لما تولدي اشربيه هذا لي انا
وئام:طيب وانا وش اشرب
احمد راح المطبخ وطلع عصير برتقال وحطه بالطاولة:انتي اشربي هذا
وئام:مااابي عفت نفسي منه ابي ببسي
احمد رجع العصير بالمطبخ واخذ عصير فروالة:طيب اخذي هذا
وئام:مع اني ما ودي اشربه بس خلااص بشربه
احمد مسك خدها بأصبعه:فديييت الشطووورة يا ناااس
وئام:حمووود انا مو بزرة
احمد:هههه الا بزرة ودلوووعه بعد هههههه
وئام:تعال بس اجلس ناكل البيتزا لا تبرد
احمد جلس عالكرسي والابتسامة لا تفارقه وهكذا وئام..^_^







**












اشرقت الشمس صباحا معلنة عن بدأ يوم جديد...وهو يوم الاثنين بلندن الساعة السادسة صباحا...
كانت تجهز الفطور بطاولة المطبخ...وفارس كان جالس بالكرسي الصغير حق الاطفال يناظر كل مكان ويتكلم بكلام مو مفهوم
وراحت رحاب للغرفة حصة:حصووص يلا قومي افطري يلا علشان ما تتأخري عالدوام
حصة قامت من الفراش:الساعة كم
رحاب:6ونص
حصة راحت للحمام اكرمكم الله وغسلت وجهها وتوضت وفرشت اسنانها وطلعت صلت الفجر ولبست بنطلون جينز ازرق غامق وبلوزة كاروهات طويلة باللونن الاحمر والابيض فوقها جاكيت بيج فاتح طويل ولبست شي مثل القبعة شبيه بالحجاب يغطي كل الشعر وحطت عند رقبتها الشال الاحمر وحطت مكياج خفيف ولبست الشوز الاسود وطلعت للمطبخ وجلست قريب من فارس:فروووس قلبوووو كيفك يا بسبس
رحاب جلست بالكرسي امامها:ههههه وش بسبس
حصة:كلمة من اختراعي ههههه
رحاب:الا على طاري اختراعك شكلك اليوم كثيير حلووو
حصة:تسلمي والله كلك ذوق
رحاب حطت لها كوب الشاهي
حصة شربت لقمة واخذت قطعه من الخبز واكلتها وقامت
رحاب:وين وين توك ما اكلتي شي
حصة:لا والله خلاص شبعت تسلميين والله على هالاكل بس تأخرت عالجامعة يلا مع السلامة
رحاب:اوكي الله يوفقك
طلعت حصة وفتحت رحاب الجريدة(ياارب الاقي وظيفة)
وشافت وظايف شااغرة كثيير وكانت تدور الانسب لها وشافت وظيفة سكرتيرة (ايه والله خليني اشتغل سكرتيرة والحلوو اني اشتغل عند بنت مو ولد اوووف ما عندي شهاادة..طيب خليني اروح واجرب يمكن يجيني حظ ويوافقوا...صح فارس مين بيهتم فيه...اممم جارتي سورية يمكن بتقدر تهتم فيه )لبست فارس وهس لبست بنطلون جينز اسود وبلوزة شتوية رمادية والجاكيت اسود ساادة ولبست نفس القبعه اللي لبستها حصة بس لونها ابيض وحطت شال لونه ابيض وشالت فارس وسجلت رقم الشركة بجوالها وراحت للجارة اللي جنب شقتها رنت الجرس بعد دقيقة فتحت لها وحده بالاربعين:اهلا رحاب كيفك
رحاب ابتسمت لها:الحمد الله تمام وانتي
...:والله منييحة تعي جواا
رحاب:والله ودي يا لمى بس الحين بروح بشوف لي شغل وابيك اذا ما عندك مانع تهتمي بالولد
لمى:لك تكرمي من عيووني بهتم فيه شوو اسم الصبي
رحاب:فارس...(اعطتها له)يلا عن اذنك راح ارجع لك اليوم بالظهر
لمى:اوك وايه عالغدا انتي معزومة لعندس ولا تقولي لا انا بزعل اذا رفضتي
رحاب: إن شاء الله
راحت رحاب بعد ما اعطت بوسة لفارس وطلعت واتصلت على الرقم بعد الترجمة....
...:مرحبا معكم شركة لينزا (إسم من اختراعي خخخخ)
رحاب:مرحبا لقد قرأت عنكم بالجريدة وأن لديكم وظيفة شاغرة هل أستطيع أن أحضر الى الشركة وأرى اذا بوسعكم أن تقبلوني أو لا
...:نعم تستطيعين ويمكنك أن تأتي الأن
رحاب:اعطيني العنوان من فضلك
...:............
رحاب:حسنا الأن قادمة بااي
اغلقت جوالها واتنهدت بخفة وأشرت للتاكسي ووقف وركبت
ووصلت للشركة ونزلت وشافت الشركة اغلب اللي يشتغلوا نساء وراحت للمكتب الاستقبال:لو سمحتي انا اتصلت للتو من اجل وظيفة ان اكون سكرتيرة أين مكتب المديرة
....:تذهبين الى فوق بالدور الاول ستجدين غرفة يمينا هي غرفة المديرة
رحاب:اوك شكرا
صعدت بالاصنصير لفوق ودقت الباب بعد ما سمعت كلمة:تفضل
دخلت وشافت المديرة حاطة رجل على رجل تقدمت لها
رحاب:مرحبا انا اسمي رحاب واريد أن أعمل بالشركة هذه بوظيفة السكرتيرة
....:حسنا اجلسي من فضلك
جلست رحاب
...:هل لديك شهادة تعليم او شيء من ذلك
رحاب:لا مع الاسف لكني اعرف هذه الوظيفة جيدا ولغتي الانجليزية جدا قوية
...:لماذا انتي لستي من بيريطانيا؟
رحاب انحرجت وبعدها قالت:لا انا من السعودية
..قالت..بإبنبهار:واااوو انا اتعامل مع شركة من السعودية واحتاج موظفة سعوودية هذا شيء رائع جدا
رحاب:فعلاا وماذا استطيع أن أعمل
...:اريدك أن تكوني مساعدتي مثلا اذا ذهبت الى السعودية اريدك أن تطلعيني على الاماكن وهكذا اشياء اظن انك فهمتي ماذا اقصد
رحاب:نعم نعم فهمت حسن انا موافقة وماذا اعمل الان
....:اعطيني معلومات عنك
رحاب:انا اسمي رحاب وعمري 19 و درست الثانوية فقط
...:اممم انتي بالفعل صغيرة لكن لا بأس المهم ان تكوني كبيرة بعقلك لا بعمرك
رحاب:نعم كلامك صحيح
...:انا اسمي سوزي والان خذي هذه الورقة واكتبي معلوماتك وبعدها ستوقعين هنا وستعملين عندي مساعدتي
رحاب:حسنا










**









بالرياض ... الساعة 8 صباحا
استيقظت هديل وفتحت جوالها وشافت الساعة 8 بالضبط حست نفسها مرهقة وتعبانة وراسها يعورها قامت وشافت خالد بالصالة سرحان دخلت للحمام اكرمكم الله غسلت وجهها وفرشت اسنانها وتوضت وطلعت وراحت صلت الفجر ولبست أي شي قدامها موجود بالدولاب بنطلون جينز وتيشرت احمر وربطت شعرها ذيل بشكل عشوائي ولبست العباية واخذت شنطتها شانيل السوداء وطلعت لعند خالد بصوت كله تعب:خالد وديني عند ابوي
خالد التفت لها شافها متجهزة وهو اصلا كان متجهز احتياط كان عارف انها بتسوي كذا:اوك انا جاهز يلا مشينا
طلعوا لبرا وركبت السيارة جنبه
خالد:هديل نروح لكوفي قبل ما نروح للمستشفى لازم تاكلي
هديل:خالد تكفى وديني للمستشفى مابي اكل شي مالي نفس لشي
خالد:طيب براحتك
وصلوا للمستشفى ونزلوا ووصلوا للغرفة حاتم وكان حاتم ثابت بمكانه كعادته التفت وشاف وحده بالعباية بجانبها خالد عرف انها هديل (والله كبرتي يا هديل كل شي فييك تغير ما عدا عيونك نفس عيونك الواسعة العسلية )
تقدمت له هديل وجلست بكرسي بجانبه ومسكت يده:يبا لا تخاف انا معك اكيد بتتحسن اكيييد
خالد كان يتألم من داخله على شكل هديل وعلى آملها اللي مستحيل يتحقق
حاتم:بنتي ساامحيني انا والله ما سويت كذا الا لمصلحتك تزوجت وعندي بنت اسمها الجوري توها صغيرة عمرها 7 سنين تكفيين هديل ابيك تربيها ابيك تحسسينها بأنك أختها وتهتمي فيها...امك توفت بحادث الله يرحمها وانا حالتي المادية كانت جدا صعبة وسعد هو اللي سوا الحادث...ما كان يقصد بس رغم كذا الا انه طلب مني السماح وانا قلت له....اخذ بنتي وربيها واعتبرها من بناتك...وافق من دون تردد
هديل بدأ شهقاتها بالتعالي ودموعها بالنزول مع كل حرف يقوله حاتم
حاتم اكمل:وبعدها صار اللي صار تربيتي عنده والحمد الله زوجك واحد من اولاده و كح كككحححح كححح
هديل وقفت :يبااااا لا لا لا ترووووح يباااااا
قام خالد وطلع وصرخ على الممرضات والداكتره
وحاتم كان يكح بطريقة مو طبيعية لانه السرطان اللي فيه سرطان الرئة
و.....



**


بشقة أسماء وفهد الساعة 12 الظهر

كانت جالسة تطبخ كالعادة وفهد صاير يروح سبعه الصباح ويرجع الساعه ستة المغرب ما كانت اسماء تدري عنه ولا تبي تعرف عنه شي
فجأة رن الجرس خافت مين يكون يدق الجرس فهد ما يرجع الحين راحت غسلت يدها وراحت تشوف مين داق اول ما فتحت كان فيه واحد لابس اسود ومتلثم حط المنديل بفمها وشالها واخذها معه..........









*
*
*
*
*
وانتهى البارت
توقعاتكم.... ادري انه قصير واحداثه قليلة بس البارت الللي بعده بنوضح اشياء كثييرة واتمنى اعجبكم...